Post: #1
Title: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 08:58 AM
Parent: #0
وكفاهم مشقة الحضور للسودان فقد يتعرضو لهجمة شرسة من بعض الذئاب ..
Quote: يكرم غداً علي عثمان طه النائب الثاني لرئيس دولة السودان عمر البشير منتخب مصر الفائز ببطولة الأمم الأفريقية 2010 وذلك بفندق سونستا بالقاهرة، وقد وجهت السفارة السودانية الدعوة لجميع أفراد أسرة كرة القدم المصرية علي رأسها سمير زاهر رئيس اتحاد الكرة وجميع أعضائه بالإضافة لأفراد المنتخب الوطني كجهاز فني ولاعبين كما تم توجيه الدعوة لأحمد نظيف رئيس الوزراء وعدد من الوزراء يتقدمهم المهندس سامح فهمي وزير البترول وأمين أباظة وزير الزراعة ومحمد علام وزير الري وكذلك السيدان علاء وجمال مبارك، كما تم توجيه نفس الدعوة لسفراء الدول المشاركة في بطولة الأمم الأفريقية الأخيرة بأنجولا.
|
|
Post: #2
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 09:04 AM
Parent: #1
Quote: تشهد قاعة فندق (سونيستا) في القاهرة اليوم أول تكريم للمنتخب المصري من خارج مصر احتفاء بحصوله على لقب أمم أفريقيا للمرة الثالثة على التوالي والسابعة في تاريخ بطولة إفريقيا، حيث يقوم علي عثمان محمد طه النائب الثاني للرئيس السوداني والسفارة السودانية بالقاهرة بتكريم كامل لكل اللاعبين والجهازين الفني والإداري للمنتخب ومجلس إدارة اتحاد الكرة المصري برئاسة سمير زاهر.
وتأتي هذه الخطوة في إطار العلاقات التاريخية والمتميزة بين البلدين، وكان السودان قام بخطوة مماثلة عقب فوز المنتخب المصري ببطولة الأمم الأفريقية الماضية 2008 في غانا، وجرى التكريم في الخرطوم عندما لبى المنتخب المصري دعوة الرئيس السوداني عمر حسن البشير وادى مباراة ودية مع نظيره السوداني بهذه المناسبة وجرى التكريم بالقصر الرئاسي السوداني.
ويشمل البرنامج الاحتفالي الذي تم إعداده اليوم كذلك تكريم الاتحاد الإفريقي لكرة القدم ممثلا في رئيسه عيسى حياتو، وجنوب أفريقيا بصفتها الدولة المنظمة للنسخة المقبلة من كأس العالم في يونيو ويوليو المقبلين وباعتبارها أول بلد إفريقي ينال هذا الشرف، بالإضافة إلى أنغولا التي أحسنت تنظيم البطولة الأفريقية التي اختتمت نهاية الشهر الماضي ونجحت في إخراجها بالشكل المطلوب.
وعلم (البيان الرياضي) أن قائمة المدعوين لحضور الاحتفال شملت النجم محمد أبو تريكه الذي غاب عن البطولة بسبب الإصابة، كما تم توجيه الدعوة لعدد من أبرز نجوم كرة القدم المصرية عبر التاريخ ومنهم علي أبو جريشة، فاروق جعفر وحازم إمام.
وأكد الدكتور عبد الملك النعيم أحمد الملحق الإعلامي للسفارة السودانية بالقاهرة في حديثه للصحيفة اكتمال كافة الاستعداد لإخراج الاحتفال بالشكل المطلوب، والذي يليق بعظمة المناسبة وعمق العلاقة التي تجمع بين القطرين الشقيقين، مشيدا بالانتصار المصري الكبير وتحقيقهم اللقب.
