Post: #1 Title: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 01:54 PM
انه فعلا زمن العجائب .. غايتو زمن !! وريتنا جديد ما كان على بال ... زى ما بقول الثنائى الوطنى
Post: #2 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 02:00 PM Parent: #1
المرة دى حاجة تانية خالص تختلف عن الكلاب غريبة الشكل و الحجم التى ظهرت فى عدة مناطق .. اهل المنطقة قالوا خنزير .. و ناس جريدة الدار قالوا حلوف .. و حين هاتفت ابنى احمد اكد لى انه خنزير برى بأنياب طويلة .. و فعلا وجدته كذلك .. فى حجم الثور الا قليلا ..
Post: #3 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 02:06 PM Parent: #2
الصور عن صحيفة الدار
Post: #4 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 02:29 PM Parent: #3
هذا الحيوان الغريب فى قرية البشاقرة شرق التى تقع قبالة التكينة بالضفة الغربية للنيل الازرق و ذلك فى التاسعة صباح امس ، و قام مواطنو البشاقرة بمطاردته فـــى معركة ارتفع صوت ضجيجها ليكون مسموعا فى التكينة . حين ضيقوا عليه الخناق دخل الخرتيت النيل الازرق و عبره سباحة للتكينة ، ليجد الرجال و الشباب و النساء و الاطفال فى انتظاره .
Post: #5 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Ahmed Khalil Date: 01-25-2010, 02:46 PM Parent: #4
خرتيت ?
Post: #6 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Ahmed Khalil Date: 01-25-2010, 02:53 PM Parent: #5
Quote: اهل المنطقة قالوا خنزير .. و ناس جريدة الدار قالوا حلوف .. و حين هاتفت ابنى احمد اكد لى انه خنزير برى بأنياب طويلة
اهل المنطقة و ناس جريدة الدار و احمد كلهم صاح ...الخنزير البري ياهو الحلوف.
Post: #8 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: احمد معتصم الطيب Date: 01-25-2010, 02:56 PM Parent: #6
(اهل المنطقة و ناس جريدة الدار و احمد كلهم صاح ...الخنزير البري ياهو الحلوف.)
أو الكدروك
Post: #7 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 02:55 PM Parent: #4
بين كر و فر .. و مطاردات عنيفة .. شئ بالجرى ، و شئ بالركشات ، و تراكتور كان الامثل فى المطاردة . بين المزارع و الاشجار النيلية امتدت المطاردة لخمسة كيلومترات حتى قرية فضل ، ليتمكن سائق الجرار من ضربه بالمحراث مما ادى الى كسر عموده الفقرى . عادت الكتيبة المطاردة بالتهليل و التكبير ووضعوا الحيوان فى ساحة عامة جوار المقابر لتشهد المنطقة تجمعا هائلا للمواطنين و حضور شرطة قسم المسيد ، التى استلمت الخرتيت مع وحدة بيطرية مرافقة .
المهم : ان هنالك اثنان من نفس الفصيلة شاهدهما اهل البشاقرة شرق و لم يتم العثور عليهما ، و تقوم الشرطة الان بتمشيط المنطقة .
Post: #9 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 02:57 PM Parent: #7
راجع ليكم بعدين بزيادة صور
Post: #10 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: مزمل خيرى Date: 01-25-2010, 03:06 PM Parent: #9
التكينة أحمدالله ماكنت فى التكينة ، يمين لو كان لًم فيك كان وداك التوج .. بس انشاءالله الاهل طيبين .؟
Post: #11 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: السيد المسلمي Date: 01-25-2010, 03:13 PM Parent: #10
Quote: التكينة أحمدالله ماكنت فى التكينة ، يمين لو كان لًم فيك كان وداك التوج
الف حمدلله علي السلامة ياأستاذ التكينة ..
Post: #12 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: سناء عبد السيد Date: 01-25-2010, 03:38 PM Parent: #11
يا جماعة الحلوف او الخنزير البحري , حيوانات عشبية و تواجدها في المناطق دي شيئ عادي لا يستحق كل هذا الضجيج
شعرت بألم شديد تجاه ما تعرض له هذا الحيوان المسكين , الأحاديث عن الرفق بالحيوان كثيرة و رجاءً رفقا بالحيوانات
Post: #42 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 08:25 PM Parent: #12
Quote: يا جماعة الحلوف او الخنزير البحري , حيوانات عشبية و تواجدها في المناطق دي شيئ عادي لا يستحق كل هذا الضجيج
انتى حصل يا سناء شفتى الحلوف و لا كلام نظريات ؟ غايتو كان شفتيهو و ما خفتى يكون ليك حق .. لكن مع الكلام المالى البلد عن حيوانات غريبة كل يوم بى شكل ... و تظهر حاجة عمرهم لا شافوها لا سمعوا بيها .... دايراهم يتعاملوا معاها كيف ؟ يا سناء الشئ ده ساكاها البشاقرة كلها لما وقع البحر .. و طلع بالضفة التانية فى حالة ذعر ام هياج لا ادرى ، فحصل ما حصل ... للفقيد الرحمة .
Post: #13 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: ناصر جبريل Date: 01-25-2010, 03:44 PM Parent: #11
Quote:
قسم المسيد ، التى استلمت الخرتيت مع وحدة بيطرية مرافقة .
[U
التكية
Quote:
(اهل المنطقة و ناس جريدة الدار و احمد كلهم صاح ...الخنزير البري ياهو الحلوف.)
الخرتيت او وحيد القرن
Post: #15 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Tragie Mustafa Date: 01-25-2010, 04:01 PM Parent: #13
يا التكينه هو عمل شنو؟؟ هل هاجم الناس مثلا؟؟؟
ولا به ما بيعرفوهوا اهلكم وهم الخافوا منه؟؟؟
اعلم انه حيوان نباتي اي لا ياكل اللحوم.
انا اتفق مع سناء عبد السيد.
بعدين الانقا1 دي شكيتها على الله
شكلها جوعت كل حاجه وجابت الفقر لبلدنا
و الا فلماذا هذه التغيرات في كل ما هنالك حتى الحيوانات البريه
حياتها تأثرت....
كدي اتقصوا وشوفهم بعلموا في البيئه الحولكم شنو(ناس الحكومه)؟؟؟
خلت الحيوانات دي جاءت عليكم في القرى و الحلال.
Post: #14 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: أبو عبيدة البصاص Date: 01-25-2010, 04:00 PM Parent: #10
Quote: كان وداك التوج ..
مزمل تعرف باين عليك دفعتنا
التكينه
حمد الله لسلامة اهل التكينة
البصاص
Post: #16 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: خالد عبد الله محمود Date: 01-25-2010, 04:21 PM Parent: #14
التكينة يا عمكـ أسه يعني ناس البشاقرة و التكينة كلهم خالين شغلهم وخايفين و مطاردين ليهم خنزير بري بيخاف من ظلوا ؟؟؟ ياخ الخنزير ده من أجبن الحيوانات و هو أصلاًَ عشبي يعني ما حياكل ليهو زول و حتى قرونوا دي ما بستعملها إلا في حالة إضطراره الشديد للدفاع عن النفس .. الخوف أن يكون هذا الخنزير لديه صغار تعتمد عليه في تأمين القوت
الكلام ده ما كويس في حق أهلنا ناس التكينة يا عمكـ !!
