Post: #1
Title: كارثه جديده بمطار الخرطوم --وقلبي علي وطني
Author: ihsan fagiri
Date: 02-08-2010, 04:53 PM
رحلتنا اليوم من جده الي الخرطوم كانت غريبه
دخلنا الطائره الساعه 6 ونصف صباحا واستقبلتنا المضيفات بالابتسامات الحلوه والخطوي الرشيقه با الكابتن في تشغيل الطائره ايذانا بالاقلاع ولكن كان هناك صوتا غريبا صاحبه رائحه بنزين نفاذه --اوقف الكابتن الطائره ونزلونا --الساعه اتناشر ظهرا كان موعد الاقلاع الثاني ومرت العمليه بسلام والرحله كانت ممتعه بالرغم ما تركته اثار الاقلاع الاول --
وصلنا مطار الخرطوم وهنينا بعضا البعض والابتسامات تعلو وجوهنا وفجاة سمعت صوت صراخ وانا اخطو نحو الباب ولكن المضيف وضع شريطا لاصقا عليه --يعني ممنوع الخروج --تاوقت واكتشفت ان حوالي 7 مسافرين وقعو لان السلم تزحلق بهم --الاسعاف اتي بعد الكثر من نصف ساعه وكان من المفترض ان يكون هناك --لكن تقول شنو --بكينا --شتمنا الحكومه
بالله عليكم الله دي بلد --لم تتاح للمغترب فرص عمل كويسه --فذهب بعيدا وتم استنافه استنزافا منظما في شكل الضرائب والزكاة --الخ والمعامله القاسيه في جهاز المغتربين
والان المغترب وهو علي بعد امتار من اسرته يحمل الفرح والشوق ولكنه يموت نتيجة اهمار --الحكومه وين
قاعده تزور في السجل الانتخابي لضمان فوز هم
وماسائلين في زول --ومنعول ابوكي بلد
|
Post: #2
Title: Re: كارثه جديده بمطار الخرطوم --وقلبي علي وطني
Author: BitAlhana
Date: 02-08-2010, 05:09 PM
Parent: #1
اول حاجه حمد الله على السلامه
قدر و لطف
بس نقول شنو ؟ غايتو الله يكون في العون
بلد عجيبه
|
Post: #4
Title: Re: كارثه جديده بمطار الخرطوم --وقلبي علي وطني
Author: المعز ادريس
Date: 02-08-2010, 05:27 PM
Parent: #2
العزيزة د. إحسان
حمدا لله على سلامتكم, شئ مرعب!
طبعا دا نوع الأخبار التي لا تأتي إلا من السودان
مفروض يتكتب كتاب يتم فيهو تجميع مئات الحكايات من النوع دا
و أقترح تسميته: شر البلية ما يضحك: لا يحدث إلا في السودان
غايتو حمدنا الله "أنا و منى" أنه الكابتن توقف عن الإقلاع في المرة الأولى!
تحياتنا,
|
Post: #40
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:07 AM
Parent: #4
الاعزاء مني والعز
والله شر البليه ما يضحك
شكرا لكم
|
Post: #39
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:05 AM
Parent: #2
تسلمي يا ستي كانت تجربه مريره
|
Post: #3
Title: Re: كارثه جديده بمطار الخرطوم --وقلبي علي وطني
Author: محمد إبراهيم علي
Date: 02-08-2010, 05:16 PM
Parent: #1
اولا حمد لله على سلامتك
ما فهمت هل تحرك السلم من مكانه ام انه حصل تدافع من المسافرين فترحلقوا؟
|
Post: #5
Title: Re: كارثه جديده بمطار الخرطوم --وقلبي علي وطني
Author: mayada kamal
Date: 02-08-2010, 05:28 PM
Parent: #3
الحمد لله على السلامة اولا
ثانيا ليه ما يكون الخطاء من السادة الركاب
فمعروف عن السودانيين انهم ما بصبروا حتى لغاية ما الطيارة تقيف كويس وبيقوموا يتدافعوا في ممرات الطيارة خليك من التدافع على السلم
محتاجين نغير ثقافتنا
وحمد الله على السلامة مرة تانية
وان شاء الله البلد مرحبة بيك
|
Post: #6
Title: Re: كارثه جديده بمطار الخرطوم --وقلبي علي وطني
Author: سامى عبد الوهاب مكى
Date: 02-08-2010, 05:33 PM
Parent: #5
| Quote: ثانيا ليه ما يكون الخطاء من السادة الركاب |
دي زي المرحوم غلطان؟؟
حمد لله على السلامة!
|
Post: #7
Title: Re: كارثه جديده بمطار الخرطوم --وقلبي علي وطني
Author: Elawad
Date: 02-08-2010, 05:35 PM
Parent: #5
الأخت د. إحسان
حمدا لله على سلامتكم. و هكذا الإنسان في بلدي هان على من يفترض أنهم مسئولون عن سلامته.
حفظ الله الجميع.
|
Post: #8
Title: Re: كارثه جديده بمطار الخرطوم --وقلبي علي وطني
Author: abubakr
Date: 02-08-2010, 05:47 PM
Parent: #7
احسان مسكاقمي والف حمدالله علي السلامة
منذ ان قرءت في الصحف هنا اليوم بان "الصندوق الاسود" لطائرة سودانير التي احترقت في مطار الشارقة وكان قائدها صديق شبابي وصباي المرحوم الكابتن محمدعلي "كدرمة" كان عاطلا غير صالحا وانا مغيوظ وطهقان ...اكيد ماافي فني في سودانير "شييك: كما يقول العرب" علي الجهاز دة منذ سنوات علشان يعرف انو شغال واللا لا واكييد كانت هنالك اشياء كثيرة عاطلة تسببت في كارثة فقدت فيها صديقي .... ما زي ما المضيف سمح للناس ينزلو ويقعو من ارتفاع سبعة امتار قبل وصول السلم اليوم ....
وفي بحثي في الشبكة عن اخبار اخري تتعلق بهذه الشركة التعيسة وجدت تعليقات مرة عنها ومطار الخرطوم اضفتها هنا:
الصندوق الاسود لطائرة سودانير التي سقطت بالقرب من مطار ...ماضي غير صالح(عاطل)
نحن شعب كثير التذمر من الاخريين وانتقادهم وتصغيير انجازات الاخريين والتعالي باننا الاحسن والاعرف والاكثر حضارة وواقع حالنا عكس ذلك تماما وفق ما يحدث في واجهاتنا من خط طيران ومطار وشوارع وفضائيات وعمل وانجاز .....
البلد ما هي الملعونه لكن احنا ملاعيين ...
