أمي, أمك و أمهات البورد

الامومه اجمل احساس في الدنيا, احساس لا يضاهيه اي احساس اخر في الدنيا. كثيرون و انا منهم لم نعرف معنى الامومه الى انا اصبحنا امهات و ضقنا الجنا زي ما بقولوا. الأم اعظم انسان في الدنيا و ان قست على اولادها. قررت افتح البوست ده عشان كل واحد فين يجي يحكي عن امه و عن اكتر موقف حس بيه بأمومتها و دعوه للامهات في البورد برضه يحكوا لينا عن امومتهم و اطفالهم و عن أجمل احساس عاشوه او حسوا بيه مع اولادهم. الام عظيمه جدا و يا ريت لو كل يوم يكون لتكريم الام ما بس نخصص عيد الام و خلاص. عليكم الله الطول من امه بكره من الصباح بس يتصل يسلم عليها. اطفالنا يا ربي عارفين عظمة الام؟

دانيه

تلقاك زمان شقية شقاوة الجن .. والأن قاعدة تشوفى نفسك فى مرآتك الخلفية .. فلاش باك.

بريمة

أتخيل لا يا بريمه, عشان كده ربنا اداني حمودي هدي و رضي

دانية

Quote: أتخيل لا يا بريمه, عشان كده ربنا اداني حمودي هدي و رضي

الله يخليهم ليك ..

لكن تصدقى يا دانيه يكون السبب من أبوهم .. الرسول قال عنكن المرأة خلقت من ضلع أعوج .. عوجتكن ما دايره ليها أثبات .. واضحة فى الحتش والخمخام

بريمة

يااااا

مرات كثيرة تتناوشني الحروف ان اكتب عن الوالدة العظيمة خديجة عبدالكريم..ولكن اخاف ان لا اعطي هذه الامراءة حقها...
عرفتها زمااااان
انسانة حنونة وصعبة المراس وذات شخصية قوية خلااااص...
اسفارها العديدة ومدارتها الكثيرة التي عاشت فيها وهي تتجول في كل بقاع السودان جعلت منها مدرسة متحركة في الاريحية وسرعة الاندماج في المجتمعات..
اندماج من نوع عجيب وما ان نزلنا في مدينة من المدن حتي تداعت الي اركان المنزل ومخازنه(حلل كبااار كده وصحانة وكمش)...وده شنو يا خديجة..؟؟
تاتي الاجابةسريعة بانها (عدة جمعية النسوان في الحي بتاعنا) و عملنا صندوق بكهات وعروسات...!!!
ممكن اكون شفت زي ديشليون حلة كده..؟؟ وزي عشرمية مرة داخلة واخري مارقة(وهي شايلة هذه العدة لمناسبة من المناسبات في طرف الحي)...
ميزة اخري لها هي مقدراتها الفذة توضيب العزومات و(الاشراف علي القرف) لدرجة اصبحت معها استشارية من نوع خاص...
لها الية تطبيق لثنائية (العقاب والثواب) بالتساوي علينا جميعا ومنذ زمن مكبر وعينا وعبرها معني ان تغلط وتاخذ في راسك ومعني ان تمشي دغري وتاخد البقشيش ..
كتلة من المرح والمقدرة علي التوصيف وادارة ونسة (حية) حتي الساعات الاولي من الصباحات(واليوم الاول
لحضورنا من مدارات الغربة هو يوم مخصص لونسة ذات نكهة وطعم خاص) تتوقف اتوماتيكي عند اذان الصبح
ونسة تحلم بها في كل ليالي الغربة وهي لوحدها قادرة علي ربطك بقيمها وحنانها ومقدرتها الفذة علي ادارة شؤون اطفال متعددي الامزجة ولكنه عبر سنين طويلة من التربية استطاعت ان تجعلهم في قالب
مترابط ...
في مرحلة دخول الاحفاد الي مداراتها وبالفطرة طلت عوالم جديدة وعاد بها الزمن الي سنين خلت
ويمر احفادها اليوم بنفس النظام وان كنت اراها قد زادت عيار (الثواب) وبعض العقاب الحنون الذي لايشابه عقاباتنا الاولي حيث كان السوط والقريص الشديد المفاجي هو سيد الموقف...!!!
افخر بوالدتي الخشوعة و صلواتها التي تدشن بها يومها النشط لايزال وهجه هو من يغطي كل الصباحات..!!!
___________
صديقاتها من بنات جيلنا (محاميات- طبيبات -ومعلمات) يمزاجهنا ويدعوها (بالبروفسترة) ولا ادري سر هذه التسمية ولكن الشاهد بانها كلمة مرحة يتبادولهاو ساعتها (الضحك بكتلهم جميعا وهي ايضا)...
لها الحب والتقدير
ولكل الامهات الحب الكبير

وشكرا يا دانيا علي هذه المساحة

Quote: في مرحلة دخول الاحفاد الي مداراتها وبالفطرة طلت عوالم جديدة وعاد بها الزمن الي سنين خلت ويمر احفادها اليوم بنفس النظام وان كنت اراها قد زادت عيار (الثواب) وبعض العقاب الحنون الذي لايشابه عقاباتنا الاولي حيث كان السوط والقريص الشديد المفاجي هو سيد الموقف...!!!

