Post: #1
Title: العريس الداقس،،،، نصيحة لكا عزابي ..... "منقول و الله""
Author: نوسة
Date: 02-09-2010, 02:05 PM
Parent: #0
السلام عليكم يا شباب يا "البرا القفص لسة" هيهيهيهيهي
جاني الكلام دة في إيميل الفيس بوك، و عجبني و ضحكني، قلت النضحكم معاي شوية في زمن قلت فيهو الضحكة و كادت تنقرض...
كالعادة وخلافا لكل دول العالم التى تتم فيها مراسم الزواج فى يوم او اثنين وبأقل التكاليف الممكنة نجد ان الزواج السودانى هو عبارة عن مسلسل مكسيكى يستمر لايام وايام يجتمع فيها الاهل والاحباب والجيران وجيران الجيران والاقارب من الدرجة الخمسمائة بعد الالف وينفق فيه اموال طائلة تكفى لبناء مستشفى حديث او فندق 5نجوم او رواتب المعلمين فى احدى المحافظاتتبدأ الحكاية بعد ان تحس بالقلق عندما تجد ان معظم اصدقاءك قد دخلو القفص الذهبى طائعين مختارين_اؤمن تماما بمسألة القفص ولكن لدى تحفظات كثيرة على حكاية ذهبى دى_المهم تحس وتأخذك غضبة حمقاء وتناجى نفسك وانت فى حفلة زواج بالخطر احد الاصدقاء (والله الواحد بعد دا يشوف ليه مرا. معقول هناى الاهبل دا يعرس وانا لسه قاعد براى زى تور الساقية) عندها يستعرض خيالك قائمة طويلة من معارفك البنات ابتداء من ناس نونة زميلتك فى الروضة مرورا بصديقات مرحلة المراهقة الكتار وحتى زميلات الجامعة والشغل وبنات الحلة وبنات الاعمام والاخوال وباقى الاهل ثم وبسرعة تنسى كل اولئك النساء فى حياتك عندما تسترعى انتباهك الحسناء الجالسة فى ركن قصى فى حفل ذات الصديق الاهبل,تحبها من اول نظرة وتراقب حركاتها وسكناتها, تلاحظك هى لكن تعمل ماشايفة وتتلاهى بمكالمة وهمية فى موبايلها وهى ترمقك من طرف خفى كما يفعل الصياد المحترفالمهم تتعارفوا بواحدة من الطرق الكثيرة وجلسة جلستين فى الكافتريا ثم (ياهناى والله انا ماممكن اطلع وانزل معاك كدا ساى, الناس تقول علينا شنو؟ سمعتى حتبوظ) ثم تمسح دمعة وهمية من عينيها فتأخذك الحماسة وتقول (والله ياسوسو_ودا اسم دلع يقبل آلاف الاسماءمنعا للمشاكل_انا ناوى اصل بيتكم بس انتى عارفة الظروف والعرس بيكلف كتير وووووو) فتقاطعك سوسو بحنية ثعلبية وبنعومة الافاعى (انا مادايرة منك شى, انت بس تعال اخطب والعرس يتأجل لحد ماالظروف تتحسن) فتصدق الكلام من عوارتك وتحدد يوم الخطبة وتأخذ ثلة من اهلك وقليل من جيرانك واصدقاءك وتقصد بيت الملاك المختار وتفاجأ انت واهلك بحشد كبير فى بيت العروس وخيمة كبيره امام البيت وصوت المايكرفون يردد (تست تست واحد اتنين تلاتة تست تست) تأخذك الدهشة قبل ان يأخذك ابو العروس جانبا, يعدل عمته التوتل ثم يقول (والله ياولدى انحنا خطوبة ومسخرة ودخلة ومرقة ماعندنا,عشان كدا قررنا نعقد ليكم طوالى والعرس بالراحة) ثم بأبتسامة محذرة (ولا رايك شنو؟) وقبل ان تدلى برأيك غير المعتد به اصلا يكون وكيلك ووكيلها قد اتموا عقد القران فى الخيمة وتحولت انت بقدرة قادر من مشروع خطيب الى زوج-مع وقف التنفيذ-بسرعة البرق ثم يغمرك المعازيم (مبروك ياعريس مبروك ياعريس بيت مال وعيال) وانت كاضم ماقادر