في قناة النيل الازرق: مكاتب زواج سودانية تحت ادارة خبراء مصريين

أجرت مذيعة من قناة النيل الازرق في برنامج أفراح مقابلة مع أحد الاخوة المصريين ويدعي سيد محمد احمد صاحب مكتب زواج في الخرطوم وذلك يوم الخميس ليلة الجمعة أجرت حوارا مطولا عن نشاط مكاتب الزواج في الخرطوم والسبب الذي جعل "ودبمبا" يفتح مكتب للزواج في السودان.
قال الشاب سيد أنه وجد هذا النشاط رائجا في دول الخليج ومصر وعندما جاء الى السودان لم يجد هذا النشاط ففكر في فتح مكتب وذهب الى المحلية التي منحته ترخيصا بمزاولة مثل هذا النشاط الحساس. وكشف الشاب سيد عن اعداد كبيرة من البنات العوانس "البايركس" وكذلك الاولاد "البايركس" ترتاد هذا المكتب وعرض عددا من الملفات التي تضم استمارات يملأها طالبو الزواج من الاولاد والبنات وتشتمل الاستمارة على: الاسم، اسلن ، الجنس، القبيلة "مصري ويتحدث عن القبيلة..آل أبيله آل" وقال ان اكثر زبائنه من الموظفات وبالذات الطبيبات والمهندسات والموظفات في القطاع الحكومي، وأبان ان حوالى 43 زيجه تمت من هذا المكتب وهناك عدد آخر بدأ من داخل هذا المكتب لكن الزواج تم بعيدا عنه..
وفي استطلاع لعدد من الشباب والشابات حول هذا الامر، افاد حوالى 8 من 10 هم أفراد العينة انهم لا يقبلون هذا النوع من الزواج الذي يتم عبر الوسائط البشرية والالكترونية، وان احد افراد العينة استهجنت هذا السلوك وقالت: كيف تسنى لي ان اتزوج بهذه الطريقة التي تشبه تماما طريقة التقديم للوظيفة، فأنا حين ابحث عن زواج بهذه الطريقة يشبه تماما طريقة بحثي عن العمل، ومن ثم قالت ان هذه طريقة مستهجنة ولا نقبلها..
ومهما ثار الجدل حول هذا الموضوع الا انه يبقى ان هناك مشكلة تتمثل في معدلات العنوسة المرتفعة وسط الشباب "البنات والاولاد" لذلك نشأت هذه المكاتب لتلبية حاجة، ولا نقول طلب لأن الطلب دائما ما يكون مسنود بقوة مادية ومالية..
في رأي ان مكاتب الزواج تشبه تماما البحث عن الزواج عن طريق الانترنت فالمكتب وسيط مثل الانترنت، ولكن ما لم استطع فهمه هو ان هذا النشاط يزاوله الاجانب مهما كانت القربى بالسنبة لنا.. فهذا النشاط نشاط حساس كان يجب ان يمارسه سودانيون طالما ان هناك حاجة له..

المتاجرة بالنساء السودانيات و صورة اخرى للإنحلال الأخلاقي (رسالة من متابعة)

شكراً أخي عبد الله على هذا البوست...

عمالة من الخارج (بنايين وطلب وكدة) ، لعيبة كورة من الخارج ، وخاطبات كمان من الخارج؟؟؟؟؟
يعني الداخل ما فضل فيه حاجة غير العطالة؟؟؟؟؟؟

أهم ما قاله صاحب المكتب " الحمد لله ربنا أكرمني "!
كعادة شعب شمال الوادي حينما يجعلون توفقهم أمر رباني خالص !

عجب يا بلد!

