Quote: كشف قاضي المحكمة العليا عبد الرحمن شرفي النقاب عن دراسة إجتماعية أعدت أخيراً تقول أن نسبة الطلاق في السودان وصلت الي أكثر من (30%) ما يعني ان بين كل ثلاث زيجات تقع حالة طلاق واحدة. وأكد قاضي المحكمة العليا أن نسب الطلاق في السودان مازالت في تصاعد مخيف ، وأنها لا تقل عن معدلات الطلاق في منطقة الخليج الا بنسبة ضئيلة . وإقترح شرفي في ندوة الإرشاد والإصلاح الاسري التي نظمها أمس مركز دراسات الاسرة بجامعة أمدرمان الاسلامية ، على رئاسة الجمهورية إنشاء مركز متخصص في الإستشارات الاجتماعية للحد من المشاكل التي تهدد كيان الاسرة في السودان . ودعا شرفي لإدماج مقررات تثقيفية للمقبلين على الزواج في مناهج الجامعات . وقال : (ان اقامة دورات تثقيفية للمقبلين على الزواج عملية عسيرة نظراً لطبيعة المجتمع السوداني التي قد لا تقبل مثل هذه الوسائل). وشدد على ضرورة إتباع إجراءات وقائية لمنع الخصام ووقوع الطلاق بين الازواج ، قائلا ًبحسب صحيفة حكايات :( مابعد الطلاق مرحلة قائمة تزداد فيها المكايدات والنزاعات بين الأسر ، في النفقة والأطفال وتحتاج هذه المرحلة الي عناية وإرشاد نفسي ، لاتقل أهمية عن ماقبل الزواج).
Quote: نسوان كتار في دول الغرب فكوا رجالهم عكس الهواء
تلقي الراجل حايم مثل المجنون
لا بيت ولا مال
ولا أولاد
بشوفوهم في الأسبوع ممكن مرة او إتنين
بطنوا ذاتها طامة من الشغل
المراة قلعت البيت
والبشتغلها بتمشي تووش للأولاد
سلام و موضوع جميل جدا جاياك بمهله.
بتعجبني مواضيعك جدا, بس زي ما في نسوان فكوا رجالهم عكس الهوا برضه في رجال فكوا نسوانهم عكس الهواء و افتكر لازم نناقش الموضوع بعدل و عقل بعيد عن العاطفه.
اها اولا نبداء بالسؤال ليه دايما المراه ملامه في الطلاق؟ يعني كلامك بتاع انه نسوان كتار فكوا رجالهم عكس الهوا؟ ليه نستنكر على الزوجه طلب الطلاق لو ليها اسبابها و نلومها و نقول فكت راجلها عكس الهواء؟ ما يمكن الراجل منجضها و سكران و حيران مفروض تستناه هو يفكها ولا تهرب بجلدها؟
Post: #17 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 01-28-2010, 04:00 AM Parent: #16
بيقولوا حواء طلعت ادم من الجنة الظاهر عليها دايرة تطلعه من امريكا ههههههههههها الاخ الحبيب سيف ذو المواضيع الهادفة موضوع شيق ومهم جدا انا لا علم لى عن كندا واستراليا لكن فى امريكا الحتة دى بالجد فيها خلل وهذا من عيوب القوانين الوضعية والتى يستغلها احد الطرفين بانانية لمصلحته وكما هو متعارف فى احاديث الرجال ان القوانين بامريكا منحازة اكثر للنساء وهناك المتطلعات اللائى يستغللن القيمة الراسمالية الصافية للبيت والذى هو مملوك باسم الزوج يتسببن للوصول للطلاق للحصول على نصف قيمة البيت غير عابهات بمستقبل الاطفال التربوى طالما هناك دعم حكومى للاطفال الجانب المستفيد من الطلاق المرأة فى اغلب الاحيان لانه غالبا مايكون المنزل مملوك للرجل بكده وتعبه قبل ان يتعرف على زوجته اصلا. هناك الكثير من الاطفال الذين تربوا مع الام فقط وانحرفوا فى مستقبلهم الامثلة كثيرة ومؤملة والسقطات القلبية ما تديك الدرب بجانب السكرى والضغط والى لقاء لسرد بعض الامثلة المحزنة لسلبيات الانظمة العلمانية
المشكله يعني القروش البتحصل عليها الزوجه بعد الطلاق؟ ولا الطلاق و تشتيت الاسره؟
ماذا تستفيد الزوجه من نصف قيمة البيت لتهدم اسرتها؟ لا توجد زوجه او ام في الدنيا مبلغ من المال ممكن يخلص في اي يوم بيعادل عندها اسرتها و اولادها. و لكن لو استحالت العشره و كان الطلاق حل فما المانع ان تحصل على حقوقها الماديه اللي بيكفلها ليها القانون؟ ما عشان اخدت حقوقها يبقى طلبت الطلاق عشان القروش و ما عشان ما تقولوا عليها كده معناها تتنازل عن حقوقها. بعدين مش ممكن الزوج هو العاوز الطلاق؟ يعني برضه في الحاله دي تقول ليه ما عاوزه اي قروش ولا قيمة البيت؟؟ على العموم في امريكا معظم النساء شغالات و بيساهموا في البيت عشان كده حقوقهم محفوظه ما زي في بعض الدول العربيه تبيع دهبها و ورثتها من ابوها عشان تبني مع الزوج البيت و بعد داك يمشي يعرس فيها او يطلقها و تطلع من المولد بلا حمص عشان البيت باسم اسد الله البضرع. و على فكره القانون في امريكابيضمن للمراه حقوقها لكن ما بديها حقوق اكتر من الازم ولا فايته الحد, و لمن تكون هي الغلطانه بتدفع هي الشايلد سبورت للزوج. معاي واحده امريكيه في المكتب بنتها عايشه مع الاب بحكم المحكمه و هي بتدفع ليه الف دولار في الشهر للبنت عشان هي اصرت على الطلاق لانها على علاقه بشخص ثاني.
Post: #19 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: هاجر التهامي ياسين Date: 01-28-2010, 06:34 AM Parent: #18
سلام لاصاحب البوست وفعلا موضوع شيق
دايما المرأة ملامة في اي حكاية, في حاجة فايته على الرجل تجاه المرأة
المرأة الام بت الناس المتربية والانت ما غلطت يوم تزوجتها دي لايمكن تفكر
تهدم بيتها الا لسبب قوي جدا, والقروش لا يمكن تكون مطمع ليها , بس ممكن يكون
الخوف من المواصلة في الزواج الذي يكون قنبلة موقوته ممكن تنفجر في اي لحظة.
Quote: لانه غالبا مايكون المنزل مملوك للرجل بكده وتعبه قبل ان يتعرف على زوجته اصلا.
لو كان الكلام ده صحيح...انا من راى ان كل الرجال السودانيين يعملوا ذى الامركان (لو خايف على ثروتك الطائلة)... اول ما تتزوج خلى زوجتك تمضى على Prenuptial agreement
عشان كده يا سيف.. مفروض ما نلوم المرأة فقط؟؟؟ الاتنين الزوج و الزوجة.... وقبل اللوم و اطلاق التهمة...لازم نعرف المسببات؟؟ ليه نسبة الطلاق زادت؟؟ وفي اي فئة؟؟ الاسباب ؟؟ هل الطلاق مقصور فقط علي فئة المتزوجين و استقدمو زوجاتهم من السودان و العكس ايضا؟؟ هل الطلاق في فئة المتزوجين داخل اميركا؟؟(يعني سوداني و سودانية) مقيمن هنا؟؟ هل السوداني و السودانية .المتزوجين اجنبيات و اجانب ايضا ,عندهم مشكلة الطلاق؟؟ ..............؟؟ .....................؟؟ وغيرها من الاسئلة... هي مشكلة اجتماعية,موجودة و متزامنة مع وجود الزواج في الدنيا... لابد من التفكير والتشاور في معرفة لماذا(زيادة الطلاق الان؟؟) نفكر معا...!! نتدارس واقع البيئة المحيطة؟؟ كيفية المعالجة؟؟ وكيفية ايجاد الحلول؟؟؟؟
____ اخي الكريم سيف.. بوست جميل و هادف, ولكنك في البداية تحاملت علي المراة اكثر من الرجل!! ..... لمصلحة الطرفين, و الاسرة و المجتمع و الاطفال في الاول.. اتمني مناقشة الاسباب عموما و ليس تجريم طرف دون اخر... فالمتضرر الاول...هم الابناء..والاسرة الممتدة من بعد في رائي الخاص و البسيط.. لا اعتقد بوجود طرف يطلب ان يفترق عن من يحب و يعشق الا للشديد القوي..!!!
عاطر احترامي و تقديري وفي انتظار الاخوة و الاخوات.....
عزيزي سيف سلام ... الموضوع مهم حيث يتطرق لافرازات الاستغراب او الهجرة الجماعية التي صارت ملمحا اجتماعيا سودانيا خلال العقديين البائسيين الماضيين من تاريخ السودان...وللنظر لهذا الامر "الطلاق او الخلع" المهجري وحيث اننا ناتي من مجتمع ممعن في ذكوريته لاغيا لدور الانثي في امور حياتية كثيرة وحيث ان الانثي السودانية ربما لها الدور الاكبر في بقاء التماسك الاسري والاجتماعي في السودان رغم حروب عظيمة كانت هي فيه الضحية ارملة او ثكلي او مستهدفة كما انها في مناطق كثيرة من السودان قامت بدوريين معا "الاب والام" في غياب الاباء بحثا عن الرزق ولسنوات طويلة وبعضهم لم يعد فلذا فان وجهة نظر النساء في المهجر في هذا الموضوع مهم وربما محوري فالرجل الذي اعطاه مجتمعه الذكوري ارثا من السلطة يراه اصيلا ربما ينسي ان ذلك الارث مرتبط بتواجده في بلده اساسا وحين يخرج وزوجته (والتي ربما تزوجها وفق الارث الذكوري بخياره او خيار اهله لا خيارها ..الخ) الي مجتمع فيه حقوق للانثي غير التي عرفها الرجل السوداني فيصر علي الذي كان له في مجتمعه حتي وان لم يكن عادلا فيحدث الخلل في العلاقة .. المراة السودانية صبورة وكثيرة التحمل والتنازل عن حقوق لها كثيرة مراعاة لاسرتها الصغيرة - هذا لا يعني ان ليس هنالك بعض منهن عكس ذلك ولكن اتحدث عن العام - وبالتالي لا اظن ان مستجدات كالتي ذكرتها من حقوق مادية ورعاية مشتركة للطفل ..الخ ستجعلها تتنازل عن اسرتها وزوجها بسهولة ...يجب ان ننظر الي ان الارث الذكوري يجعل الرجل متمسكا بواقع هو مفروض علي المراة ويصر عليه حتي ولو تغيرت الظروف كما يحدث في المهجر .... الطلاق فشل طرفيين وهذا يعني انهما الاثنيين فشلا في مشروع حياتهما لاسباب اما تتعلق بتاريخ علاقتهما وكيفية بدء الشراكة وهل نال كل طرف ما يستحقه من الاخر كشريك لا كوصي .. تقييم الحقوق والتي توفرها مجتمعات المهجر للطرفيين يجب ان تناقش بموضوعية بينهما وعلي الاثنين التوفيق بين موروثاتهم السابقة والحقوق الجديدة تدريجيا لاستمرارية الحياة بينهما وخصوصا في وجود اطفال.. فالمادة ورعاية الدولة لا تكفي لتنشئة اطفال واسر صحية ...
مودتي ابوبكر
Post: #23 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: Deng Date: 01-28-2010, 08:00 AM Parent: #22
Quote: انا لا علم لى عن كندا واستراليا لكن فى امريكا الحتة دى بالجد فيها خلل وهذا من عيوب القوانين الوضعية والتى يستغلها احد الطرفين بانانية لمصلحته وكما هو متعارف فى احاديث الرجال ان القوانين بامريكا منحازة اكثر للنساء وهناك المتطلعات اللائى يستغللن القيمة الراسمالية الصافية للبيت والذى هو مملوك باسم الزوج يتسببن للوصول للطلاق للحصول على نصف قيمة البيت غير عابهات بمستقبل الاطفال التربوى طالما هناك دعم حكومى للاطفال
محمد النيل .
المشكلة ليست في قوانين البلاد التي هاجر اليها المهاجرين ، ولكن المشكلة تكمن في ثقافة وسلوك المهاجرين الجدد وفهمهم لقوانين بلد المهجر . فمثلا السودانين يريدون أن يمارسون نفس العادات والتقاليد التي يماروسونها في السودان . وهذا أكبر خطاء . ومن أهم أسباب الطلاق هو عدم معرفة الزوجين ببعضهم البعض جيدا، وطريقة الزواج وفترة ما قبل الزواج . نعم أمريكا تفتح عقول النساء المهاجرات جيدا، ويجب أن يعي الرجال هذا الأمر قبل الهجرة الى أمريكا . فأذا كنت تريد أن تكون مسيطرا على زوجتك وتريد معاملتها كتابع لك أو كقروية غير متعلمة فمن الاحسن لك أن تبقى في السودان . You cannot have it both ways
Quote: عزيزي سيف سلام ... الموضوع مهم حيث يتطرق لافرازات الاستغراب او الهجرة الجماعية التي صارت ملمحا اجتماعيا سودانيا خلال العقديين البائسيين الماضيين من تاريخ السودان...
شكراً ابوبكر علي هذا التعقيب
شكراً صاحب البوست علي فتح هذه النافذة
و اليك هذا السؤال
ما هو الأجدر بالبحث. ما ترتب علي الهجرة من اسباب اختلاف ثقافة قوانين الخ؟
ام الاسباب التي دفعت هؤلاء المواطنين للهجرة بحثاً عن عمل و رزق تم حرمهم منه داخل وطنهم عن طريق فصل من الخدمة أو خلافه؟
حقيقة لو مافي خلاف بين الزوجين الابناء ضحية. في البيت تربية و في المدرسة تربية تانية. الاباء و الامهات عندهم ثقافة في ذهنهن تختلف عن الثقافة التي يتلقاها ابناءهم في المدرسة و التلفزيزن و الكلام كتير
محمد الامين موسى Prenuptial agreement هى اتفاقية قبل الزواج....يعنى قبل ما تتزوج تمشى لمحامى و تكتب انت و زوجتك ح تعملوا شنو فى حالة الطلاق.. يعنى لو كان عندك بيت و خايف عليه فى حالة الطلاق تقوموا تكتبوا فى العقد ان الزوجه ما ح يكون ليها اى حق فى البيت ده. لو انتو الاتنين رضيتوا تمضوا على الورقه و بعد كده تمشوا تتزوجوا. و ممكن اى حاجه تتكب فى العقد ده ..ذى ان الزوجه تقول لو زوجها خانها مع واحده تانيه مفروض يطلقها و يدفع ليها المبلغ الفلانى من المال و هكذا. غالبا الناس اللى بتكتب العقود دى بيكونوا ناس غنيانييين جدا (ملايين الدولارات ) و غالبا بيكونوا غنيانيين قبل الزواج ...موش الواحد تكون الزوجة شقت معاه و ربت الاولاد وو طبخت و نظفت و غسلت هدوموا و هدوم اولاده و يجيى يقول هى كانت قاعده فى البيت و انا تعبت واشتغلت و اشتريت البيت ده . ..و هى ما عندها حق فيه. _____________________________ فى امريكا (بالذات ) غير مقبول ان يكتب مصير الاولاد فى الاتفاقيه دى. لان موضوع الاولادلازم يكون الحل الافضل ليهم فى وقت حدوث الطلاق..ما على حساب مزاج الاهل.
