الرئيس البشير الذي قوبل بمسيرات عفوية عقب صدور مذكرة الاعتقال يستحيل ان يقذف بحذاء(يوجد فيديو)

منظر مؤثر جدا
بعد نصف ساااااعة فقط من صدور مذكرة الاعتقال بحقه
نزل الرئيس للشارع
وقبول بهتافات عفوية مؤيدة
بدون ترتيب وتنسيق واعداد
الله على السودان.....
منظر قلما يوجد في بلد تاني
ويستحيل معه ان نصدق خبر مثل الذي تناقلته وكالات الانباء
واليكم الفيديو

ميادة ازيييك .. حمد لله سلامة ومشتاقين ..


ـــــــ
بوست غير موفق ودفاع واهي !!

لو ثبت انه رُشق أو ( قذف ) حا تعملي شنو؟

مش كان احسن لو تتريثي لغاية ما يؤكد او يُنفي الخبر !!


ثم ثانيــاً لا كبيــر على الجزمـــة .. وقدامك بوش قائد الامبراطورية قدس الله سره

الرئيس بوش الذي اسقط الدكتاتور و جلب الحرية و الديموقراطية للعراق يستحيل ان يقذف بحذاء.




ازيك يا ميادة.
اتريثي حبّة .. فقد تحتاجي تكتبي انو الفاعل مندس و لا يعبر الا عن نفسه او اي شئ اخر يشبه هذا الكلام.
عموما الخبر حتى الان انتشر و هو بين شهادة شهود العيان و تكذيب الاجهزة الرسمية.
و ما بيندس.

الاستاذة ميادة
و لماذا هذا النفي و بهذه الصورة القطعية
وكالات الانباء العالمية اكدت الخبر و لذلك ارى ليس من الحكمة نفي هذه المعلومة
و بهذه الصور القطعية
هل لديك معلومات من الاجهزة الرسمية
ام استنتاج و قراءة من مسيرات الاسلامويين

هل كانت المسيرات عفوية
ام كانت مثل كل مسيرات الانقاذ من عمل متعهدي المسيرات

لك التحية أختي ميادة ...

وسؤال:

هل كُنتِ من ضمن الحضور ؟!



ولكِ ودي ،،،

Quote: لك التحية أختي ميادة ... وسؤال: هل كُنتِ من ضمن الحضور ؟! ولكِ ودي ،،،

ايوا
ولم نلاحظ شئ
وجيت المركز وفتحت النت لقيت الخبر عندكم هنا في الموقع
يعني في محل الشئ زاته ما في زول جاب خبر

الاخوان الاعزاء
HAIDER ALZAIN
حمور زيادة
محمد على حسن
لدي معلومات رسمية موثوقة بان الرجل اراد تسليم خطاب للسيد الرئيس
حتى انه لم يقترب من المنصة
ولما حاول رجال الامن منعه
بادر بردة فعله هذه
ولكنها لم تكن للرئيس... لانو كان على مسافة بعيدة من المنصة
الرجل احتد على رجال الامن ......
وبادر برفع صوته محتاج
ثم بدا يقاوم رجال الامن الذي حاولوا اخراجه

ثم تانية لو كان فعلا القى حذاءه في وجهة الرئيس
ايعقل انو مافي زول صور بالموبايل
على افتراض انو اجهزة الامن صادرت كل الكاميرات
اكيد كانت حتكون في تسريبات كدا ولا كدا



للذين يظنون ان الواقعة فعلا واقعة قذف حذاء
والله ديل رايحة ليهم حاجة زي دي سااااااااي
ويشموها قدحة على قولة المثل

Quote: هل كانت المسيرات عفوية ام كانت مثل كل مسيرات الانقاذ من عمل متعهدي المسيرات

استاذ محمد على حسن
ياخي سيبك من نظرية المؤامرة دي
واعد مشاهدة الفيديو اعلاه
اقرب زول من الشارع لو جبته
حيعرف انو خروج المواطنين كان عفوي جدا

بعديـــن جايبة صور المسيرات دي عاوزة تقولي إنه الشعب دا كللو بيحب البشيــر ؟!