الاخت تراجي شكرا على لفت انتباهي لبوست الاخ انور في نفس الموضوع وللأسف لم أره حين كتبت هذا البوست المسأله كانت حارقاني شديد "يا ترى هل كان يمكن لإخوانا المصريين منح تصريح لسوداني بمزاولة نفس النشاط في القاهرة؟
الاخ انور كنج
تحية على المرور، وتجدني متأسف لأني ما شفت بوستك في نفس الموضوع
الاخ ناصر
شكرا بس كلمة عمالة"بناية، طلب وكده" فهمتها انا بمعناها التاني يعني خدمة اطراف خارجية لها مصلحة في البلد.. والموضوع يا خوي حساس - يعني اخص خصوصياتنا - فهذا نشاط يجب توطينه بنسبة 100%.
الاخ وليد طه
فعلا عجب يا بلد، واحد بنقالي قابلته في المواصلات العامة في الخرطوم قال لي انا متزوج من البلد دي وذكر انه متزوج من قبيلة عربية كبيرة بالسودان "طبعا دا كلامه"، واحد اخونا سمسار في المنطقة أكد لي صحة الواقعة، طبعا ما في مشكلة في انه اجنبي يتزوج من بلدنا لكن توجد سلبيات كثيرة يمكن الحيلولة دونها بقوانين تنظم ذلك، وبعدين البنغاله ديل عمايلهم سيئة جدا ومن يقرأ صحف الخليج يعرف ذلك..

بصراحة المصرى ما غلطان لانو عايز قروش وبس ما مهم عندو نوع الشغل
الغلطان هو المسئول الاداهو التصريح لهذا العمل الغريب جدا علينا فى السودان


بعيدين شغل الخاطبة دا مش شغل نسوان الدخل الرجال فيهو شنو ؟؟؟؟؟؟؟؟




أحمد العمار

الأخ عبد الله سلامات ..

Quote: قال الشاب سيد أنه وجد هذا النشاط رائجا في دول الخليج ومصر وعندما جاء الى السودان لم يجد هذا النشاط ففكر في فتح مكتب وذهب الى المحلية التي منحته ترخيصا بمزاولة مثل هذا النشاط الحساس.

مش قلنا بلدنا دي هااااااااامله؟
المصريين بعد قالوا صحوا الرئيس السوداني تاني أي شئ منهم متوقع,
هسي ده بكون صحي موظف المحليه عشان يديهو التصديق :(

طول عمرنا كسودانيين بنباهي باجراءات الزواج عندنا المقيده بشروط التقاليد والاعراف ..
الوسائط في الزواج طريقه قديمه وموجوده ولاغبار عليها,
لكن عادة بتكون من سيده سودانيه ذات معرفه بالبنات وأسرهم ودرايه بالشباب وأخلاقهم ..

معقوله وصلت بينا الهمله لي انو الوسيط يكون مصري؟

يعرف شنو المصري عننا عشان يتدخل في زواج بناتنا وشبابنا ..

ياجماعه ياتو محليه دي البتدي تراخيص زي دي؟

ده موضوع خطير ويستدعي البحث عن مواضع الفساد البتسمح بدخول خلل اجتماعي زي ده لحياتنا

الاخ الحبيب أحمد العمار
تقول شنو ياخوي ديل رجال آخر زمن. وزي ماقلت ياحبيب المصري ما غلطان غلطانين نحنا ديل ياخوي أولاد بمبا ديل دايرين القرش وبس وزي ماقل محمد المكي ابراهيم "يسمعون رنة قرش في المريخ".

الاخت اماني الامين
شكرا على التعليق الجميل .. بلدنا شكلها هاملة بلس يعني هاملة وزياده .. وبعدين شوفي ودبمبا كاتب في الاستمارة شنو كاتب فيها القبيلة ، دي والله ما سبقوه ليها اهل البلد ذاتم، هو الزول ده عرفه بقبائلنا شنو، وبعدين مصر ذاتها فيها قبائل؟ أنا عمري ما سمعت بواحد مصري عنده قبيله!!!!!

Quote: بعيدين شغل الخاطبة دا مش شغل نسوان الدخل الرجال فيهو شنو ؟؟؟؟؟؟؟؟

شغل نسوان،
وهل التصديق بمثل هذا النشاط في بلادنا شيء آخر غير
شغل نسوان
هل هذا"" شغل رجال؟؟""
من المسؤول الذي صدق له بهذا العمل؟؟
عزيزي ،
إن له شركاء من أبناء بلادنا،
بئس الأبناء.

