Post: #5 Title: Re: يا خطاب حسن احمد , أرمي ليا مطار Author: خدر Date: 01-25-2010, 08:56 PM Parent: #4
لنك الحفظ من حقكـ يا صاحب إلا أن نصحي لكـ ان تنتظر تنفيذ الاغنية ده اللحن الاول (العضم), تحية لـ خطاب خليهو يخمر شوية و حا يكون اجمل
و عليكـ الله قول تاني و تالت و مليون ربنا يرجعني انا ذاتي ليكم
Post: #3 Title: Re: يا خطاب حسن احمد , أرمي ليا مطار Author: فتحي الصديق Date: 01-25-2010, 08:35 PM Parent: #1
دا غنا جديد يا طارق تسلم ويسلم خطاب ..
Post: #6 Title: Re: يا خطاب حسن احمد , أرمي ليا مطار Author: خدر Date: 01-25-2010, 08:58 PM Parent: #3
شكرا يا فتحي و أتمني انو فعلا يحصل علي إهتمام و إستماع الله يجبر بخاطركـ يا صديق .. شكرا
Post: #7 Title: Re: يا خطاب حسن احمد , أرمي ليا مطار Author: Emad Abdulla Date: 01-25-2010, 09:11 PM Parent: #6
لا حولا يا رب .. الله يسعدكم إتنينكم .. و يرضى عليكم بركة دعا الوالدين . ثم و لهذه البلاد يسعد .. داير ما يدور .. من وحشها للسنبلة .
...... أما إنت يا اب رويس .. فلانقول إلا ما قالته السوادنة في معرض الدعاء بالهداية للعباد الضالين في سماحتهم : ( حليل أبوي .. هدوها من سواة النبيد .. قامت تشِد العرقي ) .. فهيت لك .
Post: #8 Title: Re: يا خطاب حسن احمد , أرمي ليا مطار Author: خدر Date: 01-25-2010, 09:35 PM Parent: #7
ود التوم تصدق و تآمن بالله القصيدة دي مقومه نفسي من ما خطاب كتبها زمنها ده كلو حايمه جواي لمن عملت لي فلايت لحنها ما مرقو إلا الصورة الفوق دي شفت خطاب رجع ( بابو) في حضن امو كيف !! يا سلام يا سلام ادعي لي تاني يا كافر .. ارجع لي حضن امي (بابو) زي ما خطاب رجع ياخ
_____ (بابو) = Baby
Post: #9 Title: Re: يا خطاب حسن احمد , أرمي ليا مطار Author: خدر Date: 01-25-2010, 09:39 PM Parent: #3
الاصدقاء .. في إستقبال خطاب بمطار الخرطوم
___ فوتغرافيا عصام ابوالقاسم
Post: #10 Title: Re: يا خطاب حسن احمد , أرمي ليا مطار Author: salah ismail Date: 01-25-2010, 11:33 PM Parent: #9
الموقف بطلع الف لحن ياطارق... بس انت حاضر يا ملك وما حتكون الا لما تغني
التحية للجميع
Post: #11 Title: Re: يا خطاب حسن احمد , أرمي ليا مطار Author: Osman Musa Date: 01-26-2010, 01:41 AM Parent: #10
يا خدر . أخيرا صاحبك جاو المطار . بعد 13 سنة . جاو جاو . بعد أن ضرب فى الفيافى والقفار والجليد . وصل الى الواحة الواحة الظليلة والجداول النميرة . اوعدنا يارب .
Post: #12 Title: Re: يا خطاب حسن احمد , أرمي ليا مطار Author: Yassir Tayfour Date: 01-26-2010, 05:11 AM Parent: #11
شكراً طارق وخطاب..
صبحاً اقولك إيش وانا كنت ليش ما فيش قوليلى يا بنيه _____ إنها رحلة الشقاء والحيف، التي أخرِج الناس فيها بغير حقٍ..
Post: #13 Title: Re: يا خطاب حسن احمد , أرمي ليا مطار Author: ندى عثمان حسن Date: 01-26-2010, 05:23 AM Parent: #12
Quote: مقعد علي الشُباك والدنيا قمريه طائر ونص الليل فوق السحاب لا عش لا شجره فى النجمه
مازلنا نحسب الأيام, كى نحزم الحقائب ونغادر بلاد الآخرين تمتلىء قلوبنا بحب الحياة ونحن فى صالات المغادرة فى مطاراتهم, فى رحلة العودة إلى ذلك المكان ألازم جهة النوافذ فى الطائرة أرقب الفضاء واللاشىء أحسب المسافة بقطع السحاب والمحطات التى تظهر على الشاشة المثبتة أمامى يلازمنى فرح طفولى عندما يظهر البحر الأحمر وعروسه أثبت أنفى وعينى على النافذة وأعد المحطات وأنا بين طيات السحاب هاهى الخرطوم ومطارها, الشوارع والوجوه الخضرا والإبتسامة المرسومة (خِلقة) وبتتوزع على الكل
سلمتوا خدر وخطاب , والله يسامحكم بكيتونا من صباح الرحمن
Post: #14 Title: Re: يا خطاب حسن احمد , أرمي ليا مطار Author: garjah Date: 01-26-2010, 06:30 AM Parent: #13
Quote: مازلنا نحسب الأيام, كى نحزم الحقائب ونغادر بلاد الآخرين تمتلىء قلوبنا بحب الحياة ونحن فى صالات المغادرة فى مطاراتهم, فى رحلة العودة إلى ذلك المكان ألازم جهة النوافذ فى الطائرة أرقب الفضاء واللاشىء أحسب المسافة بقطع السحاب والمحطات التى تظهر على الشاشة المثبتة أمامى يلازمنى فرح طفولى عندما يظهر البحر الأحمر وعروسه أثبت أنفى وعينى على النافذة
تسلمي
يا ريت يكون قريب
سالمين
راضين
راضين
طيبين
طيبين
Post: #15 Title: Re: يا خطاب حسن احمد , أرمي ليا مطار Author: يحي ابن عوف Date: 01-26-2010, 06:55 AM Parent: #14
مليون تحية طـارق ابوعبيدة ومليون تحية خـطاب حسن احمد تسلم كثير على الاغنية الجميلة اختيار اكثر من رائع نتمنى لك مزيدا من التقدم والنجاح بمساعدة شعراء لهم وزنهم في القصيدة التي دائما ما تحمل مضمون طابع البلد بقضاياه .
