Post: #1
Title: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 07:36 AM
Parent: #0
كنت قد كتبت بوستا سابقا عن مباراة مصر والجزاير بالخرطوم..
تمنيت لو كانت مباراة الخرطوم الحاسمه بالاربعاء بين ز... رواندا مع مصر ...
وتكرر المشهد ليلة البارح بين مصر والجزاير في نهائي كاس افريقيا..
شاهدت المباراه بكل برود ولايهمني كثيرا فيمن سيتاهل ...
ولكن الشهاده لله مصر هي الاجدر بالفوز مع بعض التحفظات علي الحكم...
مباراة غانا مع مصر في النهائي وبكل وضوح ...
غانا وبس...
|
Post: #2
Title: Re: في مباراة الكاس مع غانا ولا الخيانه؟؟
Author: Elhadi
Date: 01-29-2010, 07:46 AM
Parent: #1
غانا سخانة يا فردة ..
أكيد مع غانا طبعاً .. ودي عاوزة ليها كلام ..
الحلب ديل انا زاتي ما عارف الناس ممكن تشجعهم كيف ؟؟
|
Post: #3
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 07:51 AM
Parent: #2
Quote: غانا سخانة يا فردة ..
أكيد مع غانا طبعاً .. ودي عاوزة ليها كلام ..
الحلب ديل انا زاتي ما عارف الناس ممكن تشجعهم كيف ؟؟ |
الهادي يافردة فعلا غانا سخانه.. وكانت حتكون سخانه اكتر لو لا اصابة مايكا اسيان وسولي مونتاري..
غانا وبس .. تشكر للمرور
|
Post: #7
Title: Re: في مباراة الكاس مع غانا ولا الخيانه؟؟
Author: Gaafar Ismail
Date: 01-29-2010, 08:14 AM
Parent: #3
الحبيب خليفة
في اعتقادي الفريق المصري افضل فريق حتى الآن والمصريين بلعبو كورة حلوة + هم جيران يستحقون أن نشجعهم.... في النهاية الفوز للذي يلعب أحسن.
تحياتي ومودتي
|
Post: #8
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 08:24 AM
Parent: #7
العم جعفر اسماعيل .. التحايا لك واهل اليابان ..
Quote: الحبيب خليفة
في اعتقادي الفريق المصري افضل فريق حتى الآن والمصريين بلعبو كورة حلوة + هم جيران يستحقون أن نشجعهم.... في النهاية الفوز للذي يلعب أحسن.
تحياتي ومودتي |
شكرا لمرورك ورايك جدير بالاحترام .. ولكن غانا ليست بالفريق السهل ولهم خط دفاع صلب
يعني ممكن جدا الغانين يحرزوا الهدف الاول ويقفلوا علي كدا كما حصل مع انغولا ونجيريا..
عموما نتمني ان نري مباراه جيده ونحن بنقول غانا وبس ..
تقديري
|
Post: #4
Title: Re: في مباراة الكاس مع غانا ولا الخيانه؟؟
Author: عبدالكريم الامين احمد
Date: 01-29-2010, 07:53 AM
Parent: #1
هلا يا اسامة
وداير النصيحة اخوك حصل ليهو استلاب مصري عجيب (لذا يا ناس الحقوني ببشاشا) لوووول..
في ديربي مصر والجزائر الشهير الذي انتهي في الخرطوم كنت واقف جن احمر في صفوف محاربي الصحراء..
والبطولة دي قبل ما تبداء كانت توجيهات الكوتش التشيجعي الداخلي بتاعي واضحة (تشجيع مصر نهيييي)..
ودخلت معول علي ساحل العاج والكاميرون كاتيام اساسية..
ولكن حصلت تطورات دارموتشجيعية ومستوي مصر في هذه البطولة (النصيحة لله وماعليك مدسة) عجبني ولفتت كورتهم نظري..
الاولاد النصيحة لاعابين وصغار وحسن شحاتة عمل شغل ليس امام اي كورنجي الا ان يحترمه ويقدره...
تكتيك
وتبديلات في التنك...
والسجدة زاااتها بصورة (عندها شغل سحري كونها تهابش الوعي الديني بتاع دفاعنا الاسلامي الاساسا مكعكع) لوووووول..
ولكن كل هذه النقة لا تعني الوقوف تماما مع مصر بل حنقعد اما الشاشة للفرجة في كورة ونشجع اللعبة الحلوة ولو فازت مصر بصراحة نقول بالفم المليان تستاهل
|
Post: #5
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 08:05 AM
Parent: #4
هلا بكيكي..
