هيهات

أخرج قصي مجدي سليم الهواء الساخن الذي يعتمل
في صدره .. فلم تطق إدارة سودان فور أوول صبرا.

جاء في البوست المحذوف التالي:

قال سيدي صاحب الحكم (من لم يأتِ لله بالإحسان.. سيق اليه بسلاسل الإمتحان)

لم أرَ، ولم أسمع كذلك، بشخص قليل الحظ من الإحساس، أكمه العقل، ضعيف المنطق، مثل السيد (الطيب مصطفى) صاحب الإنتباهة. ولعله من سخريات الأقدار أن يكون اسم صحيفته "الإنتباهة" وهو يعيش في غفلة مطبقة مثله كمثل الذي قيل لنا أنه من الأخسرين أعمالا، ضلَّ سعيه في الفانية، ومن عمق ضلاله وسواد ليلته ظن أنه يحسن صنعا!! وهيهات.. فما (الكَحل) (الكُحل).
وإن كان صاحبنا (الطيب مصطفى) في الدرك الأسفل من سوء الخطاب وسوء التخريج وقلة الذوق والحس وكثرة الطغيان والتكبر والبغي والتناقض بين مسمى صحيفته وفعله، فإني أزعم أن صاحبنا حسن موسى يقل عنه قليلا(لا) كثيرا. لنبدأ من حيث إنتهى هو:
اقتباس:
و بعد كدة العاجبو الحال يقعد معانا و الماعاجبو يمشي يبني ليهو مركب توافق أولوياتو ، و الله ما شق حنكا ضيعو. ولا شنو يا قصي؟و أنا بخصّك بالسؤال يا قصي عشان إنت زمان قمت كتبت لينا نوع كلام غميس، في أسلوب إدارة المنبر، ما وقع لينا، و بعدين مشيت اختفيت "و كنا زمن نفتش ليك و جيتنا الليلة كايسنا".

والإيحاء الذي يرد لذهن القارئ من هذه (الفجاجة) و (السماجة) وقلة (الإحساس) أني قد كتبت رأيا لم تحفل به الإدارة فذهبت مغاضباً، ولقد بحثت الإدارة عن إبنها العاق زمناً ثم تركته (لعودة الإبن الضال) الذي ما وجد له وطناً يأويه فعاد كسيرا محسورا.. والحق أن السيد (حسن موسى) لو كلف نفسه "حقاً" عناء السؤال عني لعرف لماذا غبت، وبالتالي لعرف كيف إبت!! ولعلم أن لي ظروفاً تخصني حرمتني من كل (المنابر) العامة ردحاً من الزمن ولا أريد الإسهاب أو التفصيل.
نأتي لقصة (الفجاجة) وهي لا تمس "قصي" وحده بل طالت كثيرين تحملوها بصبر في أحايين كثيرة وفي أخرى لم يقدروا ومنهم من قضى نحبه "حنقا" ومنهم من ينتظر، ومنهم من بدل تبديلا وسنأتي لتفصيلهم في حينهم.. نرجع (للفجاجة).. يظن السيد (حسن) أنه وبإطلاق عبارات من شاكلة (الما عاجبو يمشي) و(الله ما شق حنكا ضيعو) الخ.. مقروءة مع (ولا شنو يا قصي) والتي يمكن أن أضيف لها صورة (كاريكاتورية) للسيد (حسن) وهو يرفع حاجبيه إتعادا وسخرية بل قل وإستخفافا أيضا مع نبرة التهديد المكتوبة التي هي مثل كلب سوسير(لا تنبح) (ولا شنو يا حسن)؟.. يظن السيد (حسن) أنه قد جعلني في مقامين إما أن أرضى عن طرائقه المتفننة في وضع خصومه على السفود، وإما أن أذهب مغاضبا فيلتقمني حوت أمنياته في بحر خواطره.. ولكن هيهات هيهات يا(حسن) .. مرة أخرى.. (ما الكحل الكحل) أو قل (مش كل الطير يتاكل لحمه)... وفي حقيقة الأمر لو أن مر هذا المنبر من الموقوفات على تبريكاتك لما شرفني أن أنتمي اليه ولتركته فورا بشاكلة كلامك أعلاه.. ولكني كما كتبت هنا مرات ومرات فإن (بولا) و (نجاة) شخصين عزيزين على قلبي أحترمهما وأقدرهما أيما تقدير، وإن كنت أختلف مع (نجاة) في كثير من الأمور ومع بولا في كثير من القضايا الا أنه وبلا شك لا يقارب (جلافتك) من قريب أو من بعيد.. هذا في شأن المغاضبة وأضيف عليها (حالة المغاضبة التي تتمناها تلك) أن بهذا المنبر رجال ونساء أقدر عقولهم ورجاحتها وأحترم أفكارهم -بل وفي حال البعض منهم- أعتنقها ولهذا أيضا فإني لم أمتلك مثل (جلافتك) لكي أظن أن الحق معي فقط وأنه لا توجد وجاهة في أحاديث الآخرين ومواقفهم. هذه أيضا في شأن حالة المغاضبة. وفي الشأن الآخر فإني ومن زمنٍ طويل عزفت عن الكتابة لك أو القراءة إلا في حال توجيهك الكلام الي مباشرة، بل أظنك ما كتبت مكتوبا الا وأتبعته شيطان (جلافتك) فخرج كشأن الفلاسفة في ظن الغزالي. وما مداخلتي الآن الا لأنها مقروءة مع قرار (ادارة المنبر) والتي (وللأسف) تضمك بين حناياها وصداقاتها الطويلة وصح قول أهلنا في مثلهم غير السري(البطن بطراااااااانة) وأضيف أنا من عندي (والصداقة خشم بيوت) وكم من صديق جرّ على صديقه من المشاكل والحسرات وانشأ له من العداوات ما لا يطيق. ورغم هذا فإني لكي أكتب هذا الخيط رجعت الى كتابات لك كثيرة هنا وقرأتها مرة أخرى عسى أن تصحح عقيدتنا فنعود عن سابق فعلنا، ولكن، وللأسف الشدييد، فإن ظني قد صح ووجدتك مفترعا للمشاجر أينما حللت وكيفما اتفق!! ووجدت (جلافتك) في أشكال وألوان تطغى على الوصف وتأبى على القيد.
من سيئات السيد الطيب مصطفى أنه دوما يبتر أقوال الآخرين ويضعها في "سياق" مخل ويبني عليها تخريجات عمياء.. خصلة أخرى تشاركها إياه ولكنك قد زدت عليها بأن أظهرتني في موقف معاكس لموقفي تماما.. كتب السيد حسن موسى:
اقتباس:
و كلامك لو نسيتو ياهو قدامك:
"فيما يخصني انا شخصيا فلن أعارض أبدا وجود محمد حامد جمعة معي في هذا المنبر. لن أعارض وجود علي عثمان و لا عمر البشير و لا الترابي و لا نافع علي نافع و لا غازي و لا صلاح قوش و لا هتلر و لا موسيليني و لا ستالين و لا لينين و لا ماو و لا إبليس نفسه لأنني فقط أعلم أن القوانين قد وضعت لأن البشر سيخرقوها آجلا أم عاجلا..".."عليه فقد أخطئ غدا أو بعد غد ، و قد ألقى العقاب على ذلك لكن لن يكون أحد مستفيدا من عزلي خارج المجتمع"

ثم أتبع السيد (حسن) قوله ذاك بأن قال:
اقتباس:
أها يا قصي أنحنا ما عاملين منبر الحوار الديموقراطي ، و تعبانين فيهو قدر التعب دا، عشان الناس البصادروا الديموقراطية يجوا يلعبوا معانا " حوار حوار"،و لو كان عندنا سلطة كنا عزلناهم برة المجتمع لأنهم مضرين بقضية الديموقراطية، لكن اليد، يدنا، قصيرة ، و عشان كدة الزول البخالف قوانين منبرنا دا بنعزله من المنبر بس، و للمجتمع رب يحميه.و لو جاي تلخبط علينا نظامنا نقوم عليك نعزلك برة منبر الحوار الديموقراطي و أمشي للمجتمع فتش فيهو ناس نافع و علي عثمان و البشير أعمل معاهم منبر حوار إسلاماني و كل شي في الحيا جايز.

دعكم من (الجلافة) التي قلتها لكم مرارا دعكم منها بالله وسنأتي لها في وقت لاحق، ولكن تعالوا لتقرأوا مداخلتي التي إجتزأ منها ما اجتزأ وخرّج منها جلافته:
اقتباس:
العزيز الفاضل أنور
تحياتي وودي
بسؤالك هذا ، وبكلامك هذا، فتحت أمامي بابا كنت متحرجا من فتحه طوال ايام افتتاح هذا المنبر (الديمقراطي) حقا..
لقد كان ما يدور في ذهني من فترة طويلة جدا (ولقد تبادلت الحديث فيه مع الاستاذة نجاة عن طريق الايميل) هو الآتي:
هل هذا المنبر هو عبارة عن تعبير (أيجابي) عن حالة الغضب من حالة المنابر السودانية الأخرى؟؟ وما هو عيب تلك المنابر بالتحديد؟؟ وما الغرض من هذا المنبر؟
يبدو أن هذه الاسئلة سهلة جدا ويمكننا الرد عليها بسهولة...
فالغرض من هذا المنبر واضح وأهدافه واضحة ، وغاياته هي أيضا واضحة جدا ولا تحتاج من المرء أكثر من المرور على أفوافه ليدرك كم من جميل ومفيد في هذا الموقع .. إنه بحق (يتوبيا).. (حتى الآن) .. إنه بحق مكان مليئ بالمقالات المفيدة والمناقشات الهادئة (حتى الآن).. إنه بحق يشهد إنصهارا بين أعضائه (وإنتقائية) صارمة في قبولهم (حتى الآن) .. إنه بحق (يتوبيا).. يتوبيا تحمل في داخلها عيوب (اليوتوبيا) في موطن يعج (ب ال لا يوتوبيين).. وهذا هو عيب المنبر.. جميعا نحذر الخطأ حتى لا نكرر مأساة المنابر الأخرى، جميعنا ينتظر كمحكوم عليهم نالوا فترة إطلاق سراح مشروط فهم ينتظرون بفارق الصبر أن تنتهي تلك الفترة ويعودوا الى ديارهم أحرارا فلا يقتربون من هذا ولا يمسون ذاك لأن كل شئ جميل (ومكتمل).
وفي حمى الكمال هذه نسينا شيئا مهما جدا .. نسينا أننا بشر.. ومن المفترض أن نخطئ... نحن خلقنا لنرتكب الأخطاء.. خلقنا لا لنكون (مكتملين) بل خطأة.. يتعلمون من أخطائهم.. ولن يتاح لنا أن نخطئ إذا لم ننل فضيلة (التجربة) ولن ننال تلك الفضيلة إذا لم نمتلك الشجاعة على الإقدام (والتجريب).. ولن نمتلك تلك الشجاعة الا إذا قهرنا خوفنا.. ولن نقهر خوفنا الا اذا صار القانون نابعا منا وصرنا فوق القانون(لا عن طريق إنتهاكه) بل عن طريق التمثل بقيمه والوصول الى غاياته..
لقد كنت معارضا وبشدة (إنسحاب الدكتور بولا والاستاذة نجاة من المنبر الحر) ولقد راسلت الاستاذة نجاة في هذا كثيرا وكنت أرى (ولا زلت) أن سودانيزاونلاين وبكل ما فيه من خير وشر هو ، وللأسف الشديد، صورة مصغرة عن سودانكم الآن..
فاذا هربنا من السودان (الجغرافيا) صار هينا علينا أن نهرب من السودان (البورد)..
وهذا طبيعي ولكنه مؤلم..لا احد يحب أن يتواجد في مكان واحد مع إرهابي أو وقح أو قليل الأدب، أو مهرج سفسطائي، أو متبجح وقح، أو مغرور متكبر، أو باطش وظالم، أو أو أو ، لا أحد يحب هذا ولا أحد يريده ولكنه مع كل هذا فهو موجود .. هنا .. الآن .. معي في هذه الغرفة الضيقة ، وفي مقهى النترنت وفي هذا الشارع وقرب الجامعة وداخلها وخارجها وفي القاعات والأسواق والمستشفيات والمصانع والمعمل والافران والمركبات العامة.. هنا معي أين ما كنت وأين ما حللت .. فكيف أتعامل معه ..؟؟ هل أتركه وأذهب؟ هل أتظاهر بأنه غير موجود وأدفن رأسي في الرمل؟ هل أصرخ ؟؟ هل أجن ؟ هل هل هل هل؟؟ ماذا أفعل ...
أعتقد أنني لن أفعل شئ أكثر من الذي أفعله الآن... أن أجلس .. وأتكلم.. وأقل ما اشاء.. وإذا أراد حواري ، حاورته، أراد جدالي ، جادلته، أراد قتلي، قاومته.. ولكني لن أموت دون أن أقول لنفسي (على الأقل .. لقد حاولت)....
من ذا الذي نخدعه هنا.. نحن ؟؟ لا نحن جميعا نعرف أن هذا البورد وبعد أن يكتمل العدد اللازم سيصير مثل تلك (ال إليانز)التي حضرت عنها حتى الان (أربعة أفلام) قتلت خلالهما (البطلة) التي أعادوها للحياة لتجد نفسها قد حبلت بال (إليانز) داخلها ووضعته للدنيا من جديد..
فيما يخصني أنا شخصيا فلن أعارض أبدا وجود (محمد حامد جمعة) معي في هذا المنبر.. لن أعارض وجود على عثمان محمد ولا عمر البشير ولا الترابي ولا نافع علي نافع ولا غازي ولا صلاح قوش ولا هتلر ولا موسليني ولا ستالين ولا لينين ولا ماو ولا ابليس نفسه.. لأنني فقط أعلم أن القوانين قد وضعت لأن البشر (سيخرقوها).. آجلا .. أم عاجلا.. وفي نظري (الشخصي) أن خارق القانون هو خارق القانون.. سواء أن كان هذا القانون مدني أو جنائي ، سواء أن كانت عقوبته السجن أو القتل، سواء أن صارما أو مخففا.. خرق القانون هو خرق القانون يستوي عندي في هذا من (تهرب من الضرائب، ومن سرق قرشا) هذا مع تجريد الدوافع..
عليه فقد أخطئ غدا أو بعد غد .. وقد ألقى العقاب على ذلك .. ولكن لن يكون أحدا مستفيد من (عزلي) خارج المجتمع.. فالنظر الى العقوبة لا بد أن يتم على اساس انها وسيلة لا غاية .. وسيلة لإعادة التأهيل لا للردع فقط.. ونحن نمتلك من الوسائل الكافية لكي نتعامل مع أي شخص (فلماذا نعزله)..
إن هذا الخوف ينعكس الآن على هذا المنبر.. وقريبا جدا سيصير الأمر هيستيريا الى ابعد حد ، تماما كما يحدث في سودانيزاونلاين و أفلام الفريد هتشكوك..
لم أكن أريد قول ما قلت الآن لكي لا أبدو (محبِطا) لآمال الغير، ولكني رأيت بعد ما كتبه الاخ أنور أنه ليس من الحكمة أن لا نناقش هذا الأمر ، وأن ندعه يمر مر الكرام .. فنحن هكذا نزد على أخطاءنا أقدم خطأ في التاريخ وهو:
(التقليل من قدرات الخصم)
فما هو خصمنا الان؟؟ وما هي قدراته بالتحديد..؟؟
هذا هو السؤال.

آسف جدا للإقتباس الطويييل ولكن لا بد منه لتوضيح الحقائق التالية:

ما كتبته -كما هو واضح- لا يدعو من ذكرت لمنبر الحوار الديموقراطي، ولا كرامة، ولكنها رغبتي الخاصة التي كنت أعلم أنها لن تتحقق لشروط وقوانين "أصحاب المنبر" والذين كنا نأمل ومن مبدأ الديمقراطية نفسها أن يناقشونا بصورة هادئة في اراءنا فإن كانت خطأ وتبين لنا ذلك تبنا عنها لوجه الله تعالى وإن كانت صوابا تبعونا في ما نقول، ولكن بدلا عن ذلك أخرجت لنا الأرض أثقالها "بجلافة" مثل التي رأيتم أعلاه، وبكتابة تخلو من أي حس إنساني صبرنا عليها سنينا بقدر الإقتباس المزعوم بل أكثر. وفي حقيقة الأمر إن كان السيد (حسن) يرفض من ذكرت في المنبر لأنهم (ديكتاتوريون) فعليه منذ الآن أن يقف أمام المرآة فترة أطول عله يكتشف ما بوجهه من سمات "شمولية" و "ديكتاتورية" فيستحي منها ويترك المنبر أيضا!!!
ما قلته اشتمل على:
اقتباس:
لقد كان ما يدور في ذهني من فترة طويلة جدا (ولقد تبادلت الحديث فيه مع الاستاذة نجاة عن طريق الايميل) هو الآتي:
هل هذا المنبر هو عبارة عن تعبير (أيجابي) عن حالة الغضب من حالة المنابر السودانية الأخرى؟؟ وما هو عيب تلك المنابر بالتحديد؟؟ وما الغرض من هذا المنبر؟
يبدو أن هذه الاسئلة سهلة جدا ويمكننا الرد عليها بسهولة...

وأنا لم أقل بأن رأيي نهائي وإطلاقي.. بل قلت أن الأمر يدور بذهني -ولا زال- ولقد تبادلت حديثا مع (نجاة) عن طريق الإيميل أي أنني كنت مبادرا لطرح أفكاري ولمناقشتها والإستفادة مما يطرح لي من اراء.. فهل تراني كنت مستمعا لك أنت و (جلافتك) تلك ولو أنك قد أنزلت لي (نيو قرآن)!! ناهيك أن تأتي بمثل هذا التهافت:
اقتباس:
أها يا قصي أنحنا ما عاملين منبر الحوار الديموقراطي ، و تعبانين فيهو قدر التعب دا، عشان الناس البصادروا الديموقراطية يجوا يلعبوا معانا " حوار حوار"،و لو كان عندنا سلطة كنا عزلناهم برة المجتمع لأنهم مضرين بقضية الديموقراطية، لكن اليد، يدنا، قصيرة ، و عشان كدة الزول البخالف قوانين منبرنا دا بنعزله من المنبر بس،

وما يأتي في ذهن أي شخص عادي: مع من سيتحاور منبر الحوار الديمقراطي، مع الديموقراطيين؟!! في ماذا؟!! في مشاكل الديموقراطية؟!! وعندما يصلوا الى محصلة، سيتوقفوا عن النقاش؟! تالله إن هذا لمنطق أعوج، لأن أبسط قاعدة في الحوار هي أن تكون بين المختلفين لا المتفقين، وثاني قاعدة هي أن الرأي يحتمل الخطأ ويحتمل الصواب، وثالث قاعدة أنك لا تحاكم الناس قبل أن يقولوا أو يفعلوا، أنت تعطيهم فرصة(دائما) لتمتحن خياراتهم المدعاة، مثلما أننا أعطينا السيد حسن فرصة تلو الأخرى فكان ديدنه ولا زال السقوط المتكرر في إمتحان الديموقراطية نفسها ناهيك عن "الاسلوب" وما شابه من منمقات الحوار التي لا نحلم أن يتمثلها.
الحق أن هذه النقطة قد تكون مصدر خلاف بيني وبين صديقي (حسبو) نفسه وقد نتعارك حولها سنينا طويلة ولكن لن يصل حوارنا ابداً لأن نتبادل "الجلافة" مع بعضنا البعض.. فكثيرة هي اختلافاتنا هنا ويمكن مراجعتها، ولكنها ورغم جذريتها ما أفسدت لودنا قضية. الأكثر من هذا فإني ما كنت داعيا في يوم من الأيام للتهاون مع من يخرقون (قوانين المنبر) بل إن القانون وسلطته كانا على الدوام محط إهتمامي ودعوتي.
ومما جاء في أقوالي:
اقتباس:
وفي حمى الكمال هذه نسينا شيئا مهما جدا .. نسينا أننا بشر.. ومن المفترض أن نخطئ... نحن خلقنا لنرتكب الأخطاء. خلقنا لا لنكون (مكتملين) بل خطأة.. يتعلمون من أخطائهم.. ولن يتاح لنا أن نخطئ إذا لم ننل فضيلة (التجربة) ولن ننال تلك الفضيلة إذا لم نمتلك الشجاعة على الإقدام (والتجريب).. ولن نمتلك تلك الشجاعة الا إذا قهرنا خوفنا.. ولن نقهر خوفنا الا اذا صار القانون نابعا منا وصرنا فوق القانون(لا عن طريق إنتهاكه) بل عن طريق التمثل بقيمه والوصول الى غاياته

ولكن يبدو أن ما قاله "ملاسي" في سودانيز اونلاين قد صحّ!! أو كما قال ناقلا انطباعه عن ندوة السيد حسن بالسودان:
اقتباس:
وجدته مثلنا يأكل الطعام ويمشي في الأسواق

نعم.. يأكل الطعام ويمشي في الأسواق كحال "فرعون" الذي غرته دنياه فظن أنه إله لا يخطئ أبدا، بل أمِنَ المستقبل الذي يدخر من صنع (المادة) أو من صنع (الروح) (على حسب القارئ) كثيرا من المفاجأت لأمثاله كمثل الذي إنسلخ عن الآيات البينات، أو كمثل الثوري الذي يغادر قضاياه وينفصل عنها فيهوي الى القاع.
لم أحاجج في يوم من الأيام السيد (الطيب مصطفى) ولكن أستاذنا القراي قد فعل، ومما لحظته في مراجعات الطيب مصطفى أنه يطفف العميق ويعمق الطفيف.. وهكذا يفعل السيد (حسن موسى) فما هو معلوم أنه ما من أحد ممن ذكرت سيقدم طلبا للمنبر ولكن المنبر (وبطبيعة حاله الآن) به من هم (غير ديموقراطيين) ومن إرتكب في حق هذا الشعب جرائما (حسب مفهوم البعض عنهم) ومن كانوا حتى الأمس القريب ينتمون (للجبهة الإسلامية).. وانا لا أنكر صداقتي بهم، وهذا يتسق مع قولي السابق ولكنه لا يتسق مع موقف السيد (حسن نصرالله موسى) ورؤيته لما أسماه (منبره) الديموقراطي!! ولم أقدم في حياتي طلبا لهذا المنبر كي يستقبل أحدا من شاكلة من ذكرت، وإنما هي قضايا عامة طرحت للنقاش كما اسلفت فأخذ السيد (نصر الله) يهولها ويلهب في وقودها حتى يظهرنا بموقف المتخاذل المتهاون.. وهيهات فما (الكحل الكحل).. فعندما كان السيد حسن يجول في بلاد الفرنجة، كنا نحن (احباء البشير ونافع) نتلقى الضربات واللكمات في مكاتب الأمن، وتكوى أيدينا بأعقاب السجائر، وما خرجنا عن سوداننا الا في العام1999م وعدنا اليه في العام 2003م فلا يتاجرن أحدا بموقفه الديموقراطي علينا فنجهل فوق جهل الجاهلينا.

ثم.. موضوع الوزة، ومحسن خالد:
من عادة السيد (الطيب مصطفى) كلما حاوره محاور و(عصره) في نقطة أن يهرب منها الى خيالات متوهمة، وإلى قضايا أخرى.. هكذا يفعل السيد (حسن مصطفى) أيضاً.. ففي مداخلته الآخيرة قال بأنه قد تعجب مما قصصت وإقتبست..ولم يفهم حينها أي شيء فعلت أنا لعله من مدارس (اللاعقل) التي يحتاج الفالح نفسه لدليل كي يدخلها فاهما.. وصدق سيدي العارف بالله "العبيد ودبدر" حين قال:
(الما بفهم بالتلاويح، لا بريح لا بستريح).. ولم يرحنا السيد (الطيب موسى) عندما إنتقلنا من التلميح والتلاويح الى التصريح حتى لا نُخلّط على السيد (النور الاحمر) ولا يشملنا في إصابته لأقوام فيصبح من النادمين، حينها زعم السيد حسن بأنه قد فهم، ولكن زعم الفرزدق قد كان أصدق، فأخرج لنا من الأقوال ما تعجبنا له من حكمة الله الذي قال في قدس أحاديثه أن له في خلقه أمور وشؤون!!
قال السيد حسن:
اقتباس:
و فهمت إنك معترض على شطبنا لبوست محسن خالد و فصله عقب المنازعة بسبب ما يسمى بـ " بحث " "الأمثال السرية".


عجبي، براااك كده فهمتها ولا في زول ساعدك!!

ويقول أيضاً:
اقتباس:
و هي نفس الحجة التي حفزت كل من محمد حسبه وابوبكر و محمد عثمان على الإحتجاج لدى النور بحجة "الخيار و الفقوس" البائسة، على زعم أن " المفردة" " المجرمة الواردة في نص النور هي نفسها التي جابت أجل " المرحوم" محسن خالد.