Post: #23 Title: Re: يا خطاب حسن احمد , أرمي ليا مطار Author: خدر Date: 01-26-2010, 10:51 AM Parent: #15
و مليون شكرا أصالة عن نفسي و نيابة عن الشعراء الاصدقاء يا مثقف يا عارف يا ابنعوف شكرا كتير علي الكلمات الجميلات أخجلتنا جميعاَ يا صاحب
Post: #20 Title: Re: يا خطاب حسن احمد , أرمي ليا مطار Author: خدر Date: 01-26-2010, 10:43 AM Parent: #13
Quote: عندما يظهر البحر الأحمر وعروسه أثبت أنفى وعينى على النافذة وأعد المحطات وأنا بين طيات السحاب هاهى الخرطوم ومطارها, الشوارع والوجوه الخضرا والإبتسامة المرسومة (خِلقة) وبتتوزع على الكل
انت يا ندي البكيتينا شفتي بنرجع اطفال كيف بعد ما نعبر البحر الاحمر إياباَ ربنا يردك لي اهلك و ناسك يا ندي .. و تفرحي
Post: #22 Title: Re: يا خطاب حسن احمد , أرمي ليا مطار Author: خدر Date: 01-26-2010, 10:46 AM Parent: #13
آمين يا قرجة ترجعوا سالمين و غانمين زي ما رجع خطاب سالم غانم
Post: #18 Title: Re: يا خطاب حسن احمد , أرمي ليا مطار Author: خدر Date: 01-26-2010, 10:27 AM Parent: #12
صبحا مع شاي الصباح يا ياسر و الدنيا برد خفيف و رطوبة و سودان تبدأ الاسئلة الشغوفة لاخبار الغياب و تأتي الاجابات خجولة و كسوله و نادمه صُبحاَ أقولكـ أيش و انا كنت ليش مافيش قولي لي يا بنية شفت هجرتنا دي صعبة كيف يا ياسر !؟
هجرتنا التي إجبرنا عليها بغير وجه حق لنا الله يا صاحب
Post: #17 Title: Re: يا خطاب حسن احمد , أرمي ليا مطار Author: خدر Date: 01-26-2010, 10:19 AM Parent: #11
شايفك فرحان ليهو زي ما انا طاير من الفرح صاحبنا يستاهل يا عثمان موسي خطاب من انقي و انبل من التقيت لا بقطع فيك من وراك ولا بنبذ ليهو زول و دايما عندو عذر لكل من يغلط
ما تفرط فيهو يا صاحب واصلوا و ما تقطعوا .. انت عارف قلبو طوالي مفتوح للحبايب
Post: #16 Title: Re: يا خطاب حسن احمد , أرمي ليا مطار Author: خدر Date: 01-26-2010, 10:15 AM Parent: #10
شّواف والله يا صلاح الموقف فعلا بمرق غنا شكرا كتير و إنشاء الله الـ CD وصلك تقطعوا بي سمع العافية يا صاحب
Post: #19 Title: Re: يا خطاب حسن احمد , أرمي ليا مطار Author: الجندرية Date: 01-26-2010, 10:32 AM Parent: #16
وظهراً نقولك ايش ؟ فضلتو فيها كلام انتو ؟
على العموم منتظرين التخميرة زي ما وصيت خضر
لكنها والله في اماااااانة الله مافيها حتة لبة وتشرب شاي العصر للحبان البيجو يتحمدلو سلامة خطاب زي العجب
ــــ جد لي عمرك يا خطاب
Post: #21 Title: Re: يا خطاب حسن احمد , أرمي ليا مطار Author: حافظ كنجال Date: 01-26-2010, 10:45 AM Parent: #19
ارمى لي مطار ياخدر زي ياعمك عندك مطار رجعت خطاب دي من دهشة فرحة الجميع خلت الشايب يقول لي راجيك في مركز شباب بحرى دقايق وبكون معاااك لمتني بعد غياب بمحمد مدني اول ما سمعت صوت خطاب قال لي شوف لي ودمدني وين ياكنجال خليهو يدني الوووو
Post: #25 Title: Re: يا خطاب حسن احمد , أرمي ليا مطار Author: ياسر عبدالعزيز الطيب Date: 01-26-2010, 10:56 AM Parent: #21
أغرب شي ياطارق إني (لقيتني) معاكم في إحساس الغربه ده!!!!
و ده آخر شي كنت أتوقعه،
ولو زمان في زول قال لي كده ماكنت بصدقه نهائي.
إن شاء الله تكون وصلت سلامي لحسن.
وياخ مابلقى لي عندكم مطار إن شاء الله للإيجار أو شده وبرجعوا ليكم تاني.
شكيت محنك على الله عامل راسك الماكِن ده
Post: #28 Title: Re: يا خطاب حسن احمد , أرمي ليا مطار Author: خدر Date: 01-26-2010, 11:04 AM Parent: #25
بركة .. عجبني ليكـ يا يويو شفت الزنقة دي كيف !! و ابشرك .. كل ما تطول هجرتك كل ما توجعك اكتر
ككو الجرثومة اصابتو و رجع برضو موجود في الخرطوم من بداية يناير عقبالنا يا غريب عن ديارك
Post: #26 Title: Re: يا خطاب حسن احمد , أرمي ليا مطار Author: خدر Date: 01-26-2010, 10:58 AM Parent: #21
يا حليلك يا كنجال شفت الغربة دي بقت قلبنا رهيف كيفن بقينا نبكي بدون سبب حتي السودان ده زرع فينا شنو يا كنجال !!
الوصية في الذمة يا حافظ خطاب و مدني .. اول ما يتلاقو لازم اكون حاضر معاكم في التلفون مسكلوا لي هنا و انا برجع ليكم 0031618317525
راجيكم و التحيات الطيبات لاخونا الشايب
Post: #24 Title: Re: يا خطاب حسن احمد , أرمي ليا مطار Author: خدر Date: 01-26-2010, 10:54 AM Parent: #19
و جيد لي عميرك يا اماني و ربنا يديك طول العمر و العافية ياخي أمانة اسحبي البوست داك قلبي اباهو تب و ليك علي التسجيل الاخيرة كالعادة في مطمورتك قطع شك
Post: #27 Title: Re: يا خطاب حسن احمد , أرمي ليا مطار Author: الجندرية Date: 01-26-2010, 11:01 AM Parent: #24
غالي والطلب رخيص يا ابو لقاء لكن خصمتك بالحبيب كان ما ادينتي خاترك اؤؤؤؤؤول اللفي قلبي على قول العروس بعدين اودي وشي وين من الناس الاداخلت دي ياخ خلينا نتم النضمي طالبك بالنبي
Post: #29 Title: Re: يا خطاب حسن احمد , أرمي ليا مطار Author: خدر Date: 01-26-2010, 11:06 AM Parent: #27
موافقة علي مضض يا اماني عشان خاظر ضيوفكـ
Post: #31 Title: Re: يا خطاب حسن احمد , أرمي ليا مطار Author: الجندرية Date: 01-26-2010, 11:22 AM Parent: #29
معليييييييش امسحها في وش قلقة الاسئلة استحملونا ياخ
Post: #32 Title: Re: يا خطاب حسن احمد , أرمي ليا مطار Author: Magdi Ahmed Elsheikh Date: 01-26-2010, 11:24 AM Parent: #29
Post: #33 Title: Re: يا خطاب حسن احمد , أرمي ليا مطار Author: هواري نمر Date: 01-26-2010, 11:25 AM Parent: #29
أرمي ...لي يا مطار بدأت برحلته لنا هنــــــــــــــاك في بلاد الكاوبوي\هيوستن\تكساس والفكرة أن تبدأ بعدة مطارات.. وكان العشم أن يكون مطار الخرطوم .. اخرها وفعلا... يا للسعادة يااستاذي وصديقي خطاب و أنت بين أحضان الوالدة هناك في الوطن...
