طلب مساعدة ياشباب ... مع كل الإمتنان .

طلب مساعدة ياشباب ... مع كل الإمتنان .


02-02-2010, 01:40 PM


  » http://sudaneseonline.com/cgi-bin/sdb/2bb.cgi?seq=msg&board=260&msg=1265114430&rn=0

Post: #1
Title: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 01:40 PM

تظهر لي هذه الرسالة في جهازي وذلك أثنا تصفحي للنت تقريباً كل تلاتة دقائق !!
ولكم أستطع الفكاك منها ..
ارجو من الإخوة أهل الإختصاص المساعدة ولهم مني جزيل الشكر ..

uuuuuuuuuuuuuuuuuuuuu.jpg Hosting at Sudaneseonline.com


مع العلم إنني أستخدم وندس فيستا ..
Post: #2
Title: Re: طلب مساعدة ياشباب ... مع كل الإمتنان .
Author: بشير أحمد
Date: 02-02-2010, 01:51 PM
Parent: #1

الاخ/السيد المسلمي

تحياتي؛؛؛

سؤال:

قبل كده هل حصل حمّلت فيديو من البورد

علي اساس انو فيديو لحركة العدل والمساواة وحرب في انجمينا؟

لو الاجابة نعم :ده سيرفر من الهكر؛

الحل :
مكافح فيروسات اصلي
وح يقول ليك
no need action
Post: #6
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 02:04 PM
Parent: #2

الأخ بشير ..
Quote: قبل كده هل حصل حمّلت فيديو من البورد

علي اساس انو فيديو لحركة العدل والمساواة وحرب في انجمينا؟

لو الاجابة نعم :ده سيرفر من الهكر؛
أبدا يا حبيب لكن حاولت أنزل برنامج مشغل فلاش بلير من الفيس بوك ...
وبعدها عين ماتشوف إلا النور !!



ـــــــ
يعني اول مرة ناس العدل والملاواة يطلعو براءة
Post: #3
Title: Re: طلب مساعدة ياشباب ... مع كل الإمتنان .
Author: HAIDER ALZAIN
Date: 02-02-2010, 01:52 PM
Parent: #1

Quote: مع العلم إنني أستخدم وندس فيستا ..


لو كان من عينة الاكس بي أو حتي قول الدوز كنا اديناك النجيضة ..


لكم مع الفيسبا دي .. ما لينا الا نقول فوووق عسي يمر من هنا معاوية حسين
او امبدة او واحد من الشباب




ـــــــــــ
قصرتا ؟ طيييب مافي داعي للشكر
Post: #7
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 02:10 PM
Parent: #3

Quote: لو كان من عينة الاكس بي أو حتي قول الدوز كنا اديناك النجيضة ..


لكم مع الفيسبا دي .. ما لينا الا نقول فوووق عسي يمر من هنا معاوية حسين
او امبدة او واحد من الشباب
ياباشمهندس حيدر !!
حرم لو عارفك بتاع إكس بي كنت غيرت البرنامج عشان اشوف أخرك ..





ـــــــ
قال فيستا قال
Post: #4
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 01:54 PM
Parent: #1

في إنتظاركم ياشباب ..








ــــ
معاوية حسين بالله يدك معانا .
Post: #5
Title: Re: طلب مساعدة ياشباب ... مع كل الإمتنان .
Author: mayada kamal
Date: 02-02-2010, 02:02 PM
Parent: #4

سلام يا اخي السيد المسلمي
لحدي ما يجي معاوية
أسحب النافذة دي من راسها بالماوس ونزلها تحت او على جنب
Post: #8
Title: Re: طلب مساعدة ياشباب ... مع كل الإمتنان .
Author: HAIDER ALZAIN
Date: 02-02-2010, 02:10 PM
Parent: #5

Quote: أسحب النافذة دي من راسها بالماوس ونزلها تحت او على جنب





ميادة .. بالله وقت ما بتعرفي لتكنولوجيتنا دي ما تدخلي اصبعك هنا...
Post: #11
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 02:20 PM
Parent: #8

Quote: ميادة .. بالله وقت ما بتعرفي لتكنولوجيتنا دي ما تدخلي اصبعك هنا...