والف حمدالله علي السلامة وما يصيبك شر انشاء الله
|
Post: #43
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:12 AM
Parent: #8
ابوبكر --قريبي
سامي
العوض
ابسط قواعد السلامه غير متوفره في مطار الخرطوم --الاسعاف جه بعد نصف ساعه
والاهم مسالة التشييك والدبل تشييك --ما موجوده
|
Post: #9
Title: Re: كارثه جديده بمطار الخرطوم --وقلبي علي وطني
Author: محمد النيل
Date: 02-08-2010, 05:47 PM
Parent: #7
| Quote: ثانيا ليه ما يكون الخطاء من السادة الركاب |
ورائحة البنزين والهلعة الاولى؟
برضو مسئولية الركاب؟
غايتو قلبكم قوى انكم ركبتوا الطائرة دى مرة تانية بعدما نزلوكم
اقل شك فى الطائرة المروض ما تقلع تانى
الانسان ليس لديه اى قيمة عند الانقاذ
|
Post: #10
Title: Re: كارثه جديده بمطار الخرطوم --وقلبي علي وطني
Author: الجندرية
Date: 02-08-2010, 05:55 PM
Parent: #9
لا حولاااا
غايتو استهتار فايت الحد والحدود
حمد لله على السلامة يا احسان
واتمنى لو يصعد الموضوع حتى يتم كشف مكمن التقصير ومحاسبة المسؤل عنه
|
Post: #11
Title: Re: كارثه جديده بمطار الخرطوم --وقلبي علي وطني
Author: hammama
Date: 02-08-2010, 06:17 PM
Parent: #10
Quote: الحمد لله على السلامة اولا
ثانيا ليه ما يكون الخطاء من السادة الركاب
فمعروف عن السودانيين انهم ما بصبروا حتى لغاية ما الطيارة تقيف كويس وبيقوموا يتدافعوا في ممرات الطيارة خليك من التدافع على السلم
محتاجين نغير ثقافتنا
وحمد الله على السلامة مرة تانية
وان شاء الله البلد مرحبة بيك |
حمدا علي السلامة
ما وضحتي لينا الشركة الناقلة كانت اي شركة (السعوديه ام السودانية)
تانيا الراكب طالما هو على متن الطائرة هو مسؤولية شركة الطيران وعلي سلم الطائرة هو ايضاً مسؤولية شركة الطيران , عادة يتم تدريب المضيفين والمضيفات على اجراءات معينه للتحكم في الازدحام فأذا فشلوا في ذلك مهذه مشكلة ,, عموما الراكب أذا لم يسمح له المضيف المسؤول بالنزول ما ممكن ينزل من الطائرة مهما كانت درجة استعجالو ومهما كانت جنسيته
تعاملت على مدي اكثر من عشرين عاما مع مسافرين من كافة ارجاء الارض كمضيف جوي ,, لم اجد راكب متعاون ومحترم اكثر من الراكب السوداني وازيد عليها ومتفهم مش لاني سوداني لكن لانها الحقيقة ,,
انتو يا ناس ميادة بقيتو ما بتستحملو النقد
|
Post: #13
Title: Re: كارثه جديده بمطار الخرطوم --وقلبي علي وطني
Author: معتصم دفع الله
Date: 02-08-2010, 06:35 PM
Parent: #11
قدر ولطف ..
ألف حمدالله على السلامة يا إحسان ..
|
Post: #48
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:32 AM
Parent: #13
اقبال المرضي
معتصم دفع الله
شكرا لكم
وربنا قدر ولطف بس في ناس تضررت كثير
|
Post: #47
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:29 AM
Parent: #11
حمامه يا حمامه
شكرا للتوضيح والشركه كانت السعوديه --ولكن الكارثه حدثت في مطار الخرطوم والسلم لم يثبت علي الارض فتزحلق ووقع الناس
هناك طفله في حالة غيبوبه وربما تكون قد توفت
وناس مياده يقولو ليك --غلطان المرحوم
لا حولا ولا قوه الا بالله
|
Post: #75
Title: Re: كارثه جديده بمطار الخرطوم --وقلبي علي وطني
Author: مدثر محمد عمر
Date: 02-09-2010, 12:57 PM
Parent: #11
حمدلله علي السلامه يا احسان...
حمامه.. تعرف؟ انا استغربت لي كلام مياده... يبدو انها ما بتسافر كتير... معظم شعوب الدنيا بستعجلوا الخروج من الطائره وبقيفوا علي حيلهم قبل ما الابواب تفتح وبالذات لو السفريه كانت طويله... نحن فينا حاجات كتيره سيئه لكن ما اي شي بحصل لينا لأننا ما بنعرف نتعامل معاه... مرات كتيره في خطوط طيران عالمية بتحصل حاجات شعوب الأرض دي كلها ببقوا شرسين وبتلقا السودانيين متفهمين جدا.. لدرجة مرات انا كنت في أيام حدتي بحس انهم مساكين... شكراً علي شهادتك الكبيره للسودانيين بالأدب في السفر والتعاون.
|
Post: #12
Title: Re: كارثه جديده بمطار الخرطوم --وقلبي علي وطني
Author: Egbal Elmardi
Date: 02-08-2010, 06:22 PM
Parent: #10
يا أستاذه إحسان
سلامات
وحمد الله الف على السلامه
طيارات سودانير حقيقه بقت تخوف...
كان ما فجّروها براهم فى عمليات التصفيه...
بالإهمال بتموا الناقصه...
بتذكر مره كنا راجعين من السودان...
وبعد ما ستفونا فى الطياره... فضلنا قاعدين لأكثر من ثلاثه ساعات ...
وناس عندها كونكشن من البحرين وناس عندها كونكشن من لندن....
ومافى زول شغال بينا...
بعد ثلاته ساعات جو تلاته خواجات جاريين ...وركبو معانا
والطياره إتحركت...!!!
واحد من الركاب قال ينجدنى بص الكلاكله...
وطبعاً الغضب تزايد بعد عرفنا سبب التأخير...
وفاتتنا طياراتنا..أنا فاتتنى طياره البحرين...سافرته بعد 8 ساعات
ولما وصلت لندن برضو فيرجن أطلانتك فاتتنى...قعدته يوميين فى لندن
يعنى إستهتار بزمن الناس مبلغ فيه.....
لكن بعد الواحد شاف الحاصل قال بركه البس بقت على الزمن
حمد الله الف على السلامه
إقبال
|
Post: #14
Title: Re: كارثه جديده بمطار الخرطوم --وقلبي علي وطني
Author: ismeil abbas
Date: 02-08-2010, 06:39 PM
Parent: #12
ألأخت/إحسان السلام عليكم والف حمدآ لله على السلامة...
نعم هناك إهمال من الدولة فى كثير من ألأمور...ولكن بعض منا ساعد على هذه الفوضى...سؤال ألأخ/محمد إيبراهيم..هل تدافع الناس أم إنزلق السلم ولم يثبت على باب الطائرة بصورة جيدة..؟؟
ألأخت/إقبال..يجب علينا أن نعرف ما هى خطوط الطيران التى سافرت بها ألأخت إحسان ..ولا نرمى اللوم جزافآ على سودانير وإن كان سودانير ابضآ لها إخفاقاتها..
Quote: 8FEB JED - KRT KHARTOUM.SD NOTE
1 JEDKRT **FLIFO** SV 463 743 0 FJYARCDBMHQVL 505E 2 JEDKRT 0910 1050 SD 229 310 0 F Y
NOTE 505 ELECTRONIC TICKETING
€S1 CTY TML ARR DEP GRND AIR EQP CLASSES FJYARCDZBMHQVLN
JED 10 - 0655 - 01.50 743 MEALS L L
KRT 0845 TOTAL TIME JEDKRT 01.50
FX PAX O/B SV2030
|
خالص تقديرى وأحترامى....
|
Post: #15
Title: Re: كارثه جديده بمطار الخرطوم --وقلبي علي وطني
Author: علاء الدين محمد بابكر
Date: 02-08-2010, 06:58 PM
Parent: #14
الطائرة سعودية، والسلم مؤجر من شركة خاصة!!!!!!!!
|
Post: #16
Title: Re: كارثه جديده بمطار الخرطوم --وقلبي علي وطني
Author: الصادق صديق سلمان
Date: 02-08-2010, 07:23 PM
Parent: #15
إذا كانت الطائرة سعودية فأقول مايلي
الخطوط الجوية العربية السعودية لا تحترم المسافر السوداني نهائياً
سافرت مرات كثيرة على السعودية إلى الهند قبل حضوري إلى المملكة
وبعد استقراري بالسعودية بدأت أسافر إلى السودان بالسعودية فوجدت
الفرق كبير وكبير جداً بين نوعية الطائرات التي تسافر إلى الهند و
نوعية الطائرات التي تعمل في خط السودان.