Quote: دايما المرأة ملامة في اي حكاية, في حاجة فايته على الرجل تجاه المرأة
المرأة الام بت الناس المتربية والانت ما غلطت يوم تزوجتها دي لايمكن تفكر
تهدم بيتها الا لسبب قوي جدا, والقروش لا يمكن تكون مطمع ليها , بس ممكن يكون
الخوف من المواصلة في الزواج الذي يكون قنبلة موقوته ممكن تنفجر في اي لحظة.
الاخت هاجر انا افتكر انو الملامة لا علي الراجل ولاعلي المرأة الملامة علي النظم التي تحكم الزواج (اجتماعية .ثقافية . اقتصادية) الطرفان في اغلب الاحيان بحتكمو لنظم مختلفة التفكير يعني مرات تلقي الزوجة متحررة في تفكيرها والزوج محافظ او العكس مما يسبب مشاكل من تفسير سلوك البعض كذلك ممكن يكون التفكير الاقتصادي مختلف اهم الشي انو الطرفين يقدمو تنازلات لو كل واحد اتنازل 50% بتلاقو اكيد في النص اتمنى للجميع حياة هادئة بعيدة عن المتاعب
Quote: المرأة الام بت الناس المتربية والانت ما غلطت يوم تزوجتها دي لايمكن تفكر
تهدم بيتها الا لسبب قوي جدا, والقروش لا يمكن تكون مطمع ليها
Post: #40 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 01-28-2010, 10:24 PM Parent: #38
Quote: فمن الاحسن لك أن تبقى في السودان . You cannot have it both ways
الاخ دينق انا لا اتحدث عن نفسى او السودانيين انا اتحدث عن السيستم بصفة عامة وعن شرائح مختلفة ومآسى وقصص لاجناس مختلفة اضافة لسياد البلد الاصليين سمعتها بتفاصيلها من اسيادها النتيجة ان السيستم يشجع المراة على ان تكون سِنقل ماظر لانها بتجنى فوائد اكثر وكل ولاية بتختلف من ولاية اخرى السودانيون احسن حالا بكثير ما عدا بعض الحالات القليلة لانو لسع فيهم اصالة الزواج مسألة قيمية روحانية فى المقام الاول وهذا يتناقض مع الفكر المادى والعلمانية اقرب اقرب للماديات من القيم ومن هنا جاء الخلل وانا اعتقد ان عضو المنبر هشام ادم قد كتب بوستا ان الزواج بدعة حسب فكره المادى اللا دينى. وانا اعتقد انه صادق فى توجهه حسب فكره العلمانى. واعتقد ايضا ان من النفاق ان يقوم العلمانيون بتقنين الزواج لان الاعتراف بالزواج فى حد زاته شأن دينى. وكون الدولة تتسيطر فى كيف يتم الزواج وفى نتائج الطلاق فهذا يعتبر ان الدولة لم تفصل الدين عن الدولة حتى لو كان الزواج تحت المسمى المدنى. اما حكاية بوى فريند وقيلرل فرند هذا يناسب الفكر العلمانى واذا تم انجاب اطفال من هذه العلاقة فهما مسؤولان من رعاية ما انجباه نتيجة لهذه العلاقة الجنسية. اما كلمتى زواج وطلاق هاتين فلتتركها العلمانية و شأنها والدليل هشام آدم العلمانى
يا جماعه كدي نعمل ستوب دقيقه, مفروض نحن نناقش الطلاق من منطلق عام من غير اتهامات للرجل او المراه عشان نصل لنتيجه مقنعه من غير تحيز و تحامل, معليش يا سيد البوست احتليته ليك في غيابك. اولا عشان نوضح حاجه مهمه الولفير لا يغني ولا يسمن من جوع, يعني بيخلي الانسان البعتمد عليه عايش حد الكفاف و الحد الادني من العيش الكريم يعني ما بحبوحه ولا عيشه هنيه فما اعتقد انه في ام ولا زوجه في الدنيا بتضحي ببيتها و اسرتها و استقرار اولادها عشان تاخد قروش الويلفير الا يجبرها على كده الشديد القوي. بعدين الويلفير بيجي يوم و يقيف و ناس السوشل سيرفيسيس بيضايقوك و يطاردوك و يغصبوك تشتغل او تتعلم حاجه تنفعك عشان تلاقي شغل و تطلع من الويلفير. الزوجه لو كانت عايشه مرتاحه في زواجها و ما بقصد العيشه الماديه, لكن اقصد زواجها ناجح و مستقره فيه ما اظن حتفكر تضحي بيه عشان دولارات معدوده و شقه في منطقه غالبا بتكون خطره و غير مناسبه لتربية الاطفال و فيها مخدرات و عصابات و غيره.
خلونا نناقش الموضوع بموضوعيه و وضع الاسره في الغربه او في السودان و اسباب الطلاق من غير تحيز و تقبلوا فائق احترامي.
Post: #42 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 01-29-2010, 06:08 AM Parent: #41
فكرة انو الشخص يرتبط بواحدة فى رابطة التزاوج هو الذى يفرق الانسان من الحيوان ماهو الذى يمنع الرجل والمراة من ممارسة المعاشرة خارج نطاق الزوجية؟ ماهو الرادع؟ انها القيم ليس الا ومن اين اتت القيم؟ من الدين كل الاديان السماوية وليس بالضرورة الاسلام فقط جاءت القيم نتيجة للتراكم الدينى المتوارث والذى يشكل الضمير الثقافى عبر آلاف السنين منذ نشأة البشرية والاسرة كوحدة مؤسسية اولية كانت لا بد لاستقرارها من راس واحد لادارتها فقننت الاديان ان يكون الرجل هو الراس المسئول وهو المؤهل ليس من نظرة الدين فحسب بل بيولوجيا للتصدى لمهمة قيادة الاسرة وكما يقال فى المثل العامى: رئيسين غرقوا المركب ولذلك جعل الله تعالى للرجل درجة اعلى عن المرأة (فى نطاق الأسرية فقط وليس الحياة العامة) بشرط الصرف المالى حتى لو كانت الزوجة ثرية وميسورة الحال وجعل الله عصمة الطلاق فى يد الرجل عكس الفكر العلمانى الذى يساوى هذا الحق بين الاثنين والقضاء هو الفيصل فما هو الاصح تنظيم الخالق لهذا الامر الذى يعرف قدر صنيعه ام المخلوق الذى يجهل حكمة الاله فى تنصيب الرجل لهذا الامر؟ فمن نتائج تدخل العلمانية فى هذا التنظيم الالهى جاءت هذه المشاكل الاسرية التى يتحدث عنها الاخ سيف اليزل اذاً الاسلام الصحيح هو الحل واما تزايد الطلاق حتى فى السودان فذلك لضعف التمسك وتطبيق الاسلام عند الافراد والابتعاد عن الخلق الاسلامى القويم وخيانة الدولة للنهج الاسلامى الصحيح واستغلال الدين للمكاسب الضيقة ساعد على نفور الكثيرين عن جادة الدين وشكرا للاخ سيف والمتداخلين
انا اعتقد الموضوع ده قبل اتناقش هنا بصوره او باخري
كل الكلام بتقال بدون احصاءيات دقيقه
واختلاف المراه والرجل وارد كان في امريكا ولا ام كداده اذن المشكله تكمن في القوانيين وطريقة التقيد بها وفي تقديري اي بلد قوانينها طالعه من اعراف ناسا
السودانيين في امريكا موضوع البوست مفروض يعرفو كيف يتقيدوا بي قوانيين البلد العاشين فيها
Post: #44 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: عماد موسى محمد Date: 01-29-2010, 06:48 AM Parent: #42
Quote: جاءت القيم نتيجة للتراكم الدينى المتوارث والذى يشكل الضمير الثقافى عبر آلاف السنين منذ نشأة البشرية والاسرة كوحدة مؤسسية اولية كانت لا بد لاستقرارها من راس واحد لادارتها فقننت الاديان ان يكون الرجل هو الراس المسئول وهو المؤهل ليس من نظرة الدين فحسب بل بيولوجيا للتصدى لمهمة قيادة الاسرة وكما يقال فى المثل العامى: رئيسين غرقوا المركب ولذلك جعل الله تعالى للرجل درجة اعلى عن المرأة (فى نطاق الأسرية فقط وليس الحياة العامة) بشرط الصرف المالى حتى لو كانت الزوجة ثرية وميسورة الحالوجعل الله عصمة الطلاق فى يد الرجل عكس الفكر العلمانى الذى يساوى هذا الحق بين الاثنين
لافُضّ فوك يا رجل..كلام حق وحقيقة.. الزميل سيف والزملاء الكرام السلام عليكم مررت من هاهنا ولفت نظري العنوان النقاش في مثل هذه الأمور بهدوء يوصل الباحثين عن الحقيقة إلى بر الأمان-إن شاء الله- حفظ الله مجتمعات المسلمين من شرور العلمانية وتوابعها الزلزالية المدمّرة بورك فيك يا سيف
Post: #45 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: Nasir Ahmed Elmustafa Date: 01-29-2010, 06:51 AM Parent: #42
شكرا للاخ سيف على هذا الطرح الهام والجاد انا حا اناقش موضوع الطلاق والخلافات الزوجية داخل السودان لاني ماعندي فكرة عن القوانين برة واثرها على سير الحياة الزوجية ومنكم نستفيد لكن عموما ممكن نتكلم معاكم عن القيم وامكانية تغلبها على المصاعب التي تخلقها المشكلات المادية في السودان اعتقد ان المسبب الرئيسي للخلافات الزوجية التي تتطور وتصل مرحلة الطلاق السلمي واحيانا تذهب الى المحاكم واحيانا تنتهي بجريمة تصل الى حد القتل المسبب الرئيسي هو العامل الاقتصادي
Post: #47 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: فضل الله خاطر Date: 01-29-2010, 08:19 AM Parent: #45
الأخ الكريم سيف اليزل وضيوفك الكرام تحياتي الموضوع شيق ويحتاج إلى بحث عميق في جذور ما أثرت من مشكلة في الدول التي أشرت إليها، وهذه المسألة غير منفصلة عن نتائج الدراسة التي أوردها أحد المتداخلين. الحاصل الذي وصفتموه في بلاد الغرب أو تحديدا في أمريكا وكندا وأستراليا غبر موجود - مثلا - عندنا هنا في شمال شرق آسيا، خاصة في كوريا الجنوبية، فالأسر هنا تعيش في وئام والرجل هو الذي يعمل ويسعى للرزق ويقوم بواجبه في رعاية أسرته؛ الزوجه والأبناء وحتى الأسرة الممتدة في السودان على أكمل وجه، ولم نسمع - بحكم علاقتنا ا########دة بجميع شرائح المجتمع السوداني هنا- لم نسمع بشخص قصر في شئ، مهما كان مستوى عمله أو حجم راتبه. نحن هنا نجهل طبيعة الظروف والأوضاع الاقتصادية التي يعيشها أخوتنا من المجتمع السوداني في بقية دول المهجر والشتات في الغرب، ولكن نظن ... وإن بعض الظن إثم ... أن الرجل هو المسئول الأول والأخير عن ما يجري في الأسرة، فالأجدر بالرجل رب الأسرة أن يتوخى الحذر لأسرته عندما يقدم بهم إلى بلاد لا يستطيع إعالتهم فيها، وأن يعمل جهده ما وسعه ذلك إلى أن يأّمن لهم العيش الكريم. فالمرأة السودانية سودانية وأصيلة ولا تتنكر للعشير في بلاد الغربة ... اللهم إلا إذا كان هذا العشير رأت منه ما يوجب الخروج عن النص. ونرجع نقول الدراسة الوافيه لما طرحت مهمة حتى نقف على الأسباب وسبل العلاج. مع خالص مودتي لك وللمتداخلين. فضل
Post: #48 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: Deng Date: 01-29-2010, 09:28 AM Parent: #47
Quote: الاخ دينق انا لا اتحدث عن نفسى او السودانيين انا اتحدث عن السيستم بصفة عامة وعن شرائح مختلفة ومآسى وقصص لاجناس مختلفة اضافة لسياد البلد الاصليين سمعتها بتفاصيلها من اسيادها النتيجة ان السيستم يشجع المراة على ان تكون سِنقل ماظر لانها بتجنى فوائد اكثر وكل ولاية بتختلف من ولاية اخرى السودانيون احسن حالا بكثير ما عدا بعض الحالات القليلة لانو لسع فيهم اصالة الزواج مسألة قيمية روحانية فى المقام الاول وهذا يتناقض مع الفكر المادى والعلمانية اقرب اقرب للماديات من القيم ومن هنا جاء الخلل وانا اعتقد ان عضو المنبر هشام ادم قد كتب بوستا ان الزواج بدعة حسب فكره المادى اللا دينى. وانا اعتقد انه صادق فى توجهه حسب فكره العلمانى. واعتقد ايضا ان من النفاق ان يقوم العلمانيون بتقنين الزواج لان الاعتراف بالزواج فى حد زاته شأن دينى. وكون الدولة تتسيطر فى كيف يتم الزواج وفى نتائج الطلاق فهذا يعتبر ان الدولة لم تفصل الدين عن الدولة حتى لو كان الزواج تحت المسمى المدنى.اما حكاية بوى فريند وقيلرل فرند هذا يناسب الفكر العلمانى واذا تم انجاب اطفال من هذه العلاقة فهما مسؤولان من رعاية ما انجباه نتيجة لهذه العلاقة الجنسية. اما كلمتى زواج وطلاق هاتين فلتتركها العلمانية و شأنها والدليل هشام آدم العلمانى
الأخ حمد النيل .
النظام الامريكي المعمول به هو من الثقافة الامريكية الواسعة فبه مقتبسات من الدين و أخرى علمانية . أنا لا أعتقد أن بعض النساء في أمريكا يفضلون العيش من غير أزواج ويفضلون الاعتماد على الدعم الحكومي أو الويلفير ، لأن الدعم الحكومي كما قالت لك الاخت دانيا لا يأتي بمثل هذه السهولة و أنا هنا أتحدث عن أمريكا وليس بقية الدول . فالعائد من هذا الدعم الحكومي لن يخرج صاحبه من أصحاب الدخل المحدود وخط الفقر . وأي محاولة للغش أو التحايل فيه سوف يتم أكتشافه بواسطة السلطات مهما طال الزمن . وأنت هنا تتفق معي بأنه لا يوجد شخص يريد أن يعيش في خط الفقر معظم حياته مع وجود فرص عديدة في أمريكا لتحسين الدخل المادي . أما موضوع العلمانية والزواج فهذا موضوع أخر . فالامريكان معظمهم يفضلون الزواج في الكنائس أولا ثم التسجيل في المحاكم .
Quote: وجعل الله عصمة الطلاق فى يد الرجل عكس الفكر العلمانى
الاسلام برضه ادى المراه الحق في الطلاق و انه العصمه تكون في يدها لكن لازم تشترط ده قبل الزواج و ايضا لها حق الخلع.
خلونا نناقش اسباب الطلاق عموما.
