Post: #1
Title: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-26-2010, 11:48 AM
Parent: #0
فـطــوّمـة...
شِتيــلـة مفرهــدة ونـايــرة بـرآءة الدنيـا فـي عــيونـا
فـوق عِــز الأهـل قايـمـة حِـليــوة صغيــرة درفــوّنـة
نسـايـم الريـد تمـيل بيهـا عشـان هـى لِوينــة عـرجـونـة
شاربـة الـفـرحـة مـن الـنـيل لــون الـبُـرتُـكـان لـونـا
بالأدب الرفــيـع والـذوق والحِــنــيّـة مــفــطــومـة
وِديعـة فـآل بـخيـت وسـعيـد فـي رِويحــتـنا منـضـومـة
فضـايـلها تـرمى لقـــدآم بِــنـيــات الـفــريـق دونــا
بِـسـيمتا تـرضى كُـلّ الـنـاس وحـاتـكم جـد قـلـيـل لومـا
محـصنة بالضُـحى ويـاسيـن مـن الفـارغـة مـعــصـوّمـة
مـع أنفـاسـي طالـعـة ونـازلـة فـي عـينـيا مـرســوّمـة
بحِـس بالـحُـمى فـي جُـواى كـان حسـيـتا مـحــمـوّمـة
وأقالـد الفـرحـة لمـا أشــوفا فـي ضحـكاتـا مـخـتـوّمـة
أكـان وصـفــوهـا بالـقــمـرا أقــول واللهِ مـظـلـوّمـة
دِى أحـلى مـن القمـر يـا نـاس وفـى السمحات كبـيـر كومـا
وكـان فـتشـتو كٌـلّ الكـون بتـلـقــوا حـلاتـا مـعـدومـة
بـســم اللهِ مـا شـــاء الله بـســأل ربــنــا يـصــونـا
يحفـظا مـن سهـام العـين بِنـيـتـى الحِلـوّة فــطــوّمــة
ود الــمــديــر...
بِنيتى الحِلوة فطوّمة...
|
Post: #2
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: ناجية مصطفى
Date: 01-26-2010, 12:15 PM
ماشا الله وتبارك الله
ربنا احفظها واقتيها واضاريها
وصح لسانك
|
Post: #3
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: عفاف الصادق بابكر
Date: 01-26-2010, 01:09 PM
Parent: #2
حلوه فطومة .. تشوفها تنسى هموم الدنيا ..
ماشاءالله عليك يا فطومة ياعسوله ..
ربنا يحفظك ويغطيك وينجيك ..
وخمس وخميسه على العين الشافتك وما سمت وصلت ..
اها يا معاوية يا اخوي نحجز ولا يستر الله ...
اصلوا نحن الباوقة والمنقه دي ما عايزين نفوته..
|
Post: #4
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: هند محمد
Date: 01-26-2010, 01:31 PM
Parent: #3
ماشاء الله ربنا يحفظها ويخليها ليك
قصيدة حلوة ومليانة احساس لاحلى فطومة
|
Post: #5
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: ابو جهينة
Date: 01-26-2010, 01:49 PM
Parent: #4
معاوية
ربنا يحفظ ليك فطومة
محـصنة بالضُـحى ويـاسيـن مـن الفـارغـة مـعــصـوّمـة
مـع أنفـاسـي طالـعـة ونـازلـة فـي عـينـيا مـرســوّمـة
أبيات راقية
تحياتي
|
Post: #6
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: Elawad
Date: 01-26-2010, 06:51 PM
Parent: #5
الأخ معاوية
السلام عليكم
حفظ الله لكم فاطمة و جعلها قرة عين لك و لوالدتها.
اسم فاطمة اسم جميل حبيب إلى القلب فهو اسم سيدة نساء العالمين و حبيبة رسولنا الكريم صلى الله عليه و سلم. و هو اسم أمي الحبيبة حفظها الله و رعاها و اسم بنتي الغالية فطومة التي سأسرق قصيدتك الرائعة و أهديها لها.
|
Post: #7
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-27-2010, 00:59 AM
Parent: #6
Quote: ماشا الله وتبارك الله
ربنا احفظها واقتيها واضاريها
وصح لسانك |
آميّن يارب...