في وفي اثناء الرحلة قدمت لي المضيفة (فلبينية) وجبة كدا عدي
من وشك فقلت لها لا اريد هذه الوجبة وجيبي لي الوجبة الفلانية
فقالت لي مافي خلاص خلصت فقلت لها لماذا فرفعت كتفيها ملوحة
بعدم اجابة فقلت لها الاحظ ان طيائرات خط السودان ليست بها
خدمات جيدة فقالت لي بخجل وخوف براسها (نعم) فقلت هل لي أن اكتب
رسالة إلى كابتن الطائرة ليسلمها هو بدوره إلى مدير الشركة
فقامت فرحة واحضرت لي الورقة وكتبت رسالة قوية له
وبعد عودتي من السودان على الخطوط الجوية سمعت في مطار الرياض
عبر مكبرات الصوت (السيد الصادق صديق سلمان) نرجو التوجه إلى
المكتب الفلاني, فتجاهلت الصوت وعرفت ان السبب هو رسالتي التي
كتبتها لهم وخرجت إلى بيتي من المطار.
ياخي نحن اصبحنا بدون هوية وبدون احترام في دول الخليج
منذ عام 1989م
الصادق
|
Post: #18
Title: Re: كارثه جديده بمطار الخرطوم --وقلبي علي وطني
Author: GAAFER ALI
Date: 02-08-2010, 07:50 PM
Parent: #16
تفادوا الخوطوط السودانية والكونغولية
سمعت مقابلة مع شخص يتحدث الانجليزية بلكنة أفريقية مميزة
وكان يتحدث الي أكثر اذاعات هيئة الاذاعة البريطانية انتشارا
وهي اذاعة ٌRadio 5live واسعة الانتشار ، قال الرجل وقد تم تقديمة
كممثل لAfrican Airlines Association اي رابطة الخوطوط الجوية،
قال الرجل وكان يعقب علي الحادث الذي وقع للخوطوط الجوية الاثيوبية
قبالة الشواطي اللبنانية الشهر المنصرم، قال ان الخوطوط الاثيوبية
بحالة جيدة وان سجلها الفني والاداري جيد ولا خوف علي الركاب الاوربيين
من استخدامها واضاف ان المسافرين الاوربيين يمكن ان يستغلوا الخوطوط
الافريقية التالية باطمئنان وهي:
الخطوط المصرية
الخطوط التونسية
الخطوط المغربية
الخطوط المالية
الكينية
والجنوب افريقية
وذكر شركة خاصة واجدة نيجرية
وقال بالحرق الواجد ان علي المسافرين الاروبيين تقادي الخوطوط السودانية والكونغولية تحديداّ
|
Post: #53
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:50 AM
Parent: #18
وانا زاتي بتفادي السودانيه وحاضم اليها الكنغوليه
شكرا
|
Post: #49
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:36 AM
Parent: #14
الخطوط السودانيه اخفاقاتها كثيره بس الطياره دي تابعه للسعوديه
ولكن اعتقد ان الخطا من هئيه الطيران المدني في الخرطوم
|
Post: #46
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:18 AM
Parent: #10
تصوري يا الجندريه --استهتار ما بعدو استهتار
تحدثت مع الناجين للتصعيد ولكن
مافيش فايده
واحده قالت لي ناس الحكومه دي هريه يقعدوا يقابلونا واولادنا في الجامعات
ما بنقدر --تصوري
|
Post: #67
Title: Re: كارثه جديده بمطار الخرطوم --وقلبي علي وطني
Author: الجندرية
Date: 02-09-2010, 10:16 AM
Parent: #46
العزيزة احسان
ارجو ان لايثنيك تخوف البعض من متابعة الامر
على الاقل انت واحدة من الركاب ومن حقك متابعة هذه القضية
وستجدين اكيد من بين الركاب من يشاركك الموقف
|
Post: #45
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:15 AM
Parent: #9
محمد النيل
الطائره غيروها لينا
ولكن الكارثه كانت نتيجه لاخطاء في الخرطوم
وقلبي علي وطني
|
Post: #38
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:01 AM
Parent: #5
مياده
يا بتي ايدي المؤتمر الوطني زي ما عايزه --انا حقيقة اؤمن بقبول الاخر بكل اختلافاته معي ولكن ان يكون هناك عمي بصيره لشابه في عمرك --هو امر محزن --ا--يعني طوالي انحنا غلطان المرحوم --
دافور الجريحه غلطانين
اطفالنا في العيلفون غلطانين
شهداء رمضان غلطانين
سيلفا ولبني غلطانين
والسجل ملئ
وانتي لا ترين والضمير مات
الم تسمعي بان الساكت عن الحق شيطان اخرص
|
Post: #65
Title: Re: كارثه جديده بمطار الخرطوم --وقلبي علي وطني
Author: بخاري عثمان الامين
Date: 02-09-2010, 09:53 AM
Parent: #5
ميادة كمال كيفك
نقول غلطانين بس موش مفروض عربية الاسعاف
وعربية المطافئ تكون قرب الطائرة قبل فتح بابها اصلاً
في هذا تقصير واضح من جانب سلطات المطار ..
|
Post: #42
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:09 AM
Parent: #3
تحرك السلم ووقع الناس والمنظر كان محزنا ومخيفا وبنيه صغيره حالتها خطره ودخلت في غيبوبه
|
Post: #17
Title: Re: كارثه جديده بمطار الخرطوم --وقلبي علي وطني
Author: حسن حماد محمد
Date: 02-08-2010, 07:42 PM
Parent: #1
الأخت احسان سلامات
| Quote: واتمنى لو يصعد الموضوع حتى يتم كشف مكمن التقصير ومحاسبة المسؤل عنه |
الأخت الجندرية أريت حالك زين
معقول تصعيد ومحاسبة عندنا فى السودان ؟
دى مجرد أحلام
مطار مافيهو سيارات اسعاف ده حال الخلا والشدر
حقو الواحد وهو نازل السودان يجيب معاهو برشوت
|
Post: #19
Title: Re: كارثه جديده بمطار الخرطوم --وقلبي علي وطني
Author: بشير أحمد
Date: 02-08-2010, 08:03 PM
Parent: #17
Quote: البلد ما هي الملعونه لكن احنا ملاعيين ...
|
|
Post: #50
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:44 AM
Parent: #17
والله يا حسن يا ولدي (دا حسب الصوره )
لامحاسبه ولا يحزنون بس كانت فرصه لشتيمة الحكومه وكان معاي راجل جدع كدا
اما البقيه --يفتح الله
|
Post: #68
Title: Re: كارثه جديده بمطار الخرطوم --وقلبي علي وطني
Author: الجندرية
Date: 02-09-2010, 10:22 AM
Parent: #17
الاخ/ حسن حماد
الزين ما يفوتك ياخي
كثير من الاحلام صدقني ممكن تتحق لو بذلنا جهد ولو قليل في سبيل ذلك
تقديري
|
Post: #20
Title: Re: كارثه جديده بمطار الخرطوم --وقلبي علي وطني
Author: Adil Osman
Date: 02-08-2010, 09:11 PM
Parent: #1
| Quote: حوالي 7 مسافرين وقعو لان السلم تزحلق بهم --الاسعاف اتي بعد الكثر من نصف ساعه وكان من المفترض ان يكون هناك |
هل هناك وفيات او اصابات كبيرة؟
من المسئول من تثبيت السلم على باب الطائرة؟ سلطات المطار (الخدمات الارضية) ولا المضيفين والمضيفات وشركة الطيران؟
حمدلا بالسلامة يا دكتورة.
|
Post: #21
Title: Re: كارثه جديده بمطار الخرطوم --وقلبي علي وطني
Author: خالد درق
Date: 02-08-2010, 10:12 PM
Parent: #20
دكتورة / احسان .... تحياتى
والف حمدالله على السلامة
| Quote: كارثه جديده بمطار الخرطوم --وقلبي علي وطني |
خليها على الله ...
