Post: #1
Title: غصبا عننا عملوها الرقالة!
Author: سامى عبد الوهاب مكى
Date: 01-25-2010, 08:57 PM
كل واحد بيتكلم عن ناس حا يلبدوا ويبلعوا لسانهم بعد ما المصريين أتبينوا وانا بتكلم عن حالتي النفسية الراهنة ومصر تتألق رغماً عن أنفي حتى ولو بمساعدة رجل الخط وزي ما قال واحد من الشباب اعتبروها (2-1)
وبرضوا تحسبا لحالتي الحاتكون سيئة جداً جداً لو عملوها الرقالة وضربوا أحفادالمليون شهيد على قفاهم بالفهلوة بالرزق بالغناء بالرقيص المهم تخيلوا حالتي حاتكون كيف(ديل الحكم شايف مستقبله في عيون عيسي حياتو ابتلاليش وما قدر يعمل ليهم حاجة) دا لو حكم تاني كان مش انحاز للكاميرون بس كان جرى كسر باقي وش أبو الهول وعمل بحجار الهرم مصاص!
يعني الجزائر يا تغلب وتقنع العالم بصحة وطبيعية مباراة امودورومان ولا حا يعملوها الرقالة والحاقدين الزيي حا يعملوها في روحهم!
أكيد!
ركنية:
المصريين خالطين بين الدين والكورة بصورة فزيييييعة أوي أوي..يعني ممكن المسألة دي تخلي الزول المسيكين زيي يقول الله دا ما كبير والناس ديل يشيلوا ويسجدوا ويقولوا النية والحاجات دي ما بيغلبوا البرازيل ليه؟؟؟؟
ايام حرب الخليج الاولى واحد متعصب قال لي هندي الحرب بين العراق وامريكا حرب بين الله والشيطان الهندي قال ليه يعني امريكا لو انتصرت نقدر نقول الشيطان انتصر؟؟؟
يبقى المصريين يبعدوا مسألة النية والسجود وسجود السهو من اللهو ويريحونا من الدجل العجيب دا!
لكل مقام مقال يعني الكورة ما بتتلعب في المسجد ولا الكنيسة والصلاة ما بيحكما حكم بصفارة!
المهم
غصبا عننا عملوها الرقالة!
المهم جداً
نحن حارقين جازنا فوق كم وينهم رقالتنا إن شاء الله مع ريايل الخلق والعالمين!
ولا نقول إلا ما يرضي الله وحسبنا الله ونعم الوكيل فيك يا شداد وفي كل مفسد من افراد عصابتك!
!
|
Post: #2
Title: Re: غصبا عننا عملوها الرقالة!
Author: فيصل نوبي
Date: 01-26-2010, 09:00 AM
Parent: #1
يا سامي يا سامي
سلامات و مشتاقين يا حبيبنا
عندي ناس في البيت (حلب) قاعدين يشجعو بلدهم بطريقة عجيبة ..
حمونا النوم ..
أخوكـ أمس تمني و تمني أن تكون النتيجة كاميرونية و لكن تأتي الكورة بما لا تشتهي الأنفس ..
لحدي الآن الحظ بيلعب دور كبير مع مصر
قصة السجود الأخيرة و خاصة إنهم سجدو في شكل دائرة و كأنهم ساجدين حول الكعبة دي محتاجة وقفة ..
المهم في الموضوع ده إنه نحن ح نبدل مجري النيل عبر صحراء بيوضة لليبيا و منها للجزائر
المصريين ديل خوة تِكـ معاهم .. عشان نشوف تاني أحداث أم درمان تجي ولا ما تجي !!
المغسة مسكتني مع كورة الجزائر .. ناس بيموتو في الكورة موت ..
و نحن ناس (السودان) الفريق ما دفعو ليهو .. و الفريق ما سافر و المدرب وين
و ماذدا بن البطيخ البار 
_
منذ الأمس أعلنت أنني أشجع الأخضر ولا عزاء لكل أهل الدار
|
Post: #3
Title: Re: غصبا عننا عملوها الرقالة!
Author: سامى عبد الوهاب مكى
Date: 01-26-2010, 09:25 AM
Parent: #2
ما براك أنا ذاتي اشوف لي بيت تاني يلمني!
ون تو ثري فيفا القيري!
|
|