Post: #1 Title: منو المطرب ومنو النجم ومنو المؤدي؟ Author: عمر الفاروق عبد الله الشيخ Date: 02-01-2010, 03:35 PM
تضم الساحة الفنية عدد كبير من الفنانين منهم من رحل ومنهم من نضب معينه ومنهم من مازال يواصل العطاء بجانب الجيش الجرار من المحدثين في هذا البوست دايرين نشوف منو المطرب ومنو الفنان ومنو المؤدي يعني النجم من يجمع بين المطرب والأداء
انا غايتو برشح القائمة دي كمطربين وبعدين ندلل ببعض من اغانيهم
1/ حسن عطية 2/ هاشم ميرغني 3/ عثمان حسين 4/ التاج مصطفي
5/ عبد العزيز محمد داؤود 6/ احمد الجابري 7/ عائشة الفلاتية
8/ عوض الكريم عبد الله 9/ العاقب محمد حسن 10/ عثمان الشفيع
عمر الفاروق دخلت هنا بعد أن قشرت وجلّطت شعري السبب لي (أزايا) وإتريحت وإتعطرت يا يمه ووقفت في نص وقضبت الريح في إنتظار أن أسمع صوت الساوند سيستمز ينفخو فيهو واحد إتنين تلاته وبرضو تيست ون تو ثر ي وبي صدى صوت يا معلم ، شفت الشفتنه دي كيف وسك الحفلات (نحل) ساكت. الهم كنت قايل الموضوع تعريف للمطرب ومن هو المغني ومن هو المؤدي لكين لقيت الحكاية ما ياها فكان لزاماً على أن أتخارج ولما دخلت كان لابد أن أحييكم حيتونا أو كشحتوها وحيحيتوا علينا فتقبلوا تحياتي ولكم الشكر أجزله