ياعزيزي ، هذا هو النشاط الظاهري،
لكن هذا الذي استضافته قناة النيل الأزرق،
مجرد قواد .
قوادون!!
قوادون أولئك الذين مهدوا لهؤلاء
وأدخلوهم بلادنا.
حريات أربعة؟؟
هذه واحدة من الحريات الأربعة.
ما الذي جعل العراقيين،
بعد ان منحوهم مئات الحريات ،
يعيدونهم إلى بلادهم في النعوش الطائرة ؟؟
أتوا بهم فلاحين ،
فاكتشفواأنهم مجرد قوادين،
أفسدوا رجالهم ونساءهم.
الأشقاء!!
بلد ، بل شعب بأكمله، يعيش
على اقتصاد الشقق المفروشة؛
وعلى كل اشكال الإنحراف .

شغل نسوان؟؟

إسأل منحطِّيك ، بل أبصق على وجوههم.
هؤلاء السفلة ، أبناء الأراذل.
الذين أتوا بهؤلاء لأنهم من شاكلتهم.

Quote: بعيدين شغل الخاطبة دا مش شغل نسوان الدخل الرجال فيهو شنو ؟؟؟؟؟؟؟؟

شغل نسوان،
وهل التصديق بمثل هذا النشاط في بلادنا شيء آخر غير
شغل نسوان
هل هذا"" شغل رجال؟؟""
من المسؤول الذي صدق له بهذا العمل؟؟
عزيزي ،
إن له شركاء من أبناء بلادنا،
بئس الأبناء.

ياعزيزي ، هذا هو النشاط الظاهري،
لكن هذا الذي استضافته قناة النيل الأزرق،
مجرد قواد .
قوادون!!
قوادون أولئك الذين مهدوا لهؤلاء
وأدخلوهم بلادنا.
حريات أربعة؟؟
هذه واحدة من الحريات الأربعة.
ما الذي جعل العراقيين،
بعد ان منحوهم مئات الحريات ،
يعيدونهم إلى بلادهم في النعوش الطائرة ؟؟
أتوا بهم فلاحين ،
فاكتشفواأنهم مجرد قوادين،
أفسدوا رجالهم ونساءهم.
الأشقاء!!
بلد ، بل شعب بأكمله، يعيش
على اقتصاد الشقق المفروشة؛
وعلى كل اشكال الإنحراف .

شغل نسوان؟؟

إسأل منحطِّيك ، بل أبصق على وجوههم.
هؤلاء السفلة ، أبناء الأراذل.
الذين أتوا بهؤلاء لأنهم من شاكلتهم.

Quote: ولكن ما لم استطع فهمه هو ان هذا النشاط يزاوله الاجانب مهما كانت القربى بالسنبة لنا.. فهذا النشاط نشاط حساس كان يجب ان يمارسه سودانيون طالما ان هناك حاجة له..

وكمان قال بناشد المسئولين الاهتمام بالمكاتب دى!!!

هم المسئولين قصروا؟؟؟ما ادوك الترخيض لفتح المكتب للمتاجرة بأعراض المواطنين

لعنة الله على المسئولين الخايبين الادوك الترخيص الرخيص دة!


بلد هاملة وماعندها وجيع

لك التحية أخي عبدالله عجبنا

التحية لكم جميعاً.

ما ورد من معاني تمس المجتمع في هذا الموضوع فلا غرابة إن رجعنا بالذاكرة ل 1990م وبرنامج إعادة صياغة المجتمع السوداني الذي خصصت له وزارة بأكملها(وزارة التخطيط الإجتماعي) فكان لا بد من نتاج لذلك.

وممكن يكون الأمر ضمن مشاريع الإستثمارات الموقعة في البروتوكولات بين البلدين ! ! !


الهم لا نسألك رد القضاء ولكنا نسألك اللطف فيه.