Post: #51 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: عثمان جلال الدين Date: 01-29-2010, 04:22 PM Parent: #49
الموضوع جميل ويفتح الأذهان على كثير من التفاصيل وبقليل من التنظيم للمحاور سنستفيد أكتر.. سؤال لناس أمريكا: عندي قريبي (لوتري) وحصل على الجواز ترك امريكا لعدم ملأمة الحياة معه دينياً ودنيويا(أنصار سنة) رفضت زوجته العودة معه للسودان والنتيجة كانت عودته للسودان منذ سنوات وهي ظلت مع الأولاد بأمريكا؟؟ كيف عملت دي وأي قوانين تلك التي حمتها؟؟ على فكرة هي (برضه كانت عند مغادرتهم السودان "أنصار سنة" ومنقبة كمان والآن غير ذلك..
Quote: الموضوع جميل ويفتح الأذهان على كثير من التفاصيل وبقليل من التنظيم للمحاور سنستفيد أكتر.. سؤال لناس أمريكا: عندي قريبي (لوتري) وحصل على الجواز ترك امريكا لعدم ملأمة الحياة معه دينياً ودنيويا(أنصار سنة) رفضت زوجته العودة معه للسودان والنتيجة كانت عودته للسودان منذ سنوات وهي ظلت مع الأولاد بأمريكا؟؟ كيف عملت دي وأي قوانين تلك التي حمتها؟؟ على فكرة هي (برضه كانت عند مغادرتهم السودان "أنصار سنة" ومنقبة كمان والآن غير ذلك..
اخ عثمان جلال الدين
حكاية قريبك دي طبعا ما ممكن تجاوب ولا نحكم عليها عشان ما سمعنا الطرفين و ما عندنا تفاصيل لكن عموما كده بتكون الزوجه فضلت انها تعيش في امريكا و انه افضل ليها من الحياة في السودان و افتكر ده حق لكل انسان انه يختار المكان البريحه امريكا ما زي الدول العربيه من حق الزوج انها اقامة الزوجه و إرجاعها الي بلدها رغما عنها هنا كل شخص ليه مطلق الحريه في قراراته و ده مشكلة كتير من الناس يغشون الزوجه امشي أجازه السودان و هناك يشيل الجوازات يخفيها و يرجع امريكا و يفاجأ بالزوجه و الأولاد رجعوا امريكا و يواجه هو مساله قانونيه لان ما من حق اي انسان حرمان انسان تاني من اوراقه الثبوتيه و ديل ما قادرين يففهموا انه ده ما زمن العبيد و الجواري بعدين امرأه ما عاوزه تعيش معاك احفظ كرامتك و خليها و انا هنا ما بقصد قريبك بتكلم عموما
موضوع انها كانت انصار سنه و لتغيرت برضه موضوع راجع ليها يمكن اكتشفت انها كانت غلط او انها ما بقت انصار سنه و انتقلت باختيارها يعني ممكن تكون منقبه بطلب من الزوج زي الزول البيمشي عريان و فجأة تنحجب في التهابه خيارات شخصيه
الرجال معظمهمرعاوزين المراه تحت سيطرتهم و لو فتحت او عرفت حقوقها تبقي فجرت و خربت البيت يعني مفروض حتي لو ما مقتله برضه تسكت و في ناس بيخافوا من الكلام ده عشان كده حتي لو بتضرب تسكت و تتحمل عشان ما يقولوا مشت اوروبا ولا امريكا و لتغيرت و مرات انطلقت مع احترامي للجميع
Sent from my iPhone
Post: #56 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 01-29-2010, 06:55 PM Parent: #54
حبيبنا دينق
Quote: فبه مقتبسات من الدين و أخرى علمانية .
نفهم من كدا انه حكاية مالله لله ومالقيصر دى ما شغالة او على الاقل العلمانيين فشلوا فى تطبيقها فلكى توفى العلمانية بهذه المعادلة الصعبة يجب ان يكون الزواج متروكا للمسجد وللكنيسة وامور الطلاق وتبعاته متروك لهاتين الجهتين ويعالجها رجال الدين من الجهتين كدا بيكون مالقيصر لقيصر و مالله لله اى حاجة غير كدا ح يكون Hypocrisy اما حكاية الحد الادنى للمعيشة فانا لا اتفق معك هناك ولايات مرتاحة ومنغنغة ال Single mother بيدلعوها اخر دلع و Programs ما ليها حد انت الظاهر عليك عايش فى ولاية تعبانة عندهن برنامج للسكن الفاخر ما بتحلم بيهو حتى لو عندها وظيفة بشهادة بكلاريوس Plus Food Stamp Program قوى امتيازات تعلمية وصحية برامج ترفيهية للاطفال وما خفى اعظم الامر مغرى للتسبب باى شكل للطلاق والمرأة لما تتبلى على الرجل ح يكون مدان حتى يثبت براءته تناقض علمانى غريب تحياتى
Quote: هناك ولايات مرتاحة ومنغنغة ال Single mother بيدلعوها اخر دلع و Programs ما ليها حد انت الظاهر عليك عايش فى ولاية تعبانة عندهن برنامج للسكن الفاخر ما بتحلم بيهو حتى لو عندها وظيفة بشهادة بكلاريوس Plus Food Stamp Program قوى امتيازات تعلمية وصحية برامج ترفيهية للاطفال وما خفى اعظم
انت لو بانى نظريتك دى على الكلام ده....تكون مشكله. انت عارف الفود استام دى فيها شنو? فيها اسسيات الاكل بس. لبن و بيض و جبنة. لحدى قبل شهور ما كان فيها خضار و فواكه. سكن فاخر ? انا عايشه فى اكتر ولاية فيها برامج للاسر الفقيرة....و ما شفت فيها سكن فاخر لاسرة فقيرة. امتيازات تعلمية وصحية ? طيب اوباما ده مجننا فى شنو اذا كان فى خدمات صحية مجانا ? يا جماعة عشان نقاشكم ده يكون مفيد ...مفروض تتفقوا على الحاصل على الارض شنو. لكن لو فى ناس فاكره ان دعم الاسر الفقيرة بيسكن فى سكن فاخر ...فما ح تتناقشوا نقاش مفيد... __________________________ ان عارفه ان موضوع السكن ده نسبى... و اللى بيكون زول شايفه سكن كويس ,لزول تانى بيكون مثل ال projects. لكن كلمة فاخر دى (قوية شديد) و ما ممكن زول يقول لى على شقة فى حى تعبان و جيرناك بتاتوهاتهم و شرابهم و كواريكهم (فى الشارع) و تقول لى فاخر.
Quote: نفهم من كدا انه حكاية مالله لله ومالقيصر دى ما شغالة او على الاقل العلمانيين فشلوا فى تطبيقها فلكى توفى العلمانية بهذه المعادلة الصعبة يجب ان يكون الزواج متروكا للمسجد وللكنيسة وامور الطلاق وتبعاته متروك لهاتين الجهتين ويعالجها رجال الدين من الجهتين كدا بيكون مالقيصر لقيصر و مالله لله اى حاجة غير كدا ح يكون Hypocrisy اما حكاية الحد الادنى للمعيشة فانا لا اتفق معك هناك ولايات مرتاحة ومنغنغة ال Single mother بيدلعوها اخر دلع و Programs ما ليها حد انت الظاهر عليك عايش فى ولاية تعبانة عندهن برنامج للسكن الفاخر ما بتحلم بيهو حتى لو عندها وظيفة بشهادة بكلاريوس Plus Food Stamp Program قوى امتيازات تعلمية وصحية برامج ترفيهية للاطفال وما خفى اعظم الامر مغرى للتسبب باى شكل للطلاق والمرأة لما تتبلى على الرجل ح يكون مدان حتى يثبت براءته تناقض علمانى غريب تحياتى
الأخ حمد النيل .
يجب أن تعيد التفكير في فهمك لموضوع العلمانية ده شوية ، لأنوا العلمانية المعمول بها في أمريكا لا تحرم الاديان أو تضطهدها ولكن تجعلها أحدا الخيارات المتاحة للمواطن الامريكي . وفي نهاية الامر يحق لكل شخص أختيار ما يناسبه في الزواج والطلاق . فمثلا ، فأذا أردت أن أتزوج في الكنيسة أو المسجد هذا خيار وإذا أردت أن أتزوج في المحكمة فهذا خيار أيضا . وتتم عملية الطلاق بنفس الخيارات المتاحة . أنا تنقلت في عدد كبير من الولايات ولكني أسكن في ولاية فرجينيا وهي من أغنى الولايات في أمريكا خصوصا المقاطعة التي أسكن بها والمقاطعة التي تجاورها، وهذا المقاطعتين ميزانياتهم السنوية تعادل ميزانيات دول العالم الثالث . أنا لا أدري من أين أتيت بالمساعدات الحكومية الذي تسكن الناس في الاحياء الفاخرة هذا يا عزيزي . لعلمك . الاحياء الفاخرة لا تسمح بمثل هذا النوع من السكن أبدا فهذه الأحياء المنازل تصل أسعارها فيها الى نصف المليون وأكثر . وأي حي يوجد به سكن مدعوم من الحكومة فهوا يدني أسعار البيوت المجاورة له ، ومعظم الناس لا يفضلون السكن بالقرب من هذا النوع من السكن الذي يكون مدعوم من الحكومة . بعدين كما قلت لك من قبل. أن الذين يتلقون دعم ومساعدة من الحكومة أو الولاية فهم دائما مطالبون بأن يتبعوا نظام حياة تقشفي معين . ودعني أؤكد لك أن أي شخص يتلاعب بمثل هذه القوانين سوف يتم أكتشافه مهما طال الزمن . فلذلك أنا أنصح أي شخص بأن لا يدخل نفسه في مثل هذه المشاكل ويعرض نفسه وأسرته لعواقب وخيمة . وهنالك قصص كثيرة حدثت لبعض الناس وفي النهاية أنتهى بهم الامر الى السجون ثم الترحيل للبلد الاصلي .
موضوع السكن الفاخر و النغنغه دي مضحكه شويه لانه لو كان السستم بتاع الولفير و الفودستامب بيعيسش في نغنغه ما كان الناس جنت و اتجننت هسه في الضايقه الماليه في امريكا و كان الناس اصلا ما اشتغلت ولا فتشت شغل عشان تعيش على الويلفير.
عشان نوضح الامور و من حسب خبرتي لمن كنت بتطوع في مكتب السوشل سرفس في مقاطعة فيرفاكس فرجينيا و دي من اغني المقاطعات هنا الفود ستامب بيدي الشخص الواحد للاكل و الشراب سته و خمسين دولار اسبوعياو بيدوك كرت تصرف بيه و هم بيشحنوه كل اسبوعين و الويك و ده برنامج للنساء الحوامل المرضعات و الاطفال لعمر خمسه سنين بيديك كبونات تصرف بيها لبن و بيض و جبنه و عصير برتقال و تونه و لوبيا يعني المواد الغذائيه الاساسيه لنمو الطفل و الحوامل و في دخل معين لازم يكون موجود يعني تكون شغل و من اصحاب الدخل المحدود و في فيرفاكس الدخل لاسره من 3 اشخاص كان 33 الف دولار سنويا. اما العلاج لو الدخل لاسره من 3 اشخاص اقل من المذكور بيدوك علاج حكومي في عيادات حكوميه معينه و لو الدخل زاد دولار لازم تخطرهم. موضوع السكن برضه لازم تكون شغال عشان يدوك شقه و غير صحيح انه الشقه فاخره, شقه بتكون في منطقه شعبيه و غالبا خطره جدا و الناس الفيها بيكونوا يا اما فقراء و الا ما بيدوهم يسكنوا هنا اما سوابق و مخدرات و الفاظ نابيه و اطفال قليلة ادب و منحرفين. لو الزول ما شغال نهائي بيمشي الملاجئ بدل يقعد في الشارع و الملجاء ما ممكن تقعد فيه طوال النهار لازم تكون بتفتش في شغل و ممكن تبيت و تستحم فيه بيوفروا ليك سرير و وجبه عشاء ساخن و ادوات نظافه شخصيه من صابون و معجون و خلافه. حياة بتقيك من الشارغ والبرد و ليست بديل للاسره و المنزل.
بعد ده كله تفتكروا في زوجه بتسيب بيتها عشان تمشي تتسول في مكاتب السوشل سرفس عشان البيض و اللبن و القروش البسيطه دي؟ و تلبس و تتوصل و اي حاجه ثانيه عاوزه تشتريها حتجبها من وين؟ يعني ما اظن تسيب بيتها تهدم اسرتها عشان الحياه دي.
القانون في امريكا يساوي بين الرجل و المراه زي ما قال الوليد, المشكله انه في بلادنا القانون و العادات في صف الرجل و غالبا بيقهر المراه و نحن ما متعودين على انصافها عشان كده لمن تعرف حقوقها و تلقى قانون ينصفها و يديها حقوقها لو تمردت على حياتها التعيسه و اخدت حقها و انصفت روحها تكون فكت الراجل عكس الهواء و تكون فجرت
سيف اليزل معليش حورت ليك مسار البورد بس كنت عاوزه اوضح موضوع الويلفير.
معلوماتي عن الويلفير في فرجينينا من 3 سنين لمن كنت شغاله معاهم و دي معلومات فيرفاكس ما يجيني زول من ميرلاند ولا اوكلاهوما يغالطني كل ولايه و مقاطعه اقامهم بيختلف حسب مستوى المعيشه و الغلاء و الهدف من الويلفير مكافحة الجوع و التشرد ما السكن الفاخر و النغنغه و سلام.
