Post: #1
Title: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 02:31 PM
صراحة الحياة بقت صعبة والمسئوليات كترت والاولاد كترو - والحمدلله - والمبادئ ماقاعدة تغطي لى وتسند معاى ...
فاخواني المناضلين اعذروني ...
عمرى ماالتزمت في حزب عشان كده فرصتي اكبر ...
ولو الجماعة قالوا لازم يكون عندك خبرة احزاب ممكن هسي اسجل في اى حزب ان شاء الله الحركة وبقلب طوالي ..
|
Post: #2
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 02:32 PM
Parent: #1
انا زول صريح وفكرى ماجامد وكمان متحرر ...قلت احرر نفسي من الجوع العليها ...وصراحة ماداخل على طمع كتير ..بس حق القفه والملاح ...
الروح بلغت الحلقوم ...
|
Post: #3
Title: Re: نعم -- سأنضم إ لى المؤتمر الوطني .
Author: HAIDER ALZAIN
Date: 02-08-2010, 02:35 PM
Parent: #1
من عيونك المغرودات ديل انا أصلي من زمان عارفك ....
قاعدة في السهلة ،،،
ــــــــ
ما مشكلة يا عمك بالله احجز جنبك كرسي لو لقيت العضة فيها فائدة
|
Post: #4
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 02:42 PM
Parent: #3
سهلة وبس ياود الزين ...ماياهو الجوع الغردن ...
قالوا الجوع مرتد ....
| Quote: ما مشكلة يا عمك بالله احجز جنبك كرسي لو لقيت العضة فيها فائدة |
بالله طوفان الجوع وصل حد القرعة ؟!!!
|
Post: #5
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 02:54 PM
Parent: #4
انا عايز انضم للمؤتمر الوطنى بملء ارادتى وكامل عقليتي واتخذت قرارى ده بنفسي ومافى زول فاوضني او يساومنى غير الجوع - يعني حاجة ذاتيه -
والله مافي زول اداني نقداوشيك حتى الآن...لكن متوقع ...
|
Post: #6
Title: Re: نعم -- سأنضم إ لى المؤتمر الوطني .
Author: عبدالكريم الامين احمد
Date: 02-08-2010, 02:57 PM
Parent: #5
هلا يا فايز
ومالك يازول عاوزنا نلصق ليك
التعديل لاضافة لووووول
|
Post: #14
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 03:23 PM
Parent: #6
عبدالكريم ازيك ..
انا جاي جاهز ومعاى مضاد خجل ...وخاتيها واااااضحة ...
|
Post: #7
Title: Re: نعم -- سأنضم إ لى المؤتمر الوطني .
Author: عمر عشاري
Date: 02-08-2010, 02:59 PM
Parent: #5
| Quote: انا عايز انضم للمؤتمر الوطنى بملء ارادتى وكامل عقليتي |
خالد ود القاضي
حق تكفله لك القوانين
بالتوفيق
|
Post: #15
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 03:26 PM
Parent: #7
عمر عناني ..سلامات ...
| Quote: حق تكفله لك القوانين |
لو بتكفله القوانين كان سجلنا في الفريق الجديد ده ؟!!!
انا خفت الانفصال يحصل وانا بره ويقولوا ناس بره تبع الجنوب .. قلت الحق نفسي منها شبع ومنها تحديد وطن ..
|
Post: #8
Title: Re: نعم -- سأنضم إ لى المؤتمر الوطني .
Author: عمر عشاري
Date: 02-08-2010, 02:59 PM
Parent: #5
| Quote: انا عايز انضم للمؤتمر الوطنى بملء ارادتى وكامل عقليتي |
فايز ود عنان
حق تكفله لك القوانين
بالتوفيق
___________________
التعديل لكتابة الإسم بصورته الصحيحة
|
Post: #9
Title: Re: نعم -- سأنضم إ لى المؤتمر الوطني .
Author: Nader Abu Kadouk
Date: 02-08-2010, 03:06 PM
Parent: #8
قشه ماتعتر ليك
و نحن بنساعدك بالخجله
|
Post: #16
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 03:28 PM
Parent: #9
| Quote: و نحن بنساعدك بالخجله |
نادر .. ان شاء الله نخدمك في خجلاتكم ...
|
Post: #10
Title: Re: نعم -- سأنضم إ لى المؤتمر الوطني .
Author: تولوس
Date: 02-08-2010, 03:06 PM
Parent: #8
يعني اي زول انضم للمؤتمر الوطني جيعان
|
Post: #11
Title: Re: نعم -- سأنضم إ لى المؤتمر الوطني .
