في ماليزيا: جالية سودانية جديدة بروح شبابية وثابة، تمنيات بطول وعرض المليون ميل مربع// صور

بالامس القريب تم انتخاب لجنة الجالية السودانية الجديدة في ماليزيا
وتفيد آخر الاخبار ان معظم اعضاء لجنة الجالية الجديدة من الشباب المتحمسين للعمل من اجل انسان السودان في ارخبيل الملايو عامة وماليزيا خاصة... تفاصيل اوفي لاحقا مع الصور بالطبع

.
.
.
اتينا هنا وحادينا الشوق ليس الا
طبت اينما كنت استاذي الفاضل


البصاص

الاخ الرائع/ أبوعبيدة البصاص
سلامات
وتحية من الاعماق وانت تطل من هنا
طبت وطاب سلامك وطلتك وشوقك
وكان للشوق نحن الشوق مطر
والريدة كتاحة
تحياتنا لكل الاحباب طرفكم
ودعواتكم

بعد انتخابات نزيهة وأمينة بحمد لله فقد تم تشكيل اللجنة التنفيذية الجديدة على النحو التالي :
١. د.عبد الناصر عثمان صبير. رئيساً
٢. د. محمد الشيخ زمراوي. نائب الرئيس
٣. عصام التجاني. الأمين العام
٤. عمار سليمان. نائب الأمين العام
٥. د. رشا سعد. نائب الأمين العام لشؤون المعلومات
٦. منى عبدالله. الأمين الإعلامي والثقافي
٧. علم الدين إدريس. نائب الأمين الإعلامي والثقافي
٨. د.مصطفى مختار. أمين الشؤون الاجتماعية والتربوية
٩. محمد إبراهيم. نائب أمين الشؤون الاجتماعية والتربوية
١٠ . السيد وائل شبيكه. الأمين المالي
١١ .عثمان سيد. نائب الأمين المالي
١٢ .د.افراح ابو طويلة. امين شؤون الاسرة
١٣ .د.انتصار الياس. نائب امين شؤون الاسرة
١٤ . القاسم عبدالله. أمين الشؤون الرياضية
١٥ .خالد ابوسن. أمين شؤون الطلاب
١٦ . أحمد سر الختم. نائب أمين شؤون الطلاب
١٧ . البراء خالد. نائب ثاني لشؤون الطلاب

بعيد الانتخابات ... وصورة جماعية للمكتب الجديد ... ويبدو في الصورة رئيس المكتب والامين العام والامين الاجتماعي ونائبه

مبروك ياسيف


لكن اين موقعك من اعراب هذه الثلة الخيرة؟

تحية طيبة أخي الكريم سيف سائلين عنك بشدة وزي ما قال السيدح أين موقعك من هذه الجالية هل زهدت في العمل العام أم أن الأكاديميات زحمتك؟؟؟؟؟

مبروك ليهم ..و مبروك ليك يا سيف عدم الترشيح ....

بعد دا عليك الله خلي أخبار الجاليه والسفاره ليهم ...و يكون فيك الخير لو كلمتا

منى عبدالله. الأمين الإعلامي والثقافي تقدم لعضويه في sudaneseonline عشان تعكس نشاطات المكتب الجديد

و يا ريت لو استهلت الحكايه بتعريف الناس بال١٧ عضو الجدد ...و خططهم المستقبليه

اخونا الصادق / الصادق
فعلاً وحقاً

Quote: مبروك ليك يا سيف عدم الترشيح ....

تعرف انا فرح وحزين في نفس الوقت
فرح لان مسؤولية كبيرة قد رفعت عن كاهلى وكاحلى
وان كان دورنا من الخارج سيكون اعظم
لاننا في مازلنا ضمن اعضاء الجالية وانت بالطبع معنا
وحينما كنا في المكتب كنا دائما ما نستعين بمن هم خارج المكتب
ولولاهم لما كنا قد انجزنا ما انجزنامن اعمال وبرامج
من اجل انسان السودان في ماليزيا
وحزين لانني سافتقد مشورة وتعاون ومشاركة اباء ومربون واخوان واصدقاء
تعلمت منهم الكثير ابان تواجدي وسطهم من اجل الجالية
ومنهم على سبيل المثال لا الحصر البروفسير مالك بابكر بدري

Quote: بعد دا عليك الله خلي أخبار الجاليه والسفاره ليهم ...