عظيم.. ماشي كويس والله..أها وماذا بعد؟!
اقتباس:
و أنا أقول " الإحتجاج لدى النور" لأن العبارة المجرمةى إياها وردت قبل إبتدار النور لخيطه في خيطي المعنون " ناس الخرطوم"،[ سيرة الآتي] يوم 26 يناير، و مافي زول قال بغم، رغم أن الزميل محمد حسبه عتـّب و علّق على إحدى مداخلات الخيط يوم 30 يناير و لم ير طيز الوزة المفتوح على مصراعيه، و معه حق فقد كانت أولويته في حينها التطاول على محمد إبراهيم نقد [ سأعود لهذا " الوَسَخ" في موضعه يا محمد حسبه]. ثم نزلت عبارة " طيز الوزة" مرة أخرى ، يوم 2 فبراير، في خيطي المعنون " مكاتيب النور أحمر علي" و نزل معها كامل النص بما فيه " حديث الطاء" التي هي "طوفان الكلام الفسل" و" طمث ما بعد المئة" و " وسط الوطء و آخر اللواط" و "عنوان الطائر" و " فاتحة الطوائف". و هنا أيضا لم يهتم بها أحد، و كان علينا الإنتظار حتى فتح الله على محمد عثماننا ذلك الفتح المبين في يوم 11فبرايرفهرول يذكّرالنور أن هناك " مفردات" تجيب الأجل، و من الأفضل تجنبها لو أراد البقاء في هذا المنبر.و بعد أن فتح محمد عثمان البكاء، أخرج محمد حسبه جثة الشهيد المنسية من تلافيف الإسفير و تكأكأ علينا وجهاء البرونيتاريا المتباكين على روح سيد شهداء سودان فورأول، الـ"باحث" محسن خالد، حياه الغمام، و أدخله فسيح جناته و نعّمه بأنهار البيرة النضيفة و بالجكس العين.

هائل.. لقد أوضحت فأبنت. شكرا لك.
بالله عليكم هل يوجد مثل هذا الفرار الا عند السيد (الطيب مصطفى)!! دعكم من الجلافة ودعكم من عبارة (الوسخ) وركزوا معي في محاولة "إستهبال وإستعباط" الناس التي يحاول السيد (حسن) جاهدا أن ينتهجها في أسلوبه.. إذا كانت المقارنة التي أقامها الناس هنا بين الكلمة التي وردت عند (النور) وبين (محسن) كما فهمت أنت وأن الناس قد زعموا أن هناك خيار وفقوس كما قلت.. فهل كل مبرراتك لهذا الخيار والفقوس (أن الكلمة قد وردت عندك أولاً) (سبحانك ما أعظم شأنك) حيث تصير أنت المرجعية لسلامة الكلمة وقبولها، وحين تصير أنت المرجعية (للسنسرة) ولمعرفة ما هو داخل بنية النص وما هو دخيل عليها. ثم يا لك من (طيبي) حين تحرف في الحقائق التي لا زالت (جدييييدة بنات عمها ما سمعو بيها) فتقول أن محمد حسبو أخرج جثة محسن بعد أن فتح محمد عثمان البكاء!! سألتك بالله !!
لقد تدخل محمد حسبو بعد مداخلتك أنت البائسة والتي حاولت فيها أن تلوي عنق الحقيقة فمداخلة حسبو تبعد عن مداخلة محمد عثمان بعد حرفي (الزاي والراء) في الكيبورد كما يقول أهل (سودانيز أونلاين)، ومداخلة حسبو الأولى -كما تؤكدها مداخلته الثانية- لا شأن لها بمحمد عثمان من قريب أو بعيد، بل هي رد مباشر على كلام (فطير) أوردته أنت..
أما قولك بأني قلت ما قلت دفاعا عن محسن فلا، ولا كرامة، بل قلت ما قلت دفاعا عن الحقيقة التي لويتها، وغضبا من التهافت الذي نثرته لنا عن ال(نيات سريات):
اقتباس:
و أهلنا قالوا إنما الأعمال، أعمال الكتابة، بالنيات و ليس بالمفردات ، و لكل كاتب ما انتوى. و قد فرزنا لمحسن خالد عيشته فذهب بأمثاله و نيّاته السريات إلى حيث يُحتفى به و الحمد لله الذي لا يحمد على مكروه سواه

هذا ما كتبته بيديك (البياكلها الدود)، وهذا ما سقته من مبرر لكتابة النور تستوجب البقاء ولكتابة محسن التي تستوجب الفناء.. فهل هذا مبرر "ديموقراطي" أم "ثيوقراطي" وأي نيات في (الماديات) والديموقراطيات والقانونيات، وماذا تركت لصديقك (الطيب مصطفى) من قول!! أظنه يقول (أحمل كلام صاحبك على ألف وجه فإذا لم تجد له مخرجا قل لعل له وجها لا أعرفه). إن الحديث عن (نيات الكتابة) بصورتك تلك لا ينم الا عن "حالة تماهي إلهي" لا تقف عند فهم النصوص فقط بل تفهم خبايا الصدور أيضاً (والحمد لله الذي لا يحمد على مكروه سواه)..هذه الصورة التي تظهر بها الآن كانت هي ديدنك الدائم.. ففي وقت سابق وعندما قام نفر بإفتتاح خيط للمحاورة مع إدارة المنبر وكثر جدالهم في ذلك كانت أول مداخلة لك بعنوان: "شرح الطلاشة" يا سلام يا ديموقراطي يا متحضر.. الغريب حقاً أنك قد قلت من قبل ل(قصي همرور)
اقتباس:
..أظن أن أسلم شيء هو أن أناديه بـ " يا قصي همرور" فهي أنسب من " يا هذا " التي برّني بها، في غمرة فظاظته الأدبية(" مهلا يا هذا") و اسمي لا يخفى عليه .

وعجبي!! السيد (حسن مصطفى) يتحدث عن الفظاظة الأدبية، والى أي مدى كان ود همرور فظاً قال (مهلا يا هذا).. لم يقل (وسخ) ولم يقل (طلاشة) ولم يقل أي عبارة تقارب (الجلافة) التي تتعبنا وتؤذي أبصارنا منذ أمد ونحن (نحمد الله الذي لا يحمد على مكروه سواه) الذي جعلنا نصمت دهراً وننطق (جلافة) ولعل دعوة السيد (حسن) لنا بأن نفارقه هي الأصوب والأجدى عسى أن نتعافى من آثار الجلافة التي عادانا بها. وقبل أن نرى منه ما يهولنا فلقد قال من قبل:
اقتباس:
أها ياقصي همرور لو رجعت لـ " الصياغ" الذي استخدمت فيه أنا عبارة الطلاشة ـ في دلالة أهلي ـ لوجدت في استخدامي لها سماحة حوارية تفوق الوصف في حق أولئك "الشبان المخلدون " الذين يمثـُل محمد حسبو كما الناطق الرسمي باسمهم (و أيهان).
و حين أقول " سماحة حوارية " فأنا أعني أنني تأنـّيت، باسم المظاءرة الآيديولوجية، قبل أن أنتخب عبارة الطلاشة من بين عبارات أخريات أشد فظاظة.و كان مكضبني شوف عندك "طلاشات" محمد حسبو الجانا داخل "مسخّن" من أول مداخلة له

مرة أخرى لتعم الفائدة:
اقتباس:
و حين أقول " سماحة حوارية " فأنا أعني أنني تأنـّيت، باسم المظاءرة الآيديولوجية، قبل أن أنتخب عبارة الطلاشة من بين عبارات أخريات أشد فظاظة

ويمكن أن تقرأ (أشد جلافة) أيهما شئت!!
تالله إن أمرك قد كان مستفحلا من قبل ولقد أدركنا منذ عهد بعيد ولقد إستهدينا بقول الخليل حين قال:
(ورجل لا يدري ولا يدري أنه لا يدري (.......)فأجتنبوه)"شفت السنسرة بتاعتنا كيف".. ولقد فعلنا طويلاً ذلك..لهذا فإن نصيحتك -أو قل (وعيدك)- لنا بأن نترك المنبر لا محل لها إذ أني فعلا أجتنب في المنبر ما يثقل روحي ويزيد جهالتي فأجتنبك ما استطعت (ولا شنو يا حسن)!!
الآن أترككم مع نصوص منتقاة..
كتب المتورم من بدري الأخ مصطفى مدثر:
اقتباس:
سلام ياحسن موسى
والله صعبة علي ولكن لابد من قولها.
ياخي مجمل ردودك في كل البوستات التي ظننت أنت أنها لا تنسجم مع
مشروع الموقع، هي ردود غير مقبولة لدي وإقصائية بل وطاردة لأبعد
حد، مثل هذا الذي قلته للجريفاوي. وإذا كانت هذه مشيئتك في القول والتفاعل
فلتكن ولكن في لحظة خطر ببالي أنني يمكن أن أصنف مع من يتغاضى عن
عنفك اللفظي وإزرائك بالشباب الذين من المؤكد أنهم تأذوا من اقوالك.
أنا لا أتغاضى ولا أغض الطرف عن حملاتك التأديبية، ولا أعتقد أنك أو حتي
الاستاذ عبدالله بولا والاستاذة نجاة على صواب في تصديكم الدفاعي لكل صغيرة
وكبيرة، وعليه وجب علىٌ أن أوضح أين اقف. أقف مع معارضي تعاطيك
مع من تظن خطأ أنهم يفسدون مشروع قائم على الإقصاء.
لا يمكن أن يدار الموقع بهذه العقلية.
وبس

ومما رد به سيدنا (حسن) جلا جلاله:
اقتباس:
سلام يا" سامري" البلاد التي يموت من البرد بردها. (والسامري في ميثولوجيا النصارى هو آخر فاعل خير تقيـّضه العناية الإلهية لإسعاف من أدركهم كرب وبلاء أقرب إلى الموت). وسامريتك، تجاه "الشباب" الحساسين الذين يتأذون من أقوالي، مؤذية في حقهم أكثر من عنف أقوالي، كونك لا تكتفي بتعزيتهم في مصابهم وإنما تقف معهم بالمرة، وبغير تحسب، على الرمال المتحركة لمفهوم "الشبيبة" الستاليني الغميس. وهي رمال استمرأوا الوقوف عليها من باب الغشامة وفيهم من تجاوز الأربعين.

وفي رد لسيدنا (حسن) على الجريفاوي قبل عمر طويل:
اقتباس:
و قد استرعت عبارتك اهتمامي لأني قرأت فيها غمزا و لمزا ومطاعنة غليظة كونها تكرر عبارة لي في بوست النمل قلت فيها للمتباكين على استبعاد الرفيق عصام جبر الله ان ".. المشتهي صحبتو يتفضل يمشي معاهو وأنحنا عندنا مواضيع تانية أهم من موضوع شليلكم دا".
كما درج على الإعادة والتكرار طبعا دي هنا ما فيها (ولا شنو يا قصي) ممكن تكون (ولا شنو يا جريفاوي).. غايتو جنس (جلافة).
هل تذكرون ما قلته في شأن تطوع السيد حسن المجاني للردود وبصورة تجعل حتى اصدقائه في حرج!! حسنا هاكم مثالا:
اقتباس:
الأستاذة نجاة محمد علي
تحية طيبة
لا أود التعليق علي الموضوع المطروح .. ولكني اغتنم هذه الفرصة لاعود واذكر بما ذكرتيه في معرض ردك علي ما ذكرته في موضوع بعنوان (ما هي مشكلة الاخوان الشيوعيين مع جهاز الامن ؟) فهل ما تزال الظروف تحول دون نشر المقالات التي ارسلتها (منذ مارس الماضي ) وهي مبينة بالمقال المذكور اعلاه ؟ ام هناك اسباب اخري ( ولا اود التساؤل مرة اخري هل موقع سودان فور اول منحاز ضد الفكر الماركسي ؟؟؟ )
كما اود ان اشير الي مقال اخر لا علاقة له بالفكر الماركسي وانما هو ترجمة لمقال أنيك جيسدانون بعنوان (شبكة الانترنت الجديدة .. بحوث تستكشف التخلص من شبكة الانترنت الحالية لصالح أخري حديثة ) ارسلته قيل حوالي اسبوعين ولم ينشر فهل هناك سبب ما لا اعلمه يحول دون ذلك ؟؟
ام ان هناك من الاسباب ما يدعونا لوداع هذا الموقع قائلين لاصحابه واصحاب اصحابه مبروك عليكم موقعكم .. ولن نعجز عن ايجاد البديل لنشر آرائنا .. ونرجو فقط اعادة النظر في شعار الموقع (Freedom for us and for all others ) !!!! وخاصة ( all others ) ... !!!
مع شكري وتقديري الخالصين وامنياتي لكم بالنجاح
الدكتور عباس محمد حسن

بكل تهذيب وأدب يشوبهما عتاب بسيط سأل الدكتور الفاضل عباس.. ياخ قول ما بكل تهذيب ولا حاجة... هل كان يستحق هذا الرد:
اقتباس:
عباس محمد حسين
أها شايفك اغتنمت الفرصة تاني عشان تقول لينا : يا جماعة عملتوا لي شنو في البتاع؟
و البتاع دا شايفك مدخل فيهو بتاعين ما في رابط بيناتهم:
الأول: ليه ما عاوزين تنشروا لي الموضوعات بتاعتي؟
و التاني: هل أنتم ضد الفكر الماركسي؟
أها يا دكتور ، "أسمع النكلمك ضحى"( الحقوق محفوظة لـلجريفاوي):
بخصوص نشر موضوعاتك ، سبق قلنا ليك: لو إنت ما داير تنزلها في الحتة القاعد تكتب فيها كلامك دا ما في مانع ننزلها ليك في الأقسام التانية ، لكن قلنا ليك دا بنعملو لمن نلقى فرقةـ و بدقة أكتر بتعملو نجاة لمن تلقى فرقة عشان أنا و أخوي الكاشف ما عندنا خبرتها التقنية ـ و الفرقة ما حاصلة وسط دوامة الطحن اليومي و متابعة مناقرات ناس الأسافير.و ما عليك إلا أن تغتنم الفرصة لتثبت للجميع أنك تتحلى بالصبر حتى تتمكن نجاة من التفرغ لتنزيل نصوصك حيث تريد. و بالمناسبة أنا زاتي عندي حاجات معلقة من شهور ما لا قي ليها طريقة أنزلها في قسم ثقافة الطفل، و أهو الصبر قاعد يبل الآبري ساكت و السيل قاعد يبلغ الُّزبى على كيفو" و العيمة داهجة"(الحقوق محفوظة لحسني مبارك) و أدوها سوط.
أما بخصوص البتاع الماركسي"هل موقع سودان فورأول ضد الفكر الماركسي؟؟؟"(بثلاثة علامات استفهام؟)،فأسمع النكلمك ضحى (تاني):
إنت الفكر الماركسي دا منو الفوّضك تدافع عنه؟
و بعدين عن ياتو فكر ماركسي بتتكلم؟
و القال ليك منو إنو أنحنا كموقع عندنا موقف فلسفي متكامل من أي مشروع فكري سواء كان ما سميته إنت بـ" الفكر الماركسي" أو ما يسميه بعض الجمهوريين السابقين بـ " الفكر الجمهوري" أو حتى من " فكر أنصار السنة " ظاتو؟
يا زول أنحنا قلنا موقعنا دا عملناهو للحوار حول أولويات قضايا التنمية و الديموقراطية في بلادنا. فلو عندك معانا كلام في الحتة دي جيبو و نتناقش.و الحسّاس يملا شبكتو.
أما بالنسبة لثلاثتنا فأنت لا تعرف عنا ما يؤهلك لمخاطبتنا ،لا كمدافعين و لا كمهاجمين، لهذا الشيء الهلامي المتبدّل المخاتل الذي تطلق عليه (مع آخرين ) عبارة " الفكر الماركسي".
أها بعد البتاعين ديل نجي لبتاع تالت:
و البتاع التالت يادكتور عندو علاقة بعادات القراءة المتعجلة،(و لو شئت ترجمتها : "الطلاشة") و التي هي آفة الأدب الأسافيري الرئيسية:
يا خي عبارة " الحرية لنا و لسوانا" دي بتاعة الأخوان الجمهوريين و إنت لفحتها وأكرمتنا بيها ـ لا إيدنا لا كراعنا ـ و أنحنا لغاية يوم الليلة دا ما عملناها شعار لموقع سودان الجميع ( و رغم إعجابي الشخصي بمراميها النبيلة إلا أن لي فيها مراجحات ليس هذا مقامها) .أما تحذيرك لنا و لأصحابنا و أصحاب أصحابنا كمان في قولك:"و لن نعجز عن إيجاد البديل لنشر آرائنا" فهو و الله مما يستدعي اسم " النبي نوح". يا زول بطريقتك . و كان لقيت ليك بديل لموقعنا" مبروك عليك، أو كما قلت أنت: " مع شكري و تقديري الخالصين و أمنياتي لك بالنجاح".
"و بس"( الحقوق محفوظة لمصطفى متدثر).
حسن موسى
غايتو جنس جلافة.. خلت الراجل في زمن بعيد يكتب ويقول بكل غيظ وحنق وغضب:
اقتباس:
الاستاذة نجاة محمد علي
تحية طيبة
أرجو التكرم بعدم نشر اي مقال كنت قد ارسلته لكم ولم ينشر ... فقد بدأت أشعر بان هناك من المهاترات في هذا الموقع ما يكفي ليس من قبلكم ولكن من آخرين !! كما ارجو ان تلغي عضويتي بالموقع ( باعجل ما تيسر )!! ان كان ذلك عن طريق القائمين بامر الموقع او ساقوم بذلك ان كان الامر متروك للمشترك ....
وليوفقكم الله في الارتقاء بهذا الموقع لما تطمحون اليه وهو امر كما يبدو لي جد عسير !!
ولكم الشكر
د.عباس محمد حسن

ويبدو أنه قد حُدّث بأمر صاحبه وجلافته وأن لا يعبأ به كثيرا وبأن يتركه وحاله (إجتنابا) (ولا شنو يا حسن).. فعاد الينا من جديد الدكتور عباس وليمتعنا بمقالاته الجيدة عن داروون.

هذه مجرد أمثلة (لجلافة) السيد حسن وهي هنا كثر لو تتبعتها ما خلص خيطي هذا أبدا فهو (مشكور) يمدنا في كل يوم بالجديد المثير.
إرجعوا الآن الى خيط الوزة لمزيد من التناقض والمصطلحات البذيئة التي يتحف بها السيد حسن القراء ولعل مبرره أنه أسلوب البعض فهو ينازلهم بسلاحهم... وعجبي
نحن غايتو زي الزول القاعد في بيت ناس مهذبين ولطيفين ووديعييييين لكن عندهم شافع جوااااط إضرب ده وإطرد ده وطبعا الضيوف ما شغالين بيهو ومتصبرين بي ونسة الباقين.
ولا شنو يا ناس
لي عودة
_________________
لو كنت فارسا: لعبأت نشابي بالفرح.. وصوبت نحو البشرية جمعاء.. لا أخطئ أحدا.
لو كنت ملاك موت: لصعدت عاليا عاليا.. وهويت الى الأرض أدق عنقي (عادل عبد الرحمن)
_________________
الفكر أكسير الحياة
(الأستاذ محمود)

تنازعت بين أن يكون عنوان البوست هيهات أو هاي هي المرجلة.

قال سيدي صاحب الحكم (من لم يأتِ لله بالإحسان.. سيق اليه بسلاسل الإمتحان)

لم أرَ، ولم أسمع كذلك، بشخص قليل الحظ من الإحساس، أكمه العقل، ضعيف المنطق، مثل السيد (الطيب مصطفى) صاحب الإنتباهة. ولعله من سخريات الأقدار أن يكون اسم صحيفته "الإنتباهة" وهو يعيش في غفلة مطبقة مثله كمثل الذي قيل لنا أنه من الأخسرين أعمالا، ضلَّ سعيه في الفانية، ومن عمق ضلاله وسواد ليلته ظن أنه يحسن صنعا!! وهيهات.. فما (الكَحل) (الكُحل).
وإن كان صاحبنا (الطيب مصطفى) في الدرك الأسفل من سوء الخطاب وسوء التخريج وقلة الذوق والحس وكثرة الطغيان والتكبر والبغي والتناقض بين مسمى صحيفته وفعله، فإني أزعم أن صاحبنا حسن موسى يقل عنه قليلا(لا) كثيرا. لنبدأ من حيث إنتهى هو:

Quote: اقتباس: و بعد كدة العاجبو الحال يقعد معانا و الماعاجبو يمشي يبني ليهو مركب توافق أولوياتو ، و الله ما شق حنكا ضيعو. ولا شنو يا قصي؟و أنا بخصّك بالسؤال يا قصي عشان إنت زمان قمت كتبت لينا نوع كلام غميس، في أسلوب إدارة المنبر، ما وقع لينا، و بعدين مشيت اختفيت "و كنا زمن نفتش ليك و جيتنا الليلة كايسنا".

والإيحاء الذي يرد لذهن القارئ من هذه (الفجاجة) و (السماجة) وقلة (الإحساس) أني قد كتبت رأيا لم تحفل به الإدارة فذهبت مغاضباً، ولقد بحثت الإدارة عن إبنها العاق زمناً ثم تركته (لعودة الإبن الضال) الذي ما وجد له وطناً يأويه فعاد كسيرا محسورا.. والحق أن السيد (حسن موسى) لو كلف نفسه "حقاً" عناء السؤال عني لعرف لماذا غبت، وبالتالي لعرف كيف إبت!! ولعلم أن لي ظروفاً تخصني حرمتني من كل (المنابر) العامة ردحاً من الزمن ولا أريد الإسهاب أو التفصيل.
نأتي لقصة (الفجاجة) وهي لا تمس "قصي" وحده بل طالت كثيرين تحملوها بصبر في أحايين كثيرة وفي أخرى لم يقدروا ومنهم من قضى نحبه "حنقا" ومنهم من ينتظر، ومنهم من بدل تبديلا وسنأتي لتفصيلهم في حينهم.. نرجع (للفجاجة).. يظن السيد (حسن) أنه وبإطلاق عبارات من شاكلة (الما عاجبو يمشي) و(الله ما شق حنكا ضيعو) الخ.. مقروءة مع (ولا شنو يا قصي) والتي يمكن أن أضيف لها صورة (كاريكاتورية) للسيد (حسن) وهو يرفع حاجبيه إتعادا وسخرية بل قل وإستخفافا أيضا مع نبرة التهديد المكتوبة التي هي مثل كلب سوسير(لا تنبح) (ولا شنو يا حسن)؟.. يظن السيد (حسن) أنه قد جعلني في مقامين إما أن أرضى عن طرائقه المتفننة في وضع خصومه على السفود، وإما أن أذهب مغاضبا فيلتقمني حوت أمنياته في بحر خواطره.. ولكن هيهات هيهات يا(حسن) .. مرة أخرى.. (ما الكحل الكحل) أو قل (مش كل الطير يتاكل لحمه)... وفي حقيقة الأمر لو أن مر هذا المنبر من الموقوفات على تبريكاتك لما شرفني أن أنتمي اليه ولتركته فورا بشاكلة كلامك أعلاه.. ولكني كما كتبت هنا مرات ومرات فإن (بولا) و (نجاة) شخصين عزيزين على قلبي أحترمهما وأقدرهما أيما تقدير، وإن كنت أختلف مع (نجاة) في كثير من الأمور ومع بولا في كثير من القضايا الا أنه وبلا شك لا يقارب (جلافتك) من قريب أو من بعيد.. هذا في شأن المغاضبة وأضيف عليها (حالة المغاضبة التي تتمناها تلك) أن بهذا المنبر رجال ونساء أقدر عقولهم ورجاحتها وأحترم أفكارهم -بل وفي حال البعض منهم- أعتنقها ولهذا أيضا فإني لم أمتلك مثل (جلافتك) لكي أظن أن الحق معي فقط وأنه لا توجد وجاهة في أحاديث الآخرين ومواقفهم. هذه أيضا في شأن حالة المغاضبة. وفي الشأن الآخر فإني ومن زمنٍ طويل عزفت عن الكتابة لك أو القراءة إلا في حال توجيهك الكلام الي مباشرة، بل أظنك ما كتبت مكتوبا الا وأتبعته شيطان (جلافتك) فخرج كشأن الفلاسفة في ظن الغزالي. وما مداخلتي الآن الا لأنها مقروءة مع قرار (ادارة المنبر) والتي (وللأسف) تضمك بين حناياها وصداقاتها الطويلة وصح قول أهلنا في مثلهم غير السري(البطن بطراااااااانة) وأضيف أنا من عندي (والصداقة خشم بيوت) وكم من صديق جرّ على صديقه من المشاكل والحسرات وانشأ له من العداوات ما لا يطيق. ورغم هذا فإني لكي أكتب هذا الخيط رجعت الى كتابات لك كثيرة هنا وقرأتها مرة أخرى عسى أن تصحح عقيدتنا فنعود عن سابق فعلنا، ولكن، وللأسف الشدييد، فإن ظني قد صح ووجدتك مفترعا للمشاجر أينما حللت وكيفما اتفق!! ووجدت (جلافتك) في أشكال وألوان تطغى على الوصف وتأبى على القيد.
من سيئات السيد الطيب مصطفى أنه دوما يبتر أقوال الآخرين ويضعها في "سياق" مخل ويبني عليها تخريجات عمياء.. خصلة أخرى تشاركها إياه ولكنك قد زدت عليها بأن أظهرتني في موقف معاكس لموقفي تماما.. كتب السيد حسن موسى:

Quote: اقتباس: و كلامك لو نسيتو ياهو قدامك: "فيما يخصني انا شخصيا فلن أعارض أبدا وجود محمد حامد جمعة معي في هذا المنبر. لن أعارض وجود علي عثمان و لا عمر البشير و لا الترابي و لا نافع علي نافع و لا غازي و لا صلاح قوش و لا هتلر و لا موسيليني و لا ستالين و لا لينين و لا ماو و لا إبليس نفسه لأنني فقط أعلم أن القوانين قد وضعت لأن البشر سيخرقوها آجلا أم عاجلا..".."عليه فقد أخطئ غدا أو بعد غد ، و قد ألقى العقاب على ذلك لكن لن يكون أحد مستفيدا من عزلي خارج المجتمع"

ثم أتبع السيد (حسن) قوله ذاك بأن قال:

Quote: اقتباس: أها يا قصي أنحنا ما عاملين منبر الحوار الديموقراطي ، و تعبانين فيهو قدر التعب دا، عشان الناس البصادروا الديموقراطية يجوا يلعبوا معانا " حوار حوار"،و لو كان عندنا سلطة كنا عزلناهم برة المجتمع لأنهم مضرين بقضية الديموقراطية، لكن اليد، يدنا، قصيرة ، و عشان كدة الزول البخالف قوانين منبرنا دا بنعزله من المنبر بس، و للمجتمع رب يحميه.و لو جاي تلخبط علينا نظامنا نقوم عليك نعزلك برة منبر الحوار الديموقراطي و أمشي للمجتمع فتش فيهو ناس نافع و علي عثمان و البشير أعمل معاهم منبر حوار إسلاماني و كل شي في الحيا جايز.