اعز الولد ولد الولد

اعز الجنا جنا الجنا


شكرا عبدالكريم على اشراكنا معك في هذه المشاعر الجميله لهذه السيده العظيمه

دانيه





الحبيبه بت الحبيبه سلامي ليكن كتير والله فتحتي موضوع جميل وسوف اواصل معاك بعد نومه كده

ماما حياة بزيارتك بيتنا (بوستينا) نور

Quote: الله يخليهم ليك .. لكن تصدقى يا دانيه يكون السبب من أبوهم .. الرسول قال عنكن المرأة خلقت من ضلع أعوج .. عوجتكن ما دايره ليها أثبات .. واضحة فى الحتش والخمخام بريمة

بريمه هو ولد واحد لكن هدي و رضي جايه من الهدايه و الرضا,

الهتش و الخمخيم ديل حارقينك في كنكوج عمر الفاروق, الله ليك منهم

إستحالة أن أجد الكلمات أو العبارات التي أستطيع من خلالها أن أعبر عن مدي إمتناني وتقديري وحبي للوالدة الله يديها الصحة والعافية ويجعلني باراً بها ما دمت حيا.
ولكن برغم إليكم هذه القصة التي حدثت ذات مرة فقد كنت عضو فعال في مجموعة النحل وهي مجموعة تخصصت في إستراق السمع والتنحيل في حفلات الأعراس وبخاصة الهاي كلاس ، فكنا نجيد الشياكة وحشو القميص في البنطلون وتلميع الحذاء حتى لو إفتقر إلى جوارب ، المهم كان منظرنا لا يوحي بأننا نحل فكنا نلقى التقدير والعشاء الفاخر ونظرات الحسان في الحفلة وربما يتعدي الأمر إلى الدعوة للرقص في الساحة (ما هم ثلة متحضرة وopen) وأمام كاميرات الفيديو. المهم في إحدي غزواتنا تأخرنا في العودة إلى منازلنا ووصلت بيتنا الكائن مع ساعات الفجر الأولي وكالعادة لابد أن أنط الحيطه فالباب يوصده الوالد ويرقد بالقرب منه ، المهم هبطت بخفة ورشاقة يحسدني عليها كديس الخلا وأخذت نفس مسافة متأثر بأفلام فيتنام حتى أميز إن كان هناك شخص قد إستيقظ أم الجميع نيام ، ولما تبين لي ما تمنيت أكملت الفيلم وزحفت صوب عنقريبي وقبل أن أبلغه شاهدت ما راعني وهالني ، لقد كانت الوالدة جالسه نصف نائمة في كرسي لم أتردد في الذهاب إليها مباشرة مستجلياً الأمر ، فقالت لي إنت جيت فقلت نعم (وهو بالمناسبة ليس بسؤال غبي صحيح أنني أمامها إلا أن ذلك يسمي في لغة الضاد بالسؤال الإستئناسي) تماماً كما جاء في قوله تعالي لسيدنا موسي "وما تلك التي بيمينك يا موسي" المهم قلت ليها ليه إنتي قاعدة قالت لي منتظراك تجي قامت جابت ليها صحن مغطي بهبابه وقلت لي دا العشا حقك ، عشا الساعة تلاته ونص فجراً ، المهم قلت ليها أنا إتعشيت شالت الصحن ورجعته التكل (المطبخ حاليا) وقامت على عنقربيها بعد أن رقدت أنا في عنقريبي وظللت مستيقظاً أفكر في الموقف وأعيد في السيناريوهات مرات ومرات ، لم يستيقظ أبي وهو والدي إخواني وإخواتي حتى الغنماية والدجاجات والكديسة وكل المخلوقات التي تشاركنا السكن كانت تقط في نوم عميق. المهم أيقنت وآمنت وعرفت فضل الأم وعظمتها ، التحية والتقدير والإحترام لجميع أمهاتكم والمغفرة والرحمة لكل من رحل منهن إلى جوار ربه.

يادانية

ياربى صدر الأمهات وحنانهن بيتكتب؟ بتقال ولابتوصف؟


ح اقعد هنا , أسمعكم/ن




سلامو يادانية , وربنا يخلى للكل أمهاتهم/ن

دانية ...
امي يالله
بس ادعي ليها تتماثل الشفاء وتبلغ الصحة
ابكتيني بهذا البوست وذكرتيني لها وهي بعيد ه عني













-----------------------
سلام لكل الامهات امي ، امك وامهات البورد وربنا يديهم الصحة والعافية

دانية ...

تسلمي يا الغالية ..

