الكابتن فيصل العجب الثالث إفريقيا وال26 عالميا من حيث الشعبية

أصدق التهاني لجماهير الكرة السودانية عموماً
وللصفوة خصوصاً بحصول قائد المريخ
الكابتن فيصل العجب على المركز الثالث أفريقياً
والـ 26 عالمياً من حيث الشعبية

حقق النجم الكبير فيصل العجب قائد المريخ إنجازا جديدا وكبيرا للكرة السودانية والمريخ حيث حقق المركز الثالث إفريقيا والسادس والعشرين عالميا في إستفتاء أكثر لاعبي العالم شعبية الذي ينظمه الإتحاد الدولي للتأريخ والإحصاء الرياضي
وجاء ترتيب الملك فيصل العجب الثالث إفريقيا خلف المصري محمد أبوتريكة نجم الأهلي القاهري الذي إحتل الترتيب الأول ومواطنه عمرو زكي نجم الزمالك الذي حل ثانيا ثم العجب ثالثا متفوقا علي النجوم المغربي مروان الشماخ الذي حل رابعا ثم الإيفواري دروغبا الذي حل خامسا ثم الكاميروني صمويل إيتو الذي حل سادسا ..
ويعتبر هذا التفوق ليس الاول للملك العجب فقد سبق وأن حقق العديد من ألقاب التفوق خلال مسيرته مع المريخ رافعا إسم السودان عاليا بين الدول الخارجية رياضيا .

المصدر صحيفة نادي المريخ


وهذا البوست مشرع للجميع للتعبير عن حبنا لهذا النجم الذهبي

شكرن شكرن ابوعبيدة الذي شتتها لينا وفضل الديار علي جيرتنا

بالامس في مكايدات مع بعض الصحاب الرشاشات , سمعتهم يتحدثون عن شعبية هيثم مصطفي الذي يتجنون عليه بلقب سيدا , وعندما ذكرت لهم الامر , بهت الرشاشات وطفقوا يتمتمون بخفوت شديد : فيصل لعاب والله بس تقيل
لم اجد سوى كاااك ود الصائم انسب مقاما في هذا الموقف

التحايا النواضر يا صديقنا

[B]ليس بعجيب على العجب
مبروووووك للسودانيين عامة وخاصة المريخاب منهم
رياض همت

بارك الله فيكم أخي
رياض همت إدريس

ونقول معاك مبروووووووووك للسودانيين كلهم

تشكر يا السماني
والتهاني والتبريكات للعجب في ضاحية كسراني
(شعر عديل في محراب حب العجب حبيبي)

أخوانا الرشاشات عندهم فرط حساسية تجاه العجب، وحكاية إنه تقيل دي - حنك بيش -
لأنه العجب ده -كورتو في راسو -
وإلا لقلنا لهم أن البرنس ذات نفسه مش تقيل بس ده مروتو كملت ياخي
يعني بقى في أول المباراة بياخد كرت أصفر
وبعدين مابصفي ليهو تلت ساعة في المباراة بنفس واحد ومزاج رائق
فلو صادف ضرب باص في الوكت ده خلاص ولو ماصادف بضرب القارورة وهو طالع
وفي الحالتين البرنس صاري وشو وروحو طالعة منو.

- بعدين ياخي العجب ده عمل عملية ما كويسة في هدافنا السابق ضمن الكتيبة الزرقاء (داريوكان)
تخيل الجعلي بسبب العجب أصبح منافس على هداف البطولة الأفريقية الحالية
والرشاشات المسألة دي داخلة عليهم شديد لأنه المذيع لما يقول ليك الهدف العكسي
ويجر السيرة الذاتية للجعلي بجيب إسم الصفيراب على طول .

بالنسبة لتفضيل الديار وجيرتكم المقارنة معدومة ياصديقي
لكن بنجامل ونقول لأهل جدة:
(وما حب الديار سكن قلبي ولكن حب من سكن الديار)

يا جماعة بوست زي ده مفروض ترفقوا معاه حبوب ضغط ومقياس الضغط

يكفي انه العجب
في قلوب كل عشاق المستديرة
رقم صعب تعجز الملاعب في انجاب مثيله
فما حققه يستحق عليه التصنيف

له التحية

ابوتريكة شنو وعمرو زكى شنو
ده العجب معروف اكتر من دروجبا وايتو كمان
ميسى زاتو مهدد


مخدر ممتاز الى ان يحين فضائح دورى المجموعات.....وده لو اتأهلتوا

خدر يا مزمل

....

الاخ ابو عبيدة

سلام

رغم هلاليتي التي لا اخفيها

العجب دا الاول في كل شئ

تهانينا والف مبروك يا ناس المريخ وصديقي الصحفي مزمل ابو القاسم

(وبرضو شجرابي في الخاطر )

الأستاذة إحسان عبدالمتعال أحمد
لك في قلوب المشاهدين براح

رغم السنوات التي باعدت بينك والمشاهدين لكن لايزال
مكانك شاغر في تلفزيون السودان القومي

ونقول شكراً على هذه الشهادة
ويكفي أنها من هلالابية لاتخفي مشاعرها
وقد صدقت هذه المشاعر حين قالت

Quote: رغم هلاليتي التي لا اخفيها العجب دا الاول في كل شئ تهانينا والف مبروك يا ناس المريخ

ولنتعلم من أستاذتنا إحسان كيف تسمو المشاعر على التعصب



وتشكري ياصفوة الهلالاب

أخونا ياسر يحي عبدالله

تفضل الأخ وليد محمد المبارك بتقديم
روشتة مجانية - لو شعرت بهضربة زيادة
ممكن تمد يدك لدكتور وليد لقياس الضغط
نطمئنك إنه الكشف والدواء مجان
في رحاب الضيافة الملكية
للملك فيصل العجب

أخونا سيف اليزل المكي
لك التحية
وقد أوفيت العجب حقه بقولك:

Quote: يكفي انه العجب في قلوب كل عشاق المستديرة رقم صعب تعجز الملاعب في انجاب مثيله فما حققه يستحق عليه التصنيف

وليد ياشفت

الناس دي متحسسة براها -
دي مش حاجة بتزعل وترفع الضغط
بس والله تخلي الزول يفرقع عديل كده
بالذات لما الواحد يكون فاكيها في روحو