الأخت ناجية مصطفى،
فطومة بتقوليك: شكراً ليك
كتير يا عمتو وربنا يديك
الصحة والعافية.
شكراً أختي ناجية...
|
Post: #8
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: سيف اليزل برعي البدوي
Date: 01-27-2010, 01:07 AM
Parent: #7
ود المدير
ربنا يحفظ البنية فطومة من العين ويخليها ليك
ونشوف كلنا جديدها
هذه القصيدة عقد فريد في عنق فطومة مدي الايام
لكن غريبة ياسر بيناوي ما ظهر لهسه
ولك خالص مودتي
سيف
|
Post: #9
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: د.نجاة محمود
Date: 01-27-2010, 03:21 AM
Parent: #8
فطومة انت عسل مصفى ربنا يحفظك ويرعاك
المدير
انت من وين بتك دي تشبه بتي شبه عجيب...
|
Post: #10
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-27-2010, 06:21 AM
Parent: #9
Quote: حلوه فطومة .. تشوفها تنسى هموم الدنيا ..
ماشاءالله عليك يا فطومة ياعسوله ..
ربنا يحفظك ويغطيك وينجيك ..
وخمس وخميسه على العين الشافتك وما سمت وصلت ..
اها يا معاوية يا اخوي نحجز ولا يستر الله ...
اصلوا نحن الباوقة والمنقه دي ما عايزين نفوته.. |
آمين يا أختنا عفاف.
فطومة بتقول ليك شكراً يا عمتو، وهي خجلانة.
وأنا بقول ليك مش تحجزو وبس. فطومة حقتكم
وإنتو حُرين فيها...
شكراً عفاف...
|
Post: #11
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-27-2010, 06:29 AM
Parent: #10
Quote:
ماشاء الله ربنا يحفظها ويخليها ليك
قصيدة حلوة ومليانة احساس لاحلى فطومة |
آمين...
شاعرتنا هند، فطومة بتقول ليك
شكراً يا عمتو وطالبة منك قصيدة...
شكراً استاذة هند...
|
Post: #12
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: doma
Date: 01-27-2010, 06:32 AM
Parent: #11
حلاتها ربنا يحفظها ليكم ويجملها بالعلم الغزير
|
Post: #13
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: يحي ابن عوف
Date: 01-27-2010, 06:39 AM
Parent: #11
ود المدير سلام
ربنا يحفظ البنية فطومة
وعقبال لما تفرح بيها في بيته
|
Post: #14
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-27-2010, 07:04 AM
Parent: #13
Quote: معاوية
ربنا يحفظ ليك فطومة
محـصنة بالضُـحى ويـاسيـن مـن الفـارغـة مـعــصـوّمـة
مـع أنفـاسـي طالـعـة ونـازلـة فـي عـينـيا مـرســوّمـة
أبيات راقية
تحياتي |
آمين أخي أبو جهينة،
فطومة بتقول ليك:أنا بحب اتبرا شديد يا عمو
ولو إنت جيت اتبرا بجيك من السيالة
أزورك في البيت.
تسلم يا ريس. إن شاء الله نجيك
في جديد الوليدات...
|
Post: #15
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-27-2010, 07:16 AM
Parent: #14
Quote: الأخ معاوية
السلام عليكم
حفظ الله لكم فاطمة و جعلها قرة عين لك و لوالدتها.
اسم فاطمة اسم جميل حبيب إلى القلب فهو اسم سيدة نساء العالمين و حبيبة رسولنا الكريم صلى الله عليه و سلم. و هو اسم أمي الحبيبة حفظها الله و رعاها و اسم بنتي الغالية فطومة التي سأسرق قصيدتك الرائعة و أهديها له |
آمين أخي العوض،
اللهُمّ صلي وسلم وبارك على سيدنا
محمد وعلى أهله وسلم تسليماً كثيرا.
فطومة بتقول ليك سلّم على الوالدة
والقصيدة نُص بالنُص بينى وبين
فطومتك.
