ماذا يريد هؤلاء من د. حسن موسي ؟؟

رفع الاخ حسين ملاسي هذا البوست

محاضرة حسن موسى و الحسنيين

ثم اردفه الاخ عبدالوهاب علي الحاج بهذا البوست

حسن موسى أخانا الذي بـ(فرنصا) أو دجانقو الذي فرز المويات

كدي اول نشوف كلام د. حسن موسي في رده علي زميل يسمي قصي ....

Quote: و بعد كدة العاجبو الحال يقعد معانا و الماعاجبو يمشي يبني ليهو مركب توافق أولوياتو ، و الله ما شق حنكا ضيعو. ولا شنو يا قصي؟و أنا بخصّك بالسؤال يا قصي عشان إنت زمان قمت كتبت لينا نوع كلام غميس، في أسلوب إدارة المنبر، ما وقع لينا، و بعدين مشيت اختفيت "و كنا زمن نفتش ليك و جيتنا الليلة كايسنا".و كلامك لو نسيتو ياهو قدامك: "فيما يخصني انا شخصيا فلن أعارض أبدا وجود محمد حامد جمعة معي في هذا المنبر. لن أعارض وجود علي عثمان و لا عمر البشير و لا الترابي و لا نافع علي نافع و لا غازي و لا صلاح قوش و لا هتلر و لا موسيليني و لا ستالين و لا لينين و لا ماو و لا إبليس نفسه لأنني فقط أعلم أن القوانين قد وضعت لأن البشر سيخرقوها آجلا أم عاجلا..".."عليه فقد أخطئ غدا أو بعد غد ، و قد ألقى العقاب على ذلك لكن لن يكون أحد مستفيدا من عزلي خارج المجتمع"

وجاء كلام د. حسن موسي واضحا لا لبس فيه ....

Quote: أها يا قصي أنحنا ما عاملين منبر الحوار الديموقراطي ، و تعبانين فيهو قدر التعب دا، عشان الناس البصادروا الديموقراطية يجوا يلعبوا معانا " حوار حوار"،و لو كان عندنا سلطة كنا عزلناهم برة المجتمع لأنهم مضرين بقضية الديموقراطية، لكن اليد، يدنا، قصيرة ، و عشان كدة الزول البخالف قوانين منبرنا دا بنعزله من المنبر بس، و للمجتمع رب يحميه.و لو جاي تلخبط علينا نظامنا نقوم عليك نعزلك برة منبر الحوار الديموقراطي و أمشي للمجتمع فتش فيهو ناس نافع و علي عثمان و البشير أعمل معاهم منبر حوار إسلاماني و كل شي في الحيا جايز.

تري هل بعد كل هذا الكلام من د. حسن موسي يتوقع الاخوان وهبة وملاسي ان ينالا العضوية ؟؟
وهل نشهد شد رحالهما الي ذلك المنبر ؟؟

Quote: تري هل بعد كل هذا الكلام من د. حسن موسي يتوقع الاخوان وهبة وملاسي ان ينالا العضوية ؟؟

ياشيخ العوض
يا اخوي عضوية شنو الكايسا انا بهناك دي ..
انا عندي شوية ملاحظات حول طريقة الزول دا في التعامل مع العضوية بتاعة الفور اوول والاستعلاء البيمارسو على خلق الله وبعبر عنو هنا بماتيسر ... انا مشفق على الناس البهناك ديلك معقولة افكر انا ذاتي امشي هناك .. لا لا ياعمك ماكدا والله على الاقل من جهتي انا ..
لكن ملاسي ممكن يكون دا تفكيرو لاهتمامو الشديد بحسن موسى ..
لكن كان مشى بهناك بماعونو الفاضي دا وقلة عتادو الفكري المعروف لينا هنا... والله يلموا ليك فيهو الشفوت بهناك يعملوا ليهو تكريم زي التكريم العملناهو لمحمد طه الحبر او صديق مهدي هههههه ..... او يلموا ليك فيهو المزيكاتيه يغنوا ليهو (ملاسي وانا العذاب علي قاسي) واحتمال يرقصوهو كمان .
ياخ العالمين البهناك دي عجيبة كيف ... حسن موسى دا مرة جا قال انا داير اكتب (كليمة في هذه العجالة) تعرف ياشيخ العوض الكليمة دي كانت كيف ؟... علي اليمين كانت 130 سطر .
قال ملاسي قال....
ياخي ملاسي دا من الارشفة للارشفة كان لميت كتابتو كلها ما بتطلع 15 سطر ful deez كدا

