Post: #12 Title: Re: شوفة العين !! Author: الخير محمد عوض Date: 01-25-2010, 09:41 PM Parent: #10
كلام زي اللوز يا عمك... نسرين امكانياتا عالية وغناية للطيش اها قبل فترة لقيت ليها الغنية دي بتخريج مختلف شوييية كدا لكن بصراحة الاداء هنا وبالخلفيات الكورالية جملت الاغنية ووصلتنا معاها حد السكر والنشوى... ياخي في حتة كدا في نص الغنية بتشتغل صولو كدا بس نسمة ... اني امنت بالذي حدث.
يعني جيتو امبارح وبقيتو تعرفو تنزلو الغنا المقعّد كمان
وحاتك من الفين واتنين غير طق الحنك خطوة ما مشينا
دحين افتح لينا فصول مسائية بعد حداشر
(الفول عليّ)
Post: #13 Title: Re: شوفة العين !! Author: عبدالوهاب علي الحاج Date: 01-25-2010, 09:52 PM Parent: #11
Quote: وهبة البنية دي خطيرة والله قعدت الاغنية وبتوزيع جميل ونفس هذه الاغنية غنتها عابدة الشيخ ولم تضيف اليها اي شيء جمالي
------------- وهبة في حالة طرب بمزاج ..اها معاها شيشة ولا سمك
الوليد عبداللطيف مساك زي الورد انت عارف انا واحد من الناس كنت بطالب انو عابدة الشيخ دي مفروض تضاف لعقوبات السودان يعني انا لو خيروني بين سنتين سجن واسمع عابدة الشيخ دي افضل السجن ومعاهو اشغال شاقة من عندي عابدة دي اخير منها الملاريا
____ الايامات دي لا شيشة لاسمك مافي وارد بورداب
Post: #15 Title: Re: شوفة العين !! Author: عبدالوهاب علي الحاج Date: 01-25-2010, 10:08 PM Parent: #13
Quote: من وين ياوهبة العذاب دا؟
بلبل ياجميل العذاب دا من هنا خش ومتع نفسك نحن خلاص دخلنا السيمي فاينال
فليس غريباًز علي الاخت نسرين كل هذا الابداع الصوتي والتميز حيث انها من اسرة قل ما توصف بالعبقرية ...... من تشكيل ... وصوت .... وعزف
فيمكننا القول ... البنت سر ابيها
ودمت
Post: #16 Title: Re: شوفة العين !! Author: نادية عثمان Date: 01-25-2010, 10:16 PM Parent: #14
وهبة المبدع
شكراً جميلاً على مساحة الجمال الصافية دي ,,
والحمد لله إنك بألف خير ياود حلتي ياراقي شديد
كن وهبة كما أنت فمثلك لا يتكرر سمح ؟!
Post: #17 Title: Re: شوفة العين !! Author: عبدالوهاب علي الحاج Date: 01-25-2010, 10:19 PM Parent: #14
Quote: شــــــــوف العين ما كتل غزال .
يا ابوالنور يا اخوي دا كان زمان !!! يمين العين اليومين دي بتعمل جنس عمايل خصوصا للزينا ديل الاتجاوزوا سن الـ30
___ للمتشككين أقسم بالله انا اتجاوزت الـ 30 لكن تكينة اتجاوز الـ 40 لكن صحتو ماشاءالله كويسة
Post: #18 Title: Re: شوفة العين !! Author: عبدالوهاب علي الحاج Date: 01-25-2010, 10:29 PM Parent: #17
Quote: كلام زي اللوز يا عمك... نسرين امكانياتا عالية وغناية للطيش اها قبل فترة لقيت ليها الغنية دي بتخريج مختلف شوييية كدا لكن بصراحة الاداء هنا وبالخلفيات الكورالية جملت الاغنية ووصلتنا معاها حد السكر والنشوى... ياخي في حتة كدا في نص الغنية بتشتغل صولو كدا بس نسمة ... اني امنت بالذي حدث.
الخير محمد عوض تحياتنا ياجميل انا سعيد بمرورك واضافتك الثرة وشكرا لسمعك الراقي واحساسك السمح تسلم كتير
Post: #19 Title: Re: شوفة العين !! Author: عبدالوهاب علي الحاج Date: 01-25-2010, 10:48 PM Parent: #18
Quote: يعني جيتو امبارح وبقيتو تعرفو تنزلو الغنا المقعّد كمان
وحاتك من الفين واتنين غير طق الحنك خطوة ما مشينا
دحين افتح لينا فصول مسائية بعد حداشر
(الفول عليّ)
قرجة عظيم بورداب جدة شخصياً !!! يا سلاااااااام ياود حلتنا ياخ ماتتخيل مداخلتك كيفتني قدر شنو ؟ الغريبة يوم الجمعة كنا انا ومصطفى في سيرتك وسألني قال لي الزول دا اليومين دي ما ظاهر في المنبر وهو بقى من المتابعين لبوست الشعبية ومرة مرة كدا عندو تخريمات تعرف اكتر زول بكيفو منو ؟ هشام هباني وتمبس انا خايف شوية كدا ويقوم يعمل لينا فيها مناضل
___ اما بخصوص الاغاني الموضوع ما داير ليهو درس عصر والموضوع ابسط من ما تتصور .. بس قول بسم الله وابدا تحياتي للعيال والمدام
Post: #20 Title: Re: شوفة العين !! Author: Emad Abdulla Date: 01-25-2010, 11:24 PM Parent: #19
الله عليك ياخي .. ده الكلام .
