قصدك العقيد الكان مع البوني ومني ابوزيد ياخي داك علي اليمين بالغ بوليغ
اول حاجة ما بسكت ما بسمع ما بدي فرقة وبتكلم طوالي قالوا ليه الرشاوي قال ليهم الراشي والمرتشي وقدم الراشي ياخي انا مواطن الليلة عشان عشرة الف اضيع يومي معاكم عشان تقول راشي ثم انو اي زول راكب عربية ولا حتي مواصلات بعرف انو ناس المرور بشيلوا قروش ودي اي زول عارفها لو العقيد ده ماعارف الليعرف ياخي ياخي البلد الوحيدة الفي الدنيا رجل المرور بوقف حافلة فيها 21 راكب ويعطلهم ربع ساعة او اكتر لاشكال مع السواق والمساكين منتظرين البلد الوحيدة العرباتها بتترخص سنويا عشان القروش ومافي معايير ترخيص سليمة اصلا البلد الوحيدة البكون في شرطي المرور بقطع ايصال وبشيل المواطن قروش ويمش يورد اخر اليوم الشرطة الوحيدة العندها كمشن في الايراد هي المرور التقول شغالين مناديب في حليب الصافي
كله كوم والعقيد داك كوم كبسور جنبه ملاك..صوته عالي ومنفعل وما منطقي كله كله..غايتو انا خفت يقطع مني ابوزيد ايصال في الحلقة انا لله والله وقال بقدم محاضرات ..ده بكون بهرد الطلبة هرد
Post: #9 Title: Re: يا ناس المرور ... Author: ندى عثمان حسن Date: 02-10-2010, 05:06 AM Parent: #8
سلامو ياحيدر
ألذ شىء فى نهاية الحلقة , قال: تلفونو فااااااتح, وأى زول يضرب ليهو تلفون زى الضيف الزارو فى بيتو
ماعرفت المعلومة دى لشنو؟ وحلولو القال كلللللها , شغل البصيرة أم حمد بس , بس غايتو إلا إمعانا فى الهلاك
بعدين بالجد , المفروض أى برنامج على الهواء يعملو للضيف (بروفة).
الليلة ياجنابو عمر , يمرقك الله بس
Post: #10 Title: Re: يا ناس المرور ... Author: محمد عبد الماجد الصايم Date: 02-10-2010, 06:36 AM Parent: #9
الإعادة متين يا جماعة! الظاهر المسرحية فاتت علينا!!
Post: #11 Title: Re: يا ناس المرور ... Author: walid taha Date: 02-10-2010, 07:11 AM Parent: #10
يا ود الصايم لو شفتها ركز على (ود جادين) D:
Post: #17 Title: Re: يا ناس المرور ... Author: HAIDER ALZAIN Date: 02-10-2010, 10:35 AM Parent: #10
Quote: الإعادة متين يا جماعة! الظاهر المسرحية فاتت علينا!!
أفتح خط مع وزيــر الري يا عمكـ بيديك النجيضة طوالي
Post: #16 Title: Re: يا ناس المرور ... Author: HAIDER ALZAIN Date: 02-10-2010, 10:00 AM Parent: #9
سلامات يا ندي عثمان ولك التحية ..
Quote: ألذ شىء فى نهاية الحلقة , قال: تلفونو فااااااتح, وأى زول يضرب ليهو تلفون زى الضيف الزارو فى بيتو
ماعرفت المعلومة دى لشنو؟
والأغرب من كدة انه ما ورانا رقم تلفونو كم عشان نضرب ليهو .. ولا ناس النيل الازرق ما ختو الرقم في الشريط تحت بدل الدعايات ..
أنا حسيت مني ابوزيد عاوزة تقوم تخنقوا .. كل مرة تقول ليهو دقيقة بس وهو يزيد في الكلام ..
اما بتاع الشاحنة فالقمه ليك حجر ما قدر يرد بكلمة على تعليقه ..
دا زول تحفة واتمني انه ناس النيل الازرق يضعوهو في خطة برامجهم لرمضان القادم كفقرة اساسية:):)
Post: #13 Title: Re: يا ناس المرور ... Author: HAIDER ALZAIN Date: 02-10-2010, 07:24 AM Parent: #8
Quote: قصدك العقيد الكان مع البوني ومني ابوزيد ياخي داك علي اليمين بالغ بوليغ
ياهو يا قمر بوبا ياهو ..