تعرف يااخ الصادق
لن اتوقف عن اخبار الجالية حتى ولو طلبوا هم
لان اخبارهم العامة هي للعامة

Quote: و يكون فيك الخير لو كلمتا منى عبدالله. الأمين الإعلامي والثقافي تقدم لعضويه في sudaneseonline عشان تعكس نشاطات المكتب الجديد

جميل يلا نكلمها سويا من خلال البوست ده
ومش كده وبس
ونطلب من الاخ بكري ابوبكر كمان يعطيهم عضوية باسم الجالية السودانية بماليزيا
اسوة بالجاليات السودانية الاخرى
رأيك شنو ندفر الموضوع ده لي قدام
وايد على ايد تجدع بعيد.
مودتي

الطيب الطيب
سلامات ومشتاقون بكثرة
وسائلين عنك بي شدة
اخي لقد كتبت

أين موقعك من هذه الجالية هل زهدت في العمل العام أم أن الأكاديميات زحمتك؟؟؟؟؟
والاجابة لا هذا ولا ذاك
ولكنها الديمقراطية
والشورى
امنياتي ومودتي

اخي الحبيب / السيدح
شكرا جزيلا لك ولتهنئتكم الرائعة
اما سؤالك

Quote: لكن اين موقعك من اعراب هذه الثلة الخيرة؟

فنحن إن شاء الله من المؤيدين لهم والواقفين بجوارهم
ونسأل الله ان يوفق الجميع لما فيه خير الجالية والبلاد والعباد
ودعواتكم معانا
مودتي وتحياتي

سلام يا زول. وين الحي بيك
أخبار نصرالدين شنو بعد رجع من سوريا ?
التحايا عبرك للسيدح و الطيب مصطفى إسمو ما غريب علي.

اخونا / اسامة الفضل
نحن كده انتو كيف
طولنا منك ومن سماع صوتك
نصر الدين بخير وعافية وقد قابلته ابان زيارتي للسودان مؤخرا
حلوه مؤخرا دى انا زاتو عجبتني
السيدح اظنك تعرفه جيدا
اما الطيب مصطفى فهو منا اولاد الاسلامية
شكرا على مرورك وطلتك

سلام يا سيف الدين حسن العوض

تشكر علي الترحيب و اتمني ان تكون اللجنه علي قدر المسؤولية التي القيت عليها

بالنسبه لكلام الصادق عن تركك للتوثيق لاعمال الجاليه، اتمني ان لا تاخذه ماخذ الجد فانت رجل اعلام و متمرس و دائم الحضور في جميع البرامج الاجتماعيه و السياسيه ... و ليس بالضروره ان تكون عضوا باللجنه المسيره للجاليه

عثمان سيد محمد
عضو اللجنه التنفيذيه

اها عاد جالية رئيسها دكتور صبير دي موعودة بنشاط كبير

وحصل تطور كبير ان يدخلن اخوات اللجنة التنفيذية
بالجد حركة الرجال يعملو جاليتهم بعدين بفتشو موفودة نساء
كان قاعدة تضحكني
جالية نسائها كووووووووولهن من حملة الشهادات العليا
لا يسمح لهن بالمشاركة الا بارسال موفودة

اذكر قبل سنوات اتصلت برجل اعمال هنا لتبرع لاجل مشروع ثقافي0( لا يتبرعون ابدا بس يدوك حنك بيش)
وعرفته بنفسي
قام سالني قالي ما تجي تمثلي النساء في الجالية
لما قلت ليه انا لو عايزة اشتغل في جالية
بجي اترشج لمنصب رئيس الجالية ذي ذي اي راجل هنا
اهاالزول دا علق لزول لوانا بقدر افهم قدر دا المفروض يدخلوني الجالية

اسع انا سعيدة بعد 10 سنوات الرجال تخلصوا من عقليتهم الذكورية
حقت موفودة النساء...وبناتنا شرفن الجالية

ومن ثم اعلن عدم مقاطعتي للجالية على استعداد لمد العون للمكتب الاجتماعي
شؤون الطلاب وقد تحدثت الى دكتور عبدالناصر صبير في هذا الامر يوم جنازة الطالب الله يرحمو ويغفر له
ويصبر ذويه...