وإنه زول شايل منه غبينة لدرجة يرشقو او ( يقذفو ) بمركوب مافي ؟!


ولا انه لو زول قابلو في ملف كدة براهو بيركب فيهو جنباوية مافي ؟!


الكلام دا لو قالوا ليك أي زول بيدخلك عقلك انتي .. خليهم بقية المظاليم في الوطن وخارجه ؟

بتصدقي القصة دي ..

Quote: ثم ثانيــاً لا كبيــر على الجزمـــة .. وقدامك بوش قائد الامبراطورية قدس الله سره

بعد اذنك يا ميادة .

يا حاتم ..
شفت بكري الحقار ده ضيع لينا اجتهادنا في اثبات انو الخبر منشور كيف ؟
انا اخر شي عشان مجدي كان خايف مشيت خميت صورة لصفحة موقع المصري اليوم و لرويترز جيت ارسلا لقيت البوست طفش.
بكري ده عليو حقارة.

Quote: يا حاتم .. شفت بكري الحقار ده ضيع لينا اجتهادنا في اثبات انو الخبر منشور كيف ؟ انا اخر شي عشان مجدي كان خايف مشيت خميت صورة لصفحة موقع المصري اليوم و لرويترز جيت ارسلا لقيت البوست طفش. بكري ده عليو حقارة.

Greetings Myada,

kindly let me reply to Hammor,

you know what ya Hammor!

in that post I wrote along reply to Taragi using the the Artificial Arabic keyboard above

can you imagine that ?! searching for the the letters by the mouse

when i clicked Submit

I found the topic gone !
:(((
--------------------------------------

I hope Napta King account is still active

Quote: بعد اذنك يا ميادة . يا حاتم .. شفت بكري الحقار ده ضيع لينا اجتهادنا في اثبات انو الخبر منشور كيف ؟ انا اخر شي عشان مجدي كان خايف مشيت خميت صورة لصفحة موقع المصري اليوم و لرويترز جيت ارسلا لقيت البوست طفش. بكري ده عليو حقارة

حمور يا وجع
عجبني ليك
تستااااااااهل

ليه يا ميادة؟؟
ما الذى يمنع من ذلك، فهل البشير منزّه ومنزل من قبل الرحمن مثلاً؟؟؟
حتى الرسول الكريم، المصطفى قد حصبه الناس بالحجارة، فهل البشير
أكثر قداسةً، وأكبر مكانة عند الله من رسوله ومجتباه حتى يمنع عنه الأذى،
فحتى لو كان هذا البشير على صراطٍ مستقيم فى درب حكمه هذا(ولا أعتقده كذلك)
فلن يمنع عنه الله سخط البعض من عباده. لقد قُتل ثلاثة من خلفاء الله الراشدين،
فهل ترينهم لم يكونوا على حق حتى سلّط الله عليهم بعض عباده، أم أن السيد البشير
هذا أكبر أيماناً وأكثر تقوىً منهم وهم المبشرين بالجنة، والبشير من المبشرين بعدالة
السماء، والتى لم يجد الله سبحانه وتعالى خذياً أكبر له من تسليط (الكفار) عليه حتى
يعلم أن الله حقٌ، وأن ظلم العباد من ظلم النفس، وأن نصرة الله لعباده المظلومين قادمةً
لا محالة، إن لم يكن فى هذه الدنيا الزآئلة، ففى دار الحق والحقوق، حيث لا مسيرة
تمنع عنه، ولا هتاف يزود منه، ولا شئ سوى وجه الله.
كنتى أكثر موضوعيةً من قبل هذا الأمر يا ميادة، فلا تخوضى فى شؤون الخالق فى عباده،
فدعى البشير لله يفعل به ما يشاء، وصوتك الشجاع هذا أحسب أنه لا ينطق إلآ حقاً. فدعيه
دوماً على هذا الطريق.

كل الود والإحترام يا أختى، وأنار الله بصيرتك المضيئة.
اللهم أرفع عنّا مقتك يا رب، وكفّنا شر أنفسنا وشر الشيطان.