عارف دق علي ادريس علم الهدي قال لي بتعمل في شنو ؟ قلت ليهو بحضر فيلم جميل وووووو قال يا زول بطل اي افتح النيل الازرق فيها مسرحية كوميدية ماتفوتك سريع .. يآخ فعلاً صدق انا امس عشت لحظة كوميديا مبالغة .. مرة اضحك .. ومرة اضحك تاني زي الباكي ومرة تالتة اضحك خجلاً .. واخيراً ضحكت واستغفرت ربي ومالك روحي في هذا العسكري
Post: #12 Title: Re: يا ناس المرور ... Author: HAIDER ALZAIN Date: 02-10-2010, 07:12 AM Parent: #7
Quote: يا أخوي الضبعنة بتداوى كعبة الإندراوة
إلا يا ضبع ما فهمنا الحاصل ؟!!!
في إنتظاركم إنت وجنابو عمر لتسبروا لنا غور الأشياء
الضبعنة والإندراوة خليها .. أمشي صلحي صور الصلاة حقتك ديك
قالت عاوزة تشتغل داعية آخر عمرها
أخيــر منك جنابو العقيـــد دا اخدي منه كورسات في فن الدعاية
Post: #14 Title: Re: يا ناس المرور ... Author: فايزودالقاضي Date: 02-10-2010, 08:09 AM Parent: #12
حيدر والجميع ...سلام ...
ياحيدر انا طلعت من السودان قبل استحقاقى لرخصة القيادة (عمراً) وغبت عشرة سنوات ورجعت ومعاى عربية افراج مؤقت وده كان قبل ايام من عيد الضحية ...من بورسودان وانا اقص في الايصالات المابعرف اصلها حتى رجعت ..بعد كملت فترتي في كسلا اتجهت للخرطوم وهناك عينك ماتشوف حتى النور ..في اليوم يوقفوك مية مرة التقول بفتشوا في مجرم حرب ..تخيل رصدني بتاع المرور وقال لي : رخصتك .. قمت اديتو الرخصة السعودية ..قام طوالي رشاني بمخالفة 20 الف قلت ليه : المخالفة دي بتاعة شنو ؟ قال لي : لانك مابتحمل رخصة سودانية ..تخيل !! شرحت ليه انى لمن طلعت من السودان لسه ماكنت أستحق رخصة قيادة وممكن تراجع الجواز والميلاد والخروج والعودة عشان تتأكد .. وكت عجز قال لي : يااخوي من يوم جيت ليه ماطلعت الرخصة السودانية..تخيل انا جاى قبل العيد والكلام ده تقريباً رابعة العيد ..عايزنى اقضي اجازتي المحدودة في طليع رخصة ...
الموقف التاني .. مرضت في الخرطوم وخليت العربية(افراج مؤقت) مع اخوى ..اتصل على اخوى بقول ناس المكافحة مسكوا العربية ..مشيت وانا عيان بملاريا عشان افك العربية ..قالوا لي بعد ده لو عايز تديها اخوك او اى زول اديهو معاها جواز السفر بتاعك ...دايرني افك جوازي في البلد العجيبة ديك !! تلقوها في الغافل والله ..
الموقف التالت ..بعت العربية قبل سفري بايام لضابط في الجيش ..جيت بعد سنتين لقيته سايقها بدون لوحات...وبعد خمسة سنوات مركب ليها لوحات شاحنة وهي كرولا صغيرة ...هكذا والله على مااقول شهيد...
وطن مية مية والله ..
Post: #15 Title: Re: يا ناس المرور ... Author: صلاح أبودية Date: 02-10-2010, 09:05 AM Parent: #14
حيدر ! كيف حالك ؟ أوريك المخالفة الجد جد .. عليك الله شوف موضوع الحلقة وتاريخها وشوف موضوع البوست ده وتاريخو !!!!شرطة مرور الخرطوم .. العذاب بالكوم !!
Post: #18 Title: Re: يا ناس المرور ... Author: Faisal Elrasheed Date: 02-10-2010, 10:47 AM Parent: #15
بالمناسبة اغلب المحاور الدارت في الحلقة ذكرت الاشياء الانت قلتها..
الفرق انه البوست بتاعك كان فاقد سعادة العقيد مدير العمليات
Post: #19 Title: Re: يا ناس المرور ... Author: HAIDER ALZAIN Date: 02-10-2010, 10:51 AM Parent: #14
Quote: الموقف التالت ..بعت العربية قبل سفري بايام لضابط في الجيش ..جيت بعد سنتين لقيته سايقها بدون لوحات...وبعد خمسة سنوات مركب ليها لوحات شاحنة وهي كرولا صغيرة ...هكذا والله على مااقول شهيد...