دعكم من (الجلافة) التي قلتها لكم مرارا دعكم منها بالله وسنأتي لها في وقت لاحق، ولكن تعالوا لتقرأوا مداخلتي التي إجتزأ منها ما اجتزأ وخرّج منها جلافته:

Quote: اقتباس: العزيز الفاضل أنور تحياتي وودي بسؤالك هذا ، وبكلامك هذا، فتحت أمامي بابا كنت متحرجا من فتحه طوال ايام افتتاح هذا المنبر (الديمقراطي) حقا.. لقد كان ما يدور في ذهني من فترة طويلة جدا (ولقد تبادلت الحديث فيه مع الاستاذة نجاة عن طريق الايميل) هو الآتي: هل هذا المنبر هو عبارة عن تعبير (أيجابي) عن حالة الغضب من حالة المنابر السودانية الأخرى؟؟ وما هو عيب تلك المنابر بالتحديد؟؟ وما الغرض من هذا المنبر؟ يبدو أن هذه الاسئلة سهلة جدا ويمكننا الرد عليها بسهولة... فالغرض من هذا المنبر واضح وأهدافه واضحة ، وغاياته هي أيضا واضحة جدا ولا تحتاج من المرء أكثر من المرور على أفوافه ليدرك كم من جميل ومفيد في هذا الموقع .. إنه بحق (يتوبيا).. (حتى الآن) .. إنه بحق مكان مليئ بالمقالات المفيدة والمناقشات الهادئة (حتى الآن).. إنه بحق يشهد إنصهارا بين أعضائه (وإنتقائية) صارمة في قبولهم (حتى الآن) .. إنه بحق (يتوبيا).. يتوبيا تحمل في داخلها عيوب (اليوتوبيا) في موطن يعج (ب ال لا يوتوبيين).. وهذا هو عيب المنبر.. جميعا نحذر الخطأ حتى لا نكرر مأساة المنابر الأخرى، جميعنا ينتظر كمحكوم عليهم نالوا فترة إطلاق سراح مشروط فهم ينتظرون بفارق الصبر أن تنتهي تلك الفترة ويعودوا الى ديارهم أحرارا فلا يقتربون من هذا ولا يمسون ذاك لأن كل شئ جميل (ومكتمل). وفي حمى الكمال هذه نسينا شيئا مهما جدا .. نسينا أننا بشر.. ومن المفترض أن نخطئ... نحن خلقنا لنرتكب الأخطاء.. خلقنا لا لنكون (مكتملين) بل خطأة.. يتعلمون من أخطائهم.. ولن يتاح لنا أن نخطئ إذا لم ننل فضيلة (التجربة) ولن ننال تلك الفضيلة إذا لم نمتلك الشجاعة على الإقدام (والتجريب).. ولن نمتلك تلك الشجاعة الا إذا قهرنا خوفنا.. ولن نقهر خوفنا الا اذا صار القانون نابعا منا وصرنا فوق القانون(لا عن طريق إنتهاكه) بل عن طريق التمثل بقيمه والوصول الى غاياته.. لقد كنت معارضا وبشدة (إنسحاب الدكتور بولا والاستاذة نجاة من المنبر الحر) ولقد راسلت الاستاذة نجاة في هذا كثيرا وكنت أرى (ولا زلت) أن سودانيزاونلاين وبكل ما فيه من خير وشر هو ، وللأسف الشديد، صورة مصغرة عن سودانكم الآن.. فاذا هربنا من السودان (الجغرافيا) صار هينا علينا أن نهرب من السودان (البورد).. وهذا طبيعي ولكنه مؤلم..لا احد يحب أن يتواجد في مكان واحد مع إرهابي أو وقح أو قليل الأدب، أو مهرج سفسطائي، أو متبجح وقح، أو مغرور متكبر، أو باطش وظالم، أو أو أو ، لا أحد يحب هذا ولا أحد يريده ولكنه مع كل هذا فهو موجود .. هنا .. الآن .. معي في هذه الغرفة الضيقة ، وفي مقهى النترنت وفي هذا الشارع وقرب الجامعة وداخلها وخارجها وفي القاعات والأسواق والمستشفيات والمصانع والمعمل والافران والمركبات العامة.. هنا معي أين ما كنت وأين ما حللت .. فكيف أتعامل معه ..؟؟ هل أتركه وأذهب؟ هل أتظاهر بأنه غير موجود وأدفن رأسي في الرمل؟ هل أصرخ ؟؟ هل أجن ؟ هل هل هل هل؟؟ ماذا أفعل ... أعتقد أنني لن أفعل شئ أكثر من الذي أفعله الآن... أن أجلس .. وأتكلم.. وأقل ما اشاء.. وإذا أراد حواري ، حاورته، أراد جدالي ، جادلته، أراد قتلي، قاومته.. ولكني لن أموت دون أن أقول لنفسي (على الأقل .. لقد حاولت).... من ذا الذي نخدعه هنا.. نحن ؟؟ لا نحن جميعا نعرف أن هذا البورد وبعد أن يكتمل العدد اللازم سيصير مثل تلك (ال إليانز)التي حضرت عنها حتى الان (أربعة أفلام) قتلت خلالهما (البطلة) التي أعادوها للحياة لتجد نفسها قد حبلت بال (إليانز) داخلها ووضعته للدنيا من جديد.. فيما يخصني أنا شخصيا فلن أعارض أبدا وجود (محمد حامد جمعة) معي في هذا المنبر.. لن أعارض وجود على عثمان محمد ولا عمر البشير ولا الترابي ولا نافع علي نافع ولا غازي ولا صلاح قوش ولا هتلر ولا موسليني ولا ستالين ولا لينين ولا ماو ولا ابليس نفسه.. لأنني فقط أعلم أن القوانين قد وضعت لأن البشر (سيخرقوها).. آجلا .. أم عاجلا.. وفي نظري (الشخصي) أن خارق القانون هو خارق القانون.. سواء أن كان هذا القانون مدني أو جنائي ، سواء أن كانت عقوبته السجن أو القتل، سواء أن صارما أو مخففا.. خرق القانون هو خرق القانون يستوي عندي في هذا من (تهرب من الضرائب، ومن سرق قرشا) هذا مع تجريد الدوافع.. عليه فقد أخطئ غدا أو بعد غد .. وقد ألقى العقاب على ذلك .. ولكن لن يكون أحدا مستفيد من (عزلي) خارج المجتمع.. فالنظر الى العقوبة لا بد أن يتم على اساس انها وسيلة لا غاية .. وسيلة لإعادة التأهيل لا للردع فقط.. ونحن نمتلك من الوسائل الكافية لكي نتعامل مع أي شخص (فلماذا نعزله).. إن هذا الخوف ينعكس الآن على هذا المنبر.. وقريبا جدا سيصير الأمر هيستيريا الى ابعد حد ، تماما كما يحدث في سودانيزاونلاين و أفلام الفريد هتشكوك.. لم أكن أريد قول ما قلت الآن لكي لا أبدو (محبِطا) لآمال الغير، ولكني رأيت بعد ما كتبه الاخ أنور أنه ليس من الحكمة أن لا نناقش هذا الأمر ، وأن ندعه يمر مر الكرام .. فنحن هكذا نزد على أخطاءنا أقدم خطأ في التاريخ وهو: (التقليل من قدرات الخصم) فما هو خصمنا الان؟؟ وما هي قدراته بالتحديد..؟؟ هذا هو السؤال.

آسف جدا للإقتباس الطويييل ولكن لا بد منه لتوضيح الحقائق التالية:

ما كتبته -كما هو واضح- لا يدعو من ذكرت لمنبر الحوار الديموقراطي، ولا كرامة، ولكنها رغبتي الخاصة التي كنت أعلم أنها لن تتحقق لشروط وقوانين "أصحاب المنبر" والذين كنا نأمل ومن مبدأ الديمقراطية نفسها أن يناقشونا بصورة هادئة في اراءنا فإن كانت خطأ وتبين لنا ذلك تبنا عنها لوجه الله تعالى وإن كانت صوابا تبعونا في ما نقول، ولكن بدلا عن ذلك أخرجت لنا الأرض أثقالها "بجلافة" مثل التي رأيتم أعلاه، وبكتابة تخلو من أي حس إنساني صبرنا عليها سنينا بقدر الإقتباس المزعوم بل أكثر. وفي حقيقة الأمر إن كان السيد (حسن) يرفض من ذكرت في المنبر لأنهم (ديكتاتوريون) فعليه منذ الآن أن يقف أمام المرآة فترة أطول عله يكتشف ما بوجهه من سمات "شمولية" و "ديكتاتورية" فيستحي منها ويترك المنبر أيضا!!!
ما قلته اشتمل على:

Quote: اقتباس: لقد كان ما يدور في ذهني من فترة طويلة جدا (ولقد تبادلت الحديث فيه مع الاستاذة نجاة عن طريق الايميل) هو الآتي: هل هذا المنبر هو عبارة عن تعبير (أيجابي) عن حالة الغضب من حالة المنابر السودانية الأخرى؟؟ وما هو عيب تلك المنابر بالتحديد؟؟ وما الغرض من هذا المنبر؟ يبدو أن هذه الاسئلة سهلة جدا ويمكننا الرد عليها بسهولة...

وأنا لم أقل بأن رأيي نهائي وإطلاقي.. بل قلت أن الأمر يدور بذهني -ولا زال- ولقد تبادلت حديثا مع (نجاة) عن طريق الإيميل أي أنني كنت مبادرا لطرح أفكاري ولمناقشتها والإستفادة مما يطرح لي من اراء.. فهل تراني كنت مستمعا لك أنت و (جلافتك) تلك ولو أنك قد أنزلت لي (نيو قرآن)!! ناهيك أن تأتي بمثل هذا التهافت:

Quote: اقتباس: أها يا قصي أنحنا ما عاملين منبر الحوار الديموقراطي ، و تعبانين فيهو قدر التعب دا، عشان الناس البصادروا الديموقراطية يجوا يلعبوا معانا " حوار حوار"،و لو كان عندنا سلطة كنا عزلناهم برة المجتمع لأنهم مضرين بقضية الديموقراطية، لكن اليد، يدنا، قصيرة ، و عشان كدة الزول البخالف قوانين منبرنا دا بنعزله من المنبر بس،

وما يأتي في ذهن أي شخص عادي: مع من سيتحاور منبر الحوار الديمقراطي، مع الديموقراطيين؟!! في ماذا؟!! في مشاكل الديموقراطية؟!! وعندما يصلوا الى محصلة، سيتوقفوا عن النقاش؟! تالله إن هذا لمنطق أعوج، لأن أبسط قاعدة في الحوار هي أن تكون بين المختلفين لا المتفقين، وثاني قاعدة هي أن الرأي يحتمل الخطأ ويحتمل الصواب، وثالث قاعدة أنك لا تحاكم الناس قبل أن يقولوا أو يفعلوا، أنت تعطيهم فرصة(دائما) لتمتحن خياراتهم المدعاة، مثلما أننا أعطينا السيد حسن فرصة تلو الأخرى فكان ديدنه ولا زال السقوط المتكرر في إمتحان الديموقراطية نفسها ناهيك عن "الاسلوب" وما شابه من منمقات الحوار التي لا نحلم أن يتمثلها.
الحق أن هذه النقطة قد تكون مصدر خلاف بيني وبين صديقي (حسبو) نفسه وقد نتعارك حولها سنينا طويلة ولكن لن يصل حوارنا ابداً لأن نتبادل "الجلافة" مع بعضنا البعض.. فكثيرة هي اختلافاتنا هنا ويمكن مراجعتها، ولكنها ورغم جذريتها ما أفسدت لودنا قضية. الأكثر من هذا فإني ما كنت داعيا في يوم من الأيام للتهاون مع من يخرقون (قوانين المنبر) بل إن القانون وسلطته كانا على الدوام محط إهتمامي ودعوتي.
ومما جاء في أقوالي:

Quote: اقتباس: وفي حمى الكمال هذه نسينا شيئا مهما جدا .. نسينا أننا بشر.. ومن المفترض أن نخطئ... نحن خلقنا لنرتكب الأخطاء. خلقنا لا لنكون (مكتملين) بل خطأة.. يتعلمون من أخطائهم.. ولن يتاح لنا أن نخطئ إذا لم ننل فضيلة (التجربة) ولن ننال تلك الفضيلة إذا لم نمتلك الشجاعة على الإقدام (والتجريب).. ولن نمتلك تلك الشجاعة الا إذا قهرنا خوفنا.. ولن نقهر خوفنا الا اذا صار القانون نابعا منا وصرنا فوق القانون(لا عن طريق إنتهاكه) بل عن طريق التمثل بقيمه والوصول الى غاياته

ولكن يبدو أن ما قاله "ملاسي" في سودانيز اونلاين قد صحّ!! أو كما قال ناقلا انطباعه عن ندوة السيد حسن بالسودان:
اقتباس:
وجدته مثلنا يأكل الطعام ويمشي في الأسواق

نعم.. يأكل الطعام ويمشي في الأسواق كحال "فرعون" الذي غرته دنياه فظن أنه إله لا يخطئ أبدا، بل أمِنَ المستقبل الذي يدخر من صنع (المادة) أو من صنع (الروح) (على حسب القارئ) كثيرا من المفاجأت لأمثاله كمثل الذي إنسلخ عن الآيات البينات، أو كمثل الثوري الذي يغادر قضاياه وينفصل عنها فيهوي الى القاع.
لم أحاجج في يوم من الأيام السيد (الطيب مصطفى) ولكن أستاذنا القراي قد فعل، ومما لحظته في مراجعات الطيب مصطفى أنه يطفف العميق ويعمق الطفيف.. وهكذا يفعل السيد (حسن موسى) فما هو معلوم أنه ما من أحد ممن ذكرت سيقدم طلبا للمنبر ولكن المنبر (وبطبيعة حاله الآن) به من هم (غير ديموقراطيين) ومن إرتكب في حق هذا الشعب جرائما (حسب مفهوم البعض عنهم) ومن كانوا حتى الأمس القريب ينتمون (للجبهة الإسلامية).. وانا لا أنكر صداقتي بهم، وهذا يتسق مع قولي السابق ولكنه لا يتسق مع موقف السيد (حسن نصرالله موسى) ورؤيته لما أسماه (منبره) الديموقراطي!! ولم أقدم في حياتي طلبا لهذا المنبر كي يستقبل أحدا من شاكلة من ذكرت، وإنما هي قضايا عامة طرحت للنقاش كما اسلفت فأخذ السيد (نصر الله) يهولها ويلهب في وقودها حتى يظهرنا بموقف المتخاذل المتهاون.. وهيهات فما (الكحل الكحل).. فعندما كان السيد حسن يجول في بلاد الفرنجة، كنا نحن (احباء البشير ونافع) نتلقى الضربات واللكمات في مكاتب الأمن، وتكوى أيدينا بأعقاب السجائر، وما خرجنا عن سوداننا الا في العام1999م وعدنا اليه في العام 2003م فلا يتاجرن أحدا بموقفه الديموقراطي علينا فنجهل فوق جهل الجاهلينا.

ثم.. موضوع الوزة، ومحسن خالد:
من عادة السيد (الطيب مصطفى) كلما حاوره محاور و(عصره) في نقطة أن يهرب منها الى خيالات متوهمة، وإلى قضايا أخرى.. هكذا يفعل السيد (حسن مصطفى) أيضاً.. ففي مداخلته الآخيرة قال بأنه قد تعجب مما قصصت وإقتبست..ولم يفهم حينها أي شيء فعلت أنا لعله من مدارس (اللاعقل) التي يحتاج الفالح نفسه لدليل كي يدخلها فاهما.. وصدق سيدي العارف بالله "العبيد ودبدر" حين قال:
(الما بفهم بالتلاويح، لا بريح لا بستريح).. ولم يرحنا السيد (الطيب موسى) عندما إنتقلنا من التلميح والتلاويح الى التصريح حتى لا نُخلّط على السيد (النور الاحمر) ولا يشملنا في إصابته لأقوام فيصبح من النادمين، حينها زعم السيد حسن بأنه قد فهم، ولكن زعم الفرزدق قد كان أصدق، فأخرج لنا من الأقوال ما تعجبنا له من حكمة الله الذي قال في قدس أحاديثه أن له في خلقه أمور وشؤون!!
قال السيد حسن:

Quote: اقتباس: و فهمت إنك معترض على شطبنا لبوست محسن خالد و فصله عقب المنازعة بسبب ما يسمى بـ " بحث " "الأمثال السرية".

عجبي، براااك كده فهمتها ولا في زول ساعدك!!

ويقول أيضاً:

Quote: اقتباس: و هي نفس الحجة التي حفزت كل من محمد حسبه وابوبكر و محمد عثمان على الإحتجاج لدى النور بحجة "الخيار و الفقوس" البائسة، على زعم أن " المفردة" " المجرمة الواردة في نص النور هي نفسها التي جابت أجل " المرحوم" محسن خالد.

عظيم.. ماشي كويس والله..أها وماذا بعد؟!

Quote: اقتباس: و أنا أقول " الإحتجاج لدى النور" لأن العبارة المجرمةى إياها وردت قبل إبتدار النور لخيطه في خيطي المعنون " ناس الخرطوم"،[ سيرة الآتي] يوم 26 يناير، و مافي زول قال بغم، رغم أن الزميل محمد حسبه عتـّب و علّق على إحدى مداخلات الخيط يوم 30 يناير و لم ير طيز الوزة المفتوح على مصراعيه، و معه حق فقد كانت أولويته في حينها التطاول على محمد إبراهيم نقد [ سأعود لهذا " الوَسَخ" في موضعه يا محمد حسبه]. ثم نزلت عبارة " طيز الوزة" مرة أخرى ، يوم 2 فبراير، في خيطي المعنون " مكاتيب النور أحمر علي" و نزل معها كامل النص بما فيه " حديث الطاء" التي هي "طوفان الكلام الفسل" و" طمث ما بعد المئة" و " وسط الوطء و آخر اللواط" و "عنوان الطائر" و " فاتحة الطوائف". و هنا أيضا لم يهتم بها أحد، و كان علينا الإنتظار حتى فتح الله على محمد عثماننا ذلك الفتح المبين في يوم 11فبرايرفهرول يذكّرالنور أن هناك " مفردات" تجيب الأجل، و من الأفضل تجنبها لو أراد البقاء في هذا المنبر.و بعد أن فتح محمد عثمان البكاء، أخرج محمد حسبه جثة الشهيد المنسية من تلافيف الإسفير و تكأكأ علينا وجهاء البرونيتاريا المتباكين على روح سيد شهداء سودان فورأول، الـ"باحث" محسن خالد، حياه الغمام، و أدخله فسيح جناته و نعّمه بأنهار البيرة النضيفة و بالجكس العين.

هائل.. لقد أوضحت فأبنت. شكرا لك.
بالله عليكم هل يوجد مثل هذا الفرار الا عند السيد (الطيب مصطفى)!! دعكم من الجلافة ودعكم من عبارة (الوسخ) وركزوا معي في محاولة "إستهبال وإستعباط" الناس التي يحاول السيد (حسن) جاهدا أن ينتهجها في أسلوبه.. إذا كانت المقارنة التي أقامها الناس هنا بين الكلمة التي وردت عند (النور) وبين (محسن) كما فهمت أنت وأن الناس قد زعموا أن هناك خيار وفقوس كما قلت.. فهل كل مبرراتك لهذا الخيار والفقوس (أن الكلمة قد وردت عندك أولاً) (سبحانك ما أعظم شأنك) حيث تصير أنت المرجعية لسلامة الكلمة وقبولها، وحين تصير أنت المرجعية (للسنسرة) ولمعرفة ما هو داخل بنية النص وما هو دخيل عليها. ثم يا لك من (طيبي) حين تحرف في الحقائق التي لا زالت (جدييييدة بنات عمها ما سمعو بيها) فتقول أن محمد حسبو أخرج جثة محسن بعد أن فتح محمد عثمان البكاء!! سألتك بالله !!
لقد تدخل محمد حسبو بعد مداخلتك أنت البائسة والتي حاولت فيها أن تلوي عنق الحقيقة فمداخلة حسبو تبعد عن مداخلة محمد عثمان بعد حرفي (الزاي والراء) في الكيبورد كما يقول أهل (سودانيز أونلاين)، ومداخلة حسبو الأولى -كما تؤكدها مداخلته الثانية- لا شأن لها بمحمد عثمان من قريب أو بعيد، بل هي رد مباشر على كلام (فطير) أوردته أنت..
أما قولك بأني قلت ما قلت دفاعا عن محسن فلا، ولا كرامة، بل قلت ما قلت دفاعا عن الحقيقة التي لويتها، وغضبا من التهافت الذي نثرته لنا عن ال(نيات سريات):

Quote: اقتباس: و أهلنا قالوا إنما الأعمال، أعمال الكتابة، بالنيات و ليس بالمفردات ، و لكل كاتب ما انتوى. و قد فرزنا لمحسن خالد عيشته فذهب بأمثاله و نيّاته السريات إلى حيث يُحتفى به و الحمد لله الذي لا يحمد على مكروه سواه

هذا ما كتبته بيديك (البياكلها الدود)، وهذا ما سقته من مبرر لكتابة النور تستوجب البقاء ولكتابة محسن التي تستوجب الفناء.. فهل هذا مبرر "ديموقراطي" أم "ثيوقراطي" وأي نيات في (الماديات) والديموقراطيات والقانونيات، وماذا تركت لصديقك (الطيب مصطفى) من قول!! أظنه يقول (أحمل كلام صاحبك على ألف وجه فإذا لم تجد له مخرجا قل لعل له وجها لا أعرفه). إن الحديث عن (نيات الكتابة) بصورتك تلك لا ينم الا عن "حالة تماهي إلهي" لا تقف عند فهم النصوص فقط بل تفهم خبايا الصدور أيضاً (والحمد لله الذي لا يحمد على مكروه سواه)..هذه الصورة التي تظهر بها الآن كانت هي ديدنك الدائم.. ففي وقت سابق وعندما قام نفر بإفتتاح خيط للمحاورة مع إدارة المنبر وكثر جدالهم في ذلك كانت أول مداخلة لك بعنوان: "شرح الطلاشة" يا سلام يا ديموقراطي يا متحضر.. الغريب حقاً أنك قد قلت من قبل ل(قصي همرور)

Quote: اقتباس: ..أظن أن أسلم شيء هو أن أناديه بـ " يا قصي همرور" فهي أنسب من " يا هذا " التي برّني بها، في غمرة فظاظته الأدبية(" مهلا يا هذا") و اسمي لا يخفى عليه .

