عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!

Post: #1
Title: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: Balla Musa
Date: 02-14-2010, 02:38 AM

سارح فى مجونه وفى آخر الكأس من البهجة نعى له الناعى والده ملك بنى كندة..
فقال:
اليوم خمر وغدا أمر

وقد وافيته فى تلك الحانة والسودان يودع شبابه المقابر فتماديت أن أرشف معه الكأس الأخير وأنثر على روح القتيل هذا اللحن ..

يادمعى الغلب اللقاط..

ماهو رأيكم -دام فنكم- فى هذه البلومة!!

Post: #2
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: Balla Musa
Date: 02-14-2010, 02:44 AM
Parent: #1

الحرمونى منك أنا ياحبيب روحى!!

Post: #3
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: Balla Musa
Date: 02-14-2010, 02:48 AM
Parent: #2

شلت الأمانى!!

Post: #4
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: Balla Musa
Date: 02-14-2010, 02:50 AM
Parent: #3

وبرضو أنا بهواك!!

Post: #5
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: Balla Musa
Date: 02-14-2010, 02:53 AM
Parent: #4

ولازال البلوم فى ربوعه يغنى!!

Post: #6
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: Balla Musa
Date: 02-14-2010, 03:00 AM
Parent: #5

فراق الزينين!!

Post: #7
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: Balla Musa
Date: 02-14-2010, 03:04 AM
Parent: #6

وكمان شوف العين قالت......!!

Post: #8
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: دينا خالد
Date: 02-14-2010, 07:50 AM
Parent: #7

هسسه عمر يجى يشكر ليك حنتها ويشنف ليك توبها ..
وكدا بكون وراك رايه فى غناها !!

وهبه دا محارب عمر ولو دخلوا الاثنين هنا الا تحول غناك
دا لى بوست تانى ...

اها اهل المغنى الباقيين ديل ما بقدر اعرف نواياهم ..

ــــــــــــــــــــ\
يا بلة انت كمان خليك متابع احوال البورد ياخ !!!
ما طواااالى تعمل لينا ضرب الرقم جلا !
اها بعد كدا ممكن اسمع .. بسم الله ..

Post: #9
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: محمد سنى دفع الله
Date: 02-14-2010, 08:16 AM
Parent: #8

والله ما ساهل يا
بله
شكرا ليك على هذا الاختيار البديع
شكرا

Post: #10
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: المعز ادريس
Date: 02-14-2010, 09:01 AM
Parent: #9

نسرين هندي أكتر مطربة ظلمناها في سودانيزاونلاين
لأننا لم نفرد بوست خاص لتناولها
أستمع ليها كتير و تعجبني ميولها الفنية و اختياراتها
قياسا بسنها و هي في ذلك تتشابه و نانسي عجاج
و أستمتع بصفة خاصة ل"فراق الزين", شايف إسماعيل عبد الجبار"كمنجة"
برضو منتشي,
لو استطاعت التقليل من مسألة الضغط الشديد على الكلمات و التعبيرات
و غنت بارتياح أكتر و بسلاسة و قللت من ما يشبه الإنفعال الزائد أعتقد
بأنها سوف تجد قبول أكبر و أكتر, إختيارها لما يتناسب و صوتها و إحساسها
من الأغنيات , يعتبر أمر حاسم و خطير بالنسبة للمطرب, و هي موفقة في ذلك لحد
جيد.

شكرا بلة على هذه النافذة الجميلة.. المهملة!

Post: #11
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: سلمى الشيخ سلامة
Date: 02-14-2010, 01:09 PM
Parent: #10

يا بلة ما تقول عنى حرس قديم
لكن صوتها "مسطح " شديد
يعنى مافى اى عمق ممكن تسمعها الان
بعد ما تقفل تكون نسيت انها كانت بتقول فى شنو ؟
بمعنى انها بتغنى من "الحلق"
يعنى مافى صوت عميق
وما دايرة ابخسها حقها لكن
اول مرة اسمعها
وامكن تكون اخر مرة
مش لانى ما بحب غنا البنات الشابات
لكن لانه صوتها مافيهو جديد ترديد لاغنيات قديمة وكفى
لو سمعت مغنيات مثلا من الجيل السابق حتلاقى انك مشدود لاصواتهم "سمية حسن ، حنان النيل "
حتى الجيل الحالى "سارة النور " مثلا عندها حضور عالى جدا
حتى وهى بتغنى اغنيات ناس تانيين

الزعل مرفوع
ما بيناتنا

Post: #12
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: Balla Musa
Date: 02-14-2010, 05:20 PM
Parent: #11

دينا خالد
الsister-in-law للريس

Quote: هسسه عمر يجى يشكر ليك حنتها ويشنف ليك توبها ..
وكدا بكون وراك رايه فى غناها !!