مودتى ...
|
Post: #22
Title: Re: كارثه جديده بمطار الخرطوم --وقلبي علي وطني
Author: Adam Omer
Date: 02-08-2010, 10:45 PM
Parent: #21
من الإيميل ..
حقائق مررررررررررررررررة وحقيقة !!
_______________________________________
لو بحثت عن خط (عبور مشاة) أو (أمامك مدرسة) أو (منحنى) في كل (العاصمة) ولم تجده .. تبقى انت أكيد في السودان
لو أنت في بلد فيهو سنه سابعة وسنة تامنه ابتدائي… تبقى أنت أكيد في السودان
لو طالعتك إعلانات شركات (مسئول) كبير وهو لا زال (في الخدمة)… تبقى أنت أكيد في السودان
لو (لبد) ليك شرطي (مرور) في نهاية شارع اتجاه واحد وخلاك لمن دخلت وجاك بى (دفتر إيصالاتو)… تبقى أنت أكيد في السودان
|
Post: #23
Title: Re: كارثه جديده بمطار الخرطوم --وقلبي علي وطني
Author: معتز مقبول
Date: 02-09-2010, 00:16 AM
Parent: #22
استاذه|احسان
السلام عليكم و حمدالله علي السلامه
في بلدنا الحاله واحده
المطار ياهو المحطه
والكوميت يوم تبقي كارو
والزمن بروح اوانطه....
والحمدلله العوده بالسلامه
|
Post: #24
Title: Re: كارثه جديده بمطار الخرطوم --وقلبي علي وطني
Author: عمار عبدالله عبدالرحمن
Date: 02-09-2010, 00:34 AM
Parent: #23
حمد الف على السلامة ,,
نحن في بلد ضباط الطيران المدني بيعطوهم دورات في الفقة والتجويد ,,,, وبس ,,
|
Post: #58
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 09:04 AM
Parent: #24
والله يا عمار ضحكتني فعلا دورات في التجويد ولا حولا ولا قوه
|
Post: #25
Title: Re: كارثه جديده بمطار الخرطوم --وقلبي علي وطني
Author: عبد المنعم ابراهيم الحاج
Date: 02-09-2010, 00:39 AM
Parent: #23
حمدله سلامة استاذة احسان .
|
Post: #26
Title: Re: كارثه جديده بمطار الخرطوم --وقلبي علي وطني
Author: خالد العبيد
Date: 02-09-2010, 00:58 AM
Parent: #25
سلااامتك يا دكتورة
ما تشوفي شر
|
Post: #28
Title: Re: كارثه جديده بمطار الخرطوم --وقلبي علي وطني
Author: سيف اليزل جعفر عبد الرحمن
Date: 02-09-2010, 03:09 AM
Parent: #26
Quote: بعد ثلاته ساعات جو تلاته خواجات جاريين ...وركبو معانا
والطياره إتحركت...!!!
واحد من الركاب قال ينجدنى بص الكلاكله |
السودان الواسع ده ما لقى مكان يضرب بيه مثل غير الكلاكلة !!! ... الباصات في كل مكان في السودان بتتملي حتى بعد داك تتحرك ... يعني بص الكلاكلة بس بنتظر الركاب .
الحمد لله ما كنت معاكم في الطيارة دي
عالم حقااااااااااااااره خلاص
الف حمد الله على السلامة
|
Post: #60
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 09:10 AM
Parent: #26
عبدالمنعم
خالد العبيد
شكرا لكم
|
Post: #59
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 09:07 AM
Parent: #23
والناس يا معتز راحت اوانطه
|
Post: #57
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:58 AM
Parent: #22
السودان بلد العجائب
شعب زكي وقياده غبيه
|
Post: #55
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:53 AM
Parent: #21
يا خالد
نخليها علي الله ونعم بالله بس ربنا قال
اسعي يا عبد وانا اساعدك
فالسعي مهم ولا شنو
|
Post: #52
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 08:47 AM
Parent: #20
الاخ بشير --كلامك صاح انحنا ملاعين
عادل --اتوقع وفاة الطفله او اعاقتها اذا ظلت علي قيد الحياة
|
Post: #27
Title: Re: كارثه جديده بمطار الخرطوم --وقلبي علي وطني
Author: بكري الصايغ
Date: 02-09-2010, 03:05 AM
Parent: #1
السودان ونصيب الأسد في حوادث الطيران
----------------------------------------------
http://www.alayaam.info/index.php?type=3&id=2147512241
جميع الحقوق © 2008 محفوظة لصحيفة الايام اليومية-
2008-07-29
1- - فبراير شباط 1998: سقوط طائرة في جنوب السودان خلفت مقتل النائب الأول للرئيس السوداني الفريق الزبير محمد صالح.
2- - فبراير شباط 2005: تحطم طائرة نقل سودانية قرب الخرطوم، ما أدي إلي مقتل جميع أفراد طاقمها السبعة المكون من ستة روس وسوداني واحد.
3- - فبراير شباط 2006: تحطم طائرة عسكرية سودانية في مطار بلدة أويل الجنوبية ما أدي إلي مقتل أفراد طاقمها السبعة و13 جنديا كانوا علي متنها.
***- وشهد السودان تحطّم عدة طائرات عسكرية منذ عام 1998م، ففي فبراير 1998م تحطّمت طائرة عسكرية في ولاية (أعالي النيل) كانت تقل النائب الأول للرئيس البشير آنذاك الفريق (الزبير محمد صالح)، والذي قتل مع مجموعة من العسكريين والمدنيين وصل عددهم إلي (20) شخصاً.
***- وفي يونيو عام 1999م، أدي عطل فني إلي تحطم طائرة عسكرية في ولاية (كسلا) شرقي السودان، مما أدي إلي مقتل (50) شخصاً بينهم ستة ضباط،
***- وفي أبريل 2002م استشهد العقيد (إبراهيم شمس الدين) مساعد وزير الدفاع في تحطم طائرة عسكرية نتيجة عاصفة رملية، كما نتج عن الحادث مصرع (14) ضابطاً، من بينهم مساعد الوزير حينها،
***- وفي 26 يوليو سقطت طائرة هليوكبتر روسية الصنع من طراز (إم 17) بمنطقة (دوماية) غربي مدينة (نيالا)، مما أسفر عن مقتل (19) عسكرياً كانوا علي متنها، وذكر أن سبب سقوطها جاء نتيجة سوء الأحوال الجوية،
***- أما بالنسبة للحوادث المدنية، فيُعدّ سقوط طائرة الخطوط السودانية (بوينج 737) في يوليو 2003م قرب (بورتسودان) الأسوأ إثر تعرضها لخلل فني، حيث راح ضحية الحادث (115) شخصاً ولم ينج من الطائرة إلا طفل واحد،
***- كما لقي (13) شخصاً مصرعهم عندما انفجرت في الجو طائرة شحن من طراز (أنتونوف) بينما كانت تستعد للهبوط في مطار (وار) في شهر نوفمبر 2003م.
|
Post: #29
Title: Re: كارثه جديده بمطار الخرطوم --وقلبي علي وطني
Author: حسين نوباتيا
Date: 02-09-2010, 03:47 AM
Parent: #27
حمد الله على السلامة يا دكتورة
وحمد الله على السلامة يا ابو الجاز " من الكان راجيك في المطار"
|
Post: #30
Title: Re: كارثه جديده بمطار الخرطوم --وقلبي علي وطني
Author: Hayat Hussien
Date: 02-09-2010, 04:14 AM
Parent: #29
الحمد لله علي السلامه الاحت إحسان
|
Post: #31
Title: Re: كارثه جديده بمطار الخرطوم --وقلبي علي وطني
Author: Tragie Mustafa
Date: 02-09-2010, 04:33 AM
Parent: #30
د. احسان الف سلامه اولا
ثانيا:
رجاء رسلي لي تلفونك بالايميل.