ترد وتسمع احدى عمات العروس وهى تقول (شوفوا ياخوانى من الفرحة لمن ماقادر يتكلم) ثم تطلق زغرودة مدوية وهى تبتعد تجتاحك معها رغبة فى لكمها فى فمها لتخرس الى الابد .. فرغم انها صارت شرعا حرمك المصون الا انه يجب عليك ان تقوم بطقوس مهولة ومراسم عرس كامل لأستلامها!!! وعندما تثور على الوضع وتحلف بالطلاق ان تمشى تجرها من شعرها وتجيبا بيتك بدون حفلات او كلام فارغ وتخلص .. تفاجأ بأن المعارضة تأتيك من الداخل أى امك واخواتك (ليه مادايرنا نفرح بيك؟ انحنا اقل من الناس البسوو الاعراس؟ والله لو ماعملت عرس ماعافيين منك؟ عليك الله عاين دا, داير الجارات ياكلن وشنا؟) فترضخ للأمر الواقع وتبيع قطعة ارض ورثتها عن جدك الرابع عشر وترهن بيت ابوك وتبيع الكمبيوتر والموبايل وتزوغ ببعض الصناديق ثم تستلف من 10-15صديق واخيرا جدا تجد نفسك حالق جديد ولابس بدلة سوداء لون الحداد!!!- متأبط شرا هي عروسك المصونة والتى جاءتك فى هيئة فيل صغير بعد ان نجحت وصفات التسمين التى قامت بها العمات والخالات وبعض الصديقات الخبيرات, تأتيك متدحرجة فى فستان ابيض-لون الفرح!!! -فتجلسا تحت بقعة ضوء مزخرفة عليها كرسيان تعرف بالكوشة- والتى لاول مرة تدرك معناها- الجميع فى الحفل فى رقص هستيرى والفنان يصدح بسعادة غير مبررة (شن بتقولوا فى الفرح البعذب سيده والريد البضيع زولوا!!) فتلمس الاغنية فيك اوتارا حساسة وتكاد تطفر الدموع من عيونك, وتجول عيناك على الحضور السعيد وتتوقف عيونك على آخر العزاب من اصدقاءك وهو يرنو اليك بحسد تارة وتجول عيناه بين الحسناوات تاره اخرى وتكاد تقرأ افكاره وهو يفكر (هسى فلان الاهبل دا عرس وانا قاعد براى زى تور الساقية؟) فتكاد تصرخ فيه محذرا ولكن صوتا خبيثا فى داخلك يهمس بمكر وحقد (وانا مالى, هو أنا فى زول حذرنى؟)؟"عشان كدا لمن تمشي مناسبة حتلقى الجكس بعاين ليك وبيبتسم ليك أعمل حسابك لأنو بضحك عليك ودنقر راسك طوالي وأعمل فيها أهبل ولو حاولت تتكلم معاك وتشاغلك أبكي عشان تقول عندو نفسيات ولو أصرت وعملت فيها مصلح ودكتورة أصرخ وأقطع فيه كف وقوم جاري أخير ليك يقولوا مجنون من يحننوك بالجد" نصيحة من داقس (انتو ما سمعتو بالمثل الساير اليومين ديل البمد صباعو بيجرو من ضراعو والبعاين بعينينو بيجرو من اضنينو)نصيحه من داقس تو
|
Post: #2
Title: Re: العريس الداقس،،،، نصيحة لكا عزابي ..... "منقول و الله""
Author: Tabaldina
Date: 02-09-2010, 02:18 PM
Parent: #1
..
.
Quote: تحس بالقلق عندما تجد ان معظم اصدقاءك قد دخلو القفص الذهبى طائعين مختارين_
اؤمن تماما بمسألة القفص ولكن لدى تحفظات كثيرة على حكاية ذهبى دى_المهم تحس
وتأخذك غضبة حمقاء وتناجى نفسك وانت فى حفلة زواج بالخطر احد الاصدقاء
(والله الواحد بعد دا يشوف ليه مرا. معقول هناى الاهبل دا يعرس وانا لسه قاعد براى زى تور الساقية) |
والله دا واقع حال مبالغة؛
Quote: (والله ياولدى انحنا خطوبة ومسخرة ودخلة ومرقة ماعندنا,
عشان كدا قررنا نعقد ليكم طوالى والعرس بالراحة) |
دى المكنة البتجهج الحال..