القاهرة - فراس طنون
|
البيــــان
|
Post: #4
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: عبدالمجيد الكونت
Date: 02-08-2010, 09:50 AM
Parent: #3
استاذ حيدر الزين سلامات
كل صباح جديد والناس ديل يمرمغوا في الكرامة السودانية يوم جايبنهم في الخرطوم ومكرمنهم ويوم ماشيين ليهم في القاهرة وابوبكر كاكي يحرز كل الميداليات الذهبية ولا يتم تكريمه لامن رئيس الجمهورية ولا نائبه
الناس دي مابتختشي ياخي غايتو الراجل الواحد وقت يكون فازي ومتجرس من دواس القدامه شينة في حقة فما بالك بي نظام كامل يمارس الجرسة والانبطاح والكبكبة لي نظام تاني يحتل جزء من أرضه ويقتل مواطنيه في الميادين العامة ياخي ديل مرمطونا مرمطة شديدة خلاص 
|
Post: #5
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: نجلاء سيد أحمد
Date: 02-08-2010, 10:10 AM
Parent: #4
حيدر وضيوفه الاماجد سلام
Quote: استاذ حيدر الزين سلامات
كل صباح جديد والناس ديل يمرمغوا في الكرامة السودانية يوم جايبنهم في الخرطوم ومكرمنهم ويوم ماشيين ليهم في القاهرة وابوبكر كاكي يحرز كل الميداليات الذهبية ولا يتم تكريمه لامن رئيس الجمهورية ولا نائبه
الناس دي مابتختشي ياخي غايتو الراجل الواحد وقت يكون فازي ومتجرس من دواس القدامه شينة في حقة فما بالك بي نظام كامل يمارس الجرسة والانبطاح والكبكبة لي نظام تاني يحتل جزء من أرضه ويقتل مواطنيه في الميادين العامة ياخي ديل مرمطونا مرمطة شديدة خلاص |
الاستاذ عبدالمجيد الكونت تسلم
وكانك لفحتها من خشم كبوردى
|
Post: #6
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 10:19 AM
Parent: #4
سلامات العزيز عبد المجيد الكونت والاخت نجلاء سيد احمد ..
اغرب شئ في اخبار التكريم قابلني الان إنه الصحافة السودانية الاطلعت عليها حتي الآن
داسة وضاربة طناش عن خبــر تكريم المنتخب المصري
بالله واحد ... والناشراهو هي الصحافة المصرية بس ..!
فهل نقدر نقول الشينة منكورة !!
|
Post: #7
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 10:22 AM
Parent: #6
صحيفة السوداني اوردت الخبــر :
Quote: طه: نتطلع لدور مصري أكبر في دعم القضايا السودانية
تقييم المستخدمين: / 0
سيئجيد
الأخبار - الأخبار المحلية
الاثنين, 08 فبراير 2010 07:10
وصل نائب رئيس الجمهورية علي عثمان محمد طه والوفد المرافق له العاصمة المصرية امس في زيارة رسمية يجري خلالها مباحثات مشتركة. وكان في استقباله بمطار القاهرة امس لدى وصوله رئيس الوزراء المصري د. أحمد نظيف.
وعقد كل من طه ونظيف مباحثات مشتركة تناولت وسائل دفع العلاقات الثنائية بين البلدين فى مختلف المجالات الإقتصادية والتجارية والإستثمارية وآخر تطورات الوضع فى السودان.
واكد طه تطلع السودان لدور اكبر لمصر في دعم القضايا السودانية، مؤكدا التزام الحكومة بقيام انتخابات حرة ونزيهة وتسوية قضية دارفور من خلال مباحثات الدوحة، فيما اكد نظيف دعم بلاده للسودان في التحديات المختلفة خلال المرحلة القادمة والدخول في تعاون اكبر في عدد من الملفات بين البلدين، بجانب دعم السلام في السودان بالتركيز على قضية دارفور.
وعقب المباحثات المشتركة دخل وفدا البلدين في جلسة مباحثات موسعة استمرت حتى وقت متأخر من مساء امس وشارك فيها من الجانب السوداني كل من وزراء التعاون الدولى التيجاني صالح، الاعلام الزهاوي إبراهيم مالك، الثقافة والشباب والرياضة محمد يوسف عبدالله بالاضافة لكل من وزيري الدولة بمجلس الوزراء كمال عبداللطيف والخارجية علي كرتى ووالي ولاية الخرطوم د. عبدالرحمن الخضر، فيما شارك من الجانب المصري وزراء التعاون الدولى فايزة أبو النجا، الإعلام أنس الفقي والزراعة أمين أباظة ومحافظ القاهرة عبدالعظيم وزير ورئيس المجلس القومى للشباب صفي الدين خربوش ورئيس المجلس القومي للرياضة حسن صقر..