الاستاذة ميادة
اكدت وكالة سونا الحكومية قذف البشير بالجزمة
بالرغم من نفيك القاطع امكانية رمي البشير والتي خرجت الجماهير (بصورة عفوية) للتضامن معه ضد اوكامبو
العزاء ان الرامي لم يكن من الذين خرجوا
لكونه يعاني من امراض نفسية

Quote: الخرطوم 25/1(سونا) علمت وكالة السودان للأنباء أن المواطن عادل محمد فتح الرحمن محجوب الذي حاول اختراق الترتيبات الأمنية أثناء انعقاد الدورة الأولى للعام 2010م للمجلس القومي للتخطيط الاستراتيجي بقاعة الصداقة بالخرطوم اليوم أثناء حضور رئيس الجمهورية يتلقى العلاج النفسي حالياً وأنه سيتم تسليمه الى ذويه بعد اكتمال علاجه. وتفيد المعلومات أن المواطن يعاني من مرض الشرود الذهني المزمن ( الذهان) الذي يسبب الاضطرابات النفسية ويتلقى العلاج لدى د. عبد السميع محمد حسن وأنه عاود العيادة آخر مرة في 18 يناير الجاري ، وبحسب وصف الطبيب المعالج فان المريض تأخر خلال الفترة الاخيرة عن تلقى العلاج الذي وصف له مما أدي لعدم استقرار حالته النفسية وبحسب المعلمات التي تحصلت عليها سونا فإن المواطن المذكور يعاني من عقدة الظلم الاجتماعي من البشر وإن كان ليس لديه اي إنتماء سياسي أو اجتماعي ويشغل عدد من اقربائه مناصب حكومية. وقام المواطن المذكور بكتابة مظلمة بخط يده وحاول تسليمها لرئيس الجمهورية أثناء إنعقاد الدورة الأولى للعام 2010م للمجلس القومي للتخطيط الاستراتيجي بقاعة الصداقة إلا أن حرس الرئيس اعترضه باعتبار أنه اختار المكان والزمان غير المناسبين مما أخرجه عن طوره فبدأ في قذف حذائه على الحضور لكنه لم يكن يحمل سلاحاً وكان بعيدا نسبياً عن المنصة يذكر أن المواطن عادل محمد فتح الرحمن محجوب من مواليد الأبيض 1965م ووطنه الأصلي مروي وتلقى جميع مراحله الدراسية حتى الثانوي بالأبيض وهو عازب ويعمل بالتجارة

Quote: إلا أن حرس الرئيس اعترضه باعتبار أنه اختار المكان والزمان غير المناسبين مما أخرجه عن طوره فبدأ في قذف حذائه على الحضور لكنه لم يكن يحمل سلاحاً وكان بعيدا نسبياً

اها بعد ما اتضحت الحقيقة
حتقولي علي هذا الشخص شنو عميل خائن والسبب اسرائيل واليهود...الخ

ما يجبرك علي المر الا الامر

Quote: ليه يا ميادة؟؟ ما الذى يمنع من ذلك، فهل البشير منزّه ومنزل من قبل الرحمن مثلاً؟؟؟ حتى الرسول الكريم، المصطفى قد حصبه الناس بالحجارة، فهل البشير أكثر قداسةً، وأكبر مكانة عند الله من رسوله ومجتباه حتى يمنع عنه الأذى، فحتى لو كان هذا البشير على صراطٍ مستقيم فى درب حكمه هذا(ولا أعتقده كذلك) فلن يمنع عنه الله سخط البعض من عباده. لقد قُتل ثلاثة من خلفاء الله الراشدين، فهل ترينهم لم يكونوا على حق حتى سلّط الله عليهم بعض عباده، أم أن السيد البشير هذا أكبر أيماناً وأكثر تقوىً منهم وهم المبشرين بالجنة، والبشير من المبشرين بعدالة السماء، والتى لم يجد الله سبحانه وتعالى خذياً أكبر له من تسليط (الكفار) عليه حتى يعلم أن الله حقٌ، وأن ظلم العباد من ظلم النفس، وأن نصرة الله لعباده المظلومين قادمةً لا محالة، إن لم يكن فى هذه الدنيا الزآئلة، ففى دار الحق والحقوق، حيث لا مسيرة تمنع عنه، ولا هتاف يزود منه، ولا شئ سوى وجه الله. كنتى أكثر موضوعيةً من قبل هذا الأمر يا ميادة، فلا تخوضى فى شؤون الخالق فى عباده، فدعى البشير لله يفعل به ما يشاء، وصوتك الشجاع هذا أحسب أنه لا ينطق إلآ حقاً. فدعيه دوماً على هذا الطريق.