Quote: لو بحثت عن خط (عبور مشاة) أو (أمامك مدرسة) أو (منحنى) في كل (العاصمة) ولم تجده .. تبقى انت أكيد في السودان
لو أنت في بلد فيهو سنه سابعة وسنة تامنه ابتدائي… تبقى أنت أكيد في السودان
لو طالعتك إعلانات شركات (مسئول) كبير وهو لا زال (في الخدمة)… تبقى أنت أكيد في السودان
لو (لبد) ليك شرطي (مرور) في نهاية شارع اتجاه واحد وخلاك لمن دخلت وجاك بى (دفتر إيصالاتو)… تبقى أنت أكيد في السودان
|
اضافه لما اورده الاخ اقول:
اذا وصلت طائرتك بالسلامه وهممت بالنزول حامد وشاكر ربك..... واتزحلق بيك السلم بلا سبب غير
الاهمال.......تأكد انك في السودان!
وشوفي جنس القالوه عمار ده....!!
| Quote: نحن في بلد ضباط الطيران المدني بيعطوهم دورات في الفقة والتجويد ,,,, وبس ,, |
عمار يا اخوي اريته لو فقه وتجويد ولكن معاهو اجراءات السلامه الجويه
اظنه فقه وتجويد ولا شئ عن السلامه الجويه وكمان تعيين بالواسطه و القبيله!
بلد ما ليها وجيع.
تخريمه:
يا احسان حزن عدوك في هاملتون اليوم
دفنا وائل سامي ود زينب محمد صالح الحيكمل ياعيني عليه
ل 20 سنه بعد يومين تخيلي!!وووووب من فجيعتنا وجعنا.
وحال امه وابوه وكل الاسره خليه ساي!
هاملتون تبكي بالقلب المحزون وائل سامي عثمان
وعمك عثمان زوج حاج التومه كمان اتوفى بالسودان
وهي معاكم امشي عزيها يا غاليه.
|
Post: #32
Title: Re: كارثه جديده بمطار الخرطوم --وقلبي علي وطني
Author: Dania Elmaki
Date: 02-09-2010, 05:15 AM
Parent: #31
سلامة الركاب مسؤولية طاقم الطائره سواء الركاب اتدافعوا ولا اتدافروا و الطاقم ليه الكلمه الاخيره و الكنترول.
لكن معليش غلطان المرحوم برضه ممكن تمشي في الحاله دي
|
Post: #33
Title: Re: كارثه جديده بمطار الخرطوم --وقلبي علي وطني
Author: ابو عثمان
Date: 02-09-2010, 05:36 AM
Parent: #32
هي لله ولا للسلطة و لا للجاه !!
|
Post: #34
Title: Re: كارثه جديده بمطار الخرطوم --وقلبي علي وطني
Author: ندى عثمان حسن
Date: 02-09-2010, 06:20 AM
Parent: #33
| Quote: سلامة الركاب مسؤولية طاقم الطائره سواء الركاب اتدافعوا ولا اتدافروا و الطاقم ليه الكلمه الاخيره و الكنترول. |
حمدلله على السلامة يادكتورة
|
Post: #35
Title: Re: كارثه جديده بمطار الخرطوم --وقلبي علي وطني
Author: محمد عبد الماجد الصايم
Date: 02-09-2010, 06:52 AM
Parent: #34
لا حولاااااااا!
حمد الله على السلامة ياخ!!
___________
غلطان كابتن الطيارة .. مفروض يوصل الركاب للمقابر طوالي!!
|
Post: #36
Title: Re: كارثه جديده بمطار الخرطوم --وقلبي علي وطني
Author: نورالدين بابكر بدري
Date: 02-09-2010, 07:50 AM
Parent: #35
Quote: ثانيا ليه ما يكون الخطاء من السادة الركاب
فمعروف عن السودانيين انهم ما بصبروا حتى لغاية ما الطيارة تقيف كويس وبيقوموا يتدافعوا في ممرات الطيارة خليك من التدافع على السلم |
والله يا ميادة كمال بالغتي في دي
لأنو ببساطة شديدة جداً الركاب لايستطيعون فتح باب الطائرة
بل فتح باب الطائرة مسؤولية الطاقم
لذلك لا يمكن للركاب الوصول لسلم الطائرة قبل فتح الباب
ممكن التبرير ينفع في حته تانية
|
Post: #44
Title: Re: كارثه جديده بمطار الخرطوم --وقلبي علي وطني
Author: عبدالرحيم أبراهيم العبيد
Date: 02-09-2010, 08:13 AM
Parent: #36
دكتوره/ أحسان
حمدا لله علي السلامه
غايتو استهتار فايت الحد والحدود
حمد لله على السلامة يا احسان
واتمنى لو يصعد الموضوع حتى يتم كشف مكمن التقصير ومحاسبة المسؤل عنه
شكرا للاخت الجندريه
مع وافر تحياتي لك وللاخوه
طارق وأسامه عبدالجليل
|
Post: #71
Title: Re: كارثه جديده بمطار الخرطوم --وقلبي علي وطني
Author: الجندرية
Date: 02-09-2010, 10:31 AM
Parent: #44
الاخ ابراهيم العبيد
سلام
مش قالو ما ضاع حق وراهو مطالب ؟
وتوفير سلامة الركاب دا حق من حقوقهم على الشركة الناقلة وعلى المطار النزلو فيه
يوصل سلامك لطارق واسامة انت دفعتهم ولا شنو وعلي فكرة اسامة عضو معانا في المنبر دا؟
|
Post: #37
Title: Re: كارثه جديده بمطار الخرطوم --وقلبي علي وطني
Author: حليمة محمد عبد الرحمن
Date: 02-09-2010, 07:58 AM
Parent: #35
حمد لله على سلامة الوصول يا دكتورة..
تعرفي نحن في كل مرة بنركب سودانير دي كان مفروض نموت لكن يبدو ان روحنا روح كلب.
خليني احكي الموقفين ديل مع سودانير..
في بداية الالفية الثالتة كنت ماشة الخرطوم معاي اخوي واتنين من اطفالي.. الطيارة كانت مليانة لما جابوا واحدة
يدبلوهو مع ولدي في المقعد الواحد.. الا انا رفضت بشدة .. الله بسالني في النهاية لقوا للشافع دا ولد شاب ختاهو
فوق كرعينه.. طبعا مافي داعي نتحدث العفش كان كيف..
نحن قاطعين التذكرة الرياض الخرطوم.. جينا المطار لقينا خط السير اتغير الى الرياض- دنقلا - الخرطوم..
طبعا ركبنا صاغرين.. هو نحن عندنا حاجة غير نقبل.
