( بيان هام ) قررنا نحن آل بيتنا ..........

فكرنا كلنا البعيد والقريب الجوه والبره ..
واتشاورنا ... اي نعم اتشاورنا ..
فكرنا في ترشيح والدنا اطال الله عمره ..
و قررنا ان نمنحو صوتنا (ننتخبوا برانا) ..

ونشكل حومتنا ونكونها من افراد بيتنا ..

كل في مجال تخصصه .. رياضة , ثقافة , صحة , تعليم ,ووووو الخ

ونحكم نفسنا بي نفسنا ..

ونقفل بابنا علينا .. وما حدش لي دخل فينا ..

في حالة الضرورة نستعين .. بي اقرب الاقربين (ناس انعام عبدالحفيظ)
ولا مانع بالاستعانة باقرب الاصدقاء والجيران (الحيطه بالحيطه فقط)

واي متسلل يجي يتاوق بالباب .. ما بنسلموا اي محكمة بنقضى قرضنا برانا فيهو ..

اها رائكم شنو ..؟





قلنا نطلع شوية من الجو السخيف ده ..

مافي طريقة نترشح معاكم ان شاء الله مساعد وزير ردم الحفر في الشوارع

اووووووه طارق يا ود جبريل ..

Quote: مافي طريقة نترشح معاكم ان شاء الله مساعد وزير ردم الحفر في الشوارع

نحن قلنا ممكن نستعين باقرب الاصدقاء ..
ومافي اقرب منك .. ممكن نحتاج ليك فى ردم حاجات تانية
تخصصك بتاع ناس الليل لانه (يوجد مكسرين)

الحملة دي ماعائزين ليها زول يقودها لبر الامان ؟؟

العوض .. حبابك يا اخوي ..

Quote: الحملة دي ماعائزين ليها زول يقودها لبر الامان ؟؟

ما قصرته تب .. حباب زيارتك لينا ..
طبعا الامان من اهم برامجنا .. ودي كان اجتماعه مطول جدا
الكبير بتاعنا قال حا يعتمد على احفاده الصغار في التامين ...
لكن حبابك خاتنك لي التقيله كوررررررررر .......

خلاص انا مسئولة الشئون الاجتماعية
يعني لو جو زي ناس طارق ديل يتشالبو بس حوليهم لي
طوالي بوديهم لمستشفى خاص بالامراض النفسية
اي زول يعمل كركبة طوالي العيادة النفسية
اها رايك شنو؟

يا سلاااااااام ام سهى الحبيبه هنا ..
فرحانه بي جيتك يا غاليه ..

Quote: خلاص انا مسئولة الشئون الاجتماعية

خلاس اتفقنا وحا نستعين بي صديق وكده ..
وتعرفى يا ام سهى من اهم الاشياء عندنا الاجتماعية دي ..
لانه آل بيتنا الاجتماعيات دي شغلتهم ..
يلا على بركة الله ..


ماشاءالله حكوماتنا هي الوحيده الماشه بنودها صاح ..

عافي مِنك يا فطومة بنتي، خليتينا
مجكنين في نُص الحكومة، إن شاء
الله تسلمي لي يا نبع الخير...

مين الناطق الرسمي

إعتراف كامل بهـذه الدولة الفتيـة..

ونطمح فى علاقات دبلوماسيـة كاملة.. بالنسبـة لسفارتنا لازم تحجزوا لينا قطعـة أرض حمب التكل، وستكون المعاملة بالمثل.

عفاف
حياك الله
مبروك الفكرة ، ومبروك الاتفاق على تكوين حكومة بالتراضي ..
بس ما دايرين ليكم خبير أجنبي ؟
عليك الله راجعي ما ورد في الخيط أدناه..

http://sudaneseonline.com/cgi-bin/sdb/2bb.cgi?seq=msg&b...113503&func=flatview

ودقاسم .. كيفنك

Quote: مبروك الفكرة ، ومبروك الاتفاق على تكوين حكومة بالتراضي ..

الله يبارك فيك يا اخوي ...
تعرف ياودقاسم خلاااااس كثافتنا جاءات وقلنا نريح نفسنا ..
اها فكرنا نعمل دولة برانا والبهبشنا بالشين عاد يلوم نفسه ..

