Post: #11 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: فضل الصادق Date: 01-26-2010, 05:10 AM Parent: #10
الفنان عمر إحساس صوت شجى يحلق بك فى سماوات جميلة من الطرب الاصيل ، إختط لنفسه طريقة للغناء تحمل نفث إبداعى أثير ، أخذ من التراث الدارفورى أجمل مافيه وهو كله جميل لكنه كمن ينتقى العنب من بين حديقة غناء بكل طيب . إيقاعه معجز وحضوره على المسرح طاغٍ وبهئ يحرك فيك عصب السكون ، إحساس ليس غريباً على هذه البلاد فهو أصيل فى حضوره هنا وقد أقام من قبل حفل لم أشهده لكنى علمت نجاحه وجمعه للناس من كل حدب . ألف مرحباً به ونرجو أن تتاح لنا فرصة لسماع صوته الرخيم هنا فى مدينة الجمال والطرب المعتق نيويورك فمن يأخذ القفاز يا ترى ويقدم لنا عمر إحساس هدية فى أيامنا هذه المباركات . سوف يكون التلاقى مع إحساس تجربة ناجحة بكل الصعدً فهو من عرفنامبدع لا يشق له غبار قد خبر دنيا النغم المموسق وقد عرف أن يدوزن فينا أوتار الطرب الأصيل فيا مرحى به وسهلاً .
شكرى لك الاستاذة إحسان عبدالمتعال على حلو البشريات . سبب التعديل : تصحيح كلمة أجمل مامافيه إلى أجمل مافيه .
Post: #14 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-26-2010, 05:48 AM Parent: #11
الاخ فضل الصادق
مساءك ورد وفل
سعيدة بمداخلتك القيمة والانيقة
وفرصة طيبة لسهرة مليئة بالطرب والانغام البديعة
حيث نهوم غبر اجنح الغيمات مع عمر احساس وماهر تاج السر
Post: #13 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-26-2010, 05:45 AM Parent: #10
مبدعنا الغالي منصور
تحياتي وشكري المقدم لك
اكيد سنستمتع بلقطات رائعة لا تاتي الا منك
فضي نفسك ليوم الجمعة لتنقل الحدث لحظة بلحظة فصورك كلها ناطقة
لك مودتي
Post: #15 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-26-2010, 05:58 AM Parent: #13
نتوقع حضور مشرف من الاخوة الاعزاء ابناء دارفور الحبيبة
وفي انتظاركم يا ناس معتصم وجمعه ويحيا وبقية العقد الفريد
كوستاوي وشاعرنا عثمان موسي من بدري تكونوا معانا
ناس شريف الجمعة معانا بهنا وعزيزنا عمر حبيب وصل الدعوات لكل الاصدقاء بفلادلفيا ( طالبنكم حفلتين)
المبدعون بفرجينيا بلا اشتثناء ننتظر حضوركم البهيج لنا برفقة الاستاذ ماهر ومدام عالية
حفل سيكون حدث لن يتكرر لذا نتوقع اكبر عدد من الحاضرين من نيويورك وما جاورها من مدن وولايات
يا ناس ربا بت سيف كلمي ماما وبابا ما ينسوا او يفوتوا فرصة الاستماع للفنان عمر احساس وننتظر مشاركة مقدرة من البني
اهلا بكم وحبابكم الف والدار داركم و تسعنا جميعا
Post: #16 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: عمر احساس Date: 01-26-2010, 06:28 AM Parent: #13
شكرا صديقتى العزيزة اللحوحه احسان
وشكرا على الكلمات الرائعة فى حقى
وشكرا على الالحاح واقناعى بتعديل
جدول مغادرتى الولايات لمشاركة
اهل نيويورك لنبنى سويا ناطحة سحاب
سودانية من الطرب السودانى تناطح
اشهر بنايات نيويورك
شكرا وانتى تستقطعين من زمنك وزمن
الاسرة لاضفاء بعض الالق وامسيات
الفرح عبر اتصالك بكل مبدع سودانى
تطأ اقدامه الولايات المتحدة
ارجو ان تسمحى لى بتقديم الدعوة
للاخوة والاصدقاء بفلادلفيا لحضور
الحفل ,واشكرهم على تقديم الدعوة
للمشاركة بفلى ولكنى اعتذرت لظروف
انتهاء زمن الفيزا فى التاسع
من فبراير لذا لهم العتبى
ولهم الدعوة ولاخوتنا برابطة دارفور
بنيويورك
Post: #17 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: أيمن دياب Date: 01-26-2010, 06:46 AM Parent: #16
هنيئاً لكم يا إحسان بكل الفرح القادم.. وللسفير عمر إحساس كل المحبة..