الطريفي ياعمك سيب الأخت دي تلز معانا شوية !
بالله انا وحلان حنس وحلة .. عقبال عندك
Post: #13
Title: Re: طلب مساعدة ياشباب ... مع كل الإمتنان .
Author: mayada kamal
Date: 02-02-2010, 02:25 PM
Parent: #8

Quote: ميادة .. بالله وقت ما بتعرفي لتكنولوجيتنا دي ما تدخلي اصبعك هنا


يا هديييييييييييير الزين (دي كيتا فيك انت بس)
نحن ناس سوق ياعمك
شغل حنكشة البرامج والحاجات البنزلوها دي ما عندنا ليها رقبه
Post: #9
Title: Re: طلب مساعدة ياشباب ... مع كل الإمتنان .
Author: GamarBoBa
Date: 02-02-2010, 02:14 PM
Parent: #5

السيد
كيف الاحوال
الرسالة النازلة دي ما بتتقري
كدي اكتب الرسالة البتجيك كتابة عشان نقدر نتصرف ليك

تحياتي
Post: #14
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 02:26 PM
Parent: #9

الحبيب بوبا ..
Quote: الرسالة النازلة دي ما بتتقري
كدي اكتب الرسالة البتجيك كتابة عشان نقدر نتصرف ليك
الرسالة عبارة عن حروف تقوم بكتابتها ثم بعد داك الجهاز يعاود العمل مرة أخري ..
وللعلم الحروف بتتغير من رسالة لأخري ..





ـــــ
أتلحلح معانا شوية ياعمك وبلاش من الأسئلة التعسفية دي
Post: #10
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 02:17 PM
Parent: #5

هلا وغلا بالاخت ميادة ..

Quote: أسحب النافذة دي من راسها بالماوس ونزلها تحت او على جنب
ياميادة الجهاز بكون مصلب عديييل كدا !!!!
إلا أدخل الحروف بتاعت الرسالة حتي بعد داك يشتغل !
شفتي المعاناة دي كيف !!؟
Post: #12
Title: Re: طلب مساعدة ياشباب ... مع كل الإمتنان .
Author: HAIDER ALZAIN
Date: 02-02-2010, 02:20 PM
Parent: #10

uuuuuuuuuuuuuuuuuuuuu1.jpg Hosting at Sudaneseonline.com



إنت الصورة دي ماخدها بكاميرا !؟
Post: #15
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 02:32 PM
Parent: #12

Quote: إنت الصورة دي ماخدها بكاميرا !؟
عشان تعرف أنا ناضلت من أجل فتح هذا البوست دا كيف !










ــــــ
ياحيدر لو ما لحقتوني سريع ببقي مبدع عديل كدا ..
وتاني تشيلو شيلتكم
Post: #16
Title: Re: طلب مساعدة ياشباب ... مع كل الإمتنان .
Author: AnwarKing
Date: 02-02-2010, 02:38 PM
Parent: #15

Quote: عشان تعرف أنا ناضلت من أجل فتح هذا البوست دا كيف !

والله بوست ممتع شديد يا السيد...
الزول بيتابع معاك ويشوف الحاصل شنو...
أها وأجهزة الأحباب الباقين لعلها بخير؟
Post: #18
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 02:43 PM
Parent: #16

ابو إقبال ..
مداخلتك تعبانة جدا ً !!
وبعدين مرورك في بوست زي دا ومن غير ما تدينا رأيك فيهو .. غتاتة واضحة منك !







