:(نتعزّى بأمانينا و بالشعب وبالشعر فنشدو ونطيل/نحن صرعى الحبّ يا نيل وفي الحب التياع ومضاضة/قد عشقنا شعبنا يا نيل هل في عشقنا الشعب غضاضة؟فإذا نحن على قارعة الدرب صعاليك..!/لنا النكران والتنكيل شرّا ونكال/فاقبلي يا نائبات الدّهر إنّا لك أنداد قتال ...!/)..
سمحه، سمحه والله يا الطيب الغنيه ، الجيلي عبدالماجد يعرف كيف يقلد الشامخ الراحل عبدالعزيز، هي واحدة من الأغاني التي تطربني إلى درجه بعيده، الليله مزاجك بندر، لكن عارفك بتكون عجبتك قصة يوم تجقلب خيلنا..
الغرام ما بخير بين كبير وصغير يا جميل يا نضير خلى هجرك غير
الله على الزول الاسمو ابوداؤد دا ما سمعت الجيلى دا قبل كدا لكين ابوداؤود انى امنت بالله ومعاه عمنا برعى محمد دفع الله استعدلو الوجدان ضمة ضمة زى ما بقول طارق جبريل
انت دحين دا ما كلام فضل الله محمد ولا اتشابه على الشعراء ؟
مشتاقين والله يا الطيب اخوى
Post: #9 Title: Re: نادوا لينا البنا يبني لينا الجنة يبني طوبة حب - فيديو Author: خالد علي محجوب المنسي Date: 02-06-2010, 11:17 PM Parent: #8
Quote: الغرام ما بخير بين كبير وصغير يا جميل يا نضير خلى هجرك غير
اكفينا الله شر حب الهكر العجائز قال جني جن الزول يقول رايد فلانةوينقسم نصين وجني جن عاشقاً مباغت ويبكي بي فرد عين
زي ودشيقوق دا
بوست حا يكون هكرحب عجائز وإتلمو بت سلامة وودشيقوق
والله يستر أنا قت كلامي دا وراجي الجايني شلوت يانكي وكف قابوسي
ود شيقوق شكيتك على الحلا بله طرب آخر طرب لكين طبعاً الحلو ما بيكمل فكان لابد أن أقول يا أخي إنتو بتغنو في جامع الناس كلها بلا نعلات يعني Tubeless زي ما بقولو الخواجات حفيانين مالكم وأنا حفلتكم عاجباني لكين شايل هم نعلاتي عشان افرتق الرباط الحفله بتكون إنتهت بعدين أنا زاتي جني وجن أمشي حفيان لأنني مشيت حفيان من ما كانت كراعي مقاس 28 لغاية ما بقت 41 وقرطت على كده. حاجه تانيه الأغنية ما فيها كلام طبعاً لحناً وأداء وكلمات بس برضو في حته البنا الحا يجي عشان يبني الجنه دي مش شويه وهمه يعني البنا لو ما مسطول حا يكون طاشم أها دا يبني كيف بعدين مونة المحنه دي يلخوها بي شنو الأيام دي الموية قاطعه في أمبده. ودشيقوق آخر دعوانا الشكيه لي أب إيداً قويه
Post: #13 Title: Re: نادوا لينا البنا يبني لينا الجنة يبني طوبة حب - فيديو Author: ندى عثمان حسن Date: 02-07-2010, 07:16 AM Parent: #12
Quote: قولوا ليهو الحب شي طبيعي إلهي جدا. يا إلهي..
الغرام ما بخير بين كبير وصغير يا جميل يا نضير خلى هجرك غير
الله على الزول الاسمو ابوداؤد دا ما سمعت الجيلى دا قبل كدا لكين ابوداؤود انى امنت بالله ومعاه عمنا برعى محمد دفع الله استعدلو الوجدان ضمة ضمة زى ما بقول طارق جبريل
انت دحين دا ما كلام فضل الله محمد ولا اتشابه على الشعراء ؟
يطول عمرك يا ام عزة الشاعر فضل محمد ومن كلماته ايضا في حب يا سلمى اكتر من كدا؟
اما هذه القصيدة فيقول فيها :-
لوموه الاهى بالغرام بالاهى قولوا ليهو الحب شئ طبيعى إلاهى الغرام ما بخير بين كبير وصغير من زمان الحب عمروا فينا يحير يا جميل يا نضير خلى هجرك غير من زمان الحب تلقى عمروا قصير
نادوا لينا البنا يبنى لينا الجنة يبنى طوبة حب ويرمى مونه محنه بالكتاب والسنه يعقدو لينا أهلنا انتصر يا حب انحنا نلنا املنا
سيروا بينا لنيلنا وسوي لينا عديلنا فوق جناح الحب الملائكة تشيلنا يوم تقرب ضلنا فوق شبان جيلنا والزغاريد حب وخير مافى مثيلنا
العاقبة للخلان وللبشاركوا معانا انحنا ناس الحب الله ما بنسانا انحنا صُّنا هوانا بشرف وامانه يا جمال الحب ويا جمال دنيانا .
Post: #21 Title: Re: نادوا لينا البنا يبني لينا الجنة يبني طوبة حب - فيديو Author: محمد سنى دفع الله Date: 02-07-2010, 11:37 AM Parent: #20
Quote: ود شيقوق شكيتك على الحلا بله طرب آخر طرب لكين طبعاً الحلو ما بيكمل فكان لابد أن أقول يا أخي إنتو بتغنو في جامع الناس كلها بلا نعلات يعني Tubeless زي ما بقولو الخواجات حفيانين مالكم وأنا حفلتكم عاجباني لكين شايل هم نعلاتي عشان افرتق الرباط الحفله بتكون إنتهت بعدين أنا زاتي جني وجن أمشي حفيان لأنني مشيت حفيان من ما كانت كراعي مقاس 28 لغاية ما بقت 41 وقرطت على كده. حاجه تانيه الأغنية ما فيها كلام طبعاً لحناً وأداء وكلمات بس برضو في حته البنا الحا يجي عشان يبني الجنه دي مش شويه وهمه يعني البنا لو ما مسطول حا يكون طاشم أها دا يبني كيف بعدين مونة المحنه دي يلخوها بي شنو الأيام دي الموية قاطعه في أمبده. ودشيقوق آخر دعوانا الشكيه لي أب إيداً قويه
ات قايل دا تحفي نصاح ؟
الناس دى ناسية نفسها ذاتها سيبك من ال ...
البنا يبنى الجنة دا بيكون فضل الله محمد قصد الكل واراد الجزء شفت كيف؟