ده كلام يا عبدالله لا يعلي عليه ففيه منطق ابن ستين لذينة ومفحم لدرجة قف تامل
وكل التقدير


وياميادة الافتراض في هذه الدنيا التي يجعل امر ركل عمر البشير بحذاء امر مستحيل مبني علي الاتي
1- انعدام الاحذية تماما في بلاد السودان
2- عدم وجود شخص مظلوم من البشير في السودان
3- انعدم فيزياء انطلاق الاشياء بقوي دفع من ( يد بني ادم) في بلاد السودان
اذا تحققت الشروط دي انا بضمن ليك (فنين حذاء مافي اتجاه البشير)
ولكن هذا الافتراض لا يهدم نظرية ان يكون الفنين (الرمي) بحجر او نحو ذلك

وتحياتي

Quote: باعتبار أنه اختار المكان والزمان غير المناسبين

يعني لو الزمان والمكان كانا مناسبين كان ممكن عادي.

:).

ده اجمل صياغة خبر

Quote: يتلقى العلاج النفسي حالياً وأنه سيتم تسليمه الى ذويه بعد اكتمال علاجه.

ياربي نوع العلاج شنو
وفي كم يوم حيتلقى العلاج ,,,,
اهله ما عندهم دور في العلاج ,,, ولا هم سيتلقوا ايضا العلاج ,,,,,,,



وش يستعد للفاتحة ,,,,

.

الاخت ميادة
تحياتي



اقدر ان نفيك للخبر كان بسبب شعورك وشعور كثير من افراد الشعب السوداني في حبهم للرئيس


ولكن كما قيل انه في السياسة كل شئ جائز لاتستغربي ان يتعرض الرئيس لااكثر من ذلك


سواء اكان ذلك عفويا او مدبرا




ولكن الغريب ان بعض المناضلين كانو قد ادانو قذف قدوتهم بوش وقالو ان هذا سلوك مرفوض



ولكنهم اليوم يرونه امرا نضاليا مقبولا وعمتهم موجة عارمة من الفرح

...أريت الجزمة كان بقت رصاصة....كان ريحتنا من المجرم الرمة....وكان الإنتخابات إتلغت....وكان الشعب السوداني خرج عن بكرة أبيه تعبيرآ عن الفرح والخلاص....

الاخت ميادة

راجعى التاريخ القريب وليس البعيد قبل اجتياح الامريكان للعراق

كان العراقيون يخرجون لمقابلة صدام حسين بالالاف والهتاف بحياته

وبعد اجتاح العراق من قبل الامريكانراينا صورة مقلوبة لنفس الجمهور

الذي يحاول ازالة بقايا صدام حسين حتي النماثيل الموضوعة في الشوارع

وبصورة تنم عن الحقد الذي كان قابع في صدورهم ولا يستطيعون اخراجه

لانهم يعلمون بان المقاصل هي الرد الوحيد لمثل هذه الزفرات.

ولك مودتي

هاجر

يا حليلك يا ميادة يا البقيتي (صحاف) الانقاذ .

الخبر مؤكد
و لكنه مرفوض
انا ضد البشير من قولت تيت وحتى الآن
و لكن الغاية لا تبرر الوسيلة
بل يجب ان تكون من جنسها
ان صح مرض الرجل فليس عليه ذنب
و ان كذب آمل ان يعفو البشير عنه

Quote: الرئيس البشير الذي قوبل بمسيرات عفوية عقب صدور مذكرة الاعتقال يستحيل ان يقذف بحذاء(يوجد فيديو)...

