Post: #1 Title: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-26-2010, 06:37 PM Parent: #0
يعنى نحن شعب مثالى ومتحضر ولذيذ جدا؟
Post: #2 Title: Re: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-26-2010, 06:39 PM Parent: #1
أها هاكم أمثلة للتفليع بما ملكت يد الزعلان....
Post: #3 Title: Re: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-26-2010, 06:41 PM Parent: #2
الترابى:
فى الديمقراطية الثانية نزل فى دائرة المسيد وفى ليلته السياسية قذفوه ببعر الغنم. وفى الديمقراطية الثالثة فى عطبرة قذفوه بالطوب.
Post: #4 Title: Re: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-26-2010, 06:43 PM Parent: #3
الصادق المهدى: فى الديمقراطية الثالثة قذفوه بالبيض فى الخرطوم.
Post: #5 Title: Re: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-26-2010, 06:45 PM Parent: #4
حاكم ولاية كلفورنيا الحالى: قذفوه بالبيض فى حملته الإنتخابية الأولى.
Post: #6 Title: Re: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-26-2010, 06:47 PM Parent: #5
فى إحدى مؤتمرات يوم الأرض:
المتطاهرون لبسوا لأغلب المجتمعين التورتة فى وجوههم.
Post: #7 Title: Re: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-26-2010, 06:48 PM Parent: #6
خروتشوف: أول رئيس يقذف مخالفيه بالحذاء تعبيرا عن الزعل.
Post: #8 Title: Re: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-26-2010, 06:51 PM Parent: #7
دى ألذ طريقة للتعبير عن الزهج بدون ماينجم عنها ضحايا.
Post: #9 Title: Re: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-26-2010, 06:58 PM Parent: #8
المفروض الحكومة توفر للمواطنين بعر الجمال ويضاف للتموين كوسيلة للتعبير عن الزهج ضد مسئولى الدولة على أن يحدد الدستور عدد البعر المسموح قذفه حسب حالة القرف..
كما تقع على المواطن مسئولية إستعمال البعر بمسئولية للتعبير عن النفس..
وعلى المسئول أن يدرس حالة كل من يقذفه ببعرة..
وهذا تماشيا مع قذف المسئولين بالورد فى حالة الرضا.
Post: #10 Title: Re: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-26-2010, 07:02 PM Parent: #9
وهكذا قد خلصت من هذا البوست كمشاركة فى موضوع الساعة والذى يحتم على أى مناضل أن يدلو ببوسته فى هذا الحدث الجلل..
الماعندو مداخلة ماعافى ليهو يقرا ملح ويمرق.
Post: #11 Title: Re: يعنى شنو موضة لا أوافق على قذف الرئيس بالحذاء؟ Author: محمد إبراهيم علي Date: 01-26-2010, 07:20 PM Parent: #10
عشان نفوز بعفو سعادتك
الذ تعليق من احد كيزان المنبر انو الفليعة دي بتزيد في شعبية الرئيس
وعليه اقترح على مخططي حملة الرئيس الاستراتيجييين (ديل طبعا لا في و لاحاجة ) انو يوقفو الرئيس كل يوم في ميدان ابو جنزير وياخد ليهو اتنين شبشب و لا تموت تخلى او برطوش قديم لغاية ما يفوز بالتزكية الحذائية
ودعتك الله
وان عدتم عدنا*
ـــــــــــ * في واحد الليلة قد ليك بيها دينق قد لمن خلاه مصفي كلما يرد عليهو يختما ليك بدي
Post: #12 Title: Re: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-26-2010, 08:07 PM Parent: #11
Quote: عشان نفوز بعفو سعادتك
محمد إبراهيم على عافى منك ياعشاى
والله نظريتك بتاعة أبوجنزير دى حقو تكون من شروط الترشيح (ياخى راحة الشعب أهم حاجة).