Quote: بس ما دايرين ليكم خبير أجنبي ؟

لالالالا نهائي ما عايزين اي اجنبي نحمدالله ونكون من الشاكرين ..
كل الكفاءات في شتى المجالات موجوده عندنا وبستعين بيها غيرنا ..
عشان كده فكرنا نلملم كفاءاتنا البره بلا اجنبي بلا استهلاك ..

Quote: عليك الله راجعي ما ورد في الخيط أدناه..

راجعته الرابط .. لكن عليك امان الله ده احسن شيء ..
قلته لي علي كيفي ... انشاء الله اطلع الزلط زاتوووووو هههههههه

Abureesh حبابك .. حبابك

Quote: إعتراف كامل بهـذه الدولة الفتيـة..

وإنه لشرف عظيم لنا , بان يتم الاعتراف من سيادتكم بدولتنا الفتيه ..
ومن هنا نضع يدنا في يدكم حتى نصبو الى ..........

Quote: ونطمح فى علاقات دبلوماسيـة كاملة.. بالنسبـة لسفارتنا لازم تحجزوا لينا قطعـة أرض حمب التكل، وستكون المعاملة بالمثل.

يازول ابشر بالخير كان جنب التكل محجوز ..
نشوف ليك بين المخزن والراكوبة ..
بس اوع سفارتكم يكون فيها (............) اصلو نحنا ناس واضحين

سيف حبابك في حيكومتنا ..

Quote: مين الناطق الرسمي

أجي يا سيف يا اخوي ده سؤال ده ..
حا تعرف الناطق الرسمي في نشرة 4:30 صباحا بعد الاذان طوالي ..

الله .. الله ابو النسب .. آل المدير

Quote: عافي مِنك يا فطومة بنتي، خليتينا مجكنين في نُص الحكومة، إن شاء الله تسلمي لي يا نبع الخير...

عاد يا معاوية يا اخوي فطومة ما ست الشيء زاتووووووو ..
تتحكر ذي البرنسيسه وبرااااها ما معاها ضره هههههه
ووضعها خاااص ...

ألأخت/عفاف..............لك التحية ولآسرتك..الجميلة ربنا يحفظهم يارب..

نعم ..المنبر هذه ألأيام سخف..وإنتخابات..ومناكفات...

بوستاتك واحة نستظل بها...

Quote: اها رائكم شنو ..؟

أنا حكومة بيتنا مشكلة...عندى وزيرة الداخلية.....زوجتى العزيزة...لما ندخل حدودها ألأقليمية..إنتهى الموضوع...تحشد كل رجال ألأمن لرعايتنا حفظها الله...

نائب الرئيس..أحمد..وولى العهد..ود..طرفه..يبادلنى النكات..واحيانآ يرفع لى مذكرات بأن وزارة الداخلية تمارس عليه بعض الضغوط ..ومحارباه إقتصاديآ...

بحوله..لياسمين..وزيرة المالية..ودى زولة مدبرة.لتساعده فى حل مشاكله..

أما شذى أكبرهم..فهى وزيرة خارجيتنا...دبلوماسية...وخير ممثل لنا..

عبير...مساعد وزير الداخلية والناطق الرسمى...

صلاح...وزير ألأتصالات....والرياضة..جنو كوره..

أخوك الرئيس....ورئيسآ مجيه.ما خمج .ومدلع.وماخد كل مخصصاته من النفط..

أمل أن يكون هناك تمثيل دبلوماسى بيننا...ونتشرف بذلك.....لك التحية والتقدير...

إسماعيل أخوي .. حباب الزين .. انت كيف حالك

Quote: نعم ..المنبر هذه ألأيام سخف..وإنتخابات..ومناكفات... بوستاتك واحة نستظل بها...

تسلم يا اسماعيل وربنا يعدل الحال

Quote: أنا حكومة بيتنا مشكلة...عندى وزيرة الداخلية.....زوجتى العزيزة...لما ندخل حدودها ألأقليمية..إنتهى الموضوع...تحشد كل رجال ألأمن لرعايتنا حفظها الله...

يازول دي ما رأس الحربة الله يخليها ليك يارب ..

