عفوآ.. لمن هم فوق الخمسين فقط!!!!!!!!!!!!!

Post: #1
Title: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-26-2010, 09:04 PM

بعد ان يتعدى الرجل سن الخمسين
وتكون الشعيرات البيضاء قد اندست بين ذلك الأسود
الجميل وبعضآ من ملامح الشباب قد غشاها الزمن
من هنا تبدآ القصة!
العيال كبرت وربما منهم من تزوج يعني الموضوع بقى فيه( جدو)
وام العيال تمارس ثقافة الأهمال...ياراجل خلاص نحن كبرنا على الحاجات دي
الرد والاحراج ده كلو لو المسكين نفسو يرقص معاها انشاء الله حتى في حفلة نجاح بنتو
ده كلام يامدامات ؟؟
يبقى الجقلبة والنقزي ليه.المسكين لو سلم علي صاحبة بتو الحساب يقع وهاك يا تحقيقات
يا راجل دي قدر بتك
ولحدي هسه حبل الصبر ممدود
ياجماعة الرجل بعد الخمسين بتعرض للأهمال من زوجتة لأسباب كتيرة يطول ذكرها وهي السبب فيها0
وبعض النسوان الله ينورن لا يعلمن بأن عمر الخمسين عند الرجل هو عمر الشباب المتزن ويكون فيه احوج
للأهتمام والمعاملة الحلوة وده برجعنا لموضوع اختنامنال عن لابد من الرومانسية حتى لا تصبح الواحدة مننا
عند زوجها نسيآ منسيا

ارجو المعذرة والسماح من كل من ازعجها كلامي لكن دي الحقيقة
ومن حق اي راجل اصابه الضرر واكتوى بنار الأهمال

من حقو أن يبحث عن التانية
ياربي الليلة دى تعدي على خير
وقال حكيم خبير في شئون الرجال
لا يتزوج الرجل من ثانية الا لسببين
ان يكون مولعآ بها
اوان يكون خائفآ منها
انتو رايكم شنو يا الرجال؟
ماتخزلوني وعارفين انو المعنيات بالموضوع اخواتى جاهزات موية ونور والحافظ الله

Post: #2
Title: Re: عفوآ.. لمن هم فوق الخمسين فقط!!!!!!!!!!!!!
Author: motaz
Date: 01-26-2010, 09:39 PM
Parent: #1

يا رشا
الظاهر مافي زول هنا فوق الخمسين
عشان كدا خليني احجز ،، وكلها كم سنة كدا وأجي افتي ليك
اتفقنا؟؟

لكن بيني وبينك ناس الخمسين ديل
اتخايل لي بيقولو عليهم
"الناس القيافة"
ولا شنو؟

اقعدي عافية

Post: #48
Title: Re: عفوآ.. لمن هم فوق الخمسين فقط!!!!!!!!!!!!!
Author: خالد المحرب
Date: 01-28-2010, 12:25 PM
Parent: #2

Post: #3
Title: Re: عفوآ.. لمن هم فوق الخمسين فقط!!!!!!!!!!!!!
Author: ALGARADABI
Date: 01-26-2010, 09:51 PM
Parent: #1

Quote: لمن هم فوق الخمسين فقط

Quote: انتو رايكم شنو يا الرجال؟

ومتوقعة زول يدخل ليك ويجاوب على تساؤلك؟
رشا
انتي جديدة ولا شنو؟؟
الرجال الهنا ديل كلهم عاملين فيهاجهولة أم سكاسك

والله ذكرتيني محمد المهدي المجذوب لما قال:

يا بنت عشرين و الايام مقبلة
ماذا تريدين من موعود خمسين؟؟

Post: #4
Title: Re: عفوآ.. لمن هم فوق الخمسين فقط!!!!!!!!!!!!!
Author: سلمى الشيخ سلامة
Date: 01-26-2010, 10:54 PM
Parent: #3

رشا الحبيبة
تحياتى
الحمد لله انى فوق الخمسين خالس
لكين كلامك دا ما معاى لانى ام وحيدة
اهو البت القضيت عمرى اربى فيها
جاها ود الحلال وربنا يسعدهم الاتنين يارب

لكين بالجد المشكلة دى بعانى منها اصحابى الخمسينين بشدة
السر شنو ياربى؟
مع انه فى ناس حياتهم بتبدا بعد الخمسين
وامكن اكون منهم
دعواتك

Post: #5
Title: Re: عفوآ.. لمن هم فوق الخمسين فقط!!!!!!!!!!!!!
Author: الشفيع وراق عبد الرحمن
Date: 01-27-2010, 01:37 AM
Parent: #4

Quote: ياربي الليلة دى تعدي على خير

رشا
الليلة شكلها عدت على خير ، اصحاب العكاكيز شكلهم نايمين
بس الله يستر عليك من كتاحة بكرة الصباحية ديك

أنا على ابواب الخمسين و بدأت اتنسم رائحة ما كتبتيهو

ح أرجع ليك (أو لما سيتبقى منك)
ودي

Post: #6
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-27-2010, 06:23 AM
Parent: #5