نسأل الله أن يحفظ الوالدة، ويحفظ
فطومة وتحايانا ليهن...
|
Post: #16
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-27-2010, 07:21 AM
Parent: #15
Quote:
ود المدير
ربنا يحفظ البنية فطومة من العين ويخليها ليك
ونشوف كلنا جديدها
هذه القصيدة عقد فريد في عنق فطومة مدي الايام
لكن غريبة ياسر بيناوي ما ظهر لهسه
ولك خالص مودتي
سيف |
آمين أخي سيف،
فطومة بتقول ليك: سلّم على بنيونتك
وأُمها، وشكراً ليك.
بيناوي فاضي لي من البنت البتشبه
الهنديات؟
|
Post: #17
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-27-2010, 07:27 AM
Parent: #16
Quote: فطومة انت عسل مصفى ربنا يحفظك ويرعاك
المدير
انت من وين بتك دي تشبه بتي شبه عجيب... |
سلام د/ نعمات،
فطومة بتقول ليكي: آمين، وشكراً ليك كتير
يا عمتو..
يا دكتورة، البت دى أبوها من اتبرا السيالة،
وأمها من أم الطيور. أها بنتكم والا ما بنتكم؟
|
Post: #18
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: HAIDER ALZAIN
Date: 01-27-2010, 07:31 AM
Parent: #17
المديـــر سلامات ...
تحياتي لفطومة وليك ولكل الاهل بالسيالة ...
قول ليها عمكـ حيدر الكنناري قال ليك إنت عسل مصفي ..!
ربنا يحفظها ويغطي عليها ويوفقها في دراستها وحياتها
|
Post: #19
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: عفاف الصادق بابكر
Date: 01-27-2010, 07:36 AM
Parent: #17
ود المدير صباحك زين .. وصباح بتي فطومه قشده ..
Quote: فطومة بتقول ليك شكراً يا عمتو، وهي خجلانة.
وأنا بقول ليك مش تحجزو وبس. فطومة حقتكم
وإنتو حُرين فيها... |
قادر الله ..
عاد البتعده حدودي .. ما يلوم إلا نفسه ..
الله يحفظها ونشوفها في اعلى الدرجات يارب ..
|
Post: #20
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-27-2010, 08:49 AM
Parent: #19
Quote:
حلاتها ربنا يحفظها ليكم ويجملها بالعلم الغزير |
آمين يا رب العالمين.
فطومة بتقول ليك: يا ماما دومة ربنا يخليك
لينا ويديك الصحة والعافية...
أجزل الشكر ليك دومة...
|
Post: #21
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-27-2010, 08:58 AM
Parent: #20
Quote: ود المدير سلام
ربنا يحفظ البنية فطومة
وعقبال لما تفرح بيها في بيته |
وإنت كمان أخوي يحي إن شاء الله تحضر
جديد وِليداتك.
فطومة بتقول ليك: شكراً يا عمو وبنجيكم
في كالقري...
|
Post: #22
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-27-2010, 11:36 AM
Parent: #21
Quote:
المديـــر سلامات ...
تحياتي لفطومة وليك ولكل الاهل بالسيالة ...
قول ليها عمكـ حيدر الكنناري قال ليك إنت عسل مصفي ..!
ربنا يحفظها ويغطي عليها ويوفقها في دراستها وحياتها |
مرحبتين حبابك حيدر الزين،
تقبل تحايانا وتحايا أهلك ناس السيالة.
فطومة بتقول ليك: آمين، وشكراً يا عمو حيدر
لو جينا اتبرا وبقيت إنت في كنور والله نجي
نسلم عليك...
|
Post: #23
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: ismeil abbas
Date: 01-27-2010, 11:41 AM
Parent: #22
أخى معاوية..ربن يحفظ ليك وبينا فطومة..الحلوة الفى الصورة ماده قدومه...
Quote: أكـان وصـفــوهـا بالـقــمـرا أقــول واللهِ مـظـلـوّمـة
دِى أحـلى مـن القمـر يـا نـاس وفـى السمحات كبـيـر كومـا
|
تحياتى لها..ولك....
|
Post: #24
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-28-2010, 02:49 AM
Parent: #23
Quote: أخى معاوية..ربن يحفظ ليك وبينا فطومة..الحلوة الفى الصورة ماده قدومه...