مبالغة يا ود القاضي ...
انا مريت بتجربة زي تجربتك دي قبل سنتين بس الفرق اني ما بقطع ايصال مخالفة
كنت شغال معاهم بنظام ايصال الفطور
واهو هو جاء براهو قدمنا عليهم
Post: #21 Title: Re: يا ناس المرور ... Author: عبد اللطيف السيدح Date: 02-10-2010, 02:39 PM Parent: #19
إنت مالك ومال ناس المرور
بتنزل اجازة 45 يوما وبتجي حانف وشيك
النار ولعت والرجال قاعدين هناك بدفوا براهم
وانت والشاعر مهدي سووها مناحلة بيجاي لغاية قانون المرور يعدلوه في الخرتوم
Post: #32 Title: Re: يا ناس المرور ... Author: HAIDER ALZAIN Date: 02-11-2010, 08:08 AM Parent: #21
Quote: إنت مالك ومال ناس المرور
بتنزل اجازة 45 يوما وبتجي حانف وشيك
النار ولعت والرجال قاعدين هناك بدفوا براهم
وانت والشاعر مهدي سووها مناحلة بيجاي لغاية قانون المرور يعدلوه في الخرتوم
عاجبني انت يا الشفيع القاعد في البلد :)
اسمع والله لو حضرت الحلقة كان استفدت من الزول دا فائئدة ما بعدها
يآخ دا لابس رواحات كدة روحاتك جنبها سنفجة بس
Post: #23 Title: Re: يا ناس المرور ... Author: عبد الناصر الخطيب Date: 02-10-2010, 02:46 PM Parent: #19
حيدر الزين
مساء الخير ,,,
شفته الحلقة في النيل الازرق قبل كم يوم وامبارح شائفهم عادوها
وشدتني فقرة الاستاذ الصحفي الاتكلم عن كترة النقاط في الطرق السفرية وتعقيدهم للوضع وأثرهم عن أنسياب السلع والاقتصاد , اللفت نظري د. عبد اللطيف البوني كان عامل حسابو كويس من عقيد الحركة الفتوه المستضيفوا ده , مع ملاحظة انو الحلقة الاتبثت أمبارح كانت إعادة للحلقة الأصل والخلتني احمد ربنا انو لو الاوضاع كدة ياخي الناس النحنه في بلدهم ديل فيهم النور مجرور ... ما بتشوف إيصالات إلا براك تعمل مجنون وتقعد تتجاره في الطريق السريع , ولا حظك الكعب ينسيك رخصتك واستمارتك ولا ... المهم كم سبب ما بفوتوا اصابع اليد الواحدة ومافي دفع إلا تتزنق لو عندك تجديد ياخروج وعودة غير كدة تستلم وصلك والسلام على طه
------------------ المحيرني بقول أنو كل ما كان في مخالفات ده بتعبو
Post: #24 Title: Re: يا ناس المرور ... Author: خالد كدودي Date: 02-10-2010, 07:48 PM Parent: #23
احي انا من ناس المرور
البيوقفوك وانته ميه الميهويقلوليك مخالفه في شنو تظليل وين التظليل الزجاج الخلفي ياجنابو الزجاج الخلفي ده رخصتو بيهوالعربيه دي مابعرف انزل تنزل لي جنابو ياجنابو التظليل ده رخصتو بيهو العربيه لا معليش القانون الجديد كل مايحجب الرؤيه يعتبر مخالفه المهم هي ظابطه وقالته بي طريقه حضاريه ودفعت ومشيت لكن اناس هوي والله ناس المرور ديل عندهم مخالفات بس نجر قدوم والعجب العجيب عارفنو شنو تجي جنبك كامري ومظلله فل ورابطه لوحه واحده اماميه واللوحه ماحقته عارفين كيف السودان خ2 خ2 دي اسالو منها ناس جانبو عمر عثمان بتخص ياتو في العربات
وياريت لوماقفلت تلفوني الجمعه كان بعيد وامس كان مقفول النبي لوفي طريقه جيبو لينا الحلقه دي في سودانيز
Post: #25 Title: Re: يا ناس المرور ... Author: خضر حسين خليل Date: 02-10-2010, 08:03 PM Parent: #24
والله يا حيدر بتاع المرور ما غلطان غلطان انت ده يافرده ياخ بتاعين المرور ديل الناس لما يشوفوهم في شارع الزلط بزوغوا منهم انت المخليك تداقر التلفزيون شنو ؟
المنظر ده عادي ياعمك انت ما حضرت بتاع التفاح الأمريكي داك ولا شنو؟
Post: #26 Title: Re: يا ناس المرور ... Author: omer osman Date: 02-11-2010, 07:36 AM Parent: #25
ياحيدر الزين انشغل من البورد كم يوم اجي القاك طلعت لي مقابلة العقيد صفر صفر ؟؟
مبدئياً الحلقة كانت جميلة وهادفة وحضور سعادة العقيد كان طاغي وحديثه مرتب وجاذب رغم اني ما شفتها !!