معتز/ تحياتي ليك
صدقني ولو ما اكون كّّذابة فطاحلة البوردهنا
الأغلبية هم ناس الخمسين الأنا قاصداهم
وفعلأ هم ناس القيافة والثقافة دي مافيها شك
شكرآ للمرور

Post: #7
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-27-2010, 06:36 AM
Parent: #6

اخوي جردابي
لا والله انا اتوقعت زحمة من ناس الخمسين
وحكاية جهولة ام سكاسك دي مابتنطبق علي ناس الخمسين
لأنهم لسه شباب وشباب مرتب كمان الا واحد مبشتن روحو براهو
ويوم ما يفكر يرتب نفسه ويتميز هنا بلاقي الأستغراب والأستهجان
وطولة اللسان من اختنا صاحبة الشأن
على فكرة :أنا زولة قديمة هنا بس انقطعت لظروف

مشكووور

Post: #8
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-27-2010, 06:43 AM
Parent: #7

سلمى/العزيزة
لك التحايا
فعلا الحياة الجميلة للطرفين بتبدأ بعد الخمسين
بس بتوقف على شكل العلاقة
يا ريت نتواصل
كل الأماني الطيبة ليك

Post: #9
Title: Re: عفوآ.. لمن هم فوق الخمسين فقط!!!!!!!!!!!!!
Author: doma
Date: 01-27-2010, 06:45 AM
Parent: #7

اها لبيك يا رشا لكين
اعكسي القصه في حالتي زوجي من وصل 48 سنه لو قلت ليه نطلع نتعشي لوحدنا امسيه رومانسيه يقول لي نحن كبرنا .

Post: #10
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-27-2010, 07:00 AM
Parent: #9

يادومة يااختي ده ما كلام
راجل عمرو 48 سنة ويقول ليك كبرنا
الحقي راجلك مايكون شايف ليهو شوفه
الزول ده شباب ونص وما تنسي البنات
دايرات العمر ده ذاتو!
ديري بالك ومااوصيك

Post: #13
Title: Re: عفوآ.. لمن هم فوق الخمسين فقط!!!!!!!!!!!!!
Author: doma
Date: 01-27-2010, 07:23 AM
Parent: #10

Quote: ادومة يااختي ده ما كلام
راجل عمرو 48 سنة ويقول ليك كبرنا
الحقي راجلك مايكون شايف ليهو شوفه
الزول ده شباب ونص وما تنسي البنات
دايرات العمر ده ذاتو!
ديري بالك ومااوصيك

لووووووووووووووول لا قبل 12 سنه كان بيقول الكلام دا
ما عنده اي شوفه تانيه لووووووووووووول لو شاف شوفه تانيه كان الشافه ما ينشاف

Post: #11
Title: Re: عفوآ.. لمن هم فوق الخمسين فقط!!!!!!!!!!!!!
Author: منال
Date: 01-27-2010, 07:06 AM
Parent: #9

رشا ازيك
المشكله يارشا يختى مامشكلة خمسين ولا تلتين
المشكله مرات الاهمال بحصل بعد كم سنه من الزواج
وانا بلوم المرآة بالذات
يعنى بعد ما تنتقل من خانة البنت الى خانة الزوجه
تنسى كل حاجه حلوه فيها
ابتداءا من زوجها وانتهاءا بنفسها
حتى تتحول هى الى كائن اخر كل همه الطبيخ والغسيل والاولاد
وتنسى زوجها تماما
وانا لاحظت وعايشت الظاهره دى فى السودانيات
الا عدد قليل منهم
وطبعا الزوجين بحتاجو بعض فى كل المراحل العمريه
واى زوجه زوجها يبحث عن غيرها تلوم نفسها
سامعين ياحريم(وش صارى)

Post: #12
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-27-2010, 07:21 AM
Parent: #11

عسل يا منولة
بس ما شايفة في طناش حاصل
تفتكري السبب شنو
الله يكضب الشينة!!
بالمناسبة اختي اسمها منال
تسلمي يازوق

Post: #14
Title: Re: عفوآ.. لمن هم فوق الخمسين فقط!!!!!!!!!!!!!
Author: هاشم محمد الحسن عبدالله
Date: 01-27-2010, 07:35 AM
Parent: #12

الأخت رشا ، تحياتى على هذا البوست الرشيق الظريف والواقعى جدا ، أنا من تعدى الخمسين والأمر يهمنى كجيلى ، غير أن ظروف الأغتراب والبعد الطويل عن الوطن غطى علينا ولم تظهر علينا بعد علامات السن ، يمكن بسبب الحياة المريحة وعدم شغل البال الكثير بالمعاناة فى الوطن مادام أولادنا معانا ومروقين وبيلعبوا بالتفاح، غير ان المشكلة بتاعت المدام تكمن فى مضايقتها الشديدة لزوجة الأبن وتدخلها فى حياتهما وتفاصيلها الدقيقة، مما يزعجنى أكثر من بعض الأهمال التى أشرت له، والواحد بالخبرة تعود كيف يستفزها ويجعلها تكرس اسلحة الدمار الشامل من دخان وكبرتة ونحوها، وتعدى الليلة بسلام وهى تأخذ ماتريد سوى منى أو من الاولاد ، لكن صدقينى يارشا ان الحياة الحقيقية للأنسان تبدأ بعد الخمسين فالانسان ينضج عقلا وعاطفة ويكون الهدوء والسكينة طابع الحياة مع التجديد الهادىء غير المزعج وقليل التكلفة، لأنه بصراحة الأهتمام يتحول كثيرا للأولاد والبنات خاصة لو كانوا متزوجين ، فى متابعة الحمل والولادة والالتزامات الأخرى التى نتحملها عنهم برضاء واريحية ، أنا سعيد جدا ومتصالح مع نفسى فالحياة الحقيقية تتفتح فى هذه السن التى يبدأ فيها حصاد شقاء العمر، ويارب المدام ماتجى ناطة علينا فى البوست ويكون كلامى خفيفة عليها، عشان تعدى الليلة على خير، مع مودتى .

