محمد حسن العمدة وأصدقاء عزرائيل بالمنبر: نافع شديييييد ولضيض!!

*

Quote: شاحد ربي ما يقوم منها والى الجحيم من يدري لعل الله استجاب لاصوات الثكلى واليتامي والارامل الذين شردهم نافع بدارفور والجنوب وبورتسودان والنيل الابيض وشهداء العيلفون من يدري ربما استجاب الله لدعاء من قطع رزقهم نافع واحالهم لما سمي زورا الصالح العام من يدري ربما استجاب الله لدعاء شهداء بيوت الاشباح ومن عذبهم نافع وعصابته لن ننسى ابدا ان نافع كان ولا يزال المسئول الاول عن ماجزر بيوت الامن حتى لقب بالجزار لن نعفي له ابدا ابدا واسال الله ان ينتقم منه شر انتقام كما اذاقنا عذابات غياهب سجونه اللهم خذه اخذ عزيز مقتدر يا رب العالمين ويا ناصر المستضعفين والمظلومين هو ومن تعاون معه اللهم امين

Re: لا شماتة في نافع علي نافع اذا كان مريضا .. ليست هذه اخلاقنا....

أنت فرحان أوى ... والا بتبشر ود العمدة عشان يطنبر ..

Quote: أنت فرحان أوى ... والا بتبشر ود العمدة عشان يطنبر

لاهذا ولا ذاك بس عايز أقول لودالعمدة يرعى الأصول!

سلام ياود يازين

سلامات يا بلة موسي ..

مُش لما نافع اللي هو كبير في قومه يراعي الإصول اول ..


هي دي اصول والا اوصال البتتجزأ من حالة لي حالة

عضو منذ ألفين وخمسة

نافع دا فى السياسة والعام قلنا ليهم اللحم ولينا العضم..
ويوم واحد ما قلنا لزول إنتقدو لا أو نعم وسياستو عندنا فيها راى ومختلفين معاها ١٠٠% بس فى حاجات تانية المفروض الناس تحترما!

Quote: نافع شديييييد ولضيض

ولم تفقد تصريحاته حيويتها وقوتها فقد صرح بالأمس قائلاً :

ضربتنا في الانتخابات قاضية وما (بنتنيها)

ياحيدر الزين

إطلاقا لاأتحدث عن مواقف سياسية أو عامة ..
بتكلم عن أصول سودانية مرعية عند رجل الشارع العادى والإنسان الفى قمة الهرم.


______________________________________
نعى الناعى جريرا للفرذدق
فهجاه
فقال له الناعى: أتهجوه وهو ميت؟
قال الفرذدق: إنها زلة فاحفظها عنى.

Quote: ولم تفقد تصريحاته حيويتها وقوتها فقد صرح بالأمس قائلاً : ضربتنا في الانتخابات قاضية وما (بنتنيها)

وهذه أيضا لاتهمنى فى هذا البوست بل وتجدنى ضده.

دكتور بلّة
سلامات
قيل:
"الجمل" مااااشي "و الكلِب" بينبح

فاهمك داير تنضم في شنو يا بلة - الرسالة كربون لعمر عثمان -

لكن هل الإعتراض على نافع في سياسته وفكره فقط
ام سياسته وفكره واخلاقه وعدم احترامو لآدمية الناس ..

هل نافع وقر كبير أو احترم زميل او عطف على صغير حتي يطالب الناس ان يتم التعامل معه بمبدأ الانسانية

انسان استاذه مع احترمه وهو مؤسس كل ما نشوفوا من بطش جهاز اعتاد على القتل والسحل والتعذيب ..

مروة الانسان السوداني الاصيل ..

هسع نافع دا ما تبع ناس قمة الهرم مروته وينها ؟!