Post: #43 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 08:29 PM Parent: #16
Quote: الخوف أن يكون هذا الخنزير لديه صغار تعتمد عليه في تأمين القوت
هو لو فضل فيها قوت يا خالد مرق من غابتو ؟
Post: #17 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: سناء عبد السيد Date: 01-25-2010, 04:26 PM Parent: #14
فعلاً والله الحاجات دي عايزة وقفة شوية الكلاب الفي الحلة اتوحشوا و بقوا ياكلو الناس
الضباع و الذئاب الفي الخلا ما لاقيه التاكلوا
و اخيراً الحلوف طلع من البحر مالقي الياكلو في البحر
بعد شوية تلقوا التماسيح طالعة و ماشة في الشارع عادي
و لسه الأسود و النمور ما ظهروا لأنهم صبوريين لكن لمن صبرهم ينفد بجوا مارقين
غايتو في عهد الإنقاذ شفنا العجب
Post: #18 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: فضل الله خاطر Date: 01-25-2010, 04:35 PM Parent: #14
العزيز أنور سلامات يبدو أن أهل التكينة لا يفرقون ما بين الحلوف وهو الخنزير البري ووحيد القرن وهو الخرتيت الحلوف حيوان عادي ويمكن أن يوجد في أي مكان حتى ولو كان هذا المكان جوار الخرطوم وليس التكينة وذلك لسبب بسيط وهو أن الخنزير هو حيوان عشبي وفي سبيل البحث عن العشب يمكن أن يسرح في طريقه إلى أي مكان فواضح ان الحنزير ذهب مع الريح من الجنوب إلى الشمال على خط النيل. أما الخرتيت فإذا ظهر هناك فلا يستطيع هؤلاء الأهالي التصدي له على طريقة الركشات والحصار البشري في ساحة مكشوفة الله لا وراكم الخرتيت فهو مثال للفراسة لما يتوحش. مع خالص مودتي لك وللمتداخلين
Post: #19 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Haitham Elsiddiq Date: 01-25-2010, 04:56 PM Parent: #18
متي نصبح شعبا يحترم الحياة...
أمة تحب القتل بدون سبب...ماذا فعل هذا الحيوان المسكين لكم ياقوم....
Post: #20 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Dania Elmaki Date: 01-25-2010, 05:32 PM Parent: #19
Quote: متي نصبح شعبا يحترم الحياة...
أمة تحب القتل بدون سبب...ماذا فعل هذا الحيوان المسكين لكم ياقوم....
Post: #21 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: محمد عثمان الحاج Date: 01-25-2010, 05:46 PM Parent: #20
مرافعين وكلاب متوحشة وهسع كمان جابت ليها حلوف, ياترى الجاي شنو؟ البلد دي الحاصل فيها شنو؟
Post: #22 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: الطيب شيقوق Date: 01-25-2010, 06:12 PM Parent: #21
كيفك التكينة
اقرب منطقة يتواجد فيها هذا الخنزير او ما يسمى عندنا بالكدروك هي منطقة الدندر وبالتحديد محمية الدندر .
الجفاف هو السبب في نزوج حيوانات الحظيرة الى الداخل
توقعوا نزوح الاسود والجاموس والكثير
مودتي
Post: #44 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 08:32 PM Parent: #22
Quote: الجفاف هو السبب في نزوج حيوانات الحظيرة الى الداخل
توقعوا نزوح الاسود والجاموس والكثير
ود شيقوق حبابك ..
غايتو الله يستر ... هو نحن ناقصين ؟
Post: #23 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: باسط المكي Date: 01-25-2010, 06:21 PM Parent: #21
Quote: أمة تحب القتل بدون سبب...ماذا فعل هذا الحيوان المسكين لكم ياقوم
Post: #24 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Abureesh Date: 01-25-2010, 06:29 PM Parent: #23
وصورة ملحقة لحلوف يشبـه ما عندنا فى شرق الســودان، كما فى إثيوبيا، حلوف مسالم ونباتى، يعنى لو قدمت ليه هامبرقر ما بيتناولو منك.. البوست قال أن حيوانا غريبا (اخر زمن ناس التكينة بقو حناكيش)
ظهر فى قرية التكينة وقام المواطنون بعد مطاردة لعدة كيلومترات قتلوه بتراكتور.. وأستلمت الشرطـة (الجثـة).
يعنى بالله لو أسروه ووضعوه فى مكان فى القرية وأدوه علف وماء، لكان مصدرا خصبا لخيال الأطفال وتعجب الكبار، ولأضفى على القريـة نوعا من التصالح مع البيئـة ودرجـة كبيرة من (الطبيعيـة)..
وبهـذه المناسبـة أعيـد نشـر (قرنتية) هنا أيضاً
قرنتية
لا دبابة برمائية
لا جاسوسة مدسوسة
لا غواصة روسية
لا جندية في حركة
لا مختلسة مال شركة
لا قصفت حدود فشلا
لا كسرت صريف كسلا
ولا معروفة ختمية
قرنتية
لا صعلوكة لبست شورت
لا بتعرف شنو البظبورت
لا محتاجة جنسية
هي قايلة النيل سقف بيتا
وقايلة ضفافو محمية
جات منسابة عز الصيف
قايلة الناس بكرمو الضيف
قايلة النيل أمان والقيف
وقايلة الحاضرة عصرية
قرنتية
جات بصغارا دايرة الخير
لا شافت يفط تحذير
لا نزحت تكوس توزير
لا جاطت حركة السير
لا درات وسام تقدير
لا مستغلة عشرين وش
ولا بتعرف تعيش بالغبش
كان محتاجة بس للقش
وجات أحلامها دوغرية
قرنتية
لا بلعت عديل السوق
لا نضمت بدون طايوق
لا كنزت دهب أمو ماس
لا ظلمت بدون إحساس
لا عصرت شباب الناس
لا كتمت على الأنفاس
لا قطعت عشم بي فاس
لا داستنا زندية
قرنتية
لا دست سلع في الخيش
لا شربت مريسة العيش
لا ضبطوها في التفتيش
لا سجنوها شالو الفيش
لا خانت قسم أوديش
لا اجتمعت بمستر جون
لا أكلت مونة العون
لا سدت علينا الكون
لا سبت كتاب أو دين
لا سامتنا حمرة عين
ولا باعتنا ضهرية
قرنتية
جات مشتاقة للخرطوم
تزور أحبابها خايفة اللوم
تصيح وتنادي بالحلقوم
جنينة النزهة وين يا زول؟؟
لقت حال الجنينة خلا
حليل زمنها وحليل أهلها
لا قرنتية لا أصلة
لا صوت كوكو
لا بغلة
لا حلوف
ولا أسداً مهاب بالخوف
لا نمراً يشد الشوف
لا ضل فيل
لا تتيل
جريهو جميل
ولا غزلان ولا طاووس
يباهي النيل
لا زفة طيور ونعام
لا نمراً دفر قدام
كل الشلة يا غرنتية غمضة عين
أحالوهم لصالح عام
تقول الدنيا مهدية!
