وتتواصل أفراح الدوحة .. نجوم الغد في الدوحة يومي 5-6 فبراير

يقيم تجمع رواد الهلال بقطر بالتعاون مع قناة النيل الزرق حفل غنائى يحية مجموعة من شباب نجوم
الغد وبرنامج اغانى واغانى .. شريف الفحيل .. ورماز ميرغنى.. ومنار صديق ..وساره النور
يوم الجمعة الموافق 5/2/2010 بسينما الخليج
وحفل العائلات يوم السبت 6/02/2010 بصالة النادى العربى
سيبث الحفل على قناة النيل الازرق ... كما يسجل برنامج الو مرحبا بعض اللقاءات مع اسر المغتربيين بالدوحه

اسعار التذاكر

70 ريال
50 ريال

معتز .. كيفنك ..
والله يا ناس الدوحة بختكم ..
احلى ناس .. ربنا يديم فرحكم يارب ..

Quote: معتز .. كيفنك .. والله يا ناس الدوحة بختكم .. احلى ناس .. ربنا يديم فرحكم يارب ..

هلا هلا عفاف
تسلمي يا غالية ع المرور
وربنا يديم فرحك انتي كمان
بعديت يا أختي الحلاوة تفوتكم انتو تمش وين





ــــــــــــ
رأيك نو تجي تحضري معانا
الفيزا جاااهزة عندنا في أوكسينت كمية
عملناهم للمترجمين وفيهن فائض
نخلي بدر الدين الأمير يجدعك بواحدة

ود القريش ياحبيب
مااااااااشششششششامعاكم باسطة ياناس الدوحة
اهو حاجة التنظيم التنظيم التنظيم
والترتيب الجيد والإعداد المسبّك
حفلة العائلات دي كيف يعني عيالنا في السودان يعني ما في طريقة حضور ولا شنو كلامك يا ود القريش

Quote: بعديت يا أختي الحلاوة تفوتكم انتو تمش وين

ده من ذوقك وأ ..أصلك يا راقي ..

Quote: رأيك نو تجي تحضري معانا

شكرا يا كريم أنا بالي وروحي معاكم ..

Quote: الفيزا جاااهزة عندنا في أوكسينت كمية عملناهم للمترجمين وفيهن فائض

ايييييوه يا معتز يعني أجي بالفائض !!!!!
أنا بجيكم فيزا VIP ما بجي بالفائض .. سمح (وش زعلان وفرحان)

صديقي معتز يا راجل يا فنان

دايما نسمع منك الأخبار الجميلة.

والأمسية الشعرية بتاعت حميد والصادق الرضى مش برضو يوم الجمعة 5/2 بقاعة الهلال الأحمر ولا حصل تغيير ياريت ما يكون هنالك تضارب في المواعيد كلا الليلتين جديرتان بالحضور

منتظرين توضيح من أصحاب الشأن

نسجل حضورنا في الحفلتين

Quote: والأمسية الشعرية بتاعت حميد والصادق الرضى مش برضو يوم الجمعة 5/2 بقاعة الهلال الأحمر ولا حصل تغيير ياريت ما يكون هنالك تضارب في المواعيد كلا الليلتين جديرتان بالحضور منتظرين توضيح من أصحاب الشأن

في هذه الحالة أسحب التزامي بحضور الحفلتين

يوم حميد والصادق الرضي أولى

وينك يا حبيبنا فيصل وحبيبنا كيكي للتوضيح ومعرفة المواعيد الجديدة إذا لزم الأمر بخصوص الليلة الشعرية

Quote: ورماز ميرغنى..

قولوا لي كيكي استحمي بالله ..
و أوعكـ تلبس اللبسة الكنغولية الشينة ديكـ !!