Quote: أكـان وصـفــوهـا بالـقــمـرا أقــول واللهِ مـظـلـوّمـة
دِى أحـلى مـن القمـر يـا نـاس وفـى السمحات كبـيـر كومـا
تحياتى لها..ولك.... |
الرجل القُدوة أخونا إسماعيل عباس،
ســـــلام.
آمين أخي إسماعيل،
فطومة بتقول ليك أنا بريدك يا عمو إسماعيل،
وإنت شِعرك أحسن من حق أبوي... وأصل...
مشكور يا إسماعيل...
|
Post: #25
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: murtada
Date: 01-28-2010, 03:52 AM
Parent: #24
ماشاء الله تبارك الله ... حفظهاالله وراعاها -
جاء في الاثر ان امير المؤمنين عمر بن الخطاب رضي الله عنه قد قال: (لولا ثلاث ما أحببت البقاء في الدنيا ...منها وان اجالس اقواما ينتقون اطايب الكلام كما ينتقون اطايب الثمر )
... وشخصى الضعيف يقول لولا مثل هذه البوستات لما كان لنا في البورد بقاء ...
ربنا يحفظها ... اخوك ما شاء الله بيت عزابه ... خشونه وعنف قانوني ... ولمن نلاقي فاطمه العوض الفوق دي - من خريف لخريف- الواحد بيكون زى رواد الفضاء - ماشى فى الهوا
|
Post: #26
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: المسافر
Date: 01-28-2010, 06:02 AM
Parent: #25
Quote:
السمحات كبـيـر كومـا |
( أميرة
في توب الأمير الله فوقها )
بنت المدير
سمحة
وفي السمحات أميرة
( تشبهي الفل في الجناين)
والسمرة في بحر الدميرة
سمحة يا أم الجدائل
الفرحة من عينيك جداول
ساقية شتوي من يومه طاول
سمحة يا جذوة أهلنا
توقد الحن في المحنة
وتبرد الحم النارو جنة
ربي يحفظها
|
Post: #27
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: naeem ali
Date: 01-28-2010, 06:40 AM
Parent: #26
يا سلام علي فطومه يا ود المدير..
ربنا يغطيها ببركة اسمها العطير..
وينزل عليها الخير المطير..
ويجعل البركه تباريها محل ماتسير..
انه علي كل شي قدير..
|
Post: #28
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: طارق أحمد عثمان
Date: 01-28-2010, 07:06 AM
Parent: #27
الله يخليها ليك هي وإخوتها يا ود المدير
ويحفظكم جميعا
|
Post: #29
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-28-2010, 08:28 AM
Parent: #28
Quote:
ماشاء الله تبارك الله ... حفظهاالله وراعاها -
جاء في الاثر ان امير المؤمنين عمر بن الخطاب رضي الله عنه قد قال: (لولا ثلاث ما أحببت البقاء في الدنيا ...منها وان اجالس اقواما ينتقون اطايب الكلام كما ينتقون اطايب الثمر )
... وشخصى الضعيف يقول لولا مثل هذه البوستات لما كان لنا في البورد بقاء ...
ربنا يحفظها ... اخوك ما شاء الله بيت عزابه ... خشونه وعنف قانوني ... ولمن نلاقي فاطمه العوض الفوق دي - من خريف لخريف- الواحد بيكون زى رواد الفضاء - ماشى فى الهوا |
آمين أخي مرتضى،
ولك جزيل الشكر.
فطومة بتقول ليك شكرأ يا عمو،
ونحن في إنتظار فطومة مرتضى.
عندك فطومة معاوية، وفطومة العوض، برضو ممكن
فطومة معاوية تكون فطومة العوض، وفطومة العوض
تكون فطومة معاوية، ونحن كلنا في إنتظار فطومة
مرتضى، يارب...
|
Post: #30
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-28-2010, 08:44 AM
Parent: #29
Quote: قادر الله ..
عاد البتعده حدودي .. ما يلوم إلا نفسه ..
الله يحفظها ونشوفها في اعلى الدرجات يارب .. |
التوقيع/ عفاف الصادق بابكر...
