Post: #1
Title: منزل بالدروشاب للبيع
Author: Haydar Badawi Sadig
Date: 01-26-2010, 08:22 PM
موقع ممتاز بالدورشاب جنوب، مربع 1
بالقرب من محطة سامر (أول محطة بعد الحلفاية)
مساحته 619 متر مربع
خمسة غرف، ثلاثة منها تفتح على صالة ضخمة
واحدة من الغرف منفصلة وتفتح على صالة أخرى، في زاوية من المنزل تحقق لها كامل الخصوصية
والغرفة الخامسة أيضاً منفصلة في زاوية أخرى من المنزل، وتحقق قدراً طيباً من الخصوصية، ويمكن إضافة صالة كبيرة لها
هناك مساحة وافرة للتتمدد في البناء
مطبخ واسع
سايفون، وثلاثة حمامات
للمزيد من الاستفسار من البائع مباشرة يمكنكم الاتصال بالرقم 0912308646
|
Post: #2
Title: Re: منزل بالدروشاب للبيع
Author: Haydar Badawi Sadig
Date: 01-26-2010, 08:43 PM
Parent: #1
يمكن قطع المسافة من المنزل للحلفاية مشياً في دقائق معدودة!
|
Post: #3
Title: Re: منزل بالدروشاب للبيع
Author: ebrahim_ali
Date: 01-26-2010, 09:16 PM
Parent: #2
تحياتي الرقم المكتوب لا يمكن الوصول اليه
ياريت لو في امكانية معرفة السعر عبر المسنجر لو امكن
|
Post: #4
Title: Re: منزل بالدروشاب للبيع
Author: Haydar Badawi Sadig
Date: 01-26-2010, 09:58 PM
Parent: #3
الأخ الكريم إبراهيم،
يمكنك الاتصال صباحا بتوقيت السودان. فالساعة الآن في الخرطوم متأخرة.
الرقم لشقيقي محمد بدوي وربما يكون قد خلد إلى النوم. وصاحب المنزل هو والدي، والمنزل خالٍ من أية موانع لتكملة إجراءات البيع.
وبكل أمانة أقول أنني لا أعرف سعره. ولكني سأسأل عنه.
|
Post: #5
Title: Re: منزل بالدروشاب للبيع
Author: Ahmed musa
Date: 01-26-2010, 10:04 PM
Parent: #4
دكتور بتحضروا لما بعد الانتخابات ؟؟؟؟؟
|
Post: #6
Title: Re: منزل بالدروشاب للبيع
Author: Haydar Badawi Sadig
Date: 01-26-2010, 10:23 PM
Parent: #5
لا يا أحمد يا خوي، بس الوالد والوالدة عايزين يسكنوا جنب الأهل في الخرطوم.
عليك الله ما تسيس الموضوع دا لأنو قرار البيع اتخذه الوالد والوالدة دون إيعاز من أحد.
|
Post: #8
Title: Re: منزل بالدروشاب للبيع
Author: بابكر الزاكي
Date: 01-26-2010, 10:38 PM
Parent: #5
السلام عليكم
د/حيدر
منول في الدوشاب عرض مغري والمساحة والموصفات جيدة
بس السعر كيف
وهل في إمكانية للمقايضة بقطعة أرض في الأزهري درجة أولي
مع ودي
|
Post: #7
Title: Re: منزل بالدروشاب للبيع
Author: Haydar Badawi Sadig
Date: 01-26-2010, 10:25 PM
Parent: #2
كبري الحلفاية الجديد قريب جداً من المنزل مما سيجعل المسافة بينه وأم درمان بضعة دقائق.
|
Post: #9
Title: Re: منزل بالدروشاب للبيع
Author: Ahmed musa
Date: 01-26-2010, 10:41 PM
Parent: #7
Quote: لا يا أحمد يا خوي، بس الوالد والوالدة عايزين يسكنوا جنب الأهل في الخرطوم.
عليك الله ما تسيس الموضوع دا لأنو قرار البيع اتخذه الوالد والوالدة دون إيعاز من أحد. |
يا دكتور ابدا والله بمزح معاك بس
|
Post: #10
Title: Re: منزل بالدروشاب للبيع
Author: Haydar Badawi Sadig
Date: 01-26-2010, 10:49 PM
Parent: #9
سلمت يا أحمد.
|
Post: #11
Title: Re: منزل بالدروشاب للبيع
Author: Haydar Badawi Sadig
Date: 01-26-2010, 10:53 PM
Parent: #10
الأخ الكريم بابكر،
سأطلع شقيقي على اقتراحك غداً وسأرجع لك.
|
Post: #12
Title: Re: منزل بالدروشاب للبيع
Author: saif massad ali
Date: 01-26-2010, 10:59 PM
Parent: #11
السعر اهم شئ
عشان نشوف الشغلة ماشة وين
|
Post: #13
Title: Re: منزل بالدروشاب للبيع
Author: Osman Musa
Date: 01-27-2010, 01:59 AM
Parent: #12
د / حيدر
سلامات
يا دكتور بايع مالك ؟
يا أخى بيع بتاع NORTH CAROLINA بيع حق شارلوت .