Author: نصر الدين عثمان
Date: 02-08-2010, 03:12 PM
Parent: #10
Quote: صراحة الحياة بقت صعبة والمسئوليات كترت والاولاد كترو - والحمدلله - والمبادئ ماقاعدة تغطي لى وتسند معاى ...
فاخواني المناضلين اعذروني ...
عمرى ماالتزمت في حزب عشان كده فرصتي اكبر ...
ولو الجماعة قالوا لازم يكون عندك خبرة احزاب ممكن هسي اسجل في اى حزب ان شاء الله الحركة وبقلب طوالي .. |
ود القاضي .. سلام،
ربنا يعيننا جميعاً على مصاعب الحياة ومسؤولياتها ..
يا خي إنت ما عرفت أصول اللعبة لسة!!
استعن بالاستراتيجية العنانية .. والتي تحقق لك انضماماً ملحمياً رائعاًوهي تمر عبر مرحلتين لا ثالث لهما
المرحلة الأولى: مرحلة التأسيس:
1/ إعداد دراسة الجدوى المطلوبة لاختيار الحزب الذي يحقق المصلحة المرجوة بأقصر السبل وليكن اسمه الحزب X ولكن إياك أن تنضم إليه في هذه المرحلة.
2/ انضم إلى الحزب Z الذي يناقض الحزب X واستعن بكل قدراتك في شن حملات شعواء على الحزب X
3/ لوك الصبر وأترك الطبحة حتى تنضج على نار هادئة
المرحلة الثانية: مرحلة الإنقلاب:
استجمع كل هتاف الدنيا وقدم نقد ذاتي عن فترة انضمامك إلى الحزب Z وأعلن على الملأ انضمامك إلى الحزب X
النتائج: ألف مرحب بك في الدنيا الجديدة
|
Post: #19
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 03:36 PM
Parent: #11
نصر الدين ..سلامات ...
بالله صورة كده قبل اللهط ..قطع شك حاتغير ...
Quote: يا خي إنت ما عرفت أصول اللعبة لسة!!
استعن بالاستراتيجية العنانية .. والتي تحقق لك انضماماً ملحمياً رائعاًوهي تمر عبر مرحلتين لا ثالث لهما
المرحلة الأولى: مرحلة التأسيس:
1/ إعداد دراسة الجدوى المطلوبة لاختيار الحزب الذي يحقق المصلحة المرجوة بأقصر السبل وليكن اسمه الحزب X ولكن إياك أن تنضم إليه في هذه المرحلة.
2/ انضم إلى الحزب Z الذي يناقض الحزب X واستعن بكل قدراتك في شن حملات شعواء على الحزب X
3/ لوك الصبر وأترك الطبحة حتى تنضج على نار هادئة
المرحلة الثانية: مرحلة الإنقلاب:
استجمع كل هتاف الدنيا وقدم نقد ذاتي عن فترة انضمامك إلى الحزب Z وأعلن على الملأ انضمامك إلى الحزب X |
الزمن ضيق يانصر للتسجيل الروتيني ...بس لقيت حزب قال بسجلني تسجيل مكثف ..يحسبو لى الشهر سنتين ..ويعوضوني في النهب الفاتني ..
|
Post: #12
Title: Re: نعم -- سأنضم إ لى المؤتمر الوطني .
Author: عمر عشاري
Date: 02-08-2010, 03:13 PM
Parent: #10
| Quote: يعني اي زول انضم للمؤتمر الوطني جيعان |
أو شبعان
|
Post: #13
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 03:20 PM
Parent: #12
قلت اجاهر بموقفى ده ومابطبز عيني براى ومابدارى وشي ولا بدفن راسى في القاش ...
قلتها صراحة في عز الضهر ...
|
Post: #18
Title: Re: نعم -- سأنضم إ لى المؤتمر الوطني .
Author: على محمد على بشير
Date: 02-08-2010, 03:32 PM
Parent: #13
| Quote: انا زول صريح وفكرى ماجامد وكمان متحرر |
فايز يا عمك
انتا داير تنضم والا تعرس
|
Post: #23
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 03:42 PM
Parent: #18
على ...ازيك ..