كت قايلو فيديو الحذاء...

مسعولين من الخير ،،، أتوا الخرابي دي مشت وين؟؟
(حقو يخصموا منها ماهية شهر عشان تاني لامن تكضب ، تكضب كويس..))

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

يا أخواننا خلت ليكم البوست ذاطططططططططو

سلام لكل من تداخل او مر من هذا البوست
واسمحوا لي ادي شرف الرد اولا على الاخوان الشايقي وNEWSUDANI


كتب الاخ الشايقي

Quote: مسعولين من الخير ،،، أتوا الخرابي دي مشت وين؟؟ (حقو يخصموا منها ماهية شهر عشان تاني لامن تكضب ، تكضب كويس..))

وكتب الاخ NEWSUDANI

Quote: يا أخواننا خلت ليكم البوست ذاطططططططططو

للمرة الالف نحن ما عندنا شغلة غير سودانيزاونلاين ولا شنو!!!!!!
نتداخل ونضطلع على المواضيع بقدر ما تسمح لينا ظروف شغلنا وقرايتنا
يعني لا ضاربين قروش اللجوء السياسي ولا قاعدين على نفقة حكومات غربية في شقق مدفوعة القيمة
ولا انا خالية شغل ومشغلة عشان اقعد ازازي واباري سودانيز اونلاين دي
وبالتالي بدخل وارد بقدر استطاعة ظرفي ووقتي
وبعدين نحن ما نوم معاكم ولا شنو يعني

واحب اوضح اني انا بت ملوك النيل
يعني ادخل اصبعي في عين اجعص زول فيكم (لو غلطان علي )
ولا من عادتي اني اهرب
وقع ليكم
ولا !!!!!!!!!!

Quote: للمرة الالف نحن ما عندنا شغلة غير سودانيزاونلاين ولا شنو!!!!!! نتداخل ونضطلع على المواضيع بقدر ما تسمح لينا ظروف شغلنا وقرايتنا يعني لا ضاربين قروش اللجوء السياسي ولا قاعدين على نفقة حكومات غربية في شقق مدفوعة القيمة ولا انا خالية شغل ومشغلة عشان اقعد ازازي واباري سودانيز اونلاين دي وبالتالي بدخل وارد بقدر استطاعة ظرفي ووقتي

كدي عليك الله جيبي لينا خبر عن قروش البترول دي بالله...سيبك من التراطيب الخارجية!
ركزي لينا في الكرباوي المحلي وكدة!

Quote: كدي عليك الله جيبي لينا خبر عن قروش البترول دي بالله...سيبك من التراطيب الخارجية! ركزي لينا في الكرباوي المحلي وكدة!

انو كنج
انا كان جبت ليكم خبر الحاجات دي
الجماعة القاعدين في اوربا وامريكا ضاربين الترطيب على حس الحكومة واللجوء والاعانات يقعدوا تاني بي شنو

قلنا.. مرارا.. وتكرارا...بأن ..الخفه.. ما كويسه!!




ـــــــــــــــ

[والله غايتو جنس شلاقة
حكمة اليوم
أحسن تكون الطيش في الحقيقة ولا الاول في الكذب

الأخت ميادة سلام
إنتي مخدرة دينيا

ما فيها كلام ....
بوست ( مقاس ) و ( لون ) ...

الاستاذة ميادة:
اكدت حكومة البشير الخبر
كما تعودنا في هذ المنبر
هاهي الاستاذة ميادة و التي تعدها جماعة بدر الدين اسحاق لتكون قيادية في المشروع الحضاري
تثبت ان ما وصلنا اليه اليوم في ظل حكومة الفساد نتيجة منطقية وحتمية لعقلية الذين فرضو و يفرضون انفسهم
قياديين في هذا البلد المنكوب بايدي فئة ضالة من ابنائها
الاستاذة ميادة خريجة علوم سياسية من احدى جامعات ابراهيم احمد عمر و اعتقد انها تحمل درسات فوق الجامعية
في هذا التخصص ومع ذلك كانت قراءتها لقذف البشير بالجزمة كما جاء في صدر البوست

جزمت الاستاذة ميادة من قبل و على صفحات هذا المنبر ان لبنان لا وزن سياسي لها
الكيزان دول سائقين البلد الى اين

Quote: أريت الجزمة كان بقت رصاصة....كان ريحتنا من المجرم الرمة....وكان الإنتخابات إتلغت....وكان الشعب السوداني خرج عن بكرة أبيه تعبيرآ عن الفرح والخلاص....