Post: #15
Title: Re: عفوآ.. لمن هم فوق الخمسين فقط!!!!!!!!!!!!!
Author: Hussein Mallasi
Date: 01-27-2010, 07:46 AM
Parent: #14

Quote: زوجي من وصل 48 سنه لو قلت ليه نطلع
نتعشي لوحدنا امسيه رومانسيه يقول لي نحن كبرنا .

Post: #16
Title: Re: عفوآ.. لمن هم فوق الخمسين فقط!!!!!!!!!!!!!
Author: محمد عبد الماجد الصايم
Date: 01-27-2010, 07:47 AM
Parent: #14

نتابع من مقاعد المتفرجين
عشان ناخد خبرة من هسي!!

Post: #18
Title: Re: عفوآ.. لمن هم فوق الخمسين فقط!!!!!!!!!!!!!
Author: صديق عبد الجبار
Date: 01-27-2010, 08:03 AM
Parent: #16

الأخت أو الإبنة رشا .. سلام وتحية

حاضرين وبنتمم ..

وأولها أؤيد الأخت أو الإبنة منال حين قالت :

Quote: رشا ازيك
المشكله يارشا يختى مامشكلة خمسين ولا تلتين
المشكله مرات الاهمال بحصل بعد كم سنه من الزواج
وانا بلوم المرآة بالذات
يعنى بعد ما تنتقل من خانة البنت الى خانة الزوجه
تنسى كل حاجه حلوه فيها
ابتداءا من زوجها وانتهاءا بنفسها
حتى تتحول هى الى كائن اخر كل همه الطبيخ والغسيل والاولاد
وتنسى زوجها تماما
وانا لاحظت وعايشت الظاهره دى فى السودانيات
الا عدد قليل منهم
وطبعا الزوجين بحتاجو بعض فى كل المراحل العمريه
واى زوجه زوجها يبحث عن غيرها تلوم نفسها
سامعين ياحريم(وش صارى)

وأزيد على ذلك إن إهمال المرأة لزوجها يبدأ بعد ولادتها لطفلها الأول مباشرة .. يعني الإهمال مربوط دائماً بالأمومة وليس بالزواج .. يعني مش عندما تنتقل البنت إلى خانة الزوجة ولكن حينما تنتقل إلى خانة الأم .. ومن قبل ذلك في فترة الوحم وأكل الطين وقرش الدراب ... واللهم أجعله خير !!!

Post: #23
Title: Re: عفوآ.. لمن هم فوق الخمسين فقط!!!!!!!!!!!!!
Author: صديق عبد الجبار
Date: 01-27-2010, 07:01 PM
Parent: #18

واى زوجه زوجها يبحث عن غيرها تلوم نفسها سامعين ياحريم(وش صارى)

وشهدت شاهدة من جنسهن ...

إنشا الله صحاً يخضرك يا منال ...!!

التصحيح لإبدال الدال إلى ضاد في (يخضرك)

Post: #19
Title: Re: عفوآ.. لمن هم فوق الخمسين فقط!!!!!!!!!!!!!
Author: صديق الموج
Date: 01-27-2010, 08:04 AM
Parent: #16

رشا سلام
سؤال؟
49 سنه و11 شهر و364 يوم ممكن اشارك والا اجى بكرة؟؟
طيب ياحبيبة كلامك ده واقعى ومعقول جدا
لكن مفروض يكون سؤالك كالتالى:
لمن هن فوق الخمسين
والا متاكده واحده بتجيك بى جاى مافى غير الحبوبة سلمى سلامه؟
لوووووووووول
ليس الموضوع طيارة عين من الرجال ولكنها سنوات الخبرة
هى التى تترك الرجل ينظر بعين فاحصه للنساء
ويحدد ماذا يريد من المراة وهو فى هذا العمر
وانا بفتكر بكون من انجح الزيجات اذا اختار من تناسبه سنا
وكانت اموره كلها على ما ينبغى،،،

Post: #17
Title: Re: عفوآ.. لمن هم فوق الخمسين فقط!!!!!!!!!!!!!
Author: منال
Date: 01-27-2010, 07:57 AM
Parent: #12

Quote: عسل يا منولة
بس ما شايفة في طناش حاصل
تفتكري السبب شنو
الله يكضب الشينة!!
بالمناسبة اختي اسمها منال
تسلمي يازوق

