مرحبا بعنان وعقبال عرمان .....

نعم -- إنضممت إلى المؤتمر الوطنى .

زول امبارح قال ليك حرامي وفاسد وبتقطع في اوصال الناس والدولة
وشكك في نزاهتك وفي بني آدميتك ذاااتا
عادي ممكن يكون زولك بكرة بدون تعب كدة؟؟
وكدة
يبقي أخوك؟






_
حيرتنا..دي ما سياسة ياخ..السياسة ذاتا فيهاEthics زي ما قرينا في علم السياسة

أخي عنان تركنا لك حرية من تريد

( ردمهم ) وتجدنا لك من المساندين .

اردم يا عنان 000

خليك من عنان
إفترض ياسر عرمان ذاتو جاك وبقي معاك حسب حلمك ده(مع انو حلمك ده بخصك لانو مافي فرق كبير بينك وبين ياسر عرمان للمواطن السوداني)
أها جاك ياسر ذاتو
انت رؤيتك شنو للدولة الاسمها سودان
حدودها وين؟
حلايب معاها؟
ارقين الحاصل فيها شنو
سهل الغابة واستثمار الـ99 سنة للجيش التونسي
ونهر النيل واستثمارات الاردن
حتديرها بياتو آلية ؟
قبلية ولا دينية ولا صقرية وعواطف ونص الشعب ما لاقي علاج وتعليم
افترض اديناك بلد
بياتو استراتيجية حتدير البلد وانت حلمك متواضع اللهو انشقاق عرمان

تعرف ده وطن خسران حتي لشافع الروضة
حتقبل وين عشان تحكمه انت؟

ياسر عرمان زاتو حا يجي في النهاية ويقول أنا انسحبت لصالح عمر البشير ..

ديل كلهم هينين وممكن تشتروهم ..

وأصلاً ما في زول في المترشحين عندو الجدية اللازمة أو ممكن يشكل خطر على فوز البشير ..

وأحزاب الداخل بلا استثناء هي في جيب المؤتمر الوطني ولعبة في يد قادته ..

انتو مشكلتكم في أوكامبو والجنائية ومن خلفهم المجتمع الدولي .. ديل ياهم الما بتقدروا تشتروهم

وفي النهاية هم البجيبوا خبركم...

هييييييييييييييييييع

عفيت منك خليتهم قاعدين في الصقيعة ...

هييييييييييييييييييع

عفيت منك خليتهم قاعدين في الصقيعة ...

المؤتمر الوطني هو ..


البيت الكبير والصحن الكبير يسع للجميع

ياكل فيه كل اهل السودان وجيرانهم


وضيوفهم ..

Quote: المؤتمر الوطني هو .. البيت الكبير والصحن الكبير يسع للجميع ياكل فيه كل اهل السودان وجيرانهم وضيوفهم ..

اكل ات واتملي

تاكل الحمط رمط

Quote: تاكل الحمط رمط

معروف ..

تأكل الزغنبوت يا الاصلك ماكلو ...

غايتو بالطريقة دي باقي لي

الحركة في النهاية تصفى علي الباقان ....

Quote: المؤتمر الوطني هو .. البيت الكبير والصحن الكبير يسع للجميع ياكل فيه كل اهل السودان وجيرانهم وضيوفهم ..

انت جادي؟؟؟
اكل شنو وصحن شنو
مالك بقيت مركز في السفسفة كدة؟

مش قلنا ليك ما تمش للسفير المصري؟
اهو عاداك بالأكل والملوخية
واخيرا بكون سألك هو الماتش كان مع مين؟؟
لانو هو ذاتو مافاضي لحسني مبارك ذاتو

هم كدة
فهمت؟


خليك في جدو غايتو لسة شكلو ما بقي نجم

قمر بوبا ..

التقل ورا ..

خليك قريب .

مودتي 000

مرحبا بالاستاذ عنان داخل

بيته المؤتمر الوطني 000

Quote: انتو مشكلتكم في أوكامبو والجنائية ومن خلفهم المجتمع الدولي .. ديل ياهم الما بتقدروا تشتروهم وفي النهاية هم البجيبوا خبركم...

اوكامبو يا الهادي يا اخوي لافي

صينية ليهو سنتين وان شاء الله يلف

ومن حوله مريديه الى يوم الدين

قال اوكامبو

انت الظاهر عليك حلمان ....

ود الباوقة
اختشي

Quote: ياكل فيه كل اهل السودان وجيرانهم

يا ود الباوقة ما قلنا ليكم إنتو ماكلين البلد قلتوا لينا أطلعو منها
يا زول مبروك عليكم عنان وشبهينا وإتلاقينا

Quote: يا زول مبروك عليكم عنان وشبهينا وإتلاقينا

النذير انت زاتو شكلك

قريب مننا ..