قرنتية
جت زي ضيفة ما غارة
لا محتاجة لي فيزا
ولا تصديق على زيارة
جات والشوق دموع حارة
تجدد في العيون الشوف
بين توتي وعلالي أبروف
قايلة الدنيا لسة سلام
ما خيم زمان الخوف
ولسة هناك ضعاف حرة
ما مطمورة للمرة
قايلة الناس بعزو الضيف
ما بسوقوهو لي حفرة
وجوار القيف
ما بيكلوهو في السفرة
ومصيرو مخيف
قايلة الحاضرة ما غابة
وقايلة حقوقها محمية
قرنتية
لا قدلت في شارع القصر
لا حامت في وقت الحظر
لا خشت على المأمور
ولا نطت سلك أو سور
لا دخلت على أمدرمان
ولا كسرت قفل دكان
لا دفرت على التلفاز
لا عضت كراع فنان
لا ذاعت بيان للناس
لا احتلت كمان حيشان
ولا نصبت شبك للحش
جات بصغارا كايسة القش
تلاقي القوت
صبح محظور
وخير البقعة جوا السور
سماحة الدنيا منسية
قرنتية
لا بتعرف عجن أو لخ
وجات أحلاما دوغرية
عجب ساقوها جوة الفخ
عجب من طولها وقعت تخ
عجب سلخوها صبحية
عجب
ونحنا
بنسلخ الانسان
كيف ما نعذر الحيوان
عجب والدنيا عصرية!!
قرنتية
لا دبابة برمائية
لا جاسوسة مدسوسة
لا غواصة روسية
لا جنيدة في حركة
لا مختلسة مال شركة
ولا حزبية بعثية!!
هاشم صديق
11/8/2001
Post: #26 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Abureesh Date: 01-25-2010, 06:45 PM Parent: #24
Quote:
" ، ليتمكن سائق الجرار من ضربه بالمحراث مما ادى الى كسر عموده الفقرى ."
damn
يا ناس التكينة إتقوا الله..
هـذا الحلوف من شرق لســودان وإثيوبيا معروف، وهو نباتى، مسالم.. سوى ليكم شنو؟
هل إتهجم على زول؟
هل دخل زراعة وخربها..
ألا تحبون الطبيعـة؟
دى نعمة الله ساقها ليكم، لتفرجوا الأطفال فى مخلوقات الله المختلفة.. فى أروربا الناس تسافر عشـان يشوفوا الطبيعة.
ألا توجد سلطات فى الســودان لحماية الحيوانات النادرة؟
Post: #37 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 07:55 PM Parent: #24
Quote: لا خانت قسم أوديش
لا اجتمعت بمستر جون
لا أكلت مونة العون
لا سدت علينا الكون
لا سبت كتاب أو دين
تعرف يا اتبو الريش قصيدة الحاردلو دى لما نشرناها فى الصحافة 2001 دخلتنا المعتقل اسبوع و معى الاساتذة هاشم صديق و كمال حسن بخيت و احمد عمرابى و المرحوم عبد القادر حافظ .
Post: #25 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 06:39 PM Parent: #21
كدى خلونى من الفلسفة و ناس التكينة ما عندهم ذوق و ما عندهم رحمة .. دى حاجة اول مرة يشوفوها فى حياتهم ، عشان كده قلت زمن العجائب .. يا اخى ده مخلوق قبيح و مخيف ، حتى الثانية صباحا لم يستطع عبد العزيز ابنى ذو التسع سنوات النوم من المنظر الذى راه ، شوفو القرنين و الاضالفين و ورونا ده خرتيت و لا حلوف و لا خنزير ؟ و ما هى مناطق تواجده الطبيعية ؟ و ما الذى جاء به لشرق النيل .. المنطقة التى وجد فيها ؟ العارف يقول ، وز الما عارف يستغرب زينا من الامور البقت مايلة دى .
Post: #27 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 06:46 PM Parent: #25
اها يا ابو الريش ... رأيك فى كتيبة النصر دى شنو ؟؟؟ قال عاوز يعمل لينا جنينة حيوانات !!!
Post: #28 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 06:56 PM Parent: #27
Post: #31 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: حامد محمد حامد Date: 01-25-2010, 07:04 PM Parent: #28
Quote: شعرت بألم شديد تجاه ما تعرض له هذا الحيوان المسكين , الأحاديث عن الرفق بالحيوان كثيرة و رجاءً رفقا بالحيوانات
فعلا يا سناء لماذا القتل؟
Post: #29 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: على ميرغني Date: 01-25-2010, 06:57 PM Parent: #27
سلامان ياناس التكينة الحيوان المسكين دا حلوف او خنزر بري وموجود في كل مناطق السافنا في السودان وكمان بيربى كحيوان اليف في بعض المناطق زي جبال النوبة وجنوب النيل الازرق وأعالي النيل. ولا استبعد ان يكون هرب من مزرعة بالمنطقة. ولا تنسوا المزرعةالسرية لتربية الخنازير التى اكتشفت بولاية الخرطوم بعدكارثةانفلونزا الخنازير.
Post: #30 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: منال Date: 01-25-2010, 06:58 PM Parent: #27
حسى العالم دى كلها ملمومه فى الحيوان المسكين ده
زى يوم اتلمو فينى يوم مشيت التكينه (بهظر معاك )
ياخ التكينه دى حلوة حلا وناسا حلوين
انا اول مره ازورها عيد الاضحى عندى فيها ناسا عزاز
احلى حاجه عندكم يا انور الناس بتنوم فى الحوش والنجوم عندكم كتييييره
Post: #32 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Abureesh Date: 01-25-2010, 07:20 PM Parent: #30
Quote: انا اول مره ازورها عيد الاضحى عندى فيها ناسا عزاز
الله مرقك يا منال..
ناس التكينة ديل الحاجة البشوفوها أول مـرة دى بيسكوها بالركشات والتكترات نامن يجبيوا خبرها.
Post: #33 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Alfarwq Date: 01-25-2010, 07:31 PM Parent: #32
الم جنها نظريات و فلسفة بشكل ؟؟؟؟
يا عالم الحلاليف متواجدة بكثر في المزارع بالاخص المزارع الكثيفة زي مزارع الموز ... و عندنا في كسلا متواجدة بكثرة ... و اذكر انه في حلوف طلع من مزلاعة موز في كسلا في عام 1980 و شف حي الترعة جنوب الى ان وقع في بئر ساقية في نفس الحي ... و عندنا حي اسمه حي حلوف ... يعني الحلوف ما هربنا من غابة الدندر و لا من اي غابة او مزرعة مهجورة ... بطلوا خرافات و فلهمة في الفاضي و نطريات ة تعليق كل شئ في ؤقبى حكومة الجن دي ...
بالمناسبة في دول الباسيفيك ياكل الحلوف زي و زي اي خنزير حايم
ما تخلوني اطلع فيكم قرفة مبارة مصر و الكميرون
Post: #34 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: أحمد الشايقي Date: 01-25-2010, 07:41 PM Parent: #33
يا أنور سلام
ياخي الشئ دا كدروك
سمين شوية بس كدروك عادي
يعني ما في شئ مزعج
ليك تحية
أحمـد
Post: #36 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Abureesh Date: 01-25-2010, 07:52 PM Parent: #34
الأخ أنور،
مافى فلسفـة.. فلسفة لشنو!
اطفالكم خافوا لأنهم شافوا الكبار مستغربين.. الأطفال ما عندهم حيوان قبيح وحيوان شين، لو حببتوهم الى الطبيعـة كما هى لما خافوا منه.. ونحن كأطفال كنا نبتهج عند رؤيـة الحلوف أو القرد.. ونظل ننظر اليه حتى يتوارى.
عاين دا مع كلب اسمو بل دوق، معروف أنه من أقبح الكلاب (حسب تقييم الكبار)
Post: #39 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 08:03 PM Parent: #36
Quote: ونحن كأطفال كنا نبتهج عند رؤيـة الحلوف
كمان برى فيها حلاليف ؟ زمان وين و دلوقتى وين ؟ اصحى يا بريش اقصد يا ابو الريش
Post: #45 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 08:34 PM Parent: #33
Quote: ما تخلوني اطلع فيكم قرفة مبارة مصر و الكميرون
رشهم يا الفاروق .. ديل بتاعين نظريات
Post: #38 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 07:57 PM Parent: #32
Quote: الله مرقك يا منال..
