الثعالب

Post: #1
Title: الثعالب
Author: البدري عبد الله
Date: 02-09-2010, 11:29 AM
Parent: #0

اول شي الموضوع ده علمى بحت ..
ليس به اي نوع من انواع التشفير السائدة

Post: #2
Title: Re: الثعالب
Author: البدري عبد الله
Date: 02-09-2010, 11:32 AM

هي محاولة لتسليط الضؤ على هذا النوع من الكائنات من اجل المزيد من المعرفة

Post: #3
Title: Re: الثعالب
Author: البدري عبد الله
Date: 02-09-2010, 11:34 AM
Parent: #2

كما اود ان انوه الى حق الجميع في المشاركة ورفد المعلومات دون الاخلال بغرض البوست

Post: #4
Title: Re: الثعالب
Author: البدري عبد الله
Date: 02-09-2010, 11:37 AM
Parent: #3

دعوة خاصة للاخوة والاخوات (البياطرة) والمختصين في علم (السلوك الحيواني ) للمشاركة والادلاء بارائهم .

Post: #5
Title: Re: الثعالب
Author: البدري عبد الله
Date: 02-09-2010, 11:46 AM
Parent: #4

التصنيف العلمي

النطاق -- ----- حقيقيات النوى
المملكة -------- الحيوانات
الشعبة -------- الحبليات
الطائفة ------- الثدييات
الرتبة ------- آكلات اللحوم
الفصيلة ------ الكلبيّات

حسب الويكيديا

Post: #6
Title: Re: الثعالب
Author: البدري عبد الله
Date: 02-09-2010, 11:49 AM
Parent: #5

الصفات العامة
Quote: تعيش معظم الثعالب حوالي سنتين أو ثلاثة في البريّة، ولكنها قد تعمّر إلى 10 سنوات أو أكثر في الأسر.يبلغ حجم معظم الفصائل حجم القطط المستأنسة حيث تعتبر الثعالب أصغر أعضاء فصيلة الكلبيّات، ومن الصفات الخارجيّة المميزة الأخرى الخطم الدقيق والذيل الكثّ الكثيف، وتختلف بعض الصفات الأخرى طبقاً للمسكن أو البيئة التي تقطنها الفصيلة فمثلاً يمتلك ثعلب الفنك أذنين كبيرتين وفراءً قصيراً بينما يمتلك الثعلب القطبيّ أذنين قصيرتين وفراءً سميكاً عازلاً.الثعالب حيوانات متوحدة على عكس العديد من الكلبيّات الأخرى، وهي مفترسات منتهزة للفرص تقتات على مجموعة متنوّعة من الأغذية مثل القوارض بشكلٍ خاص بالإضافة للجنادب والفواكه والأعناب.تعتبر الثعالب حيوانات حذرة ولا تقرب البشر في العادة، كما لا يحتفظ بها كحيوانات أليفة بالرغم من أن الثعلب الفضّي دجّن بنجاح في روسيا بعد 45 سنة من التزاوج الإنتقائي.تتواجد الثعالب الآن في بعض المناطق في المدن والحدائق المنزليّة.

Post: #7
Title: Re: الثعالب
Author: البدري عبد الله
Date: 02-09-2010, 11:52 AM
Parent: #6

اجناس الثعالب

Quote: جنس الثعلب القطبيّ (الثعلب القطبيّ)
جنس الثعلب آكل السرطان (الثعلب آكل السرطان)
جنس ثعلب جزر الفولكلاند (ثعلب جزر الفولكلاند)
جنس الفنك (ثعلب الفنك أو ثعلب الصحراء)
جنس الثعلب الأشيب (الثعلب الأشيب)
جنس الثعلب الخفّاشيّ الأذنين (الثعلب الخفّاشيّ الأذنين)
جنس Pseudalopex(أربعة فصائل من أميركا الجنوبيّة)
جنس Urocyon(الثعلب الرّماديّ، ثعلب الجزر، ثعلب كوزوميل)
جنس الثعالب الحقيقيّة (الفصائل العشرة للثعالب "الحقيقيّة"، كما يصنفها العلماء، بما فيها الثعلب الأحمر

Post: #8
Title: Re: الثعالب
Author: على محمد الخير
Date: 02-09-2010, 12:43 PM
Parent: #7

العزيز ابو عبد الله ،،
تحياتى .. مالك الايام دى متخصص حيوانات .. وجد انا دار بذهنى انك ح تعمل بوست مرادف تسميهو حملان المنبر .. على عكسية ضباع المنبر ... لانه المنبر ملىء بالحملان الوديعة... والشاهد هنا الوداعه التى تميز بعض البورداب الذين لا ناقة لهم ولا جمل و لاحول لهم ولا قوة مع ضباع وذئاب المنبر ... لكن شايفك انتقلت للثعالب ... اتمنى اعطاء الحملان حقهم من التناول ... ومتابعين...

Post: #9
Title: Re: الثعالب
Author: Faisal Elrasheed
Date: 02-09-2010, 12:59 PM
Parent: #8

Quote: اتمنى اعطاء الحملان حقهم من التناول ... ومتابعين...

وما تنسو البيض..
ماشا الله منبركم ملئ بالبيض

Post: #10
Title: Re: الثعالب
Author: البدري عبد الله
Date: 02-09-2010, 02:38 PM
Parent: #8

Quote: اتمنى اعطاء الحملان حقهم من التناول

ود الخير التحايا والود لشخصك المستمتع بعزوبيته
لكل مقام مقال ...وهنالك اولويات ..كنت اتمنى ان تسهم معنا في تحليل وتفكيك السلوك (الثعلباني)

Post: #11
Title: Re: الثعالب
Author: البدري عبد الله
Date: 02-09-2010, 02:45 PM
Parent: #10

Quote:
وما تنسو البيض..
ماشا الله منبركم ملئ بالبيض

اخونا فيصل الرشيد بيقصد يا اخوانا فصيلة الثعالب ذات اللون الابيض وجمعها (بيض ) بكسر الباء ..عشان مافي زول بفهمو غلط

Post: #12
Title: Re: الثعالب
Author: Faisal Elrasheed
Date: 02-09-2010, 02:55 PM
Parent: #11

Quote: عشان مافي زول بفهمو غلط

ابدا والله يا البدري انا قاصد الناس البيض ..
من باض يبيض فهو بيض او بيضه ..
او كما قال وهبه (اختصاصي الكشف عن البيض)..

ــــــــــــــــــــ
وين خالك امين ياسمين ..ووين اعتذارك

Post: #13
Title: Re: الثعالب
Author: البدري عبد الله
Date: 02-09-2010, 03:15 PM
Parent: #12

Quote: ابدا والله يا البدري انا قاصد الناس البيض ..
من باض يبيض فهو بيض او بيضه ..
او كما قال وهبه (اختصاصي الكشف عن البيض)..

غايتو با فيصل انا عملت العلي ..اسوي ليك شنو تاني ..اصلو قالوا من ترك عادته قلّت سعادته ..يالله شد حيلك مع الهجمات المرتدة وخليك حريف ما تبقى لينا زي كرومي في موقعة سادومبا المسماة ذات الجنبتين

Quote:
وين خالك امين ياسمين ..ووين اعتذارك

خالك قالوا نايم او كما زعم ..وشايف لي واحد بهناك قال نوم الظالم عبادة

Post: #14
Title: Re: الثعالب
Author: HAIDER ALZAIN
Date: 02-09-2010, 03:21 PM
Parent: #13

اها يا امين محمد سليمان ..

اقعد شكر لي في بدري دا وقول فيهو ما قال مالك في الخمــر ..

اهو وصفك كثعلب من ثعالب البورد .. خم وصر .. عشان تاني تشكروهو انت وخالد عبد الله

الوصفو كثعلب ازرق ..

Post: #15
Title: Re: الثعالب
Author: البدري عبد الله
Date: 02-09-2010, 03:32 PM
Parent: #14

هو يا حيدر الزين ما تغير لينا مسار البوست بالله ...انت لو بتقرا كويس كان عرفت انو البوست موضوعو علمي بحت ..وما ليه اي علاقة بالحاجات الفي راسكم انت وفيصل الرشيد واخرون اعلمهم تمام العلم...عالم تحب المشاكل

انت يا حيدر الطرائد كملت في البلد دي ولا شنو ؟!! شايفكم اتلميتوا بي جاي!!

Post: #16
Title: Re: الثعالب
Author: HAIDER ALZAIN
Date: 02-09-2010, 03:40 PM
Parent: #15

Quote: انت يا حيدر الطرائد كملت في البلد دي ولا شنو ؟!! شايفكم اتلميتوا بي جاي!!

أبداً يا بدري يآخ انا اصلاص ما بتاع مطاردات ..

بس لقيت فيصل الرشيد عاوز يحرف بوستك عن مسارو بقصة البيض الانت ناوي تفتحو بعد يومين زي ما كلمتني وتجيب فيهو ناس بالاسم ..

فقلت اوقفوا في حدو قبال ما يجي امين سليمان وخالد عبد الله يزعلوا منك لاني واثق انهم حا يشاكلوك ويطالبوك بإعتذار زي الاعتذرت بيهو لفيصل الرشيد لانك وصفتهم بالثعالب

آآآآي نعم بتفق معاك زي ما انت قلت امين دا كبيــر الثعالب المتثاعلبة بس كمان يآخ خالد عبد الله ذنبو شنو يبقي ثعلب ازرق ؟!