وجالية فيها عثمان سيد برضو تشجع اكثر للتعاون معها


ومن ثم نهيب بالجميع بدعم صندوق الجالية والاعمال الانسانية

يا أسامة أنا سينيرك في إنجليزي أداب الإسلامية نسيت والله شنو؟ أرجم التواصل معي على إيملي الخاص [email protected]

يا دكتور نجاة
حديثك بالجد وبالحيل سراني جدا
وتشجيعك للجالية مطلوب عن جد ونؤيده
وقولك انه حصل تطور كبير في الجالية

Quote: وحصل تطور كبير ان يدخلن اخوات اللجنة التنفيذية بالجد حركة الرجال يعملو جاليتهم بعدين بفتشو موفودة نساء كان قاعدة تضحكني جالية نسائها كووووووووولهن من حملة الشهادات العليا لا يسمح لهن بالمشاركة الا بارسال موفودة

هذه شهادة وقلادة
ليتنا جميعا نضعها في صدر وعنق عالمنا الجليل
البروفسير مالك بدري الذي لو لاه ما حصل هذا التطور
وايضا نضعها في صدر وعنق سفيرنا الهمام الشاب النشط
الاستاذ نادر يوسف الطيب
فهو يؤمن ايمانا قاطعا
ان الجالية تكمل دور السفارة
وان السفارة لايمكن باي حال من الاحوال ان تستغني عن الجالية
ولهذا فمنذ قدومه الى ماليزيا
كان هو أول من وقف بجانب الجالية حتى حدث فيها هذا التطور
وهذا ليس حديثى او قولي وانما هي افادة ابونا وشيخنا وعالمنا الجليل البروفسير مالك بدري
غايتو الكلام التحت ده يا دكتورة مفهوم وجميل لكن...

Quote: اذكر قبل سنوات اتصلت برجل اعمال هنا لتبرع لاجل مشروع ثقافي( لا يتبرعون ابدا بس يدوك حنك بيش) وعرفته بنفسي قام سالني قالي ما تجي تمثلي النساء في الجالية لما قلت ليه انا لو عايزة اشتغل في جالية بجي اترشج لمنصب رئيس الجالية ذي ذي اي راجل هنا اهاالزول دا علق لزول لوانا بقدر افهم قدر دا المفروض يدخلوني الجالية

ولكن في ناس غايتو ضد رئاسة المرأة ويقولوا ليك الم تسمعوا بقول القائل
خاب قوم ولوا امرهم امرأة ... والحديث يطول في هذا الامر

اما قولك يا دكتورة :
( لا يتبرعون ابدا بس يدوك حنك بيش)
والله في دى ما معاكي حق
كل الاخوة السودانيين في ماليزيا دزن استثناء
حينما تطلب منهم الجالية التبرع
والدعم لاي مشروع تجدهم سباقين لعمل الخير
اذكر ان احدهم تبرع بملبغ 15 الف رنجت وقال للبروفسير مالك
هذا المبلغ وزعه للمحتاجين له وقد كان
المشكلة هنا ان الناس كثر وهناك من يملك المال ولكن يريد ان يعطيه
لجهة رسمية او شعبية تتولى توزيعه والجالية هي الجسم الشعبي
الذي يمثل كل السودانيين في ماليزيا على اختلاف اعراقهم ومذاهبهم
واحزابهم ودياناتهم
قلتي لي انك كنتي مقاطعة الجالية
فقد كتبتي:

Quote: ومن ثم اعلن عدم مقاطعتي للجالية على استعداد لمد العون للمكتب الاجتماعي شؤون الطلاب وقد تحدثت الى دكتور عبدالناصر صبير في هذا الامر

غايتو انا ما كنت عارف لكن انا اليوم صرت أعرف
وللحديث بقية

الاخ الكريم الفاضل

Quote: عثمان سيد محمد عضو اللجنه التنفيذيه

شخصياً هنا ومعانا كمان
الليلة ماوقع راجل
شرفتنا يا اخ عثمان (فسكي)
واكيد الجالية بيكم نورت وازدانت
وحتما ستشهد انجازات وتطورات ملحوظة
يا اخوانامن لا يشكر الناس لا يشكر الله
اشهدكم انا اخونا عثمان فسكي كان يدعم الجاليات السابقة بكل غال ونفيس
ووقف معها في الحلوة والمرة
وهو اليوم في اللجنة التنفيذيه فماذا تظنونه فاعل بها
ان جالية فيها اخونا عثمان سيد لسوف تنجز الكثير
وموعدكم ان شاء الله مع برامج ونشاطات ثرة
الم اقل لكم انها جالية سودانية جديدة بروح شبابية وثابة
وجديدة
شكرا جزيلا لك اخي عثمان
واعانكم الله
ووفقكم الى ما فيه خير البلاد والعباد

اما قولك :

Quote: بالنسبه لكلام الصادق عن تركك للتوثيق لاعمال الجاليه، اتمني ان لا تاخذه ماخذ الجد فانت رجل اعلام و متمرس و دائم الحضور في جميع البرامج الاجتماعيه و السياسيه ... و ليس بالضروره ان تكون عضوا باللجنه المسيره للجاليه