عاد ماشاءالله على حكومتكم واحتمال كبير نستعين بخبراتكم (بس ما تكلموا زول)
كل التخصصات موجوده لقيام حكومة بمعنى حكومة فعلا وليس أسماً .
حفظ الله كل وزاراتكم ورعاها من المارقين والمتحشرين والمرتزقة ..

Quote: أخوك الرئيس....ورئيسآ مجيه.ما خمج .ومدلع.وماخد كل مخصصاته من النفط..

عاد ما كبيرهم .. رئيسهم وفوق رأسهم .. وانا متأكده ما حا يخذلوك في يوما ما ..

Quote: أمل أن يكون هناك تمثيل دبلوماسى بيننا...ونتشرف بذلك.....لك التحية والتقدير...

حول طلبكم لإدارة العلاقات الخارجية للشروع في تطبيقه دون الرجوع لاي جهة ....

بس عندكم مشكلة بسييييييطة
عشان حكومتكم دي ما يقولوا عليها حكومة شمولية وديكتاتورية
لا بد ليكم من معارضة ( مسؤولة )
وتداول سلمي للسلطة


تقبلونا معارضة
ولا ندخل الغابة ؟؟؟
ونبقى في مفاوضات الصحافوش
ومفاوضات أركويتوش

Quote: يازول ابشر بالخير كان جنب التكل محجوز .. نشوف ليك بين المخزن والراكوبة ..

بين المخزن والراكوبة...

ما مشكلة، لو فى ممرات امنـة للتكل..

حنحتاج لخدمات التكل كلما جات الشنطـة الدبلوماسيـة من خضارستـان.

Abureesh كيفنك ..

Quote: ما مشكلة، لو فى ممرات امنـة للتكل..

الآمن مستتب عندنا تماماً ..
وقشه ما تعتر ليك ..

عاطف عمر .. سلام بالمحنك ..

Quote: بس عندكم مشكلة بسييييييطة عشان حكومتكم دي ما يقولوا عليها حكومة شمولية وديكتاتورية لا بد ليكم من معارضة ( مسؤولة ) وتداول سلمي للسلطة

قلت لي معارضه مسؤولة هههههههه في الزمن الاغبر ده .. كان زمان ..

Quote: تقبلونا معارضة ولا ندخل الغابة ؟؟؟ ونبقى في مفاوضات الصحافوش ومفاوضات أركويتوش

معارضة ما عندنا لانه حكومتنا عفيفه وشريفه ونضيفه ما بتعمل شيء عشان يعارضوها ..
بعدين ادخل الغابة وتعال .. بالعديل كده من غير لولوه ..
ونحن حنك ساي بنقنعك .. اها قلته شنو ...؟

............. معارضة من اسع رغم انو اخوي وزززززززززززززززززززير

وانا وانا وانا وانا وانا

ححتسويني شنو؟

وزير القروش ممكن؟

الاخت \عفاف الصادق ,,, سلامات,,, ومبروك الحكومة,,, نؤيد ونشد من ازركم.


اقبلونا قوات صديقة في حالة أي عدوان,,, نردم ردم شديدوبلا رحمة,,,,

الاخت / عفاف .... سلام

مبروك تشكيل الحكومة

بس اعملوا حساب المعارضة فى الداخل

ربنا يحفظ اسرتك اخت غفاف

مودتى ...

ناصر جبريل .. كيفنك ياالوقور

Quote: ............. معارضة من اسع رغم انو اخوي وزززززززززززززززززززير

لالالالالا حكومتنا ما فيها معارضه نحن مسالميييييين ...
منو القال ليك انت ما معانا .. انت اخو الوزيييييير بتاع الردم ياخ

Quote: فكرنا كلنا البعيد والقريب الجوه والبره .. واتشاورنا ... اي نعم اتشاورنا .. فكرنا في ترشيح والدنا اطال الله عمره .. و قررنا ان نمنحو صوتنا (ننتخبوا برانا) .. ونشكل حومتنا ونكونها من افراد بيتنا .. كل في مجال تخصصه .. رياضة , ثقافة , صحة , تعليم ,ووووو الخ ونحكم نفسنا بي نفسنا .. ونقفل بابنا علينا .. وما حدش لي دخل فينا .. في حالة الضرورة نستعين .. بي اقرب الاقربين (ناس انعام عبدالحفيظ) ولا مانع بالاستعانة باقرب الاصدقاء والجيران (الحيطه بالحيطه فقط) واي متسلل يجي يتاوق بالباب .. ما بنسلموا اي محكمة بنقضى قرضنا برانا فيهو .. اها رائكم شنو ..؟

لا حولااااااااا الكلام دا من متين ؟؟؟
وما كلمتوني مالكم؟؟؟ اناما بتكم؟؟؟
اها عشان ما شاورتوني انا كمان داخلة الغابة
وما أخذ مني بالقوة لا يسترد إلا بالقوة

.




