سـألتكـ ؟

سألتكـ بي نجوم الليل


وبي كُل دمعة سالت ويل


سألتكـ بي سنين الكون


وبي كُل لوحة ضجّت لون


سألتكـ ولسه بسأل فيكـ


وبسأل عن مرافئ البال


سألتكـ عن حكايتي معاكـ


وعن سر الهوى المكتوم


وعن أشواق تعاني جفاء


وعن أوهام تعشعش خوف


متين العين تلاقيكـ جد


وتغمض من سراب الشوف ؟

سألتكـ بي شفافة الروح


وبي كُل آهة تطلع نوح


سألتكـ بي خطاوي السوح


وبي كُل قطرة تعني جروح


سألتكـ ونجمي راحل ليكـ


شُعاع لحظكـ بهدي حنان ؟


سألتكـ وبرضي بسأل فيكـ ...


بحور عشقكـ بتدي أمان ؟

سألتكـ يا نبض قلبي

وسألتكـ يا قدر عُمري


بسأل فيكـ من الغُربة


بعدما شلتي كُل صبري


بسأل فيكـ من الأعماق


ومن أنفاق كهوف فكري


بسأل فيكـ ومستني


مدامعكـ تروي أشواقي


بسأل فيكـ ومُترجي


عيونكـ تبقى لي وطني


بسأل فيكـ ومُتأكد


منابع دمّكـ الإنسان


بسأل فيكـ ومتيقن


مسارب روحكـ الإيمان