ـــــــــ

Post: #17
Title: Re: الثعالب
Author: Faisal Elrasheed
Date: 02-09-2010, 03:41 PM
Parent: #13

Quote: يالله شد حيلك مع الهجمات المرتدة وخليك حريف

تعرف يا البدري ..
اكعب حاجه تجيك هجمة من البيض..
لانه زي ما عارف البيض ما بتحمل ..لو حاولته تصده بتكسر فيك ..
وتبقي في موضوع الريحه ..

واللزوجه

حتعتذر متين انت ؟؟....

Post: #18
Title: Re: الثعالب
Author: خالد عبد الله محمود
Date: 02-09-2010, 03:56 PM
Parent: #17

حيدر الزين و بقية ضباع المنبر ..

ياخ إنتو ناس ما عندكم حس فني ..
الثعلب ده حيوان راقي جداً و أكثر حاجة بتعجبني فيهو إنو نظييييييييف أربعة و عشرين ساعة دي بعملها كيف ما عارف !!!
الثعلب مقتنع إنو حجموا ما بيأكلو عيش فقال لازم يستعمل مخو عشان يعيش ( عقابلكم يا ضباع )

الثعلب الأزرق

شوف الوجاهة دي عليكـ الله يا حيدر الزين يا حاقد ...

Post: #27
Title: Re: الثعالب
Author: البدري عبد الله
Date: 02-09-2010, 07:36 PM
Parent: #18

Quote: الثعلب مقتنع إنو حجموا ما بيأكلو عيش فقال لازم يستعمل مخو عشان يعيش

خذوا الحكمة من اخيكم خالد ايهاالضبااااااااع..

Post: #26
Title: Re: الثعالب
Author: البدري عبد الله
Date: 02-09-2010, 07:32 PM
Parent: #17

Quote: حتعتذر متين انت ؟؟....

يافيصل ياخ ما تبطلوا قصة اللف والدوران البتعملوا فيها انت وصاحبك داك ..وتمشوا تعتذروا دغري للشاعر والاخو بتاع السفينة بدل ما تكرهوني العيشة بي رجاءاتكم انو اعتذر بالنيابة عنكم..تاني اصلو مافي ..

Post: #19
Title: Re: الثعالب
Author: mayada kamal
Date: 02-09-2010, 04:10 PM
Parent: #11

Quote: اخونا فيصل الرشيد بيقصد يا اخوانا فصيلة الثعالب ذات اللون الابيض وجمعها (بيض ) بكسر الباء ..عشان مافي زول بفهمو غلط

كتلت ليه الدش يااااااااااخ

Post: #20
Title: Re: الثعالب
Author: داليا حافظ
Date: 02-09-2010, 04:32 PM
Parent: #19

بالله ياالبدري لمن تصل لي بوست "الغزلان" قول عوووك ..غالبا بنكون في المراعي الحولك ..

Post: #21
Title: Re: الثعالب
Author: على محمد على بشير
Date: 02-09-2010, 05:58 PM
Parent: #20

بسم الله نبدأ فى لستة الثعالب

1/ امين محمد سليمان

امسك عندك واحد يا البدرى اخوى ..

Post: #30
Title: Re: الثعالب
Author: البدري عبد الله
Date: 02-09-2010, 07:58 PM
Parent: #21

Quote: بسم الله نبدأ فى لستة الثعالب

1/ امين محمد سليمان

امسك عندك واحد يا البدرى اخوى ..

يا ابو علوة بالله اعيد واكرر انو الغرض من البوست ده علمي بحت ..واي تشابه في الصفات او الاشكال سوف يكون مجرد مصادفة ليس الا ...فبالله ما تولع لينا النيران ياخ..

Post: #22
Title: Re: الثعالب
Author: على محمد على بشير
Date: 02-09-2010, 06:00 PM
Parent: #20

Quote: بالله ياالبدري لمن تصل لي بوست "الغزلان" قول عوووك ..غالبا بنكون في المراعي الحولك ..

قرقرقرقرقرقرقرقرقر

يجازى محنك يا داليا

Post: #23
Title: Re: الثعالب
Author: Yassir Tayfour
Date: 02-09-2010, 06:10 PM
Parent: #20

Quote: بالله ياالبدري لمن تصل لي بوست "الغزلان" قول عوووك ..غالبا بنكون في المراعي الحولك ..

___
ترعو "بي قيدكم" في خير وسعادة، لووول

Post: #24
Title: Re: الثعالب
Author: ممدوح أبارو
Date: 02-09-2010, 06:16 PM
Parent: #23

Quote: بالله ياالبدري لمن تصل لي بوست "الغزلان" قول عوووك ..غالبا بنكون في المراعي الحولك ..

يا عمتك انتي ما بتتوبي من المرعي الحريري داك والله شنو

اب تفة هو داب رعي

Post: #25
Title: Re: الثعالب
Author: حمزه بابكر الكوبي
Date: 02-09-2010, 07:00 PM
Parent: #24

Quote: ود الخير التحايا والود لشخصك المستمتع بعزوبيت

لوووووووووووووووووووووووووووووووول
يا ابوعبدالله الثعالب حجونا بها وقالوا انها زكيه
لكن اول مره اشوف لي ثعالب حاسده

Post: #37
Title: Re: الثعالب
Author: البدري عبد الله
Date: 02-09-2010, 11:42 PM
Parent: #25

Quote: لكن اول مره اشوف لي ثعالب حاسده

والله يا ابو الباسل الله لا وراك حسادة الثعالب ..حسادة من نوع تاني بعيد عنك ....
هذا ما يخص الثعالب اما بشأني فاخوك والله (بقران) وليس بحاسد.

Post: #31
Title: Re: الثعالب
Author: البدري عبد الله
Date: 02-09-2010, 08:01 PM
Parent: #24

Quote: Yassir Tayfour

Quote: ممدوح أبارو

ما قلتليك يا اختنا ..القصة دي ما تمر باخوي واخوك ..

Post: #33
Title: Re: الثعالب
Author: Yassir Tayfour
Date: 02-09-2010, 08:43 PM
Parent: #31

البدري يا عمك،
من البوست الفات، أمين وعلي ديل شايلين حسي ساكت، يمين الغنماية "تلحس" عشاي..
____
أنا الأيامات دي طالب قانون، وداير إجتهد، بكرة من الصباح، بمشي الفلي ماركت، أو الفاليو فيليدج، أيهما أرخص، أجيب بدلة وكرفتتين، واحدة حمراء والتانية لونا "رقراقي"، وبعد داك أشوف لي أقرب ست شاي أأجر لي منها بمبر، والموت جاكم، شي طعون، وشي سلبطة ساكت، وشي توثيق، وأسعارنا لا تضاهى، مجانية، كباية شاي، فطرة، حق التمباك، حق السجاير، حق المواصلات، و حق المدايِّد لمن إستطاع إليه سبيلا..

Post: #29
Title: Re: الثعالب
Author: البدري عبد الله
Date: 02-09-2010, 07:54 PM
Parent: #20

Quote: بالله ياالبدري لمن تصل لي بوست "الغزلان" قول عوووك ..غالبا بنكون في المراعي الحولك

واللييييييييييييييييييييلة ..بالغتي يا اختنا داليا ..ده شنو العملتيهو ده ..ياخ انتي ما كلموك انو جميع الفصائل المتوحشة تعاني من قلة الطرائد والفرائس اليومين ديل ..ياخ ديل والله يشموا ريحة فيل ساي يجوا كابسين in no time خلي يسمعوا انو في غزال عدييييييييل حايم في المراعي كمان ..غايتو هسي بيكونوا اتلملموا وجو طايرين طيران ..

Post: #32
Title: Re: الثعالب
Author: HAIDER ALZAIN
Date: 02-09-2010, 08:36 PM
Parent: #20

يا جماعة بالله سؤال فقهي وكدة

إنتو فصيلة الغزلان دي من آكلات الاعشاب او من ذوات المخلب ..

عشان الارانب تعمل حسابها في المرعي المحيط إياه

Post: #44
Title: Re: الثعالب
Author: داليا حافظ
Date: 02-10-2010, 12:52 PM
Parent: #32

Quote: إنتو فصيلة الغزلان دي من آكلات الاعشاب او من ذوات المخلب ..

بحسب هيئة العلماء"الفتاية" ..هي "Vegetarian"..لكن ماااا عندها عشبة مرة ..لوووول

Post: #28
Title: Re: الثعالب
Author: البدري عبد الله
Date: 02-09-2010, 07:40 PM
Parent: #19

Quote: كتلت ليه الدش يااااااااااخ

حليلك يا ميادة ..زي ديل عندهم الف دش كل ماتكتلي ليهم واحد ..يجيبوا التاني

Post: #34
Title: Re: الثعالب
Author: البدري عبد الله
Date: 02-09-2010, 09:00 PM
Parent: #28

Quote: البدري يا عمك،
من البوست الفات، أمين وعلي ديل شايلين حسي ساكت، يمين الغنماية "تلحس" عشاي..

يا ود طيفور الكلام ده قولوا لي زول ما عندو حديده
____
Quote: أنا الأيامات دي طالب قانون

طالب شنو يا وجيه ؟!! تصدق اخوك قايلك بروف عديييل لم شاف مرافعاتك في موقعة ذات الطعون فيرسس الافوكاتو

Post: #35
Title: Re: الثعالب
Author: أمين محمد سليمان
Date: 02-09-2010, 10:08 PM
Parent: #34

إنا لله ...!!!!

Post: #36
Title: Re: الثعالب
Author: البدري عبد الله
Date: 02-09-2010, 11:38 PM
Parent: #35

Quote: إنا لله ...!!!!

وانا اليه راجعون يا خال... خير ان شاء الله في شنو ؟!!