Post: #19 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-26-2010, 11:15 PM Parent: #17
العزيز ايمن دياب
شكرا لكلماتك الضافية
وامانيك الرقيقة لنا
Post: #18 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-26-2010, 11:07 PM Parent: #16
استاذي الصديق الصدوق عمر احساس
نهاراتك سعيدة في هذه البلاد التي يختلف فيها التوقيت من ولاية الي الاخري
لم يكن الحاحي والاستاذ علي محمد الحسن شيخ العرب الا لأننا لا نحتمل فكرة ان تكون هنا و لا يستمع لك محبوك ومعجبو
اغنياتك الندية
لذا منذ اللحظة ونحن نعد العدة لأستقبالك والاستمتاع والرقص معك علي انغام دار فور بلدنا
يا أستاذ عمر بدل تجينا نحن في عاصمة أوباما الحلوة و كاتلانا تمشي لي لزرايب الحطب و الفحم!!!
يا زول قول باسم الله و شيل الرحمن في قلبك و أعمل 180 درجة و تعال لينا في الواشنطون ما تسمع كلام الأستاذة إحسان...ناطحات سحاب شنو!! دا كان زمان!!! ____________________________________________
حفلتكم دي لا زمان ولا مكان (مش قلنا ليكم زريبة---يعني تخش توش)
سلامات احسان يا عزيزة ومرحب بعمر احساس علي ارض تفاحة العالم..نيويورك المدينة المحبة للفن والطرب وتعرفي يا حسان عندما يشتد بي الحنين للسودان لدي سي دي لعمر احساس هو انيسي انا وربا وابوها وهااااك يا بهجة حتي ( تفتر حمرة مننا) ونغني جميعا
(زولي الاخدر
كان شفتو بخدر)... وما زال في قلبي حسرة لعدم تمكننا من حضور حفلة خدر فابي ربا مزنوق ما بين زنقة عمل المكتب التي لا ترحم وزنقة قراية ال PHD وآلام غضروف لعين في الظهر تتناوشه هذه الايام دعواتكم اختي احسان ربنا يتم عافية ابو ربا ويمنحه الصحة فقد اشتقنا كثيرا للمدينة الجميلين اهلها ولنا شوق كثيرا للقاء الاصدقاء وفوق كل هذا وذاك الاستماع والتمتع بفن عمر احساس لا يقدر بشئ....
وشكرا لكل ناس نيويورك..المدينة التي تزرع الفرح في دواخلنا وشكرا لك اختي العزيزة احسان ..والشكر لاحسان الفنانة صاحب الصوت الرخيم تحياتي للدكتور وليد ( الفنان الذي ضل طريقه للصيدلة) ولاطفالك الحلوين
Post: #41 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: Adam D.El-Asha Date: 01-27-2010, 06:05 PM Parent: #40
لك القومة..
ومن الذي يستطع أن يرفد الزخم الآتي بالفرح.. سوي نيويوك ومن الذي يفتح للبدر صدر الإشتهاء لينام غاويا ويمتد عرجونا..سوي نيويورك ..
بعدين يا كوستاوى يا خوى عمر احساس مجرب وعارف نيويورك ويشهد ليهو الحضور الكثيف لسكان
نيويورك فى السنترل بارك حيث رقص البيض والسود على انغام دارفور بلدنا ويا ريت يالمنصور تفتش لينا
شوية صور من حفلة السنترل بارك فى منهاتن عشان كوستاوى دا يقتنع عديل كده
ولنا عودة
Post: #45 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: صلاح شعيب Date: 01-27-2010, 09:25 PM Parent: #42
الاستاذة إحسان
مبروك لكم نغم وإيقاع عمر إحساس ويا ريت تستمتعوا بـ"الصغيرون" هذه الاغنية التي تحرك العصب. من جانب آخر قابلت زوجك العزيز في ندوة دالي بواشنطن وكدت أن أرسل عبره عتابا لك على عدم إنضمامك لنا في إتحاد الصحافيين وأنت من الرائدات في مجال الإعلام، على أي حال هنيئا لكم بعمر وكما قال زميلنا كوستاوي دعوه يأتي لنا سراعا. مع التحيات لك وله.
