بيض الصفائح لا سود الصحائف في متونهن جلاء الشك والريب

السيف أصدق أنباءً من الكتب ** في حدّه الحد بين الجد واللعب
بيض الصفائح لا سود الصحائف في ** متونهن جلاء الشك والريب
والعلم في شهب الأرماح لامعةً ** بين الخميسين لا في السبعة الشهب
أين الرواية؟ أم أين النجوم؟ وما ** صاغوه من زخرف فيها ومن كذب
تخرصًا وأحاديثا ملفقة ** ليست بنبع إذا عُدّت ولا غرب
عجائبا زعموا الأيام مجفلة ** عنهن في صفر الأصفار أو رجب



ياخي الابيات دي من قصيدة ابو تمام عاجباني جدا , كل ما اقراها ولا اصادفها ولا اتذكرها يجيني احساس باني المفروض اطلع مظاهرات ولا اعمل شغب ولا اي حركة

من صحيت من الصباح الابيات دي معلقة معاي وحاسي بروح معنوية وشجاعة ادبية , المشكلة مافي احداث جارية تواكب الروح المعنوية الجواي دي

Quote: المفروض اطلع مظاهرات ولا اعمل شغب ولا اي حركة

تترشح كيف ؟


والله حركة اترشح دي
كيفتني في كنكوجي
فطست بيها ناس كتار خلاس
خاصة المغتربين

Quote: تترشح كيف ؟

يا وليد اترشح بتاع فنايل الساعة كم , الواحد يقول ليك روح معنوية تقول ليهو انتخابات والبشير وعرمان ومجلس وطني , ياخ اقول ليك معنويات تجيب لي جرايد من مهلهلة من زمن اخبارها انتهت او علي قول الشاعر الجهبز ؟
بعدين يالصالح انت قايل الترشيح دا ونسة منابر , يا النايم علي حيلك اصحي , دي مسؤلية امام شعب وضمير ومسئولية عظمى امام رب العباد , والله يا وليد لو فزت في دائرتك دي تتزرزر جنس زرزرة والبوستات دي كلها تطلع ليك من كنكوجك زي الدبابيس , ما واعي يا صديق انت لسع لما بعد الفوز , شوارع ظلط مدارس مستشفيات مساسكة وزراء وزارة مالية مرتبات مدرسين محليات بتبلع مشاكل احياء مشاكل اسرية مشاكل امن مشاكل امانه حملها خزي وندامة , دا غير الزرزرة بتاعة بعدين وانت واقف صاغر امام رب العباد عن المراة الفي دائرتك انزلقت ووقعت في الخور , والركشة الدخلت في قندران , والحرامي الضبح سيد البيت والناس نيام وعييييييييك كله تسأل منه ويا اريتك بتقدر تقعد تتلفت .
فرحانين بالترشيح والبدل الجديدة وناسين مستحقات ما بعد الخدمة
انا كصديقك وزول بتهمني مصلحتك بتمني انك ما تفوز

Quote: المشكلة مافي احداث جارية تواكب الروح المعنوية الجواي دي

علم التنمية البشرية الحديث بقول ليك: ان لم تجد الاحداث التي تواكب روحك المعنوية..... فأصنعها.



اول زول تلاقيهو قدامك ....... اقشطو كف!

Quote: اول زول تلاقيهو قدامك ....... اقشطو كف!

أما... اقشط منو يا الحبيب

ما طلعت من البيت الليلة الا علي صلاة الجمعة , اول زول قابلته الامام !!؟
بعد داك اتصل علي المدير بتاعة الشركة مسافر رحلة عمل وعنده شوية اوراق معاي برضو دا اول واحد قابلته بعد الامام ؟
تقول لي اقشط ؟؟
انت داير تكسر كرونتي ولا شنو ياناصر

Quote: فرحانين بالترشيح والبدل الجديدة وناسين مستحقات ما بعد الخدمة انا كصديقك وزول بتهمني مصلحتك بتمني انك ما تفوز

والله معز عمر بخيت ما خاتي عليكم

ياخ خلينا من ابوتمام والعصر العباسي ولا الاموي ماعارف
خش لينا في الشعر الحديث واتكلم لينا عن الشاعر عمر ابي ريشة
وشوف لينا لو عندو قصائد عن الطيور او نحو ذلك
فترنا نحن من البيض والصفائح والابراج عموما
تحياتي

يا وهبة عمر ابي ريشة دا كلامه معنويات وبطلع مظاهرات ولا بتاع جناين وقلوب وزهور ؟ كمان ما يطلع بتاع رادكالية وفيسلوجيا الشعوب والحنك النصه موية داك؟

الاخ عضو البورد اســاسي الرومانسي ..

