Post: #1
Title: كيف حال الحلة هنا ؟
Author: أبوذر بابكر
Date: 02-07-2010, 11:29 AM
غبنا
أو بالأحرى غُيبنا
طوعاورضاءا أو قسرا وإجبارا
والبون أوالفرقة ما أظنها كبيرة بين المعنيين
على الأقل هنا فى هذه "الحلة" الوافر أهلها
المهم فى الأمر
عوافى وكيف الحال والأحوال
وعسى الخلق كلهم طيبين
أهو
منها سلام ومطايبة
ومنها محاولة جديدة "الصحيح مغامرة جديدة" للتشعلق والمتاوقة من فوق الحيطة
|
Post: #2
Title: Re: كيف حال الحلة هنا ؟
Author: محمد المرتضى حامد
Date: 02-07-2010, 11:55 AM
Parent: #1
| Quote: وعسى الخلق كلهم طيبين |
لا أظن يا أباذر،
غيابك كان حاضرا وبارزا،
_
كويس إنك جيت ياخ.
|
Post: #4
Title: Re: كيف حال الحلة هنا ؟
Author: ابو جهينة
Date: 02-07-2010, 12:22 PM
Parent: #2
أباذر أيها الصاحب النبيل
سلام يغشاك
قصّرْنا تماما بعدم السؤال عن غيابك تقصيرا غير ذي قصد ، و لكنها الغربة التي تلتهم جزيئات التفكير و لا تُبْقي غير الجري وراء كيفية التعامل مع منحنيات هذا الإبتعاد عن البلد.
عسى أن تكون بخير و الأسرة
دمتم
|
Post: #14
Title: Re: كيف حال الحلة هنا ؟
Author: أبوذر بابكر
Date: 02-08-2010, 06:17 AM
Parent: #4
عزيزى الجميل
يا ابا جهينة الجلال
تحايا وسلام ليك رفقة معزتنا الكتيرة
كلنا ياخى فى الهم والوجع أغراب
عساك والمعاك زى ما داير وزى ما بتتمنى
وأنا بتمنى ليك برضو، ذات أمنياتك
مرفوعة لأقوى قوة
شكرا ياخى على جيتك وشوفتك السمحة دائما
|
Post: #12
Title: Re: كيف حال الحلة هنا ؟
Author: أبوذر بابكر
Date: 02-07-2010, 03:35 PM
Parent: #2
أُمحومد
سلام كتير ليك وعليك يا مرتضى
يا مرضى ويا مُرضى
طالما إنتو قاعدين
فلا خوف علينا/عليهم
ولا حزن حيحكم ولا يدوم
ياخ إنتو الأشجار
وطالما فى شجر، معناتو فى ضل وإخضرار وثمار وعمار
وأكيد فى عصافير وغنا وحاجات سمحة كتيرة
شكرا يا زول يا سمح
|
Post: #3
Title: Re: كيف حال الحلة هنا ؟
Author: walid taha
Date: 02-07-2010, 12:20 PM
Parent: #1
عموداً حميداً أباذر
بسؤالك عن الحال
مش ولا بد
أرقد عافية
|
Post: #5
Title: Re: كيف حال الحلة هنا ؟
Author: rani
Date: 02-07-2010, 12:29 PM
Parent: #3
Quote:
عموداًحميداً أباذر
بسؤالك عن الحال
.
.
.
مش ولا بد
أرقد عافية |
يا جماعة وليد طه دا شكلو ما اتغدي.
.
.
اباذر مرحب بيك باك
|
Post: #6
Title: Re: كيف حال الحلة هنا ؟
Author: Safa Fagiri
Date: 02-07-2010, 01:08 PM
Parent: #5
مراحب بالمطر.
إفتقدتك كثيرا وكانت لي
فكرة أن أسأل وأطمئن عليك.
لكني كما تعلم لم
أكن لأستطيع ذلك .
حمدا لله بالسلامة,وأتمنى أن
تكون أنت والأسرة بألف خير.
محبتي وإحترامي.
|
Post: #19
Title: Re: كيف حال الحلة هنا ؟
Author: أبوذر بابكر
Date: 02-08-2010, 06:51 AM
Parent: #6
كيف حالك يا صفاء
وترحاب كبير بيك يا صديقة
إن شاء الله إنتى والأهل كلهم طيبين
والنية واصلة يا زولة يا كريمة
وارقدى عافية وسعادة
|
Post: #7
Title: Re: كيف حال الحلة هنا ؟
Author: Safa Fagiri
Date: 02-07-2010, 01:26 PM
Parent: #5
بسم الله الرحمن الرحيم
" بل أحياء عند ربهم يرزقون"
صدق الله العظيم.
الهم أرحم موتانا الأحياء منهم عندك والأحياء في الدنيا
وأنت التي وسعت رحمتك كل شئ وأنت أرحم الراحمين.
آمين يا رب.
*
متابعة الكشف الدوري مهم ويهيئ للمعالجة المبكرة ,والمواظبة في الكشف المتوالي للأمراض الخبيثة والكرونك من الأهمية بمكان ,مع طبيب ذو ثقة ويعي معنى شرف المهنة.
محبتي وإحترامي.
|
Post: #8
Title: Re: كيف حال الحلة هنا ؟
Author: soma
Date: 02-07-2010, 01:57 PM
Parent: #7
Quote: منها سلام ومطايبة
ومنها محاولة جديدة "الصحيح مغامرة جديدة" للتشعلق والمتاوقة من فوق الحيطة |
يا مطر
الشوق مطر يعلم الله يابا
والمعزة حنينه وموكرة حد الغرق
شاحدة ربى تكون انت طيب وكل العقاب المعاك طيبين
بركة الجيت يا السمح وزين
نورت من جديد
مكانك فاضى محتاجنك يا الحنين
|
Post: #9
Title: Re: كيف حال الحلة هنا ؟
Author: abuguta
Date: 02-07-2010, 02:03 PM
Parent: #8
مطر
انا موجود,,بس كنت بتاوق
وبرجع
نحن فى انتظار جديدك
|
Post: #10
Title: Re: كيف حال الحلة هنا ؟
Author: Tabaldina
Date: 02-07-2010, 02:12 PM
Parent: #9
..
.
| Quote: كيف حال الحلة هنا ؟ |
خالية من المطر ..
الجفاف عّم كل الاصقاع ..
الأحزان ورائحة الموت
وطائر البوم يعشعش فى الاشجار هنا ..
تسود الصفحات اياما
وتلاشت الضحكات عن هذه الديار
دموع مالحة تهطل فى كل بقاع السودان ..
_____
انها حله جافة فاقدة للفرح ..
والاخضرار ..
ولكن ..
نقول حمدالله على السلامة
لعل بغيثك تخضر روبى وتلال ..
ويعم الفرح جنبات هذه القرية المهجورة
|
Post: #11
Title: Re: كيف حال الحلة هنا ؟
Author: doma
Date: 02-07-2010, 03:07 PM
Parent: #10
الحال مو زين
بعودتك يرجع لينا
بصيص فرح
حباب المطر
|
Post: #13
Title: Re: كيف حال الحلة هنا ؟
Author: سلمى الشيخ سلامة
Date: 02-07-2010, 05:27 PM
Parent: #11
الشاعر الجميل
فقدناك وكثيرا
يا العديل
|
Post: #29
Title: Re: كيف حال الحلة هنا ؟
Author: أبوذر بابكر
Date: 02-08-2010, 03:20 PM
Parent: #13
سلمى العزيزة
إزيك يا زولة يا فنانة وكيفنك
كتر خيرك الأصله كتير ووفير
يا العالية يا الغالية
|
Post: #28
Title: Re: كيف حال الحلة هنا ؟
Author: أبوذر بابكر
Date: 02-08-2010, 03:18 PM
Parent: #11
حيبقى اسمح أكيد
بيكم ومعاكم
حتتجددالأفراح وينصلح الحال كله
كيف حالك العزيزة دومة
وعساك بخير وسعادة
|
Post: #23
Title: Re: كيف حال الحلة هنا ؟
Author: أبوذر بابكر
Date: 02-08-2010, 10:28 AM
Parent: #10
ازيك يا صالح وكيف حالك
وأحسن الله عزاكم وجبر كسركم فى الوالد
ربنا يتقبله ياخى مع الأخيار والأبرار
والبركة فيك وفى اخوانك
المنبر ياها عادته الإنت بتعرفا
يوم يباب ويوم اخضرار
يوم سموم ويوم دعاش
لكين فى كل مرة برجع ويقوم تانى
زى طائر الفينيق
أخبارك شنو ؟
|
Post: #22
Title: Re: كيف حال الحلة هنا ؟
Author: أبوذر بابكر
Date: 02-08-2010, 08:49 AM
Parent: #9
أخانا الحبيب
أب قوتة
كيف حالك يا صديقى
وكيف مرابع نجد على حسك
مافى جديد والله
إنا نشكو قلة فئران الكلام فى بيتنا
|
Post: #21
Title: Re: كيف حال الحلة هنا ؟
Author: أبوذر بابكر
Date: 02-08-2010, 07:44 AM
Parent: #8
اسماء الشعر والجمال الحسنى
سلام كتير وتقدير وفير وغزير
ليك ولحضورك الأخضر الجميل
عساك والأسرة وأهلك كلهم طيبين وتامين وسالمين
وأبشرط وأطمئنك
كل الأهل هناك والبلد فى أمان الله
وكل شى على خير
تسلمى يا كريمة
وتسعدى وتطيب ايامك وعمرك إن شاء الله
|
Post: #20
Title: Re: كيف حال الحلة هنا ؟
Author: أبوذر بابكر
Date: 02-08-2010, 07:39 AM
Parent: #7
مشكورة يا صفاء
على ضخ ماء الرؤية فى شرايين المدى وأوردة التبصر
|
Post: #18
Title: Re: كيف حال الحلة هنا ؟
Author: أبوذر بابكر
Date: 02-08-2010, 06:49 AM
Parent: #5
أهلا يا رانى
كيف أحوالك
بسيطة يا حاج
مرات كتيرة ووسط الزحمة والدوشة
بيتلخبط موطئ أصابع النقر، عشان كده الحروف القريبة من بعض
بجو مارقين سوا
|
Post: #15
Title: Re: كيف حال الحلة هنا ؟
Author: أبوذر بابكر
Date: 02-08-2010, 06:20 AM
Parent: #3
كيفك يا وليد
وأريت حالك زين
بين أرجوحة الحال وزلقانية المآل
ما فى إيدينا غير السعى بين صفاء الأمل ومروة المحاولة
عسى ربنا يصلح كل شى ويبقى زى ما عايزين
مشكور ياخ على الترحيب
ودمت طيب وسعيد طوالى
|
Post: #16
Title: Re: كيف حال الحلة هنا ؟
Author: عاطف مكاوى
Date: 02-08-2010, 06:27 AM
Parent: #15
أهلا بالصديق
ليك وحشة والله
|
Post: #17
Title: Re: كيف حال الحلة هنا ؟
Author: Mohamed E. Seliaman
Date: 02-08-2010, 06:31 AM
Parent: #16
الأخ الكريم أباذر
السلام عليكم ورحمة الله
والله شفت اسمك في الحضور
فكرت أن أفتح بوستا يدعوك للعودة ونسخت اسمك من القائمة :
لهذا الغرض .
المهم نحمد الله على سلامتك
|
Post: #24
Title: Re: كيف حال الحلة هنا ؟
Author: الجندرية
Date: 02-08-2010, 11:28 AM
Parent: #17
بركة بالشوفة يابا
الحلة ياهو حالها الانت خابرو زين
انت حالك كيف ؟
|
Post: #25
Title: Re: كيف حال الحلة هنا ؟
Author: Emad Abdulla
Date: 02-08-2010, 11:41 AM
Parent: #24
قريت عنوانك يا مطر ..
و اتسلبط فيني الحنين ..
قايلك بتتكلم عن " حلة " .. بتعرف معنى الحِلة يا مطر .. عارفك .
الحلة ، تلك الإبكت صلاح محمد إبراهيم لما طُرِد في ليلٍ باريسيٍ قديم ، كان فيه سفيرا ..
طرده الغول و منع عنه جنسيته التي دون سودانيتها تلك ، فصلاحٌ جسدٌ مسخ .
منعها عنه الغول السلطوي المايوي أيامها ..
فهام صلاح الجميل من بيت لبيت يخادن الأصحاب الأكرمين الحامليه فوق رؤوسهم عزاً و شارة يعرفون ثمين معانيها و حمولاتها ..
في الليل الغريب الغريب ذاك فباريس ليست الخرطوم .. باريس تبقى " الدار الما داري " ..
و صلاح هو صلاح .. أرهف من سنسنة الكسرة روحا .
قالوا كان يطول عليهو ليل الأصحاب و الرفقة .. فلما أن تبلغ منه الروح الحناجر حنينا ، يقوم فيدندن :
( كان طلعت القمرة أخير يا عشانا تودينا لاهلنا .. بسألوك مننا ) ..
ثم ينشج بكاء يجز حشا القلب ، بكاءاً صامتاً نبيلا .. و يعقبها :
بالحيل ح يسألونا منها ..
هذه البلد ح يسألونا منها في يوم السؤال .
.....
هل طلعت القمره يا مطر ؟ ..
بلغها عني حنينا .
|
Post: #26
Title: Re: كيف حال الحلة هنا ؟
Author: فادية اليمني
Date: 02-08-2010, 03:05 PM
Parent: #25
يا قريبى
عود... مطرا
لـ يطلنا رزاز ودعاش حروفك
تحياتى
|
Post: #27
Title: Re: كيف حال الحلة هنا ؟
Author: هند محمد
Date: 02-08-2010, 03:16 PM
Parent: #26
عودا حميدا شاعرنا ابوذر
فاقداك الكلمة
ألف مرحب
|
Post: #36
Title: Re: كيف حال الحلة هنا ؟
Author: أبوذر بابكر
Date: 02-10-2010, 05:49 AM
Parent: #27
ازيك يا هند
وعساك طيبة وشديدة
وأنا فاقد لمتكم السمحة هنا والله
شكرا ياخ على الترحاب المفرح
====
بعد ما كتبت عاينت لقيت نفسى كتبت
المفرح، المبرح
قعدت اضحك وعدلتها
|
Post: #35
Title: Re: كيف حال الحلة هنا ؟
Author: أبوذر بابكر
Date: 02-10-2010, 05:48 AM
Parent: #26
كيف الحال يا فادية
وكيف الأهل والبلد والناس
قبل تلاتة أسابيع كنت فى زواج ود مأمون طه
ولاقيت الناس كلهم
وكان فى البال والله الاقيك واسلم عليك
لكين إنتى عارفة طبعا زحمة المناسبات والمرقة والدخلة
وليك التحايا والسلام كله
|
Post: #34
Title: Re: كيف حال الحلة هنا ؟
Author: أبوذر بابكر
Date: 02-09-2010, 07:39 AM
Parent: #25
الروح يا عماد هى العلى وشك الطلوع
والقمره فى كل يوم تلفح توب جاراتها الخفيف داك
وتتاوق أول شى بى رقراق المغارب، وتطلع
كيف الحال يا حاج
والشوق نيل متأبط زرقته ودافر عليك
الحِلة؟
قصدك المحل البكون ساكن فيك داك ؟
الناس دائما بسكنو فى الفجج والبيوت والمدن والحلال
لكين الحِلة هى البتسكن فيك
وشوف الما ببكى
ساعة يمرقوها منك، ولا يمرقوك منها، ما ياهو واحد، صاح ؟
وهنا، هنا يا عماد فى حلة سودانيزنا دى، برضه فى سكن ورحمة ومودة شاسعة جدا
وكلما مرقوها منك أو العكس، يبدأ الحنين يتاور فيك ويوجعك
زى نغزات الضرس الحار داك بالليل
مرات تجر عليك "فردة" قصيدتك الدمور وتتكرفس، وتبدأ تراود فى النوم
وساعات النوم والهجسة تحلف بالتقطعك، مش التقطعا، وتابى تجيك
وإنت تبدا تتطقطق فى مفاصل وجعك، وهاك يا سهر وأرق
وفى الآخر تنوم وروحك مفلوقة ومظلطة
القمرة بكلمها ليك
عندك وصية تانى ؟
|
Post: #32
Title: Re: كيف حال الحلة هنا ؟
Author: أبوذر بابكر
Date: 02-08-2010, 03:28 PM
Parent: #24
أمانى
كيف حالك
واريتك طيبة ياالطيبة
الحمد لى سيد الحمد
الحال ماشى ومافى عوجة تب
إلا الشوق ليكم والوحشة من غيركم
وتحايا أمانة عليك الله لى عثمان والعقاب
|
Post: #31
Title: Re: كيف حال الحلة هنا ؟
Author: أبوذر بابكر
Date: 02-08-2010, 03:25 PM
Parent: #17
عليكم السلام والوئام يا محمد
والرحمة والإكرام
كيف الحال
إن شاء الله ياخى نشوفك دائما محل ما بتطيب روحك وتسعد
وما نشوفك فى شينة، لا هم لا غم لا كدر
شكراعلى حسك الطيب
وشكرا ليك على الدعوة، اعتبرها وصلت ولبيناها عشانك
|
Post: #30
Title: Re: كيف حال الحلة هنا ؟
Author: أبوذر بابكر
Date: 02-08-2010, 03:22 PM
Parent: #16
عاطف
الحبيب والصديق
رفيق الأيام الخضراء
إنت والعقاب إن شاء الله طيبين
طالت السنين ياخ وتكدست الأيام
والشوق هدير
مافى أكتر منه والله يا عاطف إلا المحبة ال ليك
|
Post: #33
Title: Re: كيف حال الحلة هنا ؟
Author: Adam D.El-Asha
Date: 02-08-2010, 03:38 PM
Parent: #30
المطر..
صديق الحروف الوالهة
لك المعزة دوما..
نفتح لك الدواخل ترحبا قبل كل الأبواب المشرعات جذلآ لعودتك..
نفتقدك كثيرا...والحال مايل بس ربنا يعدلها.
المحبة.
آدم العشا
|
Post: #37
Title: Re: كيف حال الحلة هنا ؟
Author: أبوذر بابكر
Date: 02-10-2010, 09:55 AM
Parent: #33
آدم العزيز
الصديق الأعز
كيفنك ياخ واريت حالك زين
والمزة الجاية من تالاك
ماشه عليك من نواحينا اضعاف اضعاف
ما فينا غر الشوق والله ليكم
وابقى دائما طيب وشديد وسعيد
|
Post: #38
Title: Re: كيف حال الحلة هنا ؟
Author: فاروق أبوحوه
Date: 02-10-2010, 07:10 PM
Parent: #37
أباذر يا مطر عافيتنا:
أصدقك القول كنت أحادث صديق لي متابع للمنبر (بالطاقه)
سألني كيف المنبر الأيام دي ؟
قلت: في حالو ، ولكن بعض ناسي بهم غياب يسكنهم..
وقد كنت أنت وبعض أشرعة النشيد
وبعض بعض مياسم الغنا
كنتم في خاطري بعيناتكم الماطره ..
وغيابكم المؤلم.
فتحت المنبر لأجدك في زقاقات حلتنا يا طيب..ببهائك النقي.
والجابك يجيب الغايبين
ما تعملا .. كويس
لو ما عشانا عشان بُطان حِلتنا البتاوقوك في كل خريف.
مرحباً يا شوق.
كل الود
|
Post: #39
Title: Re: كيف حال الحلة هنا ؟
Author: أبوذر بابكر
Date: 02-12-2010, 01:45 PM
Parent: #38
فاروق
يا زول يا خريف
اللحظة بيك بتنتشى
والفجة فى حضرة لقاك
تدى الأمان
طيب الزمان
وما بتخلى شى
قاعدين نحن يا ابا حوة
بس مرات القعاد بكون على طرف الروح
ومرات "بتتفرجخ" وإنت مبسوط
وتتخيل على يمينك أحدعشر بستان
وشمس الكلام وقمر الوئام حاضرين
والضوء يسيل جداول
وإنت والأشجار الزيك
تكونو كورس ملون ومليان عطر
كتر خيرك يا سمح
|
|