قال مقروش الطارى معتز القريش

Quote: نجوم الغد وبرنامج اغانى واغانى .. شريف الفحيل .. ورماز ميرغنى.. ومنار صديق ..وساره النور يوم الجمعة الموافق 5/2/2010 بسينما الخليج وحفل العائلات يوم السبت 6/02/2010 بصالة النادى العربى

الكلام للاخ ابراهيم على

Quote: اهو حاجة التنظيم التنظيم التنظيم والترتيب الجيد والإعداد المسبّك

عن الغناء بقاعة السينما قلنا عن عدم صلاحيتها للغناء مالم تقله
الخمر عن راي مالك فيها
اماصالة النادى العربى هي ملعب كرة السلة فتامل يابراهيم على...
وفي تقديرى ان دور الفنون والفنانانين هو الارتقاء بالاذواق لكن
منظمين الحفلات الغنائية السودانية في اغلبهم يفعلون العكس ....
ناهيك عن كون الفنانين بجو قبل يوم او يوميمن من موعد الحفل وبكون
همهم انتزاع بروفة بروفتين في ظل ملاحقة الاهل والاصدقاء والمعجبين بالدعوات
الاجمتماعية وحين يصلو لمكان الحفل يجدو انفسهم مام ذلك الواقع المرير وبكل
سهولة بباركوها ويغنو كيف ما اتفق

العزيز بدر الدين تحياتي
كلامك دا آمن عليه تماما

Quote: عن الغناء بقاعة السينما قلنا عن عدم صلاحيتها للغناء مالم تقله الخمر عن راي مالك فيها اماصالة النادى العربى هي ملعب كرة السلة فتامل يابراهيم على... وفي تقديرى ان دور الفنون والفنانانين هو الارتقاء بالاذواق لكن منظمين الحفلات الغنائية السودانية في اغلبهم يفعلون العكس .... ناهيك عن كون الفنانين بجو قبل يوم او يوميمن من موعد الحفل وبكون همهم انتزاع بروفة بروفتين في ظل ملاحقة الاهل والاصدقاء والمعجبين بالدعوات الاجمتماعية وحين يصلو لمكان الحفل يجدو انفسهم مام ذلك الواقع المرير وبكل سهولة بباركوها ويغنو كيف ما اتفق

وبما أنك صاحب خبرة وتجارب عديدة في تنظيم المؤتمرات والحفلات ياريت تمد الأخوة المنظمين علي هذه الاحتفالات والحفلات بالمعينات اللازمة لانجاح هذه الفعاليات من كلو
سينما الخليج لا تصلح للغناء والتسجيل التلفزيوني وبما ان الحلقة مسجلة على قناة فضائية الاولى بالاخوة المنظمين اختيار مكان مناسب ويليق بوجه الدوحة المشرق هنالك العديد من الصالات الممتازة في بعض الفنادق الفخمة او صالات منفصلة حتى لو ادى ذلك الى زيادة قيمة التذكرة فلنظرنا للحفلات التي تقام في السودان اصبحت نوع من الفن والمنافسة في تقديم الخدمات الافضل فهنا لا اعتقد ان الدوحة تفتقر للصالات الجيدة والمميزة وان لا يكون هدف المنظمين الربح المادي بغض النظر عن الاخراج والتنظيم الجيد للحفل
ايها المنظمون استعينوا باهل الخبرة والدربة والدراية في التنظيم ودونكم بدر الامير وشركته ولا اعتقد انه سوف يبخل بتقديم اي مساعدة ممكنة
صالة النادي العربي ممكن تكون افضل من ناحية ارجاع الصوت والصدى بالمقارنة مع سينما الخليج

Quote: وبما ان الحلقة مسجلة على قناة فضائية

ابراهيم على
انت وين وطلبك وين
ذكر نجوم الغد وبرنامج اغانى واغانى وقناة النيل الازرق
هو تسويق ساذج وفطير وتلاعب اهبل بوجدان الناس الامر برمته
انشقاق وتحديات بين الهلاللاب هل قالت النيل الازرق انها حا
تبث حفل من الدوحة ام ان نصب الكميرات في اي حفل يعنى انها
منقولة على قناة تحترم نفسها وتحترم جمهورها مالم يكن الامر
افراح افرح
الفنان محمد السنى متفق على ان صالة السينما لاتصلح للغناء ناهيك عن
صالة النادى العربى لكنه بالمقابل احد المظمين لهذه الحفل وإنشئت
المنشقين عن رابطة الهلال والمسوق لذلك هو قنصل المؤتمر الطنى الاسفيرى
معتز القريش ورابطة الهلال في الدوحة هي حقت المؤتمر الوطنى واشباه الرجال
فاقدى اللون والطعم وتفوح منهم كل الروايح الكريهة والمواقف الجبانة والكوزنة
المبطنة