كدى تعال انت يا الفالح ..
Post: #35 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 07:50 PM Parent: #30
Quote: زى يوم اتلمو فينى يوم مشيت التكينه
ناس التكينة يا منال اصلو ما بشتغلو بى الحاجة العادية .. و ما يتلمو الا فى شيتا قاطع .. يا شنا قاطعة .. يا حلا قاطعة ..( صدقتى مش ؟ )
لك التحية
Post: #40 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: هاشم نوريت Date: 01-25-2010, 08:07 PM Parent: #35
بس فضل الديناسور ودا كمان قريب نسمع انو هاجم الخرطوم اصلوا خليل افتتح حاكية الهجوم وكدا الله يسلمكم ياناس الخرطوم
Post: #41 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 08:14 PM Parent: #40
Quote: يا التكينه هو عمل شنو؟؟ هل هاجم الناس مثلا؟؟؟
ولا به ما بيعرفوهوا اهلكم وهم الخافوا منه؟؟؟
اكيد يا تراجى خافوا منو لانو اول مرة يشوفوا خلقة زى دى ..
التصحيح لخطأ فى اسم ام حازم
Post: #48 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: نادية عثمان Date: 01-25-2010, 08:42 PM Parent: #41
التكينة أخوي
سلامتكم من الهجمة
لكن النصيحة لي الله كامل التضامن مع الحيوان ده ياخ زكرني القرنتية المسكينة ديك !!
Post: #49 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Abureesh Date: 01-25-2010, 08:44 PM Parent: #41
Quote: كمان برى فيها حلاليف ؟
تسألنى أنا عن برى يا أنور؟
ما تسأل نفسك طيب ياخ؟
تعرف أول مرة أجى بالقطر من بورسودان.. بالتذكرة كانت إتنين وتمانين قرش من بورسـودان للخرطوم عمومى. نزلت مع أبناء عمنا فى بحرى (المزاد) ثم الى أمدرمان.. يعنى برى دى لا شفتها ولا مريت بيها إلا فى الطريق لمعرض الخرطوم الدولى. والحلايف دى ونحن صغار كنا نشوفها فى غابات العدليب جنوب طوكر، حيث خلقنا الله من أجداد جدودنا وجدود أجدادنا.
Post: #53 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: محمد زكريا Date: 01-25-2010, 09:07 PM Parent: #41
فطستنا من الضحك بس ما زي فطسه حلوف التكينه ذكرتني المثل التسوي كرت تلقياها في جلدها ===== يا ناس هوي انور جاب ليكم خبر وشكلو متوقع صم سيمباتي...تقومو تشبكوه التكينه وما ادراك ما الكدروك وما الحلوف والرفق بالحيوان وهلم جرا ===== لكن والله اتكيفت من البوست واتخيلت المنظر ....ياخ ده فلم جاهز للاوسكار في الكوميديا ==== علي اي حال كل تضامني مع ناس التكينه ونرجع نقول للكدروك تموت تستاهل وتستحق تتقرص لحدي ما تموت تاني البوديك لي نا ما بشبهوك شنو ==== انور التكينه حلفتك عليك الله ما تزعل مني ...خلي روحك رياضيه
وكل التحيه والاحترام لك ولجميع الاهل بالتكينه
===== تخريمه انتو يا العارفين الشيء ده صحي لحمو بتاكل؟ يعني في ناس في السودان بياكلو؟
Post: #46 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 08:42 PM Parent: #40
Quote: بس فضل الديناسور
غير ود هبانى و صديق مهدى ؟
Post: #47 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 08:42 PM Parent: #40
Quote: بس فضل الديناسور
غير ود هبانى و صديق مهدى ؟
Post: #50 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: رشا بابكر Date: 01-25-2010, 08:48 PM Parent: #35
تحياتي ليك استاذي العزيز/انور
وسلام لأهلنا في التكينة
تصور أن الخبر جاني من ودراوة انو في حيوان ظهر في البشاقرة والصباح قريت في الجرايد انو دخل التكينة ياسيدي حمدآ لله على السلامة وبالجد حاجة مش تخوف دي ممكن تقتل عديل والسبب انو اهلنا الطيبين ديل ماشافوا حيوان بالشكل المرعب ده وانا من هنا استنكر وبشدة تعاطف بعض الأخوة واعتراضم على قتله يعني مطلوب من الناس كان تنتظرو لغاية ما يموتوا نفرين تلاتةمن الخوف حتى بعد داك العكاكيز تقع ولا رايك شنو اختنا منال حكاية الرفق بالحلوف اقصد بالحيوان دي اهلنا ما بمارسوها مع مصيبة قدر ده تاني سلامة اهلنا في التكينة ومايشوفوا تاني لا حلوف ولا مرفعين
Post: #51 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Abureesh Date: 01-25-2010, 08:58 PM Parent: #50
دى مشكلـة وعى بالبيئـة لا أكثر..
أخونا أنور يتحدث عن خرتيت برى..
هل فى خرتيت اليف؟
Post: #52 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 09:00 PM Parent: #50
Quote: تصور أن الخبر جاني من ودراوة انو في حيوان ظهر في البشاقرة والصباح قريت في الجرايد انو دخل التكينة
رشا بت اهلى .. كيف حالك .. غايتو الله يستر ، ود شيقوق قال دى حيوانات الدندر انطلقت .. بعد كدى تلزمنا رشاشات ..
Post: #54 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 09:14 PM Parent: #52
Quote: يعنى برى دى لا شفتها ولا مريت بيها إلا فى الطريق لمعرض الخرطوم الدولى.
لا كان كده انا غلطان .. تعرف من زمان مفتكرك من عائلة ابو الريش العريقة فى برى ؟
Post: #55 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Abureesh Date: 01-25-2010, 09:17 PM Parent: #54
Quote: لا كان كده انا غلطان .. تعرف من زمان مفتكرك من عائلة ابو الريش العريقة فى برى ؟
الحمد لله الفرصـة جات بالصدفـة للتصحيح.
ولم يحصل شرف التعرف على عائلة ابوالريش العريقة فى برى..
Post: #56 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-25-2010, 09:24 PM Parent: #55
Quote: انور التكينه حلفتك عليك الله ما تزعل مني ...خلي روحك رياضيه
تعرف يا محمد زكريا لو ما حلفتنى بى الله كنت خليت نشامى التكينة ينتظروك فى المطار .
Post: #57 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: ذواليد سليمان مصطفى Date: 01-25-2010, 09:26 PM Parent: #10
Quote: التكينة أحمدالله ماكنت فى التكينة ، يمين لو كان لًم فيك كان وداك التوج .. بس انشاءالله الاهل طيبين .؟
حمدالله على سلامة اهلك
ولكن لن ننسي الحديث الشريف
قال رسول الله صلي الله عليه وسلم :(الرفق بالحيوان).
