Post: #1
Title: لو فاز الهلال بالبطولة خسر المريخ بطولتين !!
Author: عمر الفاروق
Date: 02-11-2010, 04:20 AM
مع إني عارف الهلال فريق منحوس ولو لعب النهائي براهو برضو ما بيشيل كأس بس بتمنى الهلال يشيل الببطولة دي والبطولة دي تحديييييييييييداً لسبب وااااحد بس وبالتأكيد ووالله ما عشان يقولوا الهلال شال بطولة خارجية وكأس محمول جواً نوووووووو..
فوز الهلال بالبطولة دي حا يعني وبكل بساطة إنو المريخ والمريخاب حا يقتنعوا سلفاً إنو ماف حاجة إسمها كأس دبي وبطولة الشارقة لأنهم حا يشبكونا هو دي بطولة دي وهو ده كأس ده ؟؟ وياهم الكورتين ديل ؟؟ و و و و و
وننتهي من الكضبة الكبيرة الخاشين فيها الجماعة ديل..
|
Post: #2
Title: Re: لو فاز الهلال بالبطولة خسر المريخ بطولتين !!
Author: Yassir Tayfour
Date: 02-11-2010, 04:30 AM
Parent: #1
Goooood point
|
Post: #3
Title: Re: لو فاز الهلال بالبطولة خسر المريخ بطولتين !!
Author: عمر الفاروق
Date: 02-11-2010, 04:36 AM
Parent: #2
أسسسسسة والله طلعوا إمكن قبل دقايق من جيتك دي..
No Speak Double Touch
|
Post: #4
Title: Re: لو فاز الهلال بالبطولة خسر المريخ بطولتين !!
Author: omer osman
Date: 02-11-2010, 04:44 AM
Parent: #3
Quote: فوز الهلال بالبطولة دي حا يعني وبكل بساطة إنو المريخ والمريخاب حا يقتنعوا سلفاً إنو ماف حاجة إسمها كأس دبي وبطولة الشارقة لأنهم حا يشبكونا هو دي بطولة دي وهو ده كأس ده ؟؟ وياهم الكورتين ديل ؟؟ و و و و و
|
بل يسعي الهلال لتحقق نصر حققه المريخ قبل عقدين من الزمان ....... قبل مايلدو النعيم
|
Post: #5
Title: Re: لو فاز الهلال بالبطولة خسر المريخ بطولتين !!
Author: abuguta
Date: 02-11-2010, 05:02 AM
Parent: #4
يافاروق
يعنى نشطب واحدة بواحدة,,,ياخى خليهم فى غيهم يتمددون
ونشوف لينا افتتاح اسواق تانية فى الشارقة
ونقوم ما دايرين ابطال العام القادم
نجيب سيكافا,,بكدا نكون قضينا على طموحات جيل بطولات
قال بطولات قال
لكن امس اول مرة اعرف معنى الكنكوج
صدقنى الهلال بسطنى فى كنكوجى
هذا الكاس هدية للهلالى الراحل الرقم الاول
رقم صفر,,
|
Post: #6
Title: Re: لو فاز الهلال بالبطولة خسر المريخ بطولتين !!
Author: Al Sunda
Date: 02-11-2010, 05:55 AM
Parent: #5
| Quote: فوز الهلال بالبطولة دي حا يعني وبكل بساطة إنو المريخ والمريخاب حا يقتنعوا سلفاً إنو ماف حاجة إسمها كأس دبي وبطولة الشارقة لأنهم حا يشبكونا هو دي بطولة دي وهو ده كأس ده ؟؟ وياهم الكورتين ديل ؟؟ و و و و و وننتهي من الكضبة الكبيرة الخاشين فيها الجماعة ديل.. |
بالظبط كده
|
Post: #7
Title: Re: لو فاز الهلال بالبطولة خسر المريخ بطولتين !!
Author: almulaomar
Date: 02-11-2010, 08:19 AM
Parent: #1
الفاروق إنتو لازم تحشروا المريخ دا في حته ضيقه هسي أقوم أنادي ليكم أبو مصطفى وسامي عبد الوهاب بي نجمتو
التوقيع غياظابي بشجع اللعبة الحلوة وكاتب اللون الأخضر كمان
|
Post: #8
Title: Re: لو فاز الهلال بالبطولة خسر المريخ بطولتين !!