|
صحيفة السوداني
|
Post: #8
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 10:23 AM
Parent: #7
صحيفة الرأي العام قالت :/
Quote: دعا لدور مصري أكبر في حل قضايا السودان
طه: ملتزمون بتسوية قضية دارفور وإقامة انتخابات نزيهة
القاهرة: ضياء الدين بلال
بدأ علي عثمان محمد طه نائب رئيس الجمهورية، زيارة رسمية للعاصمة المصرية القاهرة تستغرق ثلاثة أيام، وكان في استقباله بالمطار رئيس الوزراء المصري أحمد نظيف وعدد من الوزراء وكبار المسؤولين. وبدأت مساء أمس بمقر مجلس الوزراء المصري، المباحثات السودانية المصرية، حيث رأس الجانب السوداني علي عثمان والجانب المصري د. احمد نظيف.
وأشاد طه بمواقف مصر الداعمة للسودان في المحافل الإقليمية والدولية، وقال إن السودان يتطلع إلى دور مصري أكبر في معالجة قضاياه، وجدد التزام الحكومة التام بقيام انتخابات حرة ونزيهة مع الحرص على تسوية قضية دارفور من خلال مفاوضات الدوحة.من جانبه أعلن د. أحمد نظيف، دعم مصر للسودان في مُواجهة التحديات كافة، خاصةً قضية دارفور وإنفاذ اتفاقية السلام الشامل، وقال إنّ المرحلة المقبلة ستشهد تعاوناً أكبر بين السودان ومصر في المجالات الثنائية.وسيطلع نائب رئيس الجمهورية، الرئيس المصري محمد حسني مبارك على التطورات السياسية والجهود الجارية لإحلال السلام بالبلاد.
|
http://www.rayaam.info/News_view.aspx?pid=523&id=39376
|
Post: #9
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 10:28 AM
Parent: #8
صحيفة الرائــد الذي لا يصدق أهله بدأت الموضوع بهتافيــة صغيـــرة كدة
تذكر بهتافيات السيد(ح) وهو تعنون للخبــر المنقوص باسم ( اهبطو مصر )
Quote: اهبطوا مصر
08 / 02 / 2010 05:45:00
حجم الخط:
يواصل الأستاذ علي عثمان محمد طه نائب رئيس الجمهورية مباحثاته الناجحة مع القيادة المصرية ضمن أهداف ومرامي زيارة يقوم بها حالياً للقاهرة ستنظر في كثير من الملفات والقضايا محل الاهتمام المشترك بين السودان ومصر التي تتصل إلى مشروعات التعاون الاقتصادي والتواصل التنموي بين شعبين جمعمها التاريخ وقاربت بينهما الجغرافية ونظم النيل عليهما دثارا من الرخاء والالفة لا يزول.
إن المشروعات كثيرة ومساحات التعاون والشراكة واسعة كما أن الهموم واحدة والطموحات في الرخاء والرفاهية واحدة وهو ما يجعل على عاتق قيادة البلدين أعباء إضافية في الجهد والتحديد والبذل بما يعود في النهاية على شعوب وادي النيل بالخير العميم، إن الظروف المحيطة بالمنطقة لا تواجه الا بالتماسك والتناصر والوحدة القوية الصلبة لرد المتآمرين وما أكثر أعداء البلدين ولئن كان السودان واعياً تماما لحجم المخططات فإن مصر أكثر وعياً بحجم المؤامرة التي تستهدف السودان في وحدته وسلامة أراضيه ورمزية سيادته فكانت القاهرة عند مواقفها التاريخية الصلبة دعما وسندا للخرطوم لم تتردد في بذل العون ولم تمتنع عن رأي ومشورة وسعى بالخير لأنها تدرك أن المصير مشترك، والنصيب مشترك.