Post: #58 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: المسافر Date: 01-26-2010, 05:51 AM Parent: #57
Quote:
(شطحت انا ولاحاجه ؟)
لا لا
شطح الحلوف ده
شطح ونطح
شطح وقطع البحر
لما جاء التراكتر
وضرب وبطح
وقع ما فرفر
يمكن جاي يترشح
في التكينة غرب
Post: #59 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: المسافر Date: 01-26-2010, 06:17 AM Parent: #58
حلوفنا ده قطع البحر والميتة ليه ميتة شينة مكتوبة ليه يلقاها في التكينة حلوفنا ده
Post: #60 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: saadeldin abdelrahman Date: 01-26-2010, 06:18 AM Parent: #58
Quote: قال رسول الله صلي الله عليه وسلم :(الرفق بالحيوان).
يا ذا اليد.. هل صلى الله عليه و سلم قال كدا ام ما معناه كدا؟
الأمر كما قال الآخ أبوالريش مشكلة وعي بالبيئة وخلعة! طافت بعقلي قصيدة قرنتية لاجده اوردها هنا .. الكدروك ده لو بسمع ترباس ما كان جاته عوجة ولا كسرة ضهر!
Post: #61 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: bob Date: 01-26-2010, 06:29 AM Parent: #60
Quote: خرتيت برى يهاجم اهلى فى التكينة
هسى الهجم على التانى منو...ياخى انتو قطعتوا ..البحر عوم!!
دايما..فاضحننا..وشارطين عينا..يا اهل العوض!
Post: #62 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-26-2010, 07:43 AM Parent: #61
Quote: دايما..فاضحننا..وشارطين عينا..يا اهل العوض!
أشـــــــرط ....... لا خلاس .. سميت نفسك بوب و قيل دى ثقافة و حضارة .. املأ بروفايروفايلك بصدق و بعدين نتكلم .
Post: #65 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: أيمن الطيب Date: 01-26-2010, 08:08 AM Parent: #62
سلام يا التكينة,,, ونبارك لكم هذا النصر المؤزر على الكدروك شقى الحال المسكين الجعان الجاكم يستنجد بيكم طالبا اللجوء الإنسانى,, أبوريش الطوكراوى ما البُرّابى سأل سؤال حيرنى الأقولو فيهو وأترك الإجابة لكم,,
Quote: ألا توجد سلطات فى الســودان لحماية الحيوانات النادرة؟
إنتو ابوريش دا بى جدو!!!!! يا ابوريش!!!!!!!!!!!!! دى جات صدفة ولا قاصدا؟؟؟؟
أجمعوا فلاسف هذا الزمان فقد تجدوا عندهم الإجابة!!!!
فعلا مفروض يكون فى سلطات لحماية الحيوان ولكن قبلها فلتكن هنالك سلطات لحماية الإنسان من السلطات,,
إنا لله زى ما بقول عماد عبدالله!!!!!!
مرة أخرى حمدا لله على سلامتكم أخى أنور,,
الركشة الوداها التكينة شنو بالمناسبة دى؟؟؟؟
تحياتى,,
Post: #71 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: bob Date: 01-26-2010, 08:51 AM Parent: #62
Quote: أشـــــــرط ....... لا خلاس .. سميت نفسك بوب و قيل دى ثقافة و حضارة .. املأ بروفايروفايلك بصدق و بعدين نتكلم .
بالله ركز معى...هسى دى كاحركات اهل العوض ولا..لا!! حلتين ساكين حلوف...لمن قطعتوا البحر عوم..وتجو تقولوا هجم علينا!! غايتو الخلعه الدخلتوها فى الحلوف ده لمن احيا ما حا تطلع منو!!
Post: #63 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: المسافر Date: 01-26-2010, 07:46 AM Parent: #61
التكينة ...
وينك ياخ...
أظهر وبين..
الحلوف الجنه وجنن
الحلوف ده
حننتوه ولا هو طبيعي محنن
يا فنان أوعك تزعل ... بزعل منك ها...
Post: #64 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: زهير حيدر صديق Date: 01-26-2010, 08:02 AM Parent: #60
الناس الما شافت وحيد القرن في القروش ولا في كتاب العلوم ما شافته لا في حديقة الحيوان ولا في التلفزيون ولا في النت؟!!!!! واضح إنو خنزير بري وأسمه (بومبا) لمن يتابعون تيمون وبومبا
Post: #66 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: حليمة محمد عبد الرحمن Date: 01-26-2010, 08:20 AM Parent: #64
Quote: زمن العجائب ... خرتيت برى يهاجم اهلى فى التكينة ( مؤكد توجد صور )
انور ازيك.. من وحي العنوان دا.. الكان مفروض يحصل انو الناس دي تهاجم الخرتيت دا في صمة خشمه.. صاح؟ ----- ياخي مجرد مزاح.. شكرا لك على هذه التغطية الحية والموثقة.. وحمدا لله على سلامة ناس التكينة.. وقفت طويلا عند تعليق زهير حيدر صديق العميق..
Post: #70 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-26-2010, 08:49 AM Parent: #66
Quote: شكرا لك على هذه التغطية الحية والموثقة.. وحمدا لله على سلامة ناس التكينة..
شكرا حليمة و تسلمى من كل شر
Post: #67 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: صالح عبده Date: 01-26-2010, 08:22 AM Parent: #64
من المفترض لن لاتقتل مثل هذه الحيوانات وتسلم لحديقة الحيوان
Post: #73 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-26-2010, 08:51 AM Parent: #67
Quote: وتسلم لحديقة الحيوان
يا حليلك يا صالح عبده .. انت من زمن حديقة الحيوانات ؟
Post: #68 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: أيمن الطيب Date: 01-26-2010, 08:25 AM Parent: #64
يا التكينة نسيت أقول ليك وإنت زول أخونا ومننا وفينا,,,
أنا كان محلك برفع أكبر تلفون وأصحى أبصلعة أقول ليهو هسسسسسسسسسسسسسسسسسسسسسسسسسسسسة هسسسسسسسسسسسسسسسسسسسة ما بكرة أقطع الفيلم دا,,
لأنو كان دينق صحى قبل كده كلنا نشوف لينا بلد نطلب منها لجوء,, جيتو مقنطر وإنت عارفو ما بقصر فى الملح
يا بكرى رأفة بأخينا التكينة ,, الحقو وأنقذو من دينق,,
خرتيتكم زاتو بمبى زى كاميرتكم,,
إنت متأكد ديل ناس التكينة ما قاردن سيتى؟؟؟؟؟؟؟؟؟؟؟
Post: #74 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-26-2010, 08:53 AM Parent: #68
Quote: أنا كان محلك برفع أكبر تلفون وأصحى أبصلعة أقول ليهو هسسسسسسسسسسسسسسسسسسسسسسسسسسسسة هسسسسسسسسسسسسسسسسسسسة ما بكرة أقطع الفيلم دا,,
اب صلعة ياتو فيهم يا ايمن .. بكرى و لا مزمل خيرى ؟؟؟
Post: #75 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: عصام دهب Date: 01-26-2010, 08:56 AM Parent: #68
Quote: حسى العالم دى كلها ملمومه فى الحيوان المسكين ده
زى يوم اتلمو فينى يوم مشيت التكينه
ياااي ..
Post: #69 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-26-2010, 08:48 AM Parent: #64
Post: #72 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: نيازي مصطفى Date: 01-26-2010, 08:51 AM Parent: #1
المنطقة الى عهد قريب كما يقول اهلنا الكبار كانت منطقة تعج بالغابات .. شكله الكدروك دا رجع يبحث عن غابات اجداده. سلامات يا تكينة ..
Post: #76 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: هشام هباني Date: 01-26-2010, 09:06 AM Parent: #72
نعزيك في وفاة صديقك الحلوف يا حلوف!
