Post: #1
Title: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: humida
Date: 01-30-2010, 01:40 PM
اصبح أمر انضمام ( حبوبتي ) الي هذا المنبر أمر ضروري جدا بالنسبة لي ..
ياخي انا بقيت حاسـي اني وحيد ..
كل زول جايب قريبه معاهو ..
تتكلم كلمتين مع زول يجيب ليك ولده .. الهند تفوز علي سلنغور واحد يجيب ليك خاله ..
تتناقش مع تلاتة اربعة انفار .. الولية تجيك جارية شايلة ليك الكمشـة .. تقول ليك مالك مع اولاد عمي ..
دعوات السودان الجديد تحتم علي المنبر المساواة بين الناس في صلة الرحم .. و تقسيم البوستات ذي الخطة السكنية ..
كل تلاتة اولاد عم يمشوا يقدموا مع بعض يدوهم بوستات جنب بعض ..
قريبي الوحيد في هذا المنبر ياسر بيناوي .. طلع مصاب بتقرير طبي و عندو وجع قلب و جنه حمام ميت ..
تسجيل ( حبوبتي ) في خانة ياسر بيناوي تقتضيه المرحلة .. داخلين علي انتخابات و كمية من الهرطقة النضالية ..
اقول يا منو انا .. حتي ابو مروة طلع قريب هناي المعفن داك ..
انا حزين .. 
|
Post: #2
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: مزمل خيرى
Date: 01-30-2010, 01:53 PM
Parent: #1
نرحب بحبوبة الزميل حميدة فى المنبر العام ..
بس ماقلت لينا هى عمرها كم .؟
|
Post: #3
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: أبو عبيدة البصاص
Date: 01-30-2010, 01:58 PM
Parent: #2
Quote: نرحب بحبوبة الزميل حميدة فى المنبر العام ..
بس ماقلت لينا هى عمرها كم .؟ |
يامزمل من باب المساواه في التزكيه الملح
أرجو عدم التعسف في طلب التقرير الطبي والعمري
لحبوبة حميده عليه قثط عليك بالتزكيه
ونحنا من موقعنا هذا في سابقه قضائية
وتماشياً مع احكام المحكمة الدستورية نطالب القياده العليا
بمنح حبوبة حميده بطاقة عضوية
البصاص
|
Post: #4
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: humida
Date: 01-30-2010, 02:00 PM
Parent: #2
| Quote: بس ماقلت لينا هى عمرها كم .؟ |
الاعمار بيدالله .. ما في داعي تحرج المدام ..
بس يعني بالزبط كدا في ناس دفعتها كتار هنا .. و هو ما شجعها علي قبول طلب العضوية ..
قالت لي زمن والله .. بالله الناس دي حية لحدي هسع ..
..
..
|
Post: #5
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: humida
Date: 01-30-2010, 02:07 PM
Parent: #4
| Quote: وتماشياً مع احكام المحكمة الدستورية نطالب القياده العليا بمنح حبوبة حميده بطاقة عضوية |
دا الكلام .. ما في حاجة في لوائح المنبر اتكلمت في حتة العمر ..
حبوبتي عندها موبايل 3.5G سوني اريسكون .. و الشريحة سـوداني ون ( خط مفتوح ) .. تقدر تواكب المنبر ..
و هسع دي برسـل ليها كاميرا ستاتية ذي كاميرة التكينة .. اخليها تسترزق ليها كم صورة كدا و هي في طريقها الي ( الجزر ) ..
مع شـوية معلومات مغلوطة + ربع كيلو من يا ايها الاوغاد .. و الله سارة عيسي زاتها ما تسأل فيها ..
انتو قايلين شنو ..
..
..
|
Post: #6
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: محمد عمر جبريل
Date: 01-30-2010, 02:18 PM
Parent: #5
عليك الله بالمرة كدة خليها تجيب بعلها معاها ..
عشان إنت ما علك تكل .. عادي في أي لفة ممكن تتغابا فيها العرفة
..
لو الإثنين رفضو ..