Quote: قلت لك ستنوء باعباء انتمائك للحركة ،،،الحركة مابتشبهك ياخالد الحركة ليس لها تجربة سياسية وليس لها مرجعية اخلاقية تستند عليها في هذيانها السياسي ،،الحركة بئر بترول ستنضب مع نضوب بئر البترول الشخص الثالث الذي كان حاضرا،، قريبك (سين) يشبه الحركة وهومعترف بذلك ليس هنالك ابلغ من كلماته للتعبير عن ذلك امره سهل ليس له التزامات فكرية ليحا او يموت من اجلها (نحن عاوزين القروش البقلعوها ناس الحركة من المؤتمر الوطني ) ،،هذه هي الذهنية التي دخل بها الكثير من ابناء الجلابةفي (مخازن) و(مهمات) الحركةلذلك احتقروهم وسيحتقرونهم اكثر والجلابي في نظرهم جلابي حتى لو تلفح بثياب اليسار او ملأ الارض طنيناوكتابات عن الهامش والمركز بعض ابناء الجلابة الشماليين الان تروى عنهم الاساطير في القرى والمدن فلان الجاهل الامي اصبح لواء في الحركة ويركب العربات ويحمل الكلاشنكوف وفلان الشحاداصبح يتاجر بين كينيا والسودان وفلان اصبح مدير عام وهكذا من البترول الذي تدفق تحت اقدام عصابات الحركةنثروا بعض الدراهم على اكثر الرؤوس الشمالية خواءوقاسموهم في فسادهم قسمة ضيزى (2) بعض الصادقين من امثالك دفعوا من اموالهم وتمسكوا يالقيم الظاهرية في اطروحات الحركة التي دبجها منصور خالد منذ ان كتب (جون قرنق يتكلم) ليتبوأ رتبة المارشال في جيش الحركة الفكري وياتي من بعده الطالب الذي لم يكمل تعليمه الجامعي ياسر عرمان لان الحركة تحتاج لسانا عربيا في اذاعتها وياحبذا لو كان لسانا يائسا يحمل بض تمتمات اليسار الذي مضى ثم الواثق كمير وغيره من الجلابة المتورطين وكل هولاء الذين ستنوء ضمائرهم باعباء الانتماء للحركةليتلاشوا رويدا رويدا ،،،،هل سال سائل نفسه اين منصور خالد الان في معادلات الحركة؟؟؟؟ منصور خالد طاقة الدفع الرباعي الان يكتب على حياء يسأل ناس الحركة الحافاخرج من مطبخ جون قرنق حيث كانت تصنع سياسات الحركة في الكر والفر ويجلس الان في دكة الاحتياطي يبحث له عن عبد الله خليل جديد وهو في الرمق السياسي الاخير (3) حاولت ياخالدان (تجوعل) انتمائك لتلك القيم قيم السودان الجديد وازلة النظام السياسي الفاشل في الشمال وبين سعي الحركة في الارض بالفسادوحاولت ان توائم بين الحركةوتخبطها السياسي واحقاد صفوتها الانتهازية وبين الرؤية الجديدة للتغيير،،،عرفتها-اي الحركة - عن كثب ،،حركة غريزية لوثت ايديهابدماء ابناء الشمال وابناء الجنوب ولوثت عقلها وثيابها بالنفط والكراهية للسودان لتتمسح بيوغندا وكينيا وتهرب الاموال الى بنوكها الفقيرة المدقعة انا اعرف انك كنت تتمزق بسبب التناقض الحاد بين القناع الذي تلبسه الحركة وحديثها الملفق عن الهامش والسودان الجديدوكنت واثق ان البون سيزداد والفتق سيتسع الى ان تأتي لحظة الانفجار لان ضميرك لن يحتمل هذا الشد الى ابعد من ذلك لم تكن خنوعا ولم تكن رخيصا لتاخذ الصدقات المالية او السياسيةمن هذه الحركة الوحيد الذي كان مرفوع الراس من اولاد الجلابة الذين تعلقوا باستار الحركةالتي افقرت الجنوب رغم كل المال الذي يتدفق وسجنت الاطباء ومنعت الحرية السياسية للمنافسين وهربت الاموال مع الزوجات في القارات المختلفةالحركة التي ليس لها برنامج غير الحقد على الشماليين والاستعانة بالموتورين منهم الهامشيين والمثقفين الرخيصين لتأصيل ذلك الحقد (4) يكفي لاسباب الخروج من هذا النفق انه ليس هنالك خيار اسوا منه يكفي المحافير التي تعدها الحركة لتدفن السودان الواحد ليس لان (الوحدة غير جاذبة) هذه