Post: #1
Title: ياخ ده أحرف سوداني..بس لو ما إتعوق ..!!!!
Author: عمر الفاروق
Date: 02-13-2010, 07:18 AM
بحسب رواية السودانيين مفروض نكون نحن في الترتيب الأول في تصنيف الفيفا في الكورة ..
لكن للأسف كلللللللللل الحرفيين معوقين ..
ياخ الفي امدرمان يقول ليك والله إنتو ما حضرتو دفع الله ياخ ده كان أحححححرف لاعب في العالم بس إتعوق..
الفي بورتسودان يقول ليك ياخ الكورة دي لو ما بت كلب معتصم ده كان يكون أحرف سوداني بس ركبتو زاغت ..
الفي مدني يقول ليك إنتو ما حضرتو زمن مرتضى تكل ياخ ده كان بيمسك الكورة من الشبكة للشبكة مااا شفت لي بني ادم حريف زيو بس مشكلتو ما بيشوف بالليل وإلا أسة كان يكون في ريال مدريد..
ناس بري يقولوا ليك الملخوق الإسمو أسامة ده زول كاااارثة ..ياخ ده رابطا بي خييط ياخ ده اححححرف زول في افريقيا بس زي ما بيقولوا مااا بتدي حريف إنضرب في ساقو وبطل الكورة ..
ناس الحلفايا يقولوا ليك ياخ اللمين ده ما تشوفو مضبلن كده الزول ده أحرف من مشى على البسيطة دي لكن إتكسر في كورة في الرابطة ومن يومها ما دق كفر لكن لو ما كده ياخ ده أحرف سوداني..
عليه ومن خلال الروايات أعلاه أقترح انا المدعو عمر الفاروق على البروف كمال شداد تكوين المنتخب القومي من الجماعة المعوقين ديل ..
كما أقترح على غرفة تسجيلات الهلال والمريخ يقعو الجماعة ديل بس ..
الغريبة ناس برشم وامير دامر وحبني وموسى الزومة وعلاء الدين جبريل ديل أصصصصصصصلو ما بيتعوقوا..
تخريمة :
نحن ليي ما عندنا لاعبين بيجيهم الرباط الصليبي؟
|
Post: #2
Title: Re: ياخ ده أحرف سوداني..بس لو ما إتعوق ..!!!!
Author: haroon diyab
Date: 02-13-2010, 07:23 AM
Parent: #1
الفاروق
اشواق
| Quote: نحن ليي ما عندنا لاعبين بيجيهم الرباط الصليبي؟ |
لانو الرباط الصليبي بجي لي لعيبة الكورة....!!!!!!!
|
Post: #3
Title: Re: ياخ ده أحرف سوداني..بس لو ما إتعوق ..!!!!
Author: محمد عبد الماجد الصايم
Date: 02-13-2010, 07:28 AM
Parent: #2
| Quote: لانو الرباط الصليبي بجي لي لعيبة الكورة....!!!!!!! |
صااااااااااح .. صفّقوا ليو؟
شيل جك العصير دا وإنت ماشي!
|
Post: #4
Title: Re: ياخ ده أحرف سوداني..بس لو ما إتعوق ..!!!!
Author: معاوية المدير
Date: 02-13-2010, 07:41 AM
Parent: #3
اخوي عمر الفاروق، والله العظيم أشهد لك إنك
إنسان بكل ما تحمل هذه الصفة من معاني
الإنسانية. دحين عليك الله خليك في حدود
بوستيك الجميل ده.
عارف يا عمر، رغم إنو عطبرة قدمت للسودان
زغبير، والطيّب سند، وعبد العزيز، وعادل
محمد الحسن، وكمان حامد بريمة ما بعيد
من الدآمر، لكن عبد العزيز عثمان عبد المآجد،
كان ألعب منهم كلهم... بس اخخخخخخ إنكسر
في مباراة بين منتخبي اتبرا وبورتسودان، وكمان
لو ما النميري أعلن الرياضة الجماهيرية أنور
طه كان حيكون أحسن مدافع سوداني.
عليك الله كلّم كمال شداد...
|
Post: #5
Title: Re: ياخ ده أحرف سوداني..بس لو ما إتعوق ..!!!!
Author: عمران حسن صالح
Date: 02-13-2010, 07:49 AM
Parent: #4
Quote: اخوي عمر الفاروق، والله العظيم أشهد لك إنك
إنسان بكل ما تحمل هذه الصفة من معاني
الإنسانية. |
يا معاوية الكيلو عندكـ بي كم ؟؟؟ حسي علاقة الانسانية بي موضوع عمر الفاروق ده شنو ؟؟
( بدون تحسس الله يرضى عليكـ لأنو كان لمَ فيني صاحبي ده بوريني نجوم الصباح ) 
|
Post: #6
Title: Re: ياخ ده أحرف سوداني..بس لو ما إتعوق ..!!!!