___ من الامام...الاستاذ خطاب\هواري\الاستاذة سلمي د\عبدالمنعم\الاستاذعادل عبدالرحمن خليج المكسيك..يناير 2009 يا خضر باقي الصور ..بديك ليهم في الاميل..علي الاقل نكفر بيهم عن عدم شوفتك وملاقاتك(بالجد خجلان جدا منك)
Post: #41 Title: Re: يا خطاب حسن احمد , أرمي ليا مطار Author: خدر Date: 01-26-2010, 12:25 PM Parent: #33
بالعكس يا هواري مافي خجل انت شاهد علي خطاب في امريكا املأ البوست صور ياخي و ما بيناتنا خجل يا جميل البوست إحتفال بي رجوع خطاب ياريت لو بنقدر نضيح اسفيريا
Post: #34 Title: Re: يا خطاب حسن احمد , أرمي ليا مطار Author: Magdi Ahmed Elsheikh Date: 01-26-2010, 11:27 AM Parent: #29
Post: #39 Title: Re: يا خطاب حسن احمد , أرمي ليا مطار Author: خدر Date: 01-26-2010, 12:05 PM Parent: #34
Post: #37 Title: Re: يا خطاب حسن احمد , أرمي ليا مطار Author: Magdi Ahmed Elsheikh Date: 01-26-2010, 11:37 AM Parent: #29
Post: #30 Title: Re: يا خطاب حسن احمد , أرمي ليا مطار Author: Hussein Mallasi Date: 01-26-2010, 11:16 AM Parent: #16
Quote: أرمى ليا مطار فى الفضا المفرود بين بلود وبلود أرميهو يا أ خيه
أخية بتاعة الكيزان ديك و للا أخية تانية
شغل نضيف يا خدر .. كدي جرب أعمل ليك وقفات: أرمى ليا مطار .. وقفة .. فى الفضا المفرود .. وقفة .. بين بلود وبلود ..
____ الخرطوم نورت يا خطاب.
Post: #35 Title: Re: يا خطاب حسن احمد , أرمي ليا مطار Author: Hussein Mallasi Date: 01-26-2010, 11:29 AM Parent: #30
يا الجندرية الظاهر عليك ما سمعتي بورش التلحين؛ خليهو يعدلا و شوفي الفرق
_____ السياسة عرفت ليها بقت على التلحين
Post: #36 Title: Re: يا خطاب حسن احمد , أرمي ليا مطار Author: الجندرية Date: 01-26-2010, 11:35 AM Parent: #35
سمعت بيها والله لكن كنت قايلاها حكر على المختصين وكدا بس ما دام هبشت التصوير وقدرت على السياسية بتتجاسر على التلحين لوووووووووول
قت ليك الغريبة قبل شوية جبت سيرتك في بوست وهبة " شوف العين" بالجد الهمتني فكرة بوست " شوف العين الكتل غزال الاسفير" لكن خليناهو لاجل غير مسمى لووووووووووول علي سيرة شوف العين الكتل غزال الاسافير دي انت رحلت من جنب اهلنا ؟
Post: #38 Title: Re: يا خطاب حسن احمد , أرمي ليا مطار Author: عبدالوهاب علي الحاج Date: 01-26-2010, 11:46 AM Parent: #35
تسلم ياطارق ياخ وربنا يملاك عافية
______
Quote: شغل نضيف يا خدر .. كدي جرب أعمل ليك وقفات: أرمى ليا مطار .. وقفة .. فى الفضا المفرود .. وقفة .. بين بلود وبلود ..
بمناسبة وقفات حسين دي انا عندي Traffic Light للبيع.. بشتغل برضو للاغراض الفنية
Post: #40 Title: Re: يا خطاب حسن احمد , أرمي ليا مطار Author: خدر Date: 01-26-2010, 12:18 PM Parent: #30
حسين جربتها اسه و لفقت فكرة جيدة و غالبا في القفلة حا تكون اقوي
____ شنو الضيق ده . خليت ليك حسن موسي جاي مداقرني في الغنا
Post: #42 Title: Re: يا خطاب حسن احمد , أرمي ليا مطار Author: خدر Date: 01-26-2010, 12:46 PM Parent: #40
Quote: بمناسبة وقفات حسين دي انا عندي Traffic Light للبيع.. بشتغل برضو للاغراض الفنية
شكرا يا وهبة والله جميل انو اللحن عجبك
Post: #43 Title: Re: يا خطاب حسن احمد , أرمي ليا مطار Author: GamarBoBa Date: 01-26-2010, 12:56 PM Parent: #42
تسلم يا خدر حمد الله بالسلامة من امريكا ومزيد من الابداع والنجاح واصل يا حبوب مسيرتك الجميلة
Post: #45 Title: Re: يا خطاب حسن احمد , أرمي ليا مطار Author: سلمى الشيخ سلامة Date: 01-26-2010, 01:32 PM Parent: #43
بكيت ياخدر لانى ما لاقيت امى المرة دى حسدت خطاب صاحبى على حضن امه ورميت المطار يا خدر لا هو رمانى لا ياخ اترميت فى حضن الناس والنيل والقمر والفرح يا خدر ياخ مالك علينا غنى وخلى الفرح اليمسح دمعاتنا يفوت خلى الوطن الباقى جوانا يبقى صاحى
خطاب دا صحبى من تلاتين سنة عشان كدا خليهو بث كلامى معاهو تانى براهو
Post: #47 Title: Re: يا خطاب حسن احمد , أرمي ليا مطار Author: خدر Date: 01-26-2010, 04:37 PM Parent: #45
Quote: غنى وخلى الفرح اليمسح دمعاتنا يفوت خلى الوطن الباقى جوانا يبقى صاحى
غنى وخلى الفرح اليمسح دمعاتنا يفوت خلى الوطن الباقى جوانا يبقى صاحى
غنى وخلى الفرح اليمسح دمعاتنا يفوت خلى الوطن الباقى جوانا يبقى صاحى
لاحولا ده كلام كبير يا سلوم
ربنا يرفع كُربتنا يا سلوم و نرجع نقدر نفرح تاني
Post: #46 Title: Re: يا خطاب حسن احمد , أرمي ليا مطار Author: خدر Date: 01-26-2010, 04:33 PM Parent: #43
شكرا يا قمرنا يا فنان و تسلم علي التمنيات الجميلات وينك مسجل غياب تابع معاي البوست التاني عن رحلة امريكا
Post: #44 Title: Re: يا خطاب حسن احمد , أرمي ليا مطار Author: محمد مدني Date: 01-26-2010, 01:11 PM Parent: #40
- يا ولد..خطَّاب..أُمَّك وين؟ - بِتَرْمي في اللقيمات.