انت عارف وهو عارف وانا ما عارف
لكن التوثيق بعد ده للجالية ح يكون توثيقين
والصادق الا يخلي لينا المنبر
او يندمج معانا
والافضل ليهو ما يغرد خارج السرب بعد ده

الأخ/ سيف الدين العوض
وجميع الإخوة والأخوات بماليزيا
االسلام عليكم ورحمة الله وبركاته،
مبروك لكم الجالية الشبابية الجديدة وعقبال لينا نحن في السعودية منطقة مكة المكرمة بجالية تضم كل أبناء السودان ونقول وداعا للشمولية واحتكار العمل الخيري الطوعي .
مع أمنياتي للجميع بالتوفيق ومزيدا من الوحدة والتعاون تحقيقا للأهداف والمصالح المشتركة
وربنا يردنا جميعا لديارنا وأهلنا سالمين وغانمين ،
صلاح حمد

الاخ الكريم / صلاح حمد
وعليكم السلام ورحمة الله
الله يبارك فيك
وعقبال ليكم في السعودية منطقة مكة المكرمة بجالية تضم كل أبناء السودان ونقول وداعا للشمولية واحتكار العمل الخيري الطوعي إن شاء الله تعالى.

Quote: وربنا يردنا جميعا لديارنا وأهلنا سالمين وغانمين ،

آمين يا رب العالمين

سلامات

غياتو ما حصل احتجنا لقروش اتبرعوا لينا

ما عدا قلة قليلة جدا جدا من فقراء السودانين (هاهاها)
ولذلك الجا دائماالى اسرة هائل اليمنية وما خزلونا تب
جزاهم الله كل خير وتقبل منهم ويوسع رزقهم اكثر واكثر
وكذلك اسرة وان محمد وجوليانا الماليزية ربنا يوسع رزقهم كمان وكمان


بالله اجدعني برقم الزول "السوداني "القاعد يتبرع دا

بنجمع لينا في قروش لعمل خير عاجل جدا
او
قوليه بيان مغروضة في ناس يتبرعوا ليها في امر عاجل

Quote: المشكلة هنا ان الناس كثر وهناك من يملك المال ولكن يريد ان يعطيه لجهة رسمية او شعبية تتولى توزيعه والجالية هي الجسم الشعبي الذي يمثل كل السودانيين في ماليزيا على اختلاف اعراقهم ومذاهبهم واحزابهم ودياناتهم

يا سيف الكلام دا غلط كبير

العنده قروش بتبرع بيهالما تحدث حادثة تحتاج ما بنتظر يديها
للجالية..
والجالية عمرها ما كنت الجسسم الشعبي الذي يمثل الناس هنا
ولا يوجد جالية رسمية في ماليزيا..بل مبادرات

هنا اعرف عدد من الناس بيساعدوا الناس من جيبهم او بجمع مال من الغير
وما شغالين بالجالية نهائي..

ولك الاحترام

Quote: يا سيف الكلام دا غلط كبير العنده قروش بتبرع بيهالما تحدث حادثة تحتاج ما بنتظر يديها للجالية.. والجالية عمرها ما كنت الجسسم الشعبي الذي يمثل الناس هنا ولا يوجد جالية رسمية في ماليزيا..بل مبادرات

الكلام كده غلط يا دكتورة او ما غلط
دي ما القضية
لكنه هو الماشي سواء في السودان او عند السودانيين هنا في ماليزيا
واكيد الزول لما يعيش في الجالية ومشاكلها بيعرف الكثير
وبيعرف كمان منو البيتبرع بسخاء للجالية ومنو الممسك
لكن من خلال التجربة البسيطة العشتها في ماليزيا هنا
كلما مشينا لسوداني وقلنا ليهو نحن عاوزينك تتبرع لينها
للبرنامج الفلاني كان ما بيقصروا ابدا
في ناس ما وصلناهم
لكن بيصلونا ويقولوا لينا طلباتكم اوامر
مرة مشينا لزول مرتاح جدا جدا قلنا ليهو
اتبرع لينا عاوزين نعمل اليوم الوطنى
قالينا اي حاجة انا مستعد طالب مريض
واحد ما قادر يدفع المصاريف الدراسية
الا اليوم الوطنى ده انا ما من ناسوا

المستشار طارق عبد الله التوم من اسرة سفارة السودان بكوالالمبور حضر انتخاب المكتب الجديد للجالية وعلق بعيد الانتخابات وتبدو خلفه مباشرة ا. منى عبد الله الامين الثقافي والاعلامي وعن يمينها الدكتورة انتصار نائب امين امانة شؤون الاسرة .