المهم الطيارة لما دايرة تنزل عملت فينا عمايل صعبة.. كانت كالقشة في مهب الريح.. تبطحنا كلنا على جنبة..
وتنسفنا لفوق.. وترجع تبطحنا على الجنبة التانية.. طبعا الصراخ اشتركوا فيهو الجميع.. نساء ورجال واطفال.
لما نزلت وكانت لسع في الرنواي..كانت بتعمل صوت غريب خلاص.. واحد ساخر علق قائلا بان الطايرة محتاجة
قماشات.
عند السلم الناس دي كانت بتتدافع بصورة هستيرية.. خوف ما عادي.
المشهد التاني
حدث سنة 2005، تقريبا..
كنا مجموعة من الصحفيين المشاركين في مؤتمر الاعلاميين الاول..
ركبنا واقلعت الطائرة بعد ان رحب بنا كابتنها وطاقمها.
بعد برهة وجيزة من الاقلاع.. حصل عطل في الجو، ولم يتمكن
الكابتن من الارتفاع بها..كانت الارض قريبه بصورة مخيفة والطائرة، ماشة على ارتفاع ثابت.
نبهني زميلي الى ان هناك خلل.. اريتو كان ما نبهني.. غايتو الصور بدأت تتداعي سريعة في
مخيلتي : اولادي الماشين يتيموا، المسئولية الكبيرة الماشة تقع على عاتق زوجي، امي وابوي واخوتي ووقع الخبر عليهم.
عادت الطائرة مرة اخرى الى المطار ولكن هذه المرة خارج المطار بمسافة كبيرة جدا (المطار كنا شايفنه سراب سراب..
كانت هناك اكثر من عشرة عربات اطفاء جاهزة ومتابعانا من على البعد..
موش قلت ليك الموت ساكت مابينا ونحن سايمين روحنا ساكت..
طبعا ركبنا الطائرة مرة اخرى وحسب الافادة فقد حدث عطل في جهاز الكومبيوتر..
ما بعرف الكلام دا صح ولا الشغلانية اكبر من كدي.
الى اليوم كلما اركب طيارة اتوتر ودق صدري وارجى الكريم في الكريبة.
|
Post: #41
Title: Re: كارثه جديده بمطار الخرطوم --وقلبي علي وطني
Author: Hussein Mallasi
Date: 02-09-2010, 08:07 AM
Parent: #37
| Quote: والان المغترب وهو علي بعد امتار من اسرته يحمل الفرح والشوق ولكنه يموت نتيجة اهمار |
يا إحسان .. اكتبي زي ما عايزة بس مافي داعي للكضب.
|
Post: #54
Title: Re: كارثه جديده بمطار الخرطوم --وقلبي علي وطني
Author: بشير أحمد
Date: 02-09-2010, 08:52 AM
Parent: #41
Quote: اصيب 6اشخاص باصابات بالغة نتيجةلانهيار سلم طائرة سعوديةبمطار الخرطوم
قادمة من جدة وتم نقل 5منهم الي مستشفي الخرطوم وآخر الي مستشفي الفيصل
وباشرت السلطات المختصة التحريات اللازمة واخضعت طاقم الطائرة الي التحقيق والتحري
لمعرفة ملابسات الحادث ؛وقال المتحدث الرسمي للطيران المدني ومدير العلاقات العامة
عبدالحافظ عبدالرحيم في حديثه للرائد أمس ؛أن الحادث نتج عندما ارتخي السلم
من الجزء الخلفي للطائرة إنها بهم علي الارض. |
|
Post: #64
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 09:46 AM
Parent: #41
والله كلامك صاح الكضب مافي داعي ليهو لان المغترب يموت نتيجة اهمال المسئولين وليس اهمار
شكرا لك
|
Post: #63
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 09:40 AM
Parent: #31
حال العدو يا تراجي
حزنت علي ود زينب الله يرحمو
تلفوني 00249924802850
والله قربنا ما نروح فيها طبعا ارخص حاجه في السودان --الانسان
بس كانت فرصه في المطار نقدنا للحكومه
تصوري يا تراجي المغترب يكون قرب ما يصل بيتو --يموت نتيجة اهمال الطيران المدني او قواعد السلامه في المطار
|
Post: #62
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 09:29 AM
Parent: #30
نوباتيا وحياة حسين
شكرا لكم
|
Post: #51
Title: Re: كارثه جديده بمطار الخرطوم --وقلبي علي وطني
Author: الصادق صديق سلمان
Date: 02-09-2010, 08:46 AM
Parent: #29
| Quote: وحمد الله على السلامة يا ابو الجاز " من الكان راجيك في المطار" |
والله يا حسين اخوك كان دلوكت في خير كان وإن
وينك ياخي ما رسلت ليك رسالة على المسنجر لكن ما اشتغلت بي
الصادق
|
Post: #56
Title: Re: كارثه جديده بمطار الخرطوم --وقلبي علي وطني
Author: بشير أحمد
Date: 02-09-2010, 08:55 AM
Parent: #51
علي الاقل كان تقولي انو الطائرة كانت سعودية.
غايتو..
حمدلله علي السلامة.
|
Post: #70
Title: Re: كارثه جديده بمطار الخرطوم --وقلبي علي وطني
Author: محمد عبدالقادر سبيل
Date: 02-09-2010, 10:27 AM
Parent: #56
Quote: تعرفي نحن في كل مرة بنركب سودانير دي كان مفروض نموت لكن يبدو ان روحنا روح كلب.
خليني احكي الموقفين ديل مع سودانير..
في بداية الالفية الثالتة كنت ماشة الخرطوم |
يااستاذة حليمة عبد الرحمن ما قالوا ليك الطيارة السعودية ما سودانير
ما سودانيررررر
والخلل راجع لطاقم الشركة السعودية ( في المحطة وفي الطائرة )9 لأنه المسؤول عن فتح الأبواب قبل تثبيت السلم والتأكد من سلامته.
ومع ذلك فانني ادعو الى خصخصة سودانير لتطويرها كما تطورت الاتصالات
واخشى ما اخشاه هو ان ينبري نفس الذين اخرجوا لها القديم والجديد ههنا للدفاع عن بقائها تحت مظلة الحكومة انتصارا للاسر التي ستشرد ورفضا لمبدأ الصالح العام الخ
ياخوانا المشكلة ليست في سودانير ولا الدفاع المدني ولا الحكومة
المشكلة في التربية النفسية والاجتماعية ومكونات الثقافة السودانية
تربيتنا رعوية حتى داخل المدن
تلك هي بواعث الاهمال والاستهتار واللامبالاة وعدم الدقة وعدم الجدية وعدم وجود روح المسؤولية لدى الانسان السوداني عموما ( سواء اكان سواق ، طباخ ، مهندس ، عامل ،فني ، بناء ، مزارعي، مكانيكي ، طبيب ، ممرض ، صحفي ، وزير ، مدير غفير الخ )
كلنا عندنا هذه الامراض ولكن بس بدرجات متفاوتة
والغريبة اننا جميعا نتفق على سوء هذه الصفات وشدة اضرارها بالحياة العامة في السودان
ورغم ذلك فان الجميع يمارس الشئ نفسه بدرجات متفاوتة وحسب ظروفه ومزاجه والفرص المتاحة
فقط ضعه في اختبار طويل الأمد وخليه يضجر
شعب يجمعه شئ واحد دائما شماله وجنوبه شرقه وغربه ووسطه ومتمدنه وباديه :
انه التمرد .