Author: عمر الفاروق
Date: 02-11-2010, 10:16 AM
Parent: #7
| Quote: بل يسعي الهلال لتحقق نصر حققه المريخ قبل عقدين من الزمان ....... قبل مايلدو النعيم |
يعني يا جنابو إقتنعت إنو المريخ من قبل ما يلدو النعيم تاني ما شال ليهو بطولة ؟؟
والله دي زاااتا محمدة ياخ ..
أبقوتة :
أصلاً الكنكوج ده بيتعرف كده قضاء وقدر ..:)
جماعتك في نيروبي ومعسكرات و و و والهلال جا إتلما في يومين لعب كورة ناس معسكرا ليها شهرين في زيورخ ..
الملا يا يعمر:
شااايفك رجعت وبقيت تكبر الخط وتلونو يازول غن شاء الله خير؟؟
أوووعا تكون عملت عملية الموية البيضا بعدين قالوا ليك الليزر ما نجح خلينا نشيل الموية السودا بعد داك قامو ودوك ناس المغربي اللي قرروا تتحول الأردن ..
بعدين بقيت بتكتب بي اللخدر الليموني ده إنت بقيت تشجع فريق الصوفية ؟
ولا ما عاشقين ملاح الورق ..
السوندا:
يديك العافية ياخ ..
|
Post: #9
Title: Re: لو فاز الهلال بالبطولة خسر المريخ بطولتين !!
Author: حمزاوي
Date: 02-11-2010, 10:22 AM
Parent: #8
اخوي عمر الفاروق
مسكاقمي
مباراة امس الفريقين تعبانين
وانا بعتبرها ذي تقسيمة تمرين
وطبعاً المباراة القادمة حتكون تمرين بنكهة الجمهور
وأن فاز الهلال
هذا الكأس لا يغنيهم من الصفر الدولي
ما لم يفز بكاسات تنظمه الاتحادات الاقليمية او القارية او الدولية
|
Post: #10
Title: Re: لو فاز الهلال بالبطولة خسر المريخ بطولتين !!
Author: فيصل نوبي
Date: 02-11-2010, 10:26 AM
Parent: #8
تعرف يا عمر أخوكـ ساكن ليهو في محلة كده زي شارع الجامعة الداير يعمل مظاهرات كلو بيمشي هناكـ
اها السنة كلها نسمع ليكـ ( ريكو ) ( ريكو ) انا زمان كنت قايلو حاجة خطيرة كده أمس لقيت ليكـ (ريكو) ده زيو زي أكرم الهادي سليم واااااااااااااحد ..
الليلة مشيت اكشف لفريق بني ياس ده قلت آخد لي فكرة عنهم لقيتهم قاعدين يتغلبو ستات و خمسات عاااااااادي
و في دوري الممتاز 2005-2006 نزلو ما طلعو الا 2009-2010 هسي دي
و الستات دي في 2009-2010
بالعربي كده الهلال لو ما شال الكاس ده يوم السبت نفتش نشوف (كادوكنا) وين .
|
Post: #11
Title: Re: لو فاز الهلال بالبطولة خسر المريخ بطولتين !!
Author: Al Sunda
Date: 02-11-2010, 10:38 AM
Parent: #10
| Quote: إلا 2009-2010 هسي دي |
يا نوبي
سيبك من التاريخ
وعلى راي اولاد بمبة
نحن اولاد النهار دا
الناس ديل لعابين جد
وشوف كورتهم الساعة 5 مع النصر ( برضه النصر بيلبس ازرق)
ربنا يستر يوم السبت
بركة بس انهم لاعبين الليله يجونا يوم السبت واقعين
الفاروق
اها ومن حسع ناس عمك حمزاوي بقو يبخسو الكاس
ما كاس قاري وايه وايه
زمان لمن كنا بنقول للمريخ ان الكأس المُعترف به هو كأس مانديلا فقط
كانو يقولون انتو بس جيبو زي كأس الشارقة ولا دبي
عشان كده حكمتك يالفاروق بالغة
في قصة الكأس البطير كاسين
او
البطولة البطير بطولتين
|
Post: #12
Title: Re: لو فاز الهلال بالبطولة خسر المريخ بطولتين !!
