أرفع هذا البوست فوق يا بكري

أمس. الهلال. الجالية السودانية. ابوظبي. كمال إدريس. الفوز بالكأس
بعد ما ترفعوا كمان أمسح البوست ده لأنو غرضوا بيكون انقضى
..........
ترفعوا للأسباب الآتية
1 فوز الهلال يستحق التقدير
2 شوية لخبط السياسة بالكورة أنا شايف العناوين المرفوعة كلها سياسية
3 طولنا من العصر الذهبي للكورة والآن الهلال جاب لينا فرحة كبيرة
4ارفع البوست وإلا وصفتا يا بكري بأنك مريخابي او معارض للهلال
5 ارفع هذا البوست لتزيد المساحة الممنوحة ليك في قلوب القراء والأعضاءبأنك ديمقراطي وتعطى الجميع حقهم
مع تحيات صديق منصوري للتيم العامل

أرفع
صوتك هيبة وجبرة
خلى جراح أولادك تبرا
..............

فوووووق ..

Quote: 3 طولنا من العصر الذهبي للكورة والآن الهلال جاب لينا فرحة كبيرة 4ارفع البوست وإلا وصفتا يا بكري بأنك مريخابي او معارض للهلال

ديل الاتنين مليك فيهم حق ... عشان كده بكرى مفروض
ما يشتغل بيهو شغلة .
1/ ياتو عصر ذهبى البتقارنو بى بطولة من تلاتة فرق
اتنين منهم درجة عاشرة .. زى الدورات الرمضانية .
2/ بكرى ده شيخ حلة ، و الحلة فيها هلالاب و مريخاب
و مورداب و عديمين شغلة و متلقين حجج زيى كده .

Quote: حتى كؤوس المناسبات هذه لها فرحة ولكن فرحتها تأتي عندما يكون انتصارك على منافس حقيقي وقوي فاز المريخ بكأس دبي بعد أن جندل الزمالك وهزمه شر هزيمة الزمالك كان في ذلك الوقت في أوج قوته وكان مسيطراً على البطولات الأفريقية وكانت الكرة المصرية وقتها تشكل عقدة للكرة السودانية ونادرا ما يفوز فريق سوداني على الأندية المصرية وقد فعلها المريخ وقتها فكانت الفرحــــة بحجم الانتصار على فريق له وزنه في القارة الأفريقية وله سمعته على المســـــتوى العربي والتاريخ يقول أن الفرق الخليجية نادراً ما تفوز على الاندية السودانية فالهلال السوداني مثلا فاز على الهلال السعودي القوي بالرغم من أن الهلال السوداني كان في قمة ضعفه اذن حجم الفرح لا بد أن يكون بحجم المنافسة وبحجم الفريق المنافس

من بوست الزميل الامين موسى البشارى

Quote: بكرى ده شيخ حلة ، و الحلة فيها هلالاب و مريخاب

التكينة
الحكاية بقت أكبر من شيخ حلة.. بقت بحجم وطن لمان فريق يمثل السودان خارج الإطار المحدود يتجرد الزول من هويته الشخصية ويبقا إنسان كوكبي وعالمي ومحايد.. حتى لو بقا مريخابي
... كأنك عايز تقول يا التكنية
أن سودانيز اون لاين فيهو هلالاب ومريخاب عشان كدة يعني بكري يسكت يعني والله كيف؟
.........
يعني مجاملة للمريخاب بكري يسكت يعني

.........
أنا موش قاعد عادة أطلب رفع البوستات وانا عضو مشترك أكثر من ثماني سنوات ما حصل طلبت مرة واحدة برفع بوست.. وعندي أكثر من مائة موضوع منشور ما حصل طلبت مكتبة باسمي ولا عندي ليها قدرة رسوم اشتراك ولو بالقليل..
عشان كدة فوز الهلال اليوم عجبني وشعرت إنو فرحة بحجم وطن.. عشان كدة أحببت أن يرفع
بعدين الدورة تنبع أهميتا من وين
إنو الهلال انتصر على فريق المحرق البحريني وهو الفريق الأول عندهم
وانتصر على فريق بني ياس وهو فريق قوي جداً وفيهو أعضاء لاعبين في الأبيض الإماراتي وفيهو لعيبة كانوا من دورات أممية كبيرة..وهم من البرازيل وغيرها هنا تكمن الأهمية ولو كان المريخ لاعب في نفس الدورة بدلا عن الهلال.. لوجدت أن تشجيعى وطلبي لكان بنفس الهمة... أها شفتا كيف يا التكينة