....... ينصر دينك يا وهبة
Post: #21 Title: Re: شوفة العين !! Author: Sana Khalid Date: 01-26-2010, 05:45 AM Parent: #20
طبعاً التفسير الوحيد الوجدته انهن يفقنها (جمال صورة)..مع أن نسرين حليوونة..
..
شكراً لاتحافنا بهذا الجمال..
Post: #22 Title: Re: شوفة العين !! Author: صلاح أبودية Date: 01-26-2010, 08:06 AM Parent: #21
طيب إنت ما كويس ! دايرين يوقفوك مالك؟
Post: #23 Title: Re: شوفة العين !! Author: العوض المسلمي Date: 01-26-2010, 08:51 AM Parent: #22
اصلا انت زول مبدع , بس لو تبطل حركات انك زول شرير دي لانها ما بتشبهك .. خليك منداح كدة وذكرنا ايام زماااان والعود والجلسات والذي منه .. احترمك جدا يا وهبة ياصديقي في كل ما تختار ..
Post: #24 Title: Re: شوفة العين !! Author: عبدالوهاب علي الحاج Date: 01-26-2010, 10:01 AM Parent: #23
Quote: فليس غريباًز علي الاخت نسرين كل هذا الابداع الصوتي والتميز حيث انها من اسرة قل ما توصف بالعبقرية ...... من تشكيل ... وصوت .... وعزف
فيمكننا القول ... البنت سر ابيها
العزيز طلال شكرا لمرورك واضافتك وفعلا لو كانت اسرتها كما تقول فليس بمستبعد ان تعطينا اكثر نسرين تغني وتحس بيها بتونسك ونسة دقاقة وبتعجبك وتحياتي ليك وليها
Post: #25 Title: Re: شوفة العين !! Author: وليد عبد اللطيف Date: 01-26-2010, 10:09 AM Parent: #23
Quote: اصلا انت زول مبدع , بس لو تبطل حركات انك زول شرير دي لانها ما بتشبهك ..
هههههههههههههههه ود المسلمي يادفعة صاحبك وهبة كويس غير صورة البروفايل ياخي كان مركب صورة وهو صغير مكرفس وشو وصاري فضحكت جدا (زول شراني عديل كده ) وشكلة من النوع الزمان كان بكسر اولاد الحلة ويطفش ليهم الكورة تخيل زول يكون تاني الفصل وبتاع مشاكل (معادلة صعبه ) صاح يادفعة ههههههههههههه
ياريت البنية دي تغني لينا ذبت وجدا في هواك ... ياحبيبى ولم ازل ويامن صليتني بنار هواك ورفعت قدري لمستواك والحكمة يازينة حلاك تذاد جمال وازيد هلاك
ياخي دي بت اول مره اسمعها عندك ياوهبة انتو الحاجات دي بتجيبوها من وين والله المغتربين ديل ليهم الله
ياوهبة بالله نزل لينا ليها كم عمل كده عشان نشوف الحاصل شنو
Post: #26 Title: Re: شوفة العين !! Author: هواري نمر Date: 01-26-2010, 10:25 AM Parent: #25
تحياتي يا وهبة وقلنا ما نجي يدنا فاضية.. اقبلو مننا الهدية دي...
____ كده كيف يا عماد عبدالله
Post: #27 Title: Re: شوفة العين !! Author: عبدالوهاب علي الحاج Date: 01-26-2010, 10:38 AM Parent: #26
Quote: وهبة المبدع
شكراً جميلاً على مساحة الجمال الصافية دي ,,
والحمد لله إنك بألف خير ياود حلتي ياراقي شديد
كن وهبة كما أنت فمثلك لا يتكرر سمح ؟!
