هسه زي Mohamed E .Seliaman دا يشكوهو لي منو .....؟

كتب هذا الرجل
او فلنقل طرش الكلام دا

Quote: الفكرة في حد ذاتها موغلة في الغرابة بل وغارقة في النكارة ! هل نيل عضوية منبر بكري مؤهل كاف للترشح في أمر الولاية على الناس ؟ مؤهلات عضوية بعض اعضاء المنبر لا تتجاوز امتلاك آلة تصوير رقمية لتغطية فعاليات النسوان ، فلا تأتي مشاركاتهم في المنبر إلا على شاكلة : 1-فوزية خطبوها (توجد ) 2-صفاح فتحية (توجد ) 3-نفاس بشرية (توجد ) 4-مروق قشرية من الأربعين ( بالكوم) ........ ....إلخ هل ترى من كانت مجمل مشاركاته على هذا النحو حريا بأن يقال له رجل ؟ ناهيك عن أن يقدم لأمر الولاية على الناس ؟ ______________ مع شكري وتقديري لك

فيا عزيزي الفاضل ان كانت لك حسابات شخصية مع احدهم فاعلم انك اختر المكان الخطأ لتصفينها
لان صاحب البوست المعني كانت له وجه نظر واضحة كان لك كامل الحق في موافقته او الاختلاف معه
وكونك تصف كل عضوية هذا المنبر المرشحين بعدم الرجولة ( دي قلة ادب منك وبس )
فيا راجل نحن لا ننتظر من امثالك ان يشهدوا برجولتنا

كيف ندعم مرشحي سودانيز اون لاين في الانتخابات القادمة ؟؟

الفاضل ياسر بيناوي
والله ضحكتني ضحك لما قربت اتشرق(هههههههههه)

يا اخي د. Mohamed E .Seliaman
هو بحر علوم ومظلوم بوجوده معنا هنا.


ويا دكتورنا الغالي
انا معك بعضهم قد تمون لا مؤهلات له
الا انت الحكومنا مؤهلاتهم شنو؟؟؟؟هذا اولا.



ثانيا:
عارف يا ياسر
دكتورنا هذا....هو من اهل الشرق
واظنه لازال يورث تلك الجزئيه منهم وهي
تحسسهم من ذكر اسماء النساء ففي ثقفاته المحليه
تلقى مقرب يقيم الحد على ناس

Quote: 1-فوزية خطبوها (توجد ) 2-صفاح فتحية (توجد ) 3-نفاس بشرية (توجد ) 4-مروق قشرية من الأربعين ( بالكوم)

(ههههههههههههههههه)

المنبر ده غايتو يوم بيكتلوا ليه زول.(ههههههه)

ياسر ما تنحمق
ويا د.محمد عليك الله برضو ما تنحمق
ياخي مالك ومال ناس قشريه خطبوها ديل؟؟؟(ههههههه)
زمان النصري امين عنده بوست اسمه (الفط)
قال في ناس بيفط بوستاته
وناس بيفط مدخلاتهم
فتعلم الفط حتى تعيش بهذا المنبر.



اها انت يا ياسر قناوي
برضو ضروري تتعلم الفط
حسه بلديتنا ده يا اخي يمكن عنده نسيبه ساكن ابو حمد
يمكن يديك صوته فما تحكها معاهو شديد.

تسلموا جميعا.

اضحكتموني اضحككم الله.

Quote: مؤهلات عضوية بعض اعضاء المنبر لا تتجاوز امتلاك آلة تصوير رقمية لتغطية فعاليات النسوان ، فلا تأتي مشاركاتهم في المنبر إلا على شاكلة : 1-فوزية خطبوها (توجد ) 2-صفاح فتحية (توجد ) 3-نفاس بشرية (توجد ) 4-مروق قشرية من الأربعين ( بالكوم)

بس يا محمدE نسيت ال"كديسة..." السجيمانة الحصل ليها شنو؟!
بس ما عارف (توجد صور للكديسة) أم لا!
لأن مثل هذا الكلام يمر عليه الإنسان مرور الكرام
دون أن يمسه ب"سوء"!