يعني طلعت مع الخيانه ياكيكي..
والسجدة زاااتها بصورة (عندها شغل سحري كونها تهابش الوعي الديني بتاع دفاعنا الاسلامي الاساسا مكعكع)
شفت ياكيكي السجده دي الدجل بروحو.. ياعمي ديل اكبر شعب يحترف الدجل .
فعلا الفريق المصري كان الافضل ليلة امس ولكن لا استبعد ان تكون قد تمت عملية رشوه للحكم
ومصر متعوده ياكيكي ...
| Quote: وداير النصيحة اخوك حصل ليهو استلاب مصري عجيب (لذا يا ناس الحقوني ببشاشا) لوووول.. |
بالله ياكيكي يوم مباراة غانا مصر خليك متذكر موضوع حلايب وستهبال المصرين ..
عشان تقول معانا غانا وبس..
|
Post: #6
Title: Re: في مباراة الكاس مع غانا ولا الخيانه؟؟
Author: عبدالكريم الامين احمد
Date: 01-29-2010, 08:14 AM
| Quote: بالله ياكيكي يوم مباراة غانا مصر خليك متذكر موضوع حلايب وستهبال المصرين .. |
وده فعلا الحال يا اسامة لحالتي دي والكورة الجاية كل ما المصريين ديل يعجبوني لازم اطراء حلايب
والاستهبال التاريخي منذ عهود محمد علي ..
وطبعا ذكرتني قصة السودانين القالو في السعودية وبشجعو بعضهم عشان يدعكوا في الشغل وما يكسلوا
قالو الواحد لمن يكسل من الشغل اخوانه بقولو ليهو يازول هوووي اطري (ابو زيق)
وابوزيق هو البوكسي الشهير
فاخوك يا زول من حسسسع طاري حلايب ام زيق
|
Post: #9
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 08:28 AM
Parent: #6
| Quote: فاخوك يا زول من حسسسع طاري حلايب ام زيق |
والله ياكيكي ضحكتني شديد.. ونحن معاك عشان ام زيق مع غانا..
وغانا وبس..
|
Post: #10
Title: Re: في مباراة الكاس مع غانا ولا الخيانه؟؟
Author: غباشي
Date: 01-29-2010, 08:36 AM
Parent: #9
سلامات يا اسامة
غاتيو لو قاصد بالخيانة دي فريق مصر غايتو استحملوا خيانتنا 
|
Post: #11
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 08:46 AM
Parent: #10
غباشي سلامات..
Quote: سلامات يا اسامة
غاتيو لو قاصد بالخيانة دي فريق مصر غايتو استحملوا خيانتنا |
نحن غايتو مع غانا والما معانا مع الخيانه .. وحتي الخيانه راي اخر نحترمه..
وردد معانا غانا وبس ..
|
Post: #12
Title: Re: في مباراة الكاس مع غانا ولا الخيانه؟؟
Author: غباشي
Date: 01-29-2010, 08:54 AM
Parent: #11
| Quote: وحتي الخيانه راي اخر نحترمه.. |
خلاص سجِّل عندك ... خاين محترم و حلايب سودانية 
|
Post: #13
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 09:57 AM
Parent: #12
| Quote: خلاص سجِّل عندك ... خاين محترم و حلايب سودانية |
سودانية حلايب هي الاهم ..
وبرضو بنقول مع غانا وبس ..
تسلم ...
|
Post: #14
Title: Re: في مباراة الكاس مع غانا ولا الخيانه؟؟
Author: طلحة عبدالله
Date: 01-29-2010, 10:03 AM
Parent: #13
سلامات يا أسامة الخلفية
ويا كيكي ( وحش الأسافير) صغار دي قلبتا فيها هوبة عديل كدا
الصغار ديل اوع يكونوا ناس عم الحضري وأحمد حسن وعبدربه ومتعب
والواد سيد المعوض البلعب باك لفت ..؟؟؟؟؟؟؟؟
عموما الفيك إتعرفت ونحن برانا بنشجع غانا .
|
Post: #15
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 10:24 AM
Parent: #14
طلحه عبدالله .. سلام يازول
Quote: سلامات يا أسامة الخلفية
ويا كيكي ( وحش الأسافير) صغار دي قلبتا فيها هوبة عديل كدا
الصغار ديل اوع يكونوا ناس عم الحضري وأحمد حسن وعبدربه ومتعب
والواد سيد المعوض البلعب باك لفت ..؟؟؟؟؟؟؟؟
عموما الفيك إتعرفت ونحن برانا بنشجع غانا . |
طلحه كيكي دا بكون قاصد وائل جمعه في مسالة صغار السن دي ..