الاخوه الاحباب بالدوحه نتمنى لكم امسية جميله

بدر الدين الأمير ... تحياتى


رواد منتديات الهلال هى منظومة من الشباب جمعهم اسفيريا

عشق الهلال كما جمع عشق الوطن مابين افراد كل المنتديات

الالكترونيه ومن بينها ( بورداب سودانيزاونلاين ) ...

تكونت منظومة رواد منتديات الهلال وصار لها وجود فى كل

انحاء العالم يتنادون لدعم الهلال كل بما يستطيع ..

لايتعارض وجود الرواد مع عمل روابط الهلال الاخرى بل نحن هنا

فى الدوحة نسير فى نسق تام مع اخوتنا فى رابطة الهلال

بل هم كثيرا مايدعموننا بكل السبل فكريا ومعنويا وماديا

فى الكثير من مشاريعنا فى الدوحة ..

فلا يوجد انشقاق ولايحزنون ولاتسوق لشى أنت تجهله ...

ولاتتكلم فيما يستعصى عليك فهمه ...

بالامس تم افتتاح صالة منتديات رواد الهلال داخل اسوار

نادى الهلال حيث تقدم الصاله كل ماهو جديد فى مجال التكنولوجيا

والانترنت لرواد النادى ....ولم يخرج علينا احد هناك وقال

ان هذا انشقاق .. الكل يعمل وكل على مقدرته .

أمريكا الامارات االسعوديه هولندا السودان ومن داخل نادى

الهلال يعمل رواد منتديات الهلال فى نسق وتناغم مع رابطة الهلال


اهم شئ تفهمو انو رابطة الهلال باى مكان فى العالم كبيرة ...

ورابطة الهلال بالدوحة كبيرة برجالاتها وتعمل فى نسق تام

بل كل اعضاء رواد منتديات الهلال فى الاصل اعضاء بالرابطة

ولكن نحن فى منتديات الهلال وعلى مستوى العالم الينا على

انفسنا العمل من اجل الهلال وتفعيل الامور المسكوت عنها

والغير مرئية للاخرين لنكمل لوحة الابداع التى ترسمها منظومات

الهلال المختلفه بداية من اللاعبيين والجهاز الفنى ومجلس

ادارة الهلال ورابطة الهلال وغيرهم .. انتهاء برواد منتديات

الهلال الالكرونيه .

المجال ليس مجال التعريف عن منتديات الهلال الالكترونيه

ولكن مجرد توضيح حتى لايلتبس عليك الامر ويتشابه عليك البقر

اخى بدر الدين وتوصف الامر وكأنه انشقاق فى الهلال ..

فالهلال يوحد ولايفرق ... الهلال يجمع ولايشتت ...


الله .... الوطن ... الهلال

رئيس مجلس ادارة الهلال الارباب صلاح ادريس ... والرئيس السابق عبد المجيد منصور

فى افتتاح صالة رواد منتديات الهلال الالكترونية بنادى الهلال 29/01/2010

التجانى ابوسن ... عبد المجيد منصور داخل صالة الانترنت




جانب من الصاله




.












الهلالية الرائعه ايمان لندن كانت حاضرة فى حفل الافتتاح ...

التحية لصاحب البوست ولكل المتداخلين ،،،

والتحية والتقدير للأخ برير وهو يكتب بلغة أهل الهلال أينما كانوا ديدنهم القول الليّن في سماحة عزّة ، ويربأون بالأهلة عن أي إنشقاق معرّفاً بوضوح التمازج والتكامل بين روابط أهل الهلال في كل مكان وتجمع منتديات الهلال الإلكترونية في لعب دورهما الرسالي في دفع مسيرة نادي الهلال العظيم .