Post: #38
Title: Re: الثعالب
Author: مرتضى احمد عبد القادر
Date: 02-10-2010, 00:44 AM
Parent: #36

سلامات يالبدري
البدري هوووي انت زول بتاع مشاكل وفتن بتدردق في الناس يكتبو الأسامي مش

Quote: بسم الله نبدأ فى لستة الثعالب

1/ امين محمد سليمان

امسك عندك واحد يا البدرى اخوى ..

مع العلم انو عمو أمين البدري سبق ان صنفه ضبع ثعلباني

Post: #39
Title: Re: الثعالب
Author: البدري عبد الله
Date: 02-10-2010, 08:27 AM
Parent: #38

Quote: سلامات يالبدري
البدري هوووي انت زول بتاع مشاكل وفتن بتدردق في الناس يكتبو الأسامي مش

اصبحنا واصبح الملك لله..
انتو يا ناس تنوموا وتصحوا وبرضو ما تبطلوا الفتن وسؤ الظن ..اسامي شنو يا مرتضى ..البوست ده علمييييييييييييييي ومن اجل المعرفة فقط لا غير ...

Post: #40
Title: Re: الثعالب
Author: البدري عبد الله
Date: 02-10-2010, 10:21 AM
Parent: #39

عودة للموضوع الاصلي

Quote: تشبه معظم أنواع الثعالب صغار الكلاب، الا أن للثعلب ذيلا كثيفا ، كما أن له أذنين مدببتين وخطما طويلا حادا. ويبلغ طول معظم الثعالب 60 الى 70 سم ، اضافة الى 35 الى 40 سم لطول الذيل. ويزن الثعلب نحو 5 – 7 كيلوجراما .
وللثعلب سمع حاد وحاسة شم قوية، وهو يعتمد بشكل خاص على هاتين الحاستين من أجل تحديد الفريسة. ويستطيع الثعلب الأحمر سماع صوت الفأر على بعد 30م . وتشاهد الثعالب الأشياء المتحركة ولكن ربما لا تستيطع ملاحظة الأشياء الثابتة غير المتحركة .
وللثعلب أربع أصابع وإصبع داخلية لا وظيفة لها في كل من القدمين الأماميتين . والاصبع الداخلية هي ابهام غير متحرك ولا يلامس الأرض. ويوجد في كل قدم خلفية أربع أصابع ، وعند المشي أو الجري فان كفي القدمين الخلفيتين تقعان على إثر القدمين الأماميتين. وترفع معظم الثعالب ذيولها بشكل مستقيم أثناء الجري وتخفضها عند المشي. وربما ينام الثعلب وذيله فوق أنفه وفوق راحة أقدامه الأمامية. ويمتلك معظم الثعالب غددا للرائحة تفرز منها رائحة خاصة مميزة.

Post: #41
Title: Re: الثعالب
Author: على محمد على بشير
Date: 02-10-2010, 10:41 AM
Parent: #40

Quote: مع العلم انو عمو أمين البدري سبق ان صنفه ضبع ثعلباني

مرتضى يا ود اخوى

ماسمعت انتا بى سؤال المسطول لى اخوهو المسطول
لمن قال ليهو - الثعلب دا بيبيض ولا بيلد

المسطول التانى قال ليهو
والله الثعلب دا مكار
ممكن يبيض وممكن يلد .. اصلو ما مضمون

اها عمك امين دا مثال
ممكن يبيض ليك بوستيك زى الما حصل حاجه
وممكن يلد ليك المحن فى بوستيك لمن تأمن

Post: #42
Title: Re: الثعالب
Author: البدري عبد الله
Date: 02-10-2010, 11:25 AM
Parent: #41

Quote: مرتضى يا ود اخوى

ماسمعت انتا بى سؤال المسطول لى اخوهو المسطول
لمن قال ليهو - الثعلب دا بيبيض ولا بيلد

المسطول التانى قال ليهو
والله الثعلب دا مكار
ممكن يبيض وممكن يلد .. اصلو ما مضمون

اها عمك امين دا مثال
ممكن يبيض ليك بوستيك زى الما حصل حاجه
وممكن يلد ليك المحن فى بوستيك لمن تأمن

يا ابو علوة ياخ الله يهديك مشاكلكم انت والخال امين حلوها بعيد من البوست ده ...ياخ انا اعيد واكرر انو الهدف من الموضوع ده العلم والمعرفة ..يعني كونو تجي انت تتهم امين انو من الثعالب وما عارف شنو ..عشان عندك معاهو ضغينة ومشاكل قديمة ..ويجي هو كمان يتهمك بانك ضبع ..والقصة تجوط والبوست يتكعوج زي الماحاصل شي ...الموضوع ده انا ما برضاه والله ...وفي الاول وفي الاخر انتو الاتنين ناس اخوان وعيب تفرجوا خلق الله عليكم ..ارجو ان يلقى رجائي استجابة من (كليكما ).

Post: #43
Title: Re: الثعالب
Author: البدري عبد الله
Date: 02-10-2010, 11:29 AM
Parent: #42

Quote: حياة الثعالب
تعيش الثعالب في مجموعات عائلية أثناء تربية الصغار، وفي الأوقات الأخرى تعيش بشكل منفرد ، ولا تشكل أسرابا كما تفعل الذئاب. ويتم التزاوج بين الذكر والانثى في بداية فصل الشتاء حيث تسودهما روح المداعبة والتعاون في الصيد. واذا ما تم الامساك بأحد الزوجين من قبل عدو فان الآخر يهرب مسرعا من مخبئة ويعيش تائها ملاحقا .

العادات
تتصل الثعالب ببعضها عن طريق الدمدمة والعواء وكذلك تقوم بعمل محطات للرائحة عن طريق التبول عند نقاط متعددة، وتنبه محطات الرائحة هذه الثعالب في المنطقة الى وجود ثعلب آخر.

Post: #45
Title: Re: الثعالب
Author: Faisal Elrasheed
Date: 02-10-2010, 02:27 PM
Parent: #43

اها يا البدري...

عملته لينا شنو في موضوع البيض...
شايفك بتتزاوغ ليك يومين...

Post: #47
Title: Re: الثعالب
Author: البدري عبد الله
Date: 02-10-2010, 02:55 PM
Parent: #45

Quote: اها يا البدري...

عملته لينا شنو في موضوع البيض...
شايفك بتتزاوغ ليك يومين...

يا فيصل ياخ ..والله انت وباقي الجماعة مصرين انو تكعوجو البوست ده ليه انا ما عارف ؟!!..ياخ انا برضو بقول ليك نفس الكلام القلتو ليك يوم داك ..انو الاعتذار من شيم الاقوياء ..فيعني مافي داعي للوساطات والتشفير والرندوك وكدة ..امشي اعتذر دوغري ياخ ..وانا متاكد انو الزول داك وباقي الجماعة حيقبلوا اعتذارك بكل اريحية وطيب خاطر ..فيا حبوب الموضوع ما بيستاهل اللفة الطويلة دي كلها ..اضافة الى انو اخوك تعب من قصة الوساطات وانو كلو مرة يمشي يعتذر بالنيابة عن واحد فيكم ..

Post: #46
Title: Re: الثعالب
Author: على محمد على بشير
Date: 02-10-2010, 02:51 PM
Parent: #43

Quote: يا ابو علوة ياخ الله يهديك مشاكلكم انت والخال امين حلوها بعيد من البوست ده ...ياخ انا اعيد واكرر انو الهدف من الموضوع ده العلم والمعرفة ..يعني كونو تجي انت تتهم امين انو من الثعالب وما عارف شنو ..عشان عندك معاهو ضغينة ومشاكل قديمة ..ويجي هو كمان يتهمك بانك ضبع ..والقصة تجوط والبوست يتكعوج زي الماحاصل شي ...الموضوع ده انا ما برضاه والله ...وفي الاول وفي الاخر انتو الاتنين ناس اخوان وعيب تفرجوا خلق الله عليكم ..ارجو ان يلقى رجائي استجابة من (كليكما ).

قرقرقرقرقرقرقرقرقر

خلاص داير تزوغ من الموضوع يا البدرى وتوكرنى انا
ياخ انا امين ياسمين دا حبيبى عديل كدا
والبيناتنا عامره

المشكله عندك يا البدرى
شفت ( إنا لله ) الختاها ليك ومشى دى
دى ما ياها البيضه زاتا
ولادة المحن بتجيك بعدين , لمن يفضى ويجيك راجع

انا بى دورى بخلى البوست دا فووق طوالى
عشان نشوف ثعلبة امين دى كيف كمان

Post: #48
Title: Re: الثعالب
Author: HAIDER ALZAIN
Date: 02-10-2010, 02:59 PM
Parent: #46

Quote: شفت ( إنا لله ) الختاها ليك ومشى دى

والله يا علي نفس الشعور .. ما شفتني لبدت كيف طوالي من قريتها ..

يآخ امين دا صعب جداً وقت يقوم يزعل ويتنفخ خاصة ولو على زول وصفه بالثعلب..

هو شكلو كتبها لكن اتذكر انه مايكتب وهو غضبان وماشي يصلي ركعتين يهدأ ويرجع ..

عموماً بكدة يا البدري ما اظنه حا يعنون ليك بوست باسمك بس توقع انه حايجي يعمل عنكبة كبيرة جدا هنا

لذا وحفاظاً على وحدة وادي النيل والعلاقات وعدم اراقة الدماء فيا البدري اعتذر لامين دا

كما اعتذرت لفيصل الرشيد قبلاً واتجرست ليهو .. ويا دار ما دخلك شر..