الدروشاب لا لا .
والله يا حيدر الدروشاب دى بعد عشرة سنة . مانهاتن بس .
يا صاحب نحنا ناس Freedom Drive وعارفين مستقبل المكان ده اسمع كلامى .
بيع لا .
تحياتى للأسرة الكريمة
|
Post: #14
Title: Re: منزل بالدروشاب للبيع
Author: عاطف عمر
Date: 01-27-2010, 04:59 AM
Parent: #1
| Quote: يا أحمد يا خوي، بس الوالد والوالدة عايزين يسكنوا جنب الأهل في الخرطوم. |
الحمد لله
والله قلبي إنقبض
قلت حيدر دا عاوز يودي الجماعة ديل أمريكا ولا شنو ؟؟
نحنا عاوزنو هو يرجع السودان ، يقوم يودي الحجاج ديل للبلد ( الطيرا عجمي ديك )
_________
سلامات ومحبات لك وللأسرة الكريمة
|
Post: #15
Title: Re: منزل بالدروشاب للبيع
Author: كمال عكود
Date: 01-27-2010, 05:37 AM
Parent: #14
السقف شنو؟؟؟؟
|
Post: #16
Title: Re: منزل بالدروشاب للبيع
Author: Ameer Elfatih
Date: 01-27-2010, 07:08 AM
Parent: #15
والسعر كـــم ؟؟؟
|
Post: #17
Title: Re: منزل بالدروشاب للبيع
Author: Haydar Badawi Sadig
Date: 01-27-2010, 07:48 AM
Parent: #16
عزيزي عاطف، يا خلي الوفي،
سلمت يا حبيب. يا سيدي، العودة إلى المنطقة أصبحت واجبة، وقد شارفت.
التفاصيل في وقت لاحق!
العزيز سيف،
سألت شقيقي. فقال أن السعر 80 ألف دولار.
عثمان، يا جاري وصديقي العزيز،
موافقك. وشخصياً أحب الدروشاب جداً. وهذا المنزل برح وأطفالي أيضاً لهم ذكريات طيبة فيه (فقد زاروه عدة مرات واستأنسوا فيه)
وحميعنا اعترضنا على البيع بصيغ لطيفة. بالنسبة لي الطرواة وقلة الباعوض والبراح شكلت حجتي.
ولكن حجة الوالدة غلبت. وهي حجة موضوعية.
العزيزان كمال وأمير،
السقف جزء منه خشب، والجزء الآخر زنك، والغرفة المنفصلة (الملحق بها صالة) بها سقف المربعات المتدلي (drop down ceiling).
والمنطقة عموماً جوها لطيف للغاية مما يخفف من أثر درجات الحرارة. والساكنين في هذه المنطقة يحبونها جداً، وقليلاً ما يتركونها. والجيران
فيها طيبين ومتآزرين. ولولا أن مشاوير الوالد والوالدة للخرطوم كثرت بسبب أن معظم الأهل بها، وأن عمريهما لم يعد يسمح لهما بالحركة
الكثيرة مثلما ما كان الحال في الماضي لما فكرا في الرحيل.
أرجو أن أكون قد أجبت على الأسئلة.
|
Post: #18
Title: Re: منزل بالدروشاب للبيع
Author: nazar hussien
Date: 01-27-2010, 08:01 AM
Parent: #17
| Quote: سألت شقيقي. فقال أن السعر 80 ألف دولار |
الدكتور حيدر بدوي...
لك تحياتي...
80 ألف دولار يجيبوها ليكم من وين في السودان؟؟؟
هل في صرافة ممكن تبدل ليك جنيهات سودانية
بي دولارات قدر دا؟؟؟؟
ثم ثانيا: السعر كتير...(والمشتري قال يفتح الله)
نقصوه لي سعر معقول عشان نشتغل ليكم سماسرة...