أخي بدر الدين الأمير مرحباً عبر هذه المساحة وأنت قد كتبت :

Quote: الفنان محمد السنى متفق على ان صالة السينما لاتصلح للغناء ناهيك عن صالة النادى العربى لكنه بالمقابل احد المظمين لهذه الحفل وإنشئت المنشقين عن رابطة الهلال والمسوق لذلك هو قنصل المؤتمر الطنى الاسفيرى معتز القريش ورابطة الهلال في الدوحة هي حقت المؤتمر الوطنى واشباه الرجال فاقدى اللون والطعم وتفوح منهم كل الروايح الكريهة والمواقف الجبانة والكوزنة المبطنة

بدأً أحب التأكيد على ما جاء في تعقيب الأخ برير في ما يتعلق بجزئية المنشقين عن رابطة الهلال. ما أورده برير يجد فيه كل من لا يعرف وكذلك كل من إشتبه عليه الأمر من ذوي البصيرة (وأنت بلا شك منهم) البيان الشافي والتوضيح النافي لأيّ لبس .

ثانياً : ما وصفت به رابطة الهلال في الدوحة هو وصف (غير صحيح وغير دقيق) ويمس نفر كريم من أخواننا في المكتب التنفيذي ومشجعي ومنتسبي الهلال جميعاً وقطعاً يحتاج منك على الأقل إثبات القول بالدليل في ما ورد من صفات ، وحتى حينه أرجو أن تراجع ما أوردت في كلامك . (ما بين القوسين أعلاه لما إستصعب كتابته إسفيرياً) . ولي عودة متى ما تهيأت الظروف .

ثالثاً : الإعتذار لصاحب البوست ولكل من يمر من هنا إذا إنحرفت مداخلتي عن موضوع البوست ولكن لا بد مما لا بد منه .

لكم المودة البيضاء في إطارها الأزرق

أمين يحيى

نائب أمين أمانة المال / أمين أمانة الإعلام المكلّف برابطة أهل الهلال بدولة قطر



التعديل لتصويب لغوي

الغريبة بتقول (رواد منتديات الهلال)

مع انو الصورة التحت دي بتشير بأن القاعة خاصة بمنتدى واحد ..
و هو المنتدى الذي يتبع للموقع الرسمي للنادي.. الذي تبرأ منه صلاح إدريس

و لا أنا غلطان ..؟؟



تضليل في كل مكان ..

Quote: ابراهيم على انت وين وطلبك وين ذكر نجوم الغد وبرنامج اغانى واغانى وقناة النيل الازرق هو تسويق ساذج وفطير وتلاعب اهبل بوجدان الناس الامر برمته انشقاق وتحديات بين الهلاللاب هل قالت النيل الازرق انها حا تبث حفل من الدوحة ام ان نصب الكميرات في اي حفل يعنى انها منقولة على قناة تحترم نفسها وتحترم جمهورها مالم يكن الامر افراح افرح الفنان محمد السنى متفق على ان صالة السينما لاتصلح للغناء ناهيك عن صالة النادى العربى لكنه بالمقابل احد المظمين لهذه الحفل وإنشئت المنشقين عن رابطة الهلال والمسوق لذلك هو قنصل المؤتمر الطنى الاسفيرى معتز القريش ورابطة الهلال في الدوحة هي حقت المؤتمر الوطنى واشباه الرجال فاقدى اللون والطعم وتفوح منهم كل الروايح الكريهة والمواقف الجبانة والكوزنة المبطنة

الاخ بدالدين

اولا كلام وجود قناة النيل الازرق ليس كلام للتسويق ولا كلام ساذج قلت وياريت يا اخي ان تتاكد قبل ان ترمى الناس بكلامك الغير منطقى
يا اخي انا بقراء مداخلاتك في المنتدي وكلها معارضة لكل حاجة يعنى لازم تعارض حتى يعرفك الاخرين
تمنين ان تقوم يوم واحد بقول كلام نستفيد منو بس انت تعارض من اجل المعارضة