نشوفه بعدين نجي نتناقش ........
Post: #27 Title: Re: يا ناس المرور ... Author: omer osman Date: 02-11-2010, 07:47 AM Parent: #26
مره زمااااااااان لمن كنا ملازمين وفرحانين بالدبورة .....
واحد ضايقني في الشارع واتخطاني .............
حصلتو وسالته عندك رخصة ؟
لا ما عندي......
طيب تمشي معاي القسم ........
مشينا القسم ...
افتحوا للزول ده بلاغ سواقة بدون رخصة
طق الزول فتح الجزلان طلع الرخصة بتاعتو !!!!!
عاينت ليهو كده !!!
الشاويش النبطشي وهو على مكتبه الذي لم يغادره طوالي استلم الموضوع .....
كدي موضوع الرخصة ده خليناهو !! السواقة بطيش واهمال الشايفه انا بعيوني دي شنو ؟؟؟؟
تعال خش بي جوه .....
كب رب جوه الحراسة ...........
ياجنابو معليش ياخي انا غلطان .......
خلاص ياجماعة الزول ده فكوه بس تاني ما تسوق بطيش واهمال ....
غادرت القسم وانا اقول في سري والله ياالشاويش النبطشي بالغت موووووبالغة
Post: #29 Title: Re: يا ناس المرور ... Author: ندى عثمان حسن Date: 02-11-2010, 07:53 AM Parent: #27
Quote: الشاويش النبطشي وهو على مكتبه الذي لم يغادره طوالي استلم الموضوع .....
كدي موضوع الرخصة ده خليناهو !! السواقة بطيش واهمال الشايفه انا بعيوني دي شنو ؟؟؟؟
Post: #28 Title: Re: يا ناس المرور ... Author: SHIBKA Date: 02-11-2010, 07:51 AM Parent: #26
الاعادة الاولى فاتتنا انا وود الصايم
الاعادة التانية متين؟؟
Post: #30 Title: Re: يا ناس المرور ... Author: Nader Abu Kadouk Date: 02-11-2010, 07:56 AM Parent: #28
Quote: الاعادة الاتنية متين؟؟
شيبكه
دي غير ودالصايم ما في زول بعرفه
Post: #31 Title: Re: يا ناس المرور ... Author: Nader Abu Kadouk Date: 02-11-2010, 08:08 AM Parent: #30
ود الزين
بالمره عليك الله شوف جنابو ده بقول في شنو
جنس محن
Post: #33 Title: Re: يا ناس المرور ... Author: SHIBKA Date: 02-11-2010, 08:14 AM Parent: #30
Quote: شيبكه
دي غير ودالصايم ما في زول بعرفه
ما بتريحو
لكن كنت منفعلة مع العقيد انا
Post: #35 Title: Re: يا ناس المرور ... Author: على محمد على بشير Date: 02-11-2010, 08:29 AM Parent: #33
مولد وفاتنا يا حيدر ..
Post: #38 Title: Re: يا ناس المرور ... Author: HAIDER ALZAIN Date: 02-11-2010, 08:48 AM Parent: #26
Quote: مبدئياً الحلقة كانت جميلة وهادفة وحضور سعادة العقيد كان طاغي وحديثه مرتب وجاذب رغم اني ما شفتها !!
نشوفه بعدين نجي نتناقش ........
والله تعليقك دا يا عمــر عثمان احلي من كلام العقيد كلو ..
ضحكت كما لم اضحك في مقابلة سعادتو ...
عارف فعلاً الحلقة صفر مقارنة بتعليقك دا ...