تحيه طيبه وبعد ..

لغد تشرفتوا كسيرا جدا بي غرائتي الغصيدتي اعلاهو .. ولاكينني لم اعي مازا تغصيد من هازا يا هازا ..؟؟
يبدو ان الدليلا غد حار بيكا ولم تعود تعي مازا تكتوب او مازا تغول , لزا , وحيرصا على الباندويس
وعلى مراراتنا من الفقع , ارجو من الباشموهنديس حزف هازا البوست الانصيرافي ..

ودومتا سالما ..

Quote: ياخي الابيات دي من قصيدة ابو تمام عاجباني جدا , كل ما اقراها ولا اصادفها ولا اتذكرها يجيني احساس باني المفروض اطلع مظاهرات ولا اعمل شغب ولا اي حركة

اكشنها...... في جدة...

8 فبراير2010

MBC ACTION

Quote: من صحيت من الصباح الابيات دي معلقة معاي وحاسي بروح معنوية وشجاعة ادبية , المشكلة مافي احداث جارية تواكب الروح المعنوية الجواي دي

الحتة دي فيها احساس (المعرض)


و بابنا فاتح في بابو

Quote: يا وهبة عمر ابي ريشة دا كلامه معنويات وبطلع مظاهرات ولا بتاع جناين وقلوب وزهور ؟

ابداً لا هذا ولا ذاك
دا الشاعر بتاع قصيدة (العقاب الهرم)