Post: #62 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: SAIF MUstafa Date: 01-30-2010, 03:05 AM Parent: #61
الأخ سيف وضيوفه سلام البوست دا بيكشف إلى أى مدى أنو المعلومات المتداولة عن أمريكا حتى وسط ناس أمريكا لا علاقة لها بالواقع.. ويظهر أنو أى معلومة مغلوطة ما لم تصحح فى وقتها يمكن أن تصبح حقيقة ويتم ترديدها بواسطة الجميع... مثال .. ما ذكر فى بداية البوست عن أنو البيت اللى عمله الزوج قبل الزواج بيتم تمليكه للزوجة بعد الطلاق... دى المعلومة اللى بيرددها الرجال وهى مهمة جدا..لأنها الأساس لمسألة الطرد.. دا مثال واحد بس جبت هنا لأنه أصبح من المسلم به فى ثقافة المهاجرين فى أمريكا.., وبى نفس الفهم يمكن تفنيد كل ما ذكر هنا عن الولفير.. والسنقل موم و..و.. فى رأيى أن هناك مسألة أساسية علينا أستيعابها لنفهم ليه نحن وبى ثقافتنا بنفتكر القانون والنظام الأمريكى منحاز للمرأة.. هى أنو القانون بيضع مقابل مادى لأى شئ.. معاناة، تربية،... إلخ.. يعنى بيقيم دور المرأة بالقروش والحساب ولد زى ما بيقوله... والمهاجرين الكلام دا ما بيقع ليهم خصوصا أصحاب الثقافات اللى بيعتبروا الزوجة دى تابع فقط وهى نفسها جزء من ممتلكات الرجل وهوالبيحدد قيمة ما تقوم به.. أو مالا تقوم به.. بصورة عامة وزى ما قال الأخ وليد القوانين ما بتفرز بين الجنسين.. أما ما يردده المهاجرين فهى أحاجى خاصة بتجاربهم الفردية وتحليلهم لها حسب فهمهم الخيالى لأمريكا حتى وأن كانوا ممن يعيشون فيها.. لكم الود سيف مصطفى
سبب اخر انا عائش في مدينه الجاليه السودانيه فيها بالالاف
نسبة الطلاق فيها اقل من 1 في المئه
Post: #65 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 01-30-2010, 05:52 AM Parent: #64
اخ دينق انت ما زلت بتقارن السكن المدعوم حسب الشيئ المعمول به حواليك لامر هنا مختلف مناطق ممتازة من غير البروجكتات انا اتحدث عن المساكن الفاخرة وليس الاحياء الفاخرة وتوجد شروط مستحدثة بانه فى حالة بناء عمارة سكنية جديدة حتى لو فى منطقة غالية فيجب على المالك ان يخصص بعض الشقق للسكن المدعوم دا حاصل فى ولايتنا وذلك فى خطة لخلط زوى الدخول المحدودة وسط الشرائح المقتدرة لانهاء نظام البرجكتات تدريجيا وايضا انا لا اتحدث عن موضوع التحايل هذا موضوع اخر ليس مكان نقاشى انا اتحدث عن السيستم نفسه وقلت لك الامر بيختلف من ولاية لاخرى ومن مدينة لاخرى ما تقارن بولايتك وكونه الواحد يكون مهاجر دا ما معناه انه مما ممكن يفهم السيستم الا يكون اصلا غبى ومثلما هناك مهاجرين اصبحوا محامين فهناك مهاجرين بروفسيرات فى هارفراد والام اى تى والعديد من الجامعات البرستيج وهناك مهاجرين مقددينها اكتر من المحامين مرة اخرى اكرر انه اى مرأة تتهم اى راجل بسوء المعملة بيبهدل حتى لو كان بريئ وبخسر قروش محمامى طائلة وضياع زمن الى ان يثبت براءته والنسوان عارفين الحقيقة دى كويس جدا والنساء بيستغلوا الحتة دى وحقيقة انو المرأة Power دى حقيقة واضحة مثل الشمس الا تكون مرأة داقسة مغمضة ساكت او تكون مرأة متربية من اسرة اصيلة محترمة
Quote: الا تكون مرأة داقسة مغمضة ساكت او تكون مرأة متربية من اسرة اصيلة محترمة
ما عاوزه ارد نيابه عن دينق بس حبيت اوضح حاجه مهمه انه مهما كان السكن ولا المبلغ بتاع الويل فير ما بيسوي يعني ما ممكن انسانه تهدم اسرتها عشانه الا لو كانت عايشه في وضع اسوا منه او تكون عايشه تعاسه و ما سعيده في زواجها.
معليش الاقتباس الفوق ده بس عاوزاك تشرحوا لينا عشان ما نفهم غلط, اتمنى انك ما تكون بتقصد انه المراه البتعرف تاخد حقوقها او ما داقسه امراه غير متربيه من اسره ما اصيله و ما محترمه؟
كتاباتك مهمه و بس نتمني توضح عشان نفهم.
Post: #67 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 01-30-2010, 06:04 AM Parent: #65
Quote: طيب اوباما ده مجننا فى شنو اذا كان فى خدمات صحية مجانا
يا اسمارت ما تتكلمى ساكت البرنامج دا موجود فى بعض الولايات وهناك ولايات محرومة منه وعشان كدا اوباما عايز يعملها فدرالية
Post: #68 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: Nagi Ahmed Date: 01-30-2010, 06:18 AM Parent: #67
In 1992, the average yearly AFDC family payment was $4,572, and food stamps for a family of three averaged $2,469, for a total of $7,041.
Post: #69 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: Nagi Ahmed Date: 01-30-2010, 06:23 AM Parent: #68
هل تعتقد انه في امراة تسعى للطلاق عشان 7000$
This is the average across USA in 1992. If you correct that for inflation , max you can get is 10000-1100
يا حمد النيل البرامج دي موجوده في كل الولايات لكن ما بتعيش عيشه كريمه. هي ما معموله عشان تعيشك في بحبوحه هي معموله عشان تعيشك في الحد الادني و مع خط الفقر. و فيهاللسكن قوائم انتظار ممكن تطول لسنوات و ليها دخل معين و مده معينه يعني ما ممكن تعيش عليها عمرك كله و هي معموله اصلا عشان تساعد الفقراء و اصحاب الدخل البسيط ما عشان الزول يعتمد عليها نهائيه و يقعد عليها. لو كانت زي ما انت بتقول ما كان في امريكي غلب في الدنيا ولا في امريكي اشتغل ولا شال هم يرفدوه من الشغل ما مشكله يرقد في بيتهم و يشيل الاعانات لكن لانه اسياد البلد عارفين انها حد الكفاف و للضروريات بس. غايتو الا يكونوا ناسنا الانت بتتكلم عنهم ديل بحسبوها بالسوداني و انهاقروش كتيره في السودان و هم ميتين جوع.
Post: #71 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: Deng Date: 01-30-2010, 07:13 AM Parent: #70
الأ خ حمد النيل
نعم الحكومة تفرض على بعض أصحاب المباني الجديدة أن تؤجر أو تبيع لبعض أصحاب الدخول المحدودة وذلك لكي تتم مساعاداتهم لتحسين أحوالهم . ولكن هذا لا ينطبق مثلا على الام المطلقة ولديها أطفال و لا تعمل وتعتمد إعتمادا كليا على الدعم الحكومي . بعدين المسألة مش هي الولاية التي أسكن فيها أو تسكن فيها أنت . الدعم الحكومي هذا جزء منه يأتي من الحكومة الفيدرالية ، أي أنه مسألة فيدرالية أيضا وليست ولائية فقط . والمخالفين لهذه القوانين يتعرضون الى تهم فيدرالية أيضا وليس ولائية فقط . أنا أتحدث عن التحايل لأن معظم الاجانب الذين يحصلون على الدعم الحكومي هم يعملون في أشغال يحصلون على دخلهم منها نقدا (كاش) ولا يمكن معرفة دخولهم الحقيقية. فعندك مثلا قيادة التاكسي . عدم فهم النظام الامريكي (السيستم) ليس غباء ، ولكنه جهل وعدم معرفة وهنالك عدة منظمات تقوم بعملية شرح النظام الامريكي للمهاجرين الجدد مع توفر مترجمين لهم . أنا شخصيا كنت أعمل متطوعا من قبل مع أحدا هذه المنظمات التي كانت تساعد بعض المهاجرين السودانين . وهنالك يا عزيزي محاضرات يتم أعطائها للمهاجرين الجدد ولكن كما تدري أن جماعات العالم الثلث يستهونون بمثل هذه المعلومات ، ولذلك ينتهي بعدد كبير منهم في مشاكل عويصة . أما موضوع المهاجرين المتعلمين الذين يعملون في هذه الجامعات "البرستيج" فهم أكيد ليس موضوع نقاشنا هنا . لأنهم بكل تأكيد فهموا النظام الامريكي جيدا وتدرجوا فيه الى أن وصلوا الى هذه المراتب العليا ، وهذا هو الغرض الأساسي الذي تريده أمريكا من المهاجرين . أما موضوع المشاكل بين الازواج فهذا شئ طبيعي أن تكون هنالك خلافات. وصدقني . الخلاف بين الازواج من الصعب جدا معرفة من الذي يقول الحقيقة . الزوج أم الزوجة . أظنك تقصد بسوء المعاملة ، الضرب . الاتهام بالضرب أو سؤ المعاملة ليس بهذه السهولة يا عزيزي . فهنالك تحريات كثيرة يتم أتباعها . أنت ترى أن المرأة لها قوة في أمريكا لأنها لم تكن لها أي قوة في بلدك الأصل وحقوقها مهضومة تماما من الزوج ومن المجتمع ومن الدولة . بعدين شايفك نصبت الرجال ديل ملائكة عديل كده .
Quote: أما موضوع المشاكل بين الازواج فهذا شئ طبيعي أن تكون هنالك خلافات. وصدقني . الخلاف بين الازواج من الصعب جدا معرفة من الذي يقول الحقيقة . الزوج أم الزوجة . أظنك تقصد بسوء المعاملة ، الضرب . الاتهام بالضرب أو سؤ المعاملة ليس بهذه السهولة يا عزيزي . فهنالك تحريات كثيرة يتم أتباعها . أنت ترى أن المرأة لها قوة في أمريكا لأنها لم تكن لها أي قوة في بلدك الأصل وحقوقها مهضومة تماما من الزوج ومن المجتمع ومن الدولة . بعدين شايفك نصبت الرجال ديل ملائكة عديل كده .
Quote: مرة اخرى اكرر انه اى مرأة تتهم اى راجل بسوء المعملة بيبهدل حتى لو كان بريئ وبخسر قروش محمامى طائلة وضياع زمن الى ان يثبت براءته والنسوان عارفين الحقيقة دى كويس جدا والنساء بيستغلوا الحتة دى وحقيقة انو المرأة Power دى حقيقة واضحة مثل الشمس الا تكون مرأة داقسة مغمضة ساكت او تكون مرأة متربية من اسرة اصيلة محترمة
ناس الموضوع وصل بينهم لسؤ معاملة لو بالحق او بالباطل * احسن يتفارقوا بالمعروف. المشكلة ان فى السودان الزوجة بتكون عليها ضغوط كتيرة من المجتمع من القوانيين. فى امريكا الوضع مختلف. صدقنى لو فى سبب واحد مخلى الطلاق فى امريكا اكتر من السودان (لو كان الكلام ده صحيح) ح يكون السبب ان فى امريكا الواحده ما مجبره تقبل بوضع مهين (بضم الميم) لكن تقول بان الزوجات بقوا يطلقوا بس عشان يشيلوا الولفير ...ده كلام ما سمعنا بيه . و طيب من الاول اللى خلى الناس دى تعرس شنو ؟؟ ان شاء الله بس ما يكونوا كانوا داخليين على طمع!. _________________________________________________________ لو بالحق فعلا اساء معاملتها..احسن كل واحد يمشى فى حالو..زول بيسئ المعاملة ده اخير منو الولفير و لو بالباطل ... زولة اخلاقها بالسؤ اللى ممكن يخليها تتهم زوجها (بالباطل) بتهمة ذى دى..احسن ليها يسبها و يمشى لحالو
انا من اول امس بنبح في شنو؟ زوله تختار تعيش على الويلفير و السكن الحكومي على انها تعيش ملكه في بيتها دي معناها نجضانه شديد او ما سويه. لو نجضانه اختارت احل الامرين زي ما بيقولوا و لو ما سويه ليس على المريض حرج.
بعض الرجال السودانين تعودوا ان المراه تابع و ليست كينونه و تكون تحت امره و طوع بنانه و لمن تتمرد عليه عشان لقت قوانين تحميها بيحاول يكبلها بانه يتهمها انها بقت انسانه ما كويسه و مفتريه و فجرت. ذكرتيني سوداني عايش في مصرعمره كله و اتزوج هناك و لمن اتزوج على زوجته رفض يطلقها لكن لمن رفعت عليه قضية خلع من الخلعه جاته ذبحه انه كيف تتجرأ و تخلعه في المحكمه هو يتزوج عادي و يجبرها تعيش معاه لكن هي تخلعه يقرب يموت.
بعدين افرض انو انا و داني و ودينق ديل ما فاهمين حاجه... اهو الوليد ده محامى و قال ليك ان القانون الامريكى ما فيه تفرقة بي الرجال و النساء و بصراحة انت شايف ان العدل فى المعاملة كتير على المراة!!!!
ياناس هوى يبدو لى انو اخونا سيف بيقصد الطلاق الشكلى بمعنى انو الراجل يكون متزوج وفى الاوراق الحكومية يثبت انهم مطلقين عشان الزوجه تاخد الاعانة وتشتغل بالكاش ويتهربو من دفع الضرائب فحقيقى حقيقى ماسمعنا بحكاية فلان طلق ولا فلانة طلقوها ومؤكد الاختلاف موجد حتى بين الاخوان فماتسيسو حكاية الطلاق دى ساى
وكدى افتى لينا يا اخ الوليد المحامى
Post: #78 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: walid taha Date: 01-30-2010, 08:56 AM Parent: #54
يا دانيا المكي
Quote: سمارت هدي شويه نشوف الزول الكتاب ده شايت على وين
أسمحى لى أقول ليك إنتى الشايتة وين
قرأت تقريباً معظم مداخلاتك وخلصت منها الى أنك تسعين بكل السبل للتكريس لفكرة (فرضية) رفض سيطرة المرأة على الرجل بدون تروى او تفكير ومداخلتك أدناه أصدق دليل
Quote: حكاية قريبك دي طبعا ما ممكن تجاوب ولا نحكم عليها عشان ما سمعنا الطرفين و ما عندنا تفاصيل لكن عموما كده بتكون الزوجه فضلت انها تعيش في امريكا و انه افضل ليها من الحياة في السودان و افتكر ده حق لكل انسان انه يختار المكان البريحه
يا ستى (الإنسان) الأنتى ذكرتيه أعلاه هى مرأة متزوجة ولديها أطفال من زوجها والتى ما تزال على عصمته وهى (المتربية) بت الناس فبأى حق تبررى تصرفها هذا؟!!!!! بعيداً عن الإنفعالات أرجو مراجعة ما قلتيه لأن لا عقل ولا منطق ولا أخلاق ولا دين يقبل هذا
Quote: يا ستى (الإنسان) الأنتى ذكرتيه أعلاه هى مرأة متزوجة ولديها أطفال من زوجها والتى ما تزال على عصمته وهى (المتربية) بت الناس فبأى حق تبررى تصرفها هذا؟!!!!!
انا لا ابرر تصرفها و لا قلت هي صاح, هو سال اي قوانين الي سمحت ليها و انا شرحت ليه باعتبار اني فهمت انه ما عايش في امريكا.
انا بقول انه اي انسان ليه مطلق الحريه فيخياراته افتكر انه اي راجل عاقل زوجته ما عاوزه تواصل معاه افضل ليه انه ينفصل عنها. و زي مافي حالات زي دي برضه في رجال بيقرروا انهم ما عاوزين الحياة الزوجيه دي و بيهدموا الاسره و مثال مثلا لمن يتزوجوا على نسوانهم اويقرروا يلطقوهم عشان بيبحوا واحده ثانيه. بس المراه البتطلب الطلاق هي المشكله؟ يعني لازم تكون طوالي خاضعه ليكم و تحت امركم و انتوا الحاكم الناهي في موضوع الزواج الهو شراكه بينكم؟ لو تمردت على سيرتطكم تكون ما متربيه؟
البيني و بين سمارت عامره, و هي فاهماني كويس.
الراجل السوداني لازم يفهم انه الزواج اسمع عقد زواج و ليس عقد خدمه او استعباد و ربنا زي ما اداك و اداها حق الاختيار في الموافقه على هذه الشراكه اداها برضه حق فضها مثلك تماما و لكن بضوابط و منها انها ممكن توضع شروط للطلاق في عقد الزواج او انه العصمه تكون في ايدها.