آمين يارب...
|
Post: #31
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-28-2010, 08:51 AM
Parent: #30
Quote:
( أميرة
في توب الأمير الله فوقها )
بنت المدير
سمحة
وفي السمحات أميرة
( تشبهي الفل في الجناين)
والسمرة في بحر الدميرة
سمحة يا أم الجدائل
الفرحة من عينيك جداول
ساقية شتوي من يومه طاول
سمحة يا جذوة أهلنا
توقد الحن في المحنة
وتبرد الحم النارو جنة
ربي يحفظها |
آمين يا سِرى،
فطومة بتقول ليك: يا عمو المسافر تعال نمشي الباوقة
عشان أنا بريدها، وصورتي دى في الباوقة. كمان وراي
البحر وفي شجرة صفصاف. شكراً على القصيدة الحلوة.
مشكور يالمسافر على نظم الجابودي.
دايرلو طمبآرة...
|
Post: #32
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-28-2010, 11:09 AM
Parent: #31
Quote: يا سلام علي فطومه يا ود المدير..
ربنا يغطيها ببركة اسمها العطير..
وينزل عليها الخير المطير..
ويجعل البركه تباريها محل ماتسير..
انه علي كل شي قدير.. |
آمين، أخي نعيم.
فطومة بتقولك: أنا بريدك يا عمو نعيم
عشان إنت بتريد الأطفال.
مشكور يا نعيم على المقطع الجميل...
|
Post: #33
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: المسافر
Date: 01-28-2010, 11:41 AM
Parent: #32
الله يخليكم لبعض
بالطبع هو رزيم الجابودي
والأشياء الجميلة دائماً بتحرك الدواخل في صورة مشابهة لرزيم الجابودي
ولذلك بديت هذه الكلمات بالأغنية التي يغنيها ود الحوري بالطنبور المشهور
"" أميرة في توب الأمير
الله فوقها
جات تقدل عصير"
نفس الشئ هناك شريط للفنان العبقري وردي وفيه أغاني بالطنبور فيها القمر بوبا
وفيها ياسلام منك أنا آه يا سلام...
الحياة نفحة الهية
والبنون من نعم الحياة ومنحة من الله
وإنشاء الله في الأيام القادمة سوف أنزل ليك صورة العروسة خديجة نصر الدين حسن المدير
وكما تعلم والدكم الكريم محمد عثمان المدير وحسن مصطفى المدير كانو أصدقاء مقربين للوالد..
وفي عام 1964 سكنا لمدة سنتين في بيت والدكم في السيالة - عطبرة، وفي البيت كانت في غرفة للحمام الرقاص، وهو نوعية إنجليزية نادرة ، كنت أقوم برعايتها وتغيير أواني الشراب والبذور لها، كذلك هناك تعريشة خاصة بها مجموعة كبيرة من دود القز ينتج الحرير... ما عارف انك كنت مولود في ذلك الوقت ؟؟
|
Post: #34
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: ismeil abbas
Date: 01-28-2010, 12:02 PM
Parent: #33
Quote: فطومة بتقول ليك أنا بريدك يا عمو إسماعيل،
|
ياسلام يافطومة....الحلوة لكومة...
الرائعة فى فنونه...الزاهية فى لونه..
كان شفتو الجمال كلو خاتنو فى عيونه...
وكان شفتو السماحة كمان ..وهى صارة قدومه...
ناس الفريق قالوا.....حلوة وسغنتونه...
لك ولآسرتك الكريمة خالص الود....وخاصة فطومة...وقول ليها عمو إسماعيل قال ليك..شدى حيلك وأبقى لينا زولة مسؤولة...
تقديرى وأحترامى..
|
Post: #35
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-28-2010, 12:05 PM
Parent: #33
Quote: الله يخليها ليك هي وإخوتها يا ود المدير
ويحفظكم جميعا |
آمين أخي العزيز طارق.
فطومة بتقول ليك: وإنت كمان يا عمو طارق
ربنا يخليك لينا، وكلّ أهلك، وأحبابك.