بيناوي مساء الخير...
يعني انت ما قادر تتحمل ليك كلمتين تلاتة اسفيريا
لما تخش محك الانتخابات ولحظاتها العصيبة المافيها اي اخلاقيات حتعمل شنو
علي فكرة خليك من هسة ومعاك الشباب المرشحين المعاك تكونوا عارفين
في اشاعات ممكن تتفك ضدكم،يعني عادي وانت شغال حملتك تطلع اشاعة انك اتنازلت من الترشيح واديت اصواتك لفلان الفلان
وعادي جدا واحد ما يكون عنده اي سابق معرفة بيك يمش يقول في حتة انت عندك فيها ثقل او عشمان فيها انو صحبك وزميل دراستك ويلعب بمفهوم القضايا الانت بتتبناها ويفرغ عكسها للمواطنين ويمش
وممكن وممكن
البفيدك وبقويك في الموضوع شكل ادارتك للعملية كلها وتقسيمك ليها
تكون عارف حتعمل شنو ومتين
ومن هسة نصيحة اخوية ترخي حاجة اسمها سودانيز اون لاين ماتكتب فيها ولا ترد في موضوع بخص ترشيحك كان بخير وكان بشر...وهسة مثلا مثلا بوستيك ده ذاتو خطأ تكتيكي لانو بكل انفعال جيت رديت وانت بتوفر معلومة لخصمك بكل سهولة الممكن يمشي يطلق فيك دعاية انك مصوراتي مناسبات نسوان وماعندك موضوع ويجي يستهد ليك علي الايمان ببوستك ده ذاتو..شفت كيف يا مان؟وعشان تفك اشتباك زي ده عند المواطن البسيط حتاخد اسبوعين
وحتي شكل تعاملك في المنطقة في مسألة ترشيحك خلي ناس غيرك يمسكوها
شوف ناس قلبهم عليك يرتبوا ليك الموضوع وانت خش في شخصية مرشح
شخصية المرشح حاجة والعملية كلها حاجة تانية يعني تظهر بحساب تتكلم بحساب بس الشباب الحوليك هم اليتكلموا ويرتبوا وانت تظهر في ارض ثابتة وتقدم حاجاتك بوضوح منها
لحدي هسة انت حملتك الانتخابية مافيها غير الشعار واعتقد انو جيد وممتاز..يله صيغ القضايا الفي المنطقة في اطار الشعار وابقي نابل
واعمل ليك خطة استراتيجية عديل ..متين تتكلم ومتين تظهر نقاط ضعفك شنو في المنطقة وقوتك وين وكيف تقلب موازين المنطقة النازل فيها وحملتك وتمويلها و و و

بالتوفيق يا مان الموضوع ده كبير ما ساهل

بيناوي

زي ما قال القمر بوبا انت لست مرشحا في سودانيزاونلاين انتبه لحملتك على ارض الواقع وانسى سودانيزاونلاين دي

الأخ العزيز ياسر
تحياتي و سلامي
ياخي هون عليك يا رجل. قال الأخ محمد:

Quote: هل ترى من كانت مجمل مشاركاته على هذا النحو حريا بأن يقال له رجل ؟ ناهيك عن أن يقدم لأمر الولاية على الناس ؟

و استنتجت أنت أنه:

Quote: وكونك تصف كل عضوية هذا المنبر المرشحين بعدم الرجولة ( دي قلة ادب منك وبس ) فيا راجل نحن لا ننتظر من امثالك ان يشهدوا برجولتنا

و إذا أعدت قراءة كلامه تجد أنك تسرعت في استنتاجك فهو لم يصف كل عضوية المنبر المرشحين بأي شييء و تقبل تحاياي.

GamarBoBa

2016 انت برنامج شنو

اخوك يمكن ينزل الانتخابات الجايه

البصاص

البصاص
كدي السؤال تاني لانو مافهمته