Post: #1
Title: احساسكم شنو لما تعملوا بوست و ما في زول يرد عليه .. مغسة تشق
Author: Nada Jamma
Date: 02-14-2010, 10:43 AM
Parent: #0
و اظرف حاجة لما تكون بتفكر ليك فترة في موضوع يثير اهتمام الناس
غير الكورة و السياسة و العرس و تلقى موضوع تتخيله حيوي جدا
و بعد اليوم التالت و لا الرابع تلقى الردود ما فاتو العشرة و فيهم خمسة
كاتبوهم الزول الكتب البوست ذاته
عايزة اعرف الوصفة السحرية لبوست غير السياسة و العرس و الكورة و يكون عدد الردود فيه لا تقل عن 50 من اشخاص مختلفين
|
Post: #2
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: فيصل نوبي
Date: 02-14-2010, 10:49 AM
Parent: #1
| Quote: عايزة اعرف الوصفة السحرية لبوست غير السياسة و العرس و الكورة و يكون عدد الردود فيه لا تقل عن 50 من اشخاص مختلفين |
شمار حار
|
Post: #3
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: معتز زيزي
Date: 02-14-2010, 10:56 AM
Parent: #2
لا يهم فيما أو عن ماذا نكتب " سياسة ... كورة ... الخ
المهم أن نكتب ما "يستفز" غيرنا قبل أن "تُستفز" "كتاباتنا"
.
.
|
Post: #5
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: معروف حمدين
Date: 02-14-2010, 11:01 AM
Parent: #3
نوع كتاباتك دي ذاتها سوقها حار!!!
كتري من النوع دا ,,,
ــــــــ
مرور مع التحية والسلام
|
Post: #6
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: الصادق يحيى عبدالله
Date: 02-14-2010, 11:04 AM
Parent: #3
Quote: اظرف حاجة لما تكون بتفكر ليك فترة في موضوع يثير اهتمام الناس
غير الكورة و السياسة و العرس و تلقى موضوع تتخيله حيوي جدا
و بعد اليوم التالت و لا الرابع تلقى الردود ما فاتو العشرة و فيهم خمسة
كاتبوهم الزول الكتب البوست ذاته
عايزة اعرف الوصفة السحرية لبوست غير السياسة و العرس و الكورة و يكون عدد الردود فيه لا تقل عن 50 من اشخاص مختلفين |
الاخت/ ندى
سؤالك في محله
حسب رأيي المتواضع ايا كانت قيمة الموضوع لا يمكن تطويره افكار بدون شلة و اصحاب.
وصلت الى هذه القناعة عن تجربة شخصية. قمت بايداع مجموعة موضوعات افتكرتها مهمة لكنها انتهت الى لا شي.
|
Post: #13
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: محمد كابيلا
Date: 02-14-2010, 11:30 AM
Parent: #6
ندى جمعة ..
تحيـــــــــــــــاتى ..
بدون أعلاه
لا يمكن لأى بوست أن يجد ولا مداخلة واحدة
كل الود
محمد كابيلا
|
Post: #4
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: محمد حسن العمدة
Date: 02-14-2010, 10:57 AM
Parent: #2
اكتبي الموضوع البرضيك انتي وتقدمي بيهو شي مفيد للناس اي زول بلقاهو مناسب معاهو بخش وبرد
انا شخصيا ممكن اقرا بوست ويكون جيد وممتع لكن لا اتداخل فيه .. عشان كدا المشاركات ما كل شي
وعندك الخيار التاني بتاع نوبي دا .. تدفقي ليك شمار حااااااااااار واتفرجي بعد داك
|
Post: #7
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: محمد الشيخ أرباب
Date: 02-14-2010, 11:05 AM
Parent: #4
الردود على البوست ليست مؤشر على قيمة البوست
لان معظم البوستات الردود فيها نوع من المجاملات
والصداقات الخ.
تلاحظي بوستات ما فيها اي موضوع مفيد
وتمتد صفحات كثيرة
تحياتي
|
Post: #8
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: محمد عبد الماجد الصايم
Date: 02-14-2010, 11:06 AM
Parent: #4
يا حليلكـ .. إنتي من زمن بكتبتوا حاجة عشان تنقري!
|
Post: #12
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: إدريس محمد إبراهيم
Date: 02-14-2010, 11:21 AM
Parent: #8
الأخت العزيزة / ندى
تحية واحتراماً
Quote: الردود على البوست ليست مؤشر على قيمة البوست
لان معظم البوستات الردود فيها نوع من المجاملات
والصداقات الخ.