Quote: فايز يا عمك
انتا داير تنضم والا تعرس |
ماداير افك المعرسها وانت الصادق ..
|
Post: #21
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 03:40 PM
Parent: #12
| Quote: يعني اي زول انضم للمؤتمر الوطني جيعان |
او حشران
|
Post: #27
Title: Re: نعم -- سأنضم إ لى المؤتمر الوطني
Author: Elawad Eltayeb
Date: 02-08-2010, 04:18 PM
Parent: #12
إنت قايل أي زول ساكت كده طيب ومسكين ممكن ينضم للمؤتمر الوطني
لازم سيرتك الذاتية
يكون فيها على الأقل
مجموعة من الإنجازات
المحيرة والغير منطقية
حتى تستحق هذا الشرف
يعني لو بديت برئيس الحزب ومرشحه كنموذج يقتدى
تجد أنه
عسكري منضبط ومتدين جداً ولا يؤمن بالإنقلابات العسكرية لحل مشكلة السودان المزمنة لكنه هو نفسه أتى بإنقلاب عسكري على السلطة الشرعية
وإنو صبيحة يوم العيد السعيد أعدم 28 ضابطاً لأنهم حاولوا الإقتداء بفعلته
وإنو هو رمز العدالة لكنه مطلوب في المحاكم الدولية
وإنو بنادي بالتعددية لكنو رئيس الحزب الوحيد الحاكم
وإنو وقع اتفاقية سلام (لكل الوطن) مع شريك واحد وألزم بها الجميع، ثم استفرد بخيوط إدارتها
وإنو عايز الجنوبيين يقتنعوا بالوحدة لكن يظلوا مواطنين من الدرجة الثانية
وعايز ناس دارفور يتشووا بهدوا في نار الإنقاذ وما يعملوا ضجة فهم أهل الصبر والتدين وحفظة القرآن
وإنو هو الرئيس الشرعي الحالي ومقتنع بكده
لكن عايز يترشح تاني
ليس إيماناً بالديمقراطية قولاً وفعلاً (وإلاّ ما جاء بإنقلاب عسكري)
لكن لكي يثبت إنو حزب المؤتمر الوطني اللي ولد من رحم الإنقلابات العسكرية وملأ المعتقلات وبيوت الأشباح والمقابر بالمعذبين من أبناء الوطن وشرد الناس بين مهجر ولاجيء ومغترب خارج وداخل الوطن، واستفرد بالسلطة والثروة والإعلام
هو الحزب الوحيد
الذي علينا أن نأتمنه على الديمقراطية والحكم الرشيد
وننام قريري الأعين
|
Post: #29
Title: Re: نعم -- سأنضم إ لى المؤتمر الوطني
Author: فايزودالقاضي
Date: 02-08-2010, 04:30 PM
Parent: #27
Quote: إنت قايل أي زول ساكت كده طيب ومسكين ممكن ينضم للمؤتمر الوطني
لازم سيرتك الذاتية
يكون فيها على الأقل
مجموعة من الإنجازات
المحيرة والغير منطقية |
لكن ياود الطيب قالولك انا عايز ابقى رئيس ..انا في الزمن الضيق ده مابقدر اسوى الحاجات دي لكن النية الكعبة العندي مابتكفى ؟!!ماقلت انما الاعمال بالنيات !!!!
طيب لو اكلت مال النبي ممكن يتجاوزوا لى الحاجات الفوق دي ؟!!!
|
Post: #17
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 03:31 PM
Parent: #10
| Quote: يعني اي زول انضم للمؤتمر الوطني جيعان |
ابداً ياتولوس ...انا بس الجعت ...الناس ديل مسكوني من جذمتي التوجعني ...
|
Post: #20
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 03:38 PM
Parent: #3
| Quote: ليقل الناس قبض المال او ليقل اخرون جن جنونه او ليقولوا غواصة او ما شاء لهم من قول فانا لا ابالى بمقالة احد |
|
Post: #22
Title: Re: نعم -- سأنضم إ لى المؤتمر الوطني .
Author: Abdel Aati
Date: 02-08-2010, 03:42 PM
Parent: #20
فايز والله خطير ما كنتا قايلك كدا (وجه ضاحك )
المرور بهذا البوست يا شباب ضروري عشان ما يحصل سوء فهم
نعم -- إنضممت إلى المؤتمر الوطنى .
|
Post: #24
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 03:50 PM
Parent: #22
عادل ...سلامات .
| Quote: فايز والله خطير ما كنتا قايلك كدا (وجه ضاحك ) |
انا من زمان كده بس كنت منتظر لحظة الصفر ..(حركات متسلقين )
مافى وجه شبه.. انا من منازلهم ...والكبرة دعيفة (الخبرة ضعيفة )..
|
Post: #25
Title: Re: نعم -- سأنضم إ لى المؤتمر الوطني .
Author: عمر عشاري
Date: 02-08-2010, 03:51 PM
Parent: #22
| Quote: انا خفت الانفصال يحصل وانا بره ويقولوا ناس بره تبع الجنوب .. قلت الحق نفسي منها شبع ومنها تحديد وطن .. |
لو حريف يافائز
تسجل مع كامل إدريس
أمن موقفك
وسد جوعك
وأجعل اوربا موطنك
|
Post: #26
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 03:57 PM
Parent: #25
Quote: لو حريف يافائز
تسجل مع كامل إدريس
أمن موقفك
وسد جوعك
وأجعل اوربا موطنك |
لكن ياعمر انا اديت الناس ديل كلمة ...عايز تطلعني كداب غير انى متسلق وركاب سرجين...
