*** دعونا نبتسم قليلا .... أمثال تقنية ظريفة ***

وصلنى عبر الاميل مجموعة من الامثال فيها ذكاء ودعابة لطيفة
فدعونا نبتسم قليلا فى جو البورد الاصبح معظمه مواضيع جافة

التحية لمؤلف الامثال الظريفة دى
صاحب الخيال الخصب

أمثال تقنية
خزن ملفك على قدر ذاكرتك

ضنب الماوس أعوج

أبعد عن الفيروس وغنيلو

فلاشك حصانك .. إن صنته صانك

كل واحد يعمل إيميل على السيرفر اللبريحو

الفايروس جاك يا تارك النورتون

اللي جهازو ما فيو فايروول ما يرمي الناس بالتروجانز

هذا الويندوز من ذاك الدوز

الديسك اللي يتعبك فرمته

يا هارد ما دخلك فيروس

كل هارديسك بما فيه ينضح

الإنترنت كان ما فيه شق ما بقول طق

النورتون شكروه قال داك كاسبر سكاي

الهكر ما بهددوه بالاختراق

الجاية من الشبكة يتحملا اللابتوب

الما شفتو في الفيستا بخلعك

قلبي على اللابتوب وقلب اللابتوب على الإنتل

الضايق الفيروس بيخاف من دخول الفلاش

جو بساعدوه على تصليح كمبيوتره دس الباسويرد

سيد الرايحة بفتش خشم قوقل

مايكروسوفت تجقلب والشكر لليونكس

طابعة الليزر عين الشمس

حلم البنتيوم 2 في الاكس بي

سمح الغناء في الميديا بلير

الماشاف الكمبيوتر بخلعو الأتاري

شكراً يا سوما على نثر البسمة التي غابت عنا طويلاً
بس بصراحة الزول الفكر في الأمثال دي بالغ وخياله واسع
تقبلي تحياتي

Quote: جو بساعدوه على تصليح كمبيوتره دس الباسويرد

شكراً سوما
ابتسمنا ... كثيراً

Quote: الماشاف الكمبيوتر بخلعو الأتاري

دى قوية يا سوما

Quote: شكراً يا سوما على نثر البسمة التي غابت عنا طويلاً بس بصراحة الزول الفكر في الأمثال دي بالغ وخياله واسع تقبلي تحياتي

تسلم شاعرنا الشفيف
صدقت والله
فعلا خيال خصب وروح جميلة
شكرا لمرورك الجميل اخى هاشم

Quote: شكراً سوما ابتسمنا ... كثيراً

الاخ محجوب البيلى سلامات
البركة فى الابتسامه دى يا خوى
بقينا نقلعها قلع فى جو البورد
شكرا على الطلة يا كريم

Quote: دى قوية يا سوما

سلام
شول كيفك
لووووووووووووول
والله دى انا بضحك فيها اليوم كلو
تسلم ياخ على مرورك الجميل

Quote: الماشاف الكمبيوتر بخلعو الأتاري

ههههههههههه
ياشول اشوانق قوية بس
تعرف دي خلتني اقرقر موش ابتسم









------------------------------
شكرا اسماء الجنيد

سـلام يا سوما وشكرا على الطرائف في هذا الزمان.. من الإيميلات التي وصلتني قبل مدة واحد برضو بلغة تقنية ظريفة وطريفة:



INSTALLING A HUSBAND

Dear Tech Support,

Last year I upgraded from Boyfriend 5..0 to Husband 1.0 and noticed a distinct slow down in overall system performance, particularly in the flower and jewelry applications, which operated flawlessly under Boyfriend 5.0.
In addition, Husband 1.0 uninstalled many other valuable programs, such as:
· Romance 9.5 and
· Personal Attention 6.5, and then installed undesirable programs such as
· College Football 6.0, NFL24-7, LandscapingPro 4.0
· Major League Baseball 3.0 and
· Golf Clubs 4.1.
Conversation 8.0 no longer runs at all, and Housecleaning 2.6 simply crashes the system.

· Please note that I have tried running Nagging 5.3 to fix these problems, but to no avail.
What can I do?

Signed,

Desperate.


DEAR DESPERATE,
First, keep in mind,
· Boyfriend 5.0 is an Entertainment Package, while
· Husband 1.0 is an operating system.
Please enter command: ithoughtyoulovedme. html and try to download Tears 6.2 and do not forget to install the Guilt 3.0 update.
· If that application works as designed, Husband 1.0 should then automatically run the applications Jewelry 2.0 and Flowers 3.5.
However, remember, overuse of the above application can cause Husband 1.0 to default to Grumpy Silence 2.5, Happy Hour 7.0 or Beer 6.1.
· Please note that Beer 6. 1 is a very bad program that will download the Farting and Snoring Loudly Beta.
Whatever you do, DO NOT under any circumstances install Mother-In-Law 1.0 (it runs a virus in the background that will eventually seize control of all your system resources.)
In addition, please do not attempt to reinstall the Boyfriend 5.0-program. These are unsupported applications and will crash Husband 1.0.
In summary, Husband 1.0 is a great program, but it does have limited memory and cannot learn new applications quickly. You might consider buying additional software to improve memory and performance. We recommend
· Cooking 3.0 and
· آخر وحدة دي حذفتها أنا!!