الله الله االله ... أمي ...أمي .. امي ... خدوج الحبيبة .. رحمك الله وجعل الجنة مثواك ياربي يا امي تنعمي في جنة النعيم .. وربنا يكرمك ويحسن اليك وبقدر ما قدمتي واعطيتي .. بكل لحظة مخاض ومعاناة ولادة ل 7 من البنات و2 من البنين .. عشتي كل اللحظات العصيبة .. لنخرج نحن فى هذه الدنيا وننعم بالهواء والماء وحنانك .. وعطفك يا امي .. وتعبك وتربيتك وتعليمك لينا .. ليس تعليم المدارس والقراءة والكتابة .. بل تعليم الحياة بكل ضروبها .. علمتينا كل شيء جميل وغرستي فينا كل المعاني السامية .. بصبرك وعظيمتك ومثابرتك .. وتحملك اشد الصعاب .. فكنت لنا الرب الصغير بكل ما تحمله كلمة رب من عناية شامله .. الله يرحمك يا خدوج .. يشهد الله مشتاقه ليك وعندي كلام كتييييييير ما كمل يا امي .. عشمي انتى في نعيم .. صدقيني يا امي احساسي بقول لي انك في الجنة يارب تصدق احساسي ..

دانية برجع ليك .. قلبي مفبووووووض ...

الاخت دانيا
البوست جميل ورائع جداً ..
اهداء الى كل امهات الزملاء والقراء خارج البورد ..










___

الابنة الحبيبة دانية
قبل كم سنة كتبت مع الاخت منى خوجلى بوست عن اجمل لحظاتنا
مما ولدنا اولادنا ولغاية ما بقوا كبار
لكن الام دى حالة خاص جدا
وامى على وجه الدقة اعتبرها ام نادرة جدا
حاجيك واحكى ليك عن اجمل يوم فى حياتى
لمن "سلمت عزوز لاجمل ابن ماولدته و بحس انى امه تماما"
تسلمى ويسلم وليدك ويخلى ليك امك يا عزيزة
طبعا احساس الزول لمن يفقد امه دا اصعب احساس بيظل ملازمه للابد
لك التحية مرة تانية ولامك وخلى بالك منها

الله يحفظهم ويديهم الصحة والعافية

دانية
تحياتى

العزيزة الفاضلة دانية المكي،
لكِ التحية والتقدير على فتح هذا البوست رائع المعنى،
وددتُ أن أستجيب لدعوتكِ الكريمة وأشارك بهذه القصيدة
المهداة لوالدتي الحبيبة المرحومة الحاجة ريـا أحمد الشيح التي رحلت عن دنيانا
في 18 أبريل 2008 ومازال مكانها شاغراً في روحي. كتب القصيدة شقيقي
الحبيب محمد تاج السر قبل خمس سنوات من وفاتها عليها ألف رحمة ونور.
وقد كنت قد فتحت بوستاً في سودانيزأونلاين بها عقب وفاتها مباشرةَ.
أتمنّى أعود وأشارك معكم باللحظات التي نوهتِ إليها في حياة أمهاتنـا،
وأيضاً في حياتنا نحن كأمهات ونحن نستشرِف عيد الأم الشهر القادم إن شاء الله.
لكِ ولسلمي الحبيبة وكل المتداخلين الأعزاء صادق المودة.

قصيدة حبيبتي أمي ريـّا

يـا أُمي يا السمحة وجميلة
يا باسمة يا ست القبيلة
يا راضية يا نور يا عديلة
يا الشِلتِ مننا كُل شيلة
بت الحُنان أهل الفضيلة
مِنو في النِسا شبهك؟ قليـلا
لي روحي سَنّادة ودليلها
عدّيتي النجوم في كل ليلة
لي كُل مريض ليلاً طويلا
تسبيحك طويل للهم مُزيـلا
ودُعاك جميل للروح غليلها

أمك فاطمة ويا حليلها
وأبوك أحمد سوّى الجميلا
أُختك بتول ست البليلة
بلاّلة هادية للغم مزيلة
وصفية سمحة وكمان أصيلة
وخديجة ست النُكت الجميلة
ليلى المواصلة ضو القبيلة
راجلك خليفة وسمح الرجولة
علي عمّك للناس دليلها
كلامو سمح سال سلسبيلا
عالم جليل نـادر المثيلا
أشعاره حلوة رصينة وأصيلة

ويا ريـّا الكلام حلو فيك عسيلا
بنظم في صفاتِك نظماً طويـلا
ودَيْنك عليْ دَيْناً تقيلا
يا ربي هل بقدر أشيلها؟
شيلة رجال لي أُم أصيـلة؟
سمحة خصال وأخلاق جليلة؟

يا أُمي يا روحي العليلة
طالِب رِضاك مـا عندي حيلة
فضلك علَيْ فضلاً جميـلا
وأنـا بي رضاك راجل القبيلة
عفوك جميل وانتِ الجميلة
يـا ربي تديها العمر الطويـلا
حُسن الخِتام ظِلاً ظليـلا
إنتِ ومعاك ضو القبيلة
تاج السر ختـامو يكون جميـلا
مع ختم الرجال خلف الرسولا
سيد قريش أحسن قبيلة
الصلاة والسلام ما قلت قولا
يـا أُمي يـا ريـّا الجميلـة
سِت النِسـا وسِت القبيلـة

إبنك محمد تاج السر علي الشيخ
الخرطوم في 25 ديسمبر 2003

الحبيبة دانية
وعدتك ان ارجع
وها انى افعل
من مفكرتى اكتب هذا عن امى
الخميس/صوت امى الذى ضاع