وبعدين اول مره نشجع فريق واحد والله يستر عليه من الوصافه علي وزن وصيفكم داك ..
ومعا ياطلحه غانا وبس ..
|
Post: #16
Title: Re: في مباراة الكاس مع غانا ولا الخيانه؟؟
Author: الطيب عبدالرازق النقر
Date: 01-29-2010, 11:05 AM
Parent: #15
سلام اسامه
يا رب العالمين غانا يارب
تلطش المصريين يارب
في كل ثانية هدفين يا رب
عاوز افش غلي فيهم يا رب
ديل حافرين بينا يا رب
واستخفوا بينا ومحتلين ارضنا...وجاز يولع في النعاج حكامنا
الملكوهم من رقابنا يا رب
|
Post: #17
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 11:11 AM
Parent: #16
الطيب النقر .. سلام
Quote: سلام اسامه
يا رب العالمين غانا يارب
تلطش المصريين يارب |
امين يارب ..
ايدك معانا وردد غانا وبس ..
|
Post: #18
Title: Re: في مباراة الكاس مع غانا ولا الخيانه؟؟
Author: GamarBoBa
Date: 01-29-2010, 11:54 AM
Parent: #17
يا أسامة ازيك
وديل نفتش علمهم وين ونشيدهم الوطني يتفهم كيف
انا حشجع المرة دي مصر عشان غانا تغلب بس وتجيب نتائج عكسية وكدة
كل ما اشجع فريق ضد مصر يقوموا يفوزوا
يا الله لو غانا فازت لكن شكلها صعب...الافارقة روحهم القتالية تعبانة والمعلم مايكل اسيان مصاب
|
Post: #19
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 12:04 PM
Parent: #18
سلام يا GamarBoBa
...
Quote: يا أسامة ازيك
وديل نفتش علمهم وين ونشيدهم الوطني يتفهم كيف
انا حشجع المرة دي مصر عشان غانا تغلب بس وتجيب نتائج عكسية وكدة
كل ما اشجع فريق ضد مصر يقوموا يفوزوا
يا الله لو غانا فازت لكن شكلها صعب...الافارقة روحهم القتالية تعبانة والمعلم مايكل اسيان مصاب |
فعلا لو البطل مايكل اسيان موجود سيكون هنالك كلام اخر ولكن الفريق وكما لاحظت له دفاع صلب مع اميز
حراس البطوله نتمني للفريق الغاني ان يكون نفسه طويل حتي يحقق البطوله ..
ياعمي شجع غانا ولا يهمك اصلا طلحه بشجع غانا يعني لو غانا انهزمت ما بكون منك ..
ومعانا غانا وبس
|
Post: #20
Title: Re: في مباراة الكاس مع غانا ولا الخيانه؟؟
Author: GamarBoBa
Date: 01-29-2010, 12:12 PM
Parent: #19
يعني الموضوع ده آمن كدة انو طلحة ده هو البكجها؟؟
غانا غانا
بس يجيبوا لينا المباراة في وكت كويس نقدر نمرق الشارع لو غانا فازت
|
Post: #21
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 12:33 PM
Parent: #20
| Quote: يعني الموضوع ده آمن كدة انو طلحة ده هو البكجها؟؟ |
علي ضمانتي ...
| Quote: بس يجيبوا لينا المباراة في وكت كويس نقدر نمرق الشارع لو غانا فازت |
نحن في ماليزيا مافي طريقة نمرق الشارع لانو المباريات كلها بتجينا الصباح ..
ومعانا غانا وبس..
|
Post: #22
Title: Re: في مباراة الكاس مع غانا ولا الخيانه؟؟
Author: معروف حمدين
Date: 01-29-2010, 12:34 PM
Parent: #20
أسامه
والله أمس جاني مغص عديل ؟؟؟؟
يازول ,,,
غانا وبس ...
|
Post: #23
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 12:53 PM
Parent: #22
معروف حمدين .. سلام يازول
Quote: أسامه
والله أمس جاني مغص عديل ؟؟؟؟
يازول ,,,
غانا وبس ... |
يازووول سلامتك من المغص ..بس اوع يكون المغص من الفراق ؟
ومعاك غانا وبس..
|
Post: #24
Title: Re: في مباراة الكاس مع غانا ولا الخيانه؟؟
Author: Amany Elamin
Date: 01-29-2010, 01:34 PM
Parent: #23
أسامه سلامات ..
| Quote: نحن برانا بنشجع غانا |
معاكم ..