مشكور طارق على المرور، لك منا كلّ
المودة يا أصيل...
|
Post: #36
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: ياسر بيناوي
Date: 01-28-2010, 12:50 PM
Parent: #35
اهااااااااااااا القصيدة زين سمحة وما بناباها
لكن بالجد انا زعلان شديد
تنزل صورة المدام في منبر عام ومن غير شورتي كمان
اهادا الكلام المابينفع معانا
وبعدين يا ابو النسب ياخي انا كنت في البلد بعمل في اجراءات الترشيح
للانتخابات هنديات شنو ..؟
ياخي انت حتناسب سيناتور اد الدنيا
خالص الود
تحياتي لي رفارف قلبي فطومة
|
Post: #37
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-29-2010, 01:15 AM
Parent: #36
Quote: وإنشاء الله في الأيام القادمة سوف أنزل ليك صورة العروسة خديجة نصر الدين حسن المدير
وكما تعلم والدكم الكريم محمد عثمان المدير وحسن مصطفى المدير كانو أصدقاء مقربين للوالد..
وفي عام 1964 سكنا لمدة سنتين في بيت والدكم في السيالة - عطبرة، وفي البيت كانت في غرفة للحمام الرقاص، وهو نوعية إنجليزية نادرة ، كنت أقوم برعايتها وتغيير أواني الشراب والبذور لها، كذلك هناك تعريشة خاصة بها مجموعة كبيرة من دود القز ينتج الحرير... ما عارف انك كنت مولود في ذلك الوقت ؟؟ |
أخونا نصر الدين حسن مصطفى، نسأل الله له الرحمة والمغفرة.
ما شاء الله البنيات كبرن وبقن عروسات. (في إنتظارالصورة)
في ذلك الوقت كان عمري ثلاث سنوات، وفطومة لمان كانت صغيرة
كنت أرقدها في سدري وأهدهدها دوماً بهذه الآغنية وأظنها أيضاً
من ضرب الجابودي:
الله ليلي شِن تشبه بلا الدافننو في بطن المطامير!
لدروبك إنت ما شقن بوابير
يا قشيش نص الخلا الفوق في العتامير
البكركر رعدو وديّما سماهو عِكير
السمح مرعآك يا قش التناقير
جات تدلى بالوديان عديلة
كاحلة بلا كُحُل بت القبيلة
نِفيسك شمعوهوجوّه الفتيلة
يا عجو المحس التقيل دلآ العراجين
إنت ما بيدوك لزولاً مِسكين
إلِ واحداً تمرو مقرون في البساتين
سواقيهو تصحي الكانو نايمين
حليلك يا أم جبين يا بدر دورين
سديرك عام تقولغُرر الوزازين...
التحية لك أخي المسافر...
|
Post: #38
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: د.نجاة محمود
Date: 01-29-2010, 05:19 AM
Parent: #37
Quote: يا دكتورة، البت دى أبوها من اتبرا السيالة،
وأمها من أم الطيور. أها بنتكم والا ما بنتكم؟ |
الليلتنا تب
محسوبتك من الداخلة
|
Post: #39
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-29-2010, 07:10 AM
Parent: #38
Quote:
ياسلام يافطومة....الحلوة لكومة...
الرائعة فى فنونه...الزاهية فى لونه..
كان شفتو الجمال كلو خاتنو فى عيونه...
وكان شفتو السماحة كمان ..وهى صارة قدومه...
ناس الفريق قالوا.....حلوة وسغنتونه...
لك ولآسرتك الكريمة خالص الود....وخاصة فطومة...وقول ليها عمو إسماعيل قال ليك..شدى حيلك وأبقى لينا زولة مسؤولة...
تقديرى وأحترامى.. |
ولك الحب والمودة وخالص التقدير، ولأسرتك الكريمة خالص الوُد.
فطومة بتقول ليك: يا عمو إسماعيل وصيتك حأعمل بيها إن شاء الله،
وشكراً على القصيدة الحلوة شديد.
|
Post: #40
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: Nasir Ahmed Elmustafa
Date: 01-29-2010, 07:12 AM
Parent: #38
ربنا يحفظها ويخليها لي والديها
|
Post: #41
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-29-2010, 08:00 AM
Parent: #40
Quote:
اهااااااااااااا القصيدة زين سمحة وما بناباها
لكن بالجد انا زعلان شديد
تنزل صورة المدام في منبر عام ومن غير شورتي كمان
اهادا الكلام المابينفع معانا
وبعدين يا ابو النسب ياخي انا كنت في البلد بعمل في اجراءات الترشيح
للانتخابات هنديات شنو ..؟
ياخي انت حتناسب سيناتور اد الدنيا
خالص الود
تحياتي لي رفارف قلبي فطومة |
أووووه أخونا الهندي. مرحبتين،
فطومة بتقول ليك: يا عمو ياسر يأخ ما تهزر،
عمتو عفاف بتزعل مِنّك...