عدت الى البيت فى ذلك اليوم من شهر يوليو كان يوليو فى خواتيم ايامه لعله اليوم السابع والعشرين منه ، لا اذكر، المهم اننى عدت ، كان بى حنين غريب الى ملاقاة امى ، لم اكن فى حالة شوق اليها كما فى ذلك اليوم ، فى الصباح كانت قد سالتنى حين اعود ان احمل لها معى شراب الشعير ، لانها كما قالت انها لا تحس تحسنا فى امر الكليتين ، وعدت احمل الشعير وضحكا مخبوءا لاعوام قادمة كنت قد نذرته لها ،حكيت لها قصصا مسلية لكنها لم تكن تلك التى اعرفها تحب الضحك وتسعى له ، كانت كانما فى عالم آخر ودنيا لا نعرفها ،شكت من صداع فجلبنا لها كل مهدئات حزناها فى البيت ، ارسلنا فى طلب الطبيب ، لكنها لم تكن تلك التى عرفناها ظلت صامتة لا تعلق على الاحداث كما ظلت تفعل طوال حياتها كانت ترى فى ايامها الاخيرة ان حسن نصر الله هو آخر الرجال المحترمين وتعضد مسيره بهتاف تجترحه كل يوم حين مشاهدة الاخبار ، تنعى حظ العرب الذين لم يساندوا حسنهم ونصره ، تقول ان الله قادر ان ينتصر له فهو حق ويجب ان ينتصر، فى ذلك اليوم لم تكن حتى تفكر فى حسن نصر الله او غيره من البشر ، كانت مهمومة على نحو خاص بها صامتة لا تحركها نكاتنا وثرثرتنا التى اعتادتهابل طلبت اليناان لا ننقلها للمستشفى الا وهى فى اقصى حالات غيبوبتها ,هذا ما كان من امرها
نقلناها الى مستشفى فى امدرمان ، لكنها ظلت لثلاث ايام لا تحرك ساكنا ، بعدها اختارها الله الى جواره لكن ذلك كان افجع نبأ يمكن لبشر ان يحتمله ، فهى امنا التى سعت الى تاكيد حسن تربيتها طوال حياتها فاخرجتنا الى الحياة رجالا ونساءا طالبة منا ان ندعو لها طالما اننا ابناء صالحين كما كانت تقول
رحم الله حاجة سكينة بت نفيسة بت بابكر سلامة رحمة وسعها السماوات والارض تلكم المراة التى ما توانت فى تربيتنا على نحو ملوكى كما ادعت ، رغم انها لم تكن تملك سوى علمها البسيط الذى ما بخلت به علينا مرشدة ومعلمة ومربية لم تمل توجيهنا ومساعدتنا فى كل خطوة خطيناها ، فبعدد الحروف التى درستنا لها الرحمة وبعدد الايات التى تلتها فى كل مرة لها الرحمة

الجمعة/يوم مرضت امى

لم يكن ليوم الجمعة ذاك من الاسبوع الاول من اغسطس سوى طعم الحنظل فى حلوقنا ، تحلقنا حول سريرها دعوانا تسبقنا ان تشفى امى ، لكنها لم تستجب لا للعلاج ولا للدعاء ، كانت وقارا فى سريرها المرضى ، لا تشكو الا فى صمت ، حادثتها ، قلت لها :
ـ يا حجوج كما كان يحلو لنا مناداتها ، ما تبطلى حركات وتعاينى لينا لكنها لم تعر ما قلت اجابة ظلت على ذلك الحال طوال اليوم واليوم اللاحق ، كان امر غريب ان نجتمع حولها نحن الذين تفرقنا ايدى سبأ لاعوام طويلة ، كأن روحها كانت تنادينا ، هكذا ارادت لنا ان نكون الى جوارها فى ايامها الاخيرة ، جاء كل منا من مكان اقامته فى الشتات ، وتحادثنا معها منذ زمن طويل لم يحدث ان التقينا ، كانما كنا على موعد اللقاء حول سرير موتها ، لكنها الصدفة وحدها التى جعلت ذلك اللقاء ممكنا ، كانت كأنها توصينا احدنا بالاخر ، دائما كانت تقول
(ابقو عشرة على الخوة البيناتكم ، يا ها البتبقى ، الاولاد بجوا وبمشوا لكين الخوة ما زيها شى اغفروا لبعض ، واكتر حاجة خلوا بالكم من خوتكم )
وغالبا ما كنت تردد اغنية شعبية تحبها كثيرا
(بوصيكم على البيت الكبي ابنوه )
ومثلها الاثير حاضر دائما
( الدنيا بتهينك والزمان بوريك وقل المال يفرقك من بنات واديك والجنس الفسل لا تجعلو دخريك)
او كانت تقول
( الهدم القديم ما بنفعو الرافى وكضاب من يجيبا محنة الجافى )
لذلك كانت تومئ لنا بان نحتفظ باواصرنا قوية بيننا