مافي زوجه في الدنيا بتحب تحمل لقب مطلقه مهما كانت جنسيتها و لا بتحتب تهدم بيتها ولا تحرم اولادها من ابوهم و استقرارهم الاسري و تعرض نفسها لصعوبة الحياة و مواجهتها باطفالها عشان دولارات معدوده و افتكر دي كانت فكرة البوست. الزوجه لو عملت كده عشان الويلفير و السكن الفاخر (المزعوم) بتكون يا اما نجضانه شديد و ما قادره تستحمل و افضل ليها حياة ادني من حد الفقر او انسانه ما سويه. و انسانه ما سويه خت عليها مليون خط و في الحالتين ما نلومها.
Post: #79 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: عثمان جلال الدين Date: 01-30-2010, 02:47 PM Parent: #54
شكراً على الإنارة الأخت الفاضلة دانية.. كسرة: والله الموضوع ده موجعني وجع جد، وكيف يسمح لها باستبقاء الأبناء معها فهم مسئوليتة أمام الله والمجتمع وهي حرة في نفسها.. وعلى فكرة هي أنصار سنة ومنقبة قبل زواجه بها أو كما قال... الشكر مكرر.. قريبي الآخر أخصائي كبير زوجته نقلت كل اسرتها لأمريكا معها بما فيهم أمها والراجل الآن اقرأ الحيرة في كلامه وتصرفاتة والبنات قد كبرن. ربنا يكون في العون وللأقدار أن تجري مجراها ولله في خلقة شئون.. غايتو ما بنقدر نقول غير الناس تعمل حسابها فأخبار أمريكا تحديداً غير مطمئنة وسوء أوضاع بلدنا الاجتماعية والسياسية تزيد الأمر سوءاً.. احتراماتي
Post: #81 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 01-30-2010, 04:56 PM Parent: #79
اخ دينق قبل كدا قلت ليك
Quote: السودانيون احسن حالا بكثير ما عدا بعض الحالات القليلة لانو لسع فيهم اصالة
الامثلة اللى اعرفها كثيرة ما ليها حصر وتقريبا كلها غير مسلمين ومفترض العلمانية تكون دينهم والمرأة احتمال تكون مظلومة سياسيا على حسب إعتقادك فى السودان اما كونك تعتبرها مظلومة اجتماعيا او مضطهدة من الرجل فى السودان بتكون ضللت القارئ الناس بتتناقش هل المرأة ممكن تكون رئيسة ام لا خلينا من الدين والعلمانية المرأة فى السودان مكرمة اكتر من امريكا ومن اتى منهم هنا ليس بسبب الاضطهاد بل الفقر والحرب والظروف السياسية السيئة هى التى اجبرت الكثيرين للبحث عن المرافئ خارج السودان وليس لاضطهاد واجهته المرأة
Quote: ما زي في بعض الدول العربيه تبيع دهبها و ورثتها من ابوها عشان تبني مع الزوج البيت و بعد داك يمشي يعرس فيها او يطلقها و تطلع من المولد بلا حمص عشان البيت باسم اسد الله البضرع
بس الجميل فى السودان ألأن..لايمكن بيع البيت إلا بموافقة الزوجة...على ما أعتقد...وعايز اتأكد من هذا الكلام أيضآ..وبصراحة دى خطوة جيدة للحفاظ على ألأسرة من التشتت..
Post: #84 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: SAIF MUstafa Date: 01-30-2010, 11:34 PM Parent: #83
الأخ سيف سلام تانى أتمنى أنو الأخ محمد النيل يلقى لى العذر فى تخصيص المداخلة دى وما يليها وتفصيلها فى الرد على ما جاء فى بعض مداخلاته أعلاء.. أنا أخترت كلام الأخ محمد لعدة أسباب: أولا وبناء على البوست دا والبرفايل ، الأخ محمد راجل متعلم وبيعيش فى أمريكا.. ثانيا الكلام اللى بيردده الأخ محمد بيقوم بترديده عدد كبير من متعلمى امريكا من المهاجرين.. ثالثا ترديد الكلام الزى دا بيعكس للناس البرة أمريكا واقع مغاير للواقع الحقيقى وبالتالى بيصب فى تدعيم آراءهم الخيالية عن أمريكا .. وجزئيا بيضلل الما متعلمين فى أمريكا عن الطريقة المثلى لحل مشاكلهم الأجتماعية والأقتصادية... رابعا وبناء على أعلاه بيتحتم على كل من له معلومة صحيحة التصدى للكلام الساكت وتفنيده ودا واجب أخلاقى وممكن يكون دينى للبعض ولينا نحن مهنى بالأضافة.. خصوصا لما أعرفه من التجنى والظلم اللى بيقع على أخواتنا فى مسألة الأنفصال أوالطلاق..
خامسا سبب مساعد على الكتابة وهوالجليد النازل الخلانا مصاقرين الأنترنيت..
نواصل..
Post: #85 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: SAIF MUstafa Date: 01-30-2010, 11:41 PM Parent: #84
نبدأ بالجانب النظرى من كلام أخونا محمد النيل كتب اللأخ محمد
Quote: الزواج مسألة قيمية روحانية فى المقام الاول وهذا يتناقض مع الفكر المادى والعلمانية اقرب اقرب للماديات من القيم ومن هنا جاء الخلل
طبعا الكلام دا بيظهر أنو كلام جميل ، لكن بالجد دا تسطيح وحشر لمفاهيم فلسفية نظرية فى الموضوع...شنو علاقة قوانين الزواج الوضعية بالجانب الروحى للزواج.. حتى فى الدين الأسلامى شروط الزواج من شهود وإعلان مش حاجات مادية؟؟ علاقة ضرورة الشهادة والأشهار بالروحى شنو... وليه أفترضت أنو قوانين الزواج الأمريكية دى حصيلة التجربة العلمانية ؟ العلمانية تسمية لنظام دولة .. والقوانين الوضعية ممكن تكون حصيلة أى ميراث.. ولمعلوميتك قوانين الزواج الأمريكى أساسها الأصلى دينى..
Quote: واعتقد ايضا ان من النفاق ان يقوم العلمانيون بتقنين الزواج لان الاعتراف بالزواج فى حد زاته شأن دينى. وكون الدولة تسيطر فى كيف يتم الزواج وفى نتائج الطلاق فهذا يعتبر ان الدولة لم تفصل الدين عن الدولة حتى لو كان الزواج تحت المسمى المدنى
Quote: وهذا من عيوب القوانين الوضعية
دى مبالغة يا أخ محمد.. تقنين الزواج يعنى وضع قوانين له .. صاح؟؟ فى أى مكان وفى أى زمان تعارف الناس على وجود نظام وضعى للتحاكم فى خلافات الزواج... ودا بيتراوح من قوانين الشريعة أو الكنيسة اللى وضعها المجتهدين فى تفسير الميراث الدينى ولحدى نظام الأجاويد خارج المؤسسات.. ووجود قوانين وقضاء دا ما عندو علاقة بالعلمانية وما أظن فى مكان مافيه الحاجات دى والزواج المدنى دا أسم فقط بيضمن للمتخاصمين جهة يحتكمون إليها ومؤسسات قضائية لها أساس للعدالة واضح بيشمل الناس بمختلف أديانهم..
طبعا الأخ محمد طوالى وصل للنتيجة الخيالية بناء على أفتراض العلمانية المغلوط أعلاه...
Quote: يجب ان يكون الزواج متروكا للمسجد وللكنيسة وامور الطلاق وتبعاته متروك لهاتين الجهتين ويعالجها رجال الدين من الجهتين كدا بيكون مالقيصر لقيصر و مالله لله اى حاجة غير كدا ح يكون Hypocrisy
وين فى الدنيا دى ومتين أمر الزواج والطلاق متروك للكنيسة والجامع؟؟؟ وهل سكان أمريكا دىل كلهم مسيحيين أو مسلمين؟؟ لو الناس عملو بى وصيتك دى حيكون عندك ملايين الأنظمة للزواج ربما بعدد سكان أمريكا ... أها فى فوضى أكثر من كدة؟؟ ياربى الدول الأسلامية تركت الموضوع دا المساجد..؟؟؟؟
دا طبعا الجانب النظرى فى كلام الأخ محمد.. حا أواصل بخصوص القوانين والولفير.. لكم الود سيف مصطفى
Post: #86 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: SAIF MUstafa Date: 01-30-2010, 11:53 PM Parent: #85
ردى الفوق دا كان فهمى النظرى .. المقابل لفهم الأخ محمد النيل النظرى .. وما بالضرورة نتفق لأن الأمر متعلق بوجه نظر الأخ محمد لسبب ما يحدث فى أمريكا.. لكن خطورة مداخلات الأخ محمد أنها بتحتوى على سرد معلومات غيرة صحيحة عن الوقائع..وهنا يمكن حسم أى خلاف بالبينات .. بغض النظر عن البينات شنو..فأى كلام يجب أن يرتكز على نص قانونى أو دراسة أو أحصائية ... عشان ما نكون بنتكلم ساكت ونردد كلام ممكن يساهم فى التأثير على أسر بى حالها.. والناس ما مفروض تستهون بتريد كلام زى الفى البوست دا..
كتب الأخ محمد:
Quote: وكما هو متعارف فى احاديث الرجال ان القوانين بامريكا منحازة اكثر للنساء
كما ذكرت وذكر الأخ وليد ، القوانين ليس لها جنس.. وأى قوانين تنحاز لجنس محدد تعتبر غير دستورية وبيتم ألغائها... ولا أعرف أى نص قانونى سارى ينحاز لجنس دون الآخر... أما مايردده هؤلاء الرجال المذكورين فهو أنطباعهم أو أنطباع من أخبرهم وربما أمور من وحى خيالهم فقط...
Quote: الجانب المستفيد من الطلاق المرأة فى اغلب الاحيان لانه غالبا مايكون المنزل مملوك للرجل بكده وتعبه قبل ان يتعرف على زوجته اصلا
ودى برضو زى ما أوردت سابقا معلومة لا أساس لها من الصحة.. رغم أختلاف قوانين الملكية بإختلاف الولايات إلا أنه من الثوابت أن هناك ممتلكات لا تصبح من الممتلكات المشتركة للأسرة بدون تحويل ملكية وهى ما يملكه كل من الزوجين على حدة قبل الزواج وأى ميراث أو هدية خارجية لأحدهما بعد الزواج وربما الدخل المتحصل عليه من الممتكات الخاصة دى...
Quote: وهناك مهاجرين مقددينها اكتر من المحامين مرة اخرى اكرر انه اى مرأة تتهم اى راجل بسوء المعملة بيبهدل حتى لو كان بريئ وبخسر قروش محمامى طائلة وضياع زمن الى ان يثبت براءته
Quote: والمرأة لما تتبلى على الرجل ح يكون مدان حتى يثبت براءته
دى حرقتنى شوية.. أيوة فى مهاجريين بيعرفوا أكتر من المحامين.. لكن دة ممكن يكون فى حاجة غير القانون.. لأن المنطق بيقول أنو أى زول من المفترض بيعرف فى تخصصه أكتر من الزول الماعندو علاقة بالتخصص دا أذا مهاجر أو أمريكى بالميلاد.. وأى كلام غير كدة بكون كلام والسلام… بس نفسى أعرف المهاجرين الذكرتهم ديل عشان نتأكد أنو عشرات الألاف الدفعناها دى ولا سنين تعبنا دى ما راحت ساكت..
أما بخصوص البيحصل من أتهام وبهدلة.. فدى كلها أجراءات وجزء عملية أحقاق الحق وأى تجاوز عنده علاج محدد.. مثلا الزول المتضرر من أى أتهام بيتيح ليه أثبات الضرر دا وتعويضه وكل الحاجات دى مفصلة ومعروفة.. لأنه ببساطة نحن بنتكلم على نظام قضائي عمره مئات السنين...
Quote: وحقيقة انو المرأة Power دى حقيقة واضحة مثل الشمس الا تكون مرأة داقسة مغمضة ساكت او تكون مرأة متربية من اسرة اصيلة محترمة
ليه المرأة اللى بتلجأ لأحقاق حقها بواسطة الوسائل المتاحة.. تكون ما مربية؟؟؟ عايزها تعمل شنو وبديلك إيه؟؟؟؟ بالمناسبة الأوصاف الزى دى عبارة عن أرهاب أخلاقى وأتمنى أنو كلنا ما نستخدمها لأنو والله على ما أقول شهيد أن هناك أخوات محنهن تقطع قلب كل ذى ضمير وما فى حاجة واقفة بينهن وبين حقهن أو حق غير حكاية بت ناس وما بت ناس دى.. ياخى أتقوا الله فى حق أى أخت لجأت للقوانين لحفظ نفسها أو أطفالها..
Quote: المرأة فى السودان مكرمة اكتر من امريكا ومن اتى منهم هنا ليس بسبب الاضطهاد
وجهة نظر.. لكن فى أمريكا.. ما سمعنا بقوانين بتجلد المرأة عشان لبسها... ولا بقاضى بيأمر بجلد طفلة قاصر بتهمة اللبس دون سؤالها عن عمرها .. وبعدين بفتكر الكرامة دى فيها جزء عبارة شعور شخصى خاص حقو نسأل منو الأخوات العاشو هنا وفى السودان ونخليهم يقارنوا لينا الجانب الشخصى دا..
حاأجيك فى موضوع الولفير تسلموا سيف مصطفى
Post: #87 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: SAIF MUstafa Date: 01-31-2010, 00:10 AM Parent: #86
Quote: اما حكاية الحد الادنى للمعيشة فانا لا اتفق معك هناك ولايات مرتاحة ومنغنغة ال Single mother بيدلعوها اخر دلع و Programs ما ليها حد انت الظاهر عليك عايش فى ولاية تعبانة عندهن برنامج للسكن الفاخر
أخيرا موضوع الولفير وهو موضوع معقد .. وما أظن مر يوم ومافى زول ذكره فى المنبر دا.. وهو من أكتر المواضيع اللى فيها بتلقى التهم جزافا سواء على اللاجئيين أو السنقل مومز زى مافى البوست.. ولأنه موضوع معقد حا أذكر حقائق أساسية عامة لحدى فرصة أخرى...
الولفير بدأت فى الثلاتينات.. وكانت بتضمن الأعانة لأى زول فقير لحدى ما جاء كلنتون وقام بالأصلاح.. عشان الناس العاصروا الأصلاح دا من أمثالنا والأخ دينق هم أدرى بالفرق.. عشان كدة أى زول خارج أمريكا ومعلوماته قديمة حقو يصححها ... الآن الحكومة الفدرالية بتدى الأموال للولايات وهى بدورها بتضع الضوابط وبتحدد معايير الأستحقاق. مع مراعاة أهم ضابط للأصلاح وهى توفير الأعانة من أجل أعادة المعان للعمل.. لذا كلام الحد الأدنى للمعيشة كلام صحيح.. ومافى أى أعانة بتكون قريبة من ما يمكن كسبه من العمل كبديل.. وياخ أخ محمد أى زول بيفضل الولفير على الوظيفة دا أما ما عايش أو محتال ومزور.. للأسف الشديد غالبية المهاجريين البيستلموا أعانة محتالين.. أما بيزوروا دخلهم أو وضعهم الأسرة زى ما ذكر الأخ سيف فوق.. وأنا حا أثبت ليك بالوثائق.: حد الدخل الأقصى من الفود أستامز لأسرة مكونة من أربعة هو خمسمائة دولار فى الشهر وتسعمائة دولار أعانة كاش... بالنسبة للفرد مائتين وثلاثمائة على التوالى... ويمكنكم مقارنة الأرقام دى بالدخل اللى يمكن تحصيله من أى شغل فى أمريكا.... بالنسبة للسكن برضو قروش سكشن أيت فدرالية والولايات بتنفذ وبتحدد المعايير.. وهنا المهاجرين برعوا فى التحايل والتزوير لدخولهم أو مين البيكون البيت بأسمه.. يعنى بأختصار الزول المفروض يكون سكن فى بيت مدعوم أو بيتلقى أعانة مفروض يكون فقير جدا أو ما شغال فى حالة الفود استامب والكاش.. خلاف ذلك الناس المنغنغين البتقول عليهم ديل محتالين وعاملين قروش من ضرائبنا كلنا ومفروض نسمعهم أن البيسووا فيهو دا سرقة .. وهناك تلفونات خاصة بالتبليغ عن الحالات دى محليا وفدراليا... الوصلة دى فيها تخليص لمائة دراسة عن علاقة الشغل بالولفير.. ودى الحالة قبل الأصلاح لما كان الولفير نغنغة جد جد . فما بالك بالحاصل الآن:
بمناسبة الأحصائيات دى حقوا أى دافع ضرائب يشكر المتطوعيين والمتطوعات بالمنظمات المحلية الخاصة ببرامج الولفير زى أختنا دانيا.. فقد قدرت قيمة خدماتهم للعام قبل الماضى بما يعادل ثمانمائة مليون دولار....
