Post: #1
Title: الاعفاء الجمركي لكل من يرغب في العودة النهائية من السودانيين بمصر!!
Author: Wasil Ali
Date: 02-14-2010, 08:16 AM
Parent: #0
Quote: القاهرة في 14/2 (سونا) وصلت إلى القاهرة لجنة رفيعة المستوى برئاسة الدكتور كرم الله علي عبد الرحمن نائب الأمين العام لجهاز تنظيم شؤون السودانيين العاملين بالخارج لمعالجة أوضاع الجالية السودانية بمصر بناء على تكليف من نائب رئيس الجمهورية علي عثمان محمد طه
والتقت اللجنة فور وصولها بقطاعات المرأة والمبعوثين المعلمين و الصحفيين بجانب رؤساء الأندية و الدور السودانية بالقاهرة ، و استمعت إلى المشكلات التي تواجه السودانيين بمصر في مجالات الصحة و التعليم و العمل ، و الإقامة و مطالبات تسهيل إجراءات العودة النهائية للبلاد وقدمت اللجنة حلولا فورية لبعض المطالب و وعدت بعرض بعضها على المسؤولين في السودان ، و قال رئيس اللجنة لـ (سونا) أنه سيتم الاعفاء الجمركي لكل من يرغب في العودة النهائية في كل ما يتعلق بالأجهزة الكهربائية و الأثاثات و المتعلقات الشخصية الأخرى ، وفيما يتعلق بتخفيض الرسوم القنصلية لأبناء الجالية فإن اللجنة ستسعى فور عودتها بالتنسيق مع وزارة المالية لأنفاذ الأمر ، و بالنسبة لمشاكل العودة النهائية فإن اللجنة ستقدم للجالية فرص الإسكان الشعبي و الإقتصادي و الأراضي بالتقسيط الذي يتلائم وظروفهم ، و أضاف : أن اللجنة ستقوم بطواف لمواقع تمركز الجالية السودانية بمصر في كل من الإسكندرية و أسوان و السويس و بورسعيد و الإسماعيلية ، من أجل الاستماع إلى مشاكل الجالية و قضاياها التي ستسهر اللجنة على حلها بناء على تكليف من نائب رئيس الجمهورية وتضم اللجنة مدير الإدارة العربية بوزارة الخارجية و مدير جوازات العاملين بالخارج و مدير إدارة العلاقات الدولية بالجمارك و ومدير إدارة السكن الشعبي ، ومدير الخطة الإسكانية و الأراضي ومدير القبول بوزارة التعليم العالي و مدير الإمتحانات بوزارة التعليم العام و ممثلين لديوان الضرائب و الزكاة و التخطيط و المشروعات و قضايا العمل و العودة الطوعية والأمن و المخابرات.
رجوع |
|
Post: #2
Title: Re: الاعفاء الجمركي لكل من يرغب في العودة النهائية من السودانيين بمصر!!
Author: Habib_bldo
Date: 02-14-2010, 08:22 AM
Parent: #1
يا فرحتي يا فرحتي!!!!!!!!!!!!
وفي حاجة تستحق تتجمرك أصلا وتجينا من مصر.
إعفاء عن طقوم ومفارش البلاستيك.؟؟؟؟؟؟؟؟؟؟؟؟؟؟؟؟؟؟
قال إعفاء قال؟؟؟؟!!!!!!!!!!!!!
|
Post: #3
Title: Re: الاعفاء الجمركي لكل من يرغب في العودة النهائية من السودانيين بمصر!!
Author: الطيب رحمه قريمان
Date: 02-14-2010, 08:22 AM
Parent: #1
الاستاذ الفاضل واصل على
لك التحية و التقدير
| Quote: أنه سيتم الاعفاء الجمركي لكل من يرغب في العودة النهائية في كل ما يتعلق بالأجهزة الكهربائية و الأثاثات و المتعلقات الشخصية الأخرى ] |
هو الناس ديل عندهم شنو عشان يتجمرك ؟؟؟
كان يقولوا حاجة غير كده ...
|
Post: #4
Title: Re: الاعفاء الجمركي لكل من يرغب في العودة النهائية من السودانيين بمصر!!
Author: عاطف مكاوى
Date: 02-14-2010, 08:30 AM
Parent: #3
واليكم هذه أيضا (قبيل الانتخابات المفترضة) :
Quote:
والي الخرطوم يوجه بعدم مصادرة ممتلكات المحلات التجارية
الأحد, 14 فبراير 2010
الخرطوم : هبة عبد العظيم
وجه والي ولاية الخرطوم د. عبد الرحمن الخضر أجهزة المحليات بعدم مصادرة ممتلكات المحلات التجارية والدكاكين بسبب
الامتناع عن دفع الرسوم على أن يتم الاحتكام للنيابة للفصل في النزاع حول سداد الرسوم كما وجه بوقف عمليات إزالة العرض
الخارجي لجميع السلع وذلك الى حين إكتمال الاجراءات التى تقوم بها الولاية في تخصيص أماكن وأسواق للعرض الخارجي والمؤقت.
جاء ذلك عقب لقائه أمس برئيس اتحاد أصحاب العمل وأعضائه بالولاية.