كلنا متمردون دون ان نشعر
تمرد على الوقت والمواعيد
تمرد على القانون
تمرد على الدقة
تمرد على العمل باخلاص وانتظام
تمرد على احزابنا وقياداتها
تمرد على الرئيس والكبير والمدير
تمرد على الوقوف بانتظام في الصفوف
تمرد على النظام
كلنا معارضون محتجون دائما ونشكل حالة ( ضد ) باستمرار ولا يعجبنا العجب
تمرد على السير داخل الطريق وحسب نظم المرور
تمرد على الاوامر جميعا
مافي زول يركب فوق راسنا ويقول لينا اعملوا وما تعملوا
تمرد داخل الاسرة
شعب كله متمردون الا من رحم ربي وعصم
تمرد على الدولة
والطاعة عندنا لا تعدو ان تكون نوعا من المسكنة والقبول بالحقارة
نحن اولاد بلد نقعد نقوم على كيفنا
وعندنا بس كبير الجمل
تاني مافي كبير ولا القانون
هذه هي المشكلة يا جماعة فلا تتهربوا من مواجهتها باتجاه الحكومة التي تحملوها كل الوزر بينما الوزر مشترك والحكومة ليست بريئة وانما تتألف من بشر خضعوا للتربية والقيم ذاتها
ومن العبث الاعتقاد ان الحكومة تستطيع ان تربي او توجه او تنظم شعبا من المتمردين
كيف وفاقد الشئ لا يعطيه
شعب تاريخه كله غارات قبلية وهمباته وجنجويد ونضال مسلح واحزاب مشتظية وحروب اهلية
وليوم الليلة حروب التمرد مستمرة شرقا وغربا وجنوبا كتعبير عن اقصى تجليات روح التمرد التي جبلت عليها الشخصية السودانية وقامت عليها الهوية الوطنية
من يريد ان يجعل من الوحدة خيارا جاذبا قليبشر هذا الشعب بحفز نزعاته التمردية المشتركة ، وليبشره بشرعنة وتكريس هذا التمرد.
قال الحكومة قال!!
تشخيص مختزل وشماعة علل
لكم احترامي ايها الشعب الأبي الذي لا يخضع لقانون او مؤسسة او زعيم حزب أو اي نوع من الاوامر وكبح جماح الحرية المرادفة لعلى كيفك.
__________________
اللهم الهمني رشدي وقني شر نفسي
|
Post: #61
Title: Re: كارثه جديده بمطار الخرطوم --وقلبي علي وطني
Author: ihsan fagiri
Date: 02-09-2010, 09:16 AM
Parent: #27
الاخ بكري
وبعد 10 سنوات حيكون السودان نمرة واحد في السرطان --والامراض النفسيه والاختطاف والاغتصابات
ولسه طالما الجماعه ديل موجودين باذن الله حنكون البرنجي في كل رداءات العالم
|
Post: #66
Title: Re: كارثه جديده بمطار الخرطوم --وقلبي علي وطني
Author: أحمد عامر أريا
Date: 02-09-2010, 10:07 AM
Parent: #1
الأخت إحسان
ألف حمدا لله على السلامة
وربك ستر ولطف
وما تنسى تعملى كرامة كبيرة
كونك مع أهلك الآن.
وإن شاء الله فى كل خطوة سلامة.
|
Post: #69
Title: Re: كارثه جديده بمطار الخرطوم --وقلبي علي وطني
Author: مهيرة
Date: 02-09-2010, 10:24 AM
Parent: #66
قدر ولطف ..
ألف حمدالله على السلامة يا دكتورة إحسان ..
تحياتى
|
Post: #73
Title: Re: كارثه جديده بمطار الخرطوم --وقلبي علي وطني
Author: فتحي الصديق
Date: 02-09-2010, 11:03 AM
Parent: #69
حمد لله على سلامة الوصول يا دكتورة
والبص الذي ينقل الركاب الى الطائرة مسؤولية منو؟؟ حصل في احدى رحلاتي للسودان انو باب البص اتقفل على جسم طفل بعد فتحه. ولم تنفع محاولات سائق البص في معالجة الأمر فتم سحب الطفل سحبا وتعرض لبعض الجروح نتيجة لذلك .
|
Post: #72
Title: Re: كارثه جديده بمطار الخرطوم --وقلبي علي وطني
Author: جعفر محي الدين
Date: 02-09-2010, 10:36 AM
Parent: #66
ألف حمد لله على السلامة
Quote: تانيا الراكب طالما هو على متن الطائرة هو مسؤولية شركة الطيران وعلي سلم الطائرة هو ايضاً مسؤولية شركة الطيران , عادة يتم تدريب المضيفين والمضيفات على اجراءات معينه للتحكم في الازدحام فأذا فشلوا في ذلك مهذه مشكلة ,, عموما الراكب أذا لم يسمح له المضيف المسؤول بالنزول ما ممكن ينزل من الطائرة مهما كانت درجة استعجالو ومهما كانت جنسيته
تعاملت على مدي اكثر من عشرين عاما مع مسافرين من كافة ارجاء الارض كمضيف جوي ,, لم اجد راكب متعاون ومحترم اكثر من الراكب السوداني وازيد عليها ومتفهم مش لاني سوداني لكن لانها الحقيقة ,,
انتو يا ناس ميادة بقيتو ما بتستحملو النقد |
|
Post: #74
Title: Re: كارثه جديده بمطار الخرطوم --وقلبي علي وطني
Author: بكري عباس علي
Date: 02-09-2010, 12:51 PM
Parent: #72
حمدا لله علي السلامة يا دكتورة
وياهو دا السودان
|
Post: #76
Title: Re: كارثه جديده بمطار الخرطوم --وقلبي علي وطني
Author: الرفاعي عبدالعاطي حجر
Date: 02-09-2010, 01:09 PM
Parent: #74
حمداً على سلامتكم وبلا شك فأرخص ما بالوطن الانسان ومن قبل هذه الحكومة
اللهم ألطف بشعب السودان ياالله .
...........................................................حجر.
|
Post: #77
Title: Re: كارثه جديده بمطار الخرطوم --وقلبي علي وطني
Author: عبدالله احيمر
Date: 02-09-2010, 03:13 PM
Parent: #76
Quote: إصابة (6) ركاب أثناء نزولهم من طائرة بالخرطوم
الخرطوم: هادية صباح الخير
سقط (6) ركاب من سلم طائرة ايربص بمطار الخرطوم امس بعد انهيار وارتخاء السلم قادمة من جدة حوالي الساعة الثالثة ظهراً. وكشف عبد الحافظ عبد الرحيم الناطق الرسمي باسم الطيران المدني لـ «الرأي العام» امس، انه وأثناء هبوط الطائرة القادمة من جدة التي تتبع للخطوط السعودية حدث انهيار وارتخاء في الجزء الخلفي لسلم الطائرة مما أدى لسقوط (6) اشخاص منهم (3) رجال و(3) سيدات نجمت عنه اصابات ورضوخ تم اسعافهم للمستشفى. وقال عبد الحافظ، ان ادارة الطيران المدني شرعت في التحقيق لمعرفة أسباب الحادث. |
| Quote: والخلل راجع لطاقم الشركة السعودية ( في المحطة وفي الطائرة )9 لأنه المسؤول عن فتح الأبواب قبل تثبيت السلم والتأكد من سلامته. |
الأخت احسـان
الف حمدالله على السـلامة
الأخ ســبيل
الســلام عليكم
المقتبس أعلاه للخبر كما ورد في صحيفة الرأي العام عدد اليوم الثلاثاء 09 فبراير 2010 م
وقـد جاء في الخبر أن الخلل في الســلم ( انهار وارتخى )
وفي مقتبسـك توحي بأن المضيف فتخ الباب قبل تثبيت الســلم , وفي بعض الروايات أن الســلم
تزحلق فســط بعض الركاب الذين كانوا على الســلم , فكيف يكون الخلل راجع لطاقم الطائرة
|
Post: #78
Title: Re: كارثه جديده بمطار الخرطوم --وقلبي علي وطني
Author: خالد عبد الله محمود
Date: 02-09-2010, 03:26 PM
Parent: #77
Quote: اصيب نحو 6 اشخاص بأصابات وكدمات متفاوتة اثر سقوطهم من سلم طائرة اير بص سعودية بمطار الخرطوم امس وتم نقلهم الى مستشفي الخرطوم لتلقي العلاج اللازم بعد حدوث خلل في السلم المخصص لإنزال الركاب، فيما اعلنت هيئة الطيران المدني عن فتح تحقيق لمعرفة ملابسات الحادث.