ــــــ
دعك من تعليقاتي الجانبية .. وممكن تخش في الموضوع مباشرة .
Post: #35
Title: Re: طلب مساعدة ياشباب ... مع كل الإمتنان .
Author: mayada kamal
Date: 02-03-2010, 06:28 AM
Parent: #16

Quote: والله بوست ممتع شديد يا السيد...
الزول بيتابع معاك ويشوف الحاصل شنو...
أها وأجهزة الأحباب الباقين لعلها بخير؟


ياانور كنج
اصلو ما بتتغيروا
عليك الله خليت لهناي داك شنو!!!!!!!!


ياخي المداخلة دي ما بتشبهك ولا لافقة عليك
بليييييييز سياتك بتاعك تكنولوجيا
بدل ما تقول لي للسيد المسلمي حل علمي مجدي
جاييينا بي نظرية المؤامرة بتاعتك
Post: #17
Title: Re: طلب مساعدة ياشباب ... مع كل الإمتنان .
Author: mayada kamal
Date: 02-02-2010, 02:41 PM
Parent: #15

Quote: ياحيدر لو ما لحقتوني سريع ببقي مبدع عديل كدا ..
وتاني تشيلو شيلتكم




يا حيدر الزين بطل شتيت الكورة للسيد
هو همه في النافذةالمكرهاه دي
وانت تشيل تسال فيه في اسئلة تعسفية
Post: #21
Title: Re: طلب مساعدة ياشباب ... مع كل الإمتنان .
Author: محمد البشرى الخضر
Date: 02-02-2010, 02:55 PM
Parent: #17

أوووو ابو السيد ياخ
كيفك يا معلم
نفس المصيبة دي زاعطاني ليك اليومين ديل وبرضو بسبب الفيس بووك
الفرق انها كل تلاتة ثواني بتجيني مش تلاتة دقائق
يعني كان دا ير اعلق بـ (كااااكـ) ساي داير لي ربع ساعة
تفور الدم والله

Post: #22
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 03:23 PM
Parent: #21

Quote: الفرق انها كل تلاتة ثواني بتجيني مش تلاتة دقائق
يعني كان دا ير اعلق بـ (كااااكـ) ساي داير لي ربع ساعة
تفور الدم والله
أبوحتوت ... كامل تضامني معك



ـــــ
والله ياعمك حالة ... أنسي بس .


ــــ
في رسائل ملغمة هناك هي الودتنا التوج !
منو لله الكان السبب .
Post: #26
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 03:43 PM
Parent: #17

Quote: يا حيدر الزين بطل شتيت الكورة للسيد
هو همه في النافذةالمكرهاه دي
وانت تشيل تسال فيه في اسئلة تعسفية
ميادة أختي خليك صاحية !
أخينا دا مصر يجر البوست نحو الهاوية ..
وبعدين فاتح فيني تحري !!!
صورتها بي كاميرا ؟؟ .. ولا صورتها بي فلاش ؟!!
غايتو بقو علي إتنين .. فايروس وتحري !!!



ـــــ
البوست دا أمانة في طرفك .. انا الفيني مكفيني
Post: #19
Title: Re: طلب مساعدة ياشباب ... مع كل الإمتنان .
Author: GamarBoBa
Date: 02-02-2010, 02:43 PM
Parent: #15

طيب يا سيد
انت بالجد شكلك ناضلت عشان تفتح البوست ده
بالجنبة فوق علي الشمال المفروض يديك اسم البرنامج البجيب ليك الرسالة خش لوحة التحكم شيله برة
ده لو هو برنامج اتحمل بالغلط

أو حاول طفي الجهاز وشغله وقبل يفتح اضغط F8 كتير كدة
بتفتح معاك شاشة سوداء...اختار في خيار Last windows configration واختاره
وانتظر

بالمناسبة انا شغال معاك تنظير من بعيد زي البصير الجابو ليه حالة ولادة


انا طالع ...لو ما اتحلت بتلقي رقمي عند وهبة

سلام
Post: #24
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 03:30 PM
Parent: #19