وهبه دا محارب عمر ولو دخلوا الاثنين هنا الا تحول غناك
دا لى بوست تانى ...

أها الجماعة عملوا قام اتعزز الليمون
عمر الفاروق ماعندى عليه سالفه لكن وهبة تانى بغنى ليهو مابنمشى لناس مابجونا.

Post: #13
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: Balla Musa
Date: 02-14-2010, 05:24 PM
Parent: #12

الأستاذ محمد السنى

تحياتى وشكرى

ماهى نصيحتك لهذه القمرية إن وجدت وقت للعودة لهذا البوست؟

Post: #14
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: Balla Musa
Date: 02-14-2010, 05:27 PM
Parent: #13

أخوناElmuez

شكرا جميلا على هذه الإطلالة

Post: #15
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: Balla Musa
Date: 02-14-2010, 05:48 PM
Parent: #14

سلمى بت الشيخ
تحياتى

وجهة نظرك أكيد مقدرة وأتمنى أنها تصل لهذه الشابة لتزيدها عمقا..
هذا بالإضافة للملاحظات القيمة للأخ المعز إدريس والتى أتمنى أن يسمعها كل فنان واعد بشئ جميل..
ولكن ياسلمى
فى هذا الزمن يأتى صوت الفنانة مخنوق بين الرغبة الجامحة فى الإنطلاق وبين هاجس خارجى يقول لحبيلاتها الصوتية قرن فى بيوتكن..
هذا المد والجذر امتد منذ آفة سبتمبر تلاتة وتمانين حين تحجبت بدور القلعة وتنقبت زهرة روما ونزع الكأس من روضة الكاشف الغناء..
فاصبحنا كأن الإمام مالك لم يسمع نصيحة أمه وكل غنائنا يخرج مابين الشارب واللحية ولايستظرف.

Post: #16
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: عبدالوهاب علي الحاج
Date: 02-14-2010, 05:52 PM
Parent: #14

Quote: لكن وهبة تانى بغنى ليهو مابنمشى لناس مابجونا.
يابلبل
سلامات ياخ
اولن انا من قبيل شايف بوستيك دا لكن كبرت منو اللفة لانك رابط لي في خشم الباب هناي كدا
وانا من ما الله خلقني بخاف من الحقن بتاعة البطن دي .
تانين : انا مستمع كويس ورأيي بيكون بين كويس او ما كويس يعني ما فهمان في قصة الموسيقى دي شديد رغم اني بعزف العود وكنت احد حذاقه دا كان زمان واغني اذا لزم الامر ودا طبعن ايام كان البال رايق وقبل ان تتحول حرمنا المصون الى نقابة هي الرئيس والشفع الاعضاء وانا الادارة الظالمة .
تالتن : البت دي في رأيي غناية شديد وبلومة مافيش بعد كدا .. ولو متذكر انا فاتح بوست قبل ايامات كدا باغنية ليها البت صوتها نادي ورويان ولكن تعرف المشكلة وين ؟
المشكلة الفنانات السودانيات ديل ما بستمرن عديل ... يا راجلها قطعوا معاها وياكمان طلقتو ودقشت السوق وبقت زي ناس ندى القلعة وشالت ليها دلوكة .. هسه دي انا شايفها محننة يعني متزوجة وممكن في اي لحظة تلقاها في الباي باي

المهم

Post: #17
Title: Re: عمر الفاروق, وهبة, واهل المغنى والموسيقى والمعنى وكل أصدقاء الملك الضليل!!
Author: Balla Musa
Date: 02-14-2010, 06:15 PM
Parent: #16

كيفك ياوهبة

ياخى إمكن الغناء الجميل دا يكون سفير بينك ومن لاتحب فى المنبر بس إنت خلى فى قلبك شباك فاتح..

وشكرا على مداخلتك وربنا يجعل للبلومة الإستمرار رغم القلتو فى حكاية العرس (أصلوا بقى للفنانات السودانيات زى قانون النظام العام)..

ونهديك هذه الأغنية: