Post: #1
Title: يا بورداب .. داير اوصف ليكم بيت فى الخرطوم !!
Author: على محمد على بشير
Date: 02-07-2010, 07:49 AM
تخش بشارع المخبز (التركي) تلقى ليك محل بتاع حلويات (شامية)..... تمشي طوالي بلاقيك حلاق (فلسطيني).... جنبو بتاع سباكة (بنغالي)....... و في الركن بتاع سراميك (باكستاني)... أول شارع تدخل بيه تلقى بيت ساكنين فيه عمال (هنود) تخليه..... بعديه بتلقى عمارة ساكنين فيها لعيبة كورة (نيجيريين)..... تلف على يدك الشمال تلاقى محل شيشة (مصريين) و قدامو في عمال (صينيين) بيحفرو مجاري الخريف... و بعدين بتلاقيك شجرة تحتها ست شاى(حبشية) وقدامها بيت فيهو عطالة (سودانيين)...
أها دا البيت زاتو
بيقولوا دا بقى حال السودان والمواطن السودانى ...
ــــــــــــــــــــــــــــــــ
منقول
|
Post: #2
Title: Re: يا بورداب .. داير اوصف ليكم بيت فى الخرطوم !!
Author: HAIDER ALZAIN
Date: 02-07-2010, 08:02 AM
Parent: #1
| Quote: بيقولوا دا بقى حال السودان والمواطن السودانى ... |
وباقي البلد بقت مقلب قمامة كبيـــر للنفايات ..
ومن لم يمت برصاص العسكر .. مات بالسرطان ..
سلامات يا علي
|
Post: #3
Title: Re: يا بورداب .. داير اوصف ليكم بيت فى الخرطوم !!
Author: على محمد على بشير
Date: 02-07-2010, 08:09 AM
Parent: #2
الله يسلمك يا حيدر
Quote: وباقي البلد بقت مقلب قمامة كبيـــر للنفايات ..
ومن لم يمت برصاص العسكر .. مات بالسرطان ..
|
والله يا حيدر السودان دا بقى قصتو عجيبه
نطلع من الزئاب نقع فى براميل النفايات
|
Post: #5
Title: Re: يا بورداب .. داير اوصف ليكم بيت فى الخرطوم !!
Author: Faisal Elrasheed
Date: 02-07-2010, 08:12 AM
Parent: #3
ده نوع جديد ؟؟
|
Post: #7
Title: Re: يا بورداب .. داير اوصف ليكم بيت فى الخرطوم !!
Author: على محمد على بشير
Date: 02-07-2010, 08:18 AM
Parent: #5
قرقرقرقرقرقرقرقر
مرحب بشيخ الضباع
|
Post: #4
Title: Re: يا بورداب .. داير اوصف ليكم بيت فى الخرطوم !!
Author: خالد عبد الله محمود
Date: 02-07-2010, 08:10 AM
Parent: #2
| Quote: بعديه بتلقى عمارة ساكنين فيها لعيبة كورة (نيجيريين)..... |
يا عمكـ
ده مغلق ببيع مواسير ما عمارة !!
وصف ما بتعرف توصف كمان ؟؟ 
|
Post: #8
Title: Re: يا بورداب .. داير اوصف ليكم بيت فى الخرطوم !!
Author: على محمد على بشير
Date: 02-07-2010, 08:20 AM
Parent: #4
Quote: يا عمكـ
ده مغلق ببيع مواسير ما عمارة !!
وصف ما بتعرف توصف كمان ؟؟ |
كاااااااااااااااااااك
والله انتا صادق يا خالد
وبا لله شفت الماسوره الاخيره الجابا ليكم الارباب
موبالغه ياخ قرقرقرقرقرقرقر
|
Post: #9
Title: Re: يا بورداب .. داير اوصف ليكم بيت فى الخرطوم !!
Author: خالد عبد الله محمود
Date: 02-07-2010, 08:26 AM
Parent: #8
| Quote: وبا لله شفت الماسوره الاخيره الجابا ليكم الارباب |
ماسورة شنو ياخ ..
ده أنبوبة بترول عديل كده ... 
|
Post: #13
Title: Re: يا بورداب .. داير اوصف ليكم بيت فى الخرطوم !!
Author: على محمد على بشير
Date: 02-07-2010, 09:12 AM
Parent: #9
Quote: ماسورة شنو ياخ ..
ده أنبوبة بترول عديل كده ... |
يا خالد
الارباب سواها شينه مره واحده
وكمان امبارح فى الاذاعه الرياضيه قال انهم قدموا مزكره للاتحاد
بخصوص امولادى لانو حاسين انو فى جهه بتوجهو .. وقال لمن قلنا ليهو
سافر حصل الفريق فى الامارات قال ليهم ادونى فرصه عشره يوم
ولمن قالوا ليهو فى الاتحاد يوم الجمعه عايزنك ترجع للهلال رفض فى
البدايه وقال الجماهير ما بتقبلنى وما بتحبنى ,, وطلع بره عمل
تلفون ورجع قال خلاص برجع للهلال .. والفار لعب فى عب الارباب الشكاك
بطبعه .. طبعا هو خايف يكون التلفون دا من بوضياف ..
|
Post: #6
Title: Re: يا بورداب .. داير اوصف ليكم بيت فى الخرطوم !!
Author: عبدالوهاب علي الحاج
Date: 02-07-2010, 08:18 AM
Parent: #1
Quote: تخش بشارع المخبز (التركي) تلقى ليك محل بتاع حلويات (شامية)..... تمشي طوالي بلاقيك حلاق (فلسطيني).... جنبو بتاع سباكة (بنغالي)....... و في الركن بتاع سراميك (باكستاني)... أول شارع تدخل بيه تلقى بيت ساكنين فيه عمال (هنود) تخليه..... بعديه بتلقى عمارة ساكنين فيها لعيبة كورة (نيجيريين)..... تلف على يدك الشمال تلاقى محل شيشة (مصريين) و قدامو في عمال (صينيين) بيحفرو مجاري الخريف... و بعدين بتلاقيك شجرة تحتها ست شاى(حبشية) وقدامها بيت فيهو عطالة (سودانيين)...
أها دا البيت زاتو |
للاسف ياعلي دا بقى الواقع بتاعنا
والسبب نحنا زاااتنا.. عمانا ما بشتغلوا .
تتخيل مثلا عامل البناء المصري بيشتغل متر السيراميك بـ 4 جنيه
وبينتهي ليك من الشغل كلو في يوم او يومين .. بينما السوداني
داير ليهو زي 15 يوم وطواااالي داير مصاريف والليلة مرتو عيانة
وبكرة مودي بتو الدكتور وبعد بكرة عندو عزا وبيشتغل المتر بـ 6 جنيه ومرات بـ 7
وفارق الجودة والجمال في الشغل لصالح المصري طبعا!!!
|
Post: #10
Title: Re: يا بورداب .. داير اوصف ليكم بيت فى الخرطوم !!
Author: على محمد على بشير
Date: 02-07-2010, 08:34 AM
Parent: #6
Quote: للاسف ياعلي دا بقى الواقع بتاعنا
والسبب نحنا زاااتنا.. عمانا ما بشتغلوا .
تتخيل مثلا عامل البناء المصري بيشتغل متر السيراميك بـ 4 جنيه
وبينتهي ليك من الشغل كلو في يوم او يومين .. بينما السوداني
داير ليهو زي 15 يوم وطواااالي داير مصاريف والليلة مرتو عيانة
وبكرة مودي بتو الدكتور وبعد بكرة عندو عزا وبيشتغل المتر بـ 6 جنيه ومرات بـ 7
وفارق الجودة والجمال في الشغل لصالح المصري طبعا!!! |
والله يا وهبه دا واقع مخيف جدا
شبابنا مالين البلد عطاله والعمال الاجانب بيمصوا فى خير البلد
فى واحد مصرى فى السعوديه بيقول لى اخوى فى السودان شغال فى محلات
اتصالات او ما شابه ووضعه احسن منى وبيساعد اهله فى مصر اكتر منى
وبرضو كتير من البنغلاديش بيسالوا فى الاونه الاخيره عن السودان
يا اخوى بعد دا احنا زاتنا راجعين ..
|
Post: #11
Title: Re: يا بورداب .. داير اوصف ليكم بيت فى الخرطوم !!
Author: hamid brgo
Date: 02-07-2010, 08:51 AM
Parent: #10
| Quote: يا اخوى بعد دا احنا زاتنا راجعين |
كان راجل...!!