- أستاذ خطَّاب..(.......تَكْ) وين؟ - بِتَرْمي لَي في مطار!!
طارق مُشْ قُتَّا ليك الشوق بِتْبَل والشوق مرتوق؟
والعاقبةُ عندنا في المطارات يا منيف وهدى ويسار وندوة
أرْجاني يا خطَّاب ما تقنجر تاني.
Post: #48 Title: Re: يا خطاب حسن احمد , أرمي ليا مطار Author: خدر Date: 01-26-2010, 04:42 PM Parent: #44
صدقت نبؤتك يا صاحب
كلها شوق و شقوق لو انت تروق , الشوق بتبل و الشق مرتوق
ربنا يلمك في حبايبنا هدي و ندوة و منيف و يسار و يلمني في احضان الاهل و احضان الاصدقاء
لاقي خطاب و اتونسوا و ما تنسونا من صالح التلفونات و اكتبوا لينا الشعر , نحن عطاشا يا فنانيين
Post: #49 Title: Re: يا خطاب حسن احمد , أرمي ليا مطار Author: Magdi Ahmed Elsheikh Date: 01-26-2010, 04:44 PM Parent: #48
Post: #50 Title: Re: يا خطاب حسن احمد , أرمي ليا مطار Author: معتصم ود الجمام Date: 01-26-2010, 05:47 PM Parent: #49
يا طارق والله ده وجع قلب بس عافنوا ليك ... وقدر ما تقدر وجعو القلب الشقيان ده
Post: #51 Title: Re: يا خطاب حسن احمد , أرمي ليا مطار Author: خدر Date: 01-26-2010, 07:14 PM Parent: #50
مجدي ود الشيخ لو عاوز صور مختلفه لي خطاب , موجوده بس انت اطلب يا صاحب و شكرا كتير تاني
معتصمنا كيفنك الله يديك العافية يا حبيبنا و سلامة قلبك طمنا عليك و علي الاسره يا صاحب
Post: #52 Title: Re: يا خطاب حسن احمد , أرمي ليا مطار Author: ثروت همت Date: 01-26-2010, 07:29 PM Parent: #51
أغنية حنينة بشكل! كلمات + لحن + أداء. شكراً طارق أبو عبيدة.
Post: #53 Title: Re: يا خطاب حسن احمد , أرمي ليا مطار Author: خدر Date: 01-26-2010, 09:51 PM Parent: #52
ثروت ياريتك لو بتعرفي خطاب .. خطاب احّن زول و اجمل زول
شكرا كتير يا جميلة علي الإطراء و الكلمات الجميلات وربنا يردم لي ناسك و اهلك لو بعيدة
Post: #54 Title: Re: يا خطاب حسن احمد , أرمي ليا مطار Author: Tagelsir Elmelik Date: 01-26-2010, 10:02 PM Parent: #53
زى ما قلت ليك يا طارق امبارح The hand fits the glove
great job indeed خلي في سهولتو وعفويتو دي كترة الجغمسة بتودرو أعظم الأعمال الفنية السهلة و التي تأتي عفو الخاطر ( حبينا فيك العفة و الدم الشربات) مثالا
تحياتي الملك
Post: #55 Title: Re: يا خطاب حسن احمد , أرمي ليا مطار Author: محمد سنى دفع الله Date: 01-27-2010, 06:03 AM Parent: #54
ارمي ليكم ذكرى .. زمن الصحاب الفنان موسى الأمير الشاعروالمسرحي الشاعر والمسرحي خطاب حسن احمد داسي عينيهو بالنضارة محمد السني ودكتور عزالدين هلالي الشاعر والمسرحي والفنان الشامل عميري الراحل المقيم ابدا اصحاب
Post: #56 Title: Re: يا خطاب حسن احمد , أرمي ليا مطار Author: Ash Date: 01-27-2010, 06:28 AM Parent: #55
سلام...
ملاسي; "يسمك" بالهاري!!!
من "حسن موسي" ... لـ "خطاب"!
و نحن بس هاك يا "خدرررررررر"!
مع الإعتزار للـ "حقيقة"!
Post: #57 Title: Re: يا خطاب حسن احمد , أرمي ليا مطار Author: عبدالرحمن الخليفة Date: 01-27-2010, 09:27 AM Parent: #56
خدر سلام مكعب ..
اولا فى الابداع اعلاه حضور ..دهشه فى لقاءات القمم ..كلمه ..لحن ..اداء..
ولسلمى الشيخ التحيه ..ونحن حاسدنكم كلكم..
وياخدر كنا نمنى انفسنا بلقياك ..ولكن سبق السيف الاياب ..
Post: #58 Title: Re: يا خطاب حسن احمد , أرمي ليا مطار Author: ismeil abbas Date: 01-27-2010, 11:58 AM Parent: #57
تسلم خدر..
وألف حمدآ لله على سلامة خطاب...
كثير من المطارات شفتها....
لاريحة لا إحساس بطعم الوطن..
معظم المدن عرفتها...زى مدينتى ما فهمتها...
راقية وجميلة فى فنها...
أم درمان ياعزنا...
لكم التحية جميعآ...
Post: #59 Title: Re: يا خطاب حسن احمد , أرمي ليا مطار Author: إدريس محمد إبراهيم Date: 01-27-2010, 01:33 PM Parent: #58
Quote: ارجع لي حضن امي (بابو) زي ما خطاب رجع ياخ
[
B]إن شاء الله بترجع يا خدر يافنان وتتكرف أمك وتبكي .. وكل الناس البحبوك ... بس أنت قول يا رب ..