سقوط مُريع يا حيدر الزين لإنسان غير سوي يتمنى الموت لأخيه الإنسان لِمُجرّد خصومات سياسِيّة
لكن دة يُوضِّح بجلاء تعاطي البعض للسياسة بفهم قاصر و فِكر مُتخلِّف و فاخورة فاضية
و الأنكى من ذلك أن يطرح مثل هذا الإمّعة نفسه كسياسي و حزبي مُنتظِم.
هسي زي دة فرقو من اليربوع و قريبو شنو؟
ديل هُم البيكرِّهوا الناس في المُعارضة لانعدام أدب الخلاف لديهم مع غُرماءهم
الواحد فهمو فهم فاتِيّة و طارِح نفسو سياسي
قرف ياخ
قرف شديد

يا علاء الدين يوسف سلامات ..
وجهة نظرك ومنطلق تعاطيك مع ود العمدة بفهم دوافعو تماماً ..
وإن كنت بختلف معاك في شكل اللغة والنقد الممكن توجه بيهو كلامك لود العمدة اولاً ..
فلو ود العمدة شمت في نافع في لحظة مرض فدي بينو وبين نافع وربه واتوقعك تدخل من باب النصح
الحوار .. النقاش .. المهم اي مدخل .. وتسوق لي قدام وتشوف شكل ود العمدة ليك
لكن طآآآخ كدة من قولة تيت انت كنكشت فيهو وبقيت تنادي جيبو الحبال نربطو ..
لو كنتو على صعيد سياسي واحد او قريبين في معسكركم من الحكومة او المعارضة الواحد ما بيدخل
قدومو دا هنا .. لكنكم على النقيض ويبقي النظرة الانسانية هنا بتكون محملة ايضاً ببعد سياسي
مشحون باشياء اخري .. فيبقي النقاش الاخلاقي من وجهة نظري انا ما محلها ..
بلة موسي عاوز يتناقش من ناحية انسانية واصول سودانية والواجب كمدخل .. فحبيت اعرف منه
الاصول دي هي ذاتها شنو والاخلاق السودانية شنو ؟
وهل هي حكر على مجموعة وعلى الاخرين فقط مراعاتها ..
وهل الجرائم الاخلاقية وخرق الاصول تسقط بالمرض والموت والا كيف ؟!

تحياتي

Quote: لكن هل الإعتراض على نافع في سياسته وفكره فقط ام سياسته وفكره واخلاقه وعدم احترامو لآدمية الناس ..

ياحيدر الزين

نافع مشكلتنا معه فى أنه يفعل مايفعل بناءا على فهم سياسى سلطوى..
مسألة الإحترام وعدمه صفة متغيرة وأساسها أنه بفهمه الحزبى يعمل على حمل البنى آدم على تغيير موقفه بل وتطويعه لصالحه..
وفى هذه يستغل كل الأساليب التى نختلف معه فيها..
وبذات الطريقة والفهم إن استطاع تطويع من يريد تطويعه سيتحول عنده من موقع غير المحترم للمحترم ومن المغضوب عليهم الى المرضى عنهم..

ويمكن أن يقود نافع حرب ضد حزب الأمة مثلا ويموت فيها من يموت ويجرح من يجرح ويعتقل من يعتقل..
وفى ليلة وضحاها يمكن إن مرض الصادق المهدى يعوده فى المستشفى أو على الأقل ما حايعقد مؤتمر صحفى ويقول فيه ماقاله ود العمدة حتى وإن كانت تلك أمنيته.

فمسألة الأخلاق على المستوى الفردى الشخصى هنا توصيف صعب معايرته فى الصراع السياسى.

رجاءا ياحيدر الزين

ماتجرجرنى فى نقاش عن سياسات وأفعال نافع فى السلطة التى أختلف معها جملة وتفصيلا..
ونافع تعرض لأقذع الوصف هنا بناءا على مواقفه السياسية ولم أعترض عليها أبدا..

بس نافع كشخص وبشر مامقطوع من شجرة ولا كل من يمت له بصلة يتفق معه.

Quote: فمسألة الأخلاق على المستوى الفردى الشخصى هنا توصيف صعب معايرته فى الصراع السياسى. رجاءا ياحيدر الزين ماتجرجرنى فى نقاش عن سياسات وأفعال نافع فى السلطة التى أختلف معها جملة وتفصيلا.. ونافع تعرض لأقذع الوصف هنا بناءا على مواقفه السياسية ولم أعترض عليها أبدا.. بس نافع كشخص وبشر مامقطوع من شجرة ولا كل من يمت له بصلة يتفق معه

لا يا بلة صدقني ما عاوز اجرجرك في النقاش لأفعاله .. إنت البتجرجر نفسك

يعني ببساطة معني كلامك الفوق دا نافع وقت يشتم الناس من ( موقعه السلطوي ) السياسي
ويقول بيمولو احزابهم من الدعارة وقروش المريسة والرق بيبقي دا فهم سياسي ونافع محترم والناس ديل نفسهم محترمين لو بكرة صالحو الكيزان وقروش الدعارة ما بتبقي حرام طيب عرفنا

لكن اها وقت يقتل الناس او يوعز للآخرين بقتلهم أو ينسق ما يدعو لقتلهم بيبقي فهم سياسي برضو وانسان له مرؤة او غيــر مؤاخذ انه الناس تدعو عليه لانه ظالم ومفتري ..!