ـــــــــــــ
شكراً يا على محمد علي بشير وإنت تقحم نفسك في خط لمحاولة تلطيف الاجواء حتي لا تولع حرب بين الاخوان ديل

Post: #50
Title: Re: الثعالب
Author: ممدوح أبارو
Date: 02-10-2010, 03:18 PM
Parent: #48

معقولة يابدري ياخ تختني في مداخلة واحدة مع اب تفة؟

Post: #52
Title: Re: الثعالب
Author: البدري عبد الله
Date: 02-10-2010, 03:25 PM
Parent: #50

Quote: معقولة يابدري ياخ تختني في مداخلة واحدة مع اب تفة؟

أبارو يا حبيبنا

انا برضو الختيتك مع اب تفة ولا الغزال الجانا زائر؟!!(عالم مستهبلة بشكل )

Post: #51
Title: Re: الثعالب
Author: البدري عبد الله
Date: 02-10-2010, 03:18 PM
Parent: #48

Quote: والله يا علي نفس الشعور .. ما شفتني لبدت كيف طوالي من قريتها ..

يآخ امين دا صعب جداً وقت يقوم يزعل ويتنفخ خاصة ولو على زول وصفه بالثعلب..

حتى انت يا ود الزين ..والله انتو عالم بطنكم غريقة خلاص !!! يعني مشكلتك الزمان مع الخال لسة ما نسيتها ..ياخ في كلام بتقال في ساعة غضب والزول بيكون ما قاصد ..ياخ عليك الله انعل الشيطان انت برضو وما تقعد تحرش لينا ابو علوة ده ..يعني كونو ابو علوة يتكلم عن ثعلبة الخال فاكيد الشيطان وسوس ليه بحكم خلافاتم الزمان ..الراجل هسي بيراجع في نفسو ..ما تجي انت تولع النيران ياخ !!

Post: #49
Title: Re: الثعالب
Author: البدري عبد الله
Date: 02-10-2010, 03:11 PM
Parent: #46

Quote: المشكله عندك يا البدرى
شفت ( إنا لله ) الختاها ليك ومشى دى

يا ابو علوة شايفك لسة مصر انك تصفي حساباتك القديمة مع امين في البوست ده !!!!..ياخ والله امين ده راجل طيب وحقاني واخو اخوان (وانت برضو كمان) ...انت بس فاهمو غلط ...كدي انت خت الكورة واطة والامور كلها بتمشي تمام ..مافي مشكلة ما عندها حل في الدنيا دي .. كدي الله يهديكم انعلوا الشيطان واتصالحوا ..ياخ الدنيا دي اخرة كوم تراب ..

Post: #53
Title: Re: الثعالب
Author: بشري الطيب
Date: 02-10-2010, 04:06 PM
Parent: #49

البدري سلامات ....
يحكي في البركلين وما جاورهما أن أحدهم جننتو الصبرة بهجومها يومياً على (كفاج الجداد) فشركلها بي الكجامة وقبضا وجاب الزردية قلعلها سنونا وفكاها وقالها بعد ده الجداد ده إلا تسويه شوربة.

Post: #54
Title: Re: الثعالب
Author: البدري عبد الله
Date: 02-10-2010, 04:59 PM
Parent: #53

بشرى يا ابن العم سلامات وشوق كتير والله ..تعرف اخوك كايس ليك ليهو زمن ..بجيك راجع بي رواقة ان شاء الله ..
Quote: يحكي في البركلين وما جاورهما أن أحدهم جننتو الصبرة بهجومها يومياً على (كفاج الجداد) فشركلها بي الكجامة وقبضا وجاب الزردية قلعلها سنونا وفكاها وقالها بعد ده الجداد ده إلا تسويه شوربة

تعرف يا بشرى والله هنا في كترة صبار الله يلمني فيهن ..حلف بالله قليع السنون ما يفش بطني ابدا ..اخوك عندو افكار جهنمية...بس كدي خلي الكجامة تقبض ..

Post: #55
Title: Re: الثعالب
Author: على محمد على بشير
Date: 02-10-2010, 05:20 PM
Parent: #54

Quote: شكراً يا على محمد علي بشير وإنت تقحم نفسك في خط لمحاولة تلطيف الاجواء حتي لا تولع حرب بين الاخوان ديل

شكرا اخوى حيدر على الشعور الطيب والنبيل دا تجاهنا
واخجلت تواضعنا .. وربنا يقدرنا نلطف الاجواء بين الاخوان

لكن يا حيدر اخوى البدرى دا ما قاعد يساعدنى فى تلطيف الاجواء
تتخيل بعد تعبى دا كلو جيت داخل البوست تانى
تتخيل لقيتو مهبب شنو

اها عليك الله يا حيدر اقرا كلامه الموجهه للخال امين ياسمين
واحكم انتا براك بس

Quote: تعرف يا بشرى والله هنا في كترة صبار الله يلمني فيهن ..حلف بالله قليع السنون ما يفش بطني ابدا ..اخوك عندو افكار جهنمية...بس كدي خلي الكجامة تقبض ..

اتخيل انتا بس يا حيدر
البدرى جايب ليهو كجامه ومشرك للخال امين
وحالف بى الله الا يقلع ليهو سنونو
اها يعنى امين دا تانى العجور الا يخلطوهو ليهو والا كيف

مشاكل غايتو ..

Post: #56
Title: Re: الثعالب
Author: HAIDER ALZAIN
Date: 02-10-2010, 06:43 PM
Parent: #55

Quote:

شكرا اخوى حيدر على الشعور الطيب والنبيل دا تجاهنا
واخجلت تواضعنا .. وربنا يقدرنا نلطف الاجواء بين الاخوان

لكن يا حيدر اخوى البدرى دا ما قاعد يساعدنى فى تلطيف الاجواء
تتخيل بعد تعبى دا كلو جيت داخل البوست تانى
تتخيل لقيتو مهبب شنو

اها عليك الله يا حيدر اقرا كلامه الموجهه للخال امين ياسمين
واحكم انتا براك بس

Quote: تعرف يا بشرى والله هنا في كترة صبار الله يلمني فيهن ..حلف بالله قليع السنون ما يفش بطني ابدا ..اخوك عندو افكار جهنمية...بس كدي خلي الكجامة تقبض ..

اتخيل انتا بس يا حيدر
البدرى جايب ليهو كجامه ومشرك للخال امين
وحالف بى الله الا يقلع ليهو سنونو
اها يعنى امين دا تانى العجور الا يخلطوهو ليهو والا كيف

مشاكل غايتو .

إنا لله وإنا اليه راجعون... البدري والله بالغ وزودها حبتين .. نعم الاتنين اصحابي وبقدرهم بس يا البدري كمان مافي داعي لفجور في الخصومة كدة والترصد والتربص بخصومك في اي زقاق.. سبحان الله غايتو يا علي محمد علي نسأل الله الهداية لاخونا بدري ويخلي حتة انه يقعد يترصد لامين ياسمين ويشتغل معاهو شغل الكديسة مع الفار في البحر او شغل الكايسك في الضلمة يحدر .. لكن من هنا ومن وسط متن بوست الثعالب بدعو لإدانة شاملة لاخونا بدري في التصريح دا خاصة وإنو جاي خاشي البوست دا وخاتي ليهو كجامة داسيها وراء ضهروا عاوز يقلع سنون امين الياسمين .... كدي يا علي اتخيل امين رجع السودان اجازة وقابلو وهبة وعزمو قندهار والبدري قلع سنونو بالكجامة ..!!اها يكد العضام ( كما سبق ) بسنون منو؟! .. قول العوض المسلمي قال يلاكا جبل اولياء نضرب سمك .. شوك السمك ينضفوا كيف.. يعملو ليهو العزومات كلها في حليوة يعني ويشرب قهوة وشاي ويتخارج !!! .. يا البدري يآخ انت كددة بتطفش ابناء الوطن من سبل العودة الطوعية لهم لحظيرة الوطن بطريقتك دي... سبحان الله .. ارجو جاد من جميع الاخوة اللذين تهمهم صفاء العلاقات بين البورداب ومن الحادبين على حقوق الانسان ومن اصدقاء البيئة إجبار البدري على إلقاء كجماته ارضاً بمواجهة امين محمد سليمان ولنجعل المواجهة يداً بمخلب فقط...

ــــــــــــــــ
يا علي والله يوم شكرك ما يجي ومشكور نبهتنا مرة اخري للمخطط الشيطاني الذي يتبعه البدري لشج راس وسنون امين سليمان وبذا وجب التحذير ..

دمت مع محبتي

Post: #57
Title: Re: الثعالب
Author: بشري الطيب
Date: 02-10-2010, 06:48 PM
Parent: #55

Quote: بشرى يا ابن العم سلامات وشوق كتير والله ..تعرف اخوك كايس ليك ليهو زمن ..بجيك راجع بي رواقة ان شاء الله ..

ود عمي كيفنك والشوق من هنا لي عندك ... وحبابك ألف في أي وقت وإنت ما الزول اليكوس أدنا خبر وتلقانا حضور.

Quote: تعرف يا بشرى والله هنا في كترة صبار الله يلمني فيهن ..حلف بالله قليع السنون ما يفش بطني ابدا ..اخوك عندو افكار جهنمية...بس كدي خلي الكجامة تقبض ..

طبعاً معروف إنو الصُبار في البرد حركتها بتزيد لذا يجب الإحتراز بي الكجامة ودي لازم تغيير محلها كل يوم وإن ما قبضت لازم تصحى الصباح بدري (تهبّرا) عشان ما تعوق لها زول ساكت...
وإن بقيت داير تفش بطنك شوفلك مُسلي وخيطلها خشما بي خيط الرمل حق السنارة عشان إن بقى دايرة تفتح خشما إلا تشوفلها نقلتي.

كن بخير

Post: #58
Title: Re: الثعالب
Author: HAIDER ALZAIN
Date: 02-10-2010, 07:04 PM
Parent: #57

سلامات صديقي بشري الطيب والبدري ...