ما مشكلة قدم طلب ممكن تلقى زول يتحفدنك إسفيريا
(يتحفدنك ) دي على وزن يتبناك
|
Post: #7
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: humida
Date: 01-30-2010, 02:22 PM
Parent: #6
محمد عمر ياخي انا بعرفك .. تكون قريبي انت .. 
|
Post: #8
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: محمد عمر جبريل
Date: 01-30-2010, 02:33 PM
Parent: #7
ده شنو الحنك الضارب ده ؟؟
أنا زي البعرفك .. إتلاقينا وين قبل كده ..
أخوك الكبير اسمو فلان ..
.....
يالمناسبة حبوبتك دي عندها أكاونت في الفيس بوك وللا لأ؟؟
|
Post: #10
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: أبو عبيدة البصاص
Date: 01-30-2010, 02:49 PM
Parent: #8
Quote: ده شنو الحنك الضارب ده ؟؟
أنا زي البعرفك .. إتلاقينا وين قبل كده ..
أخوك الكبير اسمو فلان ..
.....
يالمناسبة حبوبتك دي عندها أكاونت في الفيس بوك وللا لأ؟؟ |
ود عمر جبريل
شنو الحنك الحامض ده
هو ذاتو حميده اتلوم قبيل قلنا ليهو اوعه تتواضع
بتنضرب على قفاك (المديده حااااااره)
وتاني شنو الاستلاب ده ؟؟؟؟
فيس بوك قال !!!!!!!!!
حبوبتو عندها دكان ناصية
واي شمار في الحته والحتات المجاوره بجيها لحد عندها
يعني تلفونه السمح داك اتجاه واحد شارع الجامعه بس
معا لمنح حبوبة حميده بطاقة عضوية
البصاص
|
Post: #12
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: محمد عمر جبريل
Date: 01-30-2010, 03:05 PM
Parent: #10
يا بصاص.. سلامات
| Quote: فيس بوك قال !!!!!!!!! |
طيب ممكن في الـ MIRC
وللا أقول ليك تتذكر الـ ICQ بتاع زماااااان داك
|
Post: #9
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: osman abdala
Date: 01-30-2010, 02:37 PM
Parent: #7
| Quote: الهند تفوز علي سلنغور |
جيت ماليزيا نفعتك يا مان
|
Post: #11
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: humida
Date: 01-30-2010, 03:01 PM
Parent: #9
| Quote: يالمناسبة حبوبتك دي عندها أكاونت في الفيس بوك وللا لأ |
لا شــغالة هاي فايف هزاز .. و مرات مرات تويتر كدا لمن البن يكون كعب ..
..
..
|
Post: #13
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: humida
Date: 01-30-2010, 03:09 PM
Parent: #11
| Quote: معا لمنح حبوبة حميده بطاقة عضوية |
دي النجيضــة ..
|
Post: #14
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: ashraf mukhtar
Date: 01-30-2010, 03:28 PM
Parent: #13
حاجه البقيع شخصية محترمة من الجميع
الصغير قبل الكبير
|
Post: #15
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: Tumadir
Date: 01-30-2010, 03:43 PM
Parent: #14
اثنى
البقيع جارتى ...زمان ..
السيدة ست الراى
شالت معاى همومى وحضنت معاى جناى
اتقاسمنا لقمة وشربنا فنجان شاى
بنوتك حبيباتى ، صديقات جيرتى ...شيتن بعرفو براى
نفاج ما بنقفلو ..وقلوبنا صافية نضيفة تنط
للضحكة والكاواى
...
يا حليل الزمن ..فرقنا ..اسكتو ساى
-------------------------------------------------
بالله سلم عليهم شديد ...خالتى البقيع وبناتها ووليداتها بدون فرز
"لكن الرماد وليد النار ....والشق فى المثل حساى" البيت الاخير ده لعناية صاحب البوست ،( ابتسامة غامضة)
|
Post: #16
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: عمران حسن صالح
Date: 01-30-2010, 03:58 PM
Parent: #15
___________________
حموضتكـ قلًت اليومين ديل !!
مالكـ ؟؟
|
Post: #17
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: أبو عبيدة البصاص
Date: 01-30-2010, 04:04 PM
Parent: #16
Quote: حموضتكـ قلًت اليومين ديل !!