وعجبي!! السيد (حسن مصطفى) يتحدث عن الفظاظة الأدبية، والى أي مدى كان ود همرور فظاً قال (مهلا يا هذا).. لم يقل (وسخ) ولم يقل (طلاشة) ولم يقل أي عبارة تقارب (الجلافة) التي تتعبنا وتؤذي أبصارنا منذ أمد ونحن (نحمد الله الذي لا يحمد على مكروه سواه) الذي جعلنا نصمت دهراً وننطق (جلافة) ولعل دعوة السيد (حسن) لنا بأن نفارقه هي الأصوب والأجدى عسى أن نتعافى من آثار الجلافة التي عادانا بها. وقبل أن نرى منه ما يهولنا فلقد قال من قبل:

Quote: اقتباس: أها ياقصي همرور لو رجعت لـ " الصياغ" الذي استخدمت فيه أنا عبارة الطلاشة ـ في دلالة أهلي ـ لوجدت في استخدامي لها سماحة حوارية تفوق الوصف في حق أولئك "الشبان المخلدون " الذين يمثـُل محمد حسبو كما الناطق الرسمي باسمهم (و أيهان). و حين أقول " سماحة حوارية " فأنا أعني أنني تأنـّيت، باسم المظاءرة الآيديولوجية، قبل أن أنتخب عبارة الطلاشة من بين عبارات أخريات أشد فظاظة.و كان مكضبني شوف عندك "طلاشات" محمد حسبو الجانا داخل "مسخّن" من أول مداخلة له

مرة أخرى لتعم الفائدة:

Quote: اقتباس: و حين أقول " سماحة حوارية " فأنا أعني أنني تأنـّيت، باسم المظاءرة الآيديولوجية، قبل أن أنتخب عبارة الطلاشة من بين عبارات أخريات أشد فظاظة

ويمكن أن تقرأ (أشد جلافة) أيهما شئت!!
تالله إن أمرك قد كان مستفحلا من قبل ولقد أدركنا منذ عهد بعيد ولقد إستهدينا بقول الخليل حين قال:
(ورجل لا يدري ولا يدري أنه لا يدري (.......)فأجتنبوه)"شفت السنسرة بتاعتنا كيف".. ولقد فعلنا طويلاً ذلك..لهذا فإن نصيحتك -أو قل (وعيدك)- لنا بأن نترك المنبر لا محل لها إذ أني فعلا أجتنب في المنبر ما يثقل روحي ويزيد جهالتي فأجتنبك ما استطعت (ولا شنو يا حسن)!!
الآن أترككم مع نصوص منتقاة..
كتب المتورم من بدري الأخ مصطفى مدثر:

Quote: اقتباس: سلام ياحسن موسى والله صعبة علي ولكن لابد من قولها. ياخي مجمل ردودك في كل البوستات التي ظننت أنت أنها لا تنسجم مع مشروع الموقع، هي ردود غير مقبولة لدي وإقصائية بل وطاردة لأبعد حد، مثل هذا الذي قلته للجريفاوي. وإذا كانت هذه مشيئتك في القول والتفاعل فلتكن ولكن في لحظة خطر ببالي أنني يمكن أن أصنف مع من يتغاضى عن عنفك اللفظي وإزرائك بالشباب الذين من المؤكد أنهم تأذوا من اقوالك. أنا لا أتغاضى ولا أغض الطرف عن حملاتك التأديبية، ولا أعتقد أنك أو حتي الاستاذ عبدالله بولا والاستاذة نجاة على صواب في تصديكم الدفاعي لكل صغيرة وكبيرة، وعليه وجب علىٌ أن أوضح أين اقف. أقف مع معارضي تعاطيك مع من تظن خطأ أنهم يفسدون مشروع قائم على الإقصاء. لا يمكن أن يدار الموقع بهذه العقلية. وبس

ومما رد به سيدنا (حسن) جلا جلاله:

Quote: اقتباس: سلام يا" سامري" البلاد التي يموت من البرد بردها. (والسامري في ميثولوجيا النصارى هو آخر فاعل خير تقيـّضه العناية الإلهية لإسعاف من أدركهم كرب وبلاء أقرب إلى الموت). وسامريتك، تجاه "الشباب" الحساسين الذين يتأذون من أقوالي، مؤذية في حقهم أكثر من عنف أقوالي، كونك لا تكتفي بتعزيتهم في مصابهم وإنما تقف معهم بالمرة، وبغير تحسب، على الرمال المتحركة لمفهوم "الشبيبة" الستاليني الغميس. وهي رمال استمرأوا الوقوف عليها من باب الغشامة وفيهم من تجاوز الأربعين.

وفي رد لسيدنا (حسن) على الجريفاوي قبل عمر طويل:

Quote: اقتباس: و قد استرعت عبارتك اهتمامي لأني قرأت فيها غمزا و لمزا ومطاعنة غليظة كونها تكرر عبارة لي في بوست النمل قلت فيها للمتباكين على استبعاد الرفيق عصام جبر الله ان ".. المشتهي صحبتو يتفضل يمشي معاهو وأنحنا عندنا مواضيع تانية أهم من موضوع شليلكم دا".

كما درج على الإعادة والتكرار طبعا دي هنا ما فيها (ولا شنو يا قصي) ممكن تكون (ولا شنو يا جريفاوي).. غايتو جنس (جلافة).
هل تذكرون ما قلته في شأن تطوع السيد حسن المجاني للردود وبصورة تجعل حتى اصدقائه في حرج!! حسنا هاكم مثالا:

Quote: اقتباس: الأستاذة نجاة محمد علي تحية طيبة لا أود التعليق علي الموضوع المطروح .. ولكني اغتنم هذه الفرصة لاعود واذكر بما ذكرتيه في معرض ردك علي ما ذكرته في موضوع بعنوان (ما هي مشكلة الاخوان الشيوعيين مع جهاز الامن ؟) فهل ما تزال الظروف تحول دون نشر المقالات التي ارسلتها (منذ مارس الماضي ) وهي مبينة بالمقال المذكور اعلاه ؟ ام هناك اسباب اخري ( ولا اود التساؤل مرة اخري هل موقع سودان فور اول منحاز ضد الفكر الماركسي ؟؟؟ ) كما اود ان اشير الي مقال اخر لا علاقة له بالفكر الماركسي وانما هو ترجمة لمقال أنيك جيسدانون بعنوان (شبكة الانترنت الجديدة .. بحوث تستكشف التخلص من شبكة الانترنت الحالية لصالح أخري حديثة ) ارسلته قيل حوالي اسبوعين ولم ينشر فهل هناك سبب ما لا اعلمه يحول دون ذلك ؟؟ ام ان هناك من الاسباب ما يدعونا لوداع هذا الموقع قائلين لاصحابه واصحاب اصحابه مبروك عليكم موقعكم .. ولن نعجز عن ايجاد البديل لنشر آرائنا .. ونرجو فقط اعادة النظر في شعار الموقع (Freedom for us and for all others ) !!!! وخاصة ( all others ) ... !!! مع شكري وتقديري الخالصين وامنياتي لكم بالنجاح الدكتور عباس محمد حسن

بكل تهذيب وأدب يشوبهما عتاب بسيط سأل الدكتور الفاضل عباس.. ياخ قول ما بكل تهذيب ولا حاجة... هل كان يستحق هذا الرد:

Quote: اقتباس: عباس محمد حسين أها شايفك اغتنمت الفرصة تاني عشان تقول لينا : يا جماعة عملتوا لي شنو في البتاع؟ و البتاع دا شايفك مدخل فيهو بتاعين ما في رابط بيناتهم: الأول: ليه ما عاوزين تنشروا لي الموضوعات بتاعتي؟ و التاني: هل أنتم ضد الفكر الماركسي؟ أها يا دكتور ، "أسمع النكلمك ضحى"( الحقوق محفوظة لـلجريفاوي): بخصوص نشر موضوعاتك ، سبق قلنا ليك: لو إنت ما داير تنزلها في الحتة القاعد تكتب فيها كلامك دا ما في مانع ننزلها ليك في الأقسام التانية ، لكن قلنا ليك دا بنعملو لمن نلقى فرقةـ و بدقة أكتر بتعملو نجاة لمن تلقى فرقة عشان أنا و أخوي الكاشف ما عندنا خبرتها التقنية ـ و الفرقة ما حاصلة وسط دوامة الطحن اليومي و متابعة مناقرات ناس الأسافير.و ما عليك إلا أن تغتنم الفرصة لتثبت للجميع أنك تتحلى بالصبر حتى تتمكن نجاة من التفرغ لتنزيل نصوصك حيث تريد. و بالمناسبة أنا زاتي عندي حاجات معلقة من شهور ما لا قي ليها طريقة أنزلها في قسم ثقافة الطفل، و أهو الصبر قاعد يبل الآبري ساكت و السيل قاعد يبلغ الُّزبى على كيفو" و العيمة داهجة"(الحقوق محفوظة لحسني مبارك) و أدوها سوط. أما بخصوص البتاع الماركسي"هل موقع سودان فورأول ضد الفكر الماركسي؟؟؟"(بثلاثة علامات استفهام؟)،فأسمع النكلمك ضحى (تاني): إنت الفكر الماركسي دا منو الفوّضك تدافع عنه؟ و بعدين عن ياتو فكر ماركسي بتتكلم؟ و القال ليك منو إنو أنحنا كموقع عندنا موقف فلسفي متكامل من أي مشروع فكري سواء كان ما سميته إنت بـ" الفكر الماركسي" أو ما يسميه بعض الجمهوريين السابقين بـ " الفكر الجمهوري" أو حتى من " فكر أنصار السنة " ظاتو؟ يا زول أنحنا قلنا موقعنا دا عملناهو للحوار حول أولويات قضايا التنمية و الديموقراطية في بلادنا. فلو عندك معانا كلام في الحتة دي جيبو و نتناقش.و الحسّاس يملا شبكتو. أما بالنسبة لثلاثتنا فأنت لا تعرف عنا ما يؤهلك لمخاطبتنا ،لا كمدافعين و لا كمهاجمين، لهذا الشيء الهلامي المتبدّل المخاتل الذي تطلق عليه (مع آخرين ) عبارة " الفكر الماركسي". أها بعد البتاعين ديل نجي لبتاع تالت: و البتاع التالت يادكتور عندو علاقة بعادات القراءة المتعجلة،(و لو شئت ترجمتها : "الطلاشة") و التي هي آفة الأدب الأسافيري الرئيسية: يا خي عبارة " الحرية لنا و لسوانا" دي بتاعة الأخوان الجمهوريين و إنت لفحتها وأكرمتنا بيها ـ لا إيدنا لا كراعنا ـ و أنحنا لغاية يوم الليلة دا ما عملناها شعار لموقع سودان الجميع ( و رغم إعجابي الشخصي بمراميها النبيلة إلا أن لي فيها مراجحات ليس هذا مقامها) .أما تحذيرك لنا و لأصحابنا و أصحاب أصحابنا كمان في قولك:"و لن نعجز عن إيجاد البديل لنشر آرائنا" فهو و الله مما يستدعي اسم " النبي نوح". يا زول بطريقتك . و كان لقيت ليك بديل لموقعنا" مبروك عليك، أو كما قلت أنت: " مع شكري و تقديري الخالصين و أمنياتي لك بالنجاح". "و بس"( الحقوق محفوظة لمصطفى متدثر). حسن موسى

غايتو جنس جلافة.. خلت الراجل في زمن بعيد يكتب ويقول بكل غيظ وحنق وغضب:

Quote: اقتباس: الاستاذة نجاة محمد علي تحية طيبة أرجو التكرم بعدم نشر اي مقال كنت قد ارسلته لكم ولم ينشر ... فقد بدأت أشعر بان هناك من المهاترات في هذا الموقع ما يكفي ليس من قبلكم ولكن من آخرين !! كما ارجو ان تلغي عضويتي بالموقع ( باعجل ما تيسر )!! ان كان ذلك عن طريق القائمين بامر الموقع او ساقوم بذلك ان كان الامر متروك للمشترك .... وليوفقكم الله في الارتقاء بهذا الموقع لما تطمحون اليه وهو امر كما يبدو لي جد عسير !! ولكم الشكر د.عباس محمد حسن

ويبدو أنه قد حُدّث بأمر صاحبه وجلافته وأن لا يعبأ به كثيرا وبأن يتركه وحاله (إجتنابا) (ولا شنو يا حسن).. فعاد الينا من جديد الدكتور عباس وليمتعنا بمقالاته الجيدة عن داروون.

هذه مجرد أمثلة (لجلافة) السيد حسن وهي هنا كثر لو تتبعتها ما خلص خيطي هذا أبدا فهو (مشكور) يمدنا في كل يوم بالجديد المثير.
إرجعوا الآن الى خيط الوزة لمزيد من التناقض والمصطلحات البذيئة التي يتحف بها السيد حسن القراء ولعل مبرره أنه أسلوب البعض فهو ينازلهم بسلاحهم... وعجبي
نحن غايتو زي الزول القاعد في بيت ناس مهذبين ولطيفين ووديعييييين لكن عندهم شافع جوااااط إضرب ده وإطرد ده وطبعا الضيوف ما شغالين بيهو ومتصبرين بي ونسة الباقين.
ولا شنو يا ناس
لي عودة
_________________
لو كنت فارسا: لعبأت نشابي بالفرح.. وصوبت نحو البشرية جمعاء.. لا أخطئ أحدا.
لو كنت ملاك موت: لصعدت عاليا عاليا.. وهويت الى الأرض أدق عنقي (عادل عبد الرحمن)
_________________
الفكر أكسير الحياة
(الأستاذ محمود)

آفة الاخبار , رواتها دون توضيح إقتباساتها يا سحس









___
الخطوط الحمراء من عندياتي .. عجبتني بصراحة

الاقتباس لا يخفى على فطنة المتابع – و غير المتابع – يا خدر

يا حسين , قصي لم يكن موفقاَ في توقيت إنزال البوست , كان يجب ان ينتبه للباكـ أب







__
شكرا ملاسي لجعلك هذا مُتاحاَ

Quote: نحن غايتو زي الزول القاعد في بيت ناس مهذبين ولطيفين ووديعييييين لكن عندهم شافع جوااااط إضرب ده وإطرد ده وطبعا الضيوف ما شغالين بيهو ومتصبرين بي ونسة الباقين.

كاااااااااااااااااااااااااك .. مبالغة لكن يا قصي









___
You made my day

Quote: نحن غايتو زي الزول القاعد في بيت ناس مهذبين ولطيفين ووديعييييين لكن عندهم شافع جوااااط إضرب ده وإطرد ده وطبعا الضيوف ما شغالين بيهو ومتصبرين بي ونسة الباقين.

حكي لي الصديق المسرحي عماد براكة , قال :
عندنا صديق كان في زيارة لي شابة زميلتو في الجامعة (حبيبتو) في بيتهم,
اهل البيت استقبلوه بحفاوة سودانية معروفة ,
صديقنا في غمرة سعادتو بالاستقبال الجميل تفاجأ بشقيق زميلتو الصغير (6 سنوات)
تأبي نفسه إلا أن يشاطر الاسرة الاحتفاء بالضيف ,
(الشافع كان بقيف في آخر الحوش و يكورك لي صديقنا الضيف قائلاَ ..
- أنط فيكـ جوز !؟
ويجي جاري من آخر الحوش ناطي في صاحبنا جوز ) مُطيحا ببرستيحه و مضمخاَ ثيابه بأوحال ما أنزل الله بها من سلطان.




____
لا ادري لماذا تزكرت حسن موسي الان !!

ممتاز

شكرا ملاسي.

:).

آمنت بالله
دا هوا ساخن بس دا رجع فيو خلف عديل
كامل التضامن مع ابوعلي والله
وصدق المثل البقول : الاسد لمن يعجز الخ الخ ...!!





_____
دا متين دا ؟
انت يازول ما بتنوم ؟!!

Quote: (الشافع كان بقيف في آخر الحوش و يكورك لي صديقنا الضيف قائلاَ .. - أنط فيكـ جوز !؟ ويجي جاري من آخر الحوش ناطي في صاحبنا جوز )

.. ..
والله الشافع دا فنان يا خدر .. فنان عديل كدا ..

يا عمــو ..
ياخ حسن دا مبدع .. والابدع من كدا .. إنو نجييض .. بيمتع نفسو أول حاجة حتين بعدين يمتع ليك البقية .. غايتو أمر المتعة فيما يتعلق بي حسن .. دارعو ليك في رقبتك .. البوست دا ماني فايتو .. بلاي وصل لينا آخر الجلكسات بي نظرة مراقب فاحصة ..

يا وهبــة .. والله خايف عليك من حسن خوف .. ملاسي دا عندو (حجـاب) من حسن .. إنت والله شوربـة قراقير من عوضيـة ما (تحجبك) اديهـا صنة بس

محمد الجزولي وين يا جماعة؟

علي الايمان انت كاتبي المفضل يا قصي مجدي سليم للسبعة شهور الجاية لو ربنا امد في اجلنا

انا لله

ــــــــ
ودغالتك بتاعة قاعد دي براها كوم

ـــــــــــ
شكرا يا ملاسي ان جعلت هذه المتعة ممكنة
ــــــ
يا خدر تعديلاتك لم تضف شيئا

سنوات لم اقرأ مثل هذا الامتاع
بالجد شكرن يا قصي رفعت روحي المعنوية الي حدود لم ترتقيها منذ امد

Quote: يا وهبــة .. والله خايف عليك من حسن خوف

ياتمبس
حسن براو ؟!!
تصدق وتآمن بالله ياتمبس محمد عثماننا الذي في اوستراليا طلع عضو معانا هنا !!!
شفت كيف ؟ والمثل بقول ليك الشقي والعتر ليو حاجات كدا
يعني باختصار خالك الايامات الجاية دي حيتردم ردم لمن يآمن ذاتو
ردم بالفصحى وشي بالنحوي وكلام لافي وشي بالتلج ...مخير الله
يازول اقول ليك حاجة خليهم يردموني
انا ذاتي البجيبني هنا شنو ؟
يعني من كتابتي ؟

Quote: تصدق وتآمن بالله ياتمبس محمد عثماننا الذي في اوستراليا طلع عضو معانا هنا !!!

كاتبي المفضل في الصحف ..

Quote: مخير الله يازول اقول ليك حاجة خليهم يردموني انا ذاتي البجيبني هنا شنو ؟ يعني من كتابتي ؟

.. .. والله يا وهبة أنا بس كنت خايف من النقطة دي .. نقطة الردم تحديدا
ناس قاعده هناك تردم ويردمو فيها .. بي قلبا قوي .. حسع عليك الله شوف ردم قصي دا مريح كيف ..؟؟!!
ناس يردموهـا .. الواحد يجيك بي (ترابو) (وطينو) يقوليك والله ولا ردموني شديد .. وخير مثال لذلك .. اخوانا في المنبر .. عصام جبر الله كسره .. والأخ خــدر .. وكنا قد قدنا حملة تضامن واسعة في الفيس بوك وقتئذ ..
المهم
ما زلت اكرر حسن دا كان سخـه ليك يا وهبـة .. والله نوعيتك دي تتردم بي خلطة من الطين والجبص ويدوك الفرن ..

محمد عثمان دا منو ما بعرفو ؟؟ أنا بعرف حسن بس ..

بوست متعة ...

يا ملاسي سلام ورحمة وبركة..
وللجميع تحياتي وسلامي..
فقط أحببت أن أقول لك أن البوست المحذوف كان بعنوان (ماذ نصنع بـ"المُلا"حسن موسى، ماذا نفعل مع الجلافة؟!) فأرجو تعديله في محله
حتى أعود لكم من سبأ بنبأ..
تحياتي وسلامي
ملحوظة جديرة بالإهتمام:
أنا من أشد المقدرين لبولا ولنجاة.. ومن المحبين أيضا.. ومن أشد المقدرين لمجهود المنبر الديموقراطي..
فقط للعلم
دمتم

Quote: ملحوظة جديرة بالإهتمام: أنا من أشد المقدرين لبولا ولنجاة.. ومن المحبين أيضا.. ومن أشد المقدرين لمجهود المنبر الديموقراطي.. فقط للعلم

نعم .. ذلك مفهوم .. و قد ورد في ثنايا بوستك - المحذوف - الوارد أعلاه.

Quote: فقط أحببت أن أقول لك أن البوست المحذوف كان بعنوان (ماذ نصنع بـ"المُلا"حسن موسى، ماذا نفعل مع الجلافة؟!) فأرجو تعديله في محله

نعم .. كان فعلاً بذلك الاسم .. و لكن ما المقصود بتعديله في محله؟!

قصى فش مغستو بكلام نجيض
فعسى ان تفعل الاقتباسات بمتصفح سودان فوراوول
سيم سيم بشأن مغسته:):):)

السلام عليكم
..

Quote: أخرج قصي مجدي سليم الهواء الساخن الذي يعتمل في صدره .. فلم تطق إدارة سودان فور أوول صبرا.

..
ليتك قلت

أخرج قصي مجدي سليم الزفرات الحرى الذي تعتمل
في صدره .. فلم تطق إدارة سودان فور أوول صبرا.
...
فهي أوقع وأبلغ أثراً

....
تحياتي حسين ملاسي
..

قصدت يا ملاسي أن تضع العنوان في بداية المداخلة قبل مقولة سيدي ابن عطاء الله السكندري صاحب الحكم.. لأنك وحدك تستطيع ذلك عن طريق التعديل.. وأيضا الأخ خدر..

اها بدور اسألك سعال.. انت يا شقي الحال لميت فيهو كيف البوست ده.. انا الكتبتو مسافة أعمل رفريش لقيو إتحذف.. ولا ما اسألك؟! :) :)
غايتو يا ملاسي الله يجازي محنك..
اها بجيك راجع تاني لكن هسي عندي موضوع مهم مع (الجميع) بهناك لازم أخلص منو الليلة وبرضو مزنوق في الشغل شوية.. لكن بجيكم صادي
سلام للجميع

Quote: أخرج قصي مجدي سليم الهواء الساخن الذي يعتمل في صدره .. فلم تطق إدارة سودان فور أوول صبرا.

لوهلة عندما رأيت عنوان البوست . . توقعت أن

يكون قصدك ياحسين ( بعد إيه ؟ ؟ ) ياقصي

على أي حال

لماذا لا يخرج ( نخبة ) سودان فور أول

الهواء الساخن إلا عندما يصلهم( رأس السوط )

وليتهم حين يهمون بالمغادرة يكتفون بعبارة

أكلت يوم أكل الثور الأبيض علها تكون عظة لمن

بقى خلفهم بدلاً عن هذه ( الفدائية )التي تتنزل فجأة

إستمتعنا قبل قصي بهواء ساخن من كثيرين قضوا نحبهم

وموعودين بهواء أكثر سخونة من آخرين ينتظرون

ومابدلوا تبديلاً

في معرض تبريرها لسحب البوست
أرسلت نجاة محمد علي لقصي التالي:

Quote: العزيز قصي لقد قمت بسجب موضوعك المعنون "ماذا نصنع بـ(المُلا)حسن موسى، وماذا نفعل مع الجلافة؟!"، نسبة لتعديه لكل آداب الخلاف وأداب الحوار ودخوله في دائرة الشتائم. لا أقبل، كمشرفة على هذا الموقع، بأن يُشَبَّه عضو به أو عضو بإدارته بسيء الذكر الطيب مصطفى. كما لا أقبل بالأوصاف المجحفة في حق واحد من أبرز المساهمين في ساحتنا الثقافية. إن ما كتبته، وما أوردت من إيميلات لا يهم ولا يفيد سير الحوار بهذا المنبر، ويعكس رغبة في التشفي. أطلب منك أن لا تعيد نشره، وإلا فإنني سأقوم بسحبه مرة أخرى وسحب أي مساهمة تتجاوز حدود أدب الخلاف. يمكننا هنا بقبول النقد مهما كانت قسوته، لا فش الغبائن. وتقبل خالص شكري

Quote: لا فش الغبائن.

.. ما كنت متخيل إنو المثقفاتية بعرفو يستخدمو مفردات فش الغبينة وفقع المرارة .. إلخ
والله يا تراجي .. خربتي لينا متثاقفي السايبر .. نحن ننضف إنت تكوجني ..؟

ثم كتبت:

Quote: ثانياً، وفي هذا الخيط الجديد، واضح من العبارات التي لوّنتها باللون الأحمر أنها عبارات لمحمد حسبو وليست لحسن موسى،

يؤكد التنصيص أنها ليست لحسن موسى؛ و لكن بالقطع
ليس من الواضح أنها لمحمد حسبو أو غير محمد حسبو.


_____
من له أدنى دراية يعلم تماماً أن
حسن لا يمكن أن ينزلق لذلك الدرك.

Quote: محمد عثمان دا منو ما بعرفو ؟؟

يا تمبس عريس إزيك .. أنحنا نبارك ساكت وإنت ما شغال بمباركتنا ولا فاكرنا ذاتو. لكن ولا يهمك نتعرف أسة

Quote: تصدق وتآمن بالله ياتمبس محمد عثماننا الذي في اوستراليا طلع عضو معانا هنا !!! شفت كيف ؟ والمثل بقول ليك الشقي والعتر ليو حاجات كدا

أها يا عبد الوهاب وعندي حساب في الفيسبوك كمان عشان لو مشيت بهناك (لا قدر الله) في المنعطف التاريخي دة!
بعدين إنت المثل بتاعك بتاع الشقي دة ما تكتبوا كله زي ما هو لو إنت مقتنع "إن وجوده هنا ضروري لخدمة السياق الذي تمضي فيه مداخلتك دي كنص أدبي يعيد تقديم حياتنا بتمثل بعض مقولات لساننا الشعبي ويستخدمها في أنساق جديدة قد لا تستقيم بنية النص تماماً من دونها ولا شنو كدة ما عارف"*

Quote: كاتبي المفضل في الصحف ..