أصلو قروش قدر دي ولا بنفكر نجمعها
|
Post: #19
Title: Re: منزل بالدروشاب للبيع
Author: Haydar Badawi Sadig
Date: 01-27-2010, 08:11 AM
Parent: #18
الأخ الكريم نزار،
حسب قول شقيقي يمكن التعامل بالسوداني.
|
Post: #20
Title: Re: منزل بالدروشاب للبيع
Author: Haydar Badawi Sadig
Date: 01-27-2010, 08:20 AM
Parent: #19
الأخ الكريم إبراهيم،
حسب شقيقي، يبدو أن فكرة مقايضة القطعة في الأزهري مع المنزل قابلة للنقاش، خاصة وأنها منطقة قريبة
جداً لأهل الوالد والوالدة. هذا على الرغم من تفضيل البيع
أرجو الاتصال بشقيقي.
|
Post: #21
Title: Re: منزل بالدروشاب للبيع
Author: أنور سيد ابراهيم
Date: 01-27-2010, 08:54 AM
Parent: #20
دكتور حيدر سلام واحترام ومشتاقين كتير جدا جدا
فرصة نسلّم عليك ..ونحييك والاسرة الكريمة و اتمنّى ان نلتقى ( مش فى الدروشاب )
بل فى كوستى ( فى مدرسة عبد الجابر - نمرة 8 - ) وننشد معا
( أنا فتى ذو ادب .... أقرأ خير ذى الكتب )
تحياتى لكم جميعا
اخوك المشتاق دوما - أنور
|
Post: #22
Title: Re: منزل بالدروشاب للبيع
Author: Hisham Ibrahim
Date: 01-27-2010, 09:29 AM
Parent: #21
يا حيدر اخوي
ربنا يهون على والديك فُراق المكان دا
المكان دا أنا بععرفو كويس وهو من احسن المواقع خصوصاً بعد ما مشروع السراج فارق المنطقة
على العموم انا من انصار تبادلو بي القطعه الفي الأزهري دي
ولو في حاجه تانية نقدر نساعد بها ترانا قاعدين هنا !
قرار حكيم من والديك ان يتقربوا من اهلهم وصعب أن يغادروا المنطقة دي
وخليهم يخلوا في بالهم إنو الكبرى إفتتاحو قريب وهسع أنوار
الكبري شغالة - يمكن يفُتتح في الشهر الجاي انشاء الله
عشان نساعد عندي ود اختي إسمو عبد القادر لو إتصل على محمد بدوي معناها
عندو فيهو رأي - ما عاوز منكم عمولة بس مساعده يا قريبي حيدر !! وصيهو عليهو
هشام
|
Post: #24
Title: Re: منزل بالدروشاب للبيع
Author: Haydar Badawi Sadig
Date: 01-27-2010, 07:28 PM
Parent: #22
| Quote: المكان دا أنا بععرفو كويس وهو من احسن المواقع خصوصاً بعد ما مشروع السراج فارق المنطقة |
| Quote: وصعب أن يغادروا المنطقة دي |
Quote: وخليهم يخلوا في بالهم إنو الكبرى إفتتاحو قريب وهسع أنوار
الكبري شغالة - يمكن يفُتتح في الشهر الجاي انشاء الله |
نعم، يا هشام، كل الأسباب التي ذكرتها تجعل البيع أمراً شاقاً علينا. وقد حاولت جهدي أن أقنع الوالدة بالاحتفاظ به دون جدوى.
ولن يندم من يكون من نصيبه شراء هذا لمنزل الحبيب إلى نفسي، فهو يصلح للسكن أو الاستثماره - بتأجيره لمن يرغب (فهو يصلح لسكن أسرة كبيرة وأسرتين صغيريتين، ويمكن بناء فواصل سهلة الانجاز تتوفر لها المساحة اللازمة والبناء القائم أصلاً لتحقيق خصوصة أكبر).
أشكرك على تأكيد قولي عن ميزات الموقع. وللمزيد من التأكيد اتصل بنا أخ كريم اليوم ليقول لنا أنه قرأ هذا الخيط ويرغب في معاينة المنزل. وقال لنا بأمانة شكرناه عليها أنه اشترى قطعة بخمسة وستين ألفاً (بالجديد) قبل فترة وجيزة جداً في مكان قريب جداً من المنزل. وقد ارتفع سعرها إلى الضعف، حيث يقدر سعرها الآن بمائة وخمسة وثلاثين ألفاً. والسبب في هذا الارتفاع السريع هو الجسر الجديد، الذي تبقى على افتتاحه أسابيع معدودة.
سأخبر شقيقي أن يترقب اتصالاً من عبد القادر، ونشكرك -مقدماً- عن التنازل عن العمولة إن صار المنزل من نصيبه.
|
Post: #23
Title: Re: منزل بالدروشاب للبيع
Author: Haydar Badawi Sadig
Date: 01-27-2010, 05:33 PM
Parent: #21
العزيز أنور،
يا سلام عيلك، وعلى ذاكرتك الوفية.