يا اساسي كلما خطر ببالي قول الشاعر وهو يمدح

بيض الوجوه كريمة احسابهم شم الانوف من الطراز الاول

تخيلته وهو يذم

سود الوجوه وضيعة احسابهم فطس الانوف من الطراز الاخر

حسان ابن ثابت

فى ذمتك لاقاك عنصري فنان اكتر من ده

اليك القصيده كامله


أسَألتَ رَسْمَ الدّارِ أمْ لَمْ تَسْألِ بينَ الجوابي، فالبُضَيعِ، فحَوْمَلِ
فالمرجِ، مرجِ الصفرينِ، فجاسمٍ، فَدِيَارِ سلْمى ، دُرَّساً لم تُحلَلِ
دمنٌ تعاقبها الرياحُ دوارسٌ، والمدجناتُ من السماكِ الأعزلِ
دار لقوم قد أراهم مرة فوقَ الأعزة ِ عزهمْ لمْ ينقلِ
لله دَرُّ عِصَابَة ٍ نادَمْتُهُمْ، يوْماً بجِلّقَ في الزّمانِ الأوَّلِ
يمشونَ في الحُللِ المُضاعَفِ نسجُها، مشيَ الجمالِ إلى الجمالِ البزلِ
الضّارِبُون الكَبْش يبرُقُ بيْضُهُ، ضَرْباً يَطِيحُ لَهُ بَنانُ المَفْصِلِ
والخالِطُونَ فَقِيرَهمْ بِغنيّهِمْ، والمُنْعِمُونَ على الضّعيفِ المُرْمِلِ
أوْلادُ جَفْنَة َ حوْلَ قبرِ أبِيهِمُ، قبْرِ ابْنِ مارِيَة َ الكريمِ، المُفضِلِ
يُغشَوْنَ، حتى ما تهِرُّ كلابُهُمْ، لا يسألونَ عنِ اليوادِ المقبلِ
يسقونَ منْ وردَ البريصَ عليهمِ بَرَدَى يُصَفَّقُ بالرّحِيقِ السَّلسَلِ
يسقونَ درياقَ الرحيقِ، ولمْ تكنْ تُدْعى ولائِدُهُمْ لنَقفِ الحَنْظَلِ
بِيضُ الوُجُوهِ، كريمَة ٌ أحسابُهُمْ، شُمُّ الأنوفِ، من الطّرَازِ الأوّلِ
فَلَبِثْتُ أزْماناً طِوَالاً فِيهِمُ، ثمّ ادّكَرْتُ كأنّني لمْ أفْعَلِ
إمّا تَرَيْ رأسي تَغَيّرَ لَوْنُهُ شَمَطاً فأصْبَحَ كالثَّغامِ المُحْوِلِ
ولَقَدْ يَرَاني مُوعِدِيَّ كأنّني في قَصْرِ دومَة َ، أوْ سَواءَ الهيْكلِ
ولقد شربتُ الخمرَ في حانوتها، ضهباءَ، صافية ً، كطعمِ الفلفلِ
يسعى عليَّ بكأسها متنطفٌ، فيعلني منها، ولوْ لم أنهلِ
إنّ الّتي نَاوَلْتَني فَرَدَدْتُها قُتِلَتْ، قُتِلْتَ، فهاتِها لم تُقتَلِ
كِلْتاهُما حَلَبُ العَصيرِ فَعَاطِني بِزُجاجَة ٍ أرْخاهُما للمِفْصَلِ
بِزُجاجَة ٍ رَقَصَتْ بما في قَعْرِها، رَقَصَ القَلوصِ براكبٍ مُستعجِلِ
نسبي أصيلٌ في الكرامِ، ومذودي تَكْوي مَوَاسِمُهُ جُنوبَ المصْطَلي
وَلَقَدْ تُقلّدُنا العَشِيرَة ُ أمْرَها، ونَسُودُ يوْمَ النّائبَاتِ، ونَعتَلي
ويسودُ سيدنا جحاجحَ سادة ً، ويصيبُ قائلنا سواءَ المفصلِ
ونحاولُ الأمرَ المهمَّ خطابهُ فِيهِمْ، ونَفصِلُ كلَّ أمرِ مُعضِل
وتزورُ أبوابَ الملوكِ ركابنا، ومتى نحكمْ في البرية ِ نعدلِ
وَفَتًى يُحِبُّ الحَمدَ يجعَلُ مالَهُ من دونِ والدهِ، وإنْ لم يسألِ
باكرتُ لذتهُ، وما ماطلتها، بِزُجاجَة ٍ مِنْ خَيْرِ كرْمٍ أهْدَلِ

والله يا طلحة دي عنصرية مؤسسة وراكزة , قال الكلام بدون ما يكتب حرف , انت المثل بتاع اليك واسمعي يا جارة دا مثل حديث ولا بتاع جاهلية ؟

وشوفه هنا :
دار لقوم قد أراهم مرة فوقَ الأعزة ِ عزهمْ لمْ ينقلِ
لله دَرُّ عِصَابَة ٍ نادَمْتُهُمْ، يوْماً بجِلّقَ في الزّمانِ الأوَّلِ
عليك الله ما كانك بتقرأ المقابل :
دار لقوم اراهم دائما تحت الاعزة , ذلهم في تنقل
قبح الله عصابة غشيتهم , يوما بحلق الزمان الاخر

Quote: دا الشاعر بتاع قصيدة (العقاب الهرم)

ايوة عارفه ياخ دا بتاع صاحبنا داك عليك الله شوف جدعته دي :

نـسل الـوهن مـخلبيه وأدمت مـنـكبيه عـواصف الـمقدور

تصدق انا اتخيلته ليك كانه كتب البيت ابان زيارته لمدينة ( النعيمة ) علي اهداب النيل الابيض


شفت جدعة اهداب دي قوية كيف؟
والله دي في العبرية ما اتجدعت

Quote: الحتة دي فيها احساس (المعرض) و بابنا فاتح في بابو

هوي يا ناصر ركز علي (الغرض) الغرض يا ناصر وعليك بالمتن ولا تسهب فيما دون ذلك فتحرفنا عن مسارنا ونبقا لافين داير ما يدور

Quote: اكشنها...... في جدة... 8 فبراير2010 MBC ACTION

عادل امين الزمان

يبدو ان هذا حل ولكن يحتاج مني الي بعض تجهيزات لاكون فاعل في هذا الحدث الاكشن

اولا لابد لي من ان اقوم بتربية شعري علي طريقة الكدش , وهو لمن لا يعرفونه الخنفس بتاع اعمامك في السبعينات بس بطريقة مبهدلة اكتر





وثانيا بحاجة الي تعلم بعض حركات الهيب هوب و كم جدعة بتاعة راب

وانت عارف اخوك ما فيهو ركب تتحمل الكلام دا كله , بالاضافة لانه حتي لو عملت الحاجات دي كلها ما اظن تكون في معنويات تطلعني مظاهرة بعدها

خيرها في غيرها .