برجع تانى يارشا واقول ليك بلوم المرآة (جاياكم يالرجال )

انا لاحظت يارشا انو مرات الوحده زوجها يكون غايب اليوم كلو

وما بتتصل عليهو تسآلو انت وين ولا بتعمل شنو

وكمان الوحده مابتتزكر الحنه والدخان الا تكون عندها مناسبه

وبرضو الوحده والسودانية بالذات مابتعرف تقدم نفسها لزوجها

راضية مختارة وتمارس ارق انواع انوثته ودايما بتنتظر يبدا هو

وفى النهاية هى محرومه من كل متع الدنيا ومشغوله بالحمل والولادة

والطبيخ والبيت و و و وحاجات تانيه حاميانى ,,,

عندى لفه ساعتين اتفقد الرعايا وارجع ليكم..

Post: #20
Title: Re: عفوآ.. لمن هم فوق الخمسين فقط!!!!!!!!!!!!!
Author: ودقاسم
Date: 01-27-2010, 08:17 AM
Parent: #17

عندما تقوم الشراكة على الحب وتستمر عليه ، تتمدد المودة إلى ما لا نهاية . وتتراجع فكرة الأعمار حد التلاشي . ويظل كل من الزوجين متمسكا بالآخر ، ولو لم يحدث هذا فلاربد من الاقتناع أن الذي يجري ليس حبا ، ويجب البحث عن تعريفه وتسميته ..
إليها في يوبيلنا الفضّي
هذه دعوة لإعادة مطالعة ما كتبته لزوجتي بمناسبة يوبيلنا الفضي ، وكنت حينها قد تعديت الخمسين وهي كانت تقترب منها ..

Post: #21
Title: Re: عفوآ.. لمن هم فوق الخمسين فقط!!!!!!!!!!!!!
Author: Amira Elsheikh
Date: 01-27-2010, 08:21 AM
Parent: #17

وانا منتظرة ودالصايم يلعب اساسي فى تشكيلة ال50 وبعدها ممكن افتى نيابة عنه

سلام يارشا ومرحبتين بالعودة

__________________________
لووووووول ياماما دومة ملاسى ختاها ليك

Post: #22
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-27-2010, 06:50 PM
Parent: #21

الأعزاء
الخمسينييييين المعتقين
عدا ود الصايم واختنا اميرة
معليش للتاخير
والسادة المعتقين هم/الأخوة /هاشم/حسين/صديق/صديق الموج
ود قاسم
اشكركم للمداخلة ولو انها شابها شي من التحفظ
تخافوا بعد الخمسين!!!!!!
وفي ناس معنيين بالموضوع عملوا فيها رايحين!!

وسؤال لي اخوي صديق الموج.. كبير انت ولا ود العوض؟

Post: #25
Title: Re: عفوآ.. لمن هم فوق الخمسين فقط!!!!!!!!!!!!!
Author: صلاح الدين ابراهيم الفضل
Date: 01-27-2010, 07:28 PM
Parent: #22

سلام يا رشا
انا من ناس بداية الخمسينات ... والله النصيحة كلامك صاااااح
وبدون ما أشعر بقيت احب الاستماع للغناء والطرب وخاصة هاشم ميرغنى وانتى طالعة لكن النصيحة اغانى الشباب ديل وناس المزازيك ديل ما بحبهم ومكجنهم ...ودايرة الجد هسى انا بتمنى لو من زمان وصلت الخمسين دى وفرملت فيها !! ياخى دى متعة الدنيا ... وهاكم الهدية دى

Post: #45
Title: Re: عفوآ.. لمن هم فوق الخمسين فقط!!!!!!!!!!!!!
Author: doma
Date: 01-28-2010, 11:42 AM
Parent: #21

Quote: لووووووول ياماما دومة ملاسى ختاها ليك

لووووووول يا اميرتنا
وانت قايله ملاسي ولا المحبط العندي انا شغاله بيهم ؟؟!!
عافصه ليهم عفص تمام
مخير
الحاسس بانه عجز
اليحس براهو
ما لي شغله بيهو مطلقا .
اصلوا الحكايه ما شكلا بل احساس

Post: #47
Title: Re: عفوآ.. لمن هم فوق الخمسين فقط!!!!!!!!!!!!!
Author: Magdi Ahmed Elsheikh
Date: 01-28-2010, 11:52 AM
Parent: #45

Quote: اصلوا الحكايه ما شكلا بل احساس

حكمة اليوم...

او كما قال الشاعر..

لايقاس المرء بمظهره كما لايقاس البحر بالصاع

شكرا اختنا دومة..!!

Post: #24
Title: Re: عفوآ.. لمن هم فوق الخمسين فقط!!!!!!!!!!!!!
Author: د.محمد حسن
Date: 01-27-2010, 07:09 PM
Parent: #3

Quote: والله ذكرتيني محمد المهدي المجذوب لما قال:

يا بنت عشرين و الايام مقبلة
ماذا تريدين من موعود خمسين؟؟

قرضابي يا وهايمر
ده المجذوب والا محمد سعيد العباسي

سلامات يا راجل يا ذوق

يا ست البوست

البوست ده حيجيب ليك جنس هوا؟

سردبي من هسة

Post: #26
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-27-2010, 08:02 PM
Parent: #24

اخوي/صلاح الدين

فرحت لسعادتك ياخمسيني
وكدى ياداب الحياة ابتدت
بس ماجبت سيرة للطرف التاني
اوعى يكون كلام الاغنية بعبر عن الحاصل!