تلك كانت أيام نضرات.
بعد قراءة مساهمتك الثرة، أخبرني شقيقي أن حال مدرستنا (السكة الحديد) - رقم 8، في حالة يرثى لها واقترح علي أن نقوم بحملة لصيانتها وإعادة تأهيلها. وقد تحمست للفكرة وأبدى هو استعداده التام للمساهمة المادية والإشراف على المشروع. ما رايك؟
دعنا نتفاكر في الأمر، والله الموفق. هذا مع وافر شكري على إلهامنا بهذه الفكرة بفضل وفاء ذاكرتك وصفاء ذكرياتك العطرة.
|
Post: #25
Title: Re: منزل بالدروشاب للبيع
Author: Haydar Badawi Sadig
Date: 01-27-2010, 11:22 PM
Parent: #23
| Quote: يا أخى بيع بتاع NORTH CAROLINA بيع حق شارلوت . |
يا عثمان، نسيت أقول ليك أنو دا زمان اتباع.
أما رأيك عن مستقبل الدروشاب فسأنقله للوالدة، عساها تقتنع.
|
Post: #26
Title: Re: منزل بالدروشاب للبيع
Author: Haydar Badawi Sadig
Date: 01-28-2010, 08:10 AM
Parent: #25
[
| Quote: وهل في إمكانية للمقايضة بقطعة أرض في الأزهري درجة أولي |
الأخ الكريم بابكر،
أرجو الاتصال بشقيقي محمد لمده بالتفاصيل، وبتلفون شخص يساعده على معاينة الموقع.
فمحمد يرى أن هذا واحد من الخيارات التي يمكن النظر إليها بجدية، إضافة إلى الخيارات الأخرى
الجادة.
رقم محمد مجدداً هو 0912308646
|
Post: #27
Title: Re: منزل بالدروشاب للبيع
Author: أنور سيد ابراهيم
Date: 01-28-2010, 09:28 AM
Parent: #26
اخى الحبيب جدا ..دكتور حيدر
تحية خالصة لكم جميعا ..وخاصة جدا لشقيقك ( ان لم تخنى الذاكرة ) اسمه محمد
وفكرة اروع من الروعة واضع يدى على يديكما ولنبدأ ...؟!!!
ورأيى الشخصى ولانّك صاحب الفكرة ..افتح بوست جديد بهذا الامر
ونتفاكر ويتناقش الجميع وحتما سينجح الامر لشهامة ابناء كوستى
وفقك الله ....آمييييين
|
Post: #28
Title: Re: منزل بالدروشاب للبيع
Author: ismeil abbas
Date: 01-28-2010, 06:56 PM
Parent: #27
أخى/حيدر السلام عليكم....
وربنا يسهل عليكم يارب..
عندى ملاحظة..ونصيحة اخوية....
وجود تلفون على صفحات المنبر..وفى بيعة مثل هذه البيعة..قد تكون هناك فرصة للمتربصين من اهل السوء......أرجو ان كل من يريد رقم تلفون اخوك ان تراسله بالخاص حتى لا يتسبب ذلك فى إزعاجه أو النصب عليه...
لفت إنتباهى لهذا البوست أحد القراء الذين يسعون لشراء بيت.......وهو من أهل بحرى..بس شكل السعر كبير حسب قوله...
لك اخى صلاح والمتداخلين الف تحية..
|
Post: #29
Title: Re: منزل بالدروشاب للبيع
Author: Haydar Badawi Sadig
Date: 01-28-2010, 10:47 PM
Parent: #28
الأخ الكريم إسماعيل،
أشكرك على الملاحظة وعلى الحرص علىنا من المحتالين. وهي ملاحظة في محلها تماماً.
لكن، كل الذين اتصلوا حتى الآن من الجادين وأسماؤهم وأماكنهم معروفة.
سأسال أخي إن كانت هناك معاكسات من محتالين لم يخبرني بها، وسأقوم بسحب الرقم
إذا تأكد لي أن هناك أي تلاعب أو محاولات للمضايقة.
|
Post: #30
Title: Re: منزل بالدروشاب للبيع
Author: Osman Musa
Date: 01-30-2010, 09:44 PM
Parent: #29
العزيز د / حيدر
سلامات
الكلام عن مشروع الكبرى الجديد
ذكرنى موضوع بيت الدروشاب . ومستقبل شكل المنطقة العجيب .
تخيل يا حيدر .
والله يا حيدر البيت ده بعد سنتين بس يجيب مليار عديل ..
تحياتى
|
|