قسـم الهندسـة الكهربائيـة بجامعة الخرطـوم بدون تلفونـات.. ورئيس القسـم يستعمل الموبايـل!!

هسى الواحـد يعلق يقول شنو..


يا ناس الحكومـة:

هـذه الكلية مؤسسـة مهمـة جداً، عندها إتصالات دولية مع جامعات أخرى تحتاج تلفونات ارضية ثابتة لا يتعطل
ولا يتغير ولا يتبدل أبداً.. وتحتاج ارقام للفاكسات..
ديل علماء الإتصال زاتهم، ولو ما وطنيتهم هسى ممكن يصمموا جن احمر يجمم إتصالاتكم الما جايبة تعبها دى كلها.

قلتم التوجه الحضارى، طيب خلاص قولو ليهم يستعملوا MSN واللا البالتوك.

أمــر محزن للغايـــة.

ابو الريش سلام
انا طالب فى المستوى الخامس قسم الهندسة الكهربائية والإلكترونية بجامعة الخرطوم
القسم لديه ارقام تلفونات وموقع ويب وايميلات رسمية واذكر انه فى العام الماضى كنت خارج السودان واتصلت بالهاتف الموجود باوراق القسم لمعرفة النتيجة
كما ان د تهانى م عبد الله استاذه بالقسم وعضو معنا هنا بالمنبر

http://engar.uofk.edu/deee/


صفحة القسم بموقع الجامعة

تلفون:00249183784556
-
فاكس:00249183771516
-

ص. ب. 321
الخرطوم - السودان



http://www.uofk.edu/faculties/engineering/electrical/gr...duate/computerar.htm

دا الموقع يا باشمهندس رغيم

الأخ رغيـم،

شكـرا وأتمنى ما قلته يكون صحيحـا.. فما معقول ياخ الحال يكون كدا..

الأرقام التى نشرتها لا تعمل وقد أتصلت بها ولم يتم الإتصال.. ثم الصفحـة كما بين الأخ ياسـر التجانى
لم يتم تحديثها منذ عام 2003.

ٌطبعا تكون ارقـام للتلفونان، ولكن المشكلـة أنها لا تعمل.. فهل هـذا نتيجـة أعطال محلية، أم عدم وجود
تلفونات (أجهـزة) أم من ناس التلفونات؟

فى كل الأحوال أمـر محيـر ولا يليق بهـذا القسـم.

Quote: الأخ رغيـم، شكـرا وأتمنى ما قلته يكون صحيحـا.. فما معقول ياخ الحال يكون كدا.. الأرقام التى نشرتها لا تعمل وقد أتصلت بها ولم يتم الإتصال.. ثم الصفحـة كما بين الأخ ياسـر التجانى لم يتم تحديثها منذ عام 2003. ٌطبعا تكون ارقـام للتلفونان، ولكن المشكلـة أنها لا تعمل.. فهل هـذا نتيجـة أعطال محلية، أم عدم وجود تلفونات (أجهـزة) أم من ناس التلفونات؟ فى كل الأحوال أمـر محيـر ولا يليق بهـذا القسـم

فى البداية افتكرت لانو الليله عطلة فى السودان عشان كدا مافى رد
لكن جربت الاتصال بالرقم وللاسف فعلا لقيت الرقم مقطوع
*********************
إنشاء الله يوم الاحد بمشى لى سكرتارية القسم واستفسرم عن المشكلة دى
لإنو فعلا ما بليق بى قسم عريق زى دا انو تلفوناتو تكون مقطوعة

ياسر سلام ما اظنو فى حوجة لتحديث الصفحة دى لانو تقسيم الساعات الدراسية ما اتغير من 2003
لكن الى حد ما مستوى تحديث الموقع وتفاعليتة معقولة
لانه بتلقى فيه الكورسات والجداول ويمكن تسجل بيه فى بداية السنة
وحتى بعض المواد خصوصا المشرف عليها بروف سامى شريف عميد الكلية
بتكون اعمال السنة
استلاما وتسليما كلها عبر الموقع
ودا جهد فى نظرى مقبول جدا نسبة لامكانيات الكلية

با باو الريش
ياخ ما معقول بوستين في نمفس الموضوع؟
حاول أن تتروي قبل فتح بوستات بالشكل الغريب دا
ياخ أنا فلت ليك مافي تلفون وأديتك رقم موبايل د. عبدالرحمن تقوم تشعلل الدنيا بالطريقة دي..
المسألة أبسط من كدا.. كثرة إستخدام الموبايل والعزوف عن إستخدام التلفون الثابت أديا لعدم الإهتمام بمتابعة دفع الفواتير. يعني لا يوجد إحتياج شديد له في ظل الإعتماد على الموبايل.
يعني المسألة ما محتاجة ليها موضوع قدر دا..
وفر مجهودك لما هو أفيد.. تابع بوست بروف سمير أو موضوع مكتبة الهندسة أو ملتقي المهندس المطروح للنقاش
هذا أفضل من فتح موضوع تحت عنوان صارخ ينتهي للا شيئ ثم بنسف مصداقيتك يا أخي

كامل المودة
بالمناسبة د. معتصم بسلم عليك

زرت الموقع، واللهم لا إعتراض على حكمك.

