ناس الإمارات والله فضحتونا وشرطتوا عينا عديل كــده .. ده شنو ده هو أصلو ؟؟

جمهور الهلال بالإمارات واقتحامه للملعب بعد نهاية المباراة الودية مع فريق مشايخ بني ياس ..
فرح الغلابة الهستيري بالفوز على فريق درجة عشرمية وأقل من الهلال اسماً وسمعة وتاريخ ..
الجلاليب والعمم الجارية في أرض الملعب على غير هدى وكأنها فائزة بي بطولة رسمية ..
شيء يخجل صراحة ..
والبعض يهتف أن : سير سير يا البشير .. هههههههه

ده شنو ده هو أصلو ؟؟

كبت ؟؟..

حالة نفسية ؟؟

الحاصل شنو ؟؟

الحاجة البعرفا إنو الهلال ده وإن كان رصيده خالي من البطولات والإنجازات القارية حتى الآن ..

إلا إنو كتاريخ وكاسم وسمعة هو أكبر من كل فرق الإمارات ..

وأكبر وأقوى حتى من المنتخب الوطني الإماراتي

أخونا الهادي
بني ياس يلعب في دوري المحترفين الإماراتي وهو يحتل المركز الرابع
في الترتيب العام للدوري حتى الآن ..
لكن الفوز بركلات الترجيح ليس مقياسا لقوة الفريق الفائز .

Quote: أخونا الهادي بني ياس يلعب في دوري المحترفين الإماراتي وهو يحتل المركز الرابع في الترتيب العام للدوري حتى الآن .. لكن الفوز بركلات الترجيح ليس مقياسا لقوة الفريق الفائز .

ما في مقارنة أصلاً بين سمعة واسم وتاريخ نادي الهلال وما يسمى بي فريق بن ياس ولا هو بني ياس ما عارف
والهلال ممكن يفوز حتى على المنتخب الإماراتي .. خليك من فريق يحتل المركز الرابع يا طلحة ..
الشيء الحصل ده بيقلل من مكانة وسمعة نادي الهلال في المقام الأول ومن سمعة الكرة السودانية وتاريخها كذلك ..
الفوز على فرق المشايخ ده هو الشيء الطبيعي والمنطقي يا طلحة .. وليس العكس

من حق جمهور الهلال أن يفرح لكين الأخيرة دي ما معاهم حق فيها

almulaomar تحياتي ..

الفرح على شيء يستاهل مشروع وربما مطلوب ..

لكن الفرح .. والفرح الهستيري كمان على شيء لا يستحق .. أو على لا شيء فهو مدعاة للسخرية والخجل

والواحد والله عارف إنو الكورة والرياضة السودانية عموماً اتدهورت ونتائجها محبطة ومخيبة للأمال على أكتر من صعيد ..

لكن كمان والله ما قدر ده ..

ما لدرجة نفرح فرح هستيري بالفوز على فرق مثل بن ياس أو بني ياس (حقيقي ما عارف اسمو شنو بالضبط)

بالله أسي لو لقطنا فريق من المنبر ده ما بنغلب فريق المشايخ ده ؟؟

الملا عمر مع التحية ومن قبل لصاحب البوست

Quote: لماذا لا نخوض معارك حياتنا اليومية بنفس الكفاءة والحب ما دامت طاقة الفعل موجودة ونمتلك أدوات تفجير تلك الطاقات.

انتبهت بذكاء لشئ نفتقدة بشدة
لماذا لا يتحول هذا الحماس الهستيري السالب
جدا الى حماس موجب فى قضايا اكثر اهمية وربما
تكون وجودية كوحدة السودان مثلا ___
البلد الان يسير وبسرعة جنهمية الى هاوية لا يعلم
الا الله قرارها ثم لا يجد هذا الموقف جزء يسير من
هذا الحماس الاهبل لمثل هذا الانتصار الصغير

الملا عمر ..
المستوى الفنى الذى ظهر به الهلال يشرح كل شىء .. دا بدون اى حماس او هستيريا ولو شفت المباراه فى التلفزيون كنت حتحكم بنفسك ولو الهلال كان عنده هداف قناص فى مباراة الامس كانت النتيجة موش اقل من خمسة اهداف لصالح الهلال .

Quote: هذا زمن مرقة الماجي ، أمة أصبح أكبر مطربيها فلان ود فايزه وعاشه جردل وأماني بابور وحماده بت وسمير شتات. نحن يا عزيزي نستجدي أو نستنجد بكرة القدم وهوسها هرباً من مواجهة ضغوط الحياة. ونحن بالضرورة في حاجة إلى جرعات من الأمل، من التفاؤل، من شحنة إضافية من الحب لبلادنا.. فدعنا نفرح ودعنا نبتهج ونقتحم طوق اليأس ولو بأفراح باهتة أصبحت بالكاد تتحق في مباراة لكرة القدم. سؤال: لماذا لا نخوض معارك حياتنا اليومية بنفس الكفاءة والحب ما دامت طاقة الفعل موجودة ونمتلك أدوات تفجير تلك الطاقات.

كفيت ووفيت يا ملا عمر

الصادق

Quote: كانت النتيجة موش اقل من خمسة اهداف لصالح الهلال .

دا الوضع الطبيعى لفريق الهلال كما ذكر صاحب البوست ...

واتفق معة تماما الفرح كان مبالغ فية لحجم الدورة ( مرحلة تأهيل ) ....

مشكلتنا لا نعرف قدر انفسنا الهلال من اكبر الاندية العربية واشهر الاندية الافريقية فى السنوات الاخيرة ....

الاخ / طلحة ... تحياتى

Quote: بني ياس يلعب في دوري المحترفين الإماراتي وهو يحتل المركز الرابع في الترتيب العام للدوري حتى الآن ..

نعم هو الرايع فى الترتيب العام للدورى لكن فريق بنهزم 6 و5 فى الدورى بتقول عليه شنو منافس قوى للهلال طيب لو كان الهلال لعب مع العين او الجزيرة او الوحدة كانت النتيجة كيف .. عمومان دورى الامارات كل تعبان يعنى الاول عندهم فى اى دورى قوى بكون الطيش ولا ما صح الكلام معليش الحقيقة حار

مودتى ....

والله أنا خايف علي المريخاب ديل لما يجي الهلال المطار ونمشي نستقبلو يقوم كم مريخابي يموت يفرق علي ناس لجنة الإنتخابات


من هسسسه يا ناس الإنتخابات ... الأصوات المفقودة أيام الإنتخابات ديل مريخاب حردانين ..أو منتحرين أو أصابهم وابل الهلال




والله الفرح بدرو يشقنا ... زي شقة المريخاب

مع أختلاف الشقق ::: أشقكم؟؟!!

هههههه و الله كان يوم تاريخي لكن زعلت شديد علي الزول الجه ناطي قاشي النجيلة لمن لقه الاسعاف فى وشو الله يشفيهو إن شاء الله