Post: #13 Title: Re: يعنى شنو موضة لا أوافق على قذف الرئيس بالحذاء؟ Author: حليمة محمد عبد الرحمن Date: 01-26-2010, 08:32 PM Parent: #12
Quote: المفروض الحكومة توفر للمواطنين بعر الجمال ويضاف للتموين كوسيلة للتعبير عن الزهج ضد مسئولى الدولة على أن يحدد الدستور عدد البعر المسموح قذفه حسب حالة القرف.
يشهد الله يا بلة انت زول حاسد وفتان وشيطان.. يعني هسع دي المسئولين والتجار تستهويهم تقليعاتك دي يقوم البعر دا يخش السوق الاسود كمنتج عال الاقبال والرواج و ربما تفتقت قريحة البعض عن استيراد اخر محسن بحجة الاضراب عن المنتج الوطني. ودي كان بقت ذاتها في الصالح.. على الاقل اصحاب الغبائن المحلية ينفسوا حسب مقدرتهم. ------------------ .. اها بيوت الطين والبتوغازات البلدية حقها ما راح.. قريت وقربت امرق.. بس خسيمتك بقت لي حارة.. قاتلك الله يا بكري .. اين الوجوه الضاحكة؟
Post: #14 Title: Re: يعنى شنو موضة لا أوافق على قذف الرئيس بالحذاء؟ Author: Elawad Date: 01-26-2010, 09:21 PM Parent: #13
شوف يا بلة دا جان كريشيان أحد أقوى رؤساء الوزارة المروا على كندا و معاها لقطات لعدد من الكبعات التي تلقاها سياسيون كنديون:
و أمس عندنا وزيرة اخدت ليها خبتة بفطيرة برضو.
Post: #15 Title: Re: يعنى شنو موضة لا أوافق على قذف الرئيس بالحذاء؟ Author: Rawia Date: 01-26-2010, 09:29 PM Parent: #13
Quote: وهكذا قد خلصت من هذا البوست كمشاركة فى موضوع الساعة والذى يحتم على أى مناضل أن يدلو ببوسته فى هذا الحدث الجلل..
زعلانة لاني فوت مواضيع ساعة كتيرات وما أدليت بدلوي فيهم مع إني أنفع زكي قدرة*
لكن مافاتني كتير هسة ها أعمل إجتماع مع نفسي عشان أحدد أشوت وين ومع منو
________________ * من فلم عادل أدهم إفتي يازكي قدرة زكي قدرة يفتي
Post: #16 Title: Re: يعنى شنو موضة لا أوافق على قذف الرئيس بالحذاء؟ Author: saif massad ali Date: 01-26-2010, 09:44 PM Parent: #15
ايهما اشد ايلاما
حذاء هذا الرجل
ام طلب او كامبو
Post: #17 Title: Re: يعنى شنو موضة لا أوافق على قذف الرئيس بالحذاء؟ Author: ود محجوب Date: 01-26-2010, 09:58 PM Parent: #16
ياخى اعفى مننا
نحن ناس ((شدة وباتا)) نعلات الزمن دا ما بنعرفن. وبعر الغنم بعالج القوب (( tinea capitis ))
ودعتك الله النعرفو قلناهو.
Post: #18 Title: Re: يعنى شنو موضة لا أوافق على قذف الرئيس بالحذاء؟ Author: MAHJOOP ALI Date: 01-26-2010, 10:08 PM Parent: #16
Quote: المفروض الحكومة توفر للمواطنين بعر الجمال ويضاف للتموين كوسيلة للتعبير
ويبقي الرئيس ابو قوبه (ماهو الاسم العلمي للقوب يادكتور)
Post: #19 Title: Re: يعنى شنو موضة لا أوافق على قذف الرئيس بالحذاء؟ Author: نادية عثمان Date: 01-26-2010, 11:29 PM Parent: #18
عزينا الرسول يادكتور
والتعبير عن الزهج بالحذاء مامهذب وماحضاري والله !!
