Post: #8 Title: Re: نيويورك ** تؤجل حفل الفنان عمر احساس لظروف الطقس الي مارس 2010 Author: Kostawi Date: 02-05-2010, 05:01 PM Parent: #6
و الله يا ناس الزرائب!!!
هسع بدلتي الكحلية اللشتريتها ب 400 دولار لجكس الزرائب أوديها وين هسع!!! كنت طبعا ح أجيكم متنكر . . . . لكن يا خسارة.....أنا مش قلت ليكم زرائب الفحم دي غير النحس ما بطلع منها شي.
يعني هسع خميسنا طرشك!!!
Post: #9 Title: Re: نيويورك ** تؤجل حفل الفنان عمر احساس لظروف الطقس الي مارس 2010 Author: إحسان عبدالمتعال أحمد Date: 02-05-2010, 06:13 PM Parent: #8
الاخ العزيز كوستاوي
ازيك يا شمتان يا حاسد ناس احسان
الظاهر عليك قعدت ورفعت ايديك والمره الوحيدة الحصلت ليك فيها استجابة هي (البوزت علينا مهرجاننا )
وان شاء الله (الريسيت ) تكون اتقطعت عشان ما يرجعوا ليك حق البدلة (هاهااااااه)
والا تكون مستلفها من ناس نيويورك الانيقين ( مثلا ابو عمار صاحبك )
طالبنك جية وخميس وكمان جمعة ( اصحي يا بريش )
لك تحياتي
Post: #10 Title: Re: نيويورك ** تؤجل حفل الفنان عمر احساس لظروف الطقس الي مارس 2010 Author: Kostawi Date: 02-06-2010, 00:05 AM Parent: #9
أنا عاد ما ود فقرا و عمر إحساس حاسي بالحاجة دي و حاسي بي
(ياخ ذكرتينا الأستاذ الرائع جدا و الفنان دبل رائع جدا محمد ميرغني...حاسي بي)
بالمناسبة يا أستاذة إحسان حصل لي الشرف بلقاء زوجك, الزول المهذب جدا و الما بشبه (ناس الزرائب) في ندوة الأستاذ دالي بواشنطون....و قلت ليه بالحرف الواحد....أنا أول مرة أقابلك و أقابل الأخت إحسان في واشنطون (بلد زرائب الحب العفيف و الورد اللاهوتي) في إحدى إحتفائيات (ضلنا) مصطفي سيد أحمد و التي أبدعت فيها المذيعة القديرة (بت زريبة الفحم) في إدارتها و تقديمها و إخراجها....في ذلك اليوم: غنينا بكينا رقصنا تفاكرنا و زرعنا الحب و تعاهدنا و مع الوعد...لا بتمحي يا ضلنا القلتو للبنية
يا زولة عليك الله طلعينا من جخانين الحزن الأبا يقيف دا
أمال كنة ماجدولين معتصم
و يومداك مصطفى سيد أحمد
غني يا عمر إحساس غني و أردمنا بتراب أهلنا في دارفور
و قول للبنية ما تحزني لأنو ما بتمحي
مااااا بتمحي
Post: #11 Title: Re: نيويورك ** تؤجل حفل الفنان عمر احساس لظروف الطقس الي مارس 2010 Author: عمر احساس Date: 02-06-2010, 06:06 AM Parent: #10
الاخت المتالقة ابدا احسان عبدالمتعال الاخ على محمد الحسن والاخ حسن عيسى والاخ عبدالرحيم منصور والحبيب حبيب زرايب النغم الاخ كستاوى وكل الاخوة السودانين بنيويورك- جرسى- وفلادلفيا وكل من اظهر اهتماما بحفلنا المزمع قيامة اليوم الجمعه 5فبراير ااشكر لكم احاطتى بكل هذا المقدار من المحبة والاهتمام والذى كنت سارد جميله فنا وابداعا بامتداد ليله الجمعة ولكن (تاتى الرياح والعواصف بما لا يشتهى عمر) لكن هى مشيئة المولى ولايد لنا ولكم فيها ارجو تقبل اعتذارى ووعدى الذى قطعتة لمنظمى الحفل عاليه على اقامته فى مارس المقبل باذن الله وكان يمكن ان يحدث نفس الموقف لحفل دنفركلورادو ولكن بلطف الله ثم جهد منظمى الحفل بدنفر تم وفى هذا الجو العاصف تدبير سفرى من نيويورك الى واشنطون فى اخر لحظه والان انا بدنفر بحمدلله وهمة منظمى الحفل الذى سيقام غدا. اكرر شكرى وخاصة لصديقتى العزيزة والزميلة احسان مقدرا تكبدها الاعلان للحفل والاعلان بالاعتذار ولا يحدث هذا الا من شخص يقدر الغير ويراعى ظروفهم وشكر خاص للاخ الموسيقار ماهر تاج السر والذى تاثر بخبر اعلان العاصفة وخشيته من ان يؤدى ذلك لالغاء الحفل حتى خفت عليه شكرا جميعا عمر احساس
Post: #12 Title: Re: نيويورك ** تؤجل حفل الفنان عمر احساس لظروف الطقس الي مارس 2010 Author: Tragie Mustafa Date: 02-06-2010, 06:17 AM Parent: #11
عاد يا يا احسان فعلا عاصفه خرافيه سمعت في الاخبار انه بلد ناس كستاوي من الواحده ظهرا لبدوا وقفولوا مكاتبهم وجروا وفعلا الطائرات الغيت!!