الاثنين/انفراط عقد الحزن
لكل اسبوع طعمه ولكل يوم دلالته ولكل ساعة نحياها امد ولكل حياة نعيشها مذاق يختلف من هنا الى هناك ، يوم الاثنين الموافق الثلاثون من اغسطس 2006 كان يوما لا يضاهى فى الثقل ، ان كانت الحياة قبل ذلك التاريخ خفيفة ومهضومة الايام ، لكن ذلك اليوم حين صحوت ولم تكن امى فى سريرها مختفية اختفاءها الابدى الذى احال الحياة الى كائن غير محتمل الثقل ، ما زلت اغالب الاحساس بالحزن وينفرط عقد الحزن فى اى مكان لا يهم اين المهم انه ينفرط ويجعلنى ابكى دون قصد رغم اننى كبيرة كما ارى لكنى ما ازال احتاج الى صوت امى وهى تقول لى : ودعتك الله
كلما راودنى ذلك الاحساس بالسفر ، لم تكن تمانع سفرى بل كانت ترى فيه مخرجا لى من كثير ازمات تعتبره احيانا المعبر الوحيد لشقائى ، لكم تعذبت بفقدها ولكم ساتعذب لاننى لن اجد من يقول لى
ـ:يا بتى الرجال غلبن حار يا تستحملى ولا اخير ليك حريتك من الغلب والهم
رحمة الله عليك يا امى

I will be back later, stuck in the office with no arabic keyboard.

دانيه

Quote: I will be back later, stuck in the office with no arabic keyboard

الليله والليله " نار أم بادر يا حليله .. وكمان فى الجليد دا .. إن شاء يكون معاك حلة الكوارع ..

أنا عربيتى نكتها من الجليد ممكن أجيب ليك شربة "جكن فييت"

بريمة

Quote: جكن فييت"

Yay Barima, that does not sound good at all.

الأخت العزيزة تكعيب الأميرة (ودي أصبري عليها) دانية المكي
لك التحية والود وعاطر الفل والياسمين
سألتنا عن الصعب، عن التي تستحيل الكلمات أن توفيها حقها، عن بوابة الجنة، أعتذر فأنا لا أستطيع
مع خالص تحياتي
د. صلاح البشير

..
.

قالوا عن الام ..
هي المصدر الذي يحتوينا ليزرع فينا بذور الأمن والطمأنينة
وطاعة واحتراما لها ينصحنا ديننا بأن :-
لا تدعها باسمها بل كنيتها بما تحب وتفرح به .
لا تجلس قبلها ...
لا تمش قبلها .
مقابلتها بطلاقة الوجه وبشاشته .
نصيحتها ولكن بالمعروف وإذا لم تقبل فلا تؤذهما .
إجابة دعوتها دون تضجر أو كراهية .
التكلم معها باللين .
أن تطعمها إذا جاعت .
أن تكسوها إذا عريت .
خدمتها إذا احتاجت .
امتثال أمرها ما لم يكن معصية .
ألا تسبقها بالأكل أو الشرب .
أن تدعو الله لها بالمغفرة والرحمة .
الغض عن أخطاء و زلات الأم ومحاولة نصحها برفق .
توقيرها واحترامها .
عدم التكبر والترفع عليها .
محاولة فعل الشيء الذي يجلب لها البهجة والسرور .
مصاحبتها بالمعروف وطلب الدعاء منها .


______

بره الموضوع وتعبير بريمة يا D
فى تقرير فى MBC الان
عن طفلة باكستانية اسمها دانيا عمره 3 سنوات
بتأكل 20 رغيف فى اليوم..

شوفى الويب سايت لو بتعتقدى بهزر

بجيك تانى واصل النخيل وجاى
قرقر قرقر قرقر

Quote: بره الموضوع وتعبير بريمة يا D فى تقرير فى MBC الان عن طفلة باكستانية اسمها دانيا عمره 3 سنوات بتأكل 20 رغيف فى اليوم.. شوفى الويب سايت لو بتعتقدى بهزر بجيك تانى واصل النخيل وجاى قرقر قرقر قرقر

تاكل الحمت رمت يا صالح

عفاف الصادق و سلمى الشيخ

الف رحمه و نور عليهن.

كلام دافي و حنين فيه حنان و الم, برجع ليكم بمهله بس انوم الولد.

اكتر حاجه بترعبني في حياتي لمن افكر انه امي ممكن تموت في يوم من الايام, يا رب يجعل يومي قبل يومها.
برجع و احكي ليكم عن امي.

Quote: لقد كانت الوالدة جالسه نصف نائمة في كرسي لم أتردد في الذهاب إليها مباشرة مستجلياً الأمر ، فقالت لي إنت جيت فقلت نعم (وهو بالمناسبة ليس بسؤال غبي صحيح أنني أمامها إلا أن ذلك يسمي في لغة الضاد بالسؤال الإستئناسي) تماماً كما جاء في قوله تعالي لسيدنا موسي "وما تلك التي بيمينك يا موسي" المهم قلت ليها ليه إنتي قاعدة قالت لي منتظراك تجي قامت جابت ليها صحن مغطي بهبابه وقلت لي دا العشا حقك ، عشا الساعة تلاته ونص فجراً ، المهم قلت ليها أنا إتعشيت شالت الصحن ورجعته التكل (المطبخ حاليا) وقامت على عنقربيها بعد أن رقدت أنا في عنقريبي وظللت مستيقظاً أفكر في الموقف وأعيد في السيناريوهات مرات ومرات ، لم يستيقظ أبي وهو والدي إخواني وإخواتي حتى الغنماية والدجاجات والكديسة وكل المخلوقات التي تشاركنا السكن كانت تقط في نوم عميق. المهم أيقنت وآمنت وعرفت فضل الأم وعظمتها ، التحية والتقدير والإحترام لجميع أمهاتكم والمغفرة والرحمة لكل من رحل منهن إلى جوار ربه.