Post: #27
Title: Re: عفوآ.. لمن هم فوق الخمسين فقط!!!!!!!!!!!!!
Author: ALGARADABI
Date: 01-27-2010, 08:25 PM
Parent: #26

Quote: قرضابي يا وهايمر

يا دكتور سلام
انتا( زااااتك وهايمر) على رأيك
هسه شن جاب الزين للواو

لكن معلومتك صحيحة
عهد جيرون للعباسي وليست للمجذوب
بركة أسعدالعباسي ما( جا ماري من هنا)
لكن ما شفتا بتاعت رشا دي:

Quote: جردابي

حلا الخريف حلا
أهلا به وسهلا

Post: #28
Title: Re: عفوآ.. لمن هم فوق الخمسين فقط!!!!!!!!!!!!!
Author: صلاح الدين ابراهيم الفضل
Date: 01-27-2010, 08:28 PM
Parent: #26

فرحت لسعادتك ياخمسيني
وكدى ياداب الحياة ابتدت
بس ماجبت سيرة للطرف التاني
اوعى يكون كلام الاغنية بعبر عن الحاصل!

والله يا رشا الطرف الثانى شرحو
وبالرغم من انه لم يصل الخمسينات ولسه شوية عليهو لكن احس بانه
يادوب بقى يحس بمتعة الحياة

كسرة ...
اديكم حاجة ولا كفاكم ... اصلو شايفكم مافى زول علق على الهدية الفاتت

Post: #29
Title: Re: عفوآ.. لمن هم فوق الخمسين فقط!!!!!!!!!!!!!
Author: Magdi Ahmed Elsheikh
Date: 01-27-2010, 08:46 PM
Parent: #28

Quote: ما عنده اي شوفه تانيه لو شاف شوفه تانيه كان الشافه ما ينشاف

ناس البوست سلام.!!

Post: #52
Title: Re: عفوآ.. لمن هم فوق الخمسين فقط!!!!!!!!!!!!!
Author: doma
Date: 01-28-2010, 03:48 PM
Parent: #28

يا سلام يا صلاح الدين ابراهيم الفضل
اغنيه جميله شكرا لامتاعنا
الف شكر وبالله تاني لو في شئ من النوع دا نزولوا

تشكر يا سيدي

Post: #31
Title: Re: عفوآ.. لمن هم فوق الخمسين فقط!!!!!!!!!!!!!
Author: ماضي ابو العزائم
Date: 01-27-2010, 09:04 PM
Parent: #24

تعرفى يارشا
لما تجى سيرة الاعمار دى بعدها بتذكر إنى تعديت الخمسين
تقومى تجى تقهمينا بى بوست زى ده؟؟؟؟

بعدين النسوان ديل عقدن حلف غير مقدس مع التكنولوجيا و أجبرن أصحاب الشركات
العالمية إنتجوا حاجة إسمها الموبايل و كمان عملوا فيهو خدمة عجيبة تخنى فيها كل تلفوناتك
مش كدة و بس كمان النصيبة الاسمو الموبايل ده بسجل ليك كل مكالماتك يعنى بى عفصة واحدة
إديك إتصلت بى منو و ما بنسى زول و كمان بحب الشمارات يعنى كمان إتصلت مدة قدر شنو
و إت المتصل ولا (هو/هى) المتصل ..... شفتوا الشغل ده كيف و الشطارة دى كيف ؟؟؟؟
بس كمان الجهاز ده منتهى الغباء و أعمل حسابك يعنى ما بفرز لو إنت العفصت ولا زول تانى العفص ..
بس هى عفصة و هاك يا تبرع مجانى بالمعلومات .

بعدين كلامك صاح
يا راجل البت دى ما قدر بتك
يا راجل الولد ده ما قدر ولدك
بس النصيحة لو عايز تطلع من الموضوع سليم و معافى
رد و قول
آى البت دى قدر بتنا
لكن لو كنت ما حصيف وقلت
آى البت دى قدر بتك
الكترابة بتقوم

عرفتى الناس ما عايزة ترد عشان شنو؟؟؟
كدى ووب
و كدى حى ووب

Post: #30
Title: Re: عفوآ.. لمن هم فوق الخمسين فقط!!!!!!!!!!!!!
Author: عاطف عمر
Date: 01-27-2010, 08:48 PM
Parent: #1

سلامات رشا بابكر

نخطو نحو الخمسين بحمد الله
ولولا بعض تحفظ لذكرت لك ( أبناء الدفعة )
بعضهم ( يتنطط ) في هذا البوست