إن زيارة طه إلى القاهرة تأتي في ميقاتها المناسب تماما، والسودان يشهد تصاعدا وتناغما حميدا مع كافة جيرانه العرب والأفارقة وهو ما سيعود على بلادنا بعوائد الاستقرار والسلام والمنجزات التنموية والفتوحات الدبلوماسية |
صحيفة الرائد
|
Post: #12
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 10:35 AM
Parent: #9
مرة اخري صياغة الخبـــر مبتور حسب ما جاء من وكالة الانباء السودانية
او مزاج الصحافة عندنا أو اي سبب آخر .. هو الخجلة من قصة التكريم دي
أم هو زي قصة قصف شرق السودان ونبقي تاني ننتظر الفتّ من الصحافة الاجنبية ..
أم الجماعة ديل اساساً ما عارفين ..
او كمان المصريين يكونوا كضابين ودا نشر مغروض ومشبوه
|
Post: #10
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: حافظ كنجال
Date: 02-08-2010, 10:30 AM
Parent: #8
ياالله
ضيعوا علينا الفرصة
كان يجوا نغلبهم اربعة صفر
ونكون نحن ابطال افريقيا
الله كيف احنا ابطال افريقيا الحقيقين سنة 2008
بعد مافزنا على بطل افريقيا اربعة
هم مش قالوا بطولة افريقيا اهم من كاس العالم
|
Post: #15
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 12:43 PM
Parent: #10
Quote: ضيعوا علينا الفرصة
كان يجوا نغلبهم اربعة صفر
ونكون نحن ابطال افريقيا
|
دا بيثبت عدم تدبيرهم السياسي وقصر نظرهم يا كنجال ..
هسع اقلّ شئ كنا متكيفين اننا نخليهم هم يتعبو ويدخلوا معسكرات
ويرشو الحكام ويتتعفر جباههم بالسجود ..
ونجي نحن نلقاها باردة لانه البيغلب البطل بطل..
شنو يعني عربات من جياد .. الانجاز اهم شئ..!
|
Post: #11
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: عبد الناصر الخطيب
Date: 02-08-2010, 10:34 AM
Parent: #8
العزيز / حيدر الزين
نهارك فروله حمرة بلون منتخب الساجدين
Quote: اغرب شئ في اخبار التكريم قابلني الان إنه الصحافة السودانية الاطلعت عليها حتي الآن
داسة وضاربة طناش عن خبــر تكريم المنتخب المصري
بالله واحد ... والناشراهو هي الصحافة المصرية بس ..!
|
بكون حّقد منهم بس وكفانا الرد أمين سليمان حين قال _ في بوسته الأشهر _
لمصر الياسمين وللحاقدين الرماد 
--------------------------------------------------------------
*بيني وبينك الرئيس ونائبو كتروها شديد
|
Post: #17
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 12:48 PM
Parent: #11
Quote: بكون حّقد منهم بس وكفانا الرد أمين سليمان حين قال _ في بوسته الأشهر _
لمصر الياسمين وللحاقدين الرماد |
شايف الغواصة الاسمو أمين الياسمين دا يا عبد الناصر الخطيب ..
اهو دا السبب الاساسي في نكستنا الرياضية ..
والسبب التاني في كرامتنا المهدرة قدام المصريين وغيــرهم ياهو على عثمان محمد طه دا
والطفل المعجزة مصطفي عثمان مين كدة المستشار ..
دالك يمشي يعرض عليهم حلايب بالمجان .. ودا يمشي يكرم ليك الحضري وعمرو زكي
ــــــ
منتظرين الاخبار نشوف المرة دي الهدية شنو!!
|
Post: #13
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: GamarBoBa
Date: 02-08-2010, 10:45 AM
Parent: #8
اها والتكريم البدوس كرامتنا ده المرة دي لكل لاعب عربة سوناتا ولا 100الف فدان في ارض السودان الهملة
انت النائب الأول ده مش سلفاكير ولا انا غلطان؟؟
|
Post: #14
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: محمد عبد الماجد الصايم
Date: 02-08-2010, 11:48 AM
Parent: #13
يا عمكـ
أهم حاجة .. العربات وصلت كويس؟!
|
Post: #16
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: شول اشوانق دينق
Date: 02-08-2010, 12:45 PM
Parent: #14
| Quote: انت النائب الأول ده مش سلفاكير ولا انا غلطان؟؟ |
من الصباح البوست ده مرازى بى ياخ
|
Post: #20
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: السيد المسلمي
Date: 02-08-2010, 01:18 PM
Parent: #16
شول ياعمك وقت مزوزي من الصباح مالك مارشيت ؟
ــــــــ
أخجلتنا ياريس .
|
Post: #21
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 01:22 PM
Parent: #16
| Quote: من الصباح البوست ده مرازى بى ياخ |
بالله بطل حركات يا شول
هو زااتو البلد دي غيــر كترة المناصب والمسميات فيها شنو ..