الملا عمر (اسمك بجيب الهواء)

دي الام

انت عارف اناامي عمري كله بقول ليها انتي بتحبي حسام اخوي عشان هو طوالي مسافر و بتحبي دره اختي عشان هي اخر العنقود و انا الكبيره وقعت بقد القفه. كانت بتبتسم و تسكت و تطنشني, عمري كله نفسي تقول لي ما صحيح. لمن انا كنت حامل بولدي و مشيت ليها قبل الولاده بسته شهور, كانت كل ليله بتاكد علي ما اقفل باب غرفتي من جوه, و كل ليله ثلاثه اربعه مرات بلقاها فتحت الباب براحه عشان تشوفني و تطمئن علي. لمن ولدت ولدي في المستشفي قالت لي و انا شايلاه بتحبيه؟ قلت ليها طبعا قالت لي قدر شنو؟ قلت ليه من غير حدود, قالت لي عرفتي انا بحبك قدر شنو؟ و قبل ما تطلع من عندي عاينت لولدي و قالت لي ده اول فرحتك, اول فرحه ريدتها مختلفه من اي ولد او بنت بعدها, بمعني اياك اعني فافهمي يا جاره.

معاويه, ود الصايم, وجدان

ما حتشاركونا؟

وليد الله يشفيها و يخليها ليك يا رب.

الاخت الفاضلة Dania Elmaki

تحياتى لك ولكل الامهات ,,,
ياخ دة بوست عظيم

فى اخر اتصال بالحاجة كان صوتى متغيير جدا نسبة لانى لم اتعود على اجواء البلد المتقلبة دى !

مالو صوتك الليلة ما عاجبنى ، ابدا ياحاجة بس شوية التهاب وحسى كويس احسن من امس

لا لا والله اكان اقوم اسوى ليك كركدى وفى نفس اللحظة اتزكرت انا فى بلدا طيرو عجمى

قالت لى ودعتك لى الله وداعة تديك وما تمضع فيك وداعة الالف الما بتنتلف ودعتك وداعتاً كان شفقتة تخمها وكا عترتة تلمتها ودعتك وداعتاًً ادوها النار ما حرقت ادوها البحر ما غرقت !!!
كلكم قولو امين

اممممممممممممممممممميييييييييييينننننننننننننننن

دانية الرائعة..

بوست جميل وبهبشنا في حتات حساسة..

الوالدة ست الحبايب والتي وهبنا لها حياتنا..والتي تسير بدعواتها الحنينة..

المواقف كتيرة..

والدتي(زينوبة) ربنا يديها الصحة والعافية جزعت كثيرا عندما أصابني شلل الأطفال وأنا في الثانية من عمري تقريبا

فباعت حليها وأساورها وكل ما تملك في رحلة علاج طويلة بالوخذ بالإبر الصينية (Acupuncture)

وفي يوم كانت راجعة تحملني من إحدي الجلسات من المستشفي في أمدرمان وكان معها شقيقي الاكبر

كانت تعبر الشارع وكادت عربة كبيرة أن تدهسها وهي تحملني وتدهس شقيقي معها

وقصص كثيرة أخري ومعها تفاصيل لا تحصي تمر بذاكرتي الآن..

الواحد مهما بذل وأعطي لا يمكن أن يجازيها..

وربنا يمد في أيامها..ويقدرنا علي خدمتها..

ومهما فعلنا..فلسنا بقادرين علي مجازاة ذلك الدفق الفياض

أهديك وإياها وكل القراء والزملاء رائعة التجاني حاج موسي:

http://www.youtube.com/watch?v=tshN6htayoc&feature=related

Quote: الام عظيمه جدا و يا ريت لو كل يوم يكون لتكريم الام ما بس نخصص عيد الام و خلاص. عليكم الله الطول من امه بكره من الصباح بس يتصل يسلم عليها. اطفالنا يا ربي عارفين عظمة الام؟

yes, I did

مداخلتي مشت وين؟؟


سيف اليزل سلمت لينا عليها؟

قال ائتني بفؤاد أمك يا فتى ولك الجواهر والدراهم والدرر
فمضى وأغمد خنجرا في صدرها والقلب أخرجه وعاد على الأثر
لكنه من فرط سرعته هوى فتدحرج القلب المقطع إذ عثر
ناده قلب الأم وهو معفر ولدي حبيبي هل أصابك من ضرر ؟
وكأن هذا الصوت رغم حنوه غضب السماء على الغلام قد إنهمر
فدرى فظيع خيانة لم يأتها ولد سواه منذ تاريخ البشر
فارتد نحو القلب يغسله بمافاضت به عيناه من سيل العبر
ويقول يا قلب انتقم منى ولا تغفر فان جريمتى لا تغتفر
واستل خنجره ليطعن نفسه طعنا فيبقى عبرة لمن اعتبر
ناداه قلب الأم كف يدا ولا تذبح فؤادي مرتين على الأثر

M-O-T-H-E-R

"M" is for the million things she gave me,
"O" means only that she's growing old,
"T" is for the tears she shed to save me,
"H" is for her heart of purest gold;
"E" is for her eyes, with love-light shining,
"R" means right, and right she'll always be,
Put them all together, they spell "MOTHER,"
A word that means the world to me.
-

Howard Johnson

Quote: Howard Johnson

ده بتاع البيبي لوشن !