ممكن تعتبرونا من الرعية

أو تدونا التابعية ..





.

الأخت العزيزة بت الرجال الما خمج العفاف الديمة صادق وأمين
لك يا صاحبة العظمة والسلطان مني التحية والتجلة وعاطر الفل والياسمين
اسمحي لي يا صاحبة السمو الملكي أن أطلب وأنا خادمكم الأمين وزارة الحب، آمل يا صاحبة السمو ألا تلتفتي إلى كوني بيطرياً يتعامل مع غير جنس البشر، وإن مكنتني من ذلك ، لتعلم الرجال كيف ترقص ذكور النعام لإناثها، ولعلمتهم "ألا يتنوا المرة ولا كباية الشاي" ، ولعلمتهم أن "الحب جنة لا تطاق ونار يصعب البعد عنها "ده بالعربي" أما بالإنجليزية فالحب عندهم هو الـ LOVE وهي كلمة جمعت أربعة معانٍ هي

L= LIFE, O= OPTIMISM , V= VITALITY , E= EAGERNESS هكذا أرادها أهلها عنواناً للحياة والتفاؤل والحيوية واللهفة (التوق) على التوالي، أما بالفرنسية (ولا بلاش كفاية كدة)، ولي في هذه الوزارة مآرب اخرى، فبها سنفرق بين الأثرة والإيثار، وستحب لأخيك ما تحب لنفسك، وسيتعلم الفتى والفتاة "أن أمك قبل فمك، وأهلك قبل تهلك"، وسنعلم العام من الناس والخاص على اختلاف مشاربهم ومنازعهم أن اختلاف الرأي لا يفسد للود قضية، وأنا لا نستطيع أن نجري الحكم في الناس بالحب والبغض، إنما نجريه بالحق والعدل. ومع هذا كله لا نحسب أن قدرتنا تبلغ كل شيئ، لذا سنعلمهم أن يحبوا الله دائما، وأن يثنوا بحب الرسول (ص)، وللوالدين حب، وللزوج حب وللأولاد حب، وللأهل حب، وللناس أجمعين حب.
هذا هو برنامجي لهذه الوزارة يا صاحبة السمو، فهلا نصبتني وزيراً للحب.
مع خالص تحياتي
خادمك المطيع
د. صلاح البشير

أستاذة عفاف – سلام كتير

البقول الحكومة دي ما باعترف بيها شكيتو على الله هههههههه

جيت أتاوق واطالب بحقوق ارحام ناس الكاملين في قسمة السلطة والثروة، لكن بعد ما قريت

Quote: واي متسلل يجي يتاوق بالباب .. ما بنسلموا اي محكمة بنقضى قرضنا "غرضنا" برانا فيهو ..

رجعت لي كامليني كداري – بلا سلطة بلا ثروة بلا وجع رأس ...
بس يا بت الصادق من وقت لي آخر أكتبي لينا شيك زي دا في حوش بكري أبوبكر
أصلو كتير من ناس المنبر العام هنا، سكرهم طاعم شديد وضغط بالوناتهم رفعها لي السما
وقلنا مافي زول بنرجاه يدينا شوية أوكسوجين ويعتني بصحة البيئة إلا عفاف وزيرة مالية
ألأسرة...شن قولك دام فضلك؟

تحياتي

الاخت عفاف
تحياتى ،،

أنا من آل البيت ( عايز أحشر نفسى ) .. ممكن أترشح لوزارة الماليه
فقط وزارة الماليه ..

تحياتى ياغالية ..