Post: #50 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-28-2010, 08:00 PM Parent: #45
الاستاذ الاعلامي القدير الاخ شعيب
كيف احوالكم مع مهنة الصعاب والغربة الاصعب
لم يتح لنا الزمان اي لقاء في هذه البلاد التي تفرق ظروف الحياة القاسية فيها الاهل والاحباب
اتمني ان يكون كل شئ كما تتمني
ليتكم تهنئون معنا بعمر احساس وستكون من امنياتي الغالية فهلا فعلتها وشددت عزمك الي نيويورك ؟
بالنسبة لأتحاد الصحفيين لم يحدثني احد منكم عنه ولم يقابلني اي موقع الكتروني حتي الم بالمعلومات
انا في انتظار معرفة كل شئ عن الاتحاد عبر بريدي الالكتروني او المسنجر
سونا ,, كيفك والله انتى ياختى تبارينا حفلات كدى ,, نامن نشوف لنا شوفة وبعد داك شوفى اليحلك مع ام ايثار.
Post: #51 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-28-2010, 08:09 PM Parent: #46
استاذنا العزيز الفاضلابي
والله ليكم وحشة اخر حفلة لم تشرفنا بحضورك الذي يسعدنا
بخصوص الغالية ام ايثار في لحظة تشوفلك شوفة كلنا (نون النسوة ) ام ايثار يعني ما عندك اي طريقة تعاين كدا ولا كدا
وبعدين ام ايثار انا ح اتصل بها هاتفيا واقول ليها يا زولة انتي طيبة شديد ما شايفانا نحن مع جماعتنا الحجل بالرجل
بتخلي ابو الوليدات يظهر براه مالك
والله يا استاذ الثقة فيكم كبيرة ومطمئنييييين
في انتظاركم
Post: #47 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-27-2010, 10:04 PM Parent: #42
الاخ الاستاذ حسن حماد
اتمني ان تكون واسرتك الكريمة علي الف خير
نحن وانتم علي موعد مع الانغام والطرب النبيل
هكذا نيويورك تفتح كل شرفاتها لتحتضن العالم علي ازرع الغيمات
وانتم اخي الكريم اصبحتم عنوانا للتفوق والعمل من اجل ربط اواصر المودة بين ابناء الوطن الواحد
وكلنا في انتظار اجمل مشهد سيرسم بفرشاة عمر احساس يوقعه بعنوان
بالمحنة نبني جنة
Post: #48 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: عمر احساس Date: 01-27-2010, 10:34 PM Parent: #47
شكرا احبائى على كل الكلمات
الرائعات التى قيلت فى حقى
وحتى الحبيب كستاوى الذى بدا
مشاكسا شكرا على كل النصائح
والشكر للاغانى بمدلولاتها
وبقول ليك برضو(
ماك وليدا قولو خاتى
وما رمنك خيل عواتى
شكرى فى الغير مشاتر
منو احسن لى سكاتى)
انتهى
كستاوى كدى انت تعال
فى الاول والبعيد شنو
وبى جيتك حسب رأيك
ما ممكن تحول (زرياب الفحم الى
مسارح نغم)
وشكرا للمكتب الثقافى
بالجالية اخوتنا على
محمد الحسن والصادق الزين
وخالد سنجة الذى يرقد
طريح الفراش من اثر
الحادث الذى تعرض له
اسال لك عاجل الشفاء
اخى خالد وانا لازلت
فى محاولة الاتصال بك
اما الاخ على محمد الحسن
من اكثر الناس القاعد
اقابلهم لما اجى نيويورك
ولكن عندما علمت من الاخت
احسان بموقعة فى الجالية
وضحت الاشياء وحقيقة انا
اشهد له بالنشاط وقد كان متواجدا
فى مهرجان نيويورك قبل عامين
بصفتة فى الجالية ووقتها لم
اكن اعرف هذا وقد عزيت ذلك
لحرصه على التواجد بكل
التجمعات(رغم اننى افتقدته
فى واحده يعرفها هو)
لكنى احييك دائما اخى
على محمد الحسن واحى فيك هذه الهمه
Post: #49 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: Yasier Elsayed Date: 01-28-2010, 01:19 AM Parent: #48
الاستاذة الرائعة / احسان
لن تتركى لنا من الحديث الجميل والراقى كلمة او احرف
و ربنا يبعد العوارض ونحضر هذا الكرنفال
بالتوفيق
Post: #52 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-28-2010, 08:13 PM Parent: #49
الاخ الزميل ياسر
اسعد الله جميع اوقاتك
اهلا بك وبكل سودانيي ميرلاند ونتوقع حضوركم هذه المرة
ومنذ اللحظة نحن معتمدين عل اناملك خلف الكاميرات واجهزة الصوت ( وكل التكنلوجيا)