_

إضغط للتشغيل

لا.. داك براهو..
اسم على اسم يا نوبي (-:

هاوارد ده:

دانيه

Quote: انت عارف اناامي عمري كله بقول ليها انتي بتحبي حسام اخوي عشان هو طوالي مسافر و بتحبي دره اختي عشان هي اخر العنقود و انا الكبيره وقعت بقد القفه. كانت بتبتسم و تسكت و تطنشني, عمري كله نفسي تقول لي ما صحيح. لمن انا كنت حامل بولدي و مشيت ليها قبل الولاده بسته شهور, كانت كل ليله بتاكد علي ما اقفل باب غرفتي من جوه, و كل ليله ثلاثه اربعه مرات بلقاها فتحت الباب براحه عشان تشوفني و تطمئن علي. لمن ولدت ولدي في المستشفي قالت لي و انا شايلاه بتحبيه؟ قلت ليها طبعا قالت لي قدر شنو؟ قلت ليه من غير حدود, قالت لي عرفتي انا بحبك قدر شنو؟ و قبل ما تطلع من عندي عاينت لولدي و قالت لي ده اول فرحتك, اول فرحه ريدتها مختلفه من اي ولد او بنت بعدها, بمعني اياك اعني فافهمي يا جاره.

مش قلت ليك أنت بتعملى "فلاش باك" .. ما تقارنى نفسك بالوالده .. أنت القراصة عازمانا عليها هى حقت الوالدة.


لما تسوى قراصتك براك بعدين تعالى أتشوبرى .. !

بريمة

center>

Quote: مش قلت ليك أنت بتعملى "فلاش باك" .. ما تقارنى نفسك بالوالده .. أنت القراصة عازمانا عليها هى حقت الوالدة. لما تسوى قراصتك براك بعدين تعالى أتشوبرى .. ! بريمة

انا اقتنتعت تماما يا بريمه انك بطيني


هسع سيبك من القراصه الانت ما قادر تفرز بينها و بين العصيده و تعال احكي لينا عن الوالده.

دانيا ..كيفك؟

فتحت ليك موضوع لو اتكتب فيه مجلدات ما بتكفيه..

بعد ولادة حسن طفلي الأول.. بكم شهر.. ضربت لأمي تلفون و أنا ببكي..قلت ليها يا ماما أعفي لي ..عليك الله أعفي لي..

قالت لي عافية ليك.. لكن من شنو؟ كانت بتضحك..

قلت ليها من تعبك.. و سهرك.. و أي لحظة زعلتك و ضايقتك فيها..!

ربنا يخليها و يسلمها..

و يخلي ليك أمك يا دانيا ..و لأي زول ربنا يخلي ليهو أحبابو و يطول في عمرهم يا رب

دانيه

Quote: و تعال احكي لينا عن الوالده.

أها يا دانيه عن الوالده أطال الله فى عمرها .. أنجبت 11 بطن .. أشقى واحد فيهم أنا .. بالجد، نهارها كله تساكك وراى .. لو رعيت بالغنم بدق أولاد الحلة .. ولو قعدت فى البيت بدق أخواتى ..
يعنى تطردنى من البيت هيى ووب .. وتخلينى فى البيت هيى ووبين ..
يعنى يا دانيه .. ما دام نجحت فى تربيتى .. أعلم تماماً أن مقدارتها مهولة .. لو جابوا ليها الجن الأحمر بعداك تجعل منه أنسان ..
غايتو رب العزة هو فقط من يقدر على جزاءها .. أما أنا رافع رايتى البيضاء ومنتظر العفو من رب السماء على العمايل السويتها ..

Quote: انا اقتنتعت تماما يا بريمه انك بطيني هسع سيبك من القراصه الانت ما قادر تفرز بينها و بين العصيده

يعنى الكلام دا عايزه تقولى أنك بتقدرى تعملى عصيدة .. برضو تكون الوالده مدياك البخرة بتاعتها.

بريمة

الملا عمر ما في حاجه ظهرت حاول التحميل مره ثانيه.

الاخت / دانية ... سلام

الأم ...

قالوا عنها..
مصدر الحنان والرعاية والعطاء بلا حـدود ...

وقالوا ..
هـي الجندي المجهول الذي يسهر الليالي ، ليرعي ضعفنـا ويطبب علتنـا ...