ندوية ست البنات شكرا لمشاعرك الطيبة ياراقية انت
_____ فين الخمستاشر جنيه اللي عليك يابت ؟
Post: #28 Title: Re: شوفة العين !! Author: الجندرية Date: 01-26-2010, 10:38 AM Parent: #26
اها ايه رايك يا اخونا التكينة اني لي زمن بدندن الأغنية
شوف العين كتل الغزالة
وفي السري التاني على قول عماد عبد الله بقول الإسفيرية
الكلام دا تحديداً من يوم بوست حسين ملاسي عن حسن موسى والله كنت ناوية عديل اكتب بوست واعنونو شوف العين كتل الغزالة وانزل فيه الأغنية دي
لكن شدهتني جنازتي دي قلت لمن القيها فتوى الغزالة ملحوقة اصلها هي اتكتلت واللي كان كان
ــــــ تسلم يا وهبة ياخ
التعديل يا اهلنا عشان لخبطت في اسم اخونا التكينة سلام للجميع
Post: #29 Title: Re: شوفة العين !! Author: عبدالوهاب علي الحاج Date: 01-26-2010, 11:01 AM Parent: #28
Quote: الله عليك ياخي .. ده الكلام .
....... ينصر دينك يا وهبة
عمدة ياصاحب تصدق وتآمن بالله انا كنت عايز اعنون البوست دا بأسمك لكن تاني غيرت رايي لاني عارف الموز بجيبك
____ أديها كانجي يامعلم بتديك طراوة
Post: #30 Title: Re: شوفة العين !! Author: وليد عبد اللطيف Date: 01-26-2010, 01:28 PM Parent: #29
Quote: ياخي دي بت اول مره اسمعها عندك ياوهبة انتو الحاجات دي بتجيبوها من وين والله المغتربين ديل ليهم الله
معليش ياوهبة بعد ما هواري نمر نزل لها اغاني فعلا هذه البنت شاهدت لها لقاء بقناة زول بنت واثقة من نفسها ولكنها فشلة في المدائح النوبية بقناة ساهور وزي ماعارف المديح جميل عند الاصوات الرجالية فقط المهم ياصحبي البنية شكلها محتاجة دعم كبير ومساعدة من كبار الفنانين . ووردي بدل مايقول انا الامبراطور افضل يتبناها ويكسب اجر
---------------------------- عمدة قال (ينصر دينك ياوهبة ) دي عجبتني هههههههههههههه
وهبه يا راقي فعلا نسرين دي غنااااايه شديييييد وتسلم يا مبدع
Post: #38 Title: Re: شوفة العين !! Author: عبدالوهاب علي الحاج Date: 01-26-2010, 08:13 PM Parent: #26
Quote: تحياتي يا وهبة وقلنا ما نجي يدنا فاضية.. اقبلو مننا الهدية دي...
تسلم ياهواري وتسلم مجايبك دمت بالف خير
Post: #36 Title: Re: شوفة العين !! Author: عبدالوهاب علي الحاج Date: 01-26-2010, 07:31 PM Parent: #23
Quote: اصلا انت زول مبدع , بس لو تبطل حركات انك زول شرير دي لانها ما بتشبهك .. خليك منداح كدة وذكرنا ايام زماااان والعود والجلسات والذي منه .. احترمك جدا يا وهبة ياصديقي في كل ما تختار ..
حباب شيخ البورداب حباب صاحبي يازول انت موش صحبي هل انا شرير ؟ لكن مرات الكيبورد بيحكم فما تشتغل بالحكاية دي كتير
____ اها الليلة امسيت كيف ؟ مش احسن ؟ يعافيك يارب
Post: #34 Title: Re: شوفة العين !! Author: عبدالوهاب علي الحاج Date: 01-26-2010, 07:13 PM Parent: #22
Quote: طيب إنت ما كويس ! دايرين يوقفوك مالك؟
هاهاهاهااهاهاها ابودية كلامك دا ذكرني قصة حصلت ايام المهدية قالوا الانصار اخدوا ليهم فترة طويلة لاغزوا ولاحدثوا نفسهم بغزو ... اهاااا القعدة بقت حارة عليهم فقالوا للخليفة : ياسيد الجميع غايتو نحن معاك من هنا لقصيِّر(شهر) كان ما في دواس بنقوم على ناس ود الغورشلي اخوي ديل وناس الغورشلي كانوا ناس حمر كدا وكانوا انصار (يعني بدل اتراك) هههه ... فدحين بكري لمن يلقى الامن مستتب وكلو تمام التمام ومافي اي شغب بقبل علي انا بوقفني ... في سنة واحدة موقفني تلاتة مرات . غايتو الله في ....
Post: #32 Title: Re: شوفة العين !! Author: عبدالوهاب علي الحاج Date: 01-26-2010, 05:24 PM Parent: #21
Quote: سلام يا عبدالوهاب ..و شكراً لسؤالك عني في غيابي..
طبعاً التفسير الوحيد الوجدته انهن يفقنها (جمال صورة)..مع أن نسرين حليوونة..
..
سناء خالد ياام العيال الف حمدلا بالسلامة وبركة بالشوفة تعرفي نسرين دي انا ما شفتها الا في الفيديو النزلو اخونا هواري نمر شكلها مقبول ما شاء الله لكن زي ما قلتي مقدرتها الصوتية لا يعلى عليها