الحبيب بوبا ..
Quote: أو حاول طفي الجهاز وشغله وقبل يفتح اضغط F8 كتير كدة
بتفتح معاك شاشة سوداء...اختار في خيار Last windows configration واختاره
وانتظر
والله ياعمك ماظبطت معاي لسة ..
يبدو أن الموضوع دا محتاج منك عملية قيصرية عديل كدا





ـــــــ
ماتتأخر ياحبيب ..
نحن في الإنتظار .
Post: #20
Title: Re: طلب مساعدة ياشباب ... مع كل الإمتنان .
Author: HAIDER ALZAIN
Date: 02-02-2010, 02:45 PM
Parent: #15

Quote: ياحيدر لو ما لحقتوني سريع ببقي مبدع عديل كدا ..



ليك على اطبع ليك ديوان شعري ما حصل

والغلاف من تصميم عمو وهبة ونزينو بصورتك الفيها طاقية ام قمبور ديك



ـــــــــــــ
أما لو ابداعك بقي في الطيران وسقت طيارة رش يبقي حا نتحفك بكل كلمات وتسجيلات اغاني مصطفي سيد احمد النادرة
Post: #23
Title: Re: طلب مساعدة ياشباب ... مع كل الإمتنان .
Author: Yassir Tayfour
Date: 02-02-2010, 03:25 PM
Parent: #20

تستاهلو يا السيِّد ود البشرى،
لكلِ داء دواء يستطب به، إلا الشلاقة أعيَّت من يداويها..
___
العلاج: تبطلو شلاقة، أو تعملو بنصيحة ميادة، أمسكوها من طرفها وجروها، أكان أبّت تتجره، معناها عندها تمانية دوات، يستحسّن تفتحو، كسباً للوقت..
Post: #27
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 03:59 PM
Parent: #23

Quote: العلاج: تبطلو شلاقة، أو تعملو بنصيحة ميادة، أمسكوها من طرفها وجروها، أكان أبّت تتجره، معناها عندها تمانية دوات، يستحسّن تفتحو، كسباً للوقت..
باين القصة بقيت علينا ميتة وخراب ديار !!
ياعمك القصة فيها برامج واجهزة وبرمجيات وكدا !! تقول لي شلاقة ؟
غايتو لي بكرة لو الحكاية ما فرجت إلا نمشي لي شيخنا ود عوج الدرب عشان يطلع جنها نووووهاي
Post: #28
Title: Re: طلب مساعدة ياشباب ... مع كل الإمتنان .
Author: محمد البشرى الخضر
Date: 02-02-2010, 04:07 PM
Parent: #23

ابو اليا...
اليسمع النفة كل يوم شغال الليل كلو و السيرفرات و القيامة الرابطة يقول خلاس بيل قيتس كان غلبتو حاجة يضرب ليك
اسي دي نصيحتك الفنية الله يسألك
نفتح .. هو مدينا فرصة نتم نزول ياخ
بالله اختانا كدا ولاّ كدا عامل شنو ما عارف الكيف كيف دا
Post: #25
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-02-2010, 03:37 PM
Parent: #20

Quote: أما لو ابداعك بقي في الطيران وسقت طيارة رش يبقي حا نتحفك بكل كلمات وتسجيلات اغاني مصطفي سيد احمد النادرة
تعرف ياعمك انا كرهتي في الدنيا الطيران .. ولو تصدق لو سمعت أعنية ياطير ياطاير نفسي بقوم !
تقول لي أسوق طيارة !؟ .. هذا مع العلم إني بموت في مصطفي سيد أحمد .. شفت التناقض دا كيف ؟





ـــــ
سوف آتيكم بإبداع لاقبل لكم به ..
أركزو بس .
Post: #29
Title: Re: طلب مساعدة ياشباب ... مع كل الإمتنان .
Author: عبدالوهاب علي الحاج
Date: 02-02-2010, 04:42 PM
Parent: #25