------
بس أهم حاجه أمين ياسمين ما معانا ..
|
Post: #25
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-29-2010, 01:55 PM
Parent: #24
الاخت اماني .. سلام
يازوووله مرحب بيك..
| Quote: بس أهم حاجه أمين ياسمين ما معانا .. |
انتي ليك مطلق الصلاحيه في ابعاد كل من ساهم في كجكم مع الجزائر..
وغانا وبس ..
|
Post: #26
Title: Re: في مباراة الكاس مع غانا ولا الخيانه؟؟
Author: رشا سالم
Date: 01-29-2010, 03:01 PM
Parent: #25
غانا وبس
|
Post: #27
Title: Re: في مباراة الكاس مع غانا ولا الخيانه؟؟
Author: Mohamed Foto7li
Date: 01-29-2010, 03:12 PM
Parent: #26
Salam
مع غانا
|
Post: #28
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 04:19 AM
Parent: #26
رشا سالم .. سلام
تشكري علي المرور ..
وكلنا بنردد غانا وبس ..
|
Post: #29
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 04:21 AM
Parent: #28
سلام يامحمد غانا غانا وغانا وبس..
|
Post: #30
Title: Re: في مباراة الكاس مع غانا ولا الخيانه؟؟
Author: Farahat Sayed
Date: 01-30-2010, 04:58 AM
Parent: #29
الاخ محمد سسسسسلام كبير
يا اخوي اكان الشغله كوره وبس
والله نحن مع مصر
ومع العلم شحاته
وكان حاجات تانيه
زي حلايب وهلمو جرا
نحن مع الخيانه
|
Post: #32
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 05:16 AM
Parent: #30
سلام ياFarahat Sayed
Quote: يا اخوي اكان الشغله كوره وبس
والله نحن مع مصر
ومع العلم شحاته
وكان حاجات تانيه
زي حلايب وهلمو جرا
نحن مع الخيانه |
يعني في كلا الاحوال مع مصر ...
لكن بنذكرك بحكمة كيكي ..
Quote: وطبعا ذكرتني قصة السودانين القالو في السعودية وبشجعو بعضهم عشان يدعكوا في الشغل وما يكسلوا
قالو الواحد لمن يكسل من الشغل اخوانه بقولو ليهو يازول هوووي اطري (ابو زيق)
وابوزيق هو البوكسي الشهير
فاخوك يا زول من حسسسع طاري حلايب ام زيق |
شكرا للمرور.. ونحن بنقول غانا وبس
|
Post: #31
Title: Re: في مباراة الكاس مع غانا ولا الخيانه؟؟
Author: أمين محمد سليمان
Date: 01-30-2010, 05:00 AM
Parent: #29
| Quote: بس أهم حاجه أمين ياسمين ما معانا |
الفرق بيني و بينك يا أماني ، إنك بتشجعي غانا كراهية في المصريين و أنا بشجعها نتيجة موقف مبدئي بدا من بداية الدوره ما لمن وصلو للنهائي !!
كانت غانا فينا منذ الأزل
كان (حبها) خلف الصبر و الاحزان يحيا
صامدا ، منتظرا ، حتي إذا الصبح أطل
أشعل التاريخ نارا و اشتعل !!
|
Post: #33
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 05:21 AM
Parent: #31
الاخ امين .. سلام
Quote: كانت غانا فينا منذ الأزل
كان (حبها) خلف الصبر و الاحزان يحيا
صامدا ، منتظرا ، حتي إذا الصبح أطل
أشعل التاريخ نارا و اشتعل !! |
يا سلام عليك يا امين سعيدين بالمرور وكلنا غانا وبس ..
|
Post: #34
Title: Re: في مباراة الكاس مع غانا ولا الخيانه؟؟
Author: abuguta
Date: 01-30-2010, 05:25 AM
Parent: #31
ياجماعة
السودنة ديل ما شجعوا فريق الا غتسوه
دحين خلونا نشجع مصر
عشان نخلص من الهم دا,,,
بس اقولكم المصرين هم المسيطرين على الكاف على لجنة تعين الحكام
وممكن يدفعوا كمان زى فريق سودانى ما بعرفوا مين؟؟؟
كلنا غانا
|
Post: #35
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 05:34 AM
Parent: #34
abuguta
سلام ...
Quote: ياجماعة
السودنة ديل ما شجعوا فريق الا غتسوه
دحين خلونا نشجع مصر
عشان نخلص من الهم دا,,,
بس اقولكم المصرين هم المسيطرين على الكاف على لجنة تعين الحكام
وممكن يدفعوا كمان زى فريق سودانى ما بعرفوا مين؟؟؟
كلنا غانا |
يا اخي قول خير وان شاءالله غانا ما تتغتس ..وشجع غانا يازوول بلاش من الفراعنه ديل ..