نرجع لنقطة مصطلحات في نص بوست الشكل دا المدور بين البدري وامين سليمان ( ربنا يهديهم )

انت يا بشري قلت كجامة .... والكجامة البعرفها انا - ودلل عليها بدري بتقليع السنون - بفهمها انا بمعني زردية او الكماشة...

أما الشرك الممكن اصيد بيهو ثثعلب زي - امين دا - فبنسميهو فرنيب ( الفرنيب)

فهل في تضارب مصطاحات ثعلبانية هنا....

Post: #59
Title: Re: الثعالب
Author: بشري الطيب
Date: 02-10-2010, 07:19 PM
Parent: #58

أخانا حيدر الزين سلاماتنا وأشواقنا يارجل..
الكجامة ياها الشرك ويصنعها الحدادين من الياي عادة وهي حسب معجمك تعادل "الفرنيب" أما الشئ الجاب سيرة السنون والزردية فهو القصة هذه:
Quote: يحكي في البركلين وما جاورهما أن أحدهم جننتو الصبرة بهجومها يومياً على (كفاج الجداد) فشركلها بي الكجامة وقبضا وجاب الزردية قلعلها سنونا وفكاها وقالها بعد ده الجداد ده إلا تسويه شوربة.

كن بخير...

أخانا البدري ... يحكى أيضاً أن مصطفى البدوي (رحمه الله) قبض صبرة بكجامته ولكن كعادتها أطلقت الروائح النتة وإنتفخ جسمها فظنها ميتة ففكها من الكجامة فإنطلقت جرياً وهي تصيح صياحها المألوف طااااااااااطاااااااااا فقال لها انتي مرقتي لكن خربتي علي أخواتك وفي المرة القادمة ما كان منه إلا أن كسر كرعيها الأربعة وتركها.

Post: #60
Title: Re: الثعالب
Author: البدري عبد الله
Date: 02-10-2010, 07:40 PM
Parent: #57

Quote: وإن بقيت داير تفش بطنك شوفلك مُسلي وخيطلها خشما بي خيط الرمل حق السنارة عشان إن بقى دايرة تفتح خشما إلا تشوفلها نقلتي.

والله يا بشرى انا بي وصفك ساكت لي فش البطن شلت هم للصبرة وباقي اخواته..

Post: #61
Title: Re: الثعالب
Author: البدري عبد الله
Date: 02-10-2010, 07:42 PM
Parent: #60

Quote: يحكى أيضاً أن مصطفى البدوي (رحمه الله) قبض صبرة بكجامته ولكن كعادتها أطلقت الروائح النتة وإنتفخ جسمها فظنها ميتة ففكها من الكجامة فإنطلقت جرياً وهي تصيح صياحها المألوف طااااااااااطاااااااااا فقال لها انتي مرقتي لكن خربتي علي أخواتك وفي المرة القادمة ما كان منه إلا أن كسر كرعيها الأربعة وتركها

Post: #62
Title: Re: الثعالب
Author: waleed dawash
Date: 02-10-2010, 09:09 PM
Parent: #61

برز الثعلب يوما....فى ثياب الواعظينا

فمشى في الارض يهدي ........ويسب الماكرينا

ويقول الحمد لله ......اله العالمينا

ياعباد الله توبوا.....فهو كهف التائبينا

وازهدوا في الطير .......ان العيش عيش الزاهدينا

واطلبوا الديك يؤذن ......لصلاة الصبح فينا

فاتى الديك رسول .....من امام الناسكينا

عرض الامر عليه....وهو يرجو ان يلينا

فاجاب الديك عذرا......يااضل المهتدينا

بلغ الثعلب عني ........عن جدودي الصالحينا

عن ذوي التيجان.....ممن دخل البطن اللعينا

انهم قالوا وخير ..........القول قول العارفينا

مخطىء من ظن يوما.....ان للثعلب دينا

مع الثعلب في محنتة

Post: #63
Title: Re: الثعالب
Author: أمين محمد سليمان
Date: 02-10-2010, 10:41 PM
Parent: #62

Quote: مع الثعلب في محنتة
والله مافي زول عايز تضامن غير سيد البوست ده !! قاعد مبسوووووط ، ما عارف حاجه ساي !!!

Post: #65
Title: Re: الثعالب
Author: البدري عبد الله
Date: 02-10-2010, 11:52 PM
Parent: #63

Quote: والله مافي زول عايز تضامن غير سيد البوست ده !! قاعد مبسوووووط ، ما عارف حاجه ساي !!!

ده شنو كمان ده يا خال ؟!!! انت نسيت مشاكلك مع الجماعة وقبلت علي ولا شنو ؟ وانا المسكين اشيل واحامي ليك ..لكن برضو عشمي فيك ما كمل ..كدي روق المنقة شوية ..وانظر لي اللوحة من منظور استاطيقي واكيد حتعرف تقراها صاااح...

Post: #64
Title: Re: الثعالب
Author: البدري عبد الله
Date: 02-10-2010, 11:48 PM
Parent: #62

Quote: مع الثعلب في محنتة

يا ولي سلامات
انت اظنك قاصد مع الثعالب في محنها ..والله اعلم

.
.
.
----------------------
مشتاقين يا زول

Post: #66
Title: Re: الثعالب
Author: معتز مقبول
Date: 02-11-2010, 00:14 AM
Parent: #64

من ثعالب انتويرب يا البدري

مشتاقين يا اخونا

وصلناكم و ما شفناكم

الوليمه كانت رائعه في بيت اخونا دسوقي

وحتي وليمه اخري

Post: #67
Title: Re: الثعالب
Author: Yassir Tayfour
Date: 02-11-2010, 05:00 AM
Parent: #61

البدري
عندنا واحد متفلهم من قرايبنا، جاء من السعودية، وقال داير يعمل ليهو مزرعة بتاعت دواجن، يا زول جاب ليك الحديد والإسمنت والنملية التقيلة، مساحة بتاعت 50 متر في 5 أمتار، وملاها ليك جداد، لو بني آدم داير يسرق، لازم يجيب ليهو عدة عشان يقطع بيها الحديد والنملية، يا زول بعد كم شهر كده جات صبرة، تفتيحة أكتر من سيد الجداد، أظنها جاية من أوروبا، فحفرت ليك نفق مسافة متر، وجات داخلة للجداد بي مترو الأنفاق، صاحبك، لما جاء الصباح يلم البيض، لقى ليك الجداد كلو مفنقل، إفتكروا نائم، شويتين كده عرف الجداد أصابو مكروه، لكن دخل ليهو بي وين، ما عرف، يا زول الناس إتلمّت فيهو كفارة كفاره، واحد شليق لفّ بي ضهر القفص، أكان يلقى ليك النفق، ثمّ أردف: لكن والله دي صبرة شاطرة شطارة..

Post: #68
Title: Re: الثعالب
Author: Faisal Elrasheed
Date: 02-11-2010, 07:13 AM
Parent: #67

Quote: لكن والله دي صبرة شاطرة شطارة..

نعم اخي ياسر ..
اتمني ان يعي البدري هذا الدرس كما كبسور من قبله ..
واتمني ان يترجم هذه العظه الي اعتذار يحقن به الدماء ..

كما ارجو من الاخ امين ياسمين بصفته احد اجاويد البورد بالتدخل السريع لمنع البدري من ايراد اسماء (حميده ووهبه وتمبس وحيدر الزين) فهؤلاء لم يعتدو عليك يا البدري ولم يتداخلو معك وارجو ان يكون بينكم الاحترام فقط..
اخي البدري ..لا اريد ذكر ما دار بيننا في المسنجر اذ ان شغلانية المديده لا تصلح هنا ..
ارجوك يا اخ امين ان تتدخل حتي لا يتحول البورد الي ساحة حرب ..
خصوصا وانه كان قد شار الي اتصال بينكم وتعليقات صدرت منك لا ارضاها في حق هؤلاء الاخوه ..
فعيب عليك وانت الخال والكبير هنا ان تقوم بمثل هذه الالاعيب ومحاولة دس السم في البتاع ..
ارجو من الاخوة الذين تم ذكر اسماؤهم ان يتحلو بضبط النفس حتي يتمكن الاخ البدري من الاعتذار وكده ..
اي نعم هو انسان شليق لكن اهو الحصل حصل ..
ما قاله البدري من اهانة في حقكم لا يغير نظرتنا واحترامنا لكم ابدا ..
ارجو ان تسامحوه واعتبروه ود سغيروني وما عنده خبره في الحته دي..
اما اذا تعنت وابي الاعتذار فليكم اللحم والعضم
امين ..
الموضوع د امانة في رقبتك ..
لو حسيت انه بدا يتدلدل من رقبتك حاول شوف ليك صباع امير يا حبل تيل ..
والله لا يضيع اجر من احسن عملا..

Post: #69
Title: Re: الثعالب
Author: على محمد على بشير
Date: 02-11-2010, 07:48 AM
Parent: #68

با لله عليك يا فيصل , اخونا البدرى عمل الحاجات دى كلها
غايتو البدرى دا ما فضل ليهو الا يشرب السجاير

Post: #70
Title: Re: الثعالب
Author: Faisal Elrasheed
Date: 02-11-2010, 07:53 AM
Parent: #69

Quote: با لله عليك يا فيصل , اخونا البدرى عمل الحاجات دى كلها
غايتو البدرى دا ما فضل ليهو الا يشرب السجاير

اااييه يا علي ..السواهو البدري ما سبقو عليه زول ..
نقول شنو ونخلي شنو ...
غايتو ربنا يهديه ويوفق خالك امين لاثناءه عن ما ينوي ...
البدري ده احتمال يجيبه ضقله يكركب ..حينها لن يكفيه ماء الدنيا كلها ...