مالكـ ؟؟ |
عمران حبيبنا الزول ده الايام دي
عامل نيو لوك ما تخربو ليهو
اصلو قالوا الحماضه بتاور مره مره
حلينا في حبوبته
خوفي بكره ود الصايم يترشح للانتخابات
احب قندهار انا
البصاص
|
Post: #18
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: humida
Date: 01-30-2010, 05:20 PM
Parent: #17
| Quote: بالله سلم عليهم شديد ...خالتى البقيع وبناتها ووليداتها بدون فرز |
الخالة تماضر ..
جاء ترشيحنا لحبوبتنا العزيزة .. كون رأيها ما بقع الواطة ..
قبل فترة سألتها عن رايها في ما فعلته حكومة الانقاذ في البلد .. بعد الديمقراطية الثالثة ..
قالت لي البلد دي كانت ماشة كويس .. لكن بعد الانقاذ بقت ذي ( الحلة ) الخلاص دايرة تتسبك .. قاموا ادوها ( كوز ) موية ..
في الانتفاضة ( ضد حكم نميري ) وجدتها في ( شقلبان ) .. تطلق الزغاريد و توزع في الحلاوة .. كون نميري كان ساجن اخوها ( احمد الحسين ) ..
كان ضمن ضباط انقلاب هاشـم العطا .. و تم الافراج عنه بعد الانتفاضة ..
اطلقت مصطلح جديد في الدارجة السـودانية .. يعبر بصراحة عن حال عساكر الجيش في كشات الإلزامية .. و هو لفظ ( الناس ديل متزعبطين في خلق الله كدا ليه ) ..
اعلن ترشحها لرئاسة الجمهورية من خلال تصريحها الخطير .. ( و الله البلد دي كان حكمتها انا اخير ليكم من الناس ديل ) ..
بس ما قدرنا نجمع العدد المطلوب للتذكية .. لانه جاراتها داخلين معاها في صندوق و قالوا كان بقت رئيسة بتأكل حقهم ..
..
..
بالنسبة للجزء المتعلق بصاحب البوست .. لا املك ألا ان اقول .. الاصل ثابت و الفرع في السماء ..
|
Post: #19
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: humida
Date: 01-30-2010, 05:25 PM
Parent: #18
| Quote: حاجه البقيع شخصية محترمة من الجميع الصغير قبل الكبير |
ابوالشوش .. حبوبتك البقيع .. شخصية قيادية ..
و الحال دا طبعا ما كان عاجب جدي ( رحمة الله عليه ) .. كون جميع من في الحلة كان يطلق علي بيتنا ( بيت ناس بقيع ) ..
و الحكاية دي كانت حارقاهو شديد ..
في مرة من المرات جا ماري قدامه يونس المطوفش .. رفع يده و قال ليهو .. ( ازيك يا حاج بقيع ) ..
رد عليهو ( بقيع يا ابن الكلب ) ..
ومشى عمل ليهو يافطة كتب فيها .. ( منزل عبدالكريم محمد عبدالله و اولاده ) ..
|
Post: #20
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: humida
Date: 01-30-2010, 05:29 PM
Parent: #19
| Quote: حموضتكـ قلًت اليومين ديل !! مالكـ ؟؟ |
بنوم بدري .. !!
|
Post: #21
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: Huda AbdelMoniem
Date: 01-30-2010, 05:40 PM
Parent: #19
ابصم بالعشرة لمنح خالتى البقيع SOL membership
دى ما ساهلة الحضنة جنى تماضر و بتقاسم الهموم مع الجميع
وجودها مهم شديد
انا اول الناس محتاجة ليها
I support
سلامى واحترامى ليها ونحن فى انتظارها
|
Post: #22
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: الطيب شيقوق
Date: 01-30-2010, 06:04 PM
Parent: #21
حميدة
ازيك
حبوبة البقيع بتكتب براها ع الكي بورد ولا بتصحي احفادها من النوم يردوا ليها ؟
مراحب بجبوبة بقيع اما روحية لهذا المنتدى
|
Post: #23
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: humida
Date: 01-30-2010, 06:10 PM
Parent: #22
شيقوق الحبيب ..
| Quote: اما روحية لهذا المنتدى |
انت قايلا البقيع فريدريك إنجلز ..