وكلنا غانا..
|
Post: #36
Title: Re: في مباراة الكاس مع غانا ولا الخيانه؟؟
Author: Deng
Date: 01-30-2010, 05:55 AM
Parent: #35
غانا وبس...
|
Post: #37
Title: Re: في مباراة الكاس مع غانا ولا الخيانه؟؟
Author: Tragie Mustafa
Date: 01-30-2010, 06:07 AM
Parent: #36
أسامه خليفه
الما بتفتح بوست الا للشديد القوي
كلنا غنا باذن الله.
ويا دينق لو انتبهته لاول مره نحن مع الطيب عبد الرازاق النقر
ده نتفق على حاجه
Quote:
سلام اسامه
يا رب العالمين غانا يارب
تلطش المصريين يارب
في كل ثانية هدفين يا رب
عاوز افش غلي فيهم يا رب
ديل حافرين بينا يا رب
واستخفوا بينا ومحتلين ارضنا...وجاز يولع في النعاج حكامنا
الملكوهم من رقابنا يا رب |
يا الطيب ما اهو طلعت زول ماك هين وزولا حقاني بالحيل
منشف ريقنا من زمان ليه؟؟؟
|
Post: #39
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 07:27 AM
Parent: #37
الاخت تراجي مصطفي.. سلام
Quote: أسامه خليفه
الما بتفتح بوست الا للشديد القوي
كلنا غنا باذن الله. |
دا الشديد القوي ذاتو ياتراجي وكلنا غانا باذن الله ..
Quote: ويا دينق لو انتبهته لاول مره نحن مع الطيب عبد الرازاق النقر
ده نتفق على حاجه |
ونتمني من كل السودانين ان يقفوا مع الفريق الغاني ..
شكرا تراجي للمرور ومعاك من اجل حلايب غانا ولا الخيانه..
|
Post: #38
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 07:21 AM
Parent: #36
الاخ دينق .. سلام
ومعاك يادينق غانا وبس .. شكرا للمرور..
|
Post: #40
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 07:32 AM
Parent: #38
للتذكير فقط..
مصــــــر وقفت مع تشاد ضد السودان
من اجل ذلك لغانا .. ومعا غانا وبس ..
|
Post: #41
Title: Re: في مباراة الكاس مع غانا ولا الخيانه؟؟
Author: khaleel
Date: 01-30-2010, 08:05 AM
Parent: #40
مع مصر طبعا
|
Post: #42
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 08:11 AM
Parent: #41
الاخ خليل..سلام
ياراجل ..
نحن قلنا غانا ولا .... ؟
شكرا لمرورك ياخليل... ونحنا كلنا غانا..
|
Post: #43
Title: Re: في مباراة الكاس مع غانا ولا الخيانه؟؟
Author: nazar hussien
Date: 01-30-2010, 08:40 AM
Parent: #42
يا راجل غانا شنو السخانة؟؟
غانا اسخن من الكاميرون؟؟
اسخن من نيجيريا؟؟؟
اسخن من الجزائر؟
المصريين شغالين في الخلق تلاتات واربعات...
وغانا وصلت للنهائي بي يا لطيف...
يمين يطقطقوهم ليك طقطقة...لامن يأمنوا...
ياخ زيدان وأحمد حسن براهم بغلبوهم...
زيدان داك جزمتو مولعة نار...ما شفتو في مباراة الجزاير
يبرد فيها من ايدو اليمين لي الشمال زي الشايل ليه جمرة...
تقول لي غانا سخانة...
وسبق ان شارطت بلدي يا حبوب في مباراة الجزاير ومصر
وقلت ليه بالواضح الجزايرين حا ياخدو علي أقل تقدير 2
وكانت...
دحين غانا دي حا تاخد برضو اذا ما
تلاتة...خمسة ...
يعني يا 1:3
او2:5
واذا عايز تشارط اتفضل...
|
Post: #44
Title: Re: في مباراة الكاس مع غانا ولا الخيانه؟؟
Author: nazar hussien
Date: 01-30-2010, 08:44 AM
Parent: #43
وبعدين: المصريين شالو الكأس من مباراة الجزاير...
وحا يلعبوا المباراة دي بدون توتر...
وبغنوها بي تطريب عالي...
مش محفزين...ورادين اعتبارهم ..
ومكلمين من الريس واحد واحد...
سمع اضاني دي قال لي حسن شحاتة...