شوفوا الترجمة الغريبـة دى:

Quote: البرمجة الموجهة الغرض بلغة C++

والغرض مرض.. والترجمـة مرض زاتها..
دى ترجمة لـ: Object Oreinted Programming

بالله عليكم هل فى برمجـة ما موجهـة لغرض؟!!!

كلمـة Object لا يمكن ترجمتها الى "غرض"، وإنما اقرب معنى لها كلمـة "كائن" إن لم تكن "جســم"
فإن الكائن له حدود Dll or ActiveX وله خصائص Properties وله قابلية التفاعل مع الأحداث التى تقع عليه Events،
كما أنه يمكن أن يقوم بعمل شئ ما Methods.
لكن شوف عمك "الغرض" دا توديه وين.. هـذه الترجمة تضيـع كل معانى ال Object
ولا حتى تعبوا عشـان يشوفوا ماهو متداول وتظهر أن Object كائن مادى.. يعنى يقولوا ليك foreign object لأى جسم
غريب يقع على العين، و Flying object, or unidentified flying object UFO للأطباق الطائرة.. ولا إستعانوا بالقاموس.

مثال تانى للتخبط فى الترجمـة:

Quote: الدوائر المتكاملة التمثيلية

تمثيليـة فعلا!!!

وطبعا دى المقصـود منها إنها ترجمة لـ Linear Integrated Circuits
وكلمة linear عكس digital أى خطيـة وليست رقميـة.. وكلمة "خطية" ختوا محلها "تمثيليـة" يعنى لو فى شوية مخ
للمترجم دا كان إكتشف أنو linear جاية من "Line".. طيب شيخنا دا ترجم linear frequency كيف؟ الموجة التمثيلية؟
حتى فى كل الكتب المعربة يشيروا ليها بالموجـة الخطيـة.

يا جماعـة دى ملاحظة فى فقرتين بس جو عرضا فى هـذا البوست، يعنى المنهج حيكون كيف؟

هانت...

أخيـر تعطل التلفوانت!

مثال تانى للتخبط فى الترجمـة:

Quote: Quote: الدوائر المتكاملة التمثيلية تمثيليـة فعلا!!! وطبعا دى المقصـود منها إنها ترجمة لـ Linear Integrated Circuits وكلمة linear عكس digital أى خطيـة وليست رقميـة.. وكلمة "خطية" ختوا محلها "تمثيليـة" يعنى لو فى شوية مخ للمترجم دا كان إكتشف أنو linear جاية من "Line".. طيب شيخنا دا ترجم linear frequency كيف؟ الموجة التمثيلية؟ حتى فى كل الكتب المعربة يشيروا ليها بالموجـة الخطيـة.

با خي بالغتا
صحيح إنو الترجمة مرض.. لكن الكلية الآن تعمل باللغة الإنجليزية في أغلب المواد.. أنا نفسي أدرس بالإنجليزية

ثم تانيا: تماثلية مقصود بها analog وليس Linear
كما أن Linear ليست عكس digital
Analog عكس Digital
أما Linear فعكسها يا سيدي Non-Linear

مرة أخرى البوست غير موفق تماما وخارج عن النص تمت كتابته بناء علي نصف معلومة دون أن تتروي أو تنتظر إجابة قيل أن "تقوم بنمرة 3 كما ذكرت في ذاك البوست"

رجاء التروي في ما تكتب

الأخ الفاضل طارق،

يا أخى هون عليك.. وأعرف غيرتك على القسـم.