تلاحظي بوستات ما فيها اي موضوع مفيد
وتمتد صفحات كثيرة |
أنا مع رأي الأخ / محمد الشيخ أرباب لأن الشللية مستشرية هنا حتى النخاع .. فمهما كان موضوعك مهماً فلن تجدي من يؤازرك فيه إن لم تكن لك شلة من الجماعة إياهم ... صراحة كم أتقزز عندما أرى كتابة فجة خالية من أي نوع من الإبداع ورغم ذلك تجد من يكيلون المدح والثناء حتى يصدق صاحبنا أنه مبدع بحق ويمشي في الناس تيهاً وخيلاء ...
ما عليك يا ندى أكتبي بصدق وستجدين في الآخر من يقدر ذلك ...
مع خالص حبي وتقديري للجميع ؛؛؛
|
Post: #9
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: Tabaldina
Date: 02-14-2010, 11:08 AM
Parent: #4
..
.
سلام
| Quote: احساسكم شنو لما تعملوا بوست و ما في زول يرد عليه .. مغسة تشق |
معليش ..
لم اعش هذاالاحساس حتى هذه اللحظة
يا ندى ..
يبدو ان الواحد عنده شعبية ..
والعياذه بالله..
--------
لينا طولا
|
Post: #10
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: tmbis
Date: 02-14-2010, 11:20 AM
Parent: #9
إنتو ندى جمعة دي جات البورد متين ..؟
.
.
تبع ناس منو إنت في البورد دا ..؟
والله الواحد بقى قاعد ساااي هنا دا .. كالعادة ما ناقش أبو النوووم ..
|
Post: #14
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: منتصرمحمد زكى
Date: 02-14-2010, 11:34 AM
Parent: #9
زي احساس واحد يجي ماري بي مجموعة من الناس
يسلم عليهم ولا يشتغلو بيهو الشغلة ....
أما حكاية البوستات دي زي الرزق تلاقيط
مرات التوقيت وعدد المتواجدين بيلعب دور كبير
كل بوست محكوم بظرفيته .. بوستات جيدة المحتوى وتناقش قضية
حيوية يكون مصيرها الخور غير مأسوفا عليها .. بوستات انصرافية
وبها كميات من العوارة تبقى لأكثر من اسبوع أو أكثر كل شخص يركلها الى أعلى
نصيحتي أن تكتبي البوست وتمضي دون ان تلتفتي الى الوراء الا بعد ساعات .. يعني
ترمي سنارتك ياجابت حوت يا بالعدم صير ياجاتك فاضية ........ بوست موفق
|
Post: #11
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: عمار عبدالله عبدالرحمن
Date: 02-14-2010, 11:21 AM
Parent: #4
نحن في زمن السوق عاوز كده ,,,
اهمية الموضوع بكمية من اطلعوا عليه وليس بالردود ,,,
|
Post: #15
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: فايزودالقاضي
Date: 02-14-2010, 11:37 AM
Parent: #11
ندى ...ازيك ...
| Quote: احساسكم شنو لما تعملوا بوست و ما في زول يرد عليه .. مغسة تشق |
نفس احساس الناس الردت عليك فوق ومارديتي عليها ...مغسة تشق !!!
|
Post: #16
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: خالد المحرب
Date: 02-14-2010, 11:39 AM
Parent: #11
Quote: انا شخصيا ممكن اقرا بوست ويكون جيد وممتع لكن لا اتداخل فيه .. عشان كدا المشاركات ما كل شي
|
لاخت ندا كلام العمده دا صاح مااى بوست الناس بتداخل فيه ولكن بكون مفيد
لكن داير اديك راى عندماتكتبى اى بوست وبين قوسين قولى توجد صور او توجد مفاجعه
لاننا ناس بنحب الشمارات او اكتبى مغسه تشق دى زاتا
تحياتى
|
Post: #17
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: حسن محمود
Date: 02-14-2010, 11:45 AM
Parent: #16
Quote: بعد اليوم التالت و لا الرابع تلقى الردود ما فاتو العشرة و فيهم خمسة
كاتبوهم الزول الكتب البوست ذاته
عايزة اعرف الوصفة السحرية لبوست غير السياسة و العرس و الكورة و يكون عدد الردود فيه لا تقل عن 50 من اشخاص مختلفين |
مبروك ..ندى .. حتى الان وفى نصف اليوم الاول للبوست وصل عدد الردود أكثر من 15 رد
دون رد منك؟؟!