اها كامل ادريس ده بديني بطانية ولا يفكني للبرد زي كمال ادريس ؟!!!
|
Post: #28
Title: Re: نعم -- سأنضم إ لى المؤتمر الوطني .
Author: Elawad Eltayeb
Date: 02-08-2010, 04:26 PM
Parent: #26
إنت قايل أي زول ساكت كده طيب ومسكين ممكن ينضم للمؤتمر الوطني
لازم سيرتك الذاتية
يكون فيها على الأقل
مجموعة من الإنجازات
المحيرة والغير منطقية
حتى تستحق هذا الشرف
يعني لو بديت برئيس الحزب ومرشحه كنموذج يقتدى
تجد أنه
عسكري منضبط ومتدين جداً ولا يؤمن بالإنقلابات العسكرية لحل مشكلة السودان المزمنة لكنه هو نفسه أتى بإنقلاب عسكري على السلطة الشرعية
وإنو صبيحة يوم العيد السعيد أعدم 28 ضابطاً لأنهم حاولوا الإقتداء بفعلته
وإنو هو رمز العدالة لكنه مطلوب في المحاكم الدولية
وإنو بنادي بالتعددية لكنو رئيس الحزب الوحيد الحاكم
وإنو وقع اتفاقية سلام (لكل الوطن) مع شريك واحد وألزم بها الجميع، ثم استفرد بخيوط إدارتها
وإنو عايز الجنوبيين يقتنعوا بالوحدة لكن يظلوا مواطنين من الدرجة الثانية
وعايز ناس دارفور يتشووا بهدوا في نار الإنقاذ وما يعملوا ضجة فهم أهل الصبر والتدين وحفظة القرآن
وإنو هو الرئيس الشرعي الحالي ومقتنع بكده
لكن عايز يترشح تاني
ليس إيماناً بالديمقراطية قولاً وفعلاً (وإلاّ ما جاء بإنقلاب عسكري)
لكن لكي يثبت إنو حزب المؤتمر الوطني اللي ولد من رحم الإنقلابات العسكرية وملأ المعتقلات وبيوت الأشباح والمقابر بالمعذبين من أبناء الوطن وشرد الناس بين مهجر ولاجيء ومغترب خارج وداخل الوطن، واستفرد بالسلطة والثروة والإعلام
هو الحزب الوحيد
الذي علينا أن نأتمنه على الديمقراطية والحكم الرشيد
وننام قريري الأعين
|
Post: #30
Title: Re: نعم -- سأنضم إ لى المؤتمر الوطني .
Author: خالد عبد الله محمود
Date: 02-08-2010, 04:46 PM
Parent: #28
| Quote: نعم -- سأنضم إ لى المؤتمر الوطني |
طيب أنضميت و عرفنا ..
ود الصائم ده زنبو شنو ؟؟ حارقوا مالكـ ؟؟؟ 
|
Post: #31
Title: Re: نعم -- سأنضم إ لى المؤتمر الوطني .
Author: معاوية عوض الكريم
Date: 02-08-2010, 04:52 PM
Parent: #30
ارفعوا اقلامكم عن قريبي الكوز خالد عنان
|
Post: #33
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 04:56 PM
Parent: #31
| Quote: ارفعوا اقلامكم عن قريبي الكوز خالد عنان |
هم اللاهطون ونحن اللاحقون ..
كبسور ازيك ..
|
Post: #38
Title: Re: نعم -- سأنضم إ لى المؤتمر الوطني .
Author: معاوية عوض الكريم
Date: 02-08-2010, 05:16 PM
Parent: #33
Quote:
هم اللاهطون ونحن اللاحقون ..
كبسور ازيك .. |
شنو يا عمك
كلو سياسة اليومين دي !
مافي رومانسية ؟ 
|
Post: #32
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 04:52 PM
Parent: #30
خالد ..سلامات ..
Quote: طيب أنضميت و عرفنا ..
ود الصائم ده زنبو شنو ؟؟ حارقوا مالكـ ؟؟؟ |
قالوا من شروط الانضمام حرق رقبة ..
|
Post: #34
Title: Re: نعم -- سأنضم إ لى المؤتمر الوطني .