أخيرا شكرا للأخ محمد وللأخ سيف لإتاحتهما لنا فرصة توضيح ما نعرفه من حقائق.. وللجميع ودى سيف مصطفى
Post: #88 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 01-31-2010, 01:20 AM Parent: #87
الاخ سيف مصطفى
الاخ سيف تحياتى تحياتى نظام المسجد واحد وكذلك الكنيسة والديانات الاخرى كل فى تنظيم امور زواجه وطلاقه ولكن الحديث عن الغالب الاعم من الاديان كل ديانة تعمل عقدها للزواج ولكن تطبيق شروط عقد الزواج كأى عقد او الاخلال من احد الطرفين به يكون مسئولية الدولة لان لها القدرة التنفيذية وليس رجال الدين. انا عايز ارجع موضوع الزواج للدين لانه فيه الحلول التوفيقية للمشاكل الزوجية اكثر من القوانين الوضعية وخاصة مثل المشكلة التى عرضها مشكورا الاخ سيف اليزل وخاصة انو التركيبة والتداخل البشرى فى امريكا قد تغير وهذه القوانين تتفق مع زمان مضى امريكا اليوم ليس مثل الستينات او السبعينات فيجب ان تتماشى القوانين مع الواقع الحاضر حيث ان المسلمين ابتدأ ان يكون لهم دور مشهود فى المسرح السياسى الامريكى والمستقبل اصبح لهم انظر لطوابع البريد الاسلامية انتشار المساجد مشاركة المسلمين فى الانتخابات السماح لهم بممارسة الصلاة فى دواوين الحكومة الفدرالية الافطار السنوى فى البيت الابيض خطب الرئيس الرسمية فى الاعياد الاسلامية وهكذا
Quote: حد الدخل الأقصى من الفود أستامز لأسرة مكونة من أربعة هو خمسمائة دولار فى الشهر وتسعمائة دولار أعانة كاش... بالنسبة للفرد مائتين وثلاثمائة على التوالى... ويمكنكم مقارنة الأرقام دى بالدخل اللى يمكن تحصيله من أى شغل فى أمريكا.... بالنسبة للسكن برضو قروش سكشن أيت فدرالية والولايات بتنفذ وبتحدد المعايير.. وهنا المهاجرين برعوا فى التحايل والتزوير لدخولهم أو مين البيكون البيت بأسمه.. يعنى بأختصار الزول المفروض يكون سكن فى بيت مدعوم أو بيتلقى أعانة مفروض يكون فقير جدا أو ما شغال فى حالة الفود استامب والكاش.. خلاف ذلك الناس المنغنغين البتقول عليهم ديل محتالين وعاملين قروش من ضرائبنا كلنا ومفروض نسمعهم أن البيسووا فيهو دا سرقة .. وهناك تلفونات خاصة بالتبليغ عن الحالات دى محليا وفدراليا...
للاسف كمان جميع المحتالين ديل بيجهلوا العقوبه و على فكره القروش البتاخدها من الحكومه دي لو تبت ولو بعد مليون سنه انك ما كنت مستحق قرش واحد منها على اقل تقدير العقوبه حتكون انك ترجعها و بسعر الفايده مضروب في السنين الفاتت زايد غرامه ثابته و حترجعها حترجعها لانهم حيجبروا الجهه الانت شغال فيها انها تاخدها من مرتبك كل اسبوعين او شهر و تسلمها للحكومه و بيشيلوها من التاكس رترن بتاعك اخر السنه. و ده لو ما حكموا عليك بسجن و خلافه.
الاعانات الحكوميه زي ما اسلف الاخ سيف ما اتعملت عشان الزول يعيش عليها لكن للمساعده في حالة انك فقدت شغلك او بتمر بازمه ماليه و لفتره محدده و والله ما بتوفر الحد الادني للعيش الكريم.
نرجع لموضوع الطلاق والمراه في المهجر الظاهر انه الاخ محمد النيل لا يرد على كتابات الجنس اللطيف, امريكا بتكرم المراه و بتنصفها و دي ما حاجه بيحددها زول غير المرأه لانه الجمره بتحرق الواطيها, لكن شعبنا تعود انه النساء خانعات و خاضعات و تابعات للرجل عشان كده بيستكتروا عليها انه تلقى او قانون ينصفها و مشكلتهم افتكر انهم ما بيتخيلوا انها تطلع من تحت سيطرتهم و في اعتقادي انه ده نوع من الخوف من المراه لو عرفت حقوقها.
دايما الرجال في امريكا بيحاولوا يدوا الناس البره معلومات غلط عن امريكا و ما عارفه هل ده عشان هم مروا بتجارب ولا لانهم ما عارفين القوانين و الاوضاع في امريكا. و لي عوده
انا بس نفسي اعرف سيد البوست مشى وين :)
Post: #91 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: SAIF MUstafa Date: 01-31-2010, 03:27 AM Parent: #90
الأخ محمد سلامات شكرا على التعقيب كتبت
Quote: انا عايز ارجع موضوع الزواج للدين لانه فيه الحلول التوفيقية للمشاكل الزوجية اكثر من القوانين الوضعية وخاصة مثل المشكلة التى عرضها مشكورا الاخ سيف اليزل وخاصة انو التركيبة والتداخل البشرى فى امريكا قد تغير وهذه القوانين تتفق مع زمان مضى امريكا اليوم ليس مثل الستينات او السبعينات فيجب ان تتماشى القوانين مع الواقع الحاضر حيث ان المسلمين ابتدأ ان يكون لهم دور مشهود فى المسرح السياسى الامريكى والمستقبل اصبح لهم انظر لطوابع البريد الاسلامية انتشار المساجد مشاركة المسلمين فى الانتخابات السماح لهم بممارسة الصلاة فى دواوين الحكومة الفدرالية الافطار السنوى فى البيت الابيض خطب الرئيس الرسمية فى الاعياد الاسلامية
طيب أنت عايز ترجع الزواج للدين .. خلينا نفكر بصورة عملية وجاوب على أسئلتى دى: حترجعنا لياتو زمن.. لأنو مسألة القضاء الأسلامى دى قديمة قدم المذاهب... فهل أنت عايز ترجعنا إلى ما قبلها؟؟؟ خلافى معاك أنه مافى حاجة أسمها المسجد يحل خلافات الزواج... فى حاجة أسمها قضاء أسلامى بيحكم على قوانين وضعية أساسها الفقه الأسلامى ..فهل أنت بتطالب بقضاء أسلامى موازى للنظام القضائى الأمريكى؟؟؟ الحاجة المهمة اللى ما فهمتها .. ليه نظامك المقترح دا خاص بأمريكا .؟؟ السودان مثلا ما فيه قضاء أحوال شخصية ليه ما يلغوه ويتركوا كل شئ للمسجد..؟؟ بالنسبة لقوانيين أمريكا كانت موجودة قبل أمريكا نفسها.. وللأساس الدستورى الراسخ وتفسيره المتغير حسب تغير المجتمع القوانين دى حاتستوعب أى متغيرات مهما كان درجة تحديها للسارى من قوانين.. والأمثلة كتيرة.. القوانين أتغيرت لما المجتمع رأيه أتغير فى نظام العبودية وتم التقنين لمجتمع متساوى ولكن منفصل وبعد مائة سنة تم التقنين للمساوة الكاملة... وممكن تستوعب مقدرة القوانين دى على المواكبة أذا عرفت أنو وحتى الخمسينات كان الزواج بين البيض والسود ممنوع بالقانون.. بالنسبة للمسلمين هم زيهم وزى أصحاب الديانات الأخرى ما جوا بحاجة لم يسبقهم عليها أحد.. فتجربتهم شبيهة بتجربة الكاثوليك فى محاولة أثبات وجودهم الدينى فى المجتمع الأمريكى وهم بدورهم كرروا تجربة اليهود الذين سبقوهم... مشكلة بعض المسلمين أنهم ما بيدرسوا تجارب أصحاب الأديان الأخرى ومحاولة الأستفادة منها ومرات كتيرة بيفضلوا مصادمة النظام وتحديه.. ودى نتيجتها بتكون الخسارة والعزلة.. سؤالى الأخير وبرضو سؤال عملى وواقعى بديلك شنو فى الوقت الراهن للأخوات العندهن مشاكل أسرية وبيفتكرن أنهن مظلومات وبيفتشن للعدالة؟ هل فى رأيك يذهبن للقانون الحالى ولا ما يمشن خوفا أنو رجال أمريكا يقولوا عليهن ما بنات أسر؟؟؟
لك الود سيف مصطفى
Post: #92 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: bob Date: 01-31-2010, 06:24 AM Parent: #91
سلام للجميع
بداية الناس حقوا تفتكر الى النقطة المنسية عن السودانيين فى امريكا.. جزء كبير من السودانيين فى امريكا بعيشوا على الاشعاءات ..يعنى ممكن واحد اجى اقول كلام لكن لمن تسالوا هو جابوا من وين ...الاجابه القاطعه ..فلان قال لى ..وبعد زلك الاشاعة دى اصبحت حقيقة بحكم التداول..بين الناس.
القوانيين الامريكية ما فيها تحيز بالنسبة الى المراة بل انصاف بين الطرفيين بالحقوق والواجبات. الناس البقولوا اقانوينين الامريكية متحيزه الى المراة...الكلام ده برجع الى انو فى السودان مافى قوانيين بتوضح الحقوق حقوق المراه...والرجل حقوقه مكتبسه عن طريق ثقافه..وعادات زى مازكر الكثيرين ..المراة فى القانون العرفى او المدنى حقوقه مهضومه..فلمن تترك بلدك الاصل وتجى تعيش فى بلد مثل امريكا..وتتفاجا بان المراه والرجل ليهم حقوق متساويه .. وموضحه وليست عادة او تقاليد متفق عليها مثل التى فى السودان(غير مكتوبه)..الحته دى بتمثل مشكلة بالنسبه للناس اتعودوا على انهم ملوك ولا يحق الملك لشخص غيرهم...
فصة الولفير وقصة المعيشه سته نجوم ضحكتنى لدرجة انو لو كانت صحيحة كنتا حا امشى اعمله واخلى الشغل.. بالمنطق لو فى برنامج حكومى زى مافى زول بتشتغل تانى..و الحاجه دى من الصعب انو النظام الامريكى اتحول من راسمالى الى نظام اجتماعى. تقريبا قصة الولفير دى اخدت من النقاش مايكفى.
الطلاق حق فى امريكا يمكن ان يطالب به كل الطرفين لو اقر واحد على عدم القدرة على المواصله.. لاسبابهم التى تبدى لهم منطقيه فى اتخاز القرار...الحاجه المعروفه لو فى واحد مثل اعتدى على الاخر وادين بها..المحكمه بتحكم للمصلحة الاخر ودى منطقيه وبديهيه..بفتكر كل انسان بدين بحنحه بحاول اعلق مشاعره واحساسيه على القوانين بعتباره غير عادله..واتحدى اى زول اجى اقول لى ..مثلا كانت غلطة الزوجة بعدما ثبتت عليها..وجات المحكمة ابت تقيف معاى على اساس انى رجل..ووقفت مع الزوجة بعتبارات المراة ليها قوة ومعامله خاصة فى القوانيين!!!
العنتريه فى التعامل مع القوانيين الامريكيه بالطريقه السودانيه..بتدى المراه حقها وبتنصفها باcivil statutes الخاص بكل ولاية او العكس لو الزوج كان ضحية. القوانين الامريكية بتتعامل ب Evidence فى حالت الضرر.
الطلاق بحصل فى احسن الاسر وفى ناس جايه من بيوت اهله مربيه تربيه سليمه...بس ما قدروا اعيشوا معابعض للاسباب يعرفونها..وفى النهاية هم الادرى بمصلحتهم ومصلحة ابنائهم..قبل اتخاز القرار. وهنالك ايضا زوج او زوجة على ادراك وعلم تمام بالقوانيين..للمصحله معينه فى نفسه او نفسها يقوم احدى الطرفين بستغلال الاخرى لتحقيق مكاسب قانونيه حينما يقومان بالجوء الى المحكمه.. دى بتتوقف على اخلاقيات احدى الطرفين..وليست على القوانيين الامريكيه التى تتعامل بى Evidence فى كل مجتمع فى الصالح وفى الطالح تقريبا..مرات بننظر الى انفسنا كا شعب الله المختار..نحنا من سلاله بنى ادم ونعم معرضين للخطاء كابقية خلق الله!!
ــــــــــــــــــــــــــــــــ
Post: #93 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: Deng Date: 01-31-2010, 06:27 AM Parent: #91
Quote: الامثلة اللى اعرفها كثيرة ما ليها حصر وتقريبا كلها غير مسلمين ومفترض العلمانية تكون دينهم والمرأة احتمال تكون مظلومة سياسيا على حسب إعتقادك فى السودان اما كونك تعتبرها مظلومة اجتماعيا او مضطهدة من الرجل فى السودان بتكون ضللت القارئ الناس بتتناقش هل المرأة ممكن تكون رئيسة ام لا خلينا من الدين والعلمانية المرأة فى السودان مكرمة اكتر من امريكا ومن اتى منهم هنا ليس بسبب الاضطهاد بل الفقر والحرب والظروف السياسية السيئة هى التى اجبرت الكثيرين للبحث عن المرافئ خارج السودان وليس لاضطهاد واجهته المرأة
الأخ محمد النيل .
القوانين والنظام الاجتماعي والسياسي في السودان لا تنصف المرأة أبدا والمقارنة معدومة تماما ، أما إذا كنت تتحدث عن الشريعة الاسلامية فدعني أقول لك بأنها أيضا لا تنصف النساء . وضع المرأة في السودان مزري جدا ولا يشرف أحد . دعني أقول لك شئ هام . عندما تسوء الاحوال في السودان فمعاناة المرأة دائما تكون ضعف معاناة الرجال ودائما تتم صياغة قوانين تحض من كرامة النساء . أنظر الى وضع النساء الان في السودان كيف تتم معاملتهم بواسطة الدولة . فالشرطي العادي هو الذي يحدد للفتاة نوع الزي الذي يجب أن ترتديه بعض أن يعرضها في طابور بقسم الشرطة . هل يوجد ذل وأهانة أكثر من هذا ؟ سوف أتوقف هنا وأتابع نقاشك مع الأخ المحامي سيف مصطفى والاخوات دانيا المكي وسمارت أنا . و ح أتدخل عند الحاجة .