..انشاء تكوني عرفتي الوصفه السحرية!..
|
Post: #18
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: Tabaldina
Date: 02-14-2010, 11:45 AM
Parent: #16
..
.
سلام يا تامبا
انت من عرست طشيت شبكة ..
| Quote: تبع ناس منو إنت في البورد دا ..؟ |
دى زولا من عندنا واختنا من 2007
وركز معاها بتنفعك فى العودة الطوعية .. قريبا
صدقنى ..
---------
ونعتبرها فى حماية سباع المنبر
عشان كدا خليك قريب ..
|
Post: #19
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: Nada Jamma
Date: 02-14-2010, 12:03 PM
Parent: #18
يا سلام و الله فشيتوني .. اشكركم فردا فردا على المداخلات الممتازة الساهمت
شديدة في تخفيف المغسة
و افتكر انه ناس البورد ديل احسن ناس .. حنان جدا من يلقوا اخت ليهم ممغوسة
ما بقصروا و بشيلوا مغستها
اها القالوا انه الا بالصحبة و الشلة حتى الزول يلقى ليه زول يرد عليه
وجهة نظرهم سليمة لانه احنا بالفطرة بنميل لي انه نسمع عن الزول البنعرفه
زي ما بنركز مع اخبار المشاهير اكتر من الناس العاديين
و القالوا الردود ما مهمة و المهم الموضوع ببقى انك ما بتكون عارف هل
موضوعك وصل الناس ولا لا .. الطريقة الوحيدة انه زول يرد عليك
ندى جماع
|
Post: #20
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: tmbis
Date: 02-14-2010, 12:29 PM
Parent: #18
| Quote: دى زولا من عندنا واختنا من 2007 |
من الفين وسبعة يا تنقـا ..؟ ومشقوقة بي مغصته دي ..؟
والله طششتني زيادة ..
ياخ .. (تحية كاريوكـا) الجات امبارح دي .. بتفتح ليها بوست العميان .. بجي شايل المكسر .. Quote: وركز معاها بتنفعك فى العودة الطوعية .. قريبا
صدقنى .. |
.. تنفع في العودة الطوعية دي حبابه الف .. بس تحددوا لينا حجم الاستثمارات قدر كيف ..؟ لانو عندنا عرض ترشيح نواب ولاة ..
ــــ
البركة فيكم يا صالح وانا قبل السفر اتصلت عليك كتير جدا رقمك المعاي مقفول .. وجيت دخلت الدوامة الانت عارفه دي ..
|
Post: #21
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: ابو جهينة
Date: 02-14-2010, 02:11 PM
Parent: #20
الأخت ندى جماع
تحياتي
أكتبي دونما توقف و لا تلفتي إلى عدم وجود ردود.
هناك مواضيع كثيرة ذات قيم ثقافية و إجتماعية عالية تغوص بين وابل من مواضيع لا تغني و لا تسمن من جوع.
في النهاية لن يبق إلا ما ينفع الناس
دمت
|
Post: #22
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: Habib_bldo
Date: 02-14-2010, 02:35 PM
Parent: #21
ندى يا قطر الصباح وصباحك وكل أيامك ندى
البوستات خشم بيوت يا ندى
صراحة حاجة تغيظ خاصة لو موضوع مهم ومتعوب فيهو ويستاهل يتقري
زيما قالوا ليكي الأخوان فوق الحكاية كلها شلليات وقروبات في هذا المنبر
ومعظم الردود مجاملات (يعني الكحة ولا صمة الخشم) في بوست كاتبو صديق أو صديقة
بس إنتي ما تتوقفي عن الكتابة والمشاركة وحبة حبة تكتسبي جمهور ومشجعين ومجاملين وكمان قراء.
|
Post: #23
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: كمال ادريس
Date: 02-14-2010, 02:36 PM
Parent: #21
اعتقد ان نجاح البوست في عدد القراءات وليس عدد الردود.
|
Post: #24
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: محمد الجيلى
Date: 02-14-2010, 02:40 PM
عادي
|
Post: #27
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: ALZOLZATOO
Date: 02-14-2010, 03:01 PM
Parent: #24
الاخت ندى
بتخيل لي العنوان هو اهم حاجة في الموضوع لازم العنوان بتاعك يكون جاذب للوحدة بعد داك ان شاء الله تختي نقطة بس باقي الناس ح تجي تطلع ليك من النقطة دي عصير تفاح عشان المواضيع كتيره والناس ماعندها زمن لازم العنوان يكون قوي .