Author: خالد عبد الله محمود
Date: 02-08-2010, 04:56 PM
Parent: #32
| Quote: قالوا من شروط الانضمام حرق رقبة |
فايز
ياخ أنت عربي ما بتعرف ؟ قالو ليكـ حرق ( وهبة) مش رقبة !!
|
Post: #35
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 05:00 PM
Parent: #34
Quote: فايز
ياخ أنت عربي ما بتعرف ؟ قالو ليكـ حرق ( وهبة) مش رقبة !! |
ياخالد ماتفتني مع وهبه ..الزول ده بعد انضمامي يمكن يوزعونى معاه امنجى تحت التمرين ...داير تنشفها قبل نضوقها مالك !!!
|
Post: #36
Title: Re: نعم -- سأنضم إ لى المؤتمر الوطني .
Author: ود الباوقة
Date: 02-08-2010, 05:10 PM
Parent: #35
امشي مع ود عوج الدرب ( العدل والمساواة )
|
Post: #39
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 05:17 PM
Parent: #36
ود الباوقة ...شيخي الجديد..السلام عليكم ...
انتو يااخوي البخش جديد مابتسلمو عليه ولا شنو ؟!!
| Quote: امشي مع ود عوج الدرب ( العدل والمساواة ) |
ديل ماعندهم حاجة....ياخي ديل صورة ساى مع اي سفير مابصورونى البوديني ليهم شنو ؟!!
|
Post: #37
Title: Re: نعم -- سأنضم إ لى المؤتمر الوطني .
Author: خالد عبد الله محمود
Date: 02-08-2010, 05:13 PM
Parent: #35
| Quote: الزول ده بعد انضمامي يمكن يوزعونى معاه امنجى تحت التمرين |
شايف طموحكـ عالي يا عمكـ ..
عايز يوزعوكـ كتيبة الأمن الأسفيري طوالي كده !!!!
كدي أسأل كبسور ده زاكي الشغلانة دي ليهو كم سنة ؟؟
|
Post: #40
Title: Re: نعم -- سأنضم إ لى المؤتمر الوطني .
Author: HAIDER ALZAIN
Date: 02-08-2010, 05:22 PM
Parent: #37
| Quote: عايز يوزعوكـ كتيبة الأمن الأسفيري طوالي كده !!!! |
يا حبيـــب دا خلي الجوع والحفا
بيفكر في مخصصات الاتصال المجاني واللابتوبات الهبطرش
|
Post: #42
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 05:41 PM
Parent: #40
Quote: يا حبيـــب دا خلي الجوع والحفا
بيفكر في مخصصات الاتصال المجاني واللابتوبات الهبطرش |
الحمدلله شبعت ولبست ...باقى لي مخصصات الاتصال واللابتوب قبل يفكوني في المناطق النائية وتضعف شبكتي ...
|
Post: #41
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-08-2010, 05:23 PM
Parent: #37
| Quote: كدي أسأل كبسور ده زاكي الشغلانة دي ليهو كم سنة ؟؟ |
كبسور ساكي الرومانسية والسطوح ...الشغلة دي دايرة زول نبيه وبياع وماعنده مبادئ وبكل فخر انا املك ذلك ..
وهبه استلمنى جيتك مدردق ..
|
Post: #43
Title: Re: نعم -- سأنضم إ لى المؤتمر الوطني .
Author: نصار
Date: 02-08-2010, 06:14 PM
Parent: #41
| Quote: والله مافي زول اداني نقداوشيك حتى الآن...لكن متوقع ... |
قالوا الحاري و لا المتعشي يا ود القاضي
بعد دا اخلف كراعك و حدر طاقيتك و اقعد وبي ساكت
يا صاحبي الفقر انا و انت ما اتفارقنا
اختر ما تعود
غرب عديل شرقنا
|
Post: #44
Title: Re: نعم -- سأنضم إ لى المؤتمر الوطني .
Author: عمر صديق
Date: 02-08-2010, 07:41 PM
Parent: #43
| Quote: وهبه استلمنى جيتك مدردق .. |
استلمنا نيابة عنه
وتحياتي ياود القاضي
|
Post: #45
Title: Re: نعم -- سأنضم إ لى المؤتمر الوطني .
Author: د.محمد حسن
Date: 02-08-2010, 10:17 PM
Parent: #44
تعرف يا عمك ذكرتني قصة حقيقية
ضابط جمارك كتب لمدير عام الجمارك الخطاب التالي
السيد مدير عام الجمارك
تحية طيبة
ارجو من سيادتكم نقلي الى بورتسودان الصالة الجنوبية لمدة عام وذلك نسبة لظروفي الاسرية القاهرة
وتقبلوا فائق احترامي
مقدمه
فلان ود الفلاني
|
Post: #46
Title: Re: نعم -- سأنضم إ لى المؤتمر الوطني .