ابوالسيد
سلامات
دا فايروس ماعندو حل غير انتي فايروس اصلي
واضح انك اتعاملت مغ الرسائل بتاعة ودالبشرى الفي الفيسبووك
اعمل ليك انتي فايروس بتكون مية مية
وبعد ماتبقى مية مية اعمل بلوك لودالبشرى

_____
العنوان بتاعك كان تذكر فيهو الكمبيوتر بجوك المعلمين
Post: #30
Title: Re: طلب مساعدة ياشباب ... مع كل الإمتنان .
Author: بشير أحمد
Date: 02-02-2010, 04:58 PM
Parent: #29

شوف الرسالة دي كانت بتجي عندي

لكن اخوك حريف ؛ردمتو ليك ردم الجن؛


التعليق الفي صورة من عندي:

sudansudansudansudansudansudansudansudansudansudansudansudansudansudansudansudansudansudan4.jpg Hosting at Sudaneseonline.com
Post: #31
Title: Re: طلب مساعدة ياشباب ... مع كل الإمتنان .
Author: Maawya Hussein
Date: 02-02-2010, 10:12 PM
Parent: #30

سلام

ممكن تستخدم برنامج Dr.WEB والافضل انك تستخدم البرنامج من الوضع الامن ..(بعد ماتنزل البرنامج في سطح المكتب اعمل ريستارت للجهاز اول ما يفتح اضغط علي f8 حا تجيك شاشه سوداء اختار الخيار الاول safemode ادحل الويندوز عادي وافحص الجهاز بي الاداة http://al-majd.net/modules.php?name=Downloads&d_op=getit&lid=3 (



لو المشكله مستمره ممكن نشوف حلول تانيه
Post: #32
Title: Re: طلب مساعدة ياشباب ... مع كل الإمتنان .
Author: Ahmed musa
Date: 02-02-2010, 10:19 PM
Parent: #31

معاوية ...... ممكن يرجع بالجهاز الي ما قبل المشكلة ؟؟؟ او ينضفه من ال run??
Post: #33
Title: Re: طلب مساعدة ياشباب ... مع كل الإمتنان .
Author: Maawya Hussein
Date: 02-02-2010, 10:35 PM
Parent: #32

سلام يا احمد

افضل يفحص الجهاز فالبرامج الخبيثه بتنتشر سريع بين الملفات وومكن تعطل وظائف مهمه

____________

المسلمي عندك ياتو انتي فيروس في جهازك ؟
Post: #45
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 12:10 PM
Parent: #32

االحبيب أحمد موسي ..
شكرا علي المرور والإهتمام .
Post: #44
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 12:09 PM
Parent: #31

Quote: لو المشكله مستمره ممكن نشوف حلول تانيه
الأخ معاوية تحياتنا ومشكور علي الإهتمام ..
والله لسة شوية .. ممكن تشوف حل تاني .
الحكاية دي مع إني مستخدم كاسبر إسكاي أصلي !
Post: #43
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 12:05 PM
Parent: #30

Quote: التعليق الفي صورة من عندي:
والله يابشير أخوي دي مافي سبقك عليها !!
ياخ إنت عكلتك دي حتي مع الفايروس ؟!!
إنا لله ....
Post: #42
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 12:00 PM
Parent: #29

Quote: اعمل ليك انتي فايروس بتكون مية مية
وهبة سلامات ..
الجهاز فيهو انتي فايرس أصلي ..
باقي لي أعمل بالشق التاني من النصيحة !!






ــــ
تحياتنا لك وللأسرة الكريمة .
Post: #41
Title: Re: طلب مساعدة ياشباب ... مع كل الإمتنان .
Author: MOHAMMED ELSHEIKH
Date: 02-03-2010, 11:32 AM
Parent: #20

Quote: يا هديييييييييييير الزين (دي كيتا فيك انت بس)


معقول يا ميادة يا اختى يكون اسم الراجل دا هدير
ممكن تقولي (حيضر)
نفوتها ليك
Post: #46
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 12:13 PM
Parent: #41

محمد الشيخ فوتها ولك أجران ..






ـــــ
شكرا علي المرور .
Post: #54
Title: Re: طلب مساعدة ياشباب ... مع كل الإمتنان .
Author: mayada kamal
Date: 02-03-2010, 01:37 PM
Parent: #41

Quote: معقول يا ميادة يا اختى يكون اسم الراجل دا هدير
ممكن تقولي (حيضر)
نفوتها ليك


ياخي ما شايفني كاتبة ليه
Quote: (دي كيتا فيك انت بس)

ودي عندها قصة طبعا لي معاه
اول ما تعرفت عليه
شابكاه هدير هدير
لامن هو صححني انه اسمه حيدر الزين
على فكرة ما براي الكنت بقرا اسمه غلط
Post: #34
Title: Re: طلب مساعدة ياشباب ... مع كل الإمتنان .
Author: انس التوم احمد
Date: 02-03-2010, 04:08 AM
Parent: #1

السيد المسلمي

سلامات ياخي مشتاقين والله

الموضوع بسيط جداً تعال لي في ايتاون

وانت عارف البيت قبل كده مشينا سوى

جنبا اسطوانات

وتحياتي

للجميع

اخوك
انس التوم
Post: #36
Title: Re: طلب مساعدة ياشباب ... مع كل الإمتنان .
Author: بدر الدين اسحاق احمد
Date: 02-03-2010, 06:32 AM
Parent: #34

الخبير ود ابو حسين .. وصــل ..اداكم الروشتــه


الكشـف بيــه كــم ..عايزك فى بزنــس فى سوق الله اكبر (( ادينى الــو ))


Quote:
ممكن تستخدم برنامج Dr.WEB والافضل انك تستخدم البرنامج من الوضع الامن ..(بعد ماتنزل البرنامج في سطح المكتب اعمل ريستارت للجهاز اول ما يفتح اضغط علي f8 حا تجيك شاشه سوداء اختار الخيار الاول safemode ادحل الويندوز عادي وافحص الجهاز بي الاداة http://al-majd.net/modules.php?name=Downloads&d_op=getit&lid=3 (



ابو السيـــد .. طلــع الجرجيــر الناس ديل ناس معايش وكــدى ..
Post: #37
Title: Re: طلب مساعدة ياشباب ... مع كل الإمتنان .
Author: منال
Date: 02-03-2010, 06:45 AM
Parent: #36

انا كمان بتظهر لى نفس الرساله
وكل خمس دقايق لازم اكتب الارقام حتى يرجع الجهاز يشتغل

انا جاتنى رسالة فى facebook اول ما فتحتهاضربنى الفايروس


انصحك يالسيد ما تفتح اى رسالة تجيك ....
Post: #38
Title: Re: طلب مساعدة ياشباب ... مع كل الإمتنان .
Author: امجد البصيرى
Date: 02-03-2010, 07:17 AM
Parent: #37

دى شكلها نفايات فيسبوكية




____________________________

دايرين تجيبوا لينا الكتاحة مش كدا
Post: #58
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 01:45 PM
Parent: #38

Quote: دى شكلها نفايات فيسبوكية
شكلها لغم فسبكاوي لكن الحمد لله المعلمين طلععوهو فشنك .






ــــــ
شكرا يا أمجد علي المرور .
Post: #49
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 12:25 PM
Parent: #37

Quote: انا كمان بتظهر لى نفس الرساله
وكل خمس دقايق لازم اكتب الارقام حتى يرجع الجهاز يشتغل

انا جاتنى رسالة فى facebook اول ما فتحتهاضربنى الفايروس
يعني يامنال إنتي معانا في مظلة واحدة ؟!!
دي إشارة إنو الحل بكون قريب .
Post: #48
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 12:23 PM
Parent: #36

Quote: الكشـف بيــه كــم ..عايزك فى بزنــس فى سوق الله اكبر (( ادينى الــو ))
غايتو يابدرالدين برااك بتجيب الهواء لي روحك !!!
هسي يجي دينق يرشك بي إنكم ناس بتاعين بيع وممكن تتاجرو في أي حاجة !!





ــــــــ
منور البوست يابدر .
Post: #47
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 12:19 PM
Parent: #34

Quote: الموضوع بسيط جداً تعال لي في ايتاون
انس ياعمك بالأكتر والله ..
بالله إنت لسة حاتل في إتوان !!؟؟






ـــــــ
نجيكم يوم السبت كان ربنا هون ..
جهز الحاجات ياحبيب
Post: #61
Title: Re: طلب مساعدة ياشباب ... مع كل الإمتنان .
Author: مزمل خيرى
Date: 02-03-2010, 01:53 PM
Parent: #47

ابوالســيد
انشاء الله معاوية يكون حل مشكلتك.؟
انا عارفو شاطر فى الشغلات دى .!









____
Quote: جهز الحاجات ياحبيب

!!!!!؟؟؟؟
عليك الله وضح شوية عشان راسنا مايمشى بعيد وكدا
Post: #62
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 02:01 PM
Parent: #61

أبوجوان ..
سلامات ياراجل .. الحمدلله معاوية قام باللازم ولم يخب ظنك .
Quote: : جهز الحاجات ياحبيب


!!!!!؟؟؟؟
عليك الله وضح شوية عشان راسنا مايمشى بعيد وكدا
لكن لقيتك
وعشان أريح شوية الحاجات دي ممكن تسأل منها ياسر طيفور .. أصلو متعوووودة دائماً .



ــــ
ومافي خيارات .
Post: #39
Title: Re: طلب مساعدة ياشباب ... مع كل الإمتنان .
Author: محمد طه الحبر
Date: 02-03-2010, 10:53 AM
Parent: #1

عمو السيد سلامات

ويندوز فيستا فيهو مشاكل كتيره

حاول نزل اكس بي او وبندوز سفن

لو يوم لقيت الاب حقك بظبط ليك كل الامور انشاء الله

اما بخصوص المشكله استخدم برنامج موزيلا فيرفكس

ستحل انشاء الله

واذا نزلت برنامج موزيلا وواجهتك نفس المكله رجاء اعلمني حتي اتمكن من حل المشكله









---------------------------------------------------------
قافل تلفونك مالك؟
Post: #40
Title: Re: طلب مساعدة ياشباب ... مع كل الإمتنان .
Author: عمار عبدالله عبدالرحمن
Date: 02-03-2010, 11:25 AM
Parent: #39

الحل بسيط

ودي الجهاز الدلالة ,, او بيعوا لي بالاقساط ,,,
Post: #50
Title: Re: طلب مساعدة ياشباب ... مع كل الإمتنان .
Author: Maawya Hussein
Date: 02-03-2010, 12:38 PM
Parent: #40

طيب اتبع الخطوات دي براحه كدا

في خانه البحث تحت اكتب msconfig



بتظهر ليك فوق اضغط عليها بيظهر ليك مربع جديد اضغط علي startup



شيل كل العلامات واضغط علي ابلاي واوكي واعمل ريستارد للجهاز



بعديها نزل Malwarebytes Anti-Malware
من هنا

واستخدم واحد من السيريلات دي

1AS27
G8QH-PVWA-99E4-TLR5
______

2EO52
G8QH-PVWA-99E4-TLR5

_______

2LI57
B2ML-V0BU-RMJH-RRKB
___________


2NQ91
B2ML-V0BU-RMJH-RRKB
_________
3FV72
XT2B-90V9-T4N2-PWU1
_________

4AU21
NH2X-CKQB-D23K-22TW

_____



واعمل فحص كامل للجهاز (ما تختار الفحص السريع )

الافضل لو نضفتا جهازك من مخلفات النت قبل بدايه الفحص عشان تقلل الزمن استخدم CCleaner