صراحة الأغنية بديعة كلمات ولحن .. ولم أملك حين سماعها إلا البكاء .. (فكلنا في الهمّ شرق) ..
وبالمناسبة كلمة (مطار) دي من المفردات الصعبه في الصياغه لكن العبقريه تذيب الحديد.. فجعلتم منها أنت وصاحبك خطاب حاجه ما تخلص ...
تحياتي وحبي وتقديري ؛؛؛
Post: #60 Title: Re: يا خطاب حسن احمد , أرمي ليا مطار Author: Tumadir Date: 01-27-2010, 01:48 PM Parent: #59
دخلت البوست ده من امس لى الليلة اكتر من خمسطاشر مرة
بس عندى حاجتين
اشوف صورة خطاب حاضناه امه
واسمع " وانا كنت ليه ماقيش" اقشقش دموعى وأمشى وعندى نظرية "فلسفية جديدة" عن سبب الدموع ..........
اسمها : المنعطفات الضيقة
جميل يا خدر جميل
Post: #61 Title: Re: يا خطاب حسن احمد , أرمي ليا مطار Author: باسط المكي Date: 01-27-2010, 02:36 PM Parent: #60
خدر الله يديك العافية متعة السمع والف حمدلله علي السلامة لخطاب الرجل السامق معني وكلمة --------------------- خدر عندي طلب ياخي اي عمل ليك بالعود ماشفتو بجهجهني كيف ياريت يوصلنا باي طريق كن بخير
Post: #62 Title: Re: يا خطاب حسن احمد , أرمي ليا مطار Author: Tagelsir Elmelik Date: 01-27-2010, 04:21 PM Parent: #61
Post: #63 Title: Re: يا خطاب حسن احمد , أرمي ليا مطار Author: علاء الدين يوسف علي محمد Date: 01-27-2010, 08:11 PM Parent: #62
خدر القارِش مِلحتي حاول أبلعني هِنا و أنا بقول ليك بإخلاص شديد لحن أكثر من رائع أداء مُبالغة سمعتها أكتر مِن مرة و نزّلتها حتكون في الـ MP3 للسماع الدائم "بعد إذنك طبعاً"
Post: #75 Title: Re: يا خطاب حسن احمد , أرمي ليا مطار Author: خدر Date: 01-28-2010, 09:01 AM Parent: #61
باسط يا فنان شكرا كتير يا ذوق عندك عمك قوقول و عندك تاج السر الملك اختار البعجبك بتلقي فيهو غنا تحت تحت انصحك بي تاج السر الملك احرف من قوقول زاتو
عشان ارسل ليك انا من هنا موضوع طويل تاج السر عندو نسخ جاهزة من اخر cd
Post: #74 Title: Re: يا خطاب حسن احمد , أرمي ليا مطار Author: خدر Date: 01-28-2010, 08:57 AM Parent: #60
ست الناس ما عصرتي علينا شديد لكن ؟ بكاك يا ستنا ببكينا معاك مبروك لي خطاب العوده و الشوفة و المقالدة و الكرفة يا تمادر
_______ إتصلنا امس و ما لقيناك و ختينا رسالة كبييييييييرة (يا قول لقاء)
Post: #68 Title: Re: يا خطاب حسن احمد , أرمي ليا مطار Author: خدر Date: 01-27-2010, 08:52 PM Parent: #59
اسمعيل عباس ربنا يردك لامدرمان و يردنا جميعا لاحضان أمهاتنا و حبيباتنا و أخياتنا شكرا ليك و لي خطاب الخلاك تشرفنا
إدريس ابرهيم خطاب يا سيدي كتب قبل كده القاك ناقشة , و لي بذرة الزمن الجميل بالتالي فاقشة خليك من ناقشة و فاقشة ديل سمعت في ذمتك قريب شِعر عامي بتقال فيهو بالتالي ؟ الفنان ده يا قول عثمان موسي (ختري عديييل)
Post: #67 Title: Re: يا خطاب حسن احمد , أرمي ليا مطار Author: خدر Date: 01-27-2010, 08:46 PM Parent: #58
عبدالرحمن خليفة يا زول مالك داير تجيب لي الكلام انا لمن حبيت في الوسط الفني ده سلمي و خطاب ديل اسماء كبيرة تسد عين الشمس مالك (دافس حماري مع حمير الكَتبة) ما تسويني في مشاكل ياخي و هموما كتير خيرك يا حبيب و شكرا علي المهاتفة و الكلمات الجميلات يا فنان
Post: #66 Title: Re: يا خطاب حسن احمد , أرمي ليا مطار Author: خدر Date: 01-27-2010, 08:37 PM Parent: #56
يا شوش والله يا حليلك و الله يزازي بالجليد الحرمنا من حلو الانفرادات و الونسات بعيدا عن التجمعات والله في بالي .. إتوقع مني إتصال قريب جدا و ليك ياخي كل الاماني بكل شي حلو يا حلو
Post: #65 Title: Re: يا خطاب حسن احمد , أرمي ليا مطار Author: خدر Date: 01-27-2010, 08:34 PM Parent: #55
هدية من كيبوردك مقبولة و مُفرحة جدا يا سني يا سلام علي ايامكم ,, شوف في كم مبدع في الصورة دي انتو المبدعين ديل ما بقسموهم علي الاجيال ليه ؟؟ تلفي ليك كم جيل كده تعبانيين و فترانيين و جيل تاني مليان و صبي و مدفق لي غيرو حكمتو بالغة
شكرا يا محمد علي الصورة و مشاركة الزكريات
Post: #64 Title: Re: يا خطاب حسن احمد , أرمي ليا مطار Author: خدر Date: 01-27-2010, 08:25 PM Parent: #54
ابوالسرة يا حلو خبر جميل انو سمعك التاني مطابق للاول انت عارف فكرتي المختلفه في الغنا .. ما تقلق مافي جغمسة .. في تعديلات بسيطة بتكون بعد السماع الاول الغنا لازم يرجع لي ايامو الاولي يا صاحب الفيدباك الاول قبل تقديم الشغل النهائي للاوديونس مهم جدا
سعيد بي جديتك في ارمي لي مطار و سعيد بي فيديو خطاب و دليب الشمس يا مخرم ملاية الليل
Post: #69 Title: Re: يا خطاب حسن احمد , أرمي ليا مطار Author: Tagelsir Elmelik Date: 01-27-2010, 11:33 PM Parent: #64
Post: #76 Title: Re: يا خطاب حسن احمد , أرمي ليا مطار Author: خدر Date: 01-28-2010, 09:25 AM Parent: #69
Quote: خدر القارِش مِلحتي حاول أبلعني هِنا و أنا بقول ليك بإخلاص شديد لحن أكثر من رائع أداء مُبالغة سمعتها أكتر مِن مرة و نزّلتها حتكون في الـ MP3 للسماع الدائم "بعد إذنك طبعاً"
إذنكـ معاك يا علاء الدين إتفضل طوالي يا سيدي .. انت ضيف عندي الليلة و الفنان ما بكاتل ضيفو .. إتفضل الاغنية و معاها شكر كتير و تقدير مافي فنان بقدر يمنع إنتاجو منك او من الاخرين قدر الاغنيات الانتشار إن كانت ذات قيمة من البعيد قبل القريب و رغما عن أنف اصحابها .. فكن بخير و إتفضل تاني .. البيت بيتك
Post: #101 Title: Re: يا خطاب حسن احمد , أرمي ليا مطار Author: Souad Taj-Elsir Date: 02-01-2010, 02:18 PM Parent: #76
حُذِف للتكرار غير المقصود.