Post: #94 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: bob Date: 01-31-2010, 06:51 AM Parent: #93
الاخ: دينق
Quote: أما إذا كنت تتحدث عن الشريعة الاسلامية فدعني أقول لك بأنها أيضا لا تنصف النساء .
بختلف معاك فى الجمله الفوق دى. هل وجهة نظرك بان الشريعه الاسلاميه لاتنصف النساء جايه من علم تام بالشريعة, او ناتجة عن ممارسة خظاءه او تفسير خاطئ للشريعه؟
دينق انا في رائي انه الشريعه ما ظلمت المراه لكن الرجل لانه هو المتحكم في القوانين و هو المشرع هو الذي ظلم المرأه
اسفه يا بوب للمداخله و صدقني ما بحاول ارد بدل زول بس حبيت اوضح حاجه لدينق
Post: #96 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: bob Date: 01-31-2010, 07:04 AM Parent: #95
مافى مشكله يا دانيه
Post: #97 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: Dr. Salah Albashier Date: 01-31-2010, 08:05 AM Parent: #96
الأخ العزيز سيف الأخوة والأخوات المتداخلون لكم مني التحية والتجلة ووافر الإحترام قال أهلنا العظام " الطلاق ما سُبة المرة، الطلاق سُبة الراجل"، وقالوا كمان "المرة جمرة ما بمسكه إلا راجل"، أختلف كثيراً مع الذين يقولون أن للمرأة في الغرب قوة بالقانون، وأعتقد أنهم يريدون "أن للمرأة في الغرب حق بالقانون"، وهذان مفهومان مختلفان لا أود الخوض في تفصيلهماحتى لا يذهب البوست إلى حيث لا يريد صاحبه. كما أني لا أميل إلى تعليق الجرس في جيد المرأة وإن كانت بعيدة مهوى القرط، لأن في ذلك إجحاف ما بعده إجحاف، وأتفق معك أخي الكريم أن الأمر أصبح ظاهرة إجتماعية تحتاج إلى دراسة متخصصة لمعرفة أسبابها ووصف ترياقها، فقط أريد أن أذكر بأن الزواج مودة ورحمة، فإما إمساك بمعروف أو تسريح بإحسان مع خالص تحياتي د. صلاح البشير
Quote: قال أهلنا العظام " الطلاق ما سُبة المرة، الطلاق سُبة الراجل"، وقالوا كمان "المرة جمرة ما بمسكه إلا راجل"، أختلف كثيراً مع الذين يقولون أن للمرأة في الغرب قوة بالقانون، وأعتقد أنهم يريدون "أن للمرأة في الغرب حق بالقانون"، وهذان مفهومان مختلفان لا أود الخوض في تفصيلهماحتى لا يذهب البوست إلى حيث لا يريد صاحبه. كما أني لا أميل إلى تعليق الجرس في جيد المرأة وإن كانت بعيدة مهوى القرط، لأن في ذلك إجحاف ما بعده إجحاف، وأتفق معك أخي الكريم أن الأمر أصبح ظاهرة إجتماعية تحتاج إلى دراسة متخصصة لمعرفة أسبابها ووصف ترياقها، فقط أريد أن أذكر بأن الزواج مودة ورحمة، فإما إمساك بمعروف أو تسريح بإحسان
دكتور صلاح
لا فض فوك
التحية لك أيضا وأنت تستدل بكلام أهلنا العظام وتستدل بحكمتهم
وجنبنا الله الطلاق وويلاته المنصبة علي اولادنا فلذات أكبادنا
وشكرا كثيرا علي الإضافة العميقة
سيف
Post: #104 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 02-01-2010, 04:57 AM Parent: #99
القانونيون واقصد منهم المحامون انهم مشكورين ومنهم الاخ سيف انما يطبقون القانون الذى هو اصلا موجود ويشرحون ما غاب منه عنا ولا يخرجون عن ايطاره لكن عامة الناس امثالنا هم الذين يعدلون ويغيرون القوانين من خلال ممثليهم فى البرلمانات لتتماشى مع المتغيرات الديمغرافية التى تطرأ فى التركيبة السكانية وهذا ما يحدث الان بامريكا انظروا حتى للتغيير الذى طرأ للمحكمة العليا كدخول القاضية اللاتينية الاصل هذا نتيجة لاهمية اكتساب الصوت اللاتينى المتنامى هنا انظروا لقوانين الزواج بولاية ماسيشيوستس The General Laws of Massachusetts PART II. REAL AND PERSONAL PROPERTY AND DOMESTIC RELATIONS
TITLE III. DOMESTIC RELATIONS
CHAPTER 207. MARRIAGE
CERTAIN MARRIAGES PROHIBITED
Chapter 207: Section 1. Marriage of man to certain relatives
Section 1. No man shall marry his mother, grandmother, daughter, granddaughter, sister, stepmother, grandfather’s wife, grandson’s wife, wife’s mother, wife’s grandmother, wife’s daughter, wife’s granddaughter, brother’s daughter, sister’s daughter, father’s sister or mother’s sister. Chapter 207: Section 2. Marriage of woman to certain relatives
اعلاه قانون الزواج بولاية ماستشيوستس الامريكية اكثر ولاية ليبرالية بامريكا حامية حمى الحزب الديمقراطى والتى اظهرت نجم اوباما اول مرة عام 2004 حيث عائلة كندى حصن الحزب هذا القانون يكاد يشبه اية المحارم: حُرِّمَتْ عَلَيْكُمْ أُمَّهَاتُكُمْ وَبَنَاتُكُمْ وَأَخَوَاتُكُمْ وَعَمَّاتُكُمْ وَخَالاَتُكُمْ وَبَنَاتُ الأَخِ وَبَنَاتُ الأُخْتِ وَأُمَّهَاتُكُمُ اللاَّتِي أَرْضَعْنَكُمْ وَأَخَوَاتُكُم مِّنَ الرَّضَاعَةِ وَأُمَّهَاتُ نِسَآئِكُمْ وَرَبَائِبُكُمُ اللاَّتِي فِي حُجُورِكُم مِّن نِّسَآئِكُمُ اللاَّتِي دَخَلْتُم بِهِنَّ فَإِن لَّمْ تَكُونُواْ دَخَلْتُم بِهِنَّ فَلاَ جُنَاحَ عَلَيْكُمْ وَحَلاَئِلُ أَبْنَائِكُمُ الَّذِينَ مِنْ أَصْلاَبِكُمْ وَأَن تَجْمَعُواْ بَيْنَ الأُخْتَيْنِ إَلاَّ مَا قَدْ سَلَفَ إِنَّ اللّهَ كَانَ غَفُوراً رَّحِيماً {23}...النساء لا يوجد تفسير لذلك الا القول بانه يصعب الادعاء بفصل الدين عن الدولة انها قيم ماخذوة من الدين لا محالة. تأتى نفس الولاية وتسمح بزواج الرجل بالرجل والمرأة بالمرأة وهى اول ولاية سمحت بذلك وتبعتها ولايات اخرى اذاً وكما ذكر الاخ دينق ان العلمانية فى امريكا لا تهمل الثقافة الدينية للشعب الامريكى حينما تسن القوانين فبالتالى نمو المسلمين سكانيا بامريكا سيكون له اثره فى سن القوانين مستقبلا وستوجد حلول للمشاكل التى ذكرها اخونا سيف اليزل رغم انتقاد اخينا دينق للشريعة الاسلامية (وذلك من حقه) حينما ذكر:
Quote: أما إذا كنت تتحدث عن الشريعة الاسلامية فدعني أقول لك بأنها أيضا لا تنصف النساء
ورأيه مكان إحترام فالقوانين التى سمحت لتزاوج الرجل بالرجل والمرأة بالمرأة إرضاء لرشريحة فى المجتمع اقل من تعداد المسلمين اقول نفس تلك الاسباب ستسعى لارضاء المسلمين مستقبلا لايجاد حلول لمثل المشاكل التى طرحها اخونا سيف
Post: #154 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 03-09-2010, 01:27 AM Parent: #99
يا جماعه نحن ما ناقشنا موضوع البوست الاساسي الطلاق و اسبابه و ركزنا في موضوع الويلفير و شكله مسار البوست اتحرف.
Post: #107 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: د.نجاة محمود Date: 02-02-2010, 05:12 AM Parent: #106
سلامات
الطلاق الان صار منتشرا حتى في السودان
في حلات انا برى فيها وعي من المراة حيثلا تريد ان تعبش في وضع مهانة فيه يعني كثرة الطلاب لا تدل انه قديما كانت الاسر سعيدةفقط كان في كمية من التضحيات والعيال قيد الهوان الان صارت المراة مستقلة ولذلك تتخذ قرارتها
في الغرب عدد كبير من الطلاقات التي اعرف اطرافها كولها من الرجال الذين يصابون بيخبة امل كبير جدا حين تتحول ارض الميعاد الى كابوس ويبدأوا في السكر وتدمير الذات ولذك ترى النساءالخروج افضل خاصة لو كانت الدولة تعتني بالاسرة الفيهاام فقط..
وتديهم ولفير وحياة اكل وشرا حيث الحياة في السودان الكولتي فيها الاكل والشرب
ودي بتوفرها ليها الولفير...ولذلك ابو عرام موست قو.. وانوه اكثر النساء سترة ومحبة لاسرهن هن السودانيات لكن الحال المابل ما بعجب خاصة لو الاب نموذج ابوي مرفوض..
راجل الستره المستور المتدين الهميم العفيف اخو الاخوان الكريم اللي بيكرم زوجته ده فعلا ما يفرطوا فيه, اما ناس دقني و ادقك و دق العيش و البخل و السكر و البشتنه مافي ليهم داعي.
سيف اليزل الليله شكلك زيي محبوس في الجليد عشان كده نكتت البوست ده
Post: #115 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-09-2010, 02:19 AM Parent: #114
Quote: ن العلمانية فى امريكا لا تهمل الثقافة الدينية للشعب الامريكى حينما تسن القوانين فبالتالى نمو المسلمين سكانيا بامريكا سيكون له اثره فى سن القوانين مستقبلا وستوجد حلول للمشاكل التى ذكرها اخونا سيف اليزل
Post: #116 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد الفاتح خالد حسون Date: 02-09-2010, 04:28 AM Parent: #115
Quote: الراجل حتي لو كان سكران وحيران ممكن المرأة تصلحوا وتهديه
فهو في حاجة لمساعدته ,بدل الهجوم عليه
الله عليك يا سيف كـلامك ذي دق العصاية في الرُكب بس مفروض يتطربق علي المراءة برضو .
مسوْل من الخير يا سيف ليه دائما ناس الحلة لما يسمعوا الثكلي بقولوا ليك المات منو ؟
و مابقولوا الماتت منو ؟ ( بدون احصائيات كدي و لا كدي )
Post: #117 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 02-09-2010, 07:57 AM Parent: #116
Quote: مسوْل من الخير يا سيف ليه دائما ناس الحلة لما يسمعوا الثكلي بقولوا ليك المات منو ؟
و مابقولوا الماتت منو
حبيبنا صيغة المجهول فى اللغة العربية مذكر وخاصة فى صيغة السؤال مثلا من هو اول شهيد فى الاسلام؟ لاحظ الاجابة تبدا بشنو؟ هو سمية القرشية لاحظ (هو) مذكر بالرغم من انو سمية اسم مؤنث الكلام دا فى رابعة ابتدائى عندى ليك سؤال يا حسون ليه المرأة بيقولوا عليها حامل وليس حاملة؟ لو ما قدرت على الاجابة عاين فى نهاية البوست
لانو الرجل لايحمل فلا داعى لاستعمال التا المربوطة خخخخخخخخخخخعع النيل
Post: #118 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: Deng Date: 02-09-2010, 08:31 AM Parent: #117
Quote: اذاً وكما ذكر الاخ دينق ان العلمانية فى امريكا لا تهمل الثقافة الدينية للشعب الامريكى حينما تسن القوانين فبالتالى نمو المسلمين سكانيا بامريكا سيكون له اثره فى سن القوانين مستقبلا وستوجد حلول للمشاكل التى ذكرها اخونا سيف اليزل رغم انتقاد اخينا دينق للشريعة الاسلامية (وذلك من حقه) حينما ذكر:
الأخ محمد النيل .
السودانين المسلمين بولاية فرجينيا مثلا عندما تحدث مشاكل زوجية فدائما يلجئون الى أقرب الاصدقاء ثم الى أئمة المساجد وبعذ ذلك الى المحاكم الأمريكية . وهنالك شكاوي كثيرة من النساء حول مشورة أئمة المساجد التي لا ترضي النساء ، ويشعر النساء بأنها قد ظلمتهن . أما موضوع قوانين الزواج ففي ولاية فرجينيا مثلا إذا أقامت معك حبيبتك في منزلك لفترة معينة فهي بالتالي تصبح زوجتك تلقائيا . أنا ليس متأكد من تلك المدة بالتحديد وأطلب من الاعزاء سيف مصطفى أو دانيا إذا كانت لديهم معلومة عن تلك المدة أن ينقلونها هنا .
Post: #119 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 02-09-2010, 08:58 AM Parent: #118
Quote: أما موضوع قوانين الزواج ففي ولاية فرجينيا مثلا إذا أقامت معك حبيبتك في منزلك لفترة معينة فهي بالتالي تصبح زوجتك تلقائيا . أنا ليس متأكد من تلك المدة بالتحديد وأطلب من الاعزاء سيف مصطفى أو دانيا إذا كانت لديهم معلومة عن تلك المدة أن ينقلونها هنا .