يعني ممكن نفهم أنو خلاصة القول في هذا البوست

أنو أى ( خمسيني ) لو شعر بأى بوادر ( تهميش ) - على قول أهل السياسة - يقوم على طول يمارس ( الكونفدرالية الزوجية ) *
وبناء على ذلك فإن ( البعلة الأولى ) التي مارست التهميش الذي قاد لـ ( حق تقرير المصير ) أن تتحمل دون تذمر مآلات سياساتها

____________________

( الكونفدرالية الزوجية ) * ....... تعنى الجمع بين زوجتين

Post: #32
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-27-2010, 09:47 PM
Parent: #30

اخوي /ماضي كيف حالك
الناس دي الفيهم اتعرفت والجوال البكشف الحال
هو واحد من اسباب الزوغة
على العموم الله المستعان

Post: #33
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-27-2010, 10:01 PM
Parent: #32

عاطف.... سلام
اولأ مبروك دخولك الخمسين
وزي مااتفقنا الوصول الى هذةالحقبة
حلوة الحقبة دي
الزمنية بحتاج برمجة حياتية لبلوغ
سعادة باقي العمر....هو عمرنا فاضل منو كم
وحرام نقضي ضياع وهم
باكر سنينا تمر تفوت
وما بنفع البكا والندم
شفت يا عاطف!!!!!!!!!!!!!!
بدون ترتيبات خليتني اقول اكتب شعر
لك التحية

Post: #34
Title: Re: عفوآ.. لمن هم فوق الخمسين فقط!!!!!!!!!!!!!
Author: وجن
Date: 01-28-2010, 01:44 AM
Parent: #33

رشا إزيك
انتي ومنال بعد دا تعملوا حزب وتتحالفوا
وأناوجماعتي نجي نفرتكم
ممكن أفتي في الموضوع دا نيابة عن أبوي الخمسيني
وعمي الإتجاوز الخمسين وكمان متزوج خالتي أخت أمي يعني عشرتي معاهم زي عشرتي لامي وأبوي
أها النساوين ديل اللي هم (أمي وخالتي ) تقولي رجالن ديل عاملين ليهم عمل
حقيقة يارشا لو إتكلمت ليك عن مدى إهتمامن برجالن وبانفسهن لا يسعني المقام بعدين كل أهلنا وجيرانا الكبار بعملوا أكتر من كده
ولك ان تتخيلي التقاصيل من بداية اليوم بكباية العصير الصباحي والفطور قبل الذهاب الى العمل
وإتصالات ورسائل للإطمنان عن الحال أثناء العمل
وتجهيز جك العصير بعد العوده من يوم شاق وتهيئة الحمام والبيت وأنفسهن لاستقبالهم
أها يارشوية التفاصيل كتيره وكلها عبر ودروس لينا نحن المطرطشات ديل ياريت نتعلم من أماتنا ونطبق ونمنح أزواجناولو جزء صغير
من المنحوه لابواتنا ولازالوا ربنا يديهم الصحة والعافية

Post: #35
Title: Re: عفوآ.. لمن هم فوق الخمسين فقط!!!!!!!!!!!!!
Author: منصوري
Date: 01-28-2010, 06:12 AM
Parent: #34

الأخت العضوة القديمة جداً معانا هنا رشا بابكر
الموضوع ده أنا ما بيهمني في شئ . لأنو والله ناسي ما شاء الله عليهم مرات أنا ذاتي أشفق عليهم لامن أبكي
وبكاي يكون في شكل هدايا وتقدير واحترام ومشاركة في عمل المنزل.. غسيل مكوة غسيل عدة المطبخ خاصة لما ألقى شريك حياتي متحنن مثلا.. غسيل العدة يطلع الحنة.. تقدير احترام مراعاة شعور.. وفي حاجات كتيرة ما بقدر أحكيها..
أخوك
صديق منصوري

Post: #37
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-28-2010, 06:27 AM
Parent: #34

صباح الفل,,وجن
تعظيم سلام لي خالتك وأمك
ده الكلام ولا بلاش
اماموضوع نعمل حزب أنا ومنال ليه لا!
طال ما انو عمل خير
ويكون شعارنا:
لا.....للتهميش ,لا للتطفيش لا للتفتيش (الجيوب وكدى)
لا لسياسة قص الريش
زوجتي الغالية
خليني اعيش
ده شعار حزبنانصرتآمنا لكل زوج طاله الآهمال
ومن هنا ادعو كل من تريد الآنضمام لنصرة الآزواج
المهملين.الأتصال بنا
ووفق الله الجميع0

Post: #38
Title: Re: عفوآ.. لمن هم فوق الخمسين فقط!!!!!!!!!!!!!
Author: زينب بدر الدين
Date: 01-28-2010, 06:31 AM
Parent: #34

رشا سلام
لمن دخلت البوست إفتكرتك بتخاطبى الجنسين قلت النشوف مالنا
لكين تقصدينا وتخليهم ما بنفع