يبقى توقعاتكم كانت دقيقه. ربنا يخفف عليكم...طبعا نحن عادي بالنسبه لينا جنس البتحكوا عنه ده(ههه)!
ويا عمر احساس المفارق عينه قويه مش كده؟؟؟ سلام الله مافي؟؟!!
Post: #13 Title: Re: نيويورك ** تؤجل حفل الفنان عمر احساس لظروف الطقس الي مارس 2010 Author: Moawia Mohammed Date: 02-06-2010, 06:29 PM Parent: #12
الأستاذة احسان
سلام و تحايا
و الله نحن في أشد الأسف لما سمعنا بتأجيل حفلكم نسبه لظروف الطقس
و نتمني انو الأستاذ عمر يعوضكم قريبا ان شاء الله
والحمد لله حفلنا اليوم قائم في مواعيده بعد أن تدارك الاخوة منظمي الحفل الأمر و بذلوا مجهودا
كبيرا و حولوا تذكرة الأستاذ للحضور الي دنفر من واشنطون بدلا عن نيويورك قبل العاصفة والذي حضر
بالفعل مساء أمس الجمعة
و كذلك
حضر من لوس أنجلس الأستاذ ميكائيل الضؤ ليكتمل العقد الفريد بالأستاذ عمر كافي القاطن أصلا بدنفر
و نحب نطمئن جمهور دنفر الذواق و الذي طالب بالحفل الثاني اليوم أن كافة الاستعدادات و التجهيزات
قد اكتملت و هلموا بالحضور المبكر في الزمان و المكان المحددين
اليوم السبت 6 فبراير 2010 م الساعة 8:30 مساء
صالة الـ BIG BEAR ICE ARENA
الفنان المبدع عمر احساس يغرد من جديد في دنفر كلورادو - ...ادس من فبراير 2010 م
لزم التعديل لأن الأستاذ حضر من واشنطون و ليس نيويورك كما ورد في مداخلته
فله منا العتبي
Post: #14 Title: Re: نيويورك ** تؤجل حفل الفنان عمر احساس لظروف الطقس الي مارس 2010 Author: عمر احساس Date: 02-06-2010, 07:40 PM Parent: #13
استأذنك احسان للرد
على العزيزة تراجى
اولا عاصفة نيويورك
shower بالنسبة ليكم
فى كندا, وبالنسبة
لينا فى السودن
القيامة قامت يعنى
الانسان ابن بيئته
وتقولى لى المفارق
عينو قوية؟يا بت
ام كدادة انا لى
اخر ساعات سفرى
بودع فى الناس
بالغنا,ومن امس
بديت اودع فى الناس
بالتلفون وانشالله
لما اصلك ما القى
التلفون مشغول
وبرضوليك الشكر
با ام حازم على
جليل مواقفك معى
فى جولتى الفنيه
هذه وكنتى نعم السند
. نتكلم......
تنويه للاخ معاويه
الحقيقة ان سفرى
لدنفر كان مرتب له
من نيويورك بعد
انتهاء الحفل هناك
ولكن للظروف المعلومه
للجميع لم اسافر الى
نيويورك لذا كان مجهود
الجهه المنظمه فى تحويل
سفرى ليصبح
من واشنطون حيث اقيم
ووصلت دنفر مساء
الجمعه بحمد الله
اكرر شكرى للجميع
واسفى واعتذارى
للاحباب عاليه
Post: #15 Title: Re: نيويورك ** تؤجل حفل الفنان عمر احساس لظروف الطقس الي مارس 2010 Author: عمر احساس Date: 02-06-2010, 07:50 PM Parent: #13