شكراً يا حسين على إعادة نشر الرابط وأتمنى أن أكون قد حافظت على المقام دة.
تحياتي يا أخواننا ومودتي لكم جميعاً
___________________
* يا عبدالوهاب دي ما تشتغل بيها لأنو انا أسة بجرب فيها بس لكن التقيل جاييك ورا :D

Quote: سنوات لم اقرأ مثل هذا الامتاع بالجد شكرن يا قصي رفعت روحي المعنوية الي حدود لم ترتقيها منذ امد

وانا كذلك والله...

Quote: أها يا عبد الوهاب وعندي حساب في الفيسبوك كمان عشان لو مشيت بهناك (لا قدر الله) في المنعطف التاريخي دة! بعدين إنت المثل بتاعك بتاع الشقي دة ما تكتبوا كله زي ما هو لو إنت مقتنع "إن وجوده هنا ضروري لخدمة السياق الذي تمضي فيه مداخلتك دي كنص أدبي يعيد تقديم حياتنا بتمثل بعض مقولات لساننا الشعبي ويستخدمها في أنساق جديدة قد لا تستقيم بنية النص تماماً من دونها ولا شنو كدة ما عارف

يا محمد عثماننا الذي معانا في هذه الجبّانة
اعلم أنكـ لم تأت هنا لحوار
وعليه :
1/ التجاهل
2/ التجاهل
3/ التجاهل
ياخ البباري حسين دا بيوديه وين كدا ماعارف
تحياتي
وألف مرحب

يا وهبة محمد عثمان هيّن
أخشى عليك لو طلع الوليد يوسف عندو عضوية هنا

Quote: اها بدور اسألك سعال.. انت يا شقي الحال لميت فيهو كيف البوست ده.. انا الكتبتو مسافة أعمل رفريش لقيو إتحذف.. ولا ما اسألك؟! :) :)

أنا والله برضو محتارة من أمس في الموضوع دا ياقصي






___________
كدي ياملاسي أسمعك تاني تقول لي ساكنة في البورد

.

Quote: هذا رأي عجيب غريب من إدارة المنبر التي ترى أن (توصيفي) المسنود بالبراهين "شتيمة" والتي ترى أن دفاعي عن حقوق الآخرين في التعبير والرد المناسب على شخص يستطيل عليهم "تعدي "لكل" آداب الحوار والخلاف".. وما هي العبارات التي يمكن أن تدخل في باب "الشتيمة" والتعدي هي عبارة من شاكلة "جلافة" و "مُلا" ووصف بشخصية لن أذكرها الآن "حتى نرى نهاية قرار الإدارة".

قصي سلامات
لا تهدر الوقت في التعجب , سبب حذف البوست تجدة أدناه..

Quote: نحن غايتو زي الزول القاعد في بيت ناس مهذبين ولطيفين ووديعييييين لكن عندهم شافع جوااااط إضرب ده وإطرد ده وطبعا الضيوف ما شغالين بيهو ومتصبرين بي ونسة الباقين.

نجاة , بنفس السبب ده (مِدوباهم ) اكان 37, اكان 39 ما متأكد

Quote: محمد حسبو لا وقت لي للدخول في مثل هذه الحوارات المتردية. البراق لا وقت لي أيضاً للمغالطات. نجاة

يا قوم .. إنفضوا فقد قُضي الامر

الاكليشية اعلاه بمثابة كلمة النهاية في الافلام العربي

اسألوني انا

Quote: نحن غايتو زي الزول القاعد في بيت ناس مهذبين ولطيفين ووديعييييين لكن عندهم شافع جوااااط إضرب ده وإطرد ده وطبعا الضيوف ما شغالين بيهو ومتصبرين بي ونسة الباقين.

في ظني , الصحيح ان تُقرأ قليل ادب



لكن نسوي شنو مع قُصي المهذب ده ؟

Quote: على أي حال لماذا لا يخرج ( نخبة ) سودان فور أول الهواء الساخن إلا عندما يصلهم( رأس السوط ) وليتهم حين يهمون بالمغادرة يكتفون بعبارة أكلت يوم أكل الثور الأبيض علها تكون عظة لمن بقى خلفهم بدلاً عن هذه ( الفدائية )التي تتنزل فجأة إستمتعنا قبل قصي بهواء ساخن من كثيرين قضوا نحبهم وموعودين بهواء أكثر سخونة من آخرين ينتظرون ومابدلوا تبديلاً

Quote: نحن غايتو زي الزول القاعد في بيت ناس مهذبين ولطيفين ووديعييييين لكن عندهم شافع جوااااط إضرب ده وإطرد ده وطبعا الضيوف ما شغالين بيهو ومتصبرين بي ونسة الباقين

Quote: يا وهبة محمد عثمان هيّن أخشى عليك لو طلع الوليد يوسف عندو عضوية هنا

ودالبشرى يا أخانا الذي بدبي
تعرف الوليد يوسف دا بيكون هو ذاتو ما بحترم نفسو
وبعدين هو عندو راي حاد مستمدو من دجانقو شخصياً في الكتابة هنا
وتاني شي يامحمد انت ذاتك عارف هل مساعد الياي هندسيا كدا ممكن يبقى ياي ؟
آي داووت

____
ياخ النور اللحمر دا انا خايفو في النهاية
يطلع كوز وماأتى لحوار ... ماعارف جاني الاحساس دا من وين ؟

.


شكرا ياحسين

زمان قلناها لناس قصي ..
لكن كان لسان حال أهل "الغيبوبة" في تلك المقبرة يقول لنا:
ماذا "يفعل" الحاسدين مع الرازق،
ماذا "يفعل" الحاسدين مع الرازق،
حتى ظننت أنه سيورثه!

أقطع ضراع زميلي في العمل لو ما بكرة "قالت" ليك:
أسمع ياقصي إنت وقت بتكره حسن، نحنا محبتنا داير بيها شنو؟

أخشى ما أخشاه "على قول كمال الجزولي.. ياسحس!"
أن يكون قصي مستجيرا من رمضاء حسن، بنيران بولا وصاحبته،
ولاحول ولاقوة إلا بالله.


مشكلة هذا البوست الوحيدة أنه يجبرك أن تسأل عن أحوال تلك الجبانة.


مشكور ياحسين
ومرحب بضيوفك

سيف اليزل

.

هيهات هيهات لا جن ولا سحر



غسس

الأخ ملاسي.. والأخ خدر..والإخوة البورداب سلامات مرة أخرى..
حقيقة يأ ملاسي لقد سعدت جدا حين أنقذت البوست من الهلاك فإني ما احتفظت بنسخة لي ولولا عناية الله التي سخرتك لكان قد ضاع في لمحة عين..
فعليك الله الحومك بهناك شنو زي الوقت داك؟!!!ما كنت خايف إنطو فيك جوز شفع الحلة :) :)
على العموم شكرا لك جزيلاً.. وشكراً لخدر العزيز (طولنا منك ياخ) وشايفك معجب بي قصة براكة الحسنية.. مبروك عليك الإنبساط لكن والله صبرنا لمن كمل الصبر وبعد داك "أخدنا لينا صبيرة".. بعدين ما تنسى تقول خمسة مرات في اليوم (اللهم لا شماتة)
شكرا يا اساسي على انك جعلتني الكاتب بتاعك لي 6شهور كده.. فعليك الله رسل لينا حق شهرين مقدما:)) :)
ما عارف ليه الوشوش الضاحكة عندكم هنا صعبة!! غايتو عندنا هناك الحاجات ساهلة شديد... ياي...أبقو تعالو

شكرا للجميع والى لقاء قريب
ملحوظة..
وين صاحبنا محمد إي سليمان.. ما شايفو؟

نجاة – يا قصي – تغضبها ممازحتك لنا أكثر من
غضبها الناتج عن إثباتك لضعف حجتها .. فاحذر.

Quote: فاحذر.

يحذر شنو تاني ياحسين ؟
حسن دا لبد كدا بكون بجهز في الرسومات والذي منو ...
العبارات المبتسرة بتاعة نجاة الاخيرة دي اسمها Preflight
بكتيرو بكرة او بعد بكرة بتوقيت قرينتش بكونوا ركبوا التونسية
وكل واحد فيهم اخد الفيها النصيب كان تصحيف لاسمو او كاركتير يعني العضو وقسمتو
غايتو دي اعنف هزة يتعرض ليها حسن، الجماعة ديل دخلوه في Cul-de-oie و تنطق:" كيو دو وا"

والله يا ملاسي دي بالغت فيها عديل كدا... اتخيل لي لو ما كنت جبت كلام قصي دا هنا كان حيكون ساهل جدا على إدارة الفور أوول تحذف بوسته التاني لكن بعد دا بقت صعبة شوية.
مع إني شبه متابع لمنتدى الحوار الديمقراطي لكن كلام محمد حسبو صاح أنا فهمت من كلام د. موسى إنه الكلمات البذيئة دي استعملها محمد في رده المحذوف.
طبعا أخونا وليد يوسف دخل الآن فحصل يا وهبة.
غايتو أنا المضحكني في المعركة دي كلام أخونا أبو الريش في البوست التاني... طبعا أحب هنا أعبر عن احترامي ليهو و لي قلمو و آراؤه لكن يا أبو الريش ياخي تغيب مننا زي ما عايز و تحوم مع الصفوة و وقت يكون عندك موضوع مهم تجي تكتبه لينا و لما تختلف مع الصفوة خلافا لا ناقة لنا فيه و لا جمل تقول عننا:

Quote: عندما أكتب فى ســودانيز أونلاين فأتبع أسلوب الكلام العادى المباشـر لأن هناك الكثيرين جدا من الأعضاء، إن لم تكن الغالبية العظمى بسطـاء وأيضا منهم قليلى الثقافـة، ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك.

مع تقديري لوجهة نظرك لكن أعتقد أنك كان من الممكن أن ترد على الأستاذ عثمان حامد بدون الزج بأخوك الكاشف. أنا أقر بأننا بسطاء و قليلي الثقافة في غالبنا هنا و نحن لم ندع غير ذلك لكن برضو مافي داعي ترموها لينا في وشنا كدا ولا شنو؟

الوليد يوسف أخيراً شرّف وبدا يفك في الشلاليت المعتادة في الهوا
كلو تمام التمام ... بس بعد كدا فاضل الكراكتيرات .

سبقتني يا العوض في التعليق على حديث ابو الريش
تعرف نظرة ابو الريش و غيره من اعضاء الفور اول للمنتدات التانية هي السبب الطالق يد و ريشة حسن موسى فيهم
الطرد من جنة المثقفين يعني الهبوط لأرض البسطاء قليلي الثقافة ففي سبيل البقاء في جنة المثقفين كتيرين لا يقربوا شجرة الإدارة خير شر

المحيرني هو فهم ابو الريش لقصة الكتابة بطريقة مبسطة

Quote: عندما أكتب فى ســودانيز أونلاين فأتبع أسلوب الكلام العادى المباشـر لأن هناك الكثيرين جدا من الأعضاء، إن لم تكن الغالبية العظمى بسطـاء وأيضا منهم قليلى الثقافـة، ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك.

Quote: عندما أكتب فى ســودانيز أونلاين فأتبع أسلوب الكلام العادى المباشـر لأن هناك الكثيرين جدا من الأعضاء، إن لم تكن الغالبية العظمى بسطـاء وأيضا منهم قليلى الثقافـة، ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك.

والله يا أخواننا بوستكم (هل هي بوستيكم؟) جميل لكن الكتابة معاكم بتجيب لينا الشتائم، غايتو يللا سجن سجن.. غرامة غرامة!

Quote: والله يا أخواننا بوستكم (هل هي بوستيكم؟) جميل لكن الكتابة معاكم بتجيب لينا الشتائم، غايتو يللا سجن سجن.. غرامة غرامة!

والله يا محمد عثمان محنتونا في عمرنا .
ما قاعد أقرا فوراول إلا لمن الشباب يجيبو خبرها ، و كل مره الموضوع نفس الموضوع :
حسن موسي خاشي ليه في كعه و مطاعنات مع واحد من الشباب أو مجموعه منهم ، تجي نجاة و الوليد يدافعو عن حسن موسي ، بعد شويه مجموعة الشباب أو بعضهم بيودوهم الكزريمه و يجو يسكلبو لينا هنا .
السيناريو ده تكرر علي الأقل أربعه مرات !
سؤالي ليك : بإعتبارك لسه بهناك : إنت حا تجي تسكلب لينا بتين بجاي ؟
ده كلو كوم و أبو الريش كوم ، و خليه يظهر لانو أنا حارسو ببوست سمييييييييييييييييييين ، أسمن من رخمة الله الجقه !!!

Quote: سؤالي ليك : بإعتبارك لسه بهناك : إنت حا تجي تسكلب لينا بتين بجاي ؟

فال الله ولا فالك يا شيخ :D
لكن بالجد كدة أنا يا راجل ماشي في السليم سواء هنا أو هناك او في أي مكان. إنت متذكر الدنيا قبل الموبايل؟ مش كانت ماشة وكنا عايشين من غيره عادي جداً؟
أها دي هي نفس القصة مع المنابر. انا بقعد على الكمبيوتر يومياً حوالي 10 ساعات لكن بالرغم من دة كله فمشاركاتي في الكتابة في كل المنابر والمواقع الإلكترونية لم تصل إلى الألف بعد بما فيها المجاملات الإجتماعية. الخلاصة إنني استطيع العيش بسهولة دون مشاركة في أي منبر كان.

Quote: فال الله ولا فالك يا شيخ :D لكن بالجد كدة أنا يا راجل ماشي في السليم سواء هنا أو هناك او في أي مكان.

يا محمد عثماننا - الضمير راجع لينا نحن البسطاء و قليلى الثقافـة بتاعين سودانيزأونلاين ديل - أو كما قال شيخنا أبا الريش قدس الله سره !!
ياخوي سليم شنو الماشي فيه إنت ؟ أنا هسي جاي من هناك و خالتك نجاة عامله ليك مداخله في شكل زواده ليك في سكتك لهنا ، شكلك كده الكزيرمه محمداك محمداك !
أها إنت بعد ما طلعت صحفي و مشهور كمان ، ما بجوز إنك تسكلب ، فحا نديك واحد مننا نحن البسطاء و قليلى الثقافـة ديل يسكلب ليك ، مبدئيا كده أنا بقترح الطريفي لانو سكلللللللللللللللللللاب و ممكن صوتو يتسمع في كل أنحاء المنبر و المنابر المجاوره !! ولا أقول ليك ، بدون الدخول في التفاصيل : إنت بس خليهم يطردوك من هناك و أنا بتكفل ليك بموضوع السكليب ده !!

Quote: ها إنت بعد ما طلعت صحفي و مشهور كمان ، ما بجوز إنك تسكلب ، فحا نديك واحد مننا نحن البسطاء و قليلى الثقافـة ديل يسكلب ليك ، مبدئيا كده أنا بقترح الطريفي لانو سكلللللللللللللللللللاب و ممكن صوتو يتسمع في كل أنحاء المنبر و المنابر المجاوره !!

يا اميننا الذي هو الثعلب الابيض ..

بالله نحن آآآي بنسكلب بس ما ثكلبت مثقفين وصفوة واللازم منو ..
نحن سكلبتنا بتكون على شاكلة .. زح لي منو ... جيب لي الزول العامل راسو كبير دا

يازول ارح كا قابلني وراء خور بكري عشان اوريك .. دي سكلبتنا البنعرف ليها ..

اما سكلبة تجيب لينا جنس التعاريف دي :

Quote: المماحكة لونٌ من ألوان الجدل العبثي، يلجأ إليه بعض الناس عادة لتحقيق واحد من هدفين أو كليهما: الأوّل استعراض القدرة على الفهم والتنقير على تفاصيل التفاصيل، والثاني تعطيل الأفكار والمشاريع البنّاءة والمطالب العادلة، والانتقاص من قيمة الأعمال والأفكار المتميّزة.

ويجو يعتبرونا بعدين مماحكين - رغم التعريف ما عرفت معناها بس بشعر انها اكعب من البساطة ومحدودية الثقافة - فما بنقدر سكلب بيها ..
فيا محمد عثماننا الصحفي الذي باستراليا .. أمين دا مشهور انه ثعلب ابيض فعاوز يدحدرك من مقام الصفوة إلي بساطة محدودي الثقافة ..

ود الزين وأمين،
يا بسطاء، إن شاء الله مبسوطين..

دقيقة دقيقة يا سادة
أبو الريش حيرني زيادة

Quote: عندما أكتب فى ســودانيز أونلاين فأتبع أسلوب الكلام العادى المباشـر لأن هناك الكثيرين جدا من الأعضاء، إن لم تكن الغالبية العظمى بسطـاء وأيضا منهم قليلى الثقافـة، ولو أتبعت ذات الأسلوب الذى أكتب به هنا، فإن معظمهم سـوف يرى ما أكتبه غير واضح فى مجمله، وغير متماسك.

والله لم أر في حياتي بني آدم ماخِّد بعبوص في نفسو مثل أبا الريش هذا، يا أبا الريش أصحى، أصحى يا رجل، أهل الكهف ذاتهم صحو، البصحي أهل الريش شنو؟ أها النديك النجيضة يا أبو الريش، إنت عندي مصنّف من ذوي الإحتياجات الخاصة، وإن لم تجد مكاناً تضع عليه مشاركاتك الضحلة والسطحية، لتركنا لك مقاعدنا، رفقاً، كما نفعل مع كبار السن وذوي الإحتياجات الخاصة؛ يا أبا الريش إنت في أحسّن أحوال العقلية فايتاك رضعة، ولن تدركها، إن أتممت او أكملت..

سؤال لقبيلة البسطاء محدودى الثقافه ..
إنتو حسن موسي ده رتبتو شنو ؟..

Quote: فيا محمد عثماننا الصحفي الذي باستراليا .. أمين دا مشهور انه ثعلب ابيض فعاوز يدحدرك من مقام الصفوة إلي بساطة محدودي الثقافة ..

يا حيدر الزين
من مداخلتك دي واضح جداً إنك ما قادر تفهم حتى الأشياء الواردة بشروحها وتفسيراتها كما إن (بساطتك) الواضحة وقلة ثقافتك حرمتك من فهم المجادلات العميقة بيني وبين أمين والإستفادة منها ، لذلك فإنني اوصي بوضعك حيث ينبغي لك ان تكون على رأسك القائمة إياها دون منافس حتى الآن.
أمين/
ارجو العناية بتوصيتنا هذه
مع التحايا

Quote: ذلك فإنني اوصي بوضعك حيث ينبغي لك ان تكون على رأسك القائمة إياها دون منافس حتى الآن.

ما تاكل حقنا كمان :)

ما قائمة واحدة .. التلاتة قوائم

Quote: تعرف نظرة ابو الريش و غيره من اعضاء الفور اول للمنتدات التانية هي السبب الطالق يد و ريشة حسن موسى فيهم الطرد من جنة المثقفين يعني الهبوط لأرض البسطاء قليلي الثقافة ففي سبيل البقاء في جنة المثقفين كتيرين لا يقربوا شجرة الإدارة خير شر

عارف يا ود البشرى أصلا ما مستبعد يوم من الأيام أقرا في سودان فور أوول زول يكتب كنت حايم في سودانيز أون لاين و يلحقها بتعبير زي لا مؤاخذة ولا الله يكرم السامعين أو أي شي من هذا القبيل.

Quote: والله يا محمد عثمان محنتونا في عمرنا . ما قاعد أقرا فوراول إلا لمن الشباب يجيبو خبرها ، و كل مره الموضوع نفس الموضوع : حسن موسي خاشي ليه في كعه و مطاعنات مع واحد من الشباب أو مجموعه منهم ، تجي نجاة و الوليد يدافعو عن حسن موسي ، بعد شويه مجموعة الشباب أو بعضهم بيودوهم الكزريمه و يجو يسكلبو لينا هنا . السيناريو ده تكرر علي الأقل أربعه مرات ! سؤالي ليك : بإعتبارك لسه بهناك : إنت حا تجي تسكلب لينا بتين بجاي ؟امين محمد سليمان

ماظنيت.
العاصفة تقتلع الأشجار العاتية فقط، فللعشب خاصية التمايل ومسايرة الريح.

Quote: يا حيدر الزين من مداخلتك دي واضح جداً إنك ما قادر تفهم حتى الأشياء الواردة بشروحها وتفسيراتها كما إن (بساطتك) الواضحة وقلة ثقافتك حرمتك من فهم المجادلات العميقة بيني وبين أمين والإستفادة منها ، لذلك فإنني اوصي بوضعك حيث ينبغي لك ان تكون على رأسك القائمة إياها دون منافس حتى الآن.

والله لولا بقية من حياء و شئ من مخافة الله لزغردت لهذه المداخله حتي يظن الناس بي الظنون !!
ياخي أنا زول قعد لي الطريفي الذي في الضلاله ده في علبو زيك يا محمد يا ود عم عثمان مافي !! ياخي إنت مش بقيت كاتبي المفضل ، إنت بقيت صاحبي المفضل ذاتو !!

Quote: أمين/ ارجو العناية بتوصيتنا هذه مع التحايا

توصياتك يا محمد عثمان الذي في قلوبنا جارية التنفيذ :
الطريفي :
تم تغيير لقب الطريفي الذي في الضلاله إلي الطريفي الذي في علبه حتي إشعار آخر !!

كتبت مديرة الموقع لقصي في مجمل ردها على تساؤله عن حذف البوست:

Quote: وحينما تصف شريكاً للحوار بـ"الجلافة"، فإنك تتعدى حدود آداب المخاطبة. وحينما تضع نفس هذه الكلمة في عنوانك، وبالتالي على واجهة المنبر، فإنك تسيء إلينا جميعاً أيضاً.

عجبي ،، كلمة جلافة على واجهة المنبر تُسي لكم جميعا بينما لا تزال مؤخرة الوزة
تتأرجح عاليا في موقعكي ،، فسبحان من جعل للمؤخرات غطاء حتى ولو كان من الريش
ولكن اخلاق الرجال تبينُ ولو غُطت بالشهادات وزيف ثقافةً وريش ،،

Quote: ماظنيت. العاصفة تقتلع الأشجار العاتية فقط، فللعشب خاصية التمايل ومسايرة الريح.

Objection!!

يا صفوة ..
عندي طلب ,, كان عندي بوست هنا في سودانيزاولان ختيت فيهو صورة ياسر طيفور شايل الوِزة مع إستشهاد بأبيات الحاردلو
ممكن زول يناولني ليهو .. مالقيتو . بليييييييييييز


2
الهدوء الحالي هو الهدوء الذي يسبق كاريكاتيرات حسن وِزة

عليه .. سيتم رسم قصي و حسبو و البراق كـ وزات عظيمات

وبذلك يكون حسن إنتقل من فصل النمل الي فصل الوزة

يا شباب في زول عندو مداخلة حسبنا الممسوحة التانية ؟

Quote: عندي طلب ,, كان عندي بوست هنا في سودانيزاولان ختيت فيهو صورة ياسر طيفور شايل الوِزة

اتفضل يا عمكـ

Quote: يا تمبس عريس إزيك .. أنحنا نبارك ساكت وإنت ما شغال بمباركتنا ولا فاكرنا ذاتو. لكن ولا يهمك نتعرف أسة

.. عظيم الشرف والله يا محمد عثمان .. اعفي لي .. ياخ .. ..
بعد العفـو .. فتش لي وهبـة دا مويتو شنـو .. أنا من النوع البحب اللعبة الحلوة ..

تامبا .. وهبة دا أنا حذرتو لكن ما بسمع الكلام

Quote: غايتو يا وهبة .. قريبا حنسمعكـ بتسكلب: حسن موسى واااااي فكني! والباقي تمو طعمية!

حذفت لتبسيط الفكرة للسادة القراء!
البورد دا بقى يدخل الواحد في Cul-de-oie

Quote: يا صفوة .. عندي طلب ,, كان عندي بوست هنا في سودانيزاولان ختيت فيهو صورة ياسر طيفور شايل الوِزة مع إستشهاد بأبيات الحاردلو ممكن زول يناولني ليهو .. مالقيتو . بليييييييييييز

.. معليش يا خـدر .. الوزة اليومين دي ما فاضية ليك .. شغالين بيها بي هناك

..

Quote: تامبا .. وهبة دا أنا حذرتو لكن ما بسمع الكلام

. دا شنو يانقراطـه ..
ارفع لينا الكربون دا من تحت الكيبورد شان نعرف نرد ليك ..
حسع عليك الله ارد ليك تحت واللا فوووق ..؟
طلع الكربون دا ياخ .. فضحتنا .. حسع اقول لي ابوالريش شنو لو شاف مداخلاتك الاتنين ديل
محمود بكر قبل يومين شايل حسو ..
لكن يمهل ولا يهمل ..