Good Luck
التحايا الطيبة..

Quote: فدعونا نبتسم قليلا فى جو البورد الاصبح معظمه مواضيع جافة

حقيقي يا سموما شيء مبالغ فيهو ..

تسلمي يا الغالية ..

موضوع مبآآااااا لغة ..

(بس مامبالغة تلج في السودان هههههههههههه)

Quote: ههههههههههه ياشول اشوانق قوية بس تعرف دي خلتني اقرقر موش ابتسم ------------------------------ شكرا اسماء الجنيد

العزيز وليد سلامات واريتك طيب يابا
البركة فى الضحكة ياخوى
وان شاء الله دائما فرحان ومبسوط
شكرا ليك انت على الطلة

Quote: سـلام يا سوما وشكرا على الطرائف في هذا الزمان.. من الإيميلات التي وصلتني قبل مدة واحد برضو بلغة تقنية ظريفة وطريفة:

هلا ومرحب اخى عيسى وبى مشاركتك اللطيفة
فعلا فى ناس بوظفوا خيالهم لى حاجات طريفة زى دى
السودان ده فيه ناس مبالغه
واليومين ديل طلعت موضة الاشرطة الكاسيت والسى دى كلها فى الطرائف والنكات
تلقى الحافلة طالعه لى اى جهة والعالم تضحك لووول

شكرا ليك كتير على المشاركة الظريفة

Quote: حقيقي يا سموما شيء مبالغ فيهو .. تسلمي يا الغالية .. موضوع مبآآااااا لغة .. (بس مامبالغة تلج في السودان هههههههههههه)

عفاف الحبيبة سلامات واشواق
والله يا عفاف انا امس اليوم كلو بضحك
ومستغربة فى الزول الفكر
يهضرب ويطلع لينا بى حاجات ظريفة زى دى لوول
جد خيالوا خصب ما شاء الله
ناس السودان ديل فيهم ابداع ما عادى
شكرا يا عفة على الطلة السمحة زيك
وان شاء الله دوم مبتسمه

Quote: الجاية من الشبكة يتحملا اللابتوب

لووووول
دى برضو قوية يا شول

تحية وتقدير أختنا سومه

شكرا أن منحتنا هذه الاستراحه

احترامي

والله يا سومه ليك وحشه

نحن مش ابتسمنا
قرقرنا عديل كده


تسلمي يا حبيبه

شاعرتنا الأنيقة سوما

شكراً جزيلاً
بعمق الإبتسامات
وبصخب القهقهات
التي زرعتيها في ليلنا هذا

مشكورة يا سوما على المساحة الجميلة،
البعيدة من رهق المنبر.
بالله العظيم المنبر بقى ناشف نشاف!
زي خشم الزول السافي الدقيق...

سوما ياعسل الدنيا الصافي

Quote: سمح الغناء في الميديا بلير

تسلمي على إضحاكنا في الزمن العبوس ياجميلة ,,

Quote: جو بساعدوه على تصليح كمبيوتره دس الباسويرد سيد الرايحة بفتش خشم قوقل

ديل حلوين جد..

سوما .. الله اديك العافية .

وادام الله ضحكتك .

Quote: تحية وتقدير أختنا سومه شكرا أن منحتنا هذه الاستراحه احترامي

التحية والتقدير ليك اخى البشير
وطلتك كانت ايضا لها فرحة
تسلم يا ود البلد

Quote: والله يا سومه ليك وحشه نحن مش ابتسمنا قرقرنا عديل كده تسلمي يا حبيبه

حبيبتى بت الهنا
بت امى وابوى انا
يا حليلك يا الحنينة
الشوق ليك ماطر يعلم الله
البركة فى الضحكة يا ستهن
ان شاء الله ديمة فرحانه ورايقة
تسلمى يا ست اللهيج السكرى

الفايق بزين ويكشب لابتوبو

Quote: شاعرتنا الأنيقة سوما شكراً جزيلاً بعمق الإبتسامات وبصخب القهقهات التي زرعتيها في ليلنا هذا

اخى العزيز عاطف
سلام عليك يا رجل يا جميل
لك التحايا النواضر انت واسرتك الكريمة
والبركة فى ضحكاتك وفرحتك والله يا خوى
عارف يا عاطف انا كل ما افتح البوست بشبع ضحك
لوووول
اتعقدت من روحى زاتى
تسلم يا رب

الايدو في الكيبورد مازي الايدو في الجوي ستك