______
Thx Ya Nosa, YMMD
|
Post: #3
Title: Re: العريس الداقس،،،، نصيحة لكا عزابي ..... "منقول و الله""
Author: نوسة
Date: 02-09-2010, 02:36 PM
Parent: #2
سلامات يا تبلدينا
كيف حالك؟؟؟
شفت الكلام دة،،، بعدين أبقى نجيييييض و ما تخلي زول يجهجهك زي داقس تو دة،كويس؟؟؟؟ ههههههه
|
Post: #4
Title: Re: العريس الداقس،،،، نصيحة لكا عزابي ..... "منقول و الله""
Author: محمد عبدالله مختار
Date: 02-09-2010, 04:06 PM
Parent: #3
ايناس سلامات ..
غايتو ضحكت لمن بدت نواجذي!
لكن النجيضة على قول ود الصايم : أنا ندمان على الزمن الكنت فيهو (عنقالي) أو (عزابي) .. وياريتني كان عرست من بدري .
الحمد لله مما اتزوجت وأنا مبسوط أساله عز وجل أن يديم علي هذه النعمة .
لكن زي ما بقولو : المرأة (بطيخة مقفولة) .. وهو وحظو ، وبرضو بالنسبة للمرأة الرجل (بطيخة مقفولة) وهي وحظها .
تحياتي
|
Post: #5
Title: Re: العريس الداقس،،،، نصيحة لكا عزابي ..... "منقول و الله""
Author: بكري عباس علي
Date: 02-09-2010, 04:08 PM
Parent: #3
ا لعريس دا دقس واتلحس
|
Post: #6
Title: Re: العريس الداقس،،،، نصيحة لكا عزابي ..... "منقول و الله""
Author: نوسة
Date: 02-09-2010, 04:23 PM
Parent: #5
السلام عليكم
تسلم أخي محمد عبد الله مختار، و إن شاء الله دايماً مبسوط....
فعلاً الزواج دة بس شختك بختك، و إن شاء الله كل الأولاد حظهم زي حظك و ربنا يخليكم لي بعض و يرزقكم صالح الذرية....
بس يا ريت الناس يرجعوا لي الحديث الشريف: "أقلهن مهراً أكثرهن بركة".....
لك تحياتي
|
Post: #7
Title: Re: العريس الداقس،،،، نصيحة لكا عزابي ..... "منقول و الله""
Author: نوسة
Date: 02-09-2010, 04:27 PM
أخي الكريم بكري
لك تحياتي
صحي هي لحسة نصاح؟؟؟؟ غايتو الله يهدي البنات و يقبلن بالقليل لكي يسعدن بالزواج قبل فوات الأوان و "المكابسة" بعدين...
أتمنى لك التوفيق
|
Post: #8
Title: Re: العريس الداقس،،،، نصيحة لكا عزابي ..... "منقول و الله""
Author: معاذ حسن
Date: 02-09-2010, 04:38 PM
Parent: #7
كلام جميل من كاتب لذيذ
شكرا نوسه
|
Post: #9
Title: Re: العريس الداقس،،،، نصيحة لكا عزابي ..... "منقول و الله""
Author: مريم بنت الحسين
Date: 02-09-2010, 05:07 PM
Parent: #8
نوسه ازيك
انتو قصّة البمشي يخطب، يقوموا يكلبشوه يعقدوا ليه دي شنو بالضبط!؟
ويييييين التقله يا بنات، ويا أهل البنات؟
ويييييييين ادونا فرصة نسأل عنّه.. وعندنا شوره نشاور الاعمام والخيلان! الحاصل إيه بالضبط!؟
|
Post: #10
Title: Re: العريس الداقس،،،، نصيحة لكا عزابي ..... "منقول و الله""
Author: محمد عبد الماجد الصايم
Date: 02-10-2010, 08:28 AM
Parent: #9
ماف زول ضيّعنا غير زولكـ دا يا نوسة!