وقالوا..
هـي الإيثار والعطـاء والحـب الحقيقـي الذي يمنـح بلا مقابـل ويعطـي بلا حـدود أو منــّـة

وقالوا..
هـي المرشـد إلي طريق الإيمان والهدوء النفسي

وقالوا ..
هي المصدر الذي يحتوينا ليزرع فينا بذور الأمن والطمأنينة

وقالوا..
هـي البلسـم الشافـي لجروحنـا والمخفف لآلامنا

شكرا اخت دانية بوست حنين ....

مودتى ...

Quote: إقراء أنت وزوجتك لكي تعرفوا حق الأم ( لعل الزوجة تعينك على الخير ) أمك أو زوجتك بسم الله الرحمن الرحيـــم حكى أنه كان في زمن النبي صلى الله عليه وسلم شاب يسمى علقمة ، كان كثير الاجتهاد في طاعة الله ، في الصلاة والصوم والصدقة ، فمرض واشتد مرضه ، فأرسلت امرأته إلى رسول الله صلى الله عليه وسلم : إن زوجي علقمة في النزاع فأردت أن أعلمك يارسول الله بحاله . فأرسل النبي صلى الله عليه وسلم : عماراً وصهيباً وبلالاً وقال امضوا إليه ولقنوه الشهادة ، فمضوا إليه ودخلوا عليه فوجدوه في النزع الأخير، فجعلوا يلقنونه لا إله إلا الله ، ولسانه لاينطق بها ، فأرسلوا إلى رسول الله صلى الله عليه وسلم يخبرونه أنه لا ينطق لسانه بالشهادة فقال النبي صلى الله عليه وسلم : هل من أبويه من أحد حيّ ؟ قيل : يارسول الله أم كبيرة السن فأرسل إليها رسول الله صلى الله عليه وسلم وقال للرسول : قل لها إن قدرت على المسير إلى رسول الله صلى الله عليه وسلم وإلاّ فقري في المنزل حتى يأتيك . قال : فجاء إليها الرسول فأخبرها بقول رسول الله صلى الله عليه وسلم فقالت : نفسي لنفسه فداء...أنا أحق بإتيانه ... فتوكأت ، وقامت على عصا ، وأتت رسول الله صلى الله عليه وسلم، فسلَّمت فردَّ عليها السلام وقال: يا أم علقمة أصدقيني وإن كذبتيني جاء الوحي من الله تعالى : كيف كان حال ولدك علقمة ؟ قالت : يارسول الله كثير الصلاة كثير الصيام كثير الصدقة . قال رسول الله صلى الله عليه وسلم: فما حالك ؟ قالت : يارسول الله أنا عليه ساخطة ، قال ولما ؟ قالت : يارسول الله كان يؤثر علىَّ زوجته ، ويعصيني ، فقال: رسول الله صلى الله عليه وسلم : إن سخط أم علقمة حجب لسان علقمة عن الشهادة ثم قال: يابلال إنطلق واجمع لي حطباً كثيراً ، قالت: يارسول الله وماتصنع؟ قال : أحرقه بالنار بين يديك . قالت : يارسول الله ولدى لايحتمل قلبي أن تحرقه بالنار بين يدي . قال : يا أم علقمة عذاب الله أشد وأبقى ، فإن سرك أن يغفر الله له فارضي عنه ، فوالذي نفسي بيده لا ينتفع علقمة بصلاته ولا بصيامه ولا بصدقته ماد مت عليه ساخطة ، فقالت : يارسول الله إني أشهد الله تعالى وملا ئكته ومن حضرني من المسلمين أني قد رضيت عن ولدي علقمة . فقال رسول الله صلى الله عليه وسلم : إنطلق يا بلال إليه انظر هل يستطيع أن يقول لا إله إلا الله أم لا ؟ فلعل أم علقمة تكلمت بما ليس في قلبها حياءاً مني . فانطلق بلال فسمع علقمة من داخل الدار يقول لا إله إلا الله . فدخل بلال وقال : ياهؤلاء إن سخط أم علقمة حجب لسانه عن الشهادة وإن رضاها أطلق لسانه ، ثم مات علقمة من يومه ، فحضره رسول الله صلى الله عليه وسلم فأمر بغسله وكفنه ثم صلى عليه ، وحضر دفنه . ثم قال (صلي الله علية وسلم) : على شفير قبره (( يامعشر المهاجرين والأنصار من فضَّل زوجتـه على أمُّه فعليه لعنـة الله والملا ئكة وا لناس أجمعين ، لايقبل الله منه صرفاً ولا عدلاً إلا أن يتوب إلى الله عز وجل ويحسن إليها ويطلب رضاها . فرضى الله في رضاها وسخط الله في سخطها )). لو أمكنكم: أرجو طباعتها وتوزيعها أو إرسالها بالبريد ليعلم الناس مدى أهمية رضى الوالدين عن الأبناء . اللهم إجعلنا ممن يبر في والدينا ويعيننا على برهم اللهم إغفرلنا ولوالدينا كما ربيانا صغارا منقول للعبره

حقيقى بعد وفاة والدتى







صرت لا احس بطعم الحياة

تعيش و تفتكر يا سامي, ربنا يرحمها و بغفر ليها. قالوا الزول لمن يفقد امه ملائكة السماء و الارض بيعزوه