Post: #70 Title: Re: يا خطاب حسن احمد , أرمي ليا مطار Author: fohamer Date: 01-27-2010, 11:39 PM Parent: #64
سلامات ياخدر .. ويا سلامات عليك يا طارق ابوعبيدة،
وانا كمان يا تماضر،،
Quote: بس عندى حاجتين اشوف صورة خطاب حاضناه امه واسمع " وانا كنت ليه ماقيش" اقشقش دموعى وأمشى وعندى نظرية "فلسفية جديدة" عن سبب الدموع ..........
وحاجة تانية برضو انو مريودي بشوف الصورة ويقول "ديدووو"!
شكرا خدر و تماضر وكل الحلوين ومشتاقين ليك يا بابا وفرحانين ليك بالوطن الحنين،
سالي،
Post: #71 Title: Re: يا خطاب حسن احمد , أرمي ليا مطار Author: عاصم الطيب قرشى Date: 01-28-2010, 01:06 AM Parent: #70
سلام يا طارق وعولك
زمن..............
مبروك عليك التواصل
ومبروك ركوبك موجة الحنين
ما أصلها هى دستورنا وخيط زارنا
وشفرة كل الغنا.
حمدالله بسلامة خطاب وعمر منصور
وحسن مبارك ومنعم شوف, عقبال
يعود السودان كما أحببناه أو
يحببنا فيه كما هو.
Quote: أغنية حنينة بشكل! كلمات + لحن + أداء. شكراً طارق أبو عبيدة.
Post: #72 Title: Re: يا خطاب حسن احمد , أرمي ليا مطار Author: خالد العبيد Date: 01-28-2010, 01:56 AM Parent: #71
صورة تبكي الواحد لمن يتنهنه
Post: #73 Title: Re: يا خطاب حسن احمد , أرمي ليا مطار Author: سيف الدولة كامل Date: 01-28-2010, 03:19 AM Parent: #72
الجميل ,,خدر ,,سلامات وربنا يفتحه عليك شقيش ما تقبل يا مبدع.
الكلمات رائعة واللحن جميل والاداء قمة ,,نسمعها منك في أول زيارة.
والله في خاطري أتصل فيك لكن شوية الايام دي متوك لكن والله في القلب.
Post: #80 Title: Re: يا خطاب حسن احمد , أرمي ليا مطار Author: خدر Date: 01-28-2010, 11:33 AM Parent: #73
انشاء الله ترجع لي اهلك و صحابك يا ود العبيد صورة معبرة فعلا
شكرا كتير يا سيف يا فنان و مبروك للبنية تاني و نتلاقي قريب بإذن الله
Post: #78 Title: Re: يا خطاب حسن احمد , أرمي ليا مطار Author: خدر Date: 01-28-2010, 10:53 AM Parent: #71
عاصم يا فنان يا مجذوب شكرا كتير و جميل انو اللحن عجبك زي ما إتفقنا اهو انت شايف الالحان ما بتقيف و الغنا مواصل مبرةك رجوع الاصدقاء (رجوع عمر منصور عرفتو منك اسه والله) حمدلله علي سلامتهم و عقبالنا كلنا يا صاحب
اهديك اصدقاءك في بروفة في منزل عمر بانقا العامر خطاب كان موجود و التصوير لتاج السر الملك
Post: #77 Title: Re: يا خطاب حسن احمد , أرمي ليا مطار Author: خدر Date: 01-28-2010, 10:13 AM Parent: #70
سالي خطاب اهديك جدو و مريودك و ونسة دُقاقة .. ..
Post: #79 Title: Re: يا خطاب حسن احمد , أرمي ليا مطار Author: سارة كرودى Date: 01-28-2010, 11:10 AM Parent: #77
خـــدر ... مالك مبكينا وكمان فى المكتب .. ياخى قدر ماحولته
امسك دموعى غلبنى ..
شوف امو قالداهو كيف صحى قلب الوالد ..
ربنا يرجعك لى اهلك قريب بأذن الله ..
ودى الاكـــيــد ...
Post: #81 Title: Re: يا خطاب حسن احمد , أرمي ليا مطار Author: خدر Date: 01-28-2010, 11:52 AM Parent: #79
سارة ربنا يرد كل الغايبين لي احضان اهلهم شكرا كتير يا سارة
Post: #82 Title: Re: يا خطاب حسن احمد , أرمي ليا مطار Author: مزمل خيرى Date: 01-28-2010, 12:09 PM Parent: #81
خدر صوت جميل وطروب جداً واللحن مباااالغة والله .. ربنا يوفقك كمان وكمان..
Post: #83 Title: Re: يا خطاب حسن احمد , أرمي ليا مطار Author: خدر Date: 01-29-2010, 11:56 AM Parent: #82
شكرا مزمل يا فنان و شكرا لله الصانع يا حبيب شكرا كتير علي المرور و الكلمات الجميلة
Post: #84 Title: Re: يا خطاب حسن احمد , أرمي ليا مطار Author: اسامه خليفه Date: 01-29-2010, 12:23 PM Parent: #83
الاخ خدر ..سلام
والله قمة الابداع وزمن طويل جدا لم نستمع الي عمل بتلك الروعه.
شكرا الاستاذ طارق وشكرا خطاب حسن احمد ..
Post: #85 Title: Re: يا خطاب حسن احمد , أرمي ليا مطار Author: khatab Date: 01-30-2010, 01:25 PM Parent: #84
طارق ابوعبيده
لقد اصبتنى فى مغنى يا رجل
وزعت سبيط القصيده بالتساوى على الحنين
فاًورق فينا ياصاحبى الطرب أنشى مايكون
.. عترت لى الاغنيه هكذا فجأه
فأوشك قلبى على الوقوع
خارج الجسد ..