هاتلي الواد محمد زيدان أكلمو..
وأديني بعدو قيدو...
والولا محمد حسن القدع...
والعيال دي كولها عاوز اكلمهم راقل راقل...
دا انتو رفعتو رأس مصر يا معلم...ربنا يكرمكوا
|
Post: #45
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 11:41 AM
Parent: #43
نزار ياشا سلام..
Quote: يا راجل غانا شنو السخانة؟؟
غانا اسخن من الكاميرون؟؟
اسخن من نيجيريا؟؟؟
اسخن من الجزائر؟
المصريين شغالين في الخلق تلاتات واربعات...
وغانا وصلت للنهائي بي يا لطيف...
يمين يطقطقوهم ليك طقطقة...لامن يأمنوا... |
صدقني انا كنت متوقع مصر تخرج في مباراة الكاميرون والكاميرون كانت افضل
في تلك المباراه لكن الزمن الاضافي قلت همت الفريق الكاميروني قليلا لكن الكاميرون كانت افضل...
مباراة الجزائر نعم مصر كانت افضل لاسباب كثيره ولو لا اندفاع الجزائر لتفوقوا علي
علي مصر في تلك المباراه علاوة علي التحكيم المتحيز بشكل واضح للمصرين ..
نجي للفريق الغاني انهزم في الدوره الاولي ولكن اصلب دفاع وحارس مرمي لدي الفريق الغاني..
ديل يعني ممكن مسمار واحد ويقفلوا وراء ...
Quote: مش محفزين...ورادين اعتبارهم ..
ومكلمين من الريس واحد واحد...
سمع اضاني دي قال لي حسن شحاتة...
هاتلي الواد محمد زيدان أكلمو..
وأديني بعدو قيدو...
والولا محمد حسن القدع...
والعيال دي كولها عاوز اكلمهم راقل راقل...
دا انتو رفعتو رأس مصر يا معلم...ربنا يكرمكوا |
بكره نشوف كيف كلام الريس .. ونحن بنقول غانا وبس ..
|
Post: #46
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 12:03 PM
Parent: #45
لو لا اصابة هذا الاسياس ...
|
Post: #47
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 12:31 PM
Parent: #46
المنتخب الغاني احرز بطولة كاس افريقيا اربعة مرات ..
1963
1965
1978
1982
نتمني ان يحرزها للمره الخامسه 2010
|
Post: #48
Title: Re: في مباراة الكاس مع غانا ولا الخيانه؟؟
Author: عبدالله كع
Date: 01-30-2010, 12:44 PM
Parent: #47
تحياتي اسامه
يا جماعه بي صراحه نحن ( كج للدين )
شجعنا اي فريق ضد مصر فازت عليهو !!
كدا في النهائي ده النشجع مصر .. عشان تاكل هواء
والسلام عليكم كلكم
|
Post: #49
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 01:08 PM
Parent: #48
الاخ عبدالله كع..سلام
Quote: تحياتي اسامه
يا جماعه بي صراحه نحن ( كج للدين )
شجعنا اي فريق ضد مصر فازت عليهو !!
كدا في النهائي ده النشجع مصر .. عشان تاكل هواء
والسلام عليكم كلكم |
تعرف يا عبدالله الكج المريخاب وانا شايف كل المريخاب مع مصر منذ
مباراة مصر الجزائر ..
عشان كدا ما تخاف ..غاناغانا وبس ..
|
Post: #50
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 02:00 PM
Parent: #49
Quote: دحين غانا دي حا تاخد برضو اذا ما
تلاتة...خمسة ...
يعني يا 1:3
او2:5
واذا عايز تشارط اتفضل... |
يانزار انا بقول ليك من الان اذا غانا دخلت الهدف الاول يادنيا عليك السلام..
قول للمصرين هاردلكم ومسمار انغولا ونجيريا ليست ببعيد ..
غانا وبس ...
|
Post: #51
Title: Re: في مباراة الكاس مع غانا ولا الخيانه؟؟
Author: طلحة عبدالله
Date: 01-30-2010, 02:09 PM
Parent: #50
طالما هناك حكم كالذي ادار لقاء الجزائر ومصر فضلا عن وجود
الكثير من الضغوط والمؤثرات الخارجية الاخري فلا أستبعد أبدا
أن يطير الفراعنة بكأس البطولة الضعيفة التى أصبحت للغاشي
والماشي وعلى قفا من يشيل بلا جدارة او شطارة .