يعني انت معانا معانا وخلاص ورطناك
Post: #53 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: Elwaleed M. Ahmed Date: 01-28-2010, 11:05 PM Parent: #52
شكرا للاخت احسان
1000 الف مرحبابالفنان عمر احساس في نيويورك
الوليد محمد احمد-المحامي-بروكلن-نيويورك
Post: #54 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-29-2010, 03:28 AM Parent: #53
الاخ الوليد محمد احمد المحامي
لك التحية ودائما منورنا بحضورك الجميل
موعدنا الجمعه ومتوقعنك باذن الله
لك سلامي
Post: #55 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: أشرف محمد الباقر Date: 01-30-2010, 02:47 AM Parent: #54
..... الأخت الأستاذة الإعلامية المخضرمة إحسان عبد المتعال:
نشكرك وأنت دائماً ماتبشرينا بكل ماهو جميل وأنيق. المبدع عمر إحساس فنانٌ غنىٌ عن التعريف فنان بكل معنى الكلمة فى زمن قل فيه الإبداع. نحترمه ونعتز بفنه ونعتبره سفيراً فوق العادة للأغنية السودانية إذ دائما ما يمثل السودان كل السودان فى المهرجانات و يعكس صورة مليئة بالألق والإبداع لموسيقانا السودانية...
مرحباً بالفنان الأستاذ عمر إحساس بين أهله فى نيو يورك مع التمنيات بقضاء ليلة طربية فريدة.
والشكر أجزله لكِ سيدتى أنت وأخونا العزيز جداً الأستاذ على محمد الحسن الرجل الهمام شيخ العرب لإتاحتكم الفرصة لنا ولكل شعب نيويورك والمدن المجاورة للتمتع بإبداعات الفنان عمر إحساس والموسيقار الماهر جداَ الأستاذ ماهر تاج السر. وربنا مايجيب يوم شكركم...
فا ئق إحترامى
والكلام كمل!!
أشرف الباقر
....
Post: #57 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-30-2010, 04:32 AM Parent: #55
الاخ العزيز اشرف الباقر
مساءك فل وياسمين
اشكرك علي مرورك الزاهي الذي عادة ما يسعدني
الف لأ باس علي الوالد امنياتنا له بالشفاء العاجل
نتمني حضورك وبقية العقد النضيد
لك شكري
Post: #56 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-30-2010, 03:02 AM Parent: #54
________________________________________ نلتقيكم هنا ______________________________________
4307 18th Ave
Brooklyn, NY 11218
Post: #58 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: فضل الصادق Date: 01-30-2010, 06:30 AM Parent: #56
4307 18th Ave
Brooklyn, NY 11218
الاستاذه إحسان تحيه طيبه مباركه
هل هو نادى Brooklyn Sport المعلوم أم مكان اَخر ؟؟
Post: #59 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-31-2010, 05:27 AM Parent: #58
الاخ العزيز فضل الصادق
كيف احوالك
المكان المقصود ليس نادي رياضي كما اشرت هو مطعم لأخ مصري
وشكرا علي تعديلك للعنوان
نحن في انتظارك
Post: #60 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-31-2010, 05:44 AM Parent: #48
لحضور الحفل الساهر ودائما نجد منهم كل الدعم ومعنا خطوة بخطوة ونشكر رعايتهم لكل فكرة نبيلة الي ان تصيح حقيقة
ومعا من اجل نيويورك وجاليتنا السودانية
كما ادعو كل الاخوة ابناء دارفور للمشاركة معنا في هذه الامسية ليكتمل بهاؤها وجمالها
يا ناس عبد الله الشريف ( وبقية القروب الساحر ) ما تنسوا الموعد - السيد بكري عبد المعطي (البقاء لله ) ونتعشم في حضورك وتقديم
الدعوة لفريق كرة القدم
ونجدد الدعوات لكل الاحبة بنيويورك دون تخصيص وللولايات والمدن المجاورة
موعدنا الجمعة الخامس من فبراير
Post: #61 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: محمد سنى دفع الله Date: 01-31-2010, 06:02 AM Parent: #60