Post: #20 Title: Re: يعنى شنو موضة لا أوافق على قذف الرئيس بالحذاء؟ Author: Hashim Badr Eldin Date: 01-27-2010, 01:47 AM Parent: #19
د.بله وضيوفه السلام عليكم
السودان قطر متعدد الثقافات، وعدم الإعتراف بهذا التعدد والتباين هو الذى يقود البلاد اليوم نحو الهاوية. الأسافير وفرت مسارح وجمهور وأضواء للممثلين والمتصنعين ومن أدمنوا النفاق والتدثر بالمثالية الزائفة. أن يدلى الإنسان برأيه فى أى قضية فذلك حقه، لكن من ينصب نفسه ناطقاً باسم الثقافة السودانية ويزعم أن ميوله وأهواءه هى من صميمها وما خالفها هو خروج عنها، فذلك محض إفتراء.
زارت الملكة أليزابث الثانية السودان فى فبراير عام 1965. فخرج الساسة ورهطهم من التكنوكرات (الذين رباهم الإستعمار وأورثهم مؤسسات الدولة) للقائها وهم فى غاية الحب والولّه، وخرجت أيضاً جموع غفيرة من الشعب وهتفت ضد الملكة ورشقتها بالبيض والطماطم. ليس من الضرورة أن نتفق أو نختلف مع كل حدث فى تاريخنا، لكن من يطلقون أحكاماً قطعية باسم الثقافة السودانية، فيثبتون لها وينفون عنها ماشاءوا، يحتاجون لقراءة التأريخ حتى لا تكون أحكامهم إعتباطية.
Post: #21 Title: Re: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-27-2010, 03:53 AM
حليمة
ربى انشالا يسلط عليك وتبقى رئيسة السودان كيتن فيك.
العوض الخبت ماعندكم لكن.. ماعايزين بعر جمال مستورد؟
راوية واجبناك بهناك
سيف مساعد عليك الله ماتشوف لى زول بتاع فوتوشوب يلبس لى صورتى كدمول,, أصلى قررت أبقى مراسل ميدانى.
ود محجوب راوية قالت ليكم شوفوا ليكم مرشح وسيم (مقاس كلنتون) غايتو دا إلا واحد من خلفاكم يتزوج مونيكا.
محجوب على راجع الخليفة ودمحجوب بعاليه.
نادية عثمان نان الإحراج حضارى!!
هاشم بدر الدين والله ماعارف راوية تفتش على رئيس بمواصفات وهاشم فى المدينة!
Post: #22 Title: Re: يعنى شنو موضة لا أوافق على قذف الرئيس بالحذاء؟ Author: dardiri satti Date: 01-27-2010, 08:20 AM Parent: #21
هاشم بدر الدين ، تحياتي.
مهما يكن رأينا في البشير وفي نظام حكمه، هذا التصرف مدان ، ودخيل على ثقافة السودانيين في التعامل مع كبار السن.
ولكن ،
فليشرب البشير ونظامه من نفس الكأس ، فهم الذين أدخلوا ثقافة إهانة الكبار في بلادنا ، عندما جعلوا من ابناء الأراذل والفاقد التربوي، حراساً وزبانية لهم يضربون ، أمام اعينهم ، المعلمين وأساتذة الجامعات ويكيلون لهم الصفعات ، يهينون رجالاً في اعمار آبائهم. تشهد على ذلك بيوت أشباحهم وسجونهم . وضحاياهم ما يزالون أحياء.
إذن فليشربوا من ""قلتهم"" الموبوءة و""بكوزهم"" المرذول. فمن يزرع الريح يجني العاصفة.
تحياتي
Post: #23 Title: Re: يعنى شنو موضة لا أوافق على قذف الرئيس بالحذاء؟ Author: نجلاء سيد أحمد Date: 01-27-2010, 12:07 PM Parent: #22
دكتور تحياتى
Quote: المفروض الحكومة توفر للمواطنين بعر الجمال ويضاف للتموين كوسيلة للتعبير
انا اقترح بعر الفيل وليس الجمل
ادين ضرب عمر بالجزمة وحرام عادل راح فيها ماحيصوت لعدم اهليته القانونية
Post: #24 Title: Re: يعنى شنو موضة لا أوافق على قذف الرئيس بالحذاء؟ Author: Balla Musa Date: 01-27-2010, 05:04 PM Parent: #23