--------------------------

عايز افتح ملف
انا سمعت انو ممكن يستورد زوجات من مصر للراغبين فى اللحم الا........وباسعار لا تنافس

الاخ الدرديري ساتي
نعم له شركاء او على الاقل جهات قامت بمساعدته .. انا المحيرني انه لا توجد ضوابط للتصديق لمزاولة أي نشاط جديد؟ مادور الجهات الامنية في مراقبة ومتابعة مثل هكذا نشاط؟ لماذا نقبل ان تنحدر قيمنا بهذه الطريقة بأيدي خبراء اجانب؟

مهيرة:
طبعا الراجل يناشد المسئولين الذين ساعدوه وصدقوا له ان يتمموا جميلهم ويدوه قرشين من جيب محمد احمد الاغبش، وكله ممكن طالما صدقوا له بالتلصص والتنصت والاطلاع على اسرارنا واخص خصوصياتنا

صديقي وزميلي الحبيب عمر ابوحجاب
كيفك ياقريبي؟...اذا كان الوضع كذلك فان هذا المجتمع حتما يحتاج الى اعادة اعادة صياغة لتصحيح الصياغة الاولى.قلت لي الجماعة الظاهر اضافوا بروتوكول تسويق شباب سودانيين "من الجنسين" على يد بيوت خبرة مصرية..

شكرا الشاب عبد الله عجبنا..وشكرا عمر حجاب..وبقية الكرام المتداخلين..اظن كلامك يا عمر حجاب يتحمل الدقة لانها سياسة..وهذه مخرجات تلك السياسة..وفي اسوا صورها..الدعارة العابرة للحدود..وما سيحصل في النسخة التانية من الانخاس..قد تجد خاطبة صيني..عروضنا اضحت معروضة للغاشي والماشي..

الحبيب عبدالرحيم ود سعيد شكرا على المجاملة الظريفة دي "شاب" .. وبعدين ياحبيب عبارة الدعارة العابرة للحدود دي جديدة علي، أخشى ان تظهر شركات زي دي عابرة للقارات يعني زي الشركات عابرة القارات او متعددة الجنسيات كده، وبعدين نقعد نفتش ليها في مصطلح وترجمة فبدل MNCS يمكن ان تكون MNPCS وبعدين كان فالح أعرف لي دي اختصار لشنو

الحبيب عبدالله

لك التحية

ألم تسمع استاذنا الكابلى يشدو بـ : زمن العجائب ؟؟؟
فلماذا تستغرب يا أخى
يخيل لى ان الاجنبى مهما كان نوعه له وهجه فى وطن الجمال وطن العز الذى كان
فالاجنبى مفتوحة له الحدود ليفعل ما يشاء
والويل كل الويل لود البلد حينما يجروء
الحكاية يا سيدى وراءها ما وراءها وليست مجرد صدفة وليس مجرد استثمار
وغايتو زى ما بقولوا اولاد بمبه يا خبر بفلوس بكره ببلاش
وبكره نقعد تحت الحيطة ونسمع الزيطة

ولكن بعد خراب مالطا قطعا ....

هذا لو لم تخرب مالطا بعد ...

الاخ الزميل قرشو
الظاهر يا حبيب انه الاجنبي له وهج وألق في وطنا، يا اأخي انت شفت البنغاله والهنود وضعهم كيف ووزنهم شنو في الخليج، في بلدنا يقول ليك دي هنديه بس يعني حاجه راقية!!!! نحنا عندنا يصدق المثل "لا كرامة لنبي في وطنه". وبعدين يا اخي لما نحتاج خبرا اجانب نحتاجهم في موضوع الزواج عشان يجوا يلموا راسين سودانيين بالحلال !!!!!!!!!!!، عجبي.. وانحنا ما دايرين على قولك بلدنا دي تشوف خراب مالطا و لاخراب سوبا.

ولماذا تشتغل قناة النيل
الازرق بالفارغة و المقدودة

تكون مقابلة مدفوعة الأجر كعادة
القناة في الآونة الأخيرة ..

انت بس تدفع ونحن نجيب ليك
البنات المعصعصات يتحاوروا
معاك على الهواء مباشرة ,
حتى ولو بتبيع ترمس
أو قل قرضا !!!!