من هنا

__________

ان شاء الله لو اتبعتا الخطوات دي حا يتشال البرنامج المزعج والا نشوف حلول تانيه المسا
Post: #51
Title: Re: طلب مساعدة ياشباب ... مع كل الإمتنان .
Author: معاوية عوض الكريم
Date: 02-03-2010, 12:41 PM
Parent: #40

تكون عملت عملية ما تمام !!
Post: #52
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 01:08 PM
Parent: #51

كبسور هسي انا مافاضي ليك ....
إنت ماشايف المقرر الفوق دا ؟؟





ـــــــ
ياهندسة جاري التنفيذ ..
Post: #53
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 01:35 PM
Parent: #52

العملية تمت بنجاح
عاجزين عن الشكر ياحبيبنا معاوية ..




ـــــ

ولاعزاء لي ناس قريعتي راحت
Post: #57
Title: Re: طلب مساعدة ياشباب ... مع كل الإمتنان .
Author: معاوية عوض الكريم
Date: 02-03-2010, 01:45 PM
Parent: #53

Quote: عاجزين عن الشكر ياحبيبنا معاوية ..



لا شكر علي واجب ..
دي حاجة بسيطة ياخ
Post: #59
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 01:52 PM
Parent: #57

Quote: لا شكر علي واجب ..
دي حاجة بسيطة ياخ
بورك فيك أخي كبسور إن ماقمت به حري أن يرتقي بك الي رئاسة المجلس التشريعي ..
بل الي رئاسة البرمان زاتو !!
أصلو ماقصرت والله !!!!




ـــــــــــ
إنا لله ........
Post: #60
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 01:52 PM
Parent: #57
Post: #65
Title: Re: طلب مساعدة ياشباب ... مع كل الإمتنان .
Author: Ahmed musa
Date: 02-04-2010, 06:03 AM
Parent: #53

Quote: العملية تمت بنجاح
عاجزين عن الشكر ياحبيبنا معاوية ..


أوف
الحمدلله(قشّ عرقه وخرج من البوست)
رجع متسائلاً :
(ياخوانا ود البشرى ده كضم مالو ؟؟؟)
Post: #66
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-04-2010, 11:28 AM
Parent: #65

Quote: (ياخوانا ود البشرى ده كضم مالو ؟؟؟)
خوفي أن يكون قد جازفه الهكر !!
Post: #56
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 01:43 PM
Parent: #40

Quote: الحل بسيط

ودي الجهاز الدلالة ,, او بيعوا لي بالاقساط ,,,
الأخ عمار تحياتنا ..
حرم لو ما أخونا معاوية قام بالواجب كنت تاني يوم تلقاني في الدلالة .



ـــ
شاكرين مرورك ياأصلي .
Post: #55
Title: Re: طلب مساعدة ياشباب ... مع كل الإمتنان .
Author: السيد المسلمي
Date: 02-03-2010, 01:40 PM
Parent: #39

Quote: لو يوم لقيت الاب حقك بظبط ليك كل الامور انشاء الله
محمد طه ياإبني ..
كدي إنت أنزل لينا في الواطة دي وبعدين تعال لي الجهاز بتاعي ..



ــــ
قلت لي باقي ليك كم ساعة طيران ؟
Post: #63
Title: Re: طلب مساعدة ياشباب ... مع كل الإمتنان .
Author: مزمل خيرى
Date: 02-03-2010, 02:49 PM
Parent: #55

ابوالسيد
Quote: قلت لي باقي ليك كم ساعة طيران ؟

مافى داعى للاسئلة التعسفية دى بالله..
اخونا الكاشف دا شغلو بقى ارضى بس .. طيران شنو .؟
ماشفتو بيصور فى القـرود
Post: #64
Title: Re: طلب مساعدة ياشباب ... مع كل الإمتنان .
Author: محمد طه الحبر
Date: 02-03-2010, 03:08 PM
Parent: #63

Quote: شغلو بقى ارضى بس


وما قلت الا حق

خلي بس شهر 10 يجي


تحياتي