العبارة المطاطةالسخيفة التي يكررها السياسيون في الشمال كالببغاوات - ليس هنالك وحدة جاذبة واخرى غير جاذبة اولا تتحق او لاتتحقق ثم تكون بعد ذلك جاذب او غير جاذبة -ولكن طمعا في البترول كله البترول الذي سينفق غدا قبل ان تتبتل العروق في الجنوب الحركة الان كالفار المذعور ستقع في الشرك لانها تفكر فقط ببطنها وعندما ينفصل السودان سيظل راسها في الشرك الى ان تموت ،،شرك الصراعات العرقية في الجنوب شرك الفساد الذي غرقت فيه الحركة قبل ان تتعلم السياسةشرك الصراعات الداخلية في الحركة والتصفيات التي ستطال الغرباء وابناء الجلابة في اول المشوار بطريقة ناعمة مثل مايحدث لمنصور خالد او بطريقة خبيثة مثل مايحدث لياسر عرمان بعد ان استنفذ اغراضه،،الحركة هي التي تطالب بتسهيل الانفصال وهي التي تطالب امريكا الا ترفع العقوبات عن الشمال وهي التي توظف بلاك وتر وتستضيف كل العملاء والجواسيس في الجنوب (5) الكلام العابر الذي يحاول الاخوان في المنبر التعامل والتعبير به عن هذه الحالة ،حالةاكتشاف الاخر واعادة انتاج المواقف وتبديلهايردده البعض لانهم لايعرفونك جيدا وانا اعتقد ان خذلانك المؤلم واكتشافك لمخازي الحركة التي صبرت عليها حتى اللحظة الاخيرة هو الذي دفعك الى اقصى اختيار لقد بحث عن المقعد المضاد بحثت عن الذي يمكن ان يعبر عن المرارة اكثر بحثت عن صنو الحركة ومنافسها الاكبر بحثت عن المعادل الاكبر الذي يوزن لك معادلة الحركة ومؤكد انه ليس بين (احزاب جوبا)فهي احزاب مستضعفة في نظر الحركة ومستهان بها ومحتقرة منذ عهد( كوكا دام )وليس لها اي كرامة في هذا النادي انت الذي قلت لي ذلك ان الحركة اخذتهم الى جوبا فقط ليوقعوا على نسبة الخمسين % زائد واحد للانفصال !!!يعني الحركة سنت بهم سكين الانفصال التي ستقطع بها رقبة الوحدة الجاذبة او الوحدة الكاذبة واستخدمتهم اسوا استخدام ولازالت حتى في محاولات التشويش على الانتخابات في الشمال والتي لايوجد مثلها في الجنوب وانا تعرفني جيدا لست مع او ضد الانتماء الى اي حزب هذا خيار سياسي حضاري واعرف ان انضمامك لاي حزب مهما كان هو انضمام عنصر نظيف يساهم في تنقية العمل السياسي ،،،سيقولون عنك كلام كثير وسطحي في احيان كثيرةوسهل في احيان اخرى ومبتذل لكن لاتهتم فالاشجار الكبيرة تصنع الظلال الكبيرة والرجال الكبار يصنعون الاحداث الكبيرة وعلى قدر اهل العزم (6) ومن كان منكم بغير خطيئة سياسية فليرم خالد عنان بحجر خالد لو كان يبحث عن اموال ومصالح فمائدة الحركة ادسم واموالها اكثر وفسادها محكم الغطاء ليس كفساد المؤتمر الوطني وتعطي بلا مؤهلات ولاتوجد منافسة في سوقها وحوشها مليئ بالنطيحة والمتردية وعندها عبقرية في تغطية سرقاتها وابناء الجلابة وصغار المثقفين من كتاب الشمال واحزابه المريضة يخافون منهالذلك لايطالون مقدساتها

يا اخي دا كلام في الصميم ...

Quote: غايتو بالطريقة دي باقي لي الحركة في النهاية تصفى علي الباقان

وده زاتو ممكن يجي في القاطر


بس أديها صنة شوية يا ود عبد القادر

Quote: وده زاتو ممكن يجي في القاطر بس أديها صنة شوية يا ود عبد القادر

يعني عرمان والباقان والجلابة الفي الحركة

يكونو راحو في خبر كان ....

دنيا ...

ود الباوقة الف حمدلله وسلامة ما دام غادرت المستشفى يعنى التحاليل سليمة ما أنفلونزا خنازير

بس واجب البشير يزورك على الاقل نعرف أنت مهم مش رشاش وبس

Quote: ود الباوقة اختشي

الاختشوا ماتوا

محمد حسن ..

بتعرف الزحف المقدس ....