معلومة برضو للفايدة ما بطالة نحنا فى ولايتنا الكلام دا مافى لكن بينتظروك لحدما الواحد يجيب منها جنى حتى يدخل بعد كدا موضوع الجايلد سبُّورت لكن برضو لا تعتبر زوجة انا لو كنت ما مسلم كنت اعمل كدا برضو وجع الراس فوق كم؟ كدا احسن ليهم. وايضا فى ولايتنا الراجل بيعرس الراجل والمرا مع مع المرا ما اظن فى ولايتكم كدا ريحوا نفسهم من الريسترينغ اوردر اللى بتعملوا المراة على الرجل يلا حديد لاقى حديد
Post: #120 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: SAIF MUstafa Date: 02-09-2010, 04:52 PM Parent: #119
الأخ سيف وضيوفه سلامات كتب الأخ دينق
Quote: أما موضوع قوانين الزواج ففي ولاية فرجينيا مثلا إذا أقامت معك حبيبتك في منزلك لفترة معينة فهي بالتالي تصبح زوجتك تلقائيا . أنا ليس متأكد من تلك المدة بالتحديد وأطلب من الاعزاء سيف مصطفى أو دانيا إذا كانت لديهم معلومة عن تلك المدة أن ينقلونها هنا
أولا لك شكرى لأن الموضوع اللى أثرته دا رغم أنو بيبدو بعيد عن موضوع البوست ،ألا أنو فى الحقيقة عندو علاقة مباشرة وهامة جدا.. المقصود من كلامك هو ما يعرف بالCommon Law Marriage وهو بأختصار الأعتراف القانونى بعلاقات معينة ومعاملتها قانونيا كالزواج رغم عدم وجود رخصة زواج من السلطات المدنية.. وعموما عنده شروط يجب أثباتها منها، زى ما ذكرت فى سؤالك، السكن معا ونية الزواج والأهم أنو الأثنين بيعاملوا نفسهم ويعاملوا من الأخرين كزوج وزوجة.. مثلا يعرفوا نفسهم كذلك ويحملوا أسم واحد.. أو أى حاجة من هذا القبيل.. واللى بيحصل أنو الناس الزى ديل أذا كانوا فى ولاية بتعترف بالزواج دا ممكن هم أو غيرهم يلجأ للقضاء للأعتراف بالزواج دا.. ودى بتحصل أذا أختلفوا وأحدهما عايز يقسم الممتلكات.. أو أذا أرادوا عموما الحصول على أى حقوق يكفلها الزواج، أذا أثناء حياة أحدهما مثل التأمين أو بعد وفاته من ميراث.. برضو مهم جدا أنو بيستخدم لأبطال أى زواج مستقبلى لأحد الناس ديل قبل أنهاء هذا الزواج.. حاليا الولايات اللى بتعترف بالزواج الزى دا واللى بيتم اليوم قليلة وفرجينيا ليس بينها لكن فرجينيا بتعترف بالزواج الزى دا أذا حصل فى ولاية تانية معترفة بيه وبعد داك الزوجين رحلوا فرجينيا.. وفى المنطقة دى يا أخ دينق موجود فقط فى دى سى نفسها..
طيب دا علاقتو شنو ببوست الأخ سيف؟؟؟
زى ما واضح من النقاش فى البوست أنو فى جانب دينى.. دا بالأضافة للطريقة والأجراءات اللى تعود المهاجرين السودانيين أتباعها فى الزواج.. عندما يحدث أى خلاف بين الأزواج أول سؤال قانونى بيطرح نفسه هو صحة الزواج نفسه وقانونيته.. ودا أذا ما أتحسم وأثبتت قانونية الزواج بتكون القضية أتحسمت ولا حقوق ولا تبعات طلاق ولا غيره.. أذا تمت أجراءات الزواج خارج أمريكا وفق الأجراءات المعترف بها فى المكان المعنى فمافيش مشكلة أذا كان فى أى دليل بيثبت ذلك.. المشكلة الزواج اللى بيتم برة ومافى وثائق بتبته أو الزواج اللى بيتم داخل أمريكا وبعقد أسلامى فقط.. وبدون أستخراج رخصة.. أذا دا حصل فى أى ولاية ما بتعترف بالCommon Law Marriage فكأنه لم يحدث وإذا حدث أى شئ فممكن العواقب تكون مكلفة جدا.. ففى حالة الخلاف والطلاق ليس هناك حقوق.. وحتى لا قدر الله أذا حدث مكروه لأحد الزوجين ورحل بدون أن يوصى بتوزيع ما يملك، فهذا معناه ضياع حقوق الطرف الآخر فى اى ميراث... طبعا فى مأذونين بيخافوا الله وواعين لتبعات العقد بدون رخصة.. فديل دائما بيرفضوا أتمام أى عقد ما لم يسبقه أستخراج رخصة زواج من الجهات المدنية.. ودا المفروض يحصل فى أى مكان فى أمريكا لأن عدد الولايات اللى بتعترف بما نتحدث عنه بيقل كل يوم وفى جزء بيعترف فقط بالحالات اللى حدثت فى الماضى البعيد كالأربعينات أو الخمسينات مثلا.. رغم أنو دى ما نصيحة قانونية لى زول محدد فالأجراء الصحيح أنو الزوجات من أصول سودانية يجب أن يصروا على تسجيل الزواج مدنيا لأن فى الخصوص دا أخوانى الرجال ديل عندهم أساليبهم للأفلات من تبعات الزواج بأبطاله بألأسباب الفنية الزى دى..وبرضه الأبطال دا ممكن يكون وسيلة للتحايل من أجل الأفلات من عقوبة التعدد اللى هو بيعتبر جريمة فى أمريكا. يعنى أخونا ممكن يزوغ قانونيا من أى زواج مامسجل أذا الأول أو التانى..
والجميع مفروض يسجلوا زواجهم لضمان أثباته بوثائق أمريكية لأنو حتى لو ما حصل خلاف فالدنيا ما معروفة.. لأن موضوع الوفاة بدون وصية دا متشعب وأتمنى تسنح فرصة نورى خطورته على ممتلكات المتوفى فى أمريكا...
شكرا أخ دينق وأخ سيف صاحب البوست و لولقيت فرصة حا أرجع لأخونا محمد لأربط مداخلاته بما ذكره الأخ دينق بخصوص أئمة المساجد... ودى للجميع سيف مصطفى
Quote: والجميع مفروض يسجلوا زواجهم لضمان أثباته بوثائق أمريكية لأنو حتى لو ما حصل خلاف فالدنيا ما معروفة.. لأن موضوع الوفاة بدون وصية دا متشعب وأتمنى تسنح فرصة نورى خطورته على ممتلكات المتوفى فى أمريكا...
Post: #127 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: بريمة محمد Date: 02-15-2010, 04:25 AM Parent: #126
دانيه
Quote: تاني يا بريمه, اها اركز جاينك بمهله
أنا بقترح يا دانيه .. وكل المهتمين بالموضوع .. ننقلوا الموضوع برمته إلى الموسوعة العالمية www.wikipedia.org ونفتحوا الموضوع هناك .. ونبدؤوا نوثقوه توثيق موضوعى .. لأن هناك كل زول ممكن يعمل تعديل فى النص .. وفى النهاية يكون النص معبر عن أراء الجميع ..
Quote: حاليا الولايات اللى بتعترف بالزواج الزى دا واللى بيتم اليوم قليلة وفرجينيا ليس بينها لكن فرجينيا بتعترف بالزواج الزى دا أذا حصل فى ولاية تانية معترفة بيه وبعد داك الزوجين رحلوا فرجينيا..
1-العناد والتحدى والجدال الاستفزازى 2- ضعف الشريك الاخر وعدم التكافؤ 3- بعض الفيروسات فى هذا الموضوع
طريقه العلاج :
1-الصبر،المسايره ،التسامح، القناعه 2-العطف والحميمه فى العلاقه الزوجيه 3-الصدق والصراحه فى كل الاحوال
الفيروس الرابع تدخل الاهل تصنيفه: خطير جدا
اسبابه
1-تسرب المشاكل الشخصيه خارج المنزل 2-كثره الزيارات للاهل واطلاعهم على تفاصيل خاصه وبدون مبرر
طريقه العلاج :
1-المحافظه على سريه وخصوصيه العلاقه الزوجيه والاعتدال فى الزيارات والاهتمام فى شوؤن المنزل والعائله اولا .
الفيروس الخامس الانانيه تصنيفه: خطير
اسبابه:
1- حب الذات 2-عدم الشعور بالمسؤليه
طريقه العلاج :
1- احترام حاجات ورغبات الطرف الاخر 2- المشاركه بين الطرفين فى السراء والضراء
الفيروس السادس البخل تصنيفه: خطير
اسبابه :
1- طبع سىء وصفه منفره
طريقه العلاج :
1-الحمد والشكر على عطاء الله والتمتع بالرزق الحلال واليقين بان الموت قريب دائما .
الفيروس السابع الملل تصنيفه: خطير
اسبابه:
1-روتين الحياه 2-الافتقار الى التجديد فى الامور اليوميه 3-الفراغ
طريقه العلاج:
1- السعى الى التجديد حتى فى ابسط الامور 2_ قليل من التغير وخلع ثوب المثاليه قد يفيد 3- ملئ الفراغ باشياء مفيده وافكار متجدده
الفيروس الثامن الكسل تصنيفه : خطير
اسبابه :
1- منشأ ذاتى 2-الاتكاليه
طريقه العلاج :
1- تنظيم الحياه اليوميه 2- الاعتماد على الذات قدر الامكان 3- الاحساس بالمسؤليه
وارجو أن تكون مناعتكم قويه من كل هذه الفيروسات
مع ارق تحياتي
Post: #131 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-19-2010, 00:54 AM Parent: #130
Quote: العناد والتحدى والجدال الاستفزازى 2- ضعف الشريك الاخر وعدم التكافؤ
Post: #132 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-19-2010, 01:23 AM Parent: #131
Quote: لا تجعلي الشيطان يؤثر على حياتكما، حاولي أن تحدي الخلاف دائما، إن غاية الشيطان أن يفرق بينكما .. والعياذ بالله.
Post: #133 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-19-2010, 01:24 AM Parent: #132
Quote: عندما ترين زوجك غاضبا، لا تحادثيه كثيرا .. اتركيه ينفس عما في داخله وعندما يعود إلى حالته الطبيعية، ناقشيه فيما قال ..
لا تلوميه أو تعاتبيه، اكسبي زوجك بالكلمة الحلوة والحكمة تكون طريقتك. اعرفي طريقة زوجك واسلكيها معه..
Post: #134 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-19-2010, 01:25 AM Parent: #133
Quote: احرصي على الزيارات العائلية والسؤال عن أهلك وأهله .. لا تقطعي صلة رحمك .. وإن حدث خلاف بين زوجك وأحد أقربائه، حاولي أن تصلحي بينهما .. بكلمة منك وتذكرة .. لأن صلة الرحم من صلة الرحمن ..
Post: #136 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-19-2010, 01:25 AM Parent: #134
Quote: المرأة تحن دائماً إلى أسرتها .. إلى بيتها الذي وُلدت فيه ... ونشـأت فيه .. وكبرت وتعلمت فيه .... ولكن ، لابد لها أن تعود نفسها على هذه الحياة الجديدة .. لابد لها أن تكيف حياتها مع الرجل الذي أصبح لها زوجا وراعياً وأبا لأطفالها..
حرصوا على الزيارات العائلية والسؤال عن أهلك وأهلها .. لا تقطعوا صلة رحمكم .. وإن حدث خلاف بين زوجتك وأحد أقربائها، حاول أن تصلح بينهما .. بكلمة منك وتذكرة .. لأن صلة الرحم من صلة الرحمن
Post: #138 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-19-2010, 02:38 AM Parent: #137
كيف نحمي الزواج من الانهيار؟
Quote: - جلسات حوار: كن متأكدا من أنكما أنتما الاثنين تريدان أن تنقذا زواجكما، وهذا سيكون بناء على ما ستفعلونه أنتما الاثنين لتغير حياتكما الزوجية، والخطوة الأولى هي أن يكون بينكما جلسات نقاش مطولة وصادقة حول المشاكل الموجودة بينكما
Post: #139 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-19-2010, 02:39 AM Parent: #138
Quote: الاعتراف: اتفقا على خطة عملية لحل المشاكل التي تهدد زواجكما، ولكن عليكما ألا تشتركا في إلقاء اللوم فيها، وبدلا من ذلك، على كل منكما أن يعترف بدوره في خلق تلك المشاكل، ثم حاولا مناقشة كل مشكلة بهدوء وعقلانية، وتوصلا إلى ما يمكن فعله للقضاء على الصعوبات التي تهدد الزواج.
وأخيرا يجب أن تعلما أن التغيير لازم لمواصلة الحياة الزوجية
Post: #140 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-19-2010, 02:40 AM Parent: #139
Quote: - نحو التغيير: حددا الجوانب التي تحتاج إلى تحسين في زواجكما، فضلا عن الجوانب الخاصة بشخصيتكما وتصرفاتكما التي يصعب تغييرها، فبرغم كون التغيير ضروري إلا أنه لا يكون سهلا في غالب الأمر، لذلك ضعا خطة ذات خطوات تحدد الطرق الممكنة لتحسنا أنفسكما وزواجكما.
قد يبدو هذا سخيفا في البداية، ولكنه سيكون مفيدا جدا لإنقاذ زواجكما.
Post: #141 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-19-2010, 02:41 AM Parent: #140
Quote: اضحكا على أخطائكما: تعلما كيف تضحكا على أخطائكما، وتحدثا بصراحة عن اللحظات النكدة التي مرت في زواجكما، وابحثا عن سبب الخلافات واللحظات التي لم تتم بشكل صحيح والتي أوصلتكما إلى تلك الدرجة من عدم وجود تواصل بينكما.
فإذا كنتما حقا قد بذلتما ما يلزم من الوقت لمعرفة أسباب تلك الخلافات، حينها ستكون لديكما المقدرة على الضحك عليها، وحاولا التركيز على تنمية النواحي الإيجابية الموجودة لديكما سابقا، واعملا على أن تكون مستمرة في حياتكما الزوجية القادمة.
Post: #142 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-19-2010, 02:42 AM Parent: #141
Quote: لا تكن أنانياً: كن مستعدا من وضع احتياجات شريك حياتك قبل احتياجاتك الخاصة، وتدرب على ألا تكون أنانيا، فهذه إحدى الطرق التي تبين لشريك حياتك مدى اهتمامك به وتبين أنك مستعد للتغير لإنقاذ زواجكما.
Post: #143 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-19-2010, 02:43 AM Parent: #142
Quote: الرومانسية: أعيدا الرومانسية إلى زواجكما، فبرغم أن المعاشرة الزوجية جزء هام جدا يؤثر على الزواج، لكنها ليست الطريق الوحيد الذي يعبر عن وجود الحب بينكما، فعلى سبيل المثال يمكنك أن تحاول كتابة بعض الكلمات الرومانسية أو الأشعار بعفوية تامة، وفي أوقات غير محددة.
بالإضافة إلى بعض التصرفات الحميمة الصغيرة، مثل أن تمسكا بأيدي بعضكما البعض وتصنعا بعض الحوارات بينكما، فإن هذه الحركات الصغيرة قد تزيد من قوة الارتباط بينكما.
Post: #144 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-19-2010, 02:44 AM Parent: #143
Quote: اطلبا الاستشارة: اطلبا المساعدة من استشاري خبير في العلاقات الزوجية إذا كنتما تشعران بأنكما في حاجة إليها، فإن بعض الأزواج يشعرون بأنهم غير قادرين على حل مشاكلهم مع بعضهم البعض، وليس هناك ما يمنع من طلب المشورة، وإذا كنتما تشعران بأنكما في حاجة إلى توجيه وإلى أخذ مشورة الخبراء لإنقاذ زواجكما، فسوف تستفيدان من مساعد المستشار الخبير في العلاقات الزوجية
Post: #145 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-20-2010, 00:19 AM Parent: #144
Quote: والجميع مفروض يسجلوا زواجهم لضمان أثباته بوثائق أمريكية لأنو حتى لو ما حصل خلاف فالدنيا ما معروفة.. لأن موضوع الوفاة بدون وصية دا متشعب وأتمنى تسنح فرصة نورى خطورته على ممتلكات المتوفى فى أمريكا...
Post: #150 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: محمد النيل Date: 02-23-2010, 10:57 PM Parent: #149
>
Post: #151 Title: Re: طلاقات بالكوم(السودان,أستراليا,أمريكا ومناطق أخري)اللهم سترك Author: سيف اليزل برعي البدوي Date: 02-27-2010, 02:21 AM Parent: #150