كدى نناقش حكاية تهتمى بيه دى وقصة تحضرى العصير وتهتمى بى نفسك

مش المسالة متبادلة أصلا -- وهل المقصود المتزوجات فقط فى أرامل ومطلقات وبايرات

مهم جدا فى سن الخمسين وبداية العد التنازلى والأحساس بأن العمر المتبقى

أقل من الذى مضى أن نستمتع به ليس من أجل الطرف الآخر بل من أجل أنفسنا

وبالتالى يأتى دور الشريك والذى إن كان من نفس السن سوف يشارك فى مسألة

تجديد الحياة وعمل إنعاش يشمل التغيير فى الشكل وتجديد أساليب الترفية

الأولاد لمن يكبرو بدو الحياة لون جديد وأكيد برضو فراغ إتعودنا نملاه
بالإهتمام بهم المزاكرة ومتابعة المدارس والأكل والتوجية ولمن تثمر

المجهودات --- من أجمل الأشياء الإستمتاع بذلك

مسألة الوسواس بتاع النسوان بأن الرجل سوف يتزوج بأخرى أو سوف ينظر

وقصة القدر بناته والاكبر هل جميع الرجال ممكن إتزوجو من أخرى

قلة من يفعلون ذلك ولخلل فيهم ليس فى النساء وبرضو قلة من النساء هى من

تدفع بزوجها لأخرى

المهم ليس الزوج أو الزوجة المهم هو نفسى الحياة فى بدايتها كانت

من أجل الآخرين ودى السن المفروض تكون للنفس منها الجزء الأكبر

وخاصة إذا عندك الإحساس بأنك قد أديتى أداء حسن فعليك أن تكافىء نفسك

بجميل الحياة

Post: #36
Title: Re: عفوآ.. لمن هم فوق الخمسين فقط!!!!!!!!!!!!!
Author: د.يوسف محمد طاهر
Date: 01-28-2010, 06:15 AM
Parent: #1

لك التحية أختي : رشا ...
طبعاً لا نصنف من أرباب الخمسين , ولكن قد نبلغها وقد لا نبلغها ...
Quote: من حقو أن يبحث عن التانية

نعتبر ذلك نداء وسننطلق عند بلوغنا الخمسين إن شاء الله على مسؤوليتك يا رشا ...

تم التعديل لوجود بعض الأخطاء التعبيرية

Post: #39
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-28-2010, 06:43 AM
Parent: #36

اخوي /منصوري
كلمة ياسلام عليك( شوية عليك)
دي الشراكة والا بلاش
يهنيك يارب ويخليكم لي بعض

Post: #40
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-28-2010, 06:52 AM
Parent: #39

د/يوسف
كيف حالك
عمرك طويل انشاء الله
انطلاقتك بعدين ما بتحصل الا لو حصلت دردرة
ساعتها تشوف ليك نطة بالحيطة
ودعوة للجميع
الله يثبت اقدامكم

Post: #41
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-28-2010, 07:10 AM
Parent: #40

ازيك يا زينب
اوعك حبيبتي تفتكري اني قالبة علي اخواتي
وشغالة تحريش في الرجال
لا والله
المسألة واقع بنعيشوا في كل البيوت
وصورة معلقة في كتير من البيوت ما كلها طبعآ
( بشتنة الحال واهمال الرجال)
وانا بتحدى اي راجل الموضوع بخصو
وتابع البوست ده يكون راجع حساباتو
وحدد وين مكانو هل هو من الجماعة( الفي الرفوف
والا من الشايلنهم في الكفوف)

ياربي تسعد الجميع
واولهم انتي.

Post: #42
Title: Re: عفوآ.. لمن هم فوق الخمسين فقط!!!!!!!!!!!!!
Author: Yousif A Abusinina
Date: 01-28-2010, 07:51 AM
Parent: #40

Quote: رشا سلام
سؤال؟
49 سنه و11 شهر و364 يوم ممكن اشارك والا اجى بكرة؟؟
طيب ياحبيبة كلامك ده واقعى ومعقول جدا
لكن مفروض يكون سؤالك كالتالى:
لمن هن فوق الخمسين

عليك الله يا رشا ود الموج الدخلو شنو انتى قلتى الخمسينات ناس الستينات ناس جدو الدخلهم شنو

الحمد لله باقى شوية وندخل الزون والامور مستقرة وكل شى متوفر فى السوق والخبز مجانا والخضروات من طرف البيت وان طلبت شى بجيك هوى ........... مساعدة عاجلة لناس الخمسينات لاقيت مانصلكم هههههههههههههه

Post: #43
Title: Re: عفوآ.. لمن هم فوق الخمسين فقط!!!!!!!!!!!!!
Author: ismeil abbas
Date: 01-28-2010, 11:09 AM
Parent: #42

ألأخت/رشا السلام عليكم...

على مشارف الخمسين..والحمدالله...ربنا يمتعنا ويمتعكم بالصحة والعافية..لم انتيه لبوستك الرائع هذا......

Quote: انتو رايكم شنو يا الرجال؟

العمر يقاس باللحظات الجميلة...كل ما تمر السنين بنا إلى ألأمام كلما نحتاج لمزيدآ من الفرح وألأهتمام...

الحمدالله امارس الخمسة تاءات..

تضحك..

تسمع..

تتكلم..

تلعب..

تلمس..

نمارس كل ألوان الفرح وبحمد الله مع ألأسرة....لك التقدير وألأحترام..........