يا نقراطــه

Quote: ماظنيت. العاصفة تقتلع الأشجار العاتية فقط، فللعشب خاصية التمايل ومسايرة الريح.

إن استغربتم مداخلة ثروت همت فسيزول استغرابكم فور الضغط على الرابط أدناه:

كاتبي المفضل في الصحف ..

Quote: إن استغربتم مداخلة ثروت همت فسيزول استغرابكم فور الضغط على الرابط أدناه: حسين ملاسي

لا يا ملاسي، ولو، ظنيتك اذكى من كدا.
إن استغربتم مداخلة ثروت همت فسيزول استغرابكم فور قراءتكم لإقتباس محمد عثمان الموجه لحسن موسى أدناه:-

Quote: على العموم أنا اثق -كما تعرف- في حكمتك دائماً لذا فإنني أعتذر عن أي غلظة لم استطع تفاديها في مداخلتي الأولى ولو قلتوا نسحبها فسنفعل. محمد عثمان إبراهيم

Quote: و النملة أمعود

دا منو يا جماعة؟

Quote: و النملة أمعود

Quote: دا منو يا جماعة؟

واحد من نقارطة امدرمان
والله اعلم !!

Quote: والنملة أمعود

...
والله حسن دا ببالغ ..
.
.
بيرش من طرف .. لكن الحمد لله في رشانو دا .. ما قاعد يرش كل اتنين مع بعض .. كل واحد بيكتب ليهو في (سلمـو)

ارجو ألا تشيل الهاشمية (التاني) ويجي لافي بي هنـا .. عندها ح نرجع للمربع الأولاني .. وأنا تاني مضطر افتح لي بوست تضامن تاني في الفيس بوك وحملة مناصرة لي اصحابي .. (الاتنين) ..

البعتبر المداخلة دي مشفرة .. يراجع ابو الريش من غير وزة .. ويعمل فحص لي هرمونات البساطة الثقافية في عنبر ستة في موقع مايو كلينك ..

الداير تصاوير منو ؟؟ .. توجد تصاوير لكسر الشفرة .. شفرة دافنشي ..


كسرة يا بوعلي ..
اكسر يمينك شوية

كثيراً ما نسمع من الشعراء والتشكيليون والأدباء والمسرحيون العرب أن هذه القصيدة أو اللوحة أو القصة أو المسرحية لا تحتاج الى شرح فلكل شخص الق في أن يأولها كما يشاء ، هنا لدينا قولان:
1- يصير القول حقاً إذا كان مقصود به أن الفن المنتج قد تم انتاجه وفقاً لقواعده المعروفة وما جهل المتلقي به إلا لجهله بالفلسفات والعلوم الحديثة! ولكن هل هذه الحقيقة موجودة في ذهن الفنانين..بل هل هي موجودة في فنهم حتى؟
وللناقد العربي اليمني حسن عزعزي رأي طريف أحب أن أنقله هنا من كتابه "موضوعات في النقد الأدبي" فيقول: إن مشكلة الفهم التي نتحدث عنها لا تواجه القارئ الأمي ، ولا هي تؤرق القارئ المتوسط ، إن المشكلة تواجه وتؤرق حقاً القارئ المثقف بالضبط..القارئ الجاد على وجه التحديد. ولذها السبب بالذات فإن حوار: لماذا لا تقول ما يفهم؟ - لم لا تفهم ما يقال؟ الذي يشهره البعض سلاحاً في وجه منتقدي الغموض والإبهام في الشعر الحديث كلما ووجهوا باللوم أو النقد ، يرتد الى نحورهم فالرواية تقول إن الحوار جرى في الأصل بين أبي تمام الشاعر العباسي الكبير والمعروف بثقافته الواسعة العميقة وبمستوى راق جداً من التفكير الفلسفي وبالصنعة الفنية المتطورة ، وبين إعرابي قدم لتوه من البادية.
2- أما القول الثاني (حق التأويل لكل شخص) فهو أيضاً مردود لأن المقصود بهذه المقولة في الأساس هو حق التأويل الجمالي لأن الأثر الجمالي الذي تخلقه العملية الفنية يختلف من شخص لآخر وهذا موجود حتى في النصوص الكلاسيكية ، ولهذا السبب بالذات نجد شخصاً بيننا لا يتذوق المتنبئ أو عنترة لأن الأثر الجمالي الذي يخلقه شعر عنترة لا يتفق وقاموسه الجمالي ، ولكن حجة لا حجة له في عدم فهم الأبيات ومرادها.

(جزء من ورقة لـ قصي مجدي سليم - صحيفة الأحداث - ملف تخوم الاسبوعي - عدد 16 فبراير)

Quote: عندي طلب ,, كان عندي بوست هنا في سودانيزاولان ختيت فيهو صورة ياسر طيفور شايل الوِزة مع إستشهاد بأبيات الحاردلو

يا خــددرررر

يااااا ولــــد ..

ليس بالوزة وحدهـا يحيى الإنسان .. (مثل سري)

Quote: اضحك بإعتدال، عشان في شاب بي هناك الضحك شرطو بالمرة. و كمان لو شفت " نيوب الليث بارزة" فلا تضحك معه من غير سبب، فتقع تحت طائلة الطلاشة الشبابية المعهودة لدى بعض "الشباب المتورّم" من شاكلة محمد حسبي الذي نبخـّر فيهو و نضاير ليهو و هو يجود علينا بشناعات لا تطاق.و الفرز بين الخيار و الفقوس و بين الطلاشة و العوارة وارد عندي بين نوع محمد حسبي الذي في الخليج و محمد عثماني الذي في أوستراليا[ و آخرين] ، فهؤلاء هم الطلشاء، الضرب ينفعهم و العلم يرفعهم، و ناس قصي المناضل الضاحك و النملة أمعود وعاطب عبد العاطب و سيف بن لم يزل و بقية المتغرّضين مع حسين ملاسي الذي عين نفسه قائما بأعمالي في "وطن من لا وطن له" المفتوح للغاشيين و الماشيين على أربع بدون فرز

يا حسن وِزة , ما كنت عارفك بتحبني قدر ده .. جايب سيرتي مرتين في مداخلة واحدة ؟
بعدين ياخي حقو تخلي روحك رياضية شوية و تقبل الهزيمة .. سئيلي الله قصي دخلك في طيز وزة او العكس

Quote: نحن غايتو زي الزول القاعد في بيت ناس مهذبين ولطيفين ووديعييييين لكن عندهم شافع جوااااط إضرب ده وإطرد ده وطبعا الضيوف ما شغالين بيهو ومتصبرين بي ونسة الباقين

والله إلا حمار الوادي يوزوز يا حسن حتان اخليك
كااااااااااااااااااااااااااااااااااااااااااااكـ
جملة قصي دي حا تقعد ليك في وِزتك كده لي يوم يبعثون

Quote: دا منو يا جماعة؟

Quote: يا خــددرررر

ود الصايم و تمبس
اضحك بإعتدال يا ذوات الاربع

Quote: اضحك بإعتدال، عشان في شاب بي هناك الضحك شرطو بالمرة. و كمان لو شفت " نيوب الليث بارزة" فلا تضحك معه من غير سبب، فتقع تحت طائلة الطلاشة الشبابية المعهودة لدى بعض "الشباب المتورّم" من شاكلة محمد حسبي الذي نبخـّر فيهو و نضاير ليهو و هو يجود علينا بشناعات لا تطاق.و الفرز بين الخيار و الفقوس و بين الطلاشة و العوارة وارد عندي بين نوع محمد حسبي الذي في الخليج و محمد عثماني الذي في أوستراليا[ و آخرين] ، فهؤلاء هم الطلشاء، الضرب ينفعهم و العلم يرفعهم، و ناس قصي المناضل الضاحك و النملة أمعود وعاطب عبد العاطب و سيف بن لم يزل و بقية المتغرّضين مع حسين ملاسي الذي عين نفسه قائما بأعمالي في "وطن من لا وطن له" المفتوح للغاشيين و الماشيين على أربع بدون فرز

يا أخانا قصي تحياتي
وبورك لك في المولود

Quote: ملحوظة.. وين صاحبنا محمد إي سليمان.. ما شايفو؟

شكرا للسؤال عني
لكن هذا شهر ما عندي فيه نفقة ! وشعر ما عندي ليه رقبة .
يا قصي يا زول حافظ على باسووردك
حكاية (عندنا في العربي كدا وعندكم في الفرنسي كيف؟) دي بتفجع فيك الشباب المتورم
وخلك متل أدروب .

مسكينة الوزة ... تشيل شنو و لا منو
قالو التاريخ يعيد نفسه مرة كمأساة و مرة كملهاة
و بعد داك تبقي مسخرة ساكت.

لا زال حسن موسي السجالى يصر على حشر الوزة في حسن موسي الكاتب و الناقد ....
لا جديد .... فقط تأكيد آخر لما حدث مرات و مرات

العترة ما بتورى الجمل عوجة رقبتو

لو كان لى ان انصح ... يا قصي لا تكتب ما قد تندم عليه مستقبلا .. عشان روحك بس , الغضب و احساس الضيم قد يدفع للانفلات ...

مؤسف في كل الحاصل ده ان فاتت فرصة الاحتفاء بشاعر حقيقي هو النور احمد على , قرأت له في اواخر السبعينات او اوائل الثمانينات قصيدة واحدة هى نشيد المفازة , نشرت حينها في مجلة الثقافة السودانية , نقلتها لدفتر كنت احفظ فيه القصائد التى احبها. لم اقرأ للنور بعدها اى شئ (و لم اسمع او أقرأ عنه بعدها) و عزوت هذا لسوء متابعتى او لقلة ما ينشره , الدفتر ضاع و معه القصيدة.
رجاء ان كانت بحوزة شخص ما - عصام ابوالقاسم او غيره - ارسالها لى او طلب ذلك من النور .

و يا وز العالم و طيور(ز)ه المنتهكة ..... وسعوا

الراجيكم كتير

مع التحايا للنملة ام عود
اختكم
النملة اياها

والله يا ملاسي كنت مستغرب جدا مداخلة ثروت همت , الا ان الرابط الذي انزلته ازال الالتباث تماما ووضح الصورة , سوى انه اهداني الندم في اني لم اقرأ ذاك البوست الذي انزلت رابطه في وقته , فقد كنت شاهدا علي احدي حوادث ( تهنئة احد الصبية للاخر لوجود ثروت همت في قوائم اصدقائه .

تعرف يا أساسي .. ثروت حاولت التذاكي و غاب عن ذهنها أن ذاكرة الأرشيف لا تصدأ.

Quote: تعرف يا أساسي .. ثروت حاولت التذاكي و غاب عن ذهنها أن ذاكرة الأرشيف لا تصدأ. حسين ملاسي.

يا حسين ملاسي، لم أتي بكلمة مشينة، أو عبارة مدينة أو ردود غير موضوعية في خيطك السابق ( كاتبي المفضل قي الصحف) لأحاول التذاكي والتملص منها لوجودها في الأرشيف، بل دعك من أرشيف سودانيز اونلاين هذا، إذا جُمعت كل كتاباتي و مداخلاتي من كل المنابر التي أكتب بها، لما نفضتها عن قلمي، لأني أكتبها بقناعة تامة، ودوافع مستقيمة، وهذا هو الفرق بين من يكتب لإثراء النقاش، ومن (ينطط في البوستات) وينتقد بلا أدني موضوعية أراء الآخرين وشخوصهم ذاتها.


**
بالمناسبة وجودي في هذا الخيط (بالـتأكيد) ليس له شأن بك، فأنصرف لشأنك (السخرية والنقد اللاموضوعي وال كوبي اند بيست) ودعني لشأني.
انتهى (يعني تاني مافي ردود ليك).

Quote: انتهى (يعني تاني مافي ردود ليك).

يا حسين ما تزعل نفسك

Quote: إنتهى

دي ذاتها منحولة عني.
عجيب أمر هؤلاء الأدباء الشباب (وتشمل هذه الأديبات الشابات) يستعينون بمحرري نصوص لإعادة كتابتها وضبط لغتها وهم في أول الطريق، ثم ينتحلون كلام الآخرين ويقومون بتفسيره (كمان) دون أدنى وجل.

Quote: رجاء ان كانت بحوزة شخص ما - عصام ابوالقاسم او غيره - ارسالها لى او طلب ذلك من النور .

اها يا عصام القصيدة الكاربة تحت اقرأ سااااي وغيرك يقرأ

Quote: نشيد المفازة (1) حبيبتي عـزّة الطفلة التي انفلتت من مسار الزمن ، تصنع تاريخها، وتدخل عنوة في صياغة زمن الأطفال ، الطفلة أنت، البدء والتوقع ، ها أنت تفاجئيني تماماً ومسار الفصول قفي لحظة قبل الدخول فثمة برهنة للغناء ونحن موسومون بالفرح عند كل المواسم ( 2 ) عزّتي عبئي عينيك شموساً ونهديك دفئاً وانسربي شموساً استوائية بين مسارب روحي فليست هناك فسحة للمداولة والغناء يستعمر حلقي وينام ملياً فوق عيون الجروح النيئة وعند مداخل الضوء والصباحات وأنت يا سيدتي ، (3) تجمحين فارساً وفرساً مجللة بالشٍّعر ومكللة بأريج الطيور الجسورة وشوق المد والزوارق. فالذين أوفوا يا حبيبتي استحالوا مدارات وأشرعة ونحن ؟ ماذا تفعل الرياح الشمالية حين يشك خاصرتها برق اختزل كل بداوة الشرق وتاريخ الوخز والدماء. فالدخول الدخول (4) مشرعون نحن يا حبيبتي للنزال والمطاعنة. حتى يسترد الأطفال طعم الأبوة والأرامل دفء أحضان بعولتهن وحتى تسترد السماء تلك الزرقة اللعينة (5) لك الحول يا عِزّة الرجال أدخليني ولا تبرحين. فثمة رعشة وصيف يلتهم الخرائط من أفواه الصغار وأفق مدلهم ينام فوق أعتاب الأحلام وينوء حتى تبدع الأرض حملها للعشب والبداءات ونحن يا حبيبتي معتصمون بالطفولة وبالجراحات التي تبدعنا (6) عَزّتي على النهر كانوا يصطفون ألوية تزحم عين الشمس كان النيل مهموما ً والحافلات تشغل صدر الزمن وكانت الأسماك المرجانية المهووسة تتناسل عند خاصرته تصنع دخاناً وأغذية لفوهات البنادق (7) أما العيون النحاسية المدربة فكانت تزيل طبيعتها عن أقدام الأعشاب الطفلة وانبثقت الأزهار الأرجوانية اللهيفة تنبت تباعاً على شفتي النهر وثمة يوم بارع يدافع نحو بوابات الدم والرماد وإن ثمة أجسام نورانية عند بوابات الحرائق وإن ثمة أيام قليلة قادمة لقوادم خيل الفتح مهيبة وسانحة (8) سيدتي كانت المكبرات العاهرة تعلن: ( زعموا أن جثة ابتلعها النيل ) كان النيل يتدبر شئونه الخاصة يملأ جرة ويسقي نخلة ثم استحال النيل شاهداً للدفاع وشرطياً ينظم حركة السايلة جف الحديث برهة ثم اعتلى كل طفل زهرةً واندغما فكنت أنت يا حبيبتي وجوداً سرمدياً يبدأ بالزهر، وينتهي بالنهر جفّ المكان برهة فتزاحمت أصواتهم بالمناكب نريد حبيبنا وإلا سنبدأ الغناء ارتج الحول والحال تلك مقدمة للرهق. (9) لحظة واندفعي أيتها المغروسة فيّ رمحاً من حكايا حين أهزّك ترمحين ويطلع النهار وحين تهزيني أتكاثر تاريخاً من الغبن والنزيف (10) اندفعي عزة فثمة ارتواء ينبت على حافة النهر واشتهاء يسد عيون الحواس. وأنت يا حبيبتي الفرجة التي تنسل منها السهام الشائكة تبدع نسل الشمس وتمهر باسمها تاريخ الآفاق الباسلة والآن. نبدأ يا عزتي، والشاهد زهر ونهر وها هم الأطفال معبأون بالغضب والانتظار . (11) كنا نغني يا حبيبتي عاور الريح سهامه / فاستحال السهم نهرً اً واستحال النهر جسراً واستحلتم آخر لأمر قيامة واستحالت عزّة الجرح جراحاً عزها الفجر غمامة أيها الريح المدارى تقدم نحن أبدعنا من الجرح على الصدر حمامة تغزل الفجر الذي يصبح تاريخاً وعِزّة يصبح تاريخ مَعزّة (12) سيدتي أنا صياد ولكن الرياح الغربية دفعتني بعيداً بعيداً وكنت موسراً وذا عزم من الصلابة والضوء كنت أصنع البحار والشباك التي تصطاد الدخان والحقول من شوارب الندم وأصوات السهول الخائفة وبقايا الحوافر التي استهلكتها الأحصنة. أشرعت قواربي ولم يبق إلا الطوفان. كانت العناكب المعتوهة وصغار الطحالب البيئية تقيم أعراسها الرخيصة تحت أردية الصخور وعند عرى السهوب الرمادية والشاحبة وكان عليّ كأيّ صياد دَرِب أن أغرس لساني تحت جلد الأسماك العشبية وأشد عيوني عند خارطة طينية عجوز كانت ترصد وبصدق المغامرات ا########ئة بين العري وعهر الأمكنة. كنت أصطاد من عيونهم النعاس وشكل التواكل كانت شباكي طيعة وفوق صدري تعشوشب رائحة الصهيل والأماسي التي بللها صليل الصمت وهشاشة الرمال الوضيعة (13) سيدتي أنا صياد ولكن الرياح الغريبة والتي ترقد مثل صغار القطا أسفل حلقي وفوق ازرقاق عيوني وعند مهاوي السيف في حاصرتي حملتني وزرها وأدخلتني في حجرها واستراحت ومن يومها وأنا وطن ومرفأ لهجرة الرياح ورحلاتها المعبأة دوماً على ألسنة البروق وعند مراصد النيازك حبيبتي (14) أنا صياد كنت أقرأ من على صفحة الأفق الهجرات المزمعة وحجم الأنواء التي دوخت السفن وأوجعت الصواري وتكاثرت كالصبر على الأشرعة المتعبة. ونامت ملياً داخل حدقات الطيور الميتة والمهابة. عزَّتي كنت الشاهد الوحيد والمليون وعاشق الموج الوله تحصنت داخل رأسي وكأطفال المدارس رفعت سبابتي في غير ما احتشام أو مداراة كاذبة بين تلافيف صوتي قلت: يا حبيبتي أنا صياد ماهر ولكن الرياح الغريبة كانت تضاجع البروق عند قارعة السماء وتنام وعلى فمها جسد المذابل الهرمة والمتآكلة وفي عيونها سفاح البروق الخلّب كانت تدفع الأعشاب الصدئة والنيئة نحو قرارات موجه الرهيب ثمناً لعهرها السميك وكانت تغسل عريها الزنيم عند موارد طهر الرجال وصبرهم. أشهد حبيبتي أنها كانت تتجول عارية الفخذين تبيع غثاء القول ولحاء الكلمات القديمة. كانت تحتطب المحار وأصوات القواقع الزائفة وتبيعها رباً باسم البحار والمشارع الوضيئة. تلك كانت شهادتي وأنا يا سيدتي صياد درب الشباك حسم خزي الرياح الغريبة (15) عند حلول الكارثة كنا يا سيدتي حشد من الرجال وفارس. استهل الرجال الفاجعة سناناً وقناً كانت عيون القنا إثم وكانت السنان كفارة الوجع وثمن المخاض. انغرست السنان على المخاض فكانت المهابة التي دوخت أعنة الرياح. وبين الصمت واه كان غناؤنا أن احترقت الجنادب العويصة ولم يبق إلا الأوراق التي لوثتها الريح الفاسدة وأطراف المحنة التي جاءتنا من أودية العهر والمذابل أيها النحل والنمل الشفوق فوق نبض الصواري وتحته ألسنة البروق وعند جنون الصحاري تكاثرت صغار الأعاصير وأجنة الرياح أما عسس سليمان الرملية فلم تكن إلا بقايا من الحكم الرتيقة والتي تواتر عنها إن لم يدركها البلوغ بعد ولم تزل تحبو عند حواشي الكراسات الملونة (16) غير أن الفارس الماهل كالريح وكالخيل صدام ضوء الجرح بما يشبه أطياف حمام فاستكان العشب دهراً عند عينيه ونام وعلى الصدر من العشب من الحُبِّ من الحَبّ ِ من الحرب من النار وسام وعلى الجهة برق وكلام ومن الكفين نشتار حراباً ودروباً للأمام غير أن الفارس الماهل كالريح وكالصقر مقام حطّ في عيني سهمين صغيرين من الحنطة واللوز وولى شهقة لطائر أعلى ثم أعلى ثم أعلى ثم أعلى يا إلهي وعلى البرق، أو النار استقام. عزتي كن الشاهد والصياد ولكن الرياح الغريبة فآثرت الغناء والشاهد زهر ونهر (17) كنا جمع من الرجال وكنا نغني وعلى السطح الملتهب كانت بقايا الأجنة غير المكتملة تساقط حاصل طرح التعب (19) كان صوتنا قوياً وفوق الحوائط النتنة واللعينة كانت بقايا الألبسة القديمة تقيم حرساً لمجد الخنوع حتى تنام دواخل البنادق الصدئة والمفرغة وعلى أطراف ألسنتنا كان الغناء ينطلق مالحاً (18) شممت ثلاثة حوار اثنين اخترقت شظية حوافر الحمار انفلقت خطيئتي وطلع النهار وفوق عينيه الوحيدة السقيمة بقية من صفقة قديمة وخطة مرقعة وبصقة إحدى عشر وضعت نقطتين قبل الخاتمة توطئة وفاتحة لسيدي الإعصار. عليّ وضع نقطة مؤخرة. وبعد يا حبيبتي وقبل يا حبيبتي وقيل أن يظلم في عيوني الكلام لك السلام لك السلام .

تحية للجميع .

يا عصامنا الذى بال....
مالك و سفيان تتأمرون
بالشعر على هذا البوست
ارعوو

ما تودرو لى غشيتى و مشيتى

لله درك حسن موسى

سؤال ثقافى وكدى و من غير ما ذكر اسمى (ملاسى احسن منى فى شنو)

هسه مثلا انا كنت بقرأ فى لعب العيال التشكيلى
امشى و اجيهو راجعه (عشان مشى و غشيان ما بتناسب و سودان فوراول)
هسه ما عارفه التنظير بتاع الكتابه والقراية والنص والكاتب وشنو ما بعرفو داك
اعمل معاهو شنو لانو يصراحه بعد ده صعب الواحد يقرا لحسن موسى الكاتب من غير ما يحس
بالدمار والانهيار العصبى بسبب انو كقارى من الغاشين والماشين عند حسن موسى اهون من نمله وكده
يعنى كيف الواحد يقرا و هو حاسى بانو قارىء ناقص عند الكاتب
هىء هىء هىء هىء هىء
والله يا حسن ازمتا نفسياتنا ياخ

يا جماعة القصة دي حقت منو

أبو الوز

ولا الواد أبو تي دا

اولا اسمحو لى ان ادعى على ملاسى وس وس وس وس امييييييييييين
كان اصاب الماوس والشاشه بتاعابى بإرتجاف عقلى
وهى تزازى مابين هنا وهناك

اها يا قصينا الذى فى سودانيزاون لاين نراك قد ماحكة وليدنا
فرأينا نحن الغاشين والغاشين ان نتولى امر مماحكتك وعدم فهمك
حتى ينصرف وليدنا الى امر الثقافة (ملعونه كان ما عندها ولى)

اقتباس:

هذا هو حال قضية البوست تبعك ده، للأسف ياقصي منذ العام 2006 تقريباً تتكرر نفس الموضوعة وبنفس الحيثيات والتفاصيل الممله وبراك شايف هسي الكم الهائل من الروابط (اللينكات) التي يتم وضعها في المناقشة الآنية يعني زي حكاية المساطيل اذا كنت تريد معرفة رأي الشخصي او رأي غيري في هذا البوست ما عليك سوي الرجوع الي الكم الهائل من الكلام المهدور والحبر المسفوك في هذا الشأن العويص والمركب والأ فعلينا أن نقوم برصد وتصنيف المواضيع الكثيرة في هذا المنبر بل وبقية المنابر المجاورة وترقيمها ونعمل زي الجماعة المساطيل أياهم.

هذا من ناحية، بعدين حكاية كلامي السمح عن الديمقراطية ونشرها، الظاهر عليك ما فهمته او لربما قمت بتمريره عبر بوابة المماحكة كالعادة ، فالمقصود كان تقريب فكرتي فرض الكفاية وفرض العين ووضعهما كنموذج للتعدد والتباين في فهم الفكرة الهائلة الإسمها ديمقراطية.