اما ود العمدة عندما يتمني ليهو الموت من ربنا ساي لا قتله لا نادي بقتله بيبقي اتجاوز معيار الاخلاق والسلوك الحميد - ود العمدة دا دحين مش سياسي برضو او موقفو دا فيهو شئ من سياسة وشئ من اخلاق والا عشان ما مستشار رئيس او مدير جهاز يحق ليهو يقتل ويدعو لقتل الناس -

Quote: نافع مشكلتنا معه فى أنه يفعل مايفعل بناءا على فهم سياسى سلطوى..

يا دكتور بلة سلام

فهم سياسي شنو يا دكتور واصول واخلاق سودانية شنو ؟؟

يا سيدي نافع دا قتل وعذب بشر آدمييييييييييييييييييييييين ناس ربنا وهبهم الحياة ونافع وعصابتو سلبوها منهم يعني المسالة متجاوزة الاصول والاخلاق ... انسان ببيع وبيشتري في خلق الله باموال الله وبرضو تحدثني عن الاخلاق ؟؟

والله والله يا دكتور لو انقشع ظلام الانقاذ لحكى الناس عن ما اصابهم ما يعجز عن تصديقه الشيطان نفسه ... كمية الفساد البتدار باسم نافع فقط لا يمكن لاي صاحب اخلاق توقعها مهما بلغت زخيرته المعرفية بالفساد ودواهيه ...

ياخي سؤال هل افضل ان اتمنى الموت لاحدهم ام ان اقتل مليون احد ؟؟؟

دي جرائم جنائية يا دكتور ما ليها بالاخلاق والاعراف والعادات والفهم السياسي .. فهم سياسي تجادلني وتناقشني لكن تقتلني ؟؟

كل ابن ادم وان طالت سلامته يوم على الة حدباء محمول
وربك يمهل ولا يهمل ابدا

Quote: بس نافع كشخص وبشر مامقطوع من شجرة ولا كل من يمت له بصلة يتفق معه.

سلام يا دكتور بلة..
طيب ما تقول من ضربة البداية ان كلام محمد حسن العمدة "جاك في الضُفُر.. ومس العصب الحي ).
بالله الراجل قريبك؟

Quote: بس نافع كشخص وبشر مامقطوع من شجرة ولا كل من يمت له بصلة يتفق معه.

يا حليمة يا اختي اهل نافع ما ذكرناهم د بلة دا ساي زعلان ... من يدري ربما كان من اهل بيت نافع من يدعو على نافع ..

من ادمن الظلم لن يتخير من يظلم ابدا ....

محاولات جادة لـ تبليع البوست!


النجيضة: بالهنا والشفا يا دكتور!
أبلع واحتسب ياخ!

يضاف الى بوست البلع لاخانا الذي في الشرقية بتوصية من ود الصايم

Quote: اما ود العمدة عندما يتمني ليهو الموت من ربنا ساي لا قتله لا نادي بقتله بيبقي اتجاوز معيار الاخلاق والسلوك الحميد -

نعم ياحيدر
بل تجاوز معيار الرجالة عدييييل..
الراجل العندو مشكلة مع راجل حتى لو توفى الله غريمه بزعل (إنت ماسمعت ياربى خلينى عزرائيلو).

ياود العمدة

يازول معارضتكم دى فقدت البوصلة واصبحت دعاوى نسوان فى ضل ضحى مع فنجان جبنة..
يادى فلان داك قالوا مغذب الوليدات إن شاء الله ينقص زى مابسوى فى وليداتنا..

أها إنتو الأنصار ذات نفسكم تتحلفوا زمنكم كلو على نميرى وهو فى القاهرة عشان تتسدوا فيهو مجزرة ودنوباوى والجزيرة أبا وحركة يوليو سته وسبعين..
ناس الإنقاذ جابوه ليكم فى ودنوباوى ومجرد من السلاح وقااااااعد فى ضل العصر عملتوا عاقلين ..
يومو المات موت ربنا طار منكم العقل وقعدتو تشتموا فى جنازتو.