نائب اول نائب تاني .. كبير مساعدين .. ماعارف رئيس حكومة جنوب .. وحكومة وحدة وطنية
والي ومعتمد ومحافظ وزير اتحادي وزير ولائي مستشار رئيس رئيس لجنة بدرجة وزير وزير حكم محلي..
مدير محلية..
يآخ ديل كملو المصطلحات والاسماء كلها في سنتين بس ..
ـــــــــ
بالله لو قابلت منعم سليمان كلمه يعتذر لي من سلفاكير واني ما قاصد
ولو عاوز واسطة بخلي وهبة يتوسط لي عند ياسر عرمان يتوسط عند سلفا
|
Post: #19
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 01:10 PM
Parent: #14
| Quote: أهم حاجة .. العربات وصلت كويس؟! |
يا حبيب
قالوا المرة دي فدادين وقطع اراضي ناصيـــة من أرقو وانت ماشي قدام كدة
|
Post: #18
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 01:06 PM
Parent: #13
| Quote: انت النائب الأول ده مش سلفاكير ولا انا غلطان؟؟ |
هلا قمر بوبا..
عارف انا براي شكيت في الحكاية دي
طلعت وجيت واقول في غلط في العنوان لكن هو وين ما عرفتو ..
إتاريهو علي عثمان متلبّد كدة ومندسي ولا سلفاكير ما عاوز يمرنا بهنا ويقول دا ما انا
ــــــــــ
آسفين للخطأ الغيــر مقصود وهو مما رسب في الذاكرة من فترة قبل نيفاشا :):)
|
Post: #22
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: السيد المسلمي
Date: 02-08-2010, 01:24 PM
Parent: #18
| Quote: شايف الغواصة الاسمو أمين الياسمين دا يا عبد الناصر الخطيب .. |
هو بالله طلع غواصة !!؟
منك لله ياحمور .
|
Post: #23
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 02:20 PM
Parent: #22
Quote: هو بالله طلع غواصة !!؟
. |
عندك في كدة شك يا ابو السيد.. الراجل مما قبل يرطن جزائري
وجاب اجلهم انا شكيت فيهو ..
يآخ زول خدش الحياء العام كله باقيلك بيغلبو يغوص امين وسط القوي الرافضة للفراعنة
|
Post: #24
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: Adam Omer
Date: 02-08-2010, 02:32 PM
Parent: #22
. لو توقفت (الحركة) إثناء ساعات (الذروة) واكتشفت أن السبب (كشه) …. تبقى أنت أكيد في السودان
· لو عدمت (التعريفة) وكمان دخلت في (ديون) للإيفاء بنفقات (فراش) قريبك الذي توفي إلى رحمة الله …. تبقى أنت أكيد في السودان
· لو وجدت أن (ترخيص عربتك) يساوى (ربع) قيمتها …. تبقى أنت أكيد في السودان
· لو تقدم ابنك (المهندس) لشغل وظيفة وكان (الأنترفيو) عن (صلاة الجنازة) .. تبقى أنت أكيد في السودان
· لو (فجأة) اكتشف (المسئولون) أن (الخريف) على الأبواب …. تبقى أنت أكيد في السودان
· لو عندك (الكلية) اليمين متعطلة وعاوزين يشيلوها ليك قاموا شالوا الشمال السليمة لأنو الدكتور كان ماسك الأشعة (بالمقلوب) …. تبقى أنت أكيد في السودان
الاخ حير الزين تحية وســـــــــلام.
أمبطاح زحف على الركب الروب أحنا فى عرضك يا حـسـنى.