لكن هذا لا يمنعني من الوقوف بقوة خلف المنتخب الغاني ليس محبة
فيه إنما كره في المصريين بعد عملتم المهببة إبان موقعة القلعة
الحمراء بأم درمان الحبيبة .
..........
يا أسامة وقمربوبا لو كنت متأكدا من كجوجيتي على الفريق الذي
أشجعه لحملت دلكوتي وجبتي المبرقعة بالعلم المصري ومشيت كوركت
لامن حسي ينقرش مع المصريين .
برانا برانا نشجع غانا .
|
Post: #52
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 02:21 PM
Parent: #51
الاخ الحبيب طلحه ..سلام
عند التحاور معك في الكوره وولاءك العجيب لفرقة المريخ اتذكر
الاستاذ وابن قريتي الاستاذ داوود محمد عمر مريخابي علي السكين ..
وتسعدني اطلالتك واضافتك النوعيه في هذا البوست ..
Quote: طالما هناك حكم كالذي ادار لقاء الجزائر ومصر فضلا عن وجود
الكثير من الضغوط والمؤثرات الخارجية الاخري فلا أستبعد أبدا
أن يطير الفراعنة بكأس البطولة الضعيفة التى أصبحت للغاشي
والماشي وعلى قفا من يشيل بلا جدارة او شطارة .
لكن هذا لا يمنعني من الوقوف بقوة خلف المنتخب الغاني ليس محبة
فيه إنما كره في المصريين بعد عملتم المهببة إبان موقعة القلعة
الحمراء بأم درمان الحبيبة .
..........
يا أسامة وقمربوبا لو كنت متأكدا من كجوجيتي على الفريق الذي
أشجعه لحملت دلكوتي وجبتي المبرقعة بالعلم المصري ومشيت كوركت
لامن حسي ينقرش مع المصريين .
برانا برانا نشجع غانا . |
فعلا التحكيم كان قاسي جدا في مباراة مصر والجزائر الاخيره
والاعلام المصري كما تفضلت كانت في قمة السوء كعادته في مباراة
الخرطوم والتي تفوق فيها المنتخب الجزائري عن جداره..
طلحه يالحبيب انا اقصد غير الكج انكم متعودين تشجعوا الوصيف
وهنا تكمن القضيه..
ودي وتقديري وبرانا برانا نشجع غانا ..
|
Post: #53
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 02:49 PM
Parent: #52
|
Post: #54
Title: Re: في مباراة الكاس مع غانا ولا الخيانه؟؟
Author: ALZOLZATOO
Date: 01-30-2010, 03:17 PM
Parent: #53
والله ياجماعة عملتوها واضحة
شجعوا البتشجعوهو مصر ماشه للكاس عديل كده انا ماعارف انتو المزعلكم شنو لا عندكم فيها ناقة ولا جمل
غير ترفعوا ضغطكم ساكت ما حا تحصلو على حاجة احسن حاجة شجعوا مصر واستمتعوا بالرحلة لوووووووووووولز
انا شخصيا مع الفراعنة الافارقة ديل براهم بيغلبوا نفسهم واحد ح يقرش كورة غلط والتاني ح يدخلها براهو في القون ورقصني ياجدع
تحياتي ونتمنى ان نشاهد كورة جميلة تليق بنهائي ابطال افريقيا والكاس الجاي ان شاء الله المنتخب السوداني يخلينا نشجعوا لحدي الكاس
زاتوووو
|
Post: #55
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-30-2010, 03:31 PM
Parent: #54
زاتووو سلام يازوول..
| Quote: تحياتي ونتمنى ان نشاهد كورة جميلة تليق بنهائي ابطال افريقيا والكاس الجاي ان شاء الله المنتخب السوداني يخلينا نشجعوا لحدي الكاس |
كلنا نتمني ان تكون المباراة جميله تليق بالنهائي ولكن نتمني ان تكون النتيجه غانيه ..
كان بامكان السودان ان يكون ضمن الفرقه في هذا العام لو لا بعض الاخطاء الفنيه ..
نتمني من السودان ان يتاهل للنهائي العام القادم وكاس العالم 2014..
ومعانا غانا وبس ..
|
Post: #56
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 01-31-2010, 07:50 AM
Parent: #55
بالامس الجزائر اخدت مسمار واتوكلت.. مبروك نيجريا المركز الثالث..
نتمني اليوم ان تحقق غانا الفوز بمسمارها المعهود ..