يا د. راشد
مادام الموضوع بالتمنيات
ياخي كان تقول ياريت لو بقت الجزمة قنبله
عشان تكشهم بصمتهم ونرتاح منهم (عن بكرة ابيهم وامهم ) .

Quote: واحب اوضح اني انا بت ملوك النيل يعني ادخل اصبعي في عين اجعص زول فيكم (لو غلطان علي ) ولا من عادتي اني اهرب وقع ليكم ولا !!!!!!!!!!

يا مياده يا أختي ..
صدقيني لا تحتاجي لهذه اللغة لتوصيل فكرتكـ ..
ياخي قناعاتكـ الما عايز يحترمه فهو وشأنه
فقط رجاء ثم رجاء ( من زميل حوش ينظر لكـ باعتباره أخت شقيقه ) لا تستعملي هذه العبارات ..

حصحص الحق

عفيييييييييييييييييت منه..مباااااااااااااالغة ....الرئي...ي بغداد... توجد صورة

مهما يكن رأينا في البشير وفي نظام حكمه،
هذا التصرف مدان ، ودخيل على ثقافة السودانيين
في التعامل مع كبار السن.

ولكن ،

فليشرب البشير ونظامه من نفس الكأس ،
فهم الذين أدخلوا ثقافة إهانة الكبار في بلادنا ،
عندما جعلوا من ابناء الأراذل والفاقد التربوي،
حراساً لهم يضربون ، أمام اعينهم ،
المعلمين وأساتذة الجامعات ويكيلون لهم الصفعات ،
يهينون رجالاً في اعمار آبائهم.
تشهد على ذلك بيوت أشباحهم وسجونهم .
وضحاياهم ما يزالون أحياء.

إذن فليشربوا من ""زيرهم"" الآسن و""بكوزهم"" المرذول.
فمن يزرع الريح يجني العاصفة.


تحياتي

Quote: يا مياده يا أختي .. صدقيني لا تحتاجي لهذه اللغة لتوصيل فكرتكـ .. ياخي قناعاتكـ الما عايز يحترمه فهو وشأنه فقط رجاء ثم رجاء ( من زميل حوش ينظر لكـ باعتباره أخت شقيقه ) لا تستعملي هذه العبارات .. [/ يا أستاذ عمران نصيحهً تخدرك... أريتا تعمل بيها.....والله تنفعها فى عمرا دا.... تحياتى إقبال

---

Post: #45 Title: Re: الرئيس البشير الذي قوبل بمسيرات عفوية عقب صدور مذكرة الاعتقال يستحيل ان يقذف بحذاء(يوجد فيد Author: Alshafea Ibrahim Date: 01-26-2010, 03:06 PM Parent: #44 سلام ياميادة أها قالوا مجنون ، والمثل بقول خذوا الحكمة من أفواه المجانين ... وبعدين 95% من أبناء الوطن يعيشون تحت خط الفقر من عاطل للصالح العام ومزارع فقد مصدر رزقه وعامل نسيج أو غزل فقد عمله ، فيهم النازح المشرد ، فيهم من فقد عائله ، الطلاب العاطلين شرائح لا تحصى لن ولم يجدوا طريقة في إيصال صوتهم للبشير بسبب ال 5% اللذين استحوزوا على السلطة والمال وشبعوا شبع في رقيص البشير وكلامه الأجوف وكذبه المكرر ، أما آن الآوان لهذه الأغلبية أن يصل صوتها أو حذاؤها للبشير ؟ هل البشير أفضل وأقرب درجة لله من الرسول الأكرم الذي نال ما نال من صنوف التعذيب والرمي بالحجارة ؟ وصيتي كل من يجد فرصة لقاء البشير وتم منعه من كلاب السلطة .. أن لا يتردد في التعبير عن رايه بأية وسيلة ولو كانت الرمي بالحذاء وبعدين يجوا أهله ويقولوا مسكين كبير ومحمول وبتعالج عن الشيخ فلان وطلع من مدة وما عارفين ليه مكان .. وبعد داك يأخذ حظه من العذاب الأليم ويصدر بحقه عفو رئاسي مصحوب بالتبرع بالعلاج ؟؟؟ فتك بعافية الشفيع إبراهيم