Post: #78 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: bob Date: 01-26-2010, 09:16 AM Parent: #76
Quote: الناس الما شافت وحيد القرن في القروش ولا في كتاب العلوم ما شافته لا في حديقة الحيوان ولا في التلفزيون ولا في النت؟!!!!! واضح إنو خنزير بري وأسمه (بومبا) لمن يتابعون تيمون وبومبا
طيب رد على المقطع الفوق ده..وسوف نؤجل قصة اهل العوض الى ما بعد حين..!!
ما تضايق يا انور..وتشبكنى بروفايلك واسمك!! نحنا هنا فى موضوع اهل العوض والخرتيت القطعتوا البحر عوم بعد هجومكم البربرى عليه!!
Post: #87 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-26-2010, 01:07 PM Parent: #78
Quote: طيب رد على المقطع الفوق ده..وسوف نؤجل قصة اهل العوض الى ما بعد حين..!!
طيب يا بوب ..الرد بهدوء : نعم رأينا وحيد القرن رأى العين .. لكن صاحبنا ده عندو قرنين .. اها كيف الحل ؟
Post: #77 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: أيمن الطيب Date: 01-26-2010, 09:07 AM Parent: #72
التكينة,,
Quote: اب صلعة ياتو فيهم يا ايمن .. بكرى و لا مزمل خيرى ؟؟؟
أى واحد ما مشكلة المهم يلحقك ويفزعك ويحلك من دينق!!! المهم البتاع دا يتسحب سريع,, الزول دا كان صحى ولقى هنا حا يطالب برفع البوست أعلى الصفحة,,,
أكسب الزمن يا عمّك,,
Post: #80 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Tabaldina Date: 01-26-2010, 09:25 AM Parent: #77
.. . خرتيت برى هذا الحيوان الغريب اود ان اوضح الاتى : هناك فرق بين الخرتيت والخنزير
الخَرْتيت هو حيوان ضخم وهو واحد من أكبر المخلوقات الأرضية الموجودة حاليا. ويطلق عليه أيضًا الكركدن ووحيد القرن..
اما الخنزير فهو اما عادى ابيض او بتاع مزارع .. ما ظهر فى التكينة وموضح بالصورة هو خنزير برى ( الحلوف ) يصل طول الخنزير البري إلى ما بين 1,10 و 1,80 متراً، ووزنه ما بين 75 و300كلغ.
والله اعلم
_______
حسي بتاع الكرتون دا بعمل ليكم حاجة looooool
Post: #88 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-26-2010, 01:17 PM Parent: #80
Quote: يصل طول الخنزير البري إلى ما بين 1,10 و 1,80 متراً، ووزنه ما بين 75 و300كلغ.
ياهو زاااااااااااتو يا تبلدينا
Post: #79 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: هشام المجمر Date: 01-26-2010, 09:17 AM Parent: #72
صورة منقولة عن صحيفة الاندبنت فى خبر بتاريخ 29 ديسمبر 2009 م لمجموعة كبيرة من الناس فى نيوزيلندا تحاول انقاذ حيتان قذفها الموج نحو الشاطئ
رغم نفوق حوالى 126 حوت استطاع هذا الجمع الكبير من الناس انقاذ 43 حوتا و ارجاعها للبحر.
Post: #81 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: bob Date: 01-26-2010, 09:28 AM Parent: #79
شكــرا يا تبلدو ومن هنا اقدمه هديه الى التكينه واتمنى بان ان يقوم بالعنايه به..وان يبعد اهل العوض منو!!
Post: #82 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: عبدالرحيم أبراهيم العبيد Date: 01-26-2010, 09:33 AM Parent: #79
الاخ/ التكينه تحياتي وأشواقي
حمدا لله علي سلامة أهلنا بالتكينه والبشاقره شرق وربي يحفظهم من كل مكروهـ
ولربما الجفاف أدي للنزوح
Post: #83 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: bob Date: 01-26-2010, 09:55 AM Parent: #82
Quote: أشـــــــرط .......
وايضا فسر لى اشــرط دى مالا ناقصة....اشرط شنو يا انور!!!
Post: #90 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-26-2010, 01:22 PM Parent: #83
Post: #84 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: عامر تيتاوى Date: 01-26-2010, 10:03 AM Parent: #82
سلامات ياالتكينة
Quote: انت من زمن حديقة الحيوانات ؟
فركشة حديقة الحيوانات التى كانت فى مكان برج الفاتح اليوم من بين الاسباب التى تغيب المعرفة البيئية وعشان كده ممكن تجد من لا يفرق بين دجاج الوادى وديك العدة
Post: #85 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: السيد أحمد إبراهيم Date: 01-26-2010, 10:48 AM Parent: #84
تحياتي يابن عمي
Quote: تعرف يا محمد زكريا لو ما حلفتنى بى الله كنت خليت نشامى التكينة ينتظروك فى المطار .
ما يحتاج وما للدرجة دي ( الردم ) هنا ..
والله في كلام زي الدراب .. لمن تقولوا يخلي
الزول يترصد .. كدي شوف جنس البسوي فيهو صديق مهدي
بقية الناس المستغربين من ردة فعل ناس التكينة
خليهم يورونا القيامة القائمة في الخرطوم اليومين
كل أجهزة الإعلام شغالة الحيوان الغريب .. الحيوان الغريب
وفي الآخر طلع كلب ..
موضوع تهويل حكاية الكلب دي ذكرتني طرفة سمعتها من
واحد من أهلنا ناس البشاقرة غرب ..
قال مرة ظهر عندهم في الحلة ( كلب سعران )
قاموا إجتمعوا في النادي عشان يشوفوا حل
صادف إجتماعهم مرور واحد من ناس التكينة الساخرين
سمعهم يتداولون وأحدهم يخاطب الجمع بقوله :
الخطة كالتالي .. فقاطعهم زول التكينة بقوله
ها ناس هو كلب شنو السويتو ليهو خطة
Post: #91 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-26-2010, 01:37 PM Parent: #85
Quote: ما يحتاج وما للدرجة دي ( الردم ) هنا ..
والله في كلام زي الدراب .. لمن تقولوا يخلي
الزول يترصد ..
ابو السيد كيف حالك .. يا اخى المنبر ده عاوز طولة بال و برود دم و خفة روح و اغلب ما نقوله مداعبات ليس الا .. طبعالو الكلام جد كنت لقيت التوماب صفوف صفوف .. لك تحيتى و مرحبا بك فى هذه الدار الفسيحة ، مع تحياتنا للعقاب طرفكم .
Post: #86 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: أيمن الطيب Date: 01-26-2010, 10:48 AM Parent: #84
تيتاوى قال,,
Quote: ممكن تجد من لا يفرق بين دجاج الوادى وديك العدة
وبين الخرتيت (البّرى) وضكر الكدروك !!!
سبحن الله زى صورة الناس الفوق المتصورين مع الكدروك ديل وشى بوليس وشى إحتياطى مركزى وشى قوات خاصة ذكرتنى صور بنشوفا معلقة فى بيوت سودانية أو أماكن مختلفة بس الفرق بكون إنو الصيدة ,,,أسد ياخ قالو اللبؤة ما بتصورو معاها من حرة قلوبهم ورجالتم !!!! والبوليس الواقف فى الصورة دا حقو يمعطو دبابيرو لو عندو دبابير اصلا,,,
أستاذ التكينة..لك العتبى ,, فقد أمتعتنا اليوم,,,
تحياتى..