حــلايب بجيتا و سـعيدة عليك
واحنا الكنا عارزين نصقط حجرك فى ادس أبابا
كرمنا منتخب الســـاجدين فى الخرطوم و أديناهم العربيات و الدولارات
وحسى أنا جاى مكلف من سـيدى الرئيس المطارد من قبل أوكامبو و الحريم التلاتة.
أن نكرم هاؤلا الســـــاجدين بعيد من أعين الحـاسيدين الســـــــــودانيين أولا الكلب
بس أدونا رضـاكم
لو سمعت كلام زى دا من أى مـــــسؤل كبير و بمثل دولة أكيد
أنت فى الســــــــــــــــــــــــــــــــودان
|
Post: #25
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: Nader Abu Kadouk
Date: 02-08-2010, 02:46 PM
Parent: #24
| Quote: يكرم غداً علي عثمان طه النائب الثاني لرئيس دولة السودان عمر البشير منتخب مصر |
والله يا حيدر الزول ده سواها حامضه شديد
غايتو مافي مرمطه اكتر من كده
|
Post: #27
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 06:56 PM
| Quote: غايتو مافي مرمطه اكتر من كده |
يا ابو النون ..
عشرين سنة مرمطة وبرضو تقول لي .. يآخ ديل شغلونا مرمطونات عندهم عديل كدة..
ويكفي الزول الليلة يطلع في شوارع الخرطوم يلقي نفسه فعلاً ضيف في بلده ..
اذكر رمضان الفات شفت الكاميرا الخفية من بطولة ربيع طه ..
وكانت عن مقلب في سرقة سيارة او ما شابه
يآخ اغرب كلام سمعتو كان من مصري عامل فيهو المقلب .. وقت بيتكلم معاهو ربيع بيقول ليهو
ابعد لا ابكشمك اسيح دمك وضامي قبضتو بُنية!!!
دا كان اغرب شئ تقابلني من مصري تجاه سوداني خليك من الغربة لسوداني في بلدو..
مصري في بلد أخري لو كتلتو ما يرفع عينو يعاين ليك يجي في السودان يقول لي اديك بنية .....
هههههههههههههههههه
يآ محاسن الصدف يآخ !!
بالجد اتمرمطنا في بلدنا فعلاً والسبب ( الناس ديل )
تقديري يا ابكدوك
|
Post: #26
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: HAIDER ALZAIN
Date: 02-08-2010, 06:37 PM
Parent: #24
آدم عمـــر .. سلامات
للأسف فعلاً طلعنا في السودان ...
واهو اثبات بالدليل والعمل إنه اهلنا السودانيين فعلاً شعب طيب ( بلغة حسني مبارك )
ومافيش عزاء الي حين انتهاء مراسم الدفن التي يقوم بها المؤتمر الوطني لشعبنا ..
تقبل تقديري لك
|
Post: #28
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: أمين محمد سليمان
Date: 02-08-2010, 07:02 PM
Parent: #26
الطريفي الحاقد
ما يكرمهم كان كرمهم ! مش إحنا أخوات ؟
|
Post: #29
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: الشفيع وراق عبد الرحمن
Date: 02-08-2010, 11:09 PM
Parent: #28
ندين/نشجب/نستنكر
|
Post: #30
Title: Re: نشكر مبادرة النائب الاول لرئيس الجمهورية لذهابه لتكريم منتخب الساجدين بأرضهم
Author: Hisham Ibrahim
Date: 02-09-2010, 06:44 AM
Parent: #29
يا حيدر الزين
ياخي ما شقيتنا عديل كدا بالمغسة
لعنة الله عليهم أجمعين
أما كان أولى بهذا المال دار المايقوما للأطفال فاقدي السند ؟
أما كان أولى بهذا المال لبن أطفال لرُضع مع أمهاتهم في سـجـن امدرمان ؟
ديل بس مثلين أسرع من سريعات !!!
وطبعاُ الإحتفال برعاية شخصية من رجل الرياضة الاول في السودان / سر الختم !!!
لعنة الله عليهم تاني وتالت ليـ يوم الدين هم وآلـ فرعون ...
هشام
|
|