وقال الناطق باسم هيئة الطيران المدني د. عبد الحافظ عبد الرحيم لـ(السوداني) ان خللا ادى الى ارتفاع سلم انزال الركاب من الرحلة 462 القادمة من جدة الى الخرطوم ادى الى سقوط بعض الركاب من بينهم نساء واصابتهم بإصابات متفاوتة، مضيفا ان المسؤولية تقع على عاتق الشركة السعودية وشركة المناولة الأرضية المتعاقدة معها، مشيرا الى ان الهيئة من خلال مسؤوليتها فتحت تحقيقا فوريا لمعرفة ملابسات الحادث واتخاذ الاجراءات المناسبة.
السوداني |
أولاً حمد الله على السلامة ..
الخبر من صحيفة السوداني يؤكد أن المسئولية تقع على عاتق الخطوط السعودية و شركة المناولة الأرضية المتعاقدة معها يعني برضوا مسؤلية الخطوط السعودية ..
المطلوب الآن الضغط على الخطوط السعودية للإهتمام بخط الخرطوم حيث لاحظ الجميع أن أسوأ خدمات الخطوط السعودية هي في خط الخرطوم ..
لا علاقة لسودانير بالموضوع من قريب أو بعيد
|
Post: #79
Title: Re: كارثه جديده بمطار الخرطوم --وقلبي علي وطني
Author: Adil Osman
Date: 02-09-2010, 08:54 PM
Parent: #78
يجب محاسبة الشركة المسئولة عن هذا الحادث سعودية كانت او سودانية ويجب تعويض الركاب الجرحى والمصابين وعلاجهم فى افضل المستشفيات
|
Post: #80
Title: Re: كارثه جديده بمطار الخرطوم --وقلبي علي وطني
Author: Adil Osman
Date: 02-09-2010, 09:33 PM
Parent: #79
كتبت د. احسان فقيرى
| Quote: عادل --اتوقع وفاة الطفله او اعاقتها اذا ظلت علي قيد الحياة |
عاجل الشفاء لهذه الطفلة. يجب علاج المصابين والجرحى فى افضل المستشفيات داخل او خارج البلاد.
ثم تعويضهم على ما اصابهم بدنيآ ونفسيآ.
|
Post: #81
Title: Re: كارثه جديده بمطار الخرطوم --وقلبي علي وطني
Author: Hussein Mallasi
Date: 02-09-2010, 09:43 PM
Parent: #80
Quote: | Quote: كتبت د. احسان فقيرى |
عادل --اتوقع وفاة الطفله او اعاقتها اذا ظلت علي قيد الحياة |
لعناية ناهد محمد الحسن دون غيرها
|
Post: #82
Title: Re: كارثه جديده بمطار الخرطوم --وقلبي علي وطني
Author: Hala Hassan
Date: 02-10-2010, 07:21 AM
Parent: #81
| Quote: عادل --اتوقع وفاة الطفله او اعاقتها اذا ظلت علي قيد الحياة |
أستر يا ستار،،،
عندنا واحدة شابة فى الحادث أصيبت بفقدان ذاكرة،
نتمنى أن يكون مؤقت،،،،،
ربنا يلطف بيها و بينا جميعا،،،
حمدلله على السلامة يا إحسان،،،،
|
Post: #83
Title: Re: كارثه جديده بمطار الخرطوم --وقلبي علي وطني
Author: أزهري عبد الرحمن
Date: 02-10-2010, 07:30 AM
Parent: #81
أولا حمد الله على السلامه
بكل امانة جميع الطائرات في العالم لها حوادث سوى كبيرة او صغيرة
انا اذكر في نهاية شهر اكتوبر 2009 كنت متجها الى اليابان عن طريق دبي
بالخطوط الاماراتيةوعندما تحركنا من الصالة بالبص الى سليم الطائرة وكان
هناك مجموعة دخلت الطائرة ونحن في سلم الطائرة قطعت الكهرباء من الطائرة
وانتظرنا حوالي 20 دقيقة وبعدها وصلت البصات مره اخري للرجوع الى الصالة
واثناء صعودنا للبص رجعت الكهرباء رجعنا مره اخرى الى الطائرة وبعد خمسة
الى عشرة دقائق نحن داخل الطائرة قطعت الكهرباء مره اخري لمدة 15 دقيقة
بعدها عادت مره اخري وبدات الطائرة في التحرك البطيء فاذا بالكهرباء
تقطع مره اخري وهذا كله ليس هناك اعتذار من طاقم الطائرة وانتظارنا
داخل الطائرة مدة نصف ساعة بدون تكييف ولا خدمات وفي هذه اللحظة بدأت
الحديث والضجر مع المضيفة المصرية الجنسية ؟؟؟؟؟؟؟؟
قلت لها اولا مفروض يقدم اعتذار رسمي من طاقم الطائرة للركاب فردت علي
المشكلة ما مننا من المحطة الارضية التي لم تجلب مولد الكهرباء ودار الحديث
في الاخذ والعطاءالى ان طلبت منها اذا امكن اتكلم مع الكابتن او المهندس قالت لي
هم مشغولين مع العطل ولكن انا بوصل لهم ما تريد قوله ولكنني رفضت الا الحديث معهم
وفي تلك اللحظة بدأ الركاب بالملل والحديث بصوت عال فما كان منها الا
ان استدعت امن الطائرة مطالبة باعتقالي لانني تسببت في في فوضي ربما
تعيق الملاحة الجوية وقالت بعد 11 سبتمبر لنا الحق في ايقاف اي
راكب وفي النهاية كان معظم الركاب الى جانبي ورفضوا رفضا تام عدم
اجراء اي شيء لي وبعد اصلاح العطل وبدات الطائرة في الاقلاع وعند دخول الاجواء الامارتية
بالسلامه مرت بي نفس المضيفة وقالت لي سوف اخطر امن المطار في دبي لايقافك
وما كان مني الا ان قلت لها افعلي اي شيء يخطر ببالك وواصلت رحلتي بعد 48 ساعة من دبي
الى اليابان دون اي مشاكل تذكر
|
Post: #84
Title: Re: كارثه جديده بمطار الخرطوم --وقلبي علي وطني
Author: زينب بدر الدين
Date: 02-10-2010, 07:45 AM
Parent: #83
حمد الله على سلامتك أولا
وسلامة كل المسافرين
بلد عجيب الخطوط دى مفروض تعوض الوقعو وتعوض جميع الركاب على
الترويع الحصل ليهم هسى لو دى حصلت لسعوديين كان الدنيا قامت وما قعدت
والعربية جابت الحدث والجزيرة وثقت
لنا الله
|
|