Author: جمال السنوسي
Date: 02-13-2010, 07:55 AM
Parent: #5
| Quote: نحن ليي ما عندنا لاعبين بيجيهم الرباط الصليبي؟ |
بس شغالين في عملية الملاريا
|
Post: #7
Title: Re: ياخ ده أحرف سوداني..بس لو ما إتعوق ..!!!!
Author: معاوية المدير
Date: 02-13-2010, 08:11 AM
Parent: #6
Quote: يا معاوية الكيلو عندكـ بي كم ؟؟؟ حسي علاقة الانسانية بي موضوع عمر الفاروق ده شنو ؟؟
( بدون تحسس الله يرضى عليكـ لأنو كان لمَ فيني صاحبي ده بوريني نجوم الصباح |
أخي عمران، والله أخوك لابيبيع لا بيشتري. بس في بوست
إتلحس بسرعة البرق. بناءً على ما ورد فيه أنا شهدتَ
لأخونا عمر، وما حبيت ينجرف مع تيارو، ، والحمد
لله أتيت أنت لتقول أنو عمر صاحبك وقطعاً أنت أدرى
بعمر مني، وتعلم علم اليقين أنّ الأوصاف القبيحة
لا تنطبق على عمر.
معذرة. والله يا أخي عمران قهراً جعلتني أكتب
هذه المداخلة.
غفر الله لنا جميعاً...
|
Post: #8
Title: Re: ياخ ده أحرف سوداني..بس لو ما إتعوق ..!!!!
Author: عمران حسن صالح
Date: 02-13-2010, 08:29 AM
Parent: #7
Quote: معذرة. والله يا أخي عمران قهراً جعلتني أكتب
هذه المداخلة. |
طول بالكـ يا معاوية يا صديقي الحكاية ما جادة شديد كده
عموماً لكـ العتبى حتى ترضى
|
Post: #9
Title: Re: ياخ ده أحرف سوداني..بس لو ما إتعوق ..!!!!
Author: معاوية المدير
Date: 02-13-2010, 08:52 AM
Parent: #8
Quote: طول بالكـ يا معاوية يا صديقي الحكاية ما جادة شديد كده
عموماً لكـ العتبى حتى ترضى |
طيب ما تقول كده من الأول. إنت قايل كتابة المداخلات
البجد بجد دى ساهلة قطعت نفسي هسّع.
أها رضيت العُتبى حقتك دي بحفضا عندي لمان ترضى
برجعا ليك.
الله يدينا طولة البال، ما تبقى علينا حكآية
بت العطا؟
نرجع لموضوع أخونا عمر،
أخخخخخخخخخخخخ عبد العزيز لو ما إنكسر
كان المفروض هسع يكون في برشلونة...
|
Post: #10
Title: Re: ياخ ده أحرف سوداني..بس لو ما إتعوق ..!!!!
Author: معتز زيزي
Date: 02-13-2010, 09:00 AM
Parent: #9
وأزيدك من الشعر بيت
.
.
"مجدي النسر"
لاعب سابق فريق النسر ثم إنتقل لبري ثم المريخ
صديق عزيز دربته بمنتخب كلية الهندسة جامعة الخرطوم
.
.
أفضل مدافع شاهدته بحياتي لولا الإصابة .......
.
ملعون أبو الإصابات
|
Post: #11
Title: Re: ياخ ده أحرف سوداني..بس لو ما إتعوق ..!!!!
Author: وليد عبد اللطيف
Date: 02-13-2010, 12:13 PM
Parent: #10
جديدة واخر شيء
الكورة لو ماقسمة ونصيب زي العرس
مفروض اللاعب ده كان يلعب هلال مريخ
تحياتي
|
Post: #12
Title: Re: ياخ ده أحرف سوداني..بس لو ما إتعوق ..!!!!
Author: keiga2000
Date: 02-13-2010, 12:26 PM
Parent: #11
ودالفاروق
سمعنا إمارة دبي
وامارة الشارقة
بس ما سمعنا ببني ياس بعدين صلاح ادريس مالقى يشتري كاس الا من الفرق الضعيفة دي
دا اسمو كاس بالفلوس ولو جيتو وصيف برضو وصافة بالفلوس
بعدين اسمو مرتض قله وليس مرتض تكل وهناك طارق تكل كان مشهور بالضربات الثابته
مبروك عليكم الكاس مقدما بس لا يعتبر كاس جوي دا كاس بـري
وارغـو ولـــع وانتظــروا الدوري
ابومصطفى
|
|