Post: #92 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-26-2010, 06:16 PM Parent: #82
Quote: حمدا لله علي سلامة أهلنا بالتكينه والبشاقره شرق وربي يحفظهم من كل مكروهـ
تسلم يا عبد الرحيم و شكرا على المرور و المشاركة .. ربنا يحفظ الجميع
Post: #89 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-26-2010, 01:20 PM Parent: #79
Quote: رغم نفوق حوالى 126 حوت استطاع هذا الجمع الكبير من الناس انقاذ 43 حوتا و ارجاعها للبحر.
ديل يا ود المجمر ناس مرتاحيــــــــــــــــــــــــن .. الحيتان دى اكان لمينا فيها نحن ، يا الموردة جاك بلاء ... قه قه قه
Post: #93 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: إبراهيم عبد الحليم Date: 01-26-2010, 08:29 PM Parent: #89
ألف سلامة
Post: #95 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Mohamed E. Seliaman Date: 01-27-2010, 06:38 AM Parent: #93
Quote: الم جنها نظريات و فلسفة بشكل ؟؟؟؟
يا عالم الحلاليف متواجدة بكثر في المزارع بالاخص المزارع الكثيفة زي مزارع الموز ... و عندنا في كسلا متواجدة بكثرة ... و اذكر انه في حلوف طلع من مزلاعة موز في كسلا في عام 1980 و شف حي الترعة جنوب الى ان وقع في بئر ساقية في نفس الحي ... و عندنا حي اسمه حي حلوف ... يعني الحلوف ما هربنا من غابة الدندر و لا من اي غابة او مزرعة مهجورة ... بطلوا خرافات و فلهمة في الفاضي و نطريات ة تعليق كل شئ في ؤقبى حكومة الجن دي ...
بالمناسبة في دول الباسيفيك ياكل الحلوف زي و زي اي خنزير حايم
تحياتي يا الفاروق وأبا الريش بالله الحناكيش ديل جايين من وين ؟ أنا مرة شفت بعض أولاد المدينة ساكيهم عجل صغير ! إلى وقت قريب كنت أرجع إلى البيت وعواء الكرايات يشق الآفاق بعد غروب الشمس مباشرة. وفي عصر لم أحضره كان الكراي يخطف الرضيع من صدر أمه النفساء ثم يتسلل به ليتعشى به في غابات الدوم بأويتلا. أما الحلاليف دي كنا عادي بنوقف العربية في الشارع حتى يمر قطيع الحلاليف وينصرف كما نفعل مع قطيع من النعاج أو البقر .
أنا خايف بكرة بورداب بكري ديل يفتحون لينا بوست عن صبرة* تهاجم سكان العمارات
_____________ *الصبرة في شرق السودان غير الصبرة في شماله
Post: #96 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: مجدي عبدالرحيم فضل Date: 01-27-2010, 07:11 AM Parent: #95
Quote: الناس الما شافت وحيد القرن في القروش ولا في كتاب العلوم ما شافته لا في حديقة الحيوان ولا في التلفزيون ولا في النت؟!!!!! واضح إنو خنزير بري وأسمه (بومبا) لمن يتابعون تيمون وبومبا
أخي أنور التكينة
منذ إنشاء حديقة الحيوان بالخرطوم 1919م وحتي أتت الأنقاذ وسرحت هذا الصرح الهام والحيوي مافي زول من التكينة زار حديقة الحيوانات تكون دي مشكلة كبيرة خلاص
هجمة مرتدة
حالتو دي فرتيق حديقة الحيوان لما يفرتكو الدندر والردوم وبوما في الجنوب العزيز ناااس التكينة بيعملو شنو !
ياااخي الخرتيت ده عايش مع أهلنا في الجنوب ذي العنزة معاكم بيطلع في السرير وينوم كمااااان.
،،،،أبوقصي،،،،
ـــــــــــــــ
أحد متطوعي التوعية في جمعية أصدقاء حرس الصيد السودانية
ولو دي ماسمعو بيها أهل التكينة بيكون في عدم تواصل مع الأقاليم المجاورة
وحديقة أم بارونه في مدني مابعيدة.
Post: #97 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: سامى عبد الوهاب مكى Date: 01-27-2010, 07:30 AM Parent: #96
سبحان الله ..العالم كله مفتكرنا معلمين في معرفة الحيوانات وبعضهم مفتكرنا عايشين والتماسيح حايمة بيناتنا في الاسواق( تماسيح المويه قصدي)
يقولوا علينا شنو لمن يعرفوا البلد كلها بطلت شغلتها وبقت أخبار الجرايد(اهالي الحلفاية في مطاردة شرسة حتى الساعات الأولى من الصباح مع (جريو) وشايلين سلاح وعكاكيز كمان) ولا يلقوا حتى أهل القرى ما بعرفوا الخرتيت من الحلوف.
وكمان بيعملوا كمين لقرنتية مسكينة!
يا حليل جنينة الحيوانات يا أنور..الزي ولدك دا كان هسي يكون يعرف كل أنواع الحيوانات وطبيعتها الغذائية والمتوحش من المستأنس والنباتي من الحيواني!
حيرنا القرنتية وجهجهتو الحلوف!
بكرة نسمع البلد في مطاردة عنيفة حتى الفجر مع كديس خلأ!
Post: #98 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-27-2010, 01:52 PM Parent: #97
Quote: أحد متطوعي التوعية في جمعية أصدقاء حرس الصيد السودانية
دى اتحدى اى زول غيرك يكون سمع بيها .. و جاييكم راجع لى جنينة الحيوانات و ناس التكينة .
Post: #99 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-27-2010, 06:29 PM Parent: #96
Quote: مافي زول من التكينة زار حديقة الحيوانات تكون دي مشكلة كبيرة خلاص
اولا يا سيد مجدى جنينة الحيوانات دى شلعوها قبل كم سنة ؟ و شوف الشباب الفى الصورة و احكم ... ثانيا : التكينة دى مافى واق الواق .. كلها 70 كيلو من الخرطوم، و معظم الموظفين و العمال يسكنون بها و يداومون يوميا بالخرطوم . طبعا انا شفت ناس لما يكونوا ماشين الخرطوم بقولوا نحن ماشين السودان . يعنى زى واحد من المتداخلين استغرب لوجود الركشات فى التكينة ، مع انو الركشات هناك زاحمت الناس فى الشوارع . التكينة يا سادة مثلها مثل اى حى فى الخرطوم و ارقى من كثير من نواحى العاصمة .. كل ما يخطر على بالكم من ادوات التطور و العولمة تسايرها التكينة و ينبغ بعض ابنائها فى بعضها . و اهم من كل ذلك انها احتفظت بقيم القرية السمحة من مروءة و نخوة و شجاعة و تراحم و تكافل ، و ترابط اجتماعى لم تفصم عراه ما اعترى اغلب مناطق السودان بحمد الله .
Post: #100 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Hassan Makkawi Date: 01-27-2010, 06:47 PM Parent: #99
أنور التكينة
هاكونا ماتاتا..........
جماعتك دقسو... فات عليهم ال Roast والمشاوى والكوارع المحرمة[/ red]
Post: #101 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: المسافر Date: 01-28-2010, 05:25 AM Parent: #100
Quote:
وريتنا جديد ما كان على بال ... زى ما بقول الثنائى الوطنى
الحلوف وعرفناه...