الزول ده قال ليك الكلام الكتير المكرر لزومو شنو
وانتو عارفين نهايتهو برضو مكرره ومعاده وممله
وهى تأتى بوجه وسيم باسم ذو اسنان ناصعة
اقتباس:
السيد طلاشة.. شيل وسخك ده من هنا وتاني ما تجينا وكان عجبك عجبك كان ما عجبك أمشي اتلمى على الوسخ الزيك..
يا قصى ياخ ارتقى لأمرك ماتتعبنا ساااى

اما عن حديث وليدنا عن الديمقراطية فوالله لم اجد له مخارجة
غير اننى وجدته مماحكة... والله اعلم
والله من وراء القصد

أضحكتني محاولة عصام جبر الله الإيحاء بأنه قد تسامى على جراحه

Quote: سلام يا إلهام في" صياغ" هذه المنازعة الدائرة يصبح من الصعب ـ وقيل من المتعذر ـ علي قراءة عبارتك "فأنت لست مثلهم" كمجرد نصيحة أخوية بريئة لهذا الشاب الذي تزعمين أنه " وريث الصوفية".أما قول الشاعر أعلاه في خصوص الموقف من السفيه و ما تبعه من حديث عمايل الأبرار و المقربين فهو قد يعرضك لظلام العين و القلب.فأرجو ان تتكرمي بالمزيد من الشرح.

دع المماحكة و التهديد جانبا يا ابوعلي و انزل بالتصاوير المزلزلة , فكل مُسخر لما خُلق له




_____
في حال ان سيناريو التصاوير القادمة يفتقر للعنصر النسائي , تُقبل المماحكة و التهديد معاَ

Quote: اصاب الماوس والشاشه بتاعابى بإرتجاف عقلى وهى تزازى مابين هنا وهناك

لا بأس .. فحالنا و حالهم سيان

Quote: الغريب أنه كان (يلف يلف) وتاااني يجيني راجع وإقول لي شنو وشنو وشنو ويختمها (ولا شنو يا قصي)!! وقايلني شنو وما عارفني ساااكت: سكتُّ عن الشطون فَظَنَّ أنِّي *** عييتُ عن الجواب وما عييتُ (والشطون في أصل البيت: السفيه.. ولقد أبدلنا وأحللنا حتى يدِق الوصف. "نا" معناتها قصي يا حسن).

ما تسكتلوش يا قصي .. بالحتة الفيها الحديدة وعلي دماغو عِدل

كتبت:

Quote: نجاة – يا قصي – تغضبها ممازحتك لنا أكثر من غضبها الناتج عن إثباتك لضعف حجتها .. فاحذر.

فغضبت و لامت عنهم تماضر .. فتأمل:

Quote: واللوم التانى انك استجبت للقهقهة التى تدور فى سودانيز لون لاين "الموقع الذى أكتب فيه من سنة 2001 ولا أرغب فى تقييمه لا هنا ولا هناك على الاقل الأن" وده برضو أعتقد انه ناتج عن فورة الغضب ...اللعينة المذكورة أعلاه "انقر منيجمنت"

Quote: لكن مثل هذه البوستات السريعة الضاحكة تعتم الرؤى وتجعل موقفك من النقاش هنا غريب، فاما أن تركز وتناقش موضوع "حرية الكتابة أو قسوة الادارة" هنا ببسالة ...او تذهب هناك وتتضاحك على الموضوع برمته. "ده لومك التانى؟؟"

حذفت للتكرار

Quote: فغضبت و لامت عنهم تماضر .. فتأمل:

Quote: وكتبت نجاة

شكرا سودان فور ال انها للا زالت تعلق بوست اسماء قتلتو الطالب بصدر

المنبر بينما حذف من هنا



كتب عاطف عابدون....

Quote: تحصلت مصادرنا في الداخل عن معلومات هامه وخطيره حول اغتيال الشهيد محمد موسي وتعذيب رفاقه القابعين الان بسجون النظام منذ مايقارب العام شننشر عبر هذا البوست اسماء ومعلومات وتفاصيل غايه في الخطوره ولان الامر لا يتحمل المقدمات لان الامر يتعلق بارواح من هم بالداخل الان ولان صمتنا عن فضحهم سيجعلهم يتمادون في جرمهم لذلك وبدون اي مقدمات

Quote: المتهم الاول هو المسؤل الاول عن ملف الطلاب بحركة تحرير السودان الجبهه الشعبيه المتحده UPF المتهم هو الذي تولي امر اعتقال وتعذيب مستشار مني اركو مناوي عبد هاشم لمدة شهرين وهو الان يعاني من مشاكل صحيه جراء التعذيب تخرج المتهم في الكليه الحربيه 2001 ثم التحق بجهاز الامن 2004 تحصل علي ترقيه إستثنائيه لرتبة رائد لدوره الفعال في التحقيق مع ابناء دارفور بعد احداث امدرمان وهو الذي حقق مع عُشر وتولي تعذيبه هو احد الضباط الذين اغتالوا الجمالي متزوج ويسكن منطقة (السلمه) المتهم الرائد عثمان ابو شنب

Quote: المتهم التاني معاويه كمال 1975 الزعيم الازهري علوم سياسيه كان الكادر الخطابي لحركة الطلاب الاسلاميين الي ان تخرج عام 2001 ثم التحق بالكليه الحربيه ثم جهاز الامن 2002 حصل علي درجة الماجستير في الاسرائيليات متزوج احد الذين تولوا التحقيق مع الشهيد وتعذيبه

Quote: المتهم الثالث معتصم 27 عاما يسكن منطقة الكلاكله القبه كان احد المسئولين عن تعذيب المناضل عمار نجم الدين بصفته مسؤولا عن الملف النوبي ايضا عثمان ومعاويه ومعتصم هم الآن يواصلون جرمهم بشكل يومي بتعذيب الشرفاء من ابناء دارفور اننا نحملهم بشكل شخصي المسؤوليه في حالة حدوث مكروه للمعتقلين الدارفوريين بسجون النظام سنحاول هنا حصر من وردتنا معلومات عنهم مصطفي شريف محمد upf من ابناء زالنجي تم اعتقاله 21 ابريل 2099 عبد السلام الشيخ 23 عاما من ابناء نيالا اصيب برصاصه في (الحوض) اثناء هروبه حيال مداهمة جهاز الامن لمنزلهم طه محمد زكريا هندسه المستوي الثاني من ابناء الجنينه الغالي ابراهيم تنمية مجتمع جامعة جوبا من ابناء كتم حامد ادم آداب النيلين المستوي الثالث عبد المنعم احمد جامعة الخرطوم عمر عبد الصمد امدرمان الاسلاميه كلية الاعلام تريخ الاعتقال 21 ابريل حسن جمعه الامام المهدي اداب احمد عيسي شرف الدين 22 عاما السودان تجاره نور الدين زكريا الزعيم الازهري من ابناء زالنجي اعتقل في 3 يونيو 2009 حنفي عبد الرازق امدرمان الاسلاميه زراعه اعتقل 3يونيو 2009 حنفي ونور الدين اعتقلا معا امام بوابه جامعه الخرطوم الرئيسه عبد السلام الشيخ اعتقل في 15 ابريل 2009 ثم تم تحويله الي سجن دبك بتاريخ 4 يوليو 2009

تراجي ..
سلامات
حقا التحية لسودان فور اوول وهو لا زال يجعل الشهيد (محمد موسى) عنواناً له.. ولكن التحية لمحمد
والتحية لكل الشرفاء الذين فارقوا هذه الفانية ليصنعوا بدماءهم وطناً أفضل.. الذين ماتوا دفاعا عن حقنا في العيش، في الكلام، وفي التعبير.. الذين ضحك (حسن موسى) من تضحيتهم هذه حين قال:

Quote: يا شباب فولتير بطريقتو، لكن أنا القدامكم دا ما مستعد أضحي بحياتي عشان فلان أو فلتكان يعبر عن رأيو. حتى و لو كان الأديب الكبير حسني مبارك هيمسيلف.

التحية للشهداء.. وعفوا عفوا إذ تأخر اللقاء.. عفواً إذ تناسينا الميقات.. عفواً إذ تشاغلنا عنكم.. عفواً إذ استكنا للماضي.. وعفوا.. لكم العتبى حتى ترضوا..
لكم العتبى.. لكم العتبى
أرى وجاهة لما كتبتي .. ولكن اذا مددتي الأفكار ستجدي أني أفعل ما يرضى عنه (محمد موسى)
لك محبتي وإحترامي

Quote: تعرف نظرة ابو الريش و غيره من اعضاء الفور اول للمنتدات التانية هي السبب الطالق يد و ريشة حسن موسى فيهم

العكس هو الصحيح يا ود البشرى الخوف من ريشة وقلم حسن موسى ومحاولة الدخول فى زمرة المثقفين هى التى تطلق الأقلام فى الكلام عن سودانيز .

ياخ قصي دا مبدع عديل كتب

Quote: من الحكاوي الشعبية التي توضح كيف يتم استضعاف المرأة وتخويفها يحكى أن صبيا سأل جده: (( -إنت حبوبتي دي بتاخاف منك شديييد ليه.. فرد الجد: والله يا ولدي لمن عرستها سايقها اهلنا هي في حمارة وانا في حمارة.. قامت حمارتي عترت اتلفت عليها وقلت ليها يا مرأة قولي واحد فقالت واحد.. عترت تاني قلت ليها قولي اتنين قالت اتنين.. تاني عترت قلت ليها قولي تلاتة قالت تلاتة.. نزلت من حمارتي وضبحتها.. قلت ليها أنزلي من حمارتك.. نزلت وركبت وبقت ما شه وراي وتطنطن.. إتلفت عليها وقلت ليها قولي واحد.. اها يا ولدي لحدي هسي ما قلت ليها قولي أتنين))

وختم المداخلة بعبارة الوليد الشهيرة

Quote: والسايقة واصلة

_______________________________
ويا الوليد يوسف أختشي ياخ ما المشكلة في انك تكون مساعد ياي لكن على الاقل خليك مساعد ياي محترم

Quote: بعدين القال ليك منو أنا بدافع عن دكتور حسن موسي؟ كل ما افعله هو محاولة قول راي الخاص في هذا الشأن وأن وافق هذا الرأي زيد او عبيد لا يمنعني من عملية تعميمه.

صدقتك
بطريقتك دي سايقتك دي لو وصلت تعال لومني

Quote: ويا الوليد يوسف أختشي ياخ ما المشكلة في انك تكون مساعد ياي لكن على الاقل خليك مساعد ياي محترم

جاء في الأثر أن مساعد الياي (الما محترم ) في فور أوول يساوي ألف من مثقفي منبرنا هذا ، شايف كيف ؟

Quote: يا حسين ما تزعل نفسك Quote: إنتهى دي ذاتها منحولة عني .

فتأمل!!
سذاجة لا تضاهيها سذاجة، يقصد الأستاذ محمد عثمان إبراهيم، أنني اقتبست منه كلمة (انتهى) وانتهجت نهجه في انهاء ردي لملاسي، على غرار رده على الاستاذة نجاة في سودان فور ال بتاريخ الاربعاء 17-02- 2010، والذي قال فيه:

Quote: يا زولة بعافيتك تب كل العلوم القعد تتعلمي فيها من جارتك ومن خلق الله الآخرين ممن ذكرت، إن شاء الله تضوي ليك. بالنسبة لي أنا ما عايز إتعلم منك، إنتهى. محمد عثمان.

فتأمل
يا سيد محمد عثمان هل يعني هذا أن الطبري وبن قدامة وبن كثير وحتى الفنان المصري الشعبي شعبان عبد الرحيم والذي أعتاد إنهاء وصلاته الغنائية بذات الكلمة، هل يعني أنهم انتهجوا نهجك يا سيد محمد عثمان.
على كل حال سأحيلك لصالح الاقتباس أدناه، والذي كتبته بتاريخ 7-02-2010 كرد لحسين ملاسي

Quote: 0 أوكي، يمكنك استبدالها، فالأمر لا يعنيني بشيء، ولكن هذا لن يعفيك من النقد الموضوعي. أنتهى.

وهذا هو الرابط:
Re: مصطفى سيد أحمد ...تُرى مارأيك فيما يلي ( توجد صور )
فهل هذا يعني أنك أنتهجت نهجي؟؟ اجب بنفسك، فأنا لا أريد توريط كتاباتي بهذه الأفكار الساذجة، ولا الزج بحرفي في هذا التسطح الفكري الفريد من نوعه.

Quote: عجيب أمر هؤلاء الأدباء الشباب (وتشمل هذه الأديبات الشابات) يستعينون بمحرري نصوص لإعادة كتابتها وضبط لغتها وهم في أول الطريق. محمد عثمان إبراهيم.

الأستاذ محمد عثمان إبراهيم.
وما الخطأ في ذلك، هذا وأن دلّ فيدل على حرص وجدية (هؤلاء الأدباء الشباب (وتشمل هذه الأديبات الشابات).)، وإذا أنت خرجتَ من فقاعة سذاجتك (المعهودة) وغرورك الذي بُنيَّ من تضخم الأنا فيك، لكانت قراءتك لهذه الخطوة (المرحلية) في طريقنا (نحنُ الأدباء الشباب) قراءة سليمة، ولكن اندفاعك المتعثر خلف أناك المغرورة حال عن ذلك. وغيب عنك أنتَ الذي تقرأ (كل كتب غارثيا ماركيز ، باولا ( ايزابيل الليندي)العطر لباتريك زوسكيند ، Emma's War ( Deborah Scroggins)دواوين الشعراء حسن طلب ،أمل دنقل، محمد أبودومة ،الفرقة الموسيقية وعصافير آخر ايام الخريف (أحمد حمد الملك)،كتب ميلان كونديرا وخورخي أمادووكتب أخري كثيرة.)، غيب عنك أن كل هؤلاء وغيرهم من عظماء الأدب، سلكوا مسالك مشابهة وبعضهم أكثر في بداياتهم، لذا بلغوا ما بلغوه في عوالم الأدب، واخترقوا قلب التاريخ.

Quote: ثم ينتحلون كلام الآخرين ويقومون بتفسيره (كمان) دون أدنى وجل.

فتامل!!
تفسيره دون أدني وجل، يا رجل، كان ردك واضحاً وضوح الشمس في كبد السماء، ولا يقبل التفسير أو التأويل، فلا ترمي بضعفك في جدل التفسير والتأويل.
يا سيد محمد عثمان، لدي الكثير من الخطوط الحمراء سبق وأن وضعتها تحت ردودك وكتاباتك المنتشرة في الأسافير، سأفرد لها مساحة مناسبة وحجم إستنكاري لتعديك الباطش على شخصيات وصحفيين وزملاء في درب الكتابة وفي تلك المساحة سأفرد رداً مفصلاً يمكنك من بعده التفريق جيداً بين هؤلاء الأدباء الشباب (وتشمل هذه الأديبات الشابات)، والذين استعانوا بمحرري نصوص لإعادة كتابتها وضبط لغتها وهم في أول الطريق، وبين الآخر والذي قرأ كثيراً لفطاحلة الأدب، وخرج بلا أدني معرفة عن أدب الحوار وإتكيت المخاطبة.
وإلى ذلك الحين، سلام.
__
بالمناسبة:
من فوائد الاستعانة بالمحررين لتلقي وتعلم أصول التحرير منهم أنها تجنبنا مثل ملاحظة الاستاذة نجاة محمد على لك الواردة في الإقتباس أدناه:

Quote: كذلك، أستطيع أن أعينك في استخدام أدوات الترقيم بصورة أفضل، بدلاً عن وضعها كيفما اتفق، مثل أقواسك المنافية لأبسط مبادئ ضبط العبارة. هذا بخلاف الأخطاء العديدة المنثورة بين نصوصك. إننا نتعلم من كل المحيطين بنا، باختلاف أعمارهم وتجاربهم. إلا أن التعلم من الآخرين لا يتم حينما يكون المرء بمثل هذا الغرور والتمركز حول الذات. نجاة محمد علي.

__
التعديل للإضافة وليس للحذف.

Quote: من فوائد الاستعانة بالمحررين لتلقي وتعلم أصول التحرير منهم أنها تجنبنا مثل ملاحظة الاستاذة نجاة محمد على لك الواردة في الإقتباس أدناه:

Quote: تشكره على شنو. على هذه العملية الشبيهة بعملية سطو منزلي؟ لقد قلت أنه احتفظ لك بنصك الذي لم تحتفظ بنسخة منه. إلا أن التكنولوجيا يا قصي تقول بغير ذلك. فقد أنزلت نصك في المرة الأول في الساعة السادسة و55 دقيقة مساءً، بالتوقيت العالمي، ثم أنزلته مرة أخرى في الساعة السابعة و33 دقيقة، أي بفارق 38 دقيقة.

إن قبلت نصحي يا قصي .. انا شايف انك تنفض يدك عن الامر .. عرضت قضيتك و دافعت عنها بشجاعة و سجلت موقفك .
كل ما سيحدث لاحقا في بوست إحتجاجك , سيكون مغالطات. انتظر التصاوير للاستمتاع و الضحك . لا للرد.


والتحيات لله.



____
نحن غايتو زي الزول القاعد في بيت ناس مهذبين ولطيفين ووديعييييين لكن عندهم شافع جوااااط إضرب ده وإطرد ده وطبعا الضيوف ما شغالين بيهو ومتصبرين بي ونسة الباقين

Quote: تشكره على شنو. على هذه العملية الشبيهة بعملية سطو منزلي؟

بل شبيهة بالقتل العمد !



____
مع سبق الترصد.

Quote: وما مداخلتي الآن الا لأنها مقروءة مع قرار (ادارة المنبر) والتي (وللأسف) تضمك بين حناياها وصداقاتها الطويلة وصح قول أهلنا في مثلهم غير السري(البطن بطراااااااانة) وأضيف أنا من عندي (والصداقة خشم بيوت) وكم من صديق جرّ على صديقه من المشاكل والحسرات وانشأ له من العداوات ما لا يطيق. ورغم هذا فإني لكي أكتب هذا الخيط رجعت الى كتابات لك كثيرة هنا وقرأتها مرة أخرى عسى أن تصحح عقيدتنا فنعود عن سابق فعلنا، ولكن، وللأسف الشدييد، فإن ظني قد صح ووجدتك مفترعا للمشاجر أينما حللت وكيفما اتفق!! ووجدت (جلافتك) في أشكال وألوان تطغى على الوصف وتأبى على القيد.

Quote: بل شبيهة بالقتل العمد !

التكنلوجيا بتشتغل both sides

Quote: وحتى الفنان المصري الشعبي شعبان عبد الرحيم والذي أعتاد إنهاء وصلاته الغنائية بذات الكلمة

من الواضح أن استشهادها بشعبان عبد الرحيم لم يمر على محرر النصوص!

أو لعلها فعلت

Quote: على كل حال سأحيلك لصالح الاقتباس أدناه، والذي كتبته بتاريخ 7-02-2010 كرد لحسين ملاسي أوكي، يمكنك استبدالها، فالأمر لا يعنيني بشيء، ولكن هذا لن يعفيك من النقد الموضوعي. أنتهى.

شكراً يا أستاذة ثروت على التوضيح. بالفعل كنت مخطئاً إذ اعتقدت أنك اقتبست طريقتي في الرد. العتب عليّ أنا إذ أنني عادة لا أتابع مساهماتك فمعذرة.
بالمناسبة لا يضايقني الحوار معك ويسعدني دائماً أن يبصرني الناس بأخطائي في الكتابة أو في الأحكام. شرطي الوحيد هو الموضوعية والبعد عن الإنفعال.
مع إحترامي

Quote: عود للعزيزة نجاة، الله يقدرك على الخوته ووجع الدماغ، اعرف ان الديمقراطية عزيزة المنال، والمبحر إليها لا شك يتوقع كثيراً من الموانع و المنقصات ...

أما كان من الأجدى بعد كبرتم له الخط أن تصححوا له "الصياغ" أعلاه؟!


_____
تشوف الاستشهاد بالمعاجم
فتظن بالقبة الظنون!!

Quote: ومرات كتيرة أنا بلاحظ إني برسل مشاركة في زمن بلقاها نزلت في زمن تاني .. موش عندكم وبس في كتير من المواقع الأخرى.. يعني موضوع فرق الوقت بين المداخلتين ده ما حجة كبيرة وبرضو وزي ما قلت أنا بكتب المداخلات وبكون في المكتب معظم الوقت يعني مرات بكون بكتب وتجيني حاجة بتاعة شغل تلخمني أخلي البوست فاتح وأمشي وأجي تاني أواصل وهكذا..اها دي بتوديني للنقطة التانية طوالي لأني لمن إنتهيت من كتابة مداخلتي قمت بعد ما نسقتها عملت ليها سيلكت أوول وعملت كوبي بالرايت كلك ودست على تنسيق ولمن مشت بقيت أشوف لي في شغله تاني لمن عاينت لقيتها ماف افتكرت أنو الموضوع مشكلة مني قمت نزلتها تااااني(لأنو أصلا في الماوس كنت عامل كوبي إبقى كانت قاعدة) وكتبت مداخلة عشان اتاكد إنها نزلت بعد ما إتأكدت إنها نزلت تماما قفلت الجهاز ونزلت الرسيبشن تحت وكنت بتكلم مع صديق بالتلفون قام قال لي انو فاتح سودان فور أوول قلت ليهو انا نزلت مداخلة هسي قال لي ما شفتها .. قلت ليهو اعمل رفريش قال لي عمل رفريش .. رجعت لي جهازي فوق وفتحتو ولقيت كلامو صح وللأسف أنا ما كنت محتفظ بيها في ملف وورد لغاية اللحظة ديك!!!!

نجاة قلبت الطربيزة و حولت الشاكي الي متهم , ده اسمو في اللغة { الشال السيدة و خلي حرم } يا قصي .





___
اصحي يا معلم .. انت في فوراوول

Quote: الأستاذة المُحترمة نجاة، جاييك راجع لي كلامك كلو، لكن مبدئياً كدة أنا الكنت فاهمو انو الإدارة في فوراوول عدد من الأشخاص، يعني فوراوول مؤسسة، وانا أحتفظ بما معناه أن الإدارة ليس لديها وقت لتضيعه مع ما لا يعجبها من الأعضاء، فانا لما أصفك بالعظمة(كنجاة محمد علي) لأني بعرف جزء يسير من تاريخك العظيم (الزمان) الذي يكفي لوصفك بالعظيمة حتى الآن على الأقل...وهذا لا دخل له بما أنجزته فوراوول أو ما تنجزه يوما بعد آخر وقضاياها مع الأعضاء، وقصة عظيمة دي لو ما عاجباك ممكن احذفا. على العموم أنا أراك عظيمة على الرغم من هروبك من الإجابة على سؤالي وحسبو تحت مبرر أنك لا تودين الدخول في مغالطات بسبب الوقت. راجع ليك بعدين لى باقي الكلام

زمان .. قبل أن ننجح - جزئياً - في تقويم السلوك الإداري
لنجاة؛ كتابة البراق أعلاه كانت كافية لتذهب به وراء الشمس.

Quote: تقصد شنو بأمور أخرى؟ يا زول في حدود مفروض الناس ما يتعدوها. إنت هنا اتعديتها. مالك ومشاغلنا الأخرى، دعك عن أن تجعلها مصدراً للسخرية. عجائب! ونحن فعلاً مشغولين بأمور أخرى، لا تمثل إدارة هذا الموقع سوى جزء منها، ونستقطع لعبء هذه الإدارة من وقتنا، لا ملين لا عشرة. وبعد دة صابرين على مماحكة عدد محدود، يهدرون الوقت ويذهبون بالمتعة التي يحاول المرء أن يجدها في متابعة مشاركات الغالبية الصابرة مثلنا أيضاً على مثل هذه المكاره.

يا الوراق .. انصحك بعدم العودة




___
قال الشاعر
القاري العلم من دينو بتسلبي
والماشي الحجاز من جدة بتقلبي

أعيد المداخلة لأنها نزلت فى مكان غير صحيح

Quote: تعرف نظرة ابو الريش و غيره من اعضاء الفور اول للمنتدات التانية هي السبب الطالق يد و ريشة حسن موسى فيهم

العكس هو الصحيح يا ود البشرى الخوف من ريشة وقلم حسن موسى ومحاولة الدخول فى زمرة المثقفين هى التى تطلق الأقلام فى الكلام عن سودانيز .

Quote: كتب حسن موسي: على كل حال لو إنتو ناوين تهدروا حيواتكم لكي يعبر الأخرون عن آرائهم داك الدرب . و بكرة بعد تبقوا في حق الله يظهروا ليكم الأعدقاء ناس محسن خالد و ناس اسمعيل عريق و لا محمد حسبو بتاع العلمانية زاتوا يطلبوا ليكم المغفرة من رب العالمين و يتمنّوا ليكم جنات الخلد مع الشهداء و الصديقين. إنتو الموت دا تحسبو لعب شليل ترتار و قيلة و جري و نطيط" شباب" فوق الدميرة ؟

يا حسن فولتير
اسمها قيرة او قيرا .. القيرة ما بتعرفها ؟
فضحتنا ياخ









____
غايتو يا قصي السويتها رقدت .. انط فيك جوز اسه ؟

تحياتي يا خدر.
الغريبة يا أخ خدر أن مواقفكم السابقة كانت مناقضة تماما
لواقع حالكم اليوم.