مجذوب الخليفة ود أخوه معارض معاكم هنا يومو المات موت ربنا قعدتو تسبوا فى جنازتو ..
قال ليكم يا اخوانا دا عمى أخو ابوى المفروض تعزونى وانتو تردحوا فى رديحكم.

ياحليمة

الفكرة ليست فى أنه قريبى..
ولكن الفكرة أن بالبيت الشيوعى بكون شقيقه مؤتمر وطنى وعلى النقيض..
إذا مات هذا الإنقاذى الشيوعيين بعزوا الشيوعى فى شقيقه..
وربما تكونى قرأت إحدى كتابات شوقى بدرى حين جاء نميرى لعزاء تبع آل بدرى وخرجت نعمات وأساءت نميرى فوقف ضدها كل أهلها باعتبار هذا عيب رغم أنه قتل زوجها.

Quote: نعم ياحيدر بل تجاوز معيار الرجالة عدييييل.. الراجل العندو مشكلة مع راجل حتى لو توفى الله غريمه بزعل (إنت ماسمعت ياربى خلينى عزرائيلو).

والله يا بلة موسي مما إنت فتحت البوست - شافيك تماماً ساعي لي شنو - حاولت اقلاها تجي تجادل ود العمدة بصورة نستفيد منها
لانه من تكلم عن نافع ليس ود العمدة وحده ...
لكن طالما إستخدمت نفس منطق علاء الدين يوسف .. يبقي أخد إقتباس من ردي على علاء الدين واعتبرو ليك ..




ـــــــــــــــــــــــــ
إذا رأيت يد الدهـــر قد لطمت عدوك فبادره برجلك ، فإن سلم من الدهـــر لم يسلم منك !

Quote: إذا رأيت يد الدهـــر قد لطمت عدوك فبادره برجلك ، فإن سلم من الدهـــر لم يسلم منك !

ياحيدر

ود العمدة بهمنى ومن فترة قصيرة متمنى يكون رجل قدامى وسياسى يتقن قوانين السياسة واجتماعى يرعى العادات والتقاليد المرعية..

أما بيت شعرك الفوق دا مابليق معانا دا بليق مع العرب القالوه..
نحن زى الأسود مابناكل إلا صيدنا..

سلامات يا بلة موسي ...

لك ان تطالب او تتمني ود العمدة ان يكون بما تراه فما بينكم ابعد ان احيط به ..
لكن ...

Quote: ما بيت شعرك الفوق دا مابليق معانا دا بليق مع العرب القالوه.. نحن زى الأسود مابناكل إلا صيدنا..

صياغة مناسبة البيت خاصة فيما دار في ببوستين الاشاعة وما اوردته انا من مقولة اعلاه ( عن قصد)
لا يتفق وهذا البوست وما كتبته إنت بالاقتباس أعلاه.. اتمني ان تكون فهمتني ...


لك تقديري ...

Quote: ياود العمدة يازول معارضتكم دى فقدت البوصلة واصبحت دعاوى نسوان فى ضل ضحى مع فنجان جبنة.. يادى فلان داك قالوا مغذب الوليدات إن شاء الله ينقص زى مابسوى فى وليداتنا..

باي باي يا دكتور

والتحية للمراة السودانية في ضل الضحى

فتك بعافية

سلام يا دكتور ..

برنامــج عمـــكم نافــع من يوم ( ... الى ....)



اللجنة العليا لشباب ولاية النيل الابيض


من عضوية المؤتمر الوطنى


الزمان السبت 13/ 2/ 2010 م


المكان مركز الشهيد الزبير للمؤتمرات


تدشين حملة انتخاب البشير ووالى ولاية النيل الابيض

بحضور د. نافع على نافع

الذى خاطب اللقاء بكل حيويــة ونشاط

_______________


يخاطب اليوم اجتماع المجلس القيادى للمؤتمر الوطنى بالمركز العام للمؤتمر الوطنى


_______________


يخاطب غداالثلاثاء مساءا فى مركز الشهيد الزبير


تدشين حملة النائب احمد البشير عبدالله


________________


يسافر غدا صباحا الى ولاية النيل الابيض لمخاطبة فعاليات ...... ( خلوهــا مستورة )