تقديري وشكراً على قصتك مع الشاويش النبطشي .. :)
Post: #37 Title: Re: يا ناس المرور ... Author: HAIDER ALZAIN Date: 02-11-2010, 08:36 AM Parent: #25
Quote: والله يا حيدر بتاع المرور ما غلطان غلطان انت ده يافرده ياخ بتاعين المرور ديل الناس لما يشوفوهم في شارع الزلط بزوغوا منهم انت المخليك تداقر التلفزيون شنو ؟
غلطان ادريس علم الهدي يا خضر والله .. كلو منو
قاعدين انا وابو سامي رضي الله عنه وبمزاااج بحضر في فيلم على دبي ون ..
اتصل ادريس وشبكني غيــر القناة.. في كوميديا ما تفوتك..
واهو جات في تولاتي هسع بقي عمر عثمان ينفي في كلامي قبال ما يشوف الحلقة
Post: #36 Title: Re: يا ناس المرور ... Author: HAIDER ALZAIN Date: 02-11-2010, 08:31 AM Parent: #24
سلامات يا خالد ولك التقدير
شكرا لتاكيد كل ما يقال عن الاخوة في المرور :)
Quote: تجي جنبك كامري ومظلله فل ورابطه لوحه واحده اماميه واللوحه ماحقته عارفين كيف السودان خ2 خ2 دي اسالو منها ناس جانبو عمر عثمان بتخص ياتو في العربات
يا جنابو عمر عثمان ما تجي تفك لينا التشفيــر دا :):)
Post: #34 Title: Re: يا ناس المرور ... Author: HAIDER ALZAIN Date: 02-11-2010, 08:24 AM Parent: #23
Quote: اللفت نظري د. عبد اللطيف البوني كان عامل حسابو كويس من عقيد الحركة الفتوه المستضيفوا ده
فتوة بس يا عبد الناصر... يتخيل لي لو كترو معاهو كان سلمم ايصالات في الحلقة..
الصحفي المُستضاف نسيت اسمه لكن قال كلام واضح والقي الضوء على مجمل من النقاط
ما اشتغل بيها سعادة العقيد خالص غيــر انه قال عمل آلية للحفاظ على الايصالات:)
يا سعادة العقيد المشكلة مافي الايصال المشكلة في الدفع الفوري دا الله يرضي عليك
Post: #39 Title: Re: يا ناس المرور ... Author: ادريس خليفة علم الهدي Date: 02-11-2010, 08:59 AM Parent: #34
المغرض .. حيدر الزين
سنة2003 وانا عريس والحنة لسه سوداء مشيت مع واحد قريبي في الشرطة لصاحبوا في ادارة المرور ..الراجل برتبة مقدم .. دخلنا عليهو في المكتب حلف الا نفطر معاهوا .. بعد الفطور الراجل دخل يدوا في خزنة وراء الكرسي بتاعوا .. طلع منها اتنين مليون جنيه ومداها لي وقال دي الختة بتاعتي لانوا ما حضرت العرس .. الي اليوم ما عرفت الختة منوا هو ولا من ادارة المرور .. والناس ديل ما برضي فيهم ... حل عنهم اليها المغرض
Post: #40 Title: Re: يا ناس المرور ... Author: د.محمد حسن Date: 02-11-2010, 07:57 PM Parent: #39
Quote: أفتح خط مع وزيــر الري يا عمكـ بيديك النجيضة طوالي
وزير الري عنده مشكلة ازدحام في الابراج حيدر الزين سلامات قال ليك واحد برتبة عقيد ( بس ما من اهل الحظوة) وعنده قريبة رقيب . حدثت للرقيب مناسبة فذهب العقيد وزوجته لزيارة الرقيب . واندهشت الزوجة من مستوى بيت الرقيب الفخم والستاير البتهبهب والملايا الكانون والتقديم والحال الخمج والشغالة الفلبينية براااحة ميلت على زوجها وقالت ليه اسمع انت حيرقوك رقيب متين ؟؟؟؟!
Post: #41 Title: Re: يا ناس المرور ... Author: طيبان Date: 02-12-2010, 02:43 AM Parent: #40
سلامات يا حيدر الزين .. من المحطات الخارجية جابوا واحد عمك عرض اربعة ايصالات قطّعوها ليهو في يوم واحد .. أنا قلت بس خلاص زولنا جابوها ليهو بالثابتة .. أوّل ردّو قال كان يجيب لينا تاريخ الايصالات ..ودا كلام ما ممكن ..طلع عمّك كضّاب في صمّة خشمو ..
انت الناس ديل ما عارفين الحاصل بالجد ؟؟ وللا بيستهبلوا ؟؟؟