Author: كمال ادريس
Date: 02-09-2010, 01:55 AM
Parent: #45
| Quote: اها كامل ادريس ده بديني بطانية ولا يفكني للبرد زي كمال ادريس ؟!!! |
بوست ملولو زي الجبنة المضفرة
بكرة من الفجر مع فتحة الباب حتلقى عثمان في وشك كاااااااااااااك
مش قلنا ليك ماتجيب سيرة البحر تاني
|
Post: #47
Title: Re: نعم -- سأنضم إ لى المؤتمر الوطني .
Author: عبد المنعم ابراهيم الحاج
Date: 02-09-2010, 03:07 AM
Parent: #46
ياحبيب بروك كك?
تعال نعمل لينا حركة كدا بالذات بترول الشرق على الأبواب
وبعداك الإنضمام ساهل...والله انا مابرضى ليك الهملة والرخاصة
قفة الملاح شنو ياخ طور الحاجات شوية..ياخي مالك داير تذكرني
نكتة الجعان حقتنا ..بتاعت..جبل لقمة وخور أمرقيقة...
سالف ماإندك ولا شنو?..
|
Post: #48
Title: Re: نعم -- سأنضم إ لى المؤتمر الوطني .
Author: أمين محمد سليمان
Date: 02-09-2010, 04:29 AM
Parent: #47
تعرف يا فايز اتذكرت مقولة لاهلي في شرق السودان بالرطانة بتقول ( يكجل كجلوا اقلو ) يعني المابخجل اخجلوا ليه , يعني أنا هسي كجلو ليك جدا !
|
Post: #58
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 09:26 AM
Parent: #48
خال حمور الخالو انت ..سلامات ..
| Quote: تعرف يا فايز اتذكرت مقولة لاهلي في شرق السودان بالرطانة بتقول ( يكجل كجلوا اقلو ) يعني المابخجل اخجلوا ليه , يعني أنا هسي كجلو ليك جدا ! |
انت عارف ياخال ..انا مع القلبة السريعة من اقصى الشمال لاقصي اليمين وقعت منى الكجلة ولغاية ماالقاها كجل مافي ...
|
Post: #56
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 08:44 AM
Parent: #47
حبيبنا عبدالمنعم ...سلامات واشواق بحجم مايملك المؤتمر الوطني من مال ..
Quote: ياحبيب بروك كك?
تعال نعمل لينا حركة كدا بالذات بترول الشرق على الأبواب
وبعداك الإنضمام ساهل...والله انا مابرضى ليك الهملة والرخاصة
قفة الملاح شنو ياخ طور الحاجات شوية..ياخي مالك داير تذكرني
نكتة الجعان حقتنا ..بتاعت..جبل لقمة وخور أمرقيقة...
سالف ماإندك ولا شنو?.. |
الفكرة مابطالة لكن زي ماقلت انا زول طموح ...وزعت اخوانى على كل الاحزاب ..القالوا ماعايزين يطلعوا من الشرق ربطناهم بجبهة الشرق ومسكناهم مشروع تنمية الشرق ...انا عاشرت ودالفحل وودالفكي واقنعوني بالاتجاه شمالاً حيث سهولة الحركة والقلب السريع بين الاحزاب ..
|
Post: #52
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 07:21 AM
Parent: #46
Quote: بوست ملولو زي الجبنة المضفرة
بكرة من الفجر مع فتحة الباب حتلقى عثمان في وشك كاااااااااااااك
مش قلنا ليك ماتجيب سيرة البحر تاني
|
عثمان وطلباته سبب رئيسي لانتقالى للعب لفريق المؤتمر الوطني ..
شوف لينا كامل ادريس قبل ننقل الشمالية ...
|
Post: #51
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 07:15 AM
Parent: #45
د. محمد حسن ..سلامات ..اسعدني مرورك ..
| Quote: ارجو من سيادتكم نقلي الى بورتسودان الصالة الجنوبية لمدة عام وذلك نسبة لظروفي الاسرية القاهرة |
الصالة وزعنا فيها اخوي الصغير ...انا زول طموح يادكتور ..مابسك لي قمصان مامجمركه مشيت لسيد الشي ذاتها ...
|
Post: #50
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 07:10 AM
Parent: #44
عمر صديق ..السلام عليكم ..انتو يااخوي مابتسلموا على الجديد مالكم ؟!!
Quote: استلمنا نيابة عنه
وتحياتي ياود القاضي |
شكراً على الاستلام الصادف اهله ...بالله نضارة سوداء ولابتوب ..
|
Post: #49
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 07:06 AM
Parent: #43
نصار ...ازيك ...