برنامج منتديات الهلال برنامج ترفيهى يحية بعض نجوم الغد مع تسجيل كامل لحفل الاسر فقط وايضا سيتم تسجيل حلقة من برنامج الو مرحبامن داخل القاعة وهذا ليس كذب ولا كلام ساذج كما ذكرت
وياريت يا اخى ان تتوثق من كلامك قبل ان تكتب
اما ان تكتب من اجل ان تقلل من شأن لاخرين فهذا غير مقبول
من قال لك اننا منشقون من رابطة الهلال نحن ورابطة الهلال كيان واحد نخدم الهلال العظيم ولا ادرى من اين اتيت بكلامك الذي يجافى الحقيقة اما ان تصفي حساباتك مع الموتمر الوطنى عن طريق هذا البوست فهذا شي غير مقبول صفى حساباتك بعيد عننا

والله ما عارف اقول ليك شنو الواحد ماسك اعصابة ان يرد بانضباط لان كلامك يحرق الدم والاعصاب فيااخي اتمنى ان تفكر قبل ان تكتب وقبل ان تنقد
ولنا عودة

حضور ان شاء الله

Quote: لكنه بالمقابل احد المظمين لهذه الحفل وإنشئت المنشقين عن رابطة الهلال والمسوق لذلك هو قنصل المؤتمر الطنى الاسفيرى معتز القريش ورابطة الهلال في الدوحة هي حقت المؤتمر الوطنى واشباه الرجال فاقدى اللون والطعم وتفوح منهم كل الروايح الكريهة والمواقف الجبانة والكوزنة المبطنة

لا اله الا الله محمد رسول الله

يا زول علي الطلاق بالتلاتة وفوق نسواني التلاتة
أنا لا عضو في رابطة الهلال ولا عضو في منتديات الهلال
يا زول وحاة تربة حاجة زينب
أول يوم أسمع بتجمع منتديات الهلال الالكترونية دي
أمس لما رسلوا لي الاعلان الفوق دااااك
والله زمني دا كلو قايل الحكاية رابطة الهلال وبس

يا زول حررررم الكلام الفوق دا قطعتو من راسك دا

كل ما في الأمر أن أخي وابن عمي برير القريش
طلب مني فتح هذا البوست وقد فعلت
تجي تطلعني منشق وعميل
وروائح الكترونية وروائح أدبخانية وشنو كدا ما عارف


هسي اقول ليك شنو يعني ؟
خليتك ... عفيتك يااخ

الاخ معتز

ان شاء الله حضور، والله يبعد العوارض...

أعتقد أن خدمة الهلال كهدف تسع الجميع، ولا تعارض من قيام أي عدد من الاجسام ما دام جميعها تصب في مصلحة حبيب الكل وسيد البلد الهلال العظيم...
ومن أجل الارتقاء بالهلال فليتسابق الجميع كل حسب جهده....

دمتم جميعا، ودام الهلال العظيم....

سؤال ليس للإجابة:
هل يمكن الابتعاد بمحبة أنديتنا من دائرة الاستقطاب الجهنمية

*

Quote: ورابطة الهلال بالدوحة كبيرة برجالاتها وتعمل فى نسق تام بل كل اعضاء رواد منتديات الهلال فى الاصل اعضاء بالرابطة

الاخ العزيز برير
رغم كوننا اختلفنا ها اكثر من مرة وبحدة
ما بشكك في صدقك رغم معرفتى المحدودة لك
لكن ماذكرته اعلاه عكس الواقع تماما وانت
تعلم ان هناك انقلاب تم داخل رابطة الهلال
ومسمى رواد منتديات الهلال هو مجرد الالتفاف
على الانقلاب الحدث داخل الرابطة بقيادة الاخ
والصديق جمال محمد احمد وبموجبه اقصى من اقصى
ناهيك عن ملاسنات جمال داخل السفارة مع من كتب
مقال في صحيفة ينتقد فيهى ادارة رابطة الهلال
وحتى جمال الذى يشغل الان منصب الامين العام الرابطة
الهلال بالدوحة وحتى هذا المساء ما عندو خبر ببرنامجك هذا

Quote: أول يوم أسمع بتجمع منتديات الهلال الالكترونية دي أمس لما رسلوا لي الاعلان الفوق دااااك والله زمني دا كلو قايل الحكاية رابطة الهلال وبس