. .
Post: #86 Title: Re: يا خطاب حسن احمد , أرمي ليا مطار Author: منوت Date: 01-30-2010, 05:22 PM Parent: #85
ده كلام عجيب يا حبيب !
" و عليكـ الله قول تاني و تالت و مليون ربنا يرجعني انا ذاتي ليكم " .
* آآآآآآآآآآآآآآآآآمين يا خدر، ونحن كمان .
Post: #87 Title: Re: يا خطاب حسن احمد , أرمي ليا مطار Author: تراث Date: 01-30-2010, 10:27 PM Parent: #86
حمد الله على السلامة ياخطاب... كم نشتاقك ونتمنى ان نعانقك أيضاً. اسلت دموعا ياخدر.. شكرا
Post: #88 Title: Re: يا خطاب حسن احمد , أرمي ليا مطار Author: إحسان عبدالمتعال أحمد Date: 01-31-2010, 05:20 AM Parent: #87
خدر العزيز
ارمي ليا مطار
عنوان يستوق كل المارة له كثير من الدلالات الفلسفية العميقة والادبية الجميلة
حقيقة عمل فني زاخر بالابداع نصا وموسيقي واداء
عندما يلتقي فنانان كلاهما معطون بالالق والنقاء والبهاء ماذا نتوقع
امنياتي لك بالتوفيق يا اخ الروح خدر وللعزيز الذي علمنا التسفار عبر قصائد الشعر الي مدن الجمال خطاب باقامة طيبة
وكم تساوي تلك الاحضان التي احتوته بحنان الدنيا كله
وبا له من مشهد تمنيت لو كنت معهم قبيلة اهل الدراما والمسرح والاذاعة استاذي المخرج والاديب السر السيد علي راسهم
لخطاب تحياتي وللزملاء سلامي
ولخدر تذكرة بوعد نكون في انتظارة الصيف القادم باذن الله
Post: #93 Title: Re: يا خطاب حسن احمد , أرمي ليا مطار Author: خدر Date: 01-31-2010, 02:15 PM Parent: #88
Quote: خدر العزيز
ارمي ليا مطار
عنوان يستوق كل المارة له كثير من الدلالات الفلسفية العميقة والادبية الجميلة
حقيقة عمل فني زاخر بالابداع نصا وموسيقي واداء
عندما يلتقي فنانان كلاهما معطون بالالق والنقاء والبهاء ماذا نتوقع
امنياتي لك بالتوفيق يا اخ الروح خدر وللعزيز الذي علمنا التسفار عبر قصائد الشعر الي مدن الجمال خطاب باقامة طيبة
وكم تساوي تلك الاحضان التي احتوته بحنان الدنيا كله
وبا له من مشهد تمنيت لو كنت معهم قبيلة اهل الدراما والمسرح والاذاعة استاذي المخرج والاديب السر السيد علي راسهم
لخطاب تحياتي وللزملاء سلامي
إحسان يا حبيبة القسا ,, انا ما بقدر علي رسم الكلام زيك سمح الكلام انتو اسيادو .. خليني اقول شكرا و ياريتها تكفي
سلامي للدكتور و الاصدقاء بطرفك و موعدنا الصيف بإذن الله
Post: #92 Title: Re: يا خطاب حسن احمد , أرمي ليا مطار Author: خدر Date: 01-31-2010, 02:06 PM Parent: #87
سلامة دموعك يا تراث قريبا سنعود جميعا الي أحضان امهاتنا .. الي احَنّ النساء
Post: #91 Title: Re: يا خطاب حسن احمد , أرمي ليا مطار Author: خدر Date: 01-31-2010, 02:01 PM Parent: #86
منوت يا ليموني وانت كمان يا فنان تشتاقك عرصات الاذاعة فهل من عودة هل ؟
Post: #89 Title: Re: يا خطاب حسن احمد , أرمي ليا مطار Author: خدر Date: 01-31-2010, 01:51 PM Parent: #85
شكرا اسامة خليفة و ما انا براي يا سيدي كثيرين في السودان و خارج السودان شباب جادين و شغالين بي ايدينهم و كرعينهم للاغنية السودانية حبا و كرامة ما مستعجلين شهرة ولا مستعجلين اضواء ما عاوز احصرهم هنا خوفا من ان اسهو عن احدهم قول يارب تتفك عثرة الاغنية السودانية و ترجع لمسارها الصحيح
Post: #90 Title: Re: يا خطاب حسن احمد , أرمي ليا مطار Author: خدر Date: 01-31-2010, 01:59 PM Parent: #85
سلامة قلبك يا صاحبي كِتر عليهو الفرح الايام الفاتت و ده حقك ياخي .. امرق قميص التواضع اللابسو من سنين ده و لا تنس نصيبك من الدنيا و الإحتفاء انت تستحق يا صديقي اكثر من ذلك
القصيدة حاقصة لي منذ كتابتها ما كلمتك صاح !! اها و جات القلدة المرقت المزيكا سلم لي علي .. أمنا و قالدها تاني و تالت عشاني انا و قول ليها لسه عندك طارق بره ما رجع ادعي ليهو يرجع سالم .. غانم
Post: #94 Title: Re: يا خطاب حسن احمد , أرمي ليا مطار Author: عبدالله وداعه الامين Date: 01-31-2010, 02:37 PM Parent: #90
ارمي يا طارق يا خدر واخضر جدا ,,, ارمي بعيد
وفي حضرت جمالكم نصمت ونسمعكم بس
القومة ليك ولي حبيبنا الجميل خطاب حمدلله على سلامة العودة يا صاحب وعقبالك طارق حبيبنا
شكرا لكم شموع الوطن
Post: #95 Title: Re: يا خطاب حسن احمد , أرمي ليا مطار Author: nazar hussien Date: 01-31-2010, 03:56 PM Parent: #94
Quote: ربنا يرفع كُربتنا يا سلوم و نرجع نقدر نفرح تاني
دا غناء جميل يا خدر...وكان ربنا رفع كربتك... بترفع معنويات ناس كتار بهذا الغناء الصافي.. وتفرحهم...
لكن وصيتي ليك...
أجل الدعاء دا شوية...