بعد داك العميان ح يجي شايل المكسر والشله ليست قوة البوست وانما البوست ممكن يعمل ليك شلة
بعد تعملي الشلة اها لو كتبتي اي حاجة الناس ح تجيك من كل فج عميق رجالا وراكبين ركشات حتى لو الواحد دخل وخته لي صورة من باب تبسمك في بوست اخيك صدقة 
لو ده كلو مانفع ادخلي بوست بوست وتداخلي مع العالم الاسفيري وليكن توقيعك العاقبة عندكم في المسرات لوووووووووووولز
تحياتي
زاتوووو
|
Post: #28
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: Abdelrahim Elamin
Date: 02-14-2010, 03:02 PM
Parent: #24
لا عليك اختي
المهم البوست يكون فيهو فكرة ومضمون
في نظري عدد القراءات ليس مقياس لاهمية البوست
لأن هنالك من يقراء البوست حسب اسم صاحبه.
|
Post: #25
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: طارق الكوتش
Date: 02-14-2010, 02:50 PM
الاخت اسمعى نصيحة ود الصائم المغسه بتفك
اها لو كتبتى موضوع و ماف ردود تأكدى انو موضوعك هادف
فتك عافيه
تخريمة مثل هذا البوست برضو من انواع البوستات القاصدها اخونا ود الصائم
|
Post: #26
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: د.نجاة محمود
Date: 02-14-2010, 02:59 PM
Parent: #25
تعرفي احسن حاجة تعملي بوست ما يقدرو يردو ليك
لكن يزازو ببرة انابعاين للمشاهدات ما للردود
لانه الردود هناعلى حسب الكوم والحبايب والقرايب
اقامة طيبة
كومى... وكومو.... وكومك
تقري البوست دا وترسلي لي البياض
|
Post: #31
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: almulaomar
Date: 02-14-2010, 03:22 PM
Parent: #26
تحتقر نفسك وتشعر بالبؤس خاصة إذا كنت جاي ونافش ريشك ولاطش مداخلتك أو موضوعك من موقع من مواقع google الله والرسول الماليه الدنيا سواء لطشه بتصرف أو على نظام الكسالى والتنابلة copy & Paste دون الإشارة إلى المصدر وبجيك إحساس بأنه في رأسك في ريشه
جوه جوه الواحد بياكلها في حنانو ويحاول يعيش حياتو السايبيرية ويطنش
بيظهر للناس روح رياضيه وديمقراطية وإيمان بحرية تعبير وإختيار بالرغم من إنه الكلام دا ما الجواهو
بيصاب بإحباط وخيبة أمل خاصة إذا كان لعب لي أحد الأعضاء الـ one وأنتظر الـ two ولغاية ما بقي في وضع تسلسل العضو الغتيت ما باصي ليهو وهو ما يعرف سايبرياً بـ scratch my back I scratch yours وفي الحته دي بالذات بتكون كرشت ضهر صاحبك وبقيت تفتش علي حيطة زبالة خشنة عشان تحك فيها ضهرك.
دا كلو هين بس الما هين لمن الواحد يفكها في نفسو وفي الناس ويصدقها
يقولو ليك المنبر وطن من لا وطن له
يقولو ليك المعارضه حا تعمل وتعمل
يقولو ليك الحكومة عملت وعملت
يقولو ليك لا تهاون مع التعاون (دي من عندي طبعاً)
يقولو ليك ........
ومنتظرين منبر بكري أبوبكر يحل مشاكل تساقط الشعر والصلع الوراثي وقضية المهمشين وتطوير الرياضة والأغنية الشبابية
|
Post: #29
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: عبدالله كع
Date: 02-14-2010, 03:04 PM
Parent: #25
ندي جماع ..ازيك
الجماعه فشو ليك مغصتك ---- صاح !!