هـذه شهـادة الأخ رغيـم:

Quote: فى البداية افتكرت لانو الليله عطلة فى السودان عشان كدا مافى رد لكن جربت الاتصال بالرقم وللاسف فعلا لقيت الرقم مقطوع

الموضوع يا طارق موش إنو ناس القسـم عندهم موبايلات وما محتاجين يستعملوا التلفون، الموضوع هـو
المؤسسات الخارجيـة.. شكل القسـم ومن ورائه الكلية، غير مكتمل ومعيب إداريـا.. الموضوع إنو المؤسسات الخارجية تحتاج
تتصل، وهم يعرفون التلفون من الموبايل. ورقم التلفون المنشـور فى مطبوعات القسـم الرسمية، بما فيها
الموقع، يجب أن يعمل حتى لو لم يستعمله الأساتذة أو الإداريين فهذه مسألة مصداقية أولا وأخيراً، أو يجب
أن يحذف وتوضع مكانه ارقام الموبايلات.
تخيل إنك إتصلت برقم تلفون MIT منشـور فى موقعهم، والرد جاءك من فيرايزن: the number you have dialed is disconnected or no longer in service

Quote: الموضوع يا طارق موش إنو ناس القسـم عندهم موبايلات وما محتاجين يستعملوا التلفون، الموضوع هـو المؤسسات الخارجيـة.. شكل القسـم ومن ورائه الكلية، غير مكتمل ومعيب إداريـا.. الموضوع إنو المؤسسات الخارجية تحتاج تتصل، وهم يعرفون التلفون من الموبايل. ورقم التلفون المنشـور فى مطبوعات القسـم الرسمية، بما فيها الموقع، يجب أن يعمل حتى لو لم يستعمله الأساتذة أو الإداريين فهذه مسألة مصداقية أولا وأخيراً، أو يجب أن يحذف وتوضع مكانه ارقام الموبايلات. تخيل إنك إتصلت برقم تلفون MIT منشـور فى موقعهم، والرد جاءك من فيرايزن: the number you have dialed is disconnected or no longer in service

إذن يا ابوالريش وجه اللوم لإدارة القسم مباشرة وعندك الموبايلات
البوست بالنسبة لي أصبح ذو طابع إستعراضي وعلى أحسن الفروض تشهير وتعريض بالقسم ليس إلا.
الموضوع لا عندو علاقة بحكومة ولا يحزنون

الفيل معروف وين وأماكن طعنه معلومة لدى الكل ولا داعي للإيتعراض بالطعن في ضل الفيل.

Quote: Analog عكس Digital

شكـرا يا طارق وكلامك صحيح..
خطأ غير مقصود فى الخلط بين لينيار وانالوج.

وبس خت انالوج بدل لينيار وتلقى باقى الكلام فى محلو فيما يختص بخطل الترجممـة.

Quote: الفيل معروف وين وأماكن طعنه معلومة لدى الكل ولا داعي للإيتعراض بالطعن في ضل الفيل.

أكد ليك يا طارق، مافى إستعراض ولا طعن فى ضل فيل.. ولو ما قال الأخ رغيـم كنت أعتقد أن هيئة الإتصالات هى التى
تقاعست فى إصلاح التلفوانات.

بعدين بينى وبينك الأن لا أعرف من هو الفيل؟ إدارة الجامعـة أم الكلية؟.. مبدئيا الفيل هو من يدفع الفواتير..
وفى النهايـة حتلقى إنو الحكومـة هى الفيل، لأنه حسب إعتقادى الجامعـة مصدرها هو دعم الحكومـة.

كل مرافق الدولة تدار ولا تأخذ فى الإعتبار أشياء مهمة للغاية، وأتمنى أن تتضافر مجهودات الناس للإرتقاء
بمستوى الحياة لتكون قريبا مما هـو مطلوب.. والخطوة الأولى هى عدم تسخيف الأراء مهما رأينا إنها (فلسفـة)
أو إستعراض زول عاش برة وداير يتفلهم علينا.




سأطلب من بكرى حذف هـذه البوستات، بس عشـان خاطرك موش لأى سبب تانى.

Quote: تخيل إنك إتصلت برقم تلفون MIT منشـور فى موقعهم، والرد جاءك من فيرايزن: the number you have dialed is disconnected or no longer in service

ودا يذكرني ما يقوله صديق في عدة مناسبات إنو السودانيين ناس overestimating themselves
يعني ببساطة كدة داير تقارن بين جامعة الخرطوم وفي زمن الإنقاذ كمان وبين MIT ، وللذين لا يعلمون أم آي تي هي أحسن جامعة تكنولوجية في العالم، ومن أفضل الجامعات في العالم عل الإطلاق، رغم إنو في تصنيف السنة الفاتت شايف مستواها تدهور! للمرتبة التاسعة بعد جامعات مثل هارفارد وكمبردج وأكسفورد.. كدة شوف جامعة الخرطوم ترتيبها الكم.. في السودان لا أستغرب لو قالوا إنو القصر الجمهوري ما فيهو تلفونات ثابتة، لأنو الرئيس ونوابه ومستشارينو زيهم وزي باقي خلق الله من السودانيين بستعملوا موبايلاتهم للخاص والعام وبردوا على الناس البعرفوهم ويطنشوا البعض ويغيروا أرقامهم الخ الخ..
قلت لي نقـد مالو؟