تاج السر

** بت الصادق..
** صباحك خير ..

## نبارك حكومة التكنوقراط ,, ومن باب الشفافيه يُرجى من كل أعضاء الحكومه إقرار براءة الذمه الماليه قبل أداء القسم ,, مع الإلتزام التام بالتوقيع على إقرار براءة الذمه بتاريخ 31/12 من كل سنه ..
*** قرار جمهورى عائلى رقم (....) متوقع صدوره من سعادتكم..
## فيما يتعلق بشأن التمثيل الدوبلوماسى الخارجى والمنظمات الدوليه يكون التعيين بالكفاءه بغض النظر عن الجنس ..
*** قرار جمهورى عائلى رقم (....) متوقع صدوره من سعادتكم..
## لايوجد جيش "حذراً من الإنقلابات وكده" قوات شرطه غير مُسلحه وجهاز أمن وقائى لجمع المعلومات وحماية البلد ..
(عاشت دولة العائله وعاشت العائله من أجل غـدٍ أنضر وأفضل )
## وشكراً لهذه الإستراحه التى تُريح النفس..
(ودام الود بين الجميع)
(ابو محمد فؤاد)

** كسره:-
### لو إحتجتو لينا تجدون تحت الخدمه لوجه الله ومن دون قسمه فى السُلطه أو الثروه..

تاج السر .. كيفنك .

Quote: أنا من آل البيت ( عايز أحشر نفسى ) .. ممكن أترشح لوزارة الماليه فقط وزارة الماليه ..

يا اخوانا العالم دي كلها عايزه الماليه ..
مش لما تكون في ماليه اساسا !!!!!! ههههههه
خلاس ما عليك انت من ناس البيت ما حاشر نفسك .. موافقين ..

حمد ود ابراهيم .. يسعد ايامك يا يابه ..

Quote: رجعت لي كامليني كداري – بلا سلطة بلا ثروة بلا وجع رأس ...

راجع وين ..؟؟
عندنا السلطة والثروة والسلاح بيد العائله ..
وانت عندك حق الفيتو .. يلا ابقى داخل ..

اوووووه معتصم ودالطاهر .. الرزين.

Quote: ممكن تعتبرونا من الرعية أو تدونا التابعية ..

عاد من هسه السيد/ معتصم الطاهر يعتبر من الـ VIP ..
ومن يعترض على ذلك .. مرفووووووووووووود ........

نعومه حقتنا .. كيفنك يا العالي مقامك ..

Quote: لا حولااااااااا الكلام دا من متين ؟؟؟ وما كلمتوني مالكم؟؟؟ اناما بتكم؟؟؟ اها عشان ما شاورتوني انا كمان داخلة الغابة وما أخذ مني بالقوة لا يسترد إلا بالقوة

يا انعام مالك مستغربه ما عادي مش لمن هناي داك لمن جاء
بس سمعنا فجاءة فى الاذاعة لا احم ولا دستور
قلنا نعمله ليك مفاجاءة يعني الواحد اصلوا ما يقلب الهوبه ..
اهاااااا عايزه تعملي معارض واخذ حق بالقوة ..
اللييييييلة .. انتي عارفه جدك .. أمسك لي واقطع ليك ..
وانا بررررررره ..

Quote: يعني لو جو زي ناس طارق ديل يتشالبو بس حوليهم لي طوالي بوديهم لمستشفى خاص بالامراض النفسية

يا كافي البلا قبل ما نخت طلب الترشيح ناس ام سهى دايرين يلحقونا امات طه

د. صلاح بشير .. تحية جميلة ..
والله لكن ابداع ما بعده ابداع ..
كلامك كيمياء للروح عديييييييييل ..
غايتو حكومتنا ما منظور مثيلها (لا يوجد السر قدور)

Quote: هذا هو برنامجي لهذه الوزارة يا صاحبة السمو، فهلا نصبتني وزيراً للحب.

هاهاهاها .. د. صلاح جيت بالنجيضه ..

نعومة .. مالك مختفيه .. آآآآ عاذرنك يا حبيبة ..

Quote: اها عشان ما شاورتوني انا كمان داخلة الغابة وما أخذ مني بالقوة لا يسترد إلا بالقوة

كدي خلينا من حقوقك في الوقت الراهن ...
تعالي حسب خبراتكم وجهبزتكم ..
شوفو لينا ميدان نعرض فيهو برنامجنا ..




لووووووووووووووول على قول القائل ..