امين ياخ ما تتصرف سرعة قبل الموضوع يكبر ..
انا حيدر ووهبه ديل ما بضمنهم ليك اكتر من كده ..

ـــــ

Post: #71
Title: Re: الثعالب
Author: أمين محمد سليمان
Date: 02-11-2010, 08:00 AM
Parent: #68

Quote: كما ارجو من الاخ امين ياسمين بصفته احد اجاويد البورد بالتدخل السريع لمنع البدري من ايراد اسماء (حميده ووهبه وتمبس وحيدر الزين) فهؤلاء لم يعتدو عليك يا البدري ولم يتداخلو معك وارجو ان يكون بينكم الاحترام فقط..
اخي البدري ..لا اريد ذكر ما دار بيننا في المسنجر اذ ان شغلانية المديده لا تصلح هنا ..
ارجوك يا اخ امين ان تتدخل حتي لا يتحول البورد الي ساحة حرب ..
خصوصا وانه كان قد شار الي اتصال بينكم وتعليقات صدرت منك لا ارضاها في حق هؤلاء الاخوه ..
فعيب عليك وانت الخال والكبير هنا ان تقوم بمثل هذه الالاعيب ومحاولة دس السم في البتاع ..
ارجو من الاخوة الذين تم ذكر اسماؤهم ان يتحلو بضبط النفس حتي يتمكن الاخ البدري من الاعتذار وكده ..
اي نعم هو انسان شليق لكن اهو الحصل حصل ..
ما قاله البدري من اهانة في حقكم لا يغير نظرتنا واحترامنا لكم ابدا ..
ارجو ان تسامحوه واعتبروه ود سغيروني وما عنده خبره في الحته دي..
اما اذا تعنت وابي الاعتذار فليكم اللحم والعضم
امين ..
الموضوع د امانة في رقبتك ..
لو حسيت انه بدا يتدلدل من رقبتك حاول شوف ليك صباع امير يا حبل تيل ..
والله لا يضيع اجر من احسن عملا..
البدري طغي و تجبر و كان من العاليين ، لكن إن شاء الواحد الأحد بكره بعد بكره بنزلو !!!
يا فيصل الزول ده بكري المستضيفو و مدي باسويرد ما احترمو ، و الماسنجرات قااااعده و كلامو فيها وااااضح و فااااضح و كلو بوقتو !

------
إنت يا البدري فصاحتك الفي الماسنجرات دي ، مالك ما بتعملها هنا ؟!!

Post: #72
Title: Re: الثعالب
Author: أمين محمد سليمان
Date: 02-11-2010, 08:07 AM
Parent: #71

Quote: يا فيصل الزول ده بكري المستضيفو و مدي باسويرد ما احترمو ، و الماسنجرات قااااعده و كلامو فيها وااااضح و فااااضح و كلو بوقتو !
تصدق و تامن بالله يا فيصل ، البدري مرسل لي أول امبارح ماسنجر قال لي إنت بكري بالقروش الكتيره البيعملها من الإعلانات دي ما يمشي يزرع شعرو في كوبا !!
بالله ده الفاظ ده ؟!!!

------
بكري راجل حبوب و ما بزعل ، لكن كلامو في بشاشا أنا زعلني !

Post: #73
Title: Re: الثعالب
Author: على محمد على بشير
Date: 02-11-2010, 08:12 AM
Parent: #72

Quote: تصدق و تامن بالله يا فيصل ، البدري مرسل لي أول امبارح ماسنجر قال لي إنت بكري بالقروش الكتيره البيعملها من الإعلانات دي ما يمشي يزرع شعرو في كوبا !!
بالله ده الفاظ ده ؟!!!

كاااااااااااااااااااااك

والله لكن البدرى بيبالغ موبالغات عجيبه جدا يا امين
بالله لى بكرى سيد الحوس وصل ليهو

بس بالجمبه كدا يا امين
البدرى صنف بكرى شنو ؟

ضبع ام ثعلب ام اقطبوط ؟

Post: #74
Title: Re: الثعالب
Author: أمين محمد سليمان
Date: 02-11-2010, 08:15 AM
Parent: #73

Quote: بس بالجمبه كدا يا امين
البدرى صنف بكرى شنو ؟

مصنفو قرنتيه مع أساسي و هشام هباني !!

Post: #75
Title: Re: الثعالب
Author: HAIDER ALZAIN
Date: 02-11-2010, 08:16 AM
Parent: #72

بالله البدري وصل حتة انه يهبش بكري كمان

لا لا لا لا كدة تاني زول بيقدر يقيف معاهو مافي .. أمين وفيصل الرشيد وطيفور هينين

لكن ابصلعة دا كعب عديييل كدة

كلنا بكري
كلنا الادارة

Post: #76
Title: Re: الثعالب
Author: أمين محمد سليمان
Date: 02-11-2010, 08:22 AM
Parent: #75

Quote: بالله البدري وصل حتة انه يهبش بكري كمان

لا لا لا لا كدة تاني زول بيقدر يقيف معاهو مافي .. أمين وفيصل الرشيد وطيفور هينين

لكن ابصلعة دا كعب عديييل كدة

هو البدري عندو كبير؟!
البدري يا الطريفي ما خاف الله في الناس : الله يكسر وهبه حته حته لو نزلت ليك كلامو عنك في الماسنجر ذاكرتك ترجع في التو و اللحظه !!

Post: #77
Title: Re: الثعالب
Author: أمين محمد سليمان
Date: 02-11-2010, 08:27 AM
Parent: #76

أنا ماشي أنوم ، البدري ده لمن يجي قولو ليه تاني ما يرسل لي ماسنجر ، عندو كلام معاي و لا قطيعه اليجي يكبها هنا !

-----
غايتو كان دايرين شورتي ، نرسل رساله لبكري ، البدري ده يسحبو منو الباسويرد لانو بطريقتو دي ممكن يتكلم عن السيد أنور كينج ذات نفسو !!

Post: #78
Title: Re: الثعالب
Author: HAIDER ALZAIN
Date: 02-11-2010, 08:29 AM
Parent: #76

Quote: الله يكسر وهبه حته حته لو نزلت ليك كلامو عنك في الماسنجر ذاكرتك ترجع في التو و اللحظه !!

أتاريني الايام دي يا أميــن شاعر بنفسي قريب من الله وروحي خفيفة ..
ودا كلو من كلام البدري..

غايتو بتعامل معاهو بمبدأ ابتفة .. كن كالشجر .. يرموك بزهرة تفلع بحجر ...

حقك وحق فيصل ووهبة وبقيت الشباب هيــن

الما بنتسامح فيهو حق ابوصلعة دا

دا ريسنا وحارسنا وربان البورد الماهــر يكرم البدري بالعدة ويجي بدري يتكلم عن قروشو يآخ

Post: #79
Title: Re: الثعالب
Author: البدري عبد الله
Date: 02-11-2010, 09:06 AM
Parent: #78

والله البوست ده بقى زي دول ال LDCs او الدول الاقل نموا ..الرئيس يقول يمشي ياخد ليه نومة يجي يلقى مية محاولة بتاعة انقلاب في غضون سويعات ..(الواحد تاني ما يمشي ينوم ولا شنو ؟ ) ..

Post: #80
Title: Re: الثعالب
Author: على محمد على بشير
Date: 02-11-2010, 09:08 AM
Parent: #78

Quote: أنا ماشي أنوم ، البدري ده لمن يجي

هو فى ظنك يا امين تانى بيجى
ما اعتقد , لانو بعد ما صنف بكرى قرنتيه اكيد بيكون باسوورده
لحق امات طه

اييييييه دنييييا

والله البدرى كان راجل طيب ..

Post: #81
Title: Re: الثعالب
Author: معاوية عوض الكريم
Date: 02-11-2010, 09:08 AM
Parent: #72

Quote: تصدق و تامن بالله يا فيصل ، البدري مرسل لي أول امبارح ماسنجر قال لي إنت بكري بالقروش الكتيره البيعملها من الإعلانات دي ما يمشي يزرع شعرو في كوبا !!
بالله ده الفاظ ده ؟!!!

للتوثيق .. يجب عليك ان تعتذر للباشمهندس قبل ما يشوف الكلام دا ويوديك الرج

Post: #82
Title: Re: الثعالب
Author: البدري عبد الله
Date: 02-11-2010, 09:13 AM
Parent: #81

Quote: تصدق و تامن بالله يا فيصل ، البدري مرسل لي أول امبارح ماسنجر قال لي إنت بكري بالقروش الكتيره البيعملها من الإعلانات دي ما يمشي يزرع شعرو في كوبا !!

دي بي كم كرت يا خال ؟

Post: #106
Title: Re: الثعالب
Author: Faisal Elrasheed
Date: 02-23-2010, 07:45 AM
Parent: #68

Post: #83
Title: Re: الثعالب
Author: البدري عبد الله
Date: 02-11-2010, 09:55 AM
Parent: #67

Quote: عندنا واحد متفلهم من قرايبنا، جاء من السعودية، وقال داير يعمل ليهو مزرعة بتاعت دواجن، يا زول جاب ليك الحديد والإسمنت والنملية التقيلة، مساحة بتاعت 50 متر في 5 أمتار، وملاها ليك جداد، لو بني آدم داير يسرق، لازم يجيب ليهو عدة عشان يقطع بيها الحديد والنملية، يا زول بعد كم شهر كده جات صبرة، تفتيحة أكتر من سيد الجداد، أظنها جاية من أوروبا، فحفرت ليك نفق مسافة متر، وجات داخلة للجداد بي مترو الأنفاق، صاحبك، لما جاء الصباح يلم البيض، لقى ليك الجداد كلو مفنقل، إفتكروا نائم، شويتين كده عرف الجداد أصابو مكروه، لكن دخل ليهو بي وين، ما عرف، يا زول الناس إتلمّت فيهو كفارة كفاره، واحد شليق لفّ بي ضهر القفص، أكان يلقى ليك النفق، ثمّ أردف: لكن والله دي صبرة شاطرة شطارة..