غانا وبس ..
|
Post: #57
Title: Re: في مباراة الكاس مع غانا ولا الخيانه؟؟
Author: ALZOLZATOO
Date: 02-01-2010, 07:20 AM
Parent: #56
الاخ اسامة
ان شاء الله اصبحتوا كويسين
ياخي الايام دي الخيانة امورهم كلها ماشه عشان كده نقيف مع الخيانة ولا وجع القلب ياخي قرفنا من تشجيع الافارقة معقولة بس ساحل العاج والكاميرون وغانا ونيجيريا وزامبيا كلهم راحوا شمار في مرقة يعني الموضوع مش صدفة الشغلانة وراها رجالة لووووووووووووووولز
اها عايز اقول ليك حاجة ده طرفي من فرق افريقيا في كاس العالم
تحياتي
زاتوووو
|
Post: #58
Title: Re: في مباراة الكاس مع غانا ولا الخيانه؟؟
Author: Gaafar Ismail
Date: 02-01-2010, 07:35 AM
Parent: #57
الحبيب أسامة وضيوفه الكرام
Quote: في اعتقادي الفريق المصري افضل فريق حتى الآن والمصريين بلعبو كورة حلوة + هم جيران يستحقون أن نشجعهم.... في النهاية الفوز للذي يلعب أحسن.
تحياتي ومودتي |
قلت الاقتباس أعلاه يوم الجمعة قبل المباراة بيومين
بعيد عن السياسة والعواطف نشجع الفريق الذي يلعب احسن والفوز دائما لمن يلعب تمام .
|
Post: #60
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 02-01-2010, 07:51 AM
Parent: #58
العم جعفر .. تحياتي
Quote: قلت الاقتباس أعلاه يوم الجمعة قبل المباراة بيومين
بعيد عن السياسة والعواطف نشجع الفريق الذي يلعب احسن والفوز دائما لمن يلعب تمام . |
نعم والفريق الغاني كان الافضل ولكن التغير الذي تم بدخول جدو بديل عماد متعب دون تشديد الرغابه
علي جدو هو السبب في سبق الفريق المصري في الزمن القاتل ... مبروك استاذ جعفر ونتمني ان
بارك للمنتخب السوداني في السنوات القادمه...
|
Post: #59
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 02-01-2010, 07:37 AM
Parent: #57
زاتووو صباح الخير..
Quote: ان شاء الله اصبحتوا كويسين
ياخي الايام دي الخيانة امورهم كلها ماشه عشان كده نقيف مع الخيانة ولا وجع القلب ياخي قرفنا من تشجيع الافارقة معقولة بس ساحل العاج والكاميرون وغانا ونيجيريا وزامبيا كلهم راحوا شمار في مرقة يعني الموضوع مش صدفة الشغلانة وراها رجالة لووووووووووووووولز
اها عايز اقول ليك حاجة ده طرفي من فرق افريقيا في كاس العالم |
امس الفريق الغاني قدم مباراه كبيره جدا ولكن الحظ لم يحالفهم وصمد الي الدقيقه 85
من عمر المباراه ..
وقد كادوا ان يفعلوها لو لا سوء الطالع .. انت محق في ان الافارقه نفسهم قصير ولعيبتهم
المشهورين ولاءهم لانديتهم الاوربيه اكثر من الفريق الوطني والمساله كلها فلوس ..
ولكن افريقيا قادمه بعنف لنيل شرف كاس العالم one day ان شاء الله..
هاردلك غاني ونتمني لها تحقيق الافضل في كاس العالم ..
تقديري
|
Post: #61
Title: Re: في مباراة الكاس مع غانا ولا الخيانه؟؟
Author: OSMAN SAYED MOHAMED
Date: 02-01-2010, 10:38 AM
Parent: #59
يا خال سلام
الفريق المصري متجانس و مستقر نفسيا و اداريا من زمن طويل لذا فالنتيجه متوقعه منه... و بعدين المصريون بيعرفوا ينفذوا المطلوب منهم داخل الملعب و دا ليه اثر كبير في النتائج
الف مبروك لمصر الكاس ... فمن جد وجد
|
Post: #62
Title: Re: في مباراة الكاس مع غانا ولا الخيانه؟؟
Author: اسامه خليفه
Date: 02-01-2010, 10:54 AM
Parent: #61
الاخ عثمان ( درب)
سلام ..
اظنك شاهدت المباراه امس .. غانا كانت الاقرب للفوز لو لا سوء الطالع..
اتفرج علي كلام عمك طلحه دا هنا..
كهول مصر يقدون قمصان فتية غانا من دبر ..
وشوف هنا برضو يادرب..
مشجعي مصر .. اتفضلوا شوفوا !!
الناس ديل ما بستالهوا لكن الحظ معاهم ..
شكرا عثمان للمرور
|
|