Quote: يا صاحبي الفقر انا و انت ما اتفارقنا
اختر ما تعود
غرب عديل شرقنا |
الفقر انا مفارقوا خلاااص ...سبت الشرق شمال ...
حققت احلامي والحائر عقبالو
|
Post: #53
Title: Re: نعم -- سأنضم إ لى المؤتمر الوطني .
Author: مجدي عبدالرحيم فضل
Date: 02-09-2010, 07:39 AM
Parent: #49
ود القاضي
سلامات حبابك سلامات
يعني الواحد بعد ده يجيب معاهو كوز ويغرق من زيرك ساااااااي
زي جيب صاحبنا بتااااااااااع الجالية ممكن تخمس معاهو الكرسي
والجلاليب لمن تطايب الكرسي بيسع طلــ ...........
تمنياتنا لكم بطيب الإقامة الأستثمارية.
ياااااااااااه عجبتني القفة أم أضنيين البيشيلوها كوزيين!!! ينظر ويُفاد
،،،،أبوقصي،،،،
|
Post: #54
Title: Re: نعم -- سأنضم إ لى المؤتمر الوطني .
Author: الرفاعي عبدالعاطي حجر
Date: 02-09-2010, 08:02 AM
Parent: #53
طارت الطيور بأرزاقها يا حبيب فخليك في محلك ... إنت ما شايف الموت المجاني موزع بالسكاكين ولكل من تسول له نفسه الدخول في قسمة الكعكة ... تحياتي عموما في الحركة نرحب بيك بدون اي كري.
....................................................................حجر.
|
Post: #55
Title: Re: نعم -- سأنضم إ لى المؤتمر الوطني .
Author: حافظ كنجال
Date: 02-09-2010, 08:41 AM
Parent: #54
ياعمك
المؤتمر الوطني هسه
بيقتل النار من قب الخلق
مثل دارفوري
هسه هو في روحو لو لقى فرصة بنضمه عليك
عيييييييييييييييييك الجوع دي محطة فارقه الشعب السوداني
زمان..بقينا في سد الرمق
|
Post: #57
Title: Re: نعم -- سأنضم إ لى المؤتمر الوطني .
Author: نورالدين صلاح الدين
Date: 02-09-2010, 09:23 AM
Parent: #55
| Quote: انا جاي جاهز ومعاى مضاد خجل ...وخاتيها واااااضحة ... |
لقد أوجزت .. وأبلغت
|
Post: #64
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 10:05 AM
Parent: #57
نورالدين ..سلامات ...
| Quote: لقد أوجزت .. وأبلغت |
مش عليك الله ..وبتاع الشرق داك يقول يكجلوا كجلوا اقلو !!!!
|
Post: #61
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 09:47 AM
Parent: #55
كنجال ..ياخي اسمك ذاتو يوديك الوطني ...
| Quote: هسه هو في روحو لو لقى فرصة بنضمه عليك |
بكونوا كفونى شر وعثاء السفر ...بس مايجوني فاضين ؟!!!
|
Post: #60
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 09:43 AM
Parent: #54
رفاعي ...كيفنك ياصديقي ..
| Quote: تحياتي عموما في الحركة نرحب بيك بدون اي كري |
انا لا احمل اى انتماء لفكر محدد ..انما انتمى لمن يدفع اكثر ...اذا لقيت الحركة بتدفع اكتر من الوطنى فخير وبركة ولو العكس فياني في ذات الاتجاه ...
الرفاعي انت البباريك بجوع وانا مسئولياتي كبيرة ...
|
Post: #59
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 09:34 AM
Parent: #53
اوقصي ..سلامات ..
صديق الغربة والمآسي ..الحق الركب(بتسكين الكاف عشان ماتودوناش في دهيه )...اها ادينا شعورك بعد المولودين ؟!!مش عليك الله دايرالها مساندة ...
ابقى لاحق ...
| Quote: والجلاليب لمن تطايب الكرسي بيسع طلــ ........... |
يااخوي الطاء دي نهايتها شنو ؟!!!
|
Post: #62
Title: Re: نعم -- سأنضم إ لى المؤتمر الوطني .
Author: ادم شحوتاي
Date: 02-09-2010, 09:51 AM
Parent: #59
بسم الله الرحمن الرحيم
(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ
إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))
صدق الله العظيم
|
Post: #63
Title: Re: نعم -- سأنضم إ لى المؤتمر الوطني .