Author: مرتضى احمد عبد القادر
Date: 02-11-2010, 11:32 AM
Parent: #11
| Quote: فوز الهلال بالبطولة دي حا يعني وبكل بساطة إنو المريخ والمريخاب حا يقتنعوا سلفاً إنو ماف حاجة إسمها كأس دبي وبطولة الشارقة |
 كلام سليم
الله يقلعك يا صلاح أدريس لو كنت بتدفع وتقعد تتفرج الهلال كان بطل دوري أفريقيا 2007 وكأن حسمنا المريخاب ديل زمان ونجضناهم نجاض قبورة
مسؤلين من الخير ي هلالاب أمولادي  وين أمبارح ولا كامبوس مريحو لمباراة النهائي
|
Post: #13
Title: Re: لو فاز الهلال بالبطولة خسر المريخ بطولتين !!
Author: عامر تيتاوى
Date: 02-11-2010, 11:50 AM
Parent: #12
البحصل فى الكورة السودانية ياعمر الفاروق يحير ومافى ليهو مثيل
يعنى ناس جنابو يقولوا ليك دايرين تجيبوا كاس جبناهو قبل عشرين
سنة يعنى بالطريقة دى مافى زول يتكلم مع ناس التحرير ( ستاك )
ابطال اول دورى فى البلد
عشان كده فى السودان لسه فى القروش بقولوا ليك بالجديد ولا القديم
والمريخاب زى حبيبنا حمزاوى من هسى ختو الاعذار وقالوا الكاس
لازم ببطولة تنظمها الاتحادات القارية والاقليمية والدولية طيب كاس
الشارقة ولا بتاع دبى داك جابوها من الكونكاكاف
حاجة تحير وبصراحة ياعمر حتى لو فاز الهلال بالبطولة الودية الدولية
هذا يغتبر انتصار كنكوجى وبس
|
Post: #15
Title: Re: لو فاز الهلال بالبطولة خسر المريخ بطولتين !!
Author: عمر الفاروق
Date: 02-11-2010, 12:04 PM
Parent: #13
تيتاااوي:
| Quote: هذا يغتبر انتصار كنكوجى وبس |
ياخ والله دي غلبني أنتظر لحدي ما أصلك في الرد
|
Post: #14
Title: Re: لو فاز الهلال بالبطولة خسر المريخ بطولتين !!
Author: عمار يس النور
Date: 02-11-2010, 12:04 PM
Parent: #12
| Quote: بل يسعي الهلال لتحقق نصر حققه المريخ قبل عقدين من الزمان ....... قبل مايلدو النعيم |
الهلال حقق مثل نصر المريخ قبل لمن يولد العجب زاتو.
امسك عندك:
الهلال اول من يفوز ببطولة خارجية:
في دورة بجمهورية الكونقو عام 1966
و هذه شهادة من احد اللاعبين:
الهلال فاز بكأس التوأمة مع نادي بنياس في عام 1988 :
الهلال فاز 1994 بكاس مبارة إعتزال نجم السد القطري بدر بلال
يعني الكاسات المحمولة جوا دي إحنا قبلكم فيها ، شوفوا حاجة تانية.
اي نعم ما فزنا بكاس الكؤوس الافريقية بس القارة كلها بتعرفنا لاننا حققنا إنجازات كبيرة في البطولة الاولى.
و زي ما قال خالد عز الدين ناس النجم و الترجي و الاهلي القاهري ديل إلا تقابلوهم صدفة في طيارة.
==================
منقول من منتدى الهلال.
|
Post: #17
Title: Re: لو فاز الهلال بالبطولة خسر المريخ بطولتين !!
Author: منتصرمحمد زكى
Date: 02-11-2010, 12:29 PM
Parent: #16
الفاروق .. سلام
والله أنا لو كنت رئيس نادي ( بني ياس ) ده .. حرم كان أديتكم
الكاس بدون المباراة الودية النهائية .. تشجيعا ليكم .. ودعما لأواصر الصداقة
وعشان جيتكم من بعيد .. واكراما للضيف .. خصوصا لو كان ضيف هفتان كاسات .. حتى لو
كان كاس شكلي .. لا يسمن ولا يغني من جوع ....... غايتو
|
Post: #18
Title: Re: لو فاز الهلال بالبطولة خسر المريخ بطولتين !!
Author: حيدر بشير
Date: 02-11-2010, 04:00 PM
Parent: #17
الاخ العزيز عمر الفروق و من معه
و الله بالجد الهلال دا منحوس فى الكاسات الخارجية و لولا الكج الماسك فيه كان شال كاس افريقيا اكثر من ثلاث مرات
لكن نسال الله انه يقد عين الشيطان فى هذه المرة و يكون زى ما قلت ضرب عصفورين بحجر واحد
|
|