ووجه الوالي بعدم مصادرة أواني ومعدات بائعات المشروبات والأطعمة واللائي ستبدأ الولاية الاسبوع القادم تسليمهن وحدات إنتاجية
تبدأ بألف وحدة ويستمر المشروع لتغطية جميع البائعات اللائي شملتهن الدراسة. وعزا الخضر تأخير تسليم الوحدات إلى تأخر عمليات
تصنيع هذه الوحدات. |
http://alsudani.sd/local-news/11927-2010-02-14-06-37-10.html
* هذا مع العلم بأن الوالي الحالي هو المرشح لنفس المنصب ولنفس الولاية.
|
Post: #5
Title: Re: الاعفاء الجمركي لكل من يرغب في العودة النهائية من السودانيين بمصر!!
Author: nazar hussien
Date: 02-14-2010, 08:34 AM
Parent: #3
حان الآن اعفاء كل السودانيين المغتربين من الجمارك
مش السودانيين بمصر وبس...
السودانيين بكل بقاع الدنيا...
بلاي انا شفت منظر...سوداني في بلاد الخليج...
يخلي العين تقطر دم بدل دموع...
الرجل مؤسس بيتا...يمكن ان يؤسس ثلاث بيوت
في السودان...يوموا الانهو عقدو ادوه 24 ساعة للمغادرة...
لا قدر يشحن عفشوا خوفا من الجمارك...ولا قدر يبيعو
لأنو مافي زمن...خلاه في فيلتو ومشي.....
بلاهي عليكم دا هسي لو كان ما خايف من الجمارك...
ما كان شحنو...بل ممكن كان يبقي ليه رأس مال
لي شغل دلالة...
شخصيا اقدر قيمة عفشو بي 20 ألف دولار...خلاها ساكت
وفات...بلاهي دي مش مغسة...
وحكومتنا الرشيدة متنتحة في حق الجمارك...
|
Post: #6
Title: Re: الاعفاء الجمركي لكل من يرغب في العودة النهائية من السودانيين بمصر!!
Author: Wasil Ali
Date: 02-14-2010, 08:41 AM
Parent: #5
Quote: حان الآن اعفاء كل السودانيين المغتربين من الجمارك
مش السودانيين بمصر وبس...
|
في اعتقادي اخ نزار ان الإعفاء على اعتبار ان اوضاع السودانيين بمصر ماديا اسوأ بكثير من اوضاع السودانيين في الخليج مثلا
|
Post: #7
Title: Re: الاعفاء الجمركي لكل من يرغب في العودة النهائية من السودانيين بمصر!!
Author: وجن
Date: 02-14-2010, 08:42 AM
Parent: #5
حان الآن اعفاء كل السودانيين المغتربين من الجمارك[
مش السودانيين بمصر وبس...
السودانيين بكل بقاع الدنيا.../U]
والله المفروض
الناس ديل ممغسننا بس نحن النستاهل عشان السكااات الكاتلنا
الواحد لو عندو عفش ب10000 الف ريال عاوز ليه 20000 الف شحن وجمارك دي حاله دي
|
Post: #8
Title: Re: الاعفاء الجمركي لكل من يرغب في العودة النهائية من السودانيين بمصر!!
Author: nazar hussien
Date: 02-14-2010, 09:15 AM
Parent: #7
Quote: في اعتقادي اخ نزار ان الإعفاء على اعتبار ان اوضاع السودانيين
بمصر ماديا اسوأ بكثير من اوضاع السودانيين في الخليج مثلا |
الأخ واصل
تحياتي...
اذا كان سوء الاوضاع المادية هو المعيار للاعفاء...
فما بالهم بأنسان يفقد مصدر رزقه...فجأة ويكتشف
ان عليه التزامات مادية طويلة الأجل...ويمكنه
ان يحل بعضها بما يملك...من مجمركات...اذا اعفيت...
والسؤال هنا اذن:
الا تساهم الدولة بهذه الجمارك في بداية سوء حالته المادية
بينما تبحث عن اعفاء لمن ساءت حالته المادية وفقا لظروفه هو او هي
حان الآن لأعفاء كل السودانيين بلا استثناء عن الجمارك بدون
قيد أو شرط في حالة العودة النهائية...حتي وان كان ما يحمله
في عودته فيه شبهة التجارة...
ندفع في الضرائب والأتاوات من سنة اسكت...مقابل تأشيرة خروج؟؟؟؟
حفرنا ترعة الرهد وكنانة وردمناهن تاني...ودفعنا رسوم القناة
الفضائية والمجهود الحربي...ودعم شنو وشنو وشنو...وان جيت راجع
بي كراسي يعدوهن من كرعيهن...(عندك كرسي اربعة كرعين...وكرسي تاني
ستة كرعين...وتلاجة زايدة عشرة بوصات...نحن بنسمح ليك بي خمسة...
والعشرة الباقية تدفع جماركها...بوتجاز واحد ابو عينين..
والعينين الباقيات والفرن دا تدفع جماركن) بلاي دي حالة دي...
دي رجالة وقلع عديييييييييل....عينك عينك...
اما العربية ديك...عديل بيقول ليك...(بلاي...عايز تجدع مش كدة)
امشب وقفا هناك...امش...أمش...امش... يا زول هوي...بلاي
اديه المفتاح خليه يطلع العربية دي برة في الحوش...وامش الرئاسة
كان ادوك استثناء جيبوا تعال سوق عربيتك...انتو ما بتقروا المنشورات
البنرسلا للسفارات والله عاملين فيها تفتيحة؟؟؟ فوضي هي...وكمان جاز..
ويضحكوا وانت تطرش...هم يضحكوا...وانت تخنقك العبرة....وهم
يضحكوا وانت من لحظتها تنقلب مسكيييييييين....الضبانة عادي ترك ليك
في شلوفتك...
|
|