أوووووعك تخلي عفاف تسمعك...
|
Post: #42
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-29-2010, 09:18 AM
Parent: #41
Quote:
الليلتنا تب
محسوبتك من الداخلة |
أها ما قُتلِك...
قبل إلتحاقي بسودانيز أونلاين كانت بيناتنا مدخلات عرفت من
خلالها إنك من الداخلة. وقتها كنت أكتب عن طريق الأخ
منصور المفتاح، وصاحب البوست كان الأخ عبد العزيز
الفاضلابي.
شكراً دكتورة نجاة والله الواحد لمان يلقى ناس اتبرا
يفرح من جوّه قلبو...
تاني فطومة بتسلم عليك...
|
Post: #43
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-30-2010, 03:14 AM
Parent: #42
| Quote: ربنا يحفظها ويخليها لي والديها |
آمين أخي ناصر.
فطومة بتقول ليك: شكراً يا عمو ناصر
وربنا يخليك لينا.
مشكور أخي ناصر...
|
Post: #44
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: Ammar Elyas Babiker Hassan
Date: 01-30-2010, 03:56 AM
Parent: #43
ما شاء الله اخي معاوية وربنا يحفظها ليكم
| Quote: وأمها من أم الطيور |
وانا أقول السماحة دي لازم تكون حقتنا
سلم علي فطومة وقول ليها خالك بسلم عليك
|
Post: #45
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-30-2010, 11:25 AM
Parent: #44
Quote:
ما شاء الله اخي معاوية وربنا يحفظها ليكم
Quote: وأمها من أم الطيور
وانا أقول السماحة دي لازم تكون حقتنا
سلم علي فطومة وقول ليها خالك بسلم عل |
آمين يا خال.
فطومة بتقول ليك: يا خال عمّار أنا برضو بسلّم عليك
وبقوليك إن شاء الله نشوفك في أُم الطيور.
مشكور يا خال...
|
Post: #46
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: سيف الدولة كامل
Date: 01-31-2010, 03:30 AM
Parent: #45
يا سلالالالالالالالالالالالالام يا نديدي ,,, فطومة السمحة ربنا يحفظها ويغطيها
وان شاء نشوف سمحها يا رب,,, كلم امها تبخرها,,,
|
Post: #47
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: هاشم أحمد خلف الله
Date: 01-31-2010, 05:46 AM
Quote: فـطــوّمـة...
شِتيــلـة مفرهــدة ونـايــرة بـرآءة الدنيـا فـي عــيونـا
فـوق عِــز الأهـل قايـمـة حِـليــوة صغيــرة درفــوّنـة
نسـايـم الريـد تمـيل بيهـا عشـان هـى لِوينــة عـرجـونـة
شاربـة الـفـرحـة مـن الـنـيل لــون الـبُـرتُـكـان لـونـا
بالأدب الرفــيـع والـذوق والحِــنــيّـة مــفــطــومـة
وِديعـة فـآل بـخيـت وسـعيـد فـي رِويحــتـنا منـضـومـة
فضـايـلها تـرمى لقـــدآم بِــنـيــات الـفــريـق دونــا
بِـسـيمتا تـرضى كُـلّ الـنـاس وحـاتـكم جـد قـلـيـل لومـا
محـصنة بالضُـحى ويـاسيـن مـن الفـارغـة مـعــصـوّمـة
مـع أنفـاسـي طالـعـة ونـازلـة فـي عـينـيا مـرســوّمـة
بحِـس بالـحُـمى فـي جُـواى كـان حسـيـتا مـحــمـوّمـة
وأقالـد الفـرحـة لمـا أشــوفا فـي ضحـكاتـا مـخـتـوّمـة
أكـان وصـفــوهـا بالـقــمـرا أقــول واللهِ مـظـلـوّمـة
دِى أحـلى مـن القمـر يـا نـاس وفـى السمحات كبـيـر كومـا
وكـان فـتشـتو كٌـلّ الكـون بتـلـقــوا حـلاتـا مـعـدومـة
بـســم اللهِ مـا شـــاء الله بـســأل ربــنــا يـصــونـا
يحفـظا مـن سهـام العـين بِنـيـتـى الحِلـوّة فــطــوّمــة |
تسلم يا معاوية على الكلمات العميقة معنى ودلالة
وربنا يحفظ ليك الأمورة فطومة ويسعدك بها
خالص التحايا والاشواق
|
Post: #48
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: فضل الصادق
Date: 01-31-2010, 06:39 AM
Parent: #47
ربنا يخلى ليك فطومه
تقدل فى مشيتها متل وزينه
كاسيها توب عفاف فى خضره جميل لونه
ربنا يحفظها بما حفظ به عباده الصالحين ويجعل دربها أخضر عليكما ويجنبها الإحن والمحن
والبلايا ويقر بها أعينكما.