والكربة حاليا في ديار الغربة...أخير من (الهربة) بتعرف (الهربة)؟؟؟
Post: #96 Title: Re: يا خطاب حسن احمد , أرمي ليا مطار Author: محاسن أحمد محمد Date: 01-31-2010, 06:49 PM Parent: #95
يا ســلام يا طارق محتاجيين لى مطار حقيقتــا
وحضـن الام بساوى حضن البلد كلها وخطاب كان محتاج للحضن ده وحمدالله على السلامه ياخطاب والسوان محتاج ليك لانك انت انسان مبدع وفنان وامانه عليك وما تنس ياخطاب وصيتنا العذيذه
Post: #100 Title: Re: يا خطاب حسن احمد , أرمي ليا مطار Author: خدر Date: 02-01-2010, 02:12 PM Parent: #96
والله يا محاسن يا حليلك و حليل الايام الحلوة معاكم و يارب نعودها تاني قريب في اقرب إجازة تحياتي للعيال و ابوهم الجميل
Post: #99 Title: Re: يا خطاب حسن احمد , أرمي ليا مطار Author: خدر Date: 02-01-2010, 02:10 PM Parent: #95
والله يا نزار حسين بقيت اخاف من مداخلاتك كلها اسئلة ياخي و اسئلم غميسة كمان الله يرفع كربتنا و نرجع نفرح تاني حتي يقضي الله امرا كان مفعولا فيما يخص (الهربة) ويرفع كربتك معانا الهربة لو ما عندها علاقة بالهروب قطع شك ما عرفتها المهم كدي وريني الهربة و قول لي انت عامل كيف و كربتك مفكوكة إنشاء الله متين !! اقعد عافية يا صاحب
Post: #98 Title: Re: يا خطاب حسن احمد , أرمي ليا مطار Author: خدر Date: 02-01-2010, 02:06 PM Parent: #94
عبدالله وداعة الامين
شكرا يا عزيز شكرا كتير و التحية لخطاب
Post: #102 Title: Re: يا خطاب حسن احمد , أرمي ليا مطار Author: خدر Date: 02-01-2010, 02:21 PM Parent: #98
ابراهيم ادريس
شغل جميل , شكرا ليك كتير و حمدلله علي سلامة صاحبك
Post: #103 Title: Re: يا خطاب حسن احمد , أرمي ليا مطار Author: محمد الجيلى Date: 02-01-2010, 02:25 PM Parent: #102
حمدلله علي سلامة خطاب ياطارق
وماشاءالله شغل مميز وإبداع
مودتي
Post: #104 Title: Re: يا خطاب حسن احمد , أرمي ليا مطار Author: على عمر على Date: 02-01-2010, 02:32 PM Parent: #103
دى المحطة الوحيدة الما بلحقك فيها ياختاب اتا عارف وانا عارف لكن طارق دا قول ليهو يطرقو فيك لما يغازيك ان جاك الحاوى البراقاوى تديهو شنو؟
Post: #105 Title: Re: يا خطاب حسن احمد , أرمي ليا مطار Author: Ibrahim Idris Date: 02-01-2010, 02:43 PM Parent: #104
العزيز خدر صاحبنا َصاحبْ الوطن والفريق وبيك وبكُلناالوطن سعيد
Post: #108 Title: Re: يا خطاب حسن احمد , أرمي ليا مطار Author: nazar hussien Date: 02-01-2010, 03:08 PM Parent: #105
Quote: كدي وريني الهربة و قول لي انت عامل كيف و كربتك مفكوكة إنشاء الله متين !! اقعد عافية يا صاحب
الهربة: حفرة في باطن الارض...لما يننكسر فيها جدول الموية فلابد ان تقنع من خدارك....
اما كربتي...فهي معفولة في مكانها...
وتسلم يا حبيب...
Post: #106 Title: Re: يا خطاب حسن احمد , أرمي ليا مطار Author: خدر Date: 02-01-2010, 02:54 PM Parent: #103
محمد الجيلي شكرا كتير يا فنان و عقبال كل الغايبين
Post: #107 Title: Re: يا خطاب حسن احمد , أرمي ليا مطار Author: خدر Date: 02-01-2010, 02:58 PM Parent: #106
علي تروس تتنطط زي ود الموية يوم كندا و يوم هولندا اثبت ياخي عشان الاقيك
قلت لي تديهو شنو ّّّ قول قلت ليك .. حا تديهو ؟
Post: #109 Title: Re: يا خطاب حسن احمد , أرمي ليا مطار Author: خدر Date: 02-01-2010, 03:22 PM Parent: #107
يا نزار عرفنا الهربة معفولة دي يحلوها كيف ؟
Post: #110 Title: Re: يا خطاب حسن احمد , أرمي ليا مطار Author: Souad Taj-Elsir Date: 02-01-2010, 03:34 PM Parent: #109
Post: #111 Title: Re: يا خطاب حسن احمد , أرمي ليا مطار Author: nazar hussien Date: 02-02-2010, 07:28 AM Parent: #110
معقولة: كما البعير...
وبالمناسبة يا مولانا معانا صديق هنا نسميه ودنفاش... راجل طباخ درجة أولي...كنا نتداول نفس الدعاء... ربنا يرد غربتك ياخ: قال لي الا دي...التوم الغلاد دا تاني نلقاه وين؟؟؟
اصابعينا لاهسي ما طابن من نضيف توم السودان السغااار داك!!!!
ياخ انت بس غني يا خدر...يمين بوستك دا انا ساكن فيه سكون...ولو عملوا سباق لعدد الداخلين فيه لتحصلت علي عدد من الدخلات حتما ستؤهلني الي سدة الحكم في هذا البوست...
الهي ربي يبسطك ويعافيك محل ما تقبل
Post: #112 Title: Re: يا خطاب حسن احمد , أرمي ليا مطار Author: خدر Date: 03-13-2010, 03:50 PM Parent: #111
بلا إنتخابات بلا البشير معاكم الصفحة الاولي التقول بيت بكا او طلاق
Post: #113 Title: Re: يا خطاب حسن احمد , أرمي ليا مطار Author: abdulhalim altilib Date: 03-13-2010, 09:57 PM Parent: #112
ياخدر يا رهيب يا رائع :
Quote: طعم البلل ياخي فى الغابه والصحري السهل وفوق الصي بتكرف المطره فردة جناح يا بت ارميها يا بنيه
و.. طعم الغنا منك والمعطون في عسل كلام خطاب ما لاقيتو إلا هسع فقط ؟! تصدق ؟! .. مع إنو مشرور فوق كل المطارات الاسفيرية منذ أخريات يناير ؟!.. لكني برمي اللوم على (مدير العمل ومدبرة البيت)؟!! اللي حارمننا نستمتع بهذا الرواء الثلاثي القوة العذب .. كلمة ولحن وأداء . و .. دُم على هذا .. تدم الحياة لنا .