Quote: ياشيخ العوض يا اخوي عضوية شنو الكايسا انا بهناك دي .. انا عندي شوية ملاحظات حول طريقة الزول دا في التعامل مع العضوية بتاعة الفور اوول والاستعلاء البيمارسو على خلق الله وبعبر عنو هنا بماتيسر ... انا مشفق على الناس البهناك ديلك معقولة افكر انا ذاتي امشي هناك .. لا لا ياعمك ماكدا والله على الاقل من جهتي انا .. لكن ملاسي ممكن يكون دا تفكيرو لاهتمامو الشديد بحسن موسى .. لكن كان مشى بهناك بماعونو الفاضي دا وقلة عتادو الفكري المعروف لينا هنا... والله يلموا ليك فيهو الشفوت بهناك يعملوا ليهو تكريم زي التكريم العملناهو لمحمد طه الحبر او صديق مهدي هههههه ..... او يلموا ليك فيهو المزيكاتيه يغنوا ليهو (ملاسي وانا العذاب علي قاسي) واحتمال يرقصوهو كمان . ياخ العالمين البهناك دي عجيبة كيف ... حسن موسى دا مرة جا قال انا داير اكتب (كليمة في هذه العجالة) تعرف ياشيخ العوض الكليمة دي كانت كيف ؟... علي اليمين كانت 130 سطر . قال ملاسي قال.... ياخي ملاسي دا من الارشفة للارشفة كان لميت كتابتو كلها ما بتطلع 15 سطر ful deez كدا

افادة كويسة اخي وهبة فيما يخصك , طبعا لازم من الرد عليك بالتفصيل , ولكن ليس الان ,,

هيهات

ودة بوست جديد في نفس الخط ..

بعد ان رفضنا ما جاء ذكره علي هذا المنبر في د. حسن موسي الا انه كانت مفاجاة عضو المنبر ابوالريش علي هذا المنبر الذي هو عضو فيه
ممكن تشوف الكلام ده هنا ..

قائمه بأسماء البسطاء و قليلي الثقافه بالمنبر !!!

يا شيخ العوض دقيقة بالله
غنت مداخلة عمو وهبة دي تفوتها كيف كدة وتقول إفادة :

Quote: انا عندي شوية ملاحظات حول طريقة الزول دا في التعامل مع العضوية بتاعة الفور اوول والاستعلاء البيمارسو على خلق الله وبعبر عنو هنا بماتيسر ... انا مشفق على الناس البهناك ديلك معقولة افكر انا ذاتي امشي هناك .. لا لا ياعمك ماكدا والله على الاقل من جهتي انا ..

يا حاج العوض شوف كمية الأنا الفي كلام الزول وكيف بيظهر نفسو بمظهر روبن هود زمانه الحادب على مصالح الفقراء.. او دجانقو عصرو حامي الضعفاء ..
اول شئ اسأله مالو ومال تعاملو معاهم في فور اول وهو ما عضو فيها نمرة واحد .. وثانياً هو المدير ..
لو عندو ثورات ومطالب ديمقراطية ما يبدأ لينا بها في دارنا دي ..

ـــــــ
ما يأكلنا حنك يا العوض الموضوع في بدايتو فأيه رايك نكون شركاء في البوست

حيدر طالما انت شاري !!!
يلا انا متنازل ليك عن البوست ده ..
تقبل ؟؟؟