Post: #44
Title: Re: عفوآ.. لمن هم فوق الخمسين فقط!!!!!!!!!!!!!
Author: ismeil abbas
Date: 01-28-2010, 11:39 AM
Parent: #43

Re: ألمرأة بعد تلد الجنى ما بتدى الهنا..

Post: #46
Title: Re: عفوآ.. لمن هم فوق الخمسين فقط!!!!!!!!!!!!!
Author: doma
Date: 01-28-2010, 11:46 AM
Parent: #44

Quote: الحياة فى بدايتها كانت

من أجل الآخرين ودى السن المفروض تكون للنفس منها الجزء الأكبر

وخاصة إذا عندك الإحساس بأنك قد أديتى أداء حسن فعليك أن تكافىء نفسك

بجميل الحياة

سلام تعظيم
يا زينب بدر الدين دا الكلام ويسلم فهمك يا راقيه

Post: #49
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-28-2010, 02:08 PM
Parent: #46

اخوي/ يوسف,,سلام
اخوناالعزيز جدآ صديق الموج
حسب عمره عشان يخارج نفسه
هذا الرجل الجميل خلقآ
وماتستغرب اني فوتها ليهو لسبب بسيط
الراجل صاحب زوجي..يعني عشان العشرة وكدى

Post: #50
Title: Re: عفوآ.. لمن هم فوق الخمسين فقط!!!!!!!!!!!!!
Author: رشا بابكر
Date: 01-28-2010, 02:22 PM
Parent: #49

اخي: اسماعيل
شرآ لمرورك ومتعنا الله واياك بالعافية

والتاءات هذه هي مفاتيح السعادة بدون شك
وبرسالة اخونا اسماعيل يتوقف ردي
على مداخلاتكم واشكركم جميعآحريم ورجال واتمنى ليكم
دوام العافية والسعادة بين اسركم
وانتظروني بكرة القادم احلى
قصيدة جديدة
وانشا الله تسلموا

Post: #51
Title: Re: عفوآ.. لمن هم فوق الخمسين فقط!!!!!!!!!!!!!
Author: Egbal Elmardi
Date: 01-28-2010, 02:46 PM
Parent: #49

سلام يا رشا
وزوارها

يا دوما اهلاً أهلا بالحسم الثورى

Quote: ما عنده اي شوفه تانيه لووووووووووووول لو شاف شوفه تانيه كان الشافه ما ينشاف

قالو الفورتى هى النيو تونتى...
وقياساً....تبقى الخمسين هى النيو تونى فايف...
ومافى زول يسألنى من موقعى من الإعراب....
لكن يختى بهتمه بى روحى لى بت أم روحى دى.....

إقبال

Post: #53
Title: Re: عفوآ.. لمن هم فوق الخمسين فقط!!!!!!!!!!!!!
Author: قرشـــو
Date: 01-28-2010, 08:31 PM
Parent: #51

العزيزة رشا

لك التحية

والله ما عامل رايح لكن الليلة اول يوم اشوف البوست ده ، إمكن لعدم انتظامى فى الدخول ، وبكل صدق نقلك للصورة رائع جدا جدا وصادق جدا.
فأنا من الذين تخطوا الخمسين بهدوء وغير راض عن غزو الابيض للأسود وهزيمته هزيمة نكراء حتى فى الشنب وفى الحواجب لمن واحد صاحبى قال لى ياخى انا شفت الناس بشيبو لكن ما شفت زول حواجبو بتشيب .. شفتى كيف .. يعنى أى فرص للبصبصة معدومة تماما لا سيما وان شكلك يجعل كل من يلاقيك يقول ليك يا عمو وعمو دى عدو أى محاولة للنظرة الثانية حتى ولو لا ذلك فلا أحد يشبع ابدا..

نعود لحكاية زوجات الخمسينيين
زكرتينى حكاية الرجل الشبيه لنا وله زوجة كبيرة واخرى صغيرة فحينما يذهب للصغيرة تقوم بنزع الشعيرات البيضاء من لحيته حتى يكون شبابا وحينما يذهب للكبيرة تقوم بنزع الشعيرات السوداء حتى يصبح وقورا فقال بين حانا ومانا ضاعت لحانا..

ياخى الموضوع ذو شجون والله ولكن دعينى اركب معك مركبك وتحاملك على نساء الخمسينيين
فقد ذهبت والدتى مع زوجتى مرة لحديقة قريبة تتجمع فيها صديقات ازواجهن خمسينيين فتركهن وآثرن رفقة بعضهن فسألت احداهن لماذا هى غير محننة
فقال لها بأن زوجها كبير ولا يآبه للحنه ولا غيرها
حقيقى الاهمال واضح فهن وضعن ازواجهن على الرف واستغنن عنهم بالصديقات فاصبح جل وقتهن مع صديقاتهن يتجمعن هنا وهناك فى بيوتهن او فى الحدائق
تاركات الازواج لوحدهم فلماذا لا يفكر من يؤنس وحدته وهو متزوج ؟

قرأت مرة ان زوجة تشتكى وتتحدث باسم الزوجات بأن الرجال لا يسمعوهن من الكلام الجميل وان حياتهن معهم آلية جدا
هل هذا هو السبب يا ترى؟؟؟

لست أدرى!