وعرفتي الدرب تمااااااااام يا ختي
يلا زكي الكيس -
و نهائي ما القاك متمحنه تاني
|
Post: #30
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: سيف الدولة كامل
Date: 02-14-2010, 03:16 PM
Parent: #29
أهل يا ندي مبسوطة,,,, كومك كبر وعملتي ليك شلة ,,, لعبتيها كويس ,,,أها تاني ما بنفوتك .
|
Post: #32
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: Nada Jamma
Date: 02-15-2010, 07:27 AM
Parent: #30
أحمد الله .. اعتقد انه مشكلتي في المنبر اتحلت و المغسة خلاص راحت الي غير رجعة
انا سعيدة بيكم كلكم و سعيدة بانه اكون جزء من الاسرة المتميزة دي الما بترضى المغسة لي زول
و اشكركم كلكم على فك المغسة و الاراء العظيمة و النصائح المفيدة .. و شكلي كدي عرفت الوصفة
و ربنا يكبر الشلة و يكتر الاخوان و الاخوات .
وربنا يديمه منبر عامر بالخير و الاخيار
|
Post: #33
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: tmbis
Date: 02-15-2010, 07:50 AM
Parent: #32
| Quote: اعتقد انه مشكلتي في المنبر اتحلت و المغسة خلاص راحت الي غير رجعة |
خلاص بعد كدا حقو طوالي تقفلي البوست دا طالما مغستك راحت ..
يا كمان
تطلبي حذفو عشان تتيحي فرصة لي غيرك .. شايله ليك مغسة من الفين وسبعة تفشيها في الفين وعشرة .. مغسة ليها تلاتة سنوات ..؟
دي مغسة واللا عقد ايجار ..؟
ــــــــ
أمبارح كتبت ندى جمعة .. والصواب ندى جماع ..
|
Post: #34
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: اينانا
Date: 02-15-2010, 08:18 AM
Parent: #33
يا ندوية.. اولن اول مرة اعرف انك بتكتبي هنا..
غايتو يا قولك حاجة تحير.. لكن عموما انا بكتب ما هنا في اي مكان بغرض انو اكتب واقول الفي راسي.. يعني هنا اظن عندي موضوع واحد وعملتو وعملت اللي في نفسي يا قولهم..
المهم.. ابقي عشرة واقري الدار كتير.. بتستفيدي..
إيمان خليفة..
مشتاقين وكدا..
|
Post: #35
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: داليا الكباشى
Date: 02-15-2010, 09:04 AM
Parent: #34
اسسسي دا كللللللللللللو هين ..!!
اهــا الردو الدايراها دي وجاتك مطــــــــر !!
مغستـك وفشيتيــها والحمد لله ..!!
يــلا وريني حا تردي على الناس دي كووولها كيف ..؟؟ 
والله الا تحنسي ليكي زول يرد معاك ..!
------
كــامل تضامني معاك في ازمتك الردوديه
|
Post: #36
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: محمد الطيب حسن
Date: 02-15-2010, 09:20 AM
Parent: #35
ياندي
| Quote: يا سلام و الله فشيتوني .. اشكركم فردا فردا |
اها فردا فردا دي مابتنفع هنا
اي زول لازم ترشيه براه
|
Post: #37
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: صلاح عباس فقير
Date: 02-15-2010, 09:59 AM
Parent: #36
الأخت ندى
السلام عليكم
والله الإخوان ما قصروا ذكروا كل الأسباب الممكنة!
وأعجبتني خاصة مداخلة (الملا عمر)!
أنا عاوز أضيف أن أسلوب تناول الموضوع الحيوي أيضاً له دور كبير!
وكذلك شعور الإنسان عند الكتابة، وأنه يوجه خطاب عام لجميع أعضاء المنتدى!
يعني ممكن واحد يكون عندو موضوع حيوي، لكن ما استطاع أنه يخرجه من إطار ذاته
إلى عامّة القارئين، فظل أسلوبه فيه نوع من الانغلاق على الذات!
المهم:
وهناك من حذرك من الرد الجماعي، وقال ليك لازم: فرداً فرداً!
لا/ خدي راحتك، ما دام الآراء متوافقة ما يحتاج!