هسّي لو بطل غتاتة وورانا الحاصل شنو
ما كان الواحد عمل فيها مجنون!!
|
Post: #11
Title: Re: العريس الداقس،،،، نصيحة لكا عزابي ..... "منقول و الله""
Author: ياسر بيناوي
Date: 02-10-2010, 08:50 AM
Parent: #10
| Quote: وتجول عيناك على الحضور السعيد وتتوقف عيونك على آخر العزاب من اصدقاءك وهو يرنو اليك بحسد تارة وتجول عيناه بين الحسناوات تاره اخرى وتكاد تقرأ افكاره وهو يفكر (هسى فلان الاهبل دا عرس وانا قاعد براى زى تور الساقية؟) فتكاد تصرخ فيه محذرا ولكن صوتا خبيثا فى داخلك يهمس بمكر وحقد (وانا مالى, هو أنا فى زول حذرنى؟)؟"عشان كدا لمن تمشي مناسبة حتلقى الجكس بعاين ليك وبيبتسم ليك أعمل حسابك لأنو بضحك عليك ودنقر راسك طوالي وأعمل فيها أهبل ولو حاولت تتكلم معاك وتشاغلك أبكي عشان تقول عندو نفسيات ولو أصرت وعملت فيها مصلح ودكتورة أصرخ وأقطع فيه كف وقوم جاري أخير ليك يقولوا مجنون من يحننوك بالجد |
عشان كدة نحن عذابة لي يوم الليلي
خالص الود
|
Post: #12
Title: Re: العريس الداقس،،،، نصيحة لكا عزابي ..... "منقول و الله""
Author: عبداللطيف خليل محمد على
Date: 02-10-2010, 09:09 AM
Parent: #11
يمينا بالله الزول دا بعرفني ..
|
Post: #13
Title: Re: العريس الداقس،،،، نصيحة لكا عزابي ..... "منقول و الله""
Author: MOHAMMED ELSHEIKH
Date: 02-10-2010, 09:13 AM
Parent: #12
من روائع قصص الزواج
اهدي هذه القصة لكل شخص مقبل على الزواج
Quote: في قديم الزمان، سأل شاب فتاة :
هل تقبلين الزواج بي ؟؟؟؟؟؟
قالت : لا
فـعاش الشاب حياة سعيدة للأبد
|
-------------------------------------------------------------------------------------------------
|
Post: #14
Title: Re: العريس الداقس،،،، نصيحة لكا عزابي ..... "منقول و الله""
Author: نوسة
Date: 02-13-2010, 03:34 PM
Parent: #13
سلامات
يا محمد الشيخ، و الله لكن قصتك رهيييييييييييييبة.... ههههههههههههه
ريحتو و ريحت الناس...
|
Post: #15
Title: Re: العريس الداقس،،،، نصيحة لكا عزابي ..... "منقول و الله""
Author: نوسة
Date: 02-13-2010, 03:38 PM
Parent: #8
شكراً ليك يا معاذ
و يا مريومة إزيك؟؟ و الله أسي أنا قصة "كلبيش" الوليدات و توريطهم من غير تخطيط للزواج في الوقت الراهن دة مزعلني زعل....
بس نحن السودانين ديل مشكلتنا المحاكاة، القصة دي عملوها كام أسرة كدة، و خلاص بقت عادة بعد دة، الولد يمشي يخطب و يدو في قلبو... و يا صابت و يا خابت.... ههههه
|
Post: #16
Title: Re: العريس الداقس،،،، نصيحة لكا عزابي ..... "منقول و الله""
Author: نوسة
Date: 02-13-2010, 03:40 PM
Parent: #15
شكراً لجميع المتداخلين
محمد الصايم و ياسر و عبد اللطيف
|
Post: #17
Title: Re: العريس الداقس،،،، نصيحة لكا عزابي ..... "منقول و الله""
Author: Dr. Ahmed Amin
Date: 02-13-2010, 04:50 PM
Parent: #16
Quote: واخيرا جدا تجد نفسك حالق جديد
ولابس بدلة سوداء لون الحداد!!!- |
الناس جنت عديل .. لكن مع البورة البقت مالية
البلد .. الناس بقت خايفة من العريس يطفش ..
عشان كدي يكنكشو فيه بأي طريقة ...
جنس محن ..
|
|