Author: د.محمد حسن
Date: 02-09-2010, 10:02 AM
Parent: #62
Quote: انما انتمى لمن يدفع اكثر ...اذا لقيت الحركة بتدفع اكتر من الوطنى فخير وبركة ولو العكس فياني في ذات الاتجاه ...
|
تعرف يا حاااااج
ذكرتني جاديكا لاعب المريخ السابق ( بالمناسبة جاديكة ده من امهر اللعيبة بس ضيعوا جهله وسذاجتو) المهم
والتسجيلات عالية ا########س
ناس الهلال دفغوا 25 مليون
وناس المريخ دفعوا 20 مليون
والد جاديكا مريخابي ، حلف طلاق انو ولدو ما يسجل في الهلال عشان فرق 5 مليون
وسجل جاديكا في المريخ واستلم الشيك ابو 20 مليون ولح الان لافي يفتش على البنك
لانو الشيك مسحوب على بنك الاعتماد والتجارة
كاااااااااااااك
|
Post: #65
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 10:48 AM
Parent: #62
Quote: بسم الله الرحمن الرحيم
(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ
إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))
صدق الله العظيم |
ونعم بالله ياعمدتنا ..
احكي ليك قصة حقيقيه حصلت في جدة مع واحد بلدياتنا ..
كنت قاعد معاه في قهوة وسالته عن احواله وانا اعلم انه يعمل في مهنة قاسية وبراتب 900 ريال ويعول ابناءه...قال لى يافايز الحياة بقت صعبة والظروف قاسية ...قلت ليه بالرطانة ..إيمان دى (يعني خلى عندك إيمان بربك ) ..قال لي إيمان مع 900 ؟!! ياخي انا بضحك لغاية الليلة ...
ياعم آدم نحن ماقنطنا من رحمة الله لكن قلنا نمشي لناس المشروع الحضارى -اهل الله- ونتقاسم معاهم مااعطاهم الله ..
|
Post: #66
Title: Re: نعم -- سأنضم إ لى المؤتمر الوطني .
Author: عمار عبدالله عبدالرحمن
Date: 02-09-2010, 11:18 AM
Parent: #65
انت يا ود القاضي ,,
ما كان ترسل ما سنجر عشان اجندك ,, ونصبح شركاء في الميري ,,
حيدر الزين ,,,,,,,,,,, انت ما اقتنعت لسه ولشنو (لو ما اقتنعت في كشف العرس بجليك )
أعلن انسلاخي من الوطن وانضمامي للمؤتمر الوطنى
قال الترابي (في الميرى رزقكم وما تشتهون ) ,, اخرجه الترابي
|
Post: #69
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 12:47 PM
Parent: #66
عمار ياولدي ...ازيك ...
| Quote: ما كان ترسل ما سنجر عشان اجندك ,, ونصبح شركاء في الميري ,, |
خلاص انا طلعت من يدي وماعندى سلطة في نفسي ..شوف حيدر ظروفه بعدى طوالي في الصعوبيه ..
|
Post: #67
Title: Re: نعم -- سأنضم إ لى المؤتمر الوطني .
Author: جعفر محي الدين
Date: 02-09-2010, 11:24 AM
Parent: #65
ود القاضي السلام عليكم
| Quote: كنت قاعد معاه في قهوة وسالته عن احواله وانا اعلم انه يعمل في مهنة قاسية وبراتب 900 ريال ويعول ابناءه...قال لى يافايز الحياة بقت صعبة والظروف قاسية ...قلت ليه بالرطانة ..إيمان دى (يعني خلى عندك إيمان بربك ) ..قال لي إيمان مع 900 ؟!! ياخي انا بضحك لغاية الليلة ... |
طيب أهو انت هنا زول كويس وصابر وبتصبر في صاحبك الحصل شنو ؟
الطموح الجاك جديد دا لازم تعرف سببو وين
|
Post: #70
Title: Re: نعم -- سأنضم إ لى المؤتمر الوطني .
Author: فايزودالقاضي
Date: 02-09-2010, 12:58 PM
Parent: #67
استاذنا جعفر ..سلامات ...
ياخي مليون لمة نقول نشوفك مافي طريقة شنو بقيت محمد على !!
| Quote: طيب أهو انت هنا زول كويس وصابر وبتصبر في صاحبك الحصل شنو ؟ |
قلتها من غير مااضوق المها ...انا بفتش في الزول ده عشان اقول ليهو صدقت ...وانا غلطان ...
| Quote: الطموح الجاك جديد دا لازم تعرف سببو وين |
ماطموح !!!! جوع بس ...
|
Post: #68
Title: Re: نعم -- سأنضم إ لى المؤتمر الوطني .
Author: مجدي عبدالرحيم فضل
Date: 02-09-2010, 12:39 PM
Parent: #59
| Quote: والجلاليب لمن تطايب الكرسي بيسع طلــ |
أنت مالاك حاكيها كده يا ود القاضي طلـ..... بين آه من نااااار البين دي
،،،،أبوقصي،،،،
|
|