|
Post: #38
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: almulaomar
Date: 02-15-2010, 01:55 PM
Parent: #36
مرة الدكتور منصور خالد كتب مقال في هذا المنتدى ، الناس العملت مداخلات في المقال أكثر من الأعضاء المسجلين رسمياً وإحتياطياً كمان والتاوقو ساكت ديك إييييييك من هنا لغاية نيفاشا (أنا أحد المتاوقين) أها بوست زي بوست منصور خالد دا أنا من يوم ما هداني القوقل للتسجيل في منتديات سودانيز أونلاين ما شفت ردود عليهو بهذا الكم الكبير لكين للأسف لو قلت ليك 99ر99%[من الردود كانت تتمسح بتراب الدكتور والسياسي المعارض والأديب ، يعني يمشي الواحد ويقول ليك والله الليلة رديت علي مقال كاتبو د. منصور خالد ، آآيي منصور خالد وزير الخارجية السابق ومنظر الحركة الشعبية والصديق المقرب من الراحل الدكتور جون قرنق ، هو ما عضومعانا في سودانيز أونلاين ، وكان سودانيز أونلاين دي كل أعضاءها صفوة وناسي وهو أولهم أن المنتدي يضم المنخنقة والموقوذة والنطيحة جمباً إلى جمب مع الصحيحة السليمة المعافاة./B]
ومرة واحد دقس الناس كلها بي الأدمنيستريتور وخت ليهو صورة مذيعة شهيرة في قناة النيل الأزرق في البروفايل بتاعو وتحدث بإسمها وهاك يا مداخلات بالله لو قح في موضوع ساكت يقولو ليهو يا رائعة والله كلامك جميل ، كفيتي ووفيتي ، وهلم كضباً .... والقصة دي كشفت ما يعرف حالة بعض الأعضاء عافاهم الله المصابين بمتلازمة المراهقة السايبيرية أونلاين وأوف لاين
من الحاجات الممكن تجيب دخل أو زبائن للمقال أن يكتب العضو مقال أو موضوع ما عنده موضوع أصلاً بشرط أن يتخير اللغة ويتحزلق فيها ويمارس أى طريقة تخلق منه فيلسوفاً ذكي ويجعل القارئي ينظر مشدوها وكأنه في إختبار IQ وبالضرورة لابد أن يستنتج القارئ ما يعتقد أن الكاتب العبقري قد عناه أو بإعتبارات ما ستؤول إليه الأمور أو قصة قصد الجزء وأراد الكل.
وفي كمان أن تكتب بغباء مستحكم حتى يظن الناس أنك أذكي خلق الله.
الناس هنا في سوادها الأعظم قسمين ، قسم ما عندو رأي وقسم لا يؤمن بالإختلاف في الرأي
التعدي على الآخرين سباً وقذفاً وشتما بألفاظ أقل ما توصف بها أنها سوقية ولا تستثني حتى - الذات الإلهية والعياذ بالله - هي أقصر الطرق للبطولات والنضال وأن يكون كاتبها أو قائلها من الطبقة المستنيرة ذو فكر وفلسفة ورؤية ورسالة ربما أتت قبل زمانها أو في غير محلها
تخيلو واحد يغلبو يودي الكورة وين ويقعد يردد في كل مداخلاته كلمة من سبعة أحرف ومع ذلك هو مناضل وطني غيور
font>
|
Post: #39
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: د.محمد حسن
Date: 02-15-2010, 11:18 PM
Parent: #38
| Quote: اعتقد ان نجاح البوست في عدد القراءات وليس عدد الردود. |
وبكدة اكون طالبك مداخلة
والقدم بالقدم
|
Post: #40
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: Ahmed musa
Date: 02-15-2010, 11:31 PM
Parent: #39
انا غايتو لمن أزهج بكتب (إنتو الشيوعيين ديل مالهم ؟؟؟) أها يجوك عُفارهم يلوي ... والأعمي شايل المكسر
شي شيوعيين وشي حقانيين وشي ليبراليين يطلعوا ليك كل مغايس الحركة الشيوعية لمان لينين يجيه أبوالشهِّيق
أها إنت مرة مرة شوفي الشيوعيين ديل مالهم ؟؟؟؟
ـــــ
ملحوظة : قبل كدة في زول كتب بوست زي حقك ده أوقريب ليه ... وقع فيه أمر الله و (عرّس) ... الله يستر ...
|
Post: #41
Title: Re: احساسكم شنو لما تعملوا بوست و ما في زول يرد عليه .. مغسة تشق
Author: Nada Jamma
Date: 02-16-2010, 02:06 PM
Parent: #40
و الله يا قول تمبس انا مفروض كان البوست ده اكتبه من 2007
اشكر كل الجاني بي جاي و فش مغستي .. و اهم حاجة انه انا استفدت جدا
من الاراء البناءة و الافكار النيرة .. و احتمال كبير اضمن انه البوست
حقي الجاي حيكون فيه نسبة ردود ما بطالة .
و ربنا يخليكم و يبارك فيكم
|
|