لكن قصة أناشيد مايو دي ما عرفناها
إنت سادن ولا شنو
(( حققت آمال .. وريتنا جديد ما كان على بال ... يا مايو )) (( يامايو حبيب... زي أمي وأبوي ... زي أختي وأخوي ... يا مايو))
Post: #102 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-28-2010, 07:36 AM Parent: #101
Quote: لكن قصة أناشيد مايو دي ما عرفناها
إنت سادن ولا شنو
ده مايو حبيب زى امى و ابوى زى اختى و اخوى الله .. الله .. وين من انا ماشى نيالا .. او او
يا المسافر اخوك اتحادى و كمان اصل .. بس الالحان الحلوة و الاداء الرائع بيرسخ غض النظر عن مضمون الكلمات .. عليك دينك (امة الامجاد) لى يوم القيامة ممكن تتمسح من ذاكرتك ؟
Post: #105 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: هشام هباني Date: 01-28-2010, 10:43 AM Parent: #102
التكينة الكدروك كيفنك ومشتاقون!
Post: #104 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: نزار محمد عثمان Date: 01-28-2010, 10:20 AM Parent: #100
Quote: قال رسول الله صلي الله عليه وسلم :(الرفق بالحيوان).
Post: #107 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Nazik Eltayeb Date: 01-28-2010, 12:12 PM Parent: #100
هروب الخنزير البري (لحلوف) من مناطقه الاصليةمؤشر لمشكلة بيئية و تحولات خاصة وانها ستكون اعداد قليلة سرعان ما تختفي وهو مؤشر ربما علي تدهور حظيرة الدندر( رغم بعد المسافة) وهو امر يحتاج لتفسير من علماء الحياة البرية ملاحظة ثانية الخنزير البري شرس وخطر وليس جبان رغم انه كائن عشبي (
Post: #103 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: مجدي عبدالرحيم فضل Date: 01-28-2010, 08:14 AM Parent: #99
أخونا أنور ربنا يحفظ أبنك يبدو أنه ولد في الثلث الآخير من الثورة التي لم تنقذ حتي الحيوانات البرية المقلوب عليها والحياة البرية عامة هي طبيعية بطبيعتها وما يفسدها ويختل التوازن البيئي هو تدخل الأنسان الغير متوازن ويجعل منها مانشهده اليوم وتصدق ياأنور أنو حديقة الحيوان بالخرطوم زمن نميري عرض عليه حديقة مقترحة في أرض الغابه غابة السنط ومن كبري أم درمان القديم حتي نهاية الغابة حديقة ماجنينة بمواصفات حديقة البرنا بكندا ونميري رفض وكانت الصفقة فيها كبري النيل الأبيض كبري أم درمان ، ودي قصة عجيبة رفض فيها النميري العرض كأنما حديد كبري النيل الأبيض هذا سوف يستخرج منه سلاح نووي وهكذا نحن أمة لاتعرف تنظر حتي ليوم واحد أمامها والأستراتيجيات دي مابيدوها أهتمام مجرد تنظير لا يتعدي حجم الثروة القومية التي يتمتع بها السودان والسودان من أغني الدول الأفريقية بالثروة البرية ولكن ماهي مدي أستقلالها قومياً؟ ونحن نمتلك أكبر حظيرتا في شمال القارة وهما الدندر والردوم وأما عن الدور الذي لعبته الجمعية فهو دور كبير شمل معظم الجامعات والكليات وحتي المدارس الثانوية وقتها وكانت قوة شبه نظامية تتبع لقوات حرس الصيد السودانية وبها حمل أحد ضباط الفرقة علي درجة علمية عالية من جامعة أفريقيا وهو الرجل صاحب الفكرة الرائد وقتها عبدالباقي المكي وأسئل عنها جامعة الخرطوم ممثلة في كليو البيطرة وبيطارها حتي السادس عشرة كانت آخر مشاركاتي بها والقاهرة الفرع وأقاليم السودان المختلفة شرقا وغربا وجنوبا وحتي جامعة جوبا والرسالة في تقديري وصلت بقوة ولكن جهل المسؤلين ومن جهودها برنامج ثوثيقي وتثقيفي يسمي الصيد والأنسان وكان فترته في تلفزيون الجزيرة أكثر من نصف ساعة وتحور حتي أنتهي به الأمر لبرنامج يشمل كل القوات النظامية التي تتبع وزارة الداخلية وهو ساهرون مع أنو برنامج الصيد والأنسان كان يحتوي علي معلومة كبيرة عن الثروة البرية وبالأخص عندنا في السودان وهذة الثروة بها من المهتمين علي مستوي القطر كله وماسنقنيب بالبحر الأحمر ومركز الأبحاث في فنارها ببعيدة وهناك قسم التوعية والإرشاد بالقوة وأفاضل مروا عليها أمثال علي كودي وتاج الدين ساتي وآخرين هذة نبذة بسيطه لذاك التاريخ الجميل . أحترامي لك أخي أنور.
،،،،أبوقصي،،،،
Post: #106 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-28-2010, 11:48 AM Parent: #103
Quote: التكينة الكدروك كيفنك ومشتاقون!
وين يا التكاسى التليفة .. سؤال : انت لوس انجلوس فيها طرحة ؟
Post: #108 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Mahassin Ibrahim Date: 01-28-2010, 12:21 PM Parent: #106
أنور التكينه : سلامات وتحيات عظيم. حما الله ارض التكينه والبشاقره والمسيد واهلنا في اللعوته والتي وام مغد وكل الاراض والبقاع تلك. ربنا يلطف بكم وبصغاركم وحفظهم من الرعب المجنون الذى يسكن القلوب من جراء هذه الاحداث.
Post: #109 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-28-2010, 09:43 PM Parent: #108
تسلمى محاسن ...
Quote: التكينه والبشاقره والمسيد واهلنا في اللعوته والتي وام مغد
ما شاء الله عليـــــــك ... من أوسلى لبرى المحس و تعرفين كل قرانا .. الله يديك العافية
Post: #110 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-29-2010, 07:00 AM Parent: #109
.
Post: #111 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: انور التكينة Date: 01-29-2010, 06:02 PM Parent: #110
Quote: ملاحظة ثانية الخنزير البري شرس وخطر وليس جبان رغم انه كائن عشبي
كلمى المنظراتية ديل يا نازك ..قالوا كاتلنوا ليه ، و عدم وعى بيئى .. و مش عارف شنو .. عالم بتاعت تنظير بشكل
Post: #112 Title: Re: زمن العجائب ... خرتيت برى يهاجم اهلى فى التكينة ( مؤكد توجد صور ) Author: Mahassin Ibrahim Date: 01-31-2010, 08:34 AM Parent: #111
اخونا وصديقنا : أنور لك كل التحيات الجليلات. انا مغرمه بمعرفة وحفظ تفاصيل ارضنا الطيبه العظيمه. لو اختبرتني لتجدني اعد لك قرى وحلال الجزيره واحده واحده. لي اصدقاء كثر ومعارف لاتحصي. من المسيد لالتي ومن البشاقره شرقها وغربها ولي بالكاملين وود الماجدى وام مغد من الاصدقاء ما سيدهشك وما تنس المسعوديه والنوبه والجديد الثوره كمان . ومن المعرفه التي اعتز بها معرفة ناس معتصم دفع الله واهلهم الكرام . والتكينه كذلك .....امش لقدام ونصل بيك لاربجي والمعيلق ونحلق فوق طابت ارض الكرام ولا نكتفي بذلك ؟ التحايا لهم كلهم من سوبا وحتي نصل مدني ولبركات .