الإعلامية المتوهجة إحسان التحيات والأمنيات الطيبات شكرا لك على تنويرنا بحفلات فناننا الوحدوي الرائع عمر احساس العالي احساسو والتحية الخالصة لقريبي ماهر تاج السر الفنان البديع على تقيهما للجميل من انغام شجية لهما تحياتي واحترامي ومتابعين افراحكم بالوطن مودتي وسلامي لأسرتك الصغيرة
Post: #63 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-31-2010, 05:25 PM Parent: #61
استاذي الجميل فنا وعطاء
زارنا القمر وطلتنا النجوم
تحية لك استاذ السني وكم اتمني ان تفرد الرابطة هنا مساحة لاهل المسرح
لنراك في مقدمتهم
تحاياك تصل للفنان القدير عمر احساس وللموسيقار الاستاذ ماهر تاج السر
شكرا لحضورك ومودتي لكل الرائعين بالدوحة والسودان
Post: #62 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: Mohamed Yassin Khalifa Date: 01-31-2010, 06:19 AM Parent: #60
Green Pavilion Restaurant
At: 4307 18th Avenue, Brooklyn, NY 11218
Post: #64 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 01-31-2010, 05:28 PM Parent: #62
محمد يس
هلا
كل شئ تمام التمام
ومنتظرين الابداعات عبر اللقطات المميزة
ما تنسي سمؤال اتوقع حضوره
الي الملتقي
Post: #65 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: tahani abusin Date: 02-01-2010, 11:48 AM Parent: #1
ديل ما عندهم كاميرات! و حتى لو عندهم إنتي دايرة تشوفي شنو? ما ناس و شايلة شواويل فحم!
Post: #73 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 02-02-2010, 06:01 PM Parent: #69
الاخت العزيزة دانيه المكي
كيفك ومرحب بيك في بوست حفل نيويورك وحبابك الف
متفقة مع كوستاوي في وصفه لنيويورك بنقول ليك كتر خيرك
صور الحفل كلها موجودة مع كوستاوي ( اصحي يا بريش )
لكن لتقديرنا ليك نعمل حفل ثاني وح تلاقي صورو هنا يوم السبن بمشيئة الله
رايك اية تجي تحضري حفل يوم خمسة فبراير معانا لو كنتي موجودة الي ألان بنيويورك
العنوان موجود في نفس البوست
لك الشكر
Post: #72 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 02-02-2010, 05:51 PM Parent: #68
كوستاوي
سلام ياعمدة البلاد السمحة الاسمها ( كوستانطون )
طبعا لفت نظرك الوسامة والبدل الابهه والكرفتات الما خمج (عيني باردة علي عمر وماهر )
دا كلو يعني عايز تشوفو وين غير نيويورك ما تقول لي كنت بتحلم بالاناقة دي تستصحب المطربين والفرقة الموسيقية
لمل ينووا عمل حفلات عندكم ( والله دا في الخيال ما تلم فيه )
دي نظرية لآزم كل انسان ينسجم مع المكان واهلو قدر المستطاع
وانا عندي ليك حل وقبل كدا قلتو ليك اركب الدرب متوجها لمدينة الجمال نيويورك ونعمل اية لا نملك الا ان نرحب بك
ما تنسي سلم علي اوباما
وزيد من الحقارة شوية وكتر الافراح علّيّ~
نشوفك ما تنسي ولا تضيع الفرصة
Post: #71 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 02-02-2010, 05:39 PM Parent: #67
الاخ مجدي احمد الشيخ
تحياتي
تشكر علي المرور والبشمهندس بكري دائما يستحق منا التقدير والثناء
مودتي لكما معا
ربنا يوفق الجميع
Post: #74 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: وليد عبد اللطيف Date: 02-02-2010, 06:33 PM Parent: #71
Quote: اذن عمر احساس وليد دارفور عبر كوستي نرسل التحية لزوجتك العزيزة ابنة كوستي والتي وثقت ارتباطك بكوستي
الاعلامية القديرة بتنا احسان عبد المتعال ياخي الواحد يشوفك يتذكر ايام الجامعة والروابط وتعالي احكي ليك بمناسبة كوستي والله ذكرتيني زواج الفنان عمر احساس المهم في عام85م او 86م تقريبا كنا معسكرين مع نادي الاتحاد البحراوي وكنا معسكرين في فندق (تبيدي ) حاجة بالشكل ده ويازولة سمعنا ليك في المعسكر اليوم زواج الفنان عمر احساس انتظرنا الليل وعملنا انسحاب تكتيكي من المعسكر انا ومعي بعض اللاعبين وعزمنا نفسنا وتعالي شوