دعوة لعشاق الطمبور .... ليلة الطمبور الكبرى بمسرح معرض الخرطوم الدولى .... الليلة

احبتى عشاق الطمبور كما عودناكم كل عام انتم مع موعد مساء اليوم الاحد 7/2/2010 مع ليلة الطمبور الكبرى بمسرح معرض الخرطوم الدولى مع الفن الاصيل يحييه نخبة مع فنانى الطمبور جعفر السقيد وعبدالقيوم الشريف ومحمد النصرى وكوكبة من شعراء الشمال ندعوكم مساء اليوم للتمتع مع نغمات الطمبور

معروف من قديم انو الجمال نسبي
وللموجب دوام لابد من سلبي
لكن نتفق رسمي وكمان شعبي
الطمبور علاج لكل مرض عصبي
سبحان الاله خالق العباد ربي
سوا قدح حراز دكا راصي العربي
مكسي جلد بقر ومطلي وتقول دهبي
وفوقو تلات عصي واقفات بلا شعبي
وخمسه سلوك حنان موزونه بالنسبي
لو رنة تزوب ترقص جبال كجبي
البركل يمر يتحول العقبي
لو ما كت بخاف والناس تشيل كضبي
كت بقول يرن وتتحل لوكربي
اندح الوئام بين الخلق يدبي
والبوسني الجريح يستئمن الصربي
بالطمبور دوام يتلاشي كل سلبي
وينشرا الفرح من كايا لا اوربي

الدعوة هذه وصلتني من شقيقي العزيز \ طارق الشيخ