|
Post: #24
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: ابو جهينة
Date: 01-30-2010, 06:39 PM
Parent: #23
حبوبتك دي من إسمها كدة الظاهر تبع حزب الله ولا حماس ... و لو أدوها باسويرد يبقى لازم تجي سيمون و لو جات سيمون لازم حزب الخضر و حليقي الرؤوس الألمان و الحكاية حتتوسع أوي
غايتو رغم التخوف ... أثني
|
Post: #25
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: الطيب شيقوق
Date: 01-30-2010, 07:54 PM
Parent: #24
| Quote: انت قايلا البقيع فريدريك إنجلز .. |
وحاة الله يا حميدة ولدى حبوبة البقيع دى ما ساعلة حتى في اليزابيس ذاتها
|
Post: #26
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: ياسر بيناوي
Date: 01-31-2010, 09:53 AM
Parent: #25
Quote: قريبي الوحيد في هذا المنبر ياسر بيناوي .. طلع مصاب بتقرير طبي و عندو وجع قلب و جنه حمام ميت ..
تسجيل ( حبوبتي ) في خانة ياسر بيناوي تقتضيه المرحلة .. داخلين علي انتخابات و كمية من الهرطقة النضالية ..
|
دي مصيبة شنو دي حميدة ياسر بيناوي يطلع قريبك الوحيد في المنبر
كمان عايز يبقي ممثلكم في البرلمان
والله غايتو جنس شقاوة
علي العموم حبوبتنا البقيع مافيها كلام وتستاهل 10 باسووردات
لكن ان داير نصيحتي جيب عمتك دي بتحل المشكلة تماما
وتاني زول بهبشنا مافي
علي العموم كامل تضامني مع حبوبتنا البقيع في محنتها
خالص الود
سيناتور بيناوي
|
Post: #27
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: محمد عبدالله مختار
Date: 01-31-2010, 09:59 AM
Parent: #26
Quote: عليك الله بالمرة كدة خليها تجيب بعلها معاها ..
عشان إنت ما علك تكل .. عادي في أي لفة ممكن تتغابا فيها العرفة |
|
Post: #28
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: humida
Date: 01-31-2010, 11:30 AM
Parent: #27
| Quote: لكن ان داير نصيحتي جيب عمتك دي بتحل المشكلة تماماوتاني زول بهبشنا مافي |
يا زول انت داير تعمل لينا تراجي تانية في المنبر دا ..
و الله تاني اسرائيل دي مش تبقى علاقة صداقة بس .. بتمشي تعرس منهم عديل .. و تمسك ليك العوض المسلمي تدق بيهو الواطـة ..
بس أكيد أكيد ما حتقدر تعمل تفاعل محوري مع دينق .. جنها و جن اوزون و السحسحة بتاعت دينق دي ..
..
..
|
Post: #29
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: ياسر بيناوي
Date: 01-31-2010, 04:50 PM
Parent: #28
Quote: يا زول انت داير تعمل لينا تراجي تانية في المنبر دا ..
و الله تاني اسرائيل دي مش تبقى علاقة صداقة بس .. بتمشي تعرس منهم عديل .. و تمسك ليك العوض المسلمي تدق بيهو الواطـة ..
بس أكيد أكيد ما حتقدر تعمل تفاعل محوري مع دينق .. جنها و جن اوزون و السحسحة بتاعت دينق دي .. |
عشان كدة قلنا دايرنها
خالص الود
|
Post: #30
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: walid taha
Date: 02-01-2010, 05:20 AM
Parent: #1
حميدة إزيك
حبوبتك دى أحسن تعمل ليها إجراءات حج السنة دى بدل اورنيك العضوية الذى الذى لا يسمن ولا يغنى عن جوع
التحية عبركم للحبوبة البقيع
|
Post: #31
Title: Re: أورنيـــك طلب عضـوية لحبوبتي ( البقيع الحسن الحسين ) .. شكرا يا باشمهندس بكري ..
Author: humida
Date: 03-02-2010, 03:03 PM
Parent: #30
وليد طه ..
الحبوبة البقيع حجت بحمد لله تلاتة مرات .. بس توجهاتها العلمانية بتخليها كل مرة تشبكنا .. ( الفايدة شنو من التلتلة دي .. الله دا ما في اي حتة ) ..
في واحدة من المرات ( لكزها ) واحد من اخوانا في ( نيجيريا ) .. غايتو طرشتو ليك كمية من الفارغة .. لحدي هسع الزول دا بكوس ليهو في مترجم ..
..
..
|
|