Post: #1
Title: أخيــــراً تيقنت بأن سودانيزاونلاين أحلي مرفأ للأستجمام والراحة !!!!!
Author: معروف حمدين
Date: 02-15-2010, 05:30 AM
يعني مرات كدا بدخل أقرأ وأقول أشوف الصحاب
عاملين شنو ؟؟
والخبر الجديد شنو ؟؟
والمات منو ؟؟
والعرس منو ؟؟
تقوم تلقي
الشكلة عجاجا يكركب !!!
وقلت ...
وقلتي ..
وهاك ياكوبي بيست !!
وتدخل الشلة
وناس شايلين لك حاجات من زمان !!
ولصق .. لصق
ويتغير الموضوع
وينحرف عن المسار ..
وبكري يجي جاري
وشايت ضفاري
ويخم ليك البوست ...
فى خبر كان ..
والاحمق يزعل..
ويفتح بوست بتغيير العنوان وعامل حريف ..
ويدور الموضوع يومين .. ثلاته ..
وتهدأ العاصفة ,,
لحين آكشن آخر ,,
مرات تتغاظ لحد ماتقول أخش للناس جوه !!
ومرات تموت من الضحك ..
ومرات تستمتغ للطيش ..
ـــــــــــــــ
سينتقل هذا للبوست للربع القادم
|
Post: #2
Title: Re: أخيــــراً تيقنت بأن سودانيزاونلاين أحلي مرفأ للأستجمام والراحة !!!!!
Author: معروف حمدين
Date: 02-15-2010, 05:41 AM
Parent: #1
الجميل فى الموضوع
عندما تكون متابع الشاشة !!
ويفتح موضوع ما وتعاين لأسم الكاتب/ه
بجيك أحساس بأن أول متداخل ح يكون X
حتي لو لم يكن المقصود
بس نظام أصحاب ,,
أو مدافع ..
أوصاحب الشيء ذاتو !!
وتوقعك بكون 100% صاح
|
Post: #3
Title: Re: أخيــــراً تيقنت بأن سودانيزاونلاين أحلي مرفأ للأستجمام والراحة !!!!!
Author: معروف حمدين
Date: 02-15-2010, 12:15 PM
Parent: #2
حالات الالتحام الحاد وتشوف المداخلات حية
بتخيل ليك أنك سوف تشاهد مواجهة بالعكاكيز
وبعد يومين دا كله بروح مع الغسيل ...
ــــــــــــــــ
فى بورداب عندهم قدرة علي الكتابة
لمن تحتار فيهم..
|
Post: #4
Title: Re: أخيــــراً تيقنت بأن سودانيزاونلاين أحلي مرفأ للأستجمام والراحة !!!!!
Author: عفاف الصادق بابكر
Date: 02-15-2010, 12:20 PM
Parent: #3
Quote: فى بورداب عندهم قدرة علي الكتابة
لمن تحتار فيهم.. |
معروف كيفنك .. والله بالغته في دي .. صدق ده لسان حالي ..
|
Post: #5
Title: Re: أخيــــراً تيقنت بأن سودانيزاونلاين أحلي مرفأ للأستجمام والراحة !!!!!
Author: محمد على طه الملك
Date: 02-15-2010, 04:19 PM
Parent: #4
عارف يامعروف..
المنبر دا بذكرني سنه رابعة وسطى على ايامنا..
* تلاميذ جايين عايزين يتعلموا..
* وحدين جايين لانه المدرسة أفضل ليهم من حصان الكارو اوالسرحه مع البهايم.. ( لوووول وش خايف من التخريجات)
* وحدين جايين شو ..
تلقاهم من يسأل المدرس سؤال يشبكوه فندي فندي فندي ..
إذا صدف حظه العاسر واختاره الأستاذ ..
يقوم يقول أي كلام..
المهم أنه كان مشارك..
* وحدين همهم يرصدوك منتظرين متين تجاوب صح..
عشان في الفسحه يوروا اصحابهم تفوقهم العضلي.
* وحدين همهم يلقوا فرصة في الكنبات الورا عشان يدنكلوا السفة ويكملوا الكيف.
|
Post: #6
Title: Re: أخيــــراً تيقنت بأن سودانيزاونلاين أحلي مرفأ للأستجمام والراحة !!!!!
Author: ismeil abbas
Date: 02-15-2010, 06:44 PM
Parent: #5
أخى/معروف ..السلام عليكم...
فعلآ.سودانيز اون لاين مكان لكل الحاجات الجميلة والقفشات الحلوة...
بتخيل البورد ده زى قطر..والناس ما بتعرف بعض..وإتلاقت وهم على سفر وكل زول نازل محطته..ناس تعرفهم وتنساهم وناس تتمنى تعرفهم وناس تعرفهم ويكونوا أجمل من أهلك وأقرب....فى ناس هنا راقي
ن شديد...الواحد يعتز بمعرفتهم..
الواحد بجلس مع الشخصية البرتاح ليها..ويتفرج على شكل بعض الناس إذا كان بسبب المزحة..أما الناس البجروا عكاكيزهم ديل من قولة تيت ديل ناس فاقدين منطق...وشكل ألأسفير ده أخير منو النوم..
بشروا فى غسيلهم للناس وهم ما حاسين بذلك...وبظهر المتخبى....وعينك ماتشوف إلا النور...
فشيتنى والظاهر برضو فشيت عفاف الصادق اختى..جيته فى جرح...
تقديرى الشديد...
|
Post: #7
Title: Re: أخيــــراً تيقنت بأن سودانيزاونلاين أحلي مرفأ للأستجمام والراحة !!!!!
Author: معروف حمدين
Date: 02-16-2010, 03:47 AM
Parent: #6
| Quote: معروف كيفنك .. والله بالغته في دي .. صدق ده لسان حالي .. |
أستاة عفاف الصادق
تعرفي فى شخصيات بتكتب حاجات
أنا زاتي لو قدامي الزول دا ممكن أخنقو عديل كدا..
وفى تعليقات لبعض البورداب والله تموتي من الضحك !!
دا عالم لذيذ جداً....
شكري ياعفاف
|
Post: #8
Title: Re: أخيــــراً تيقنت بأن سودانيزاونلاين أحلي مرفأ للأستجمام والراحة !!!!!
Author: معروف حمدين
Date: 02-16-2010, 07:25 AM
Parent: #7
Quote: تلقاهم من يسأل المدرس سؤال يشبكوه فندي فندي فندي ..
إذا صدف حظه العاسر واختاره الأستاذ ..
يقوم يقول أي كلام..
المهم أنه كان مشارك.. |
محمد علي
سلامات
وديل ياهم ناس الكنبة الوراء ..
غايتو لو قمت ياسعادتك وجبت ليك بالغلط يعني
مثال !!
يجوك ناس الكنبة ويذكروك الوسطي علي أصولها
ورشاشات تشتغل بالكلمات لحد ما تأمن ذاتو ,,
لك محبتي ..
|
|