---

Post: #46 Title: Re: الرئيس البشير الذي قوبل بمسيرات عفوية عقب صدور مذكرة الاعتقال يستحيل ان يقذف بحذاء(يوجد فيد Author: NEWSUDANI Date: 01-26-2010, 03:38 PM Parent: #45 Quote: واحب اوضح اني انا بت ملوك النيل يعني ادخل اصبعي في عين اجعص زول فيكم (لو غلطان علي ) ولا من عادتي اني اهرب وقع ليكم ولا !!!!!!!!!! أها يا بت ملوك النيل رأئك شنو ضربو بالجزمة ولا ما ضربوا ؟؟ على الرغم من أنك في عمر أبنتي لكن في الزمن الأنقاذي ده كله متوقع

---

Post: #47 Title: Re: الرئيس البشير الذي قوبل بمسيرات عفوية عقب صدور مذكرة الاعتقال يستحيل ان يقذف بحذاء(يوجد فيد Author: Kostawi Date: 01-26-2010, 03:56 PM Parent: #46 عيييييييييك طلعوك كذابة!!! قالت كانت حاضرة! هو الكيزان غير الكذب عندهم شنو!!

---

Post: #49 Title: Re: الرئيس البشير الذي قوبل بمسيرات عفوية عقب صدور مذكرة الاعتقال يستحيل ان يقذف بحذاء(يوجد فيد Author: ناصر المحسى Date: 01-26-2010, 04:44 PM Parent: #47 الجزمة عشان نشترى كمية قبل .... فى السوق

---

Post: #50 Title: Re: الرئيس البشير الذي قوبل بمسيرات عفوية عقب صدور مذكرة الاعتقال يستحيل ان يقذف بحذاء(يوجد فيد Author: mayada kamal Date: 01-26-2010, 04:51 PM Parent: #26 يا bob Quote: قلنا.. مرارا.. وتكرارا...بأن ..الخفه.. ما كويسه!! إتلهي !!!! وإنتوا منو !!!!!

---

Post: #51 Title: Re: الرئيس البشير الذي قوبل بمسيرات عفوية عقب صدور مذكرة الاعتقال يستحيل ان يقذف بحذاء(يوجد فيد Author: ناصر المحسى Date: 01-26-2010, 05:35 PM Parent: #50

---

Post: #52 Title: Re: الرئيس البشير الذي قوبل بمسيرات عفوية عقب صدور مذكرة الاعتقال يستحيل ان يقذف بحذاء(يوجد فيد Author: ناصر المحسى Date: 01-26-2010, 08:32 PM Parent: #51 *

---

Post: #53 Title: Re: الرئيس البشير الذي قوبل بمسيرات عفوية عقب صدور مذكرة الاعتقال يستحيل ان يقذف بحذاء(يوجد فيد Author: bob Date: 01-26-2010, 10:05 PM Parent: #50 Quote: إتلهي !!!! وإنتوا منو !!!!! لقد ثبت هنا جليا..علاقتك..الوثيقه بملوك الترع!!

---

Post: #54 Title: Re: الرئيس البشير الذي قوبل بمسيرات عفوية عقب صدور مذكرة الاعتقال يستحيل ان يقذف بحذاء(يوجد فيد Author: عمران حسن صالح Date: 01-28-2010, 10:45 AM Parent: #53