Quote: العكس هو الصحيح يا ود البشرى الخوف من ريشة وقلم حسن موسى ومحاولة الدخول فى زمرة المثقفين هى التى تطلق الأقلام فى الكلام عن سودانيز .

طيب يا سلوى ما اختلفنا , هو نفس المعنى الكنت قاصدو بس بباب تاني
بالنسبة للبعض الإنضمام - و البقاء - في الفور أول يعني انّك مثقف بل و "كثير" الثقافة باي ديفولت وتتميّز عن بقية خلق الله الماشين على أربع هنا
عشان كدا يحتم على من يريد المشي منتصبا على اتنين البعد عن كل ما من شأنه أن يتسبب في إيراد إسمه مسبوقاً بـ "ولاّ شنو يافلان"
وكان حصل أمر الله يعمل رايح بس
وزي ما قلتي كإجراء وقائي يديها كوزين تلاتة في ذم ذوات الأربع منها يرفع اسهمه ومنها يذّكر نفسه بالراجيهو كان عمل كدا ولاّ كدا

Quote: تحياتي يا خدر. الغريبة يا أخ خدر أن مواقفكمالسابقة كانت مناقضة تماما لواقع حالكم اليوم.

يا خدر
أمامك مطب إصطناعي : أعمل رايح !!
ما عارف السالفه شنو هنا ، لكن الزول ده كلامو البقولو بطلع كلو صاح !!
الحبشي دي إلا تقرا ليه ياسين لوووووول ..

محمد سليمان سلامات

قصدك موقفي السابق هنا (Sudan forall) حَيلاَ خّف و عرقاَ جَف

؟؟

وأضم صوتي لصوت (أمين) يا خدر:

Quote: يا خدر أمامك مطب إصطناعي : أعمل رايح !! ما عارف السالفه شنو هنا ، لكن الزول ده كلامو البقولو بطلع كلو صاح !! الحبشي دي إلا تقرا ليه ياسين لوووووول ..

والله يا أمين صدقت.. لكن خدر بكون عندو مراقات.. يعني لابد ليهو بي تسعة أتو ونفسو قايم (لاكن)، لأنو العشرة ما وقعت لووووووووووووووول

والله و والله يا امين و قصي
ده اجمل بوست انا استمتع بيهو و اضحك من قلبي من سنين
شكرا والله يا فنانيين

Quote: وأضم صوتي لصوت (أمين) يا خدر: Quote: يا خدر أمامك مطب إصطناعي : أعمل رايح !! ما عارف السالفه شنو هنا ، لكن الزول ده كلامو البقولو بطلع كلو صاح !! الحبشي دي إلا تقرا ليه ياسين لوووووول .. والله يا أمين صدقت.. لكن خدر بكون عندو مراقات.. يعني لابد ليهو بي تسعة أتو ونفسو قايم (لاكن)، لأنو العشرة ما وقعت لووووووووووووووول

الحبيب محمد سليمان
والله مع اني ما متفق مع الشباب
لكن كدي ارمي بياضك و ليك علي الرد

الحبيب أبا لقاء تحياتي

Quote: والله مع اني ما متفق مع الشباب

أنا برضو ما متفق مع كلام الأخ أمين
كلام الأخ قصي ما فهمتو!
( أنا شنو كمان ؟ د. حسن موسى ذاتو ما قادر يفهم كلام الأخ قصي)
المهم لو كلام قصي ياهو كلام أمين أنا برضو ما بتفق معاهم الاتنين.

Quote: لكن كدي ارمي بياضك و ليك علي الرد

بياض شنو يا ابن زياد كمان مع مكتبتك الحمراء دي ؟
بالله دا اختيارك وللا اختيار بكري؟
عموما ألمس ميل أزرار حروفك إلى الهدوء(في حدود ما رأيت)

خــدر .. ميسي دا قاعد يرقّد ليكـ
الكلام دا قلتو لكيكي ما سمع كلامي
هسي راقد في بوستيهو مجبّص!!
أسمح كلام أمين الياسمين دا!

Quote: قلت قصيـدة عصمـاء عن الإبل التى ترعى وسط الصحراء ثم شربت حليبها حتى شبعت. _________________

ابو الريش .. سيب الكّتبة في حالهم, اركب حمارك و إتخارج الله يرضي عليك

Quote: يا حسن موسى، بدون ألقاب هنا وبحزمة منتقاة من الألقاب إن عدنا إلى هناك شكراً لعودتك الى هذا البوست وسأكون بانتظارك حتى تكمل فكرتك أو تضع نقطة ما على نهاية سطر تعقيبك. فقط أردت ان أشير الى قصة الألقاب التي قلت إنها أضجرتك وأنا أقدر ذلك كشخص يتعامل في مجتمع (كاجوال) لا يهتم بالألقاب على الإطلاق، وتثير فكرة التنادي بها سأمه. القصة وما فيها أن المقال لم يكن موجهاً بشكل مباشر إليك، وإن كان في تحيتك، بل كان موجهاً للقاريء. استخدامي لبعض الألقاب ناتج عن سببين أولهما إنني تعلمت أن تكرار الإشارة إلى الشخص بصورة واحدة في المقال الصحفي (وفي التقرير الإذاعي والتلفزيوني كذلك) يجلب الملل. هكذا يتوخى الكتاب والمحررون البراعة فيشيرون إلى اللغة العربية مثلاً بلغة القرآن ولغة الضاد وبنت عدنان إلخ... ، وفي الأخبار يقولون بيرنارد كوشنير، ووزير الخارجية ، ورئيس الدبلوماسية وهم يعنون شخصاً واحداً. ليس في هذا مديح وإنما تقرير لواقع فقط لا غير. إذن لم أكن أمدحك لئلا أضجرك أو أخجلن تواضعك! وثانيهما إنني لم اسبغ عليك صفات مما ليس فيك كمجدد الفكر، أو رسام القرن، أو مفكر الأمة، أو محرر الشعب مثلاً وإنما أشرت إليك بصفات أعتقد أنك تستحقها، وأقول هذا الكلام وأريدك ان تعرف إنني (لا أخاف منك ولا أريد حِنّك) وفق بلاغة الأطفال المبهرة. كنت أخاطبك في بداية مشاركاتي في هذا المنبر بلقب (الدكتور) حفظاً للمسافات وإقراراً بانه لا ينبغي للبساط أن يكون أحمدياً من طرف واحد، وحين رفعت عني هذا التكلّف بإرادتك، صرت أخاطبك باسمك دون حرج من شبهة التقرب منك. واصل وسأعود

Notting personal يا محمد عثمان , لا تنزعج
كل ما في الامر ان الزميل حسن يؤكد موقف قديم مع الخواض

Quote: فيا إما تلبسي عباية العضوية وتتقبلي النقاش والما بيعجبك منو تهمليهو، ويا إما نعرف إنك إدارة وبس، وفي دي نتعامل معاك في حدود إنك إدارة ونتجنب المداخلة معاك وتتجنبي التعليق على ما نكتبه وإذا لم يعجبك ما نكتبه ممكن ترسلي بى جوة رأيك دة(كإدارة) وتتعاملي معاهو رسمي. اما تجي بى جاي وتكتبي بقلم عضو وتهددي بسوط الإدارة كقولك عن الحدود وتعديها وخلافو، فهذه إحدى إشتراطات الديمقراطية القاسية(والعبارة للإستاذ النور) التي ندعو من كل قلبنا أن تعيشها الإدارة وتطبقها.

يا البراق .. ده فن جديد في الادارة اسمو ( بين الجبلين فقدنا رجال )
إتصلح معانا بلاهي

محمد الحسن

الله يرضى عليك
خدر دا ممتع نفسو شديد فى البوست دا
واحنا مستمتعين معاهو برضو

عليك الله نط ليهو جوز فى بوست تانى .. سمح

Quote: يا البراق .. ده فن جديد في الادارة اسمو ( بين الجبلين فقدنا رجال )

قرقرقرقرقرقرقر

Quote: بياض شنو يا ابن زياد كمان مع مكتبتك الحمراء دي ؟ بالله دا اختيارك وللا اختيار بكري؟ عموما ألمس ميل أزرار حروفك إلى الهدوء(في حدود ما رأيت)

إت يا خدر جنيت ولا شنو؟!! إت ما عاقل؟!!
أمين كشف ليك الإمتحان ووراك المفيد تقوم تمش تنكت برااااك.
والله الحبشي ده ربنا هداهو سااااكت (وحّمر) ليك وإنقلب الى أهله "مسرورا".. شفت كيف أداني ليك قرصة على الماشي؟!!! وأنا أخدت ليك نصيحة "أمين" وعملت (أضان الحامل) وهسي بصفِّر وناااايم..
الحبشي يازول دخل ليك علي في بوست (تخليص الأدب) قمت أنا إفتكرتو ليك زول تاني (ما المدة طولت والخرف دخل) فشتو ليك بإتنين.. أها صاحبي مدحت حصلني ليك وبكورك.. لا لا لا .. ده ما هو.. ده فيهو شرار.. أبعد أبعد.. فأقوم يا زول أديها ليك عدد إعتذار معتبر من النوع البقتل القلب.. أها الحبشي طلع قلبو رهيف قام خلاني ليك بعد (حدر ليك لي) زي التقول قصة الحمارة ديك (قول واحد) والله العظيم وسعيلي الله لي الليلة تاني ما تنيتها... :) :)

Quote: الأخ قصى، لو ممكن طلب ورجاء بسيط، بالله تلون نصوص إبن عربى بلون مختلف، أو تضعها داخل إقتباس حتى أستطيع المتابعة.. فقد تداخلت النصوص.

مُصّر تلفت نظر زلابية !!







بعدين ببقي ليك بمبي

السيد أحمد إبراهيم:
تحياتي وسلامي..
كتبت وقلت:

Quote: لوهلة عندما رأيت عنوان البوست . . توقعت أن يكون قصدك ياحسين ( بعد إيه ؟ ؟ ) ياقصي على أي حال لماذا لا يخرج ( نخبة ) سودان فور أول الهواء الساخن إلا عندما يصلهم( رأس السوط ) وليتهم حين يهمون بالمغادرة يكتفون بعبارة أكلت يوم أكل الثور الأبيض علها تكون عظة لمن بقى خلفهم بدلاً عن هذه ( الفدائية )التي تتنزل فجأة إستمتعنا قبل قصي بهواء ساخن من كثيرين قضوا نحبهم وموعودين بهواء أكثر سخونة من آخرين ينتظرون ومابدلوا تبديلاً

أرجو منك أن تعيد النظر الى كلام الدكتور حسن موسى عني إذ قال:

Quote: ولا شنو يا قصي؟و أنا بخصّك بالسؤال يا قصي عشان إنت زمان قمت كتبت لينا نوع كلام غميس، في أسلوب إدارة المنبر، ما وقع لينا، و بعدين مشيت اختفيت "و كنا زمن نفتش ليك و جيتنا الليلة كايسنا".

..
هذه العبارة يقصد بها الدكتور حسن موسى مواقفي السابقة في حالات كثيرة لأمثال (الثور الأبيض) الذي عنيت..
سودان فور اول منبر به قضايا مهمة مطروحة للنقاش، وبه شخصيات عظيمة تستحق المحاورة والإستماع، ونحن به منذ أن تأسس، ولقد إختلفنا مع الإدارة في طريقة تسيير المنبر، وتحاورنا معها، وغضبنا في بعض الأحيان من أسلوب البعض (أعضاء وإدارة) ولكن ومع هذا لا بد أن نضع في الإعتبار أن الموقع ملكية خاصة لأفراد وهم يتعبون ويشقون ويقتطعون من وقتهم لإيصال رسالة محددة تهمهم هم ولهم في سبيل ذلك أن يضعوا ما يريدون من قوانين ولوائح.. ونقاشنا عندما يقوم معهم يقوم على اساس أشخاصهم وافكارهم كأشخاص نعرفهم لا كإدارة.. فهم كإدارة مثلهم مثل أي شخصية إعتبارية، ولكنهم (كبولا) و(نجاة) وعندما يلجون الى نقاشنا في موضوع ما فنحن نناقشهم ونطرح وجهات نظرنا ونختلف معهم ونوافقهم أيضا ونوضح الخطأ ولم نصمت في وقت عن رأي رأينا عدم صوابه.. ربما لظروف غيابي الطويلة لم أستطع ان اتابع ما دار من نقاشات حول بعض بعض الإخوة (مثل طارق أبو عبيدة) ولكن هذا لا يعني صمتنا المطبق "وخوفنا" من الإدارة أو من سواها..
الآن فإن الظروف التي جعلتنا نكتب ما كتبنا هو نقاش في موضوع طويل وقدييييييم ولعل أول المتداخلين فيه بصورة حقة وواضحة هو (محمد حسبو) ومن الظلم أن تقول أن حسبو قد صمت حتى أتاه طرف السوط!! يمكنك مراجعة موضوع (الوزة) لمزيد الفائدة.
عندما تداخلت أنا أيضا كان رأيي واضح إذ رأيت منطقا أعوجا في التبرير، كما زاد الأمر بتشويه جوهر النقد والمحاولة البوليسية الإتهامية بصورة أقرب "للثيوقراطية" السلطوية السالبة. عندها أشرت لما أراه مجرد إشارة حتى لا أسمم لصاحب البوست بوسته.. وعندما علق صاحب البوست علينا مجملا علقنا له.. وعندما قام الدكتور حسن بإعادة ما أعاد (عدنا) له والدليل (قالولو)الكتبها وإقتبسناها فوق دي.. ولا كيف؟!!
المهم الآن من قال إني أهم بالمغادرة؟!! انا قااااااعد إن شاء الله ولا رغبة لي في ترك سودان فور اول ولن أغادر الا بطريقة من إثنين (أن يحجب باس ووردي) أو أن ترسل لي الإدارة رسالة وتقول لي فيها (رجاء فارقنا).. لكن أن أذهب لأن شخصا قام بمضايقتي !! هذه لن أفعلها فكما أعطاه ربنا كيبورد "وقسوة" فإنه قد أعطانا مثله والحمد لله الذي لا يحمد على مكروه سواه

أخوك قصي مجدي

Quote: Quote: بياض شنو يا ابن زياد كمان مع مكتبتك الحمراء دي ؟ بالله دا اختيارك وللا اختيار بكري؟ عموما ألمس ميل أزرار حروفك إلى الهدوء(في حدود ما رأيت) إت يا خدر جنيت ولا شنو؟!! إت ما عاقل؟!! أمين كشف ليك الإمتحان ووراك المفيد تقوم تمش تنكت برااااك. والله الحبشي ده ربنا هداهو سااااكت (وحّمر) ليك وإنقلب الى أهله "مسرورا".. شفت كيف أداني ليك قرصة على الماشي؟!!! وأنا أخدت ليك نصيحة "أمين" وعملت (أضان الحامل) وهسي بصفِّر وناااايم.. الحبشي يازول دخل ليك علي في بوست (تخليص الأدب) قمت أنا إفتكرتو ليك زول تاني (ما المدة طولت والخرف دخل) فشتو ليك بإتنين.. أها صاحبي مدحت حصلني ليك وبكورك.. لا لا لا .. ده ما هو.. ده فيهو شرار.. أبعد أبعد.. فأقوم يا زول أديها ليك عدد إعتذار معتبر من النوع البقتل القلب.. أها الحبشي طلع قلبو رهيف قام خلاني ليك بعد (حدر ليك لي) زي التقول قصة الحمارة ديك (قول واحد) والله العظيم وسعيلي الله لي الليلة تاني ما تنيتها... :) :)

هو محمد سليمان ده ياهو الحبشي البقولوهو يا قصي ؟
الله ينعل عدم التركيز , تعرف يا قصي انا بسمع الحبشي الحبشي و ما منتبه, بعدين قصة كيكي حسبتها من نوادر/مقالب امين
هههههههه
اسه يعني اتاريهو الحبشي مشي ارشيفي و جا راجع بي اللون الاحمر بس ؟ { و جعلنامن بين أيديهم} شفت اخوك ود شيوخ كيف ؟
وانا كنت مفتكرو فعلا مندهش من عدائي السافر لي حسن زلابية و قلت اقّصر ليهو المشوار و اديهو البوست الفيهو خدر بي لبن
و خدر سادة , مع بعض. تاريكـ يا الحبشي لابد لي ؟ ما لذيذه منك ياخي ,كنت عاوز تباغتني وانا مديك الامان و شابكك يا حبيب و
يا فنان .. الخ. بالرغم يا قصي من انو تعليقو الاخير بتاع لمسنا منك تعاوناَ داك ما ريحني , لكن نعلت الشيطان و قلت في سري بكون ما قاصد
والله يا الحبشي مرحبا بك في مضاربنا و سعدت بالتعرف اليك عن قرب


____
تم تعيين امين خال حمور في منصب المستشار الثقافي لمولانا خدر بسودانيزاولاين , وبذا وجبت شورته دائما قبل عفق ايقونة رد

علي بالطلاق مسي لعاب

بلم المستنيرين كلهم بي حركة واحده في بوست واحد

يعرف كيف بقوم بيهم وكيف يرقد بيهم
وكت عاوز يفرحهم بفرحهم
وكت عاوز يخلي شعر راسهم يوم صوف صوف حتى العنده صلعه منهم برضو بسوي


هاهاهاهاهاهاهاهاهاهاهاهاهاهاها
هاهاهاهاهاهاهاهاهاهاهاهاهاهاها

مُتعة والله

Quote: تم تعيين امين خال حمور في منصب المستشار الثقافي لمولانا خدر بسودانيزاولاين , وبذا وجبت شورته دائما قبل عفق ايقونة رد

أمين خال حمور و حمور و بدري أخو أمين خال حمور و الياسمين بكل انواعو الطبيعيه و الإسفيريه يتشرفون بالعمل تحت قيادتكم الرشيده مولانا خدر !!










-----
الحبشي ده يا مولانا في البوست ده تحديدا ما أتي لحوار إن شئت جليته و إن شئت أجزت ليه الإتنين و التلات !!
رايي الشخصي : لو مستمتع بالبوست جلي الحبشي لانو بزازي بيك !!

Quote: الحبشي ده يا مولانا في البوست ده تحديدا ما أتي لحوار إن شئت جليته و إن شئت أجزت ليه الإتنين و التلات !! رايي الشخصي : لو مستمتع بالبوست جلي الحبشي لانو بزازي بيك !!

والله يا الحبشي بعد ده موقفك بقي ضعيف خالس

حكمة البوست : "الصياعة أدب " ..







ــــــــــــــــــــــــــــــــــ



أخواننا الذين بالسودان بتاع الجميع أولاد لذينا (وتشمل البنات برضو ) ..لوووول

Quote: لكن أن أذهب لأن شخصا قام بمضايقتي

رغم إحتفائي بكلمة (الشافع الجوااااط) تجدي لا اخفي اعجابي ايضا ب شخصا









____
الشماتة ما مّطرية يا ابوعلي

فالج لا تعالج!

ملاسى لا يريد لهذا البوست أن ينتهى ...

كما وأتمنى اللا أكون قد إنتحلت ( ينتهى ) من أحد !!!!

غايتو يا دكتور لمّا يجي ملاسى

Quote: كما وأتمنى اللا أكون قد إنتحلت ( ينتهى ) من أحد !!!!

يقتبس و يـ"حّمر" ليك محل الألف المقصورة
ستتمنى لو كنت انتحلتها من أحد

Quote: يقتبس و يـ"حّمر

الاجدى أن يبرر إنفعاله اللامحدود بالخصومة المشتهاة والمتخيله ..

Quote: الاجدى أن يبرر إنفعاله اللامحدود بالخصومة المشتهاة والمتخيله ..

يا عمكـ
أخير ليكـ تتخارج قبل ما يجي الزول دا!

نقد جيد، سرد ممتع، وعمق فكري
هنا
حسن موسى.. أسير غواية النقد وفتنته

ولا أعلم لماذا كان غاضبا من زهير السراج !!!

Quote: دي صورة الشهيد الدكتور علي فضل عموماً ربما كان هناك تشابه ما، ولكن ربما أيضاً لتكون هذه مناسبة لرفع صورته تذكرة بمن فاضت روحهم بسبب الشمولية والدكتاتورية، وفي سبيل الحرية.

مدت نجاة - مرغمة - حبال الصبر؛ و لكنها
قطعاً سوف لن تقبل إقحام علي فضل و المطاعنة به.

Quote: مدت نجاة - مرغمة - حبال الصبر؛ و لكنها قطعاً سوف لن تقبل إقحام علي فضل و المطاعنة به.

قبلت .. لم تعد نجاة التي نعرف!

Quote: علي فضل

رحمه الله رحمة واسعة واسكنه فسيح جناته مع الشهداء والصديقين

.

Quote: أخرج قصي مجدي سليم الهواء الساخن الذي يعتمل في صدره .. فلم تطق إدارة سودان فور أوول صبرا.

وإني لأعجب!
كيف يتركه هكذا يعتمل في صدره،
بالقدر الذي يجعل "الشماته" من خدر وأخوانه مقبولة!

وقصي في زفراته تلك، يؤكد أنه حافظا للود، معليا من رايات
الإحترام والتقدير كذا، لكنه لايستبدر ما خلف الجماعة من عادة
الضرب على اليد التي تمتد لتصافحهم من موقع الخزلان في الخروج
على الخط المرسوم، ومخالفة طرق الدفن في دهاليز تلك المقبرة العجيبة!

أجدى وأنفع لك ياقصي أن ترميهم بـ "سجيل" الكتابة حتى آخر حجر، وآخر فيل
فصدقني لن تخسر إلا أغلالهم ..
إذن ضع أي وردة على شاهدك هناك، وانصرف!
فالحياة كتبت لك من جديد.

تحياتي للجميع


سيف اليزل

.

ترفق يا قصي

Quote: ياخي ما تعلق لينا فيديو أو اوديو لندواتك في السودان.

عرفتك يا لئيم, عاوز تشوف حسن المُطيباتي

Quote: Quote: ياخي ما تعلق لينا فيديو أو اوديو لندواتك في السودان. عرفتك يا لئيم, عاوز تشوف حسن المُطيباتي

"المطيباتي" كلمة غير دقيقة .. "الطيب" هي الأصوب.

Quote: أنا مصر إني أصلاً ما رديت بي عنف على زول ولا سبيت لي زول أنا رديت بي قوة ووصفت وصف موضوعي

وانا اشهد يا قصي









____
عزيزي القارئ , راجع حكاية انط فيك جوز

Quote: "المطيباتي" كلمة غير دقيقة .. "الطيب" هي الأصوب.

قصدك يا حسين انو الفي فوراول ده السُفلي بتاعو ؟

اعمل حسابك يا قصي
بدخول حاتم الكارثة , بوستك قدامو واحد من طريقين
- الموتور- وي
- حذف البوست بتهمة الإزراء برموز سياسية و روحيه

Quote: الإزراء برموز سياسية و روحيه

انا ذاتي "رمز" روحي، وسياسي كمان.. يعني عندي تلاتة أنفار معتقدين في ولايتي، وخمسة أنفار ممكن إنضمو لي حزب أنا رئيسو.. التلاتة ديلاك لو كل واحد فيهم عنده تلاتة والخمسة كل واحد عندو (خمسة) ببقى عدد التوالي إكتمل.. ولا شنو يا خدوري
----------------
عزيزي المحترم (سيف)..
تحياتي وسلامي وعميييق احترامي (الليلة عميييييق) دي كتبتها كتير خلاس.. لكن جد جد بكون قاصدها..
أعتقد أن النقد الموجه للإدارة الآن فيه من الإنصاف في الحدود التي إفتتحنا بها هذه المراجعة معهم.. كما أن الإدارة -وفي ما يخصني انا- لم تتعامل معي بمستوى غير "مهذب" -حتى الآن. ولا أرجو أن" يحوجنا" الله لذلك (عليك الله يا محمد سليمان ما تجي طاير لي في يحوجنا دي مررها لي كده :) )
عليه فإن ما قاله محمد سليمان بدعوة الترفق والتمهل والصبر هي الأصوب عندي..لأن ما أضر الإنسان مثل العجلة..وما دخل الرفق في شيء الا زانه.
محبتي لكم أجمعين

Quote: انا ذاتي "رمز" روحي، وسياسي كمان

انت بعد (الذراع الطويل) الاخيرة , تستحق لواء عديييل

Quote: انت بعد (الذراع الطويل) الاخيرة , تستحق لواء عديييل

فقط , إحذر الإطاري يا خليل ولو منحوك العِنب.








الكُورُس: العِنب العِنب العِنب

Quote: فقط , إحذر الإطاري يا خليل ولو منحوك العِنب. الكُورُس: العِنب العِنب العِنب

:D

والله الوشوش بتاعتكم دي غلبتني عديييييل جربت معاها أي حاجة.. ما فضل لي الا أوقع معاها إتفاق إطاري.. وبعد داك أغشها.. أقصد أكشها ليكم هنا..
يا زول يا أخدر نحن حذرييين ومفتحيييين وماشين بنعاين فوق وتحت..



الكورس...
وتحت تحت تحت