Quote: يبدو ان الدليلا غد حار بيكا ولم تعود تعي مازا تكتوب او مازا تغول

الاخت داليا كباشي
امثل قول الشاعر:
دم الكـتابـة في أقـلامنا نشـفت عروقه وامتطى أقلامنا سأمُ

اساسي

سلام


تعال الميدان الغربي اصلو انت زول قاتل والقتل مابتخليهو


انا من ما قريت الابيات عرفت الحاصل ليك شنو

بدل تعمل كارثة في السعودية ويضايقو المساكين ساكت

انزل دارفور

ويتبعني كديس الميتافيزيغياء
حدد التابع والمتبوع
وبينهما طازج

Quote: تترشح كيف ؟ والله حركة اترشح دي كيفتني في كنكوجي فطست بيها ناس كتار خلاس خاصة المغتربين

الله يغيظك ياعمر الفااااروق كنكجت الدنيا المنبرية

سلام ياصحابي عموما اي حضارة يتكلم عنها الشاعر



...........................................حجر.

اساسي الأساس

هذا رد صديق الكل قوقل حول اياك اعنى فاسمعى يا جاره



يُضْرَب هذا المثل لمن يتكلم بكلام يريد به شيئًا آخر غير ظاهره.

وأول من قال ذلك هو سهل بن مالك الفزاري، وكان قد خرج يريد الملك النعمان بن المنذر، فمرَّ ببعض أحياء طي فسأل عن سيد الحي فقيل له هو حارثة، فقصده فلم يجده، ولكنه وجد أخته فقالت له: "انزل على الرَّحب والسَّعة"، وكانت أجمل أهل زمانها، فوقع في نفسه منها شيء، وحار كيف يخاطبها فجلس بفناء المخيم يومًا، وهي تسمعه وراح يقول:

يا أخت خير البدو والحضارة

كيف ترين في فتى فزارة

أصبح يهوى حرة معطارة

"إياكِ أعني فاسمعي يا جارة"

فلما سمعت عرفت أنه يقصدها فقالت: ما هذا بقول ذي عقل أريب، ولا رأي مصيب، فأقم ما أقمت مُكرَّمًا، ثم ارتحل ما شئت مسلمًا

ويقال إنها أجابته شعرًا:

إني أقول يا فتى فزارة

لا أبتغي الزوج ولا الدعارة

ولا فراق أهل هذي الجارة

فارحل إلى أهلك باستخارة

أَ

اساسي الأساس

هذا رد صديق الكل قوقل حول اياك اعنى فاسمعى يا جاره



يُضْرَب هذا المثل لمن يتكلم بكلام يريد به شيئًا آخر غير ظاهره.

وأول من قال ذلك هو سهل بن مالك الفزاري، وكان قد خرج يريد الملك النعمان بن المنذر، فمرَّ ببعض أحياء طي فسأل عن سيد الحي فقيل له هو حارثة، فقصده فلم يجده، ولكنه وجد أخته فقالت له: "انزل على الرَّحب والسَّعة"، وكانت أجمل أهل زمانها، فوقع في نفسه منها شيء، وحار كيف يخاطبها فجلس بفناء المخيم يومًا، وهي تسمعه وراح يقول:

يا أخت خير البدو والحضارة

كيف ترين في فتى فزارة

أصبح يهوى حرة معطارة

"إياكِ أعني فاسمعي يا جارة"

فلما سمعت عرفت أنه يقصدها فقالت: ما هذا بقول ذي عقل أريب، ولا رأي مصيب، فأقم ما أقمت مُكرَّمًا، ثم ارتحل ما شئت مسلمًا

ويقال إنها أجابته شعرًا:

إني أقول يا فتى فزارة

لا أبتغي الزوج ولا الدعارة

ولا فراق أهل هذي الجارة

فارحل إلى أهلك باستخارة

أَ