تعرف يا ود طيفور الثعالب والصبار الحايمة في المنبر تمتلك تكتيكات تتقاصر امامها صبرة قريبك المفتحة ..ياخ اول مرة اشوف لي صبار عندها برشوت ..عليك الله شفت جنس المحن دي ..؟

Post: #84
Title: Re: الثعالب
Author: على محمد على بشير
Date: 02-11-2010, 10:01 AM
Parent: #83

Quote: ..ياخ اول مرة اشوف لي صبار عندها برشوت .

قرقرقرقرقرقرقرقرقر

قلت لى اول مره تشوف
هو انتا لسه شفت حاجه

خلى القرنتيه تجيك
والله تشوف بمبى بس

Post: #85
Title: Re: الثعالب
Author: مرتضى احمد عبد القادر
Date: 02-11-2010, 10:15 AM
Parent: #84

صباح الثعالب
بوستات البدري للفتن الإسفيريه .. على وزن محلات فلان للاواني المنزلية

Post: #88
Title: Re: الثعالب
Author: waleed dawash
Date: 02-11-2010, 10:42 AM
Parent: #85

Quote: والله مافي زول عايز تضامن غير سيد البوست ده

و ما تيب.

Post: #89
Title: Re: الثعالب
Author: البدري عبد الله
Date: 02-11-2010, 10:46 AM
Parent: #88

Quote: و ما تيب.

ولي انت معانا ولا مع التانين ؟

Post: #90
Title: Re: الثعالب
Author: waleed dawash
Date: 02-11-2010, 10:47 AM
Parent: #85

Quote: انت اظنك قاصد مع الثعالب في محنها

ابدا والله
انا مع الثعلب لحدي مايجي الجداد(الدجاج)
او اتاكد انو الموجود ده جداد.

Post: #91
Title: Re: الثعالب
Author: Sidgi mattar
Date: 02-11-2010, 12:02 PM
Parent: #85

البدور ابو عبدالله

تحيتى وسلامى

ياخى الحملان بيرسلوا ليك تحياهم وبيشدوا من ازرك وقالوا ليك رش رش رش يا بدرى ونحن معاك يا بدرى

الصوره الاثارة الحبيب البدرى وتظهر استفزاز الثعالب للحملان

ركنيه!!!!!!!!

نصيحه للثعالب الاستسلام للبدرى لانه مصمم مصمم وحالف ...غيتو زولى وعارفوا اخير

تسمعوا كلامى ولولا انكم اخوان وحبايب وبيهمنى امركم ما نصحتكم

اسع بدل الخلعه دى والمتاوقه ما اخير منها الاستسلام للبدرى

تانى بالله ما ترسلوا لى ماسنجرات للوساطه....... الزول دا كلامه واضح اعتذار وبس ويا دار ما جاك شر

قلبى معاكم فى محنتكم

Post: #86
Title: Re: الثعالب
Author: Faisal Elrasheed
Date: 02-11-2010, 10:33 AM
Parent: #84

اتمني من الاخ البدري كتابة اعتذار وافي للذين اساء في حقهم ..
وليعلم ان الاعتذار من شيم الشرفاء ..
ومافيها حاجه ..غدا ستفقد باسوردك وتبقي سيرتك هنا بيننا ...فانصحك بأن تجعل سيرتك موضوع خير ..
قذفك لاخوانك هنا وزملائك في المنبر بأسوأ الاهانات لا يزيدك الا عزلة ويجعل الناس ينتظرون يوم (تشتيتك)..
اخي البدري ..
كلنا خطاؤن وخير الخطاؤن التوابون ..
فأجعل هذا شعارك للمرحلة القادمة ..وحاول ان تتصالح مع نفسك ..
هذه النصيحة اهديهالك وانت الذي طلبت مني ان اقول لحيدر الزين ان يتصالح مع نفسه ولا ادري ماذا فعل ولكني اظنك مخطئ يا اخي ...
اما ما قلته في حق الاخ امين فهو لم يغضب ولم يزعل منك ..وفد صارحني بأنه لم ولم يؤاخذك لمعرفته بنواياك ..
ولكن ماذا عسانا نقول عنك لندافع عنك امام من اتهمتهم زورا وبهاتانا ..
نقول شنو للاسد العجوز ونقول شنو لوهبه وحميضه ...بل نقول شنو لتمبس الذي طوال عمره ما جاب سيرتك لا بي كعب ولا بطال ..
ياخ انت بعد شوية احتمال ترسل لي ماسنجر تضحك فيه علي انوركنج كمان ..والله يا هو الفضل ..
مع العلم انني لازلت احتفظ لك باميلك الذي قلت فيه ان انور كنج وموضوعه بتاع تيد ده عبارة فرقعه اعلامية وانه لا يسوي ما كتب به ...
يا أخي ارجوك ابعدني عن هذا الهمز واللمز وتذكر ان الله يراك ويسمعك ..
فما تعمل من خير تجده وما تعمل من شر تجده عند الله ..
خاف الله يا البدري وتذكر يوم الحساب الاكبر ..اي نعم انت تعيش في بلجيكا وامين يعيش في البحرين لكن لا اري ان تدخل شخص يعيش في كوريا في صراعك هذا..
ارجوك اخي البدري ..انت لا تعلم كما نحن الي متي تعيش ومتي تموت ..فأعمل لاخرتك كأنك تموت غدا ...

اخي البدري خذ العبرة من هذه القصة :
لا اله الا الله رب السموات السبع ورب العرش العظيم

أحد السلف كان أقرع الرأس أبرص البدن أعمى العينين مشلول القدمين واليدين وكان يقول: "الحمد لله الذي عافاني مما ابتلى به كثيراً ممن خلق، وفضلني تفضيلاً". فمر به رجل فقال له: مما عافاك؟ أعمى وأبرص وأقرع ومشلول فمما عافاك؟ فقال: ويحك يا رجل؛ جعل لي لساناً ذاكراً، وقلباً شاكراً، وبدناً على البلاء صابراً، اللهم ما أصبح بي من نعمه أو بأحد من خلقك فمنك وحدك لا شريك لك، فلك الحمد ولك الشكـر. قال تعالى: {وَمَن يَعْشُ عَن ذِكْرِ اْلرَّحْمَنِ نُقَيِّضْ لَهُ شَيْطَاناً فَهُوَ لًهُ قَرِينٌ} الزخرف 36.

قال رسول الله صلى الله عليه وآله وسلم: ((عشرة تمنع عشرة))

سورة الفاتحة ..... تمنع غضب الله

سورة يس ..... تمنع عطش يوم القيامة

سورة الواقعة ..... تمنع الفقر

سورة الدخان ..... تمنع أهوال يوم القيامة

سورة الملك ..... تمنع عذاب القبر

سورة الكوثر ..... تمنع الخصومة

سورة الكافرون ..... تمنع الكفر عند الموت

سورة الإخلاص ..... تمنع النفاق

سورة الفلق تمنع ..... الحسد

سورة الناس ..... تمنع الوسواس

ساعة أو ساعتين في اليوم ماهي كثير و اذا كنت مشغول في العمل تقدر تطبعها و تاخذها معاك و تقراها أي وقت

فأعلم اخي انك بعملك وطريقتك هذه سوف تفتح ابواب لن تستطيع علي اقفالها مرة اخري ...
الا تعلم ان العقاب الهرم رجل مشغول بقضايا وطنية وليس لديه الوقت لمهاتراتك ..فتقوم تفتح معاي باب للقطيعة كمان في شخص يحترمه الجميع ...
ثم ما دخل تراجي في هذا الموضوع ؟؟ تراجي تلك الاخت الكريمة والتي ان اختلفنا معها سياسيا فهذا لمصلحة الوطن ولكن ان يصل بك الحد لدرجه ان تقول فيها ما قلت ..
والله لا نقبلها منك يا البدري...حتي وان رفعت علم دولة اسرائيل صديقتها
البدري استغفر ربك وعد الي رشدك ..
سأعود لك بعد ان افرغ من بعض مشاغل الدنيا الزائلة عسي ربي ان يهديك السبيل ..
الاخ امين ..ارجو ان تقوم بدعمه ببعض كتب السلف الصالح ..

ــــــــــ

Post: #87
Title: Re: الثعالب
Author: البدري عبد الله
Date: 02-11-2010, 10:39 AM
Parent: #86

Quote: الاخ امين ..ارجو ان تقوم بدعمه ببعض كتب السلف الصالح ..

Post: #92
Title: Re: الثعالب
Author: رياض ادريس همت
Date: 02-11-2010, 12:42 PM
Parent: #87

ابوعبدالله
وينوا الموضوع العلمى ؟؟؟؟؟؟؟؟ دا بقا موضوع معلمين يااخوى

تحياتى

رياض همت

Post: #93
Title: Re: الثعالب
Author: البدري عبد الله
Date: 02-11-2010, 02:17 PM
Parent: #92

Quote: وينوا الموضوع العلمى ؟؟؟؟؟؟؟؟ دا بقا موضوع معلمين يااخوى

علمي شنو يا ابو السارة ؟ ياخ البوست ده لم ليك فيه القطيع قرب يلحقوا امات طه ...لكن اخوك هسي في مرحلة ما بعد الكجامة والشرك (بفتح الشين) ..يعني معظم الوحوش تم القبض عليها تقريبا الا القليل منها والذي تمكن من الفرار ...وان شاء الله ننتهي ليك من باقي القطيع ده ومن ثم نلتفت للمسائل العلمية ..