قرقرقر
الاخ علي لك التحية
بوست جميل... نسيت الكنغوليين ال ظهراو في جميع الدول العربية و يعرضون الدولار الاسود
ممكن تديهم لفة و او تقاطع او حتى دكان
|
Post: #12
Title: Re: يا بورداب .. داير اوصف ليكم بيت فى الخرطوم !!
Author: معروف حمدين
Date: 02-07-2010, 09:03 AM
Parent: #11
يا ويح قلبي عليك يا ( دكان اليماني )
|
Post: #15
Title: Re: يا بورداب .. داير اوصف ليكم بيت فى الخرطوم !!
Author: على محمد على بشير
Date: 02-07-2010, 09:20 AM
Parent: #12
| Quote: يا ويح قلبي عليك يا ( دكان اليماني ) |
يا الله يا ود حمدين
ذكرتنا بالذى مضى
ما اطيبها من ايام
|
Post: #14
Title: Re: يا بورداب .. داير اوصف ليكم بيت فى الخرطوم !!
Author: على محمد على بشير
Date: 02-07-2010, 09:16 AM
Parent: #11
قرقرقرقرقرقرقر
Quote: نسيت الكنغوليين ال ظهراو في جميع الدول العربية و يعرضون الدولار الاسود
ممكن تديهم لفة و او تقاطع او حتى دكان |
غايتو يا برقو
احنا جربنا فى الكنغوليين ديل لعيبة الكوره وفرق كرة القدم
لكن بتاعين الدولار ديل ما جربناهم لسع
اها ديل لو دخلوا البلد بس نسلطم على دولارات الجبهجيه
|
Post: #16
Title: Re: يا بورداب .. داير اوصف ليكم بيت فى الخرطوم !!
Author: على محمد على بشير
Date: 02-07-2010, 03:00 PM
Parent: #14
| Quote: أكد الشيخ عبدالحافظ أمام مسجد كلية الطب بجامعة الخرطوم إعتقاده الشخصي الراسخ بأن القيامة قامت والناس ما جايبا خبر.وعدد الأدلة على قوله بالاتي: إنحدار الفضائيات والمظهر العام في الشارع وإنفجار حالات من الإنحلال والتفسخ وتفشي الخلافات الأسرية والصراعات حتى أصبح الإبن يقتل والده وظهور موية النار وإنشغال ولاة الأمور بالمناصب والثروة والإغتصاب الذي أصبح يطال الأطفال وغيرها من الجرائم التي تقشعر لها الابدان. |
|
Post: #17
Title: Re: يا بورداب .. داير اوصف ليكم بيت فى الخرطوم !!
Author: HAIDER ALZAIN
Date: 02-07-2010, 03:06 PM
Parent: #16
دا راجل متشائم خالص...
الكلام دا كلو مافي .. تلقاها حركات جرائد بس..
هسع متين سمعت بولاة امورنا بيحافظوا على مناصبهم والا بينهبوا المال العام ؟!
والا متين في طفل تم اغتصابوا
|
Post: #19
Title: Re: يا بورداب .. داير اوصف ليكم بيت فى الخرطوم !!
Author: على محمد على بشير
Date: 02-08-2010, 05:51 PM
Parent: #17
Quote: دا راجل متشائم خالص...
الكلام دا كلو مافي .. تلقاها حركات جرائد بس..
هسع متين سمعت بولاة امورنا بيحافظوا على مناصبهم والا بينهبوا المال العام ؟!
والا متين في طفل تم اغتصابوا |
|
Post: #18
Title: Re: يا بورداب .. داير اوصف ليكم بيت فى الخرطوم !!
Author: مجاهد محمد عباس
Date: 02-07-2010, 03:21 PM
Parent: #1
| Quote: بعديه بتلقى عمارة ساكنين فيها لعيبة كورة (نيجيريين)..... |
وين بيت مدربهم (البرازيلي) 
|
Post: #20
Title: Re: يا بورداب .. داير اوصف ليكم بيت فى الخرطوم !!
Author: على محمد على بشير
Date: 02-08-2010, 05:53 PM
Parent: #18
مجاهد ازيك
وربنا يشهد مشتاقين
| Quote: وين بيت مدربهم (البرازيلي) |
ياتو فيهم ؟
كامبوس والا كاربونى ؟
|
|