الاخ معتز القريش
هو انت كونك قنصل المؤتمر الوطنى الاسفيرى جايب ليها خبر
عشان تجيب خبر لكل مايرسل لك ناهيك عن كونك لا تفرق بين
رابطة الهلال ومنتديات الهلال وتفاصيل الانقلاب والاقصاء والتلاسن
داخل سفارة المؤتمر الوطنى

والله يا بدر الدين الامير انك تهرف بما لاتعرف
انا عضو مجلس رابطة الهلال في الدوحه وكلامك عن المؤتمر الوطني والسفاره وما الي ذلك لا ينبطق علي وانت تعرف ذلك
ان كنت لديك اي ادله عن ما كتبته اعلاه فابذلها هنا حتي نعيد ترتيب مواقفنا وما يبقي الكلام هو رص كلمات جوفاء لا سند لها كما عودتنا في كثير من المواقف
انت لا تعرف من هم اعضاء رابطه الهلال ولا اعضاء منتدي الهلال ومع ذلك وبكل دم بارد تفتي في الامر
مشكلتنا الكبري هو تدوير المعلمومات السماعيه بلا سند
يلا انا منتظرك تجيب لي اسانيد لما كتبته اعلاه

Quote: والله يا بدر الدين الامير انك تهرف بما لاتعرف انا عضو مجلس رابطة الهلال في الدوحه وكلامك عن المؤتمر الوطني والسفاره وما الي ذلك لا ينبطق علي وانت تعرف ذلك ان كنت لديك اي ادله عن ما كتبته اعلاه فابذلها هنا حتي نعيد ترتيب مواقفنا وما يبقي الكلام هو رص كلمات جوفاء لا سند لها كما عودتنا في كثير من المواقف انت لا تعرف من هم اعضاء رابطه الهلال ولا اعضاء منتدي الهلال ومع ذلك وبكل دم بارد تفتي في الامر مشكلتنا الكبري هو تدوير المعلمومات السماعيه بلا سند يلا انا منتظرك تجيب لي اسانيد لما كتبته اعلاه

Quote: انا عضو مجلس رابطة الهلال في الدوحه

عمر بوب انت بطبعك رايحة ليك عضوية روابط
جيب باقي اسماء الرابطة
وعلى من انقبتلوا كيف
حدث ذلك

Quote: عمر بوب انت بطبعك رايحة ليك عضوية روابط

اسع يابدر الدين الكلام الفوق ده انا افهم منو شنو؟
انا ما عندي موضوع ولا عندي حياة تانيه عشان كده اي رابطه جديده ان طوالي اجري اكون عضو فيها
طيب مادام ما بقيت محلل نفسي تعرف طباع الناس و تركيبتهم النفسيه ومنو رايح ليهو شنو تم جميلك واكتب لي الروابط الانا عضو فيها عشان اعرفها كم, يمكن فعلا اكون بطبعي رايحه لي عضوية روابط

Quote: جيب باقي اسماء الرابطة وعلى من انقبتلوا كيف حدث ذلك

يا سيدي انت من اتهمت الناس وشككت فيهم انت المطلوب منك انك تجيب اسماء رابطه الهلال وتجي تثبت عنهم الكلام ده

Quote: هي حقت المؤتمر الوطنى واشباه الرجال فاقدى اللون والطعم وتفوح منهم كل الروايح الكريهة والمواقف الجبانة والكوزنة المبطنة

انت عايز ترمي التهم جزافا وتتنصل من مسؤلية اثبات التهم وعايز الناس تجيب ليك اسماء الرابطه. انت لمن كتبت الكلام ده مش عارف من هم اعضاء رابطه الهلال قردا فردا و انو وصفك القبيح الكتبتو ده ينبطق عليهم تماما
قاتل الله تقافة التلفزيون التي جعلت الكل يعتمد علي المعلومات الشفاهيه ويعيد تدويرها كانها مسلمات دون ان يكلف نفسه عناء البحث

Quote: اسعار التذاكر 70 ريال 50 ريال

نسبتك كم يا معتز؟

ماتنسي اخوك!!!