تستاهل القصيدة الحلوه الشفيفه من قلب يسع الدنا كلها وهو قلب الوالد .
|
Post: #49
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-31-2010, 11:54 AM
Parent: #48
Quote:
يا سلالالالالالالالالالالالالام يا نديدي ,,, فطومة السمحة ربنا يحفظها ويغطيها
وان شاء الله نشوف سمحها يا رب,,, كلم امها تبخرها |
آمين يا نديدي سيف،
فطومة بتقول ليك: شكراً يا عمو سيف. أنا بريدك
شديد، ولمان المقداد يسجل في برشلونة حانجيكم
في نيويورك.
مشكور يا سيف. إن شاء الله نجيكم في جديد
الوِليدات...
|
Post: #50
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 01-31-2010, 12:16 PM
Parent: #49
Quote: تسلم يا معاوية على الكلمات العميقة معنى ودلالة
وربنا يحفظ ليك الأمورة فطومة ويسعدك بها
خالص التحايا والاشواق |
آمين أخي هاشم،
حيآك الغمام يا صديق.
فطومة بتقول ليك: شكراً ليك
كتير يا عمو هاشم .
مشكور أخي هاشم، وربنا يحفظ
ليك الوليدات...
|
Post: #51
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: Nola
Date: 01-31-2010, 12:33 PM
Parent: #50
ود المدير سلامات
ماشاء الله تبارك الله
فطومة ربنا يحفظه ويخليها ليك
الا يا دكتورة نجاة فطومة دي حقتي انا تب
فاضلابية ومن ام الطيور وجدي نواوي
الداخله بيتنا اها قلتي شنو هههههه
|
Post: #52
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 02-01-2010, 03:06 AM
Parent: #51
Quote:
ربنا يخلى ليك فطومه
تقدل فى مشيتها متل وزينه
كاسيها توب عفاف فى خضره جميل لونه
ربنا يحفظها بما حفظ به عباده الصالحين ويجعل دربها أخضر عليكما ويجنبها الإحن والمحن
والبلايا ويقر بها أعينكما.
تستاهل القصيدة الحلوه الشفيفه من قلب يسع الدنا كلها وهو قلب الوالد . |
آمين أخي فضل،
فطومة بتقول ليك: يا عمو فضل شكراً ليك،
وشكراً علي القصيدة.
يستاهلك الخير يا فضل، وربنا يديك
الصحة والعافية...
|
Post: #53
Title: Re: فـطـوّمـة قـالـت: لآزم ننشر قصيدتها في سودانيز اونلاين...
Author: معاوية المدير
Date: 02-01-2010, 10:06 AM
Parent: #52
Quote:
ود المدير سلامات
ماشاء الله تبارك الله
فطومة ربنا يحفظه ويخليها ليك
الا يا دكتورة نجاة فطومة دي حقتي انا تب
فاضلابية ومن ام الطيور وجدي نواوي
الداخله بيتنا اها قلتي شنو هههههه |
آمين أختي منال،
فطومة بتقول ليك: شكراً ليك يا خالتو منال. إنت
خالتي وعمتي، وأنا حقتكم كلكم. وكمان تاني شكراً
ليك عشان عملت الصورة حلوة.
مشكورة يا منال، وسلمي لينا على خليفة
أحمد علي...
|
|