Post: #1
Title: حمايـة الملكيـة الفكريــة فى السســـودان.
Author: Abureesh
Date: 02-07-2010, 05:50 PM
أين وصلت؟
كنت بصدد نشر هـذا البوست فى منبر اليوم الحار لخريجى الهندسة والمعمار، ولكن رأيت أن موضوع الملكية
الفكرية تدخل فيه تخصصات أخرى، خاصـة القانونية والسياسية والإدارية، وحتى الفنية تدخل فيها تخصصات غير
الهندسيـة.. فإستقر رايى أن يطرح الموضوع هنـا.
فى عام 1983/1984 قمت بتصميم لعبـة Arcade game، فذهبت لإستخراج براءة إختراع لها، فقال لى المسؤول
فى الوزارة المختصـة بالحرف:
نحن بنديك الشهادة لكن ما عندنا فحص للشغل بتاعك دا وما عندنا وسيلة نعرف بها حتى لو كان شغال واللا لا.
فبنديك الشهادة لكن لو بكرة ناس الجامعـة قالوا الكلام دا فارغ وما عنده اساس فنحن غير مسـؤولين!!
الســـؤال: هل هـذا هو نفس الحال حتى اليوم وفى ظل دولة التأصيل الحضارى؟
افتح الموضوع للنقاش بواسطـة الأخوة المختصين وما أكثرهم فى البورد وخارجـه.
|
Post: #2
Title: Re: حمايـة الملكيـة الفكريــة فى السســـودان.
Author: امجد البصيرى
Date: 02-07-2010, 11:46 PM
Parent: #1
الاخ الكريم ابو الريش
سلامات
ياخوى ولاتتعب نفسك معاهم الناس ديل كل الموضوع انهم ماعايزين يتعبوا كتير معا انهم نايمين السنه كلها
انا من الناشطين والمهتمين بقضايا الملكية الفكرية من حوالى 10 سنوات
السودان لديه قانون براءات الاختراع من العام 1971 ويعتبر من اقدم التشريعات ومنذ ذلك الحين يعتمد على الفحص الشكلي لبراءات الاختراع وهى اجراءات روتينية عاديه ممكن تلاقيها فى اى وزاره اومصلحه حكومية
والمشكله والكارثه الكبرى انو كل زول جايب ليهو علاج مره علاج للصلع وعلاج للبرود الجنسي وحبه لتكبير العضو الذكري وتطويل الشعر وشنو كدا ماعارف ويقول ليك لدينا براءه اختراع بالرقم كدا
والنسوان فى البيت يقولو ليك يابت امى العلاج دا عندو براعه اختراع
وماعارفين انو اى زول حايم فى الشارع ممكن يمشى ياخد براءه اختراع
رينا يكون فى العون
|
|