Post: #94
Title: Re: الثعالب
Author: البدري عبد الله
Date: 02-11-2010, 02:25 PM
Parent: #93

يا ريس سلامات ومشتاقين ياخ
Quote:
نصيحه للثعالب الاستسلام للبدرى لانه مصمم مصمم وحالف ...غيتو زولى وعارفوا اخير

تسمعوا كلامى ولو ما انكم اخوان وحبايب وبيهمنى امركم ما نصحتكم.

اسع بدل الخلعه دى والمتاوقه ما اخير منها الاستسلام للبدرى

تانى بالله ما ترسلوا لى ماسنجرات للوساطه....... الزول دا كلامه واضح اعتذار وبس ويا دار ما جاك شر

قلبى معاكم فى محنتكم.

والله يا ريس الجماعة ديل كلمتهم زي الف مرة انو امرهم بقى مكشوف للغاشي والماشي ..لكن تقول شنو ؟ علي كيفم بعدين بيرجعوا ويقولوا ياريتنا لو سمعنا النصيحة ...عموما اتمنى انو يسمعوا كلامك بصفتك زول محايد وكدة ..وما عندك اي علاقة بالموضوع عدا المصلحة العامة ..ربنا يديم المعروف ويكتر من امثالك ..

Post: #96
Title: Re: الثعالب
Author: HAIDER ALZAIN
Date: 02-11-2010, 02:47 PM
Parent: #94

التحايا للريس بكري ابو بكر وهو يثبت حنكته الإدارية وطول باله

أرسل لي الريس بكري ماسنجر يقول فيه :

Quote:
الأخ حيدر الزين ..

لك التحية والتجلة والتقديــر لما تبذله من مجهود لتقريب وجهات النظر أنت والاخ العزيز امين محمد سليمان خال حمور زيادة

يا حيدر يا عزيزي ..

تابعت بل انتباه ويقظة ما يحاول ان يفعله البدري عبد الله من زرع بذور الفتنة بالبورد وبث الكراهية والبغضاء بين اعضائه وذلك مرة بتصنيفهم كضباع ومرة اخري بتصنيفهم ثعالب ورابعة ببهتاني باني امتلك صلعة ...
ويعلم الله يا حيدر انا شعري نازل لغاية الجبهة شاشي كابور بس لكن ماذا نقول في المغرضين من امثال البدري عبد الله وانا لو احتجت لزراعة شعر ( في حال امتلاكي صلعة رغم شعري العامل قُصة في الجبهة ) لكن لن استخدم قروش الاعلانات ويكفيني بوست فقط افتحه نداء واجب للبورداب ..

يا حيدر اخي وصديقي العزيز - الذي يمكن ان اشاوره قبل مجازفة اي باسوورد لأي بوردابي ولو كان وهبة -
يا حيدر رجاءاً كلم بدري عبد الله دا اني والله ما مستحمل باسوورده الا مراعاة لمن توسط له لكي يناله ..
كما إن الاخ امين - جزاه الله خيراً - كلمني سابقاً انه سيحاول ان يردع البدري تجاه استخدام كلمات حادة كهذه تجاه الإدارة وانا انظر بعين العطف والرحمة لمبادرات امين لكن إذا استمر البدري في غيه لا تلوموني ..

ولك المودة يا حيدر صديقي العزيز وبلغ كل تحياتي للقريبين منك وبيقدروك وما يقولوا ليك يا ضبع :

مخلصك بكري ابو بكر ..

ملحوظة :-

بالله يا حيدر كلم فيصل الشيد دا ..
يآخ انا شاميهو ومكجنه لله في الله .. ولو ما توسطت انت ووهبة باسوورده دا كان يشمو قدحة .. فبالله كلمو تاني ما يقعد يشبك الناس الادارة وبكري ..
وقول ليهو بكري ماعاوزك نهائي لكنك زول متسلق وصاحبت قامات زي وهبة وحيدر الزين :) قاتلك الله ..

Post: #97
Title: Re: الثعالب
Author: البدري عبد الله
Date: 02-11-2010, 02:55 PM
Parent: #96

Quote: ملحوظة :-

بالله يا حيدر كلم فيصل الرشيد دا ..
يآخ انا شاميهو ومكجنه لله في الله .. ولو ما توسطت انت ووهبة باسوورده دا كان يشمو قدحة .. فبالله كلمو تاني ما يقعد يشبك الناس الادارة وبكري ..
وقول ليهو بكري ماعاوزك نهائي لكنك زول متسلق وصاحبت قامات زي وهبة وحيدر الزين :) قاتلك الله .

اها يا فيصل الرشيد( صم وخم) ...انا كلمتك زماااااااااان لكن انت ابيت تسمع نصيحتي..

Post: #95
Title: Re: الثعالب
Author: ممدوح أبارو
Date: 02-11-2010, 02:45 PM
Parent: #92

كلو كوم وما قاله في حقي كوم

يا البدري ياخ انا عمري المنبري كلو ما اتهاترت لي مع زول

لمن تجي وتقول فيني كلام زي دا

لا والـ1000ــف لا

Post: #98
Title: Re: الثعالب
Author: البدري عبد الله
Date: 02-11-2010, 02:59 PM
Parent: #95

Quote: كلو كوم وما قاله في حقي كوم

يا البدري ياخ انا عمري المنبري كلو ما اتهاترت لي مع زول

لمن تجي وتقول فيني كلام زي دا

لا والـ1000ــف لا

انت يا ابارو عمرك المنبري كوم ..وقصة الغزال الشرد منك كوم تاني ..كدي حاول شوف ليك طريقة ترجعو لي مرعاه آمن مطمئن

Post: #99
Title: Re: الثعالب
Author: ممدوح أبارو
Date: 02-11-2010, 03:06 PM
Parent: #98

Quote: انت يا ابارو عمرك المنبري كوم ..وقصة الغزال الشرد منك كوم تاني ..كدي حاول شوف ليك طريقة ترجعو لي مرعاه آمن مطمئن

استغفر الله العظيم استغفر الله العظيم

حتي انت ياالطريفي ياخ

وحاتك انا كنت عاوز انزل المسنجر الرسلو لي البدري

بس اتمالكت اعصابي وقلت مافي داعي لانو بمس زول عزيز علي

بس شوف جنس كلامو دا ياخ

Quote: ابارو عليك الله روق المنقة شوية ..ياخ من يوم طفشتوا الغزال انت وصاحبك المعاك وانا شايفكم عشرة عشرة..

Post: #100
Title: Re: الثعالب
Author: البدري عبد الله
Date: 02-11-2010, 03:14 PM
Parent: #99

ابارو بطل لولوة وشوف طريقة تصلح بيها المشكلة العملتها ..ياخ في ناس من اليوم داك حردانين حوش بكري ده وقالوا اصلوا مابرجعوا لو ما ابارو ده اعتذر وشرح ليهم الاسباب الدعتو يتصرف بالطريقة الغريبة ديك ..

Post: #102
Title: Re: الثعالب
Author: مرتضى احمد عبد القادر
Date: 02-11-2010, 04:15 PM
Parent: #100

Quote: ابوعبدالله
وينوا الموضوع العلمى ؟؟؟؟؟؟؟؟

علمي شنو انت ما عارف البدري دا زول مشاكل وثعلوب كبير بيطن في ناس بالكلام

Post: #101
Title: Re: الثعالب
Author: ممدوح أبارو
Date: 02-11-2010, 03:19 PM
Parent: #99

ياالبدري ياخ كونك تغلط فيني ما مشكلة

انا عافي ليك بس كمان تصل بيك لمن تخليني

ابقي القواله بتاعتك واوصل كلاماتك دا لا يومكن

ياخ لمن تكتب لي مسنجر وتقول لي كلم صاحبك اللهو ياسر طيفور

وقول ليه يبطل البسوي فيه دا وما يطفش الغزلان من بوستيك

وكمان تصل بيك الجرأة وتنبش في ماضيه وتقول بالحرف الواحد

(ياخ دا طفش آمنة مختار وسارة عيسي من البورد)!!!!!

الطريفي خليني افرغ جام غضبي عليه قبال يجي ابتفة ياخ

ياخ الباقي ما بقدر اقولو لانو حيطيرو فيه باصويردات

Post: #103
Title: Re: الثعالب
Author: البدري عبد الله
Date: 02-11-2010, 04:51 PM
Parent: #101

ابارو انا لا زلت عند عرضي الاول بالتوسط وحل الخلاف بشكل ودي بينك وبين الجماعة ..بس انت خت الرحمن في قلبك وقول خير .. واعتذر ..ياخ القصة دي في منتهى السهولة ..بس قوول انا يا جماعة غلطت ..وهسي انا ندمان والاسف يبدو على محياي ويسيطر على دواخلي ..وما ضروري تقول سافي التراب كمان ...وبي كدة الموضوع يكون انتهى ..ويا دار ما دخلك شر..شفت القصة دي بسيطة كيف ؟ ...

Post: #104
Title: Re: الثعالب
Author: ممدوح أبارو
Date: 02-11-2010, 05:21 PM
Parent: #103

يا بدري اعتزر لامين نوتة*

ــــــــــــ*
علي وزن ادينا طاقيتنا

Post: #105
Title: Re: الثعالب
Author: البدري عبد الله
Date: 02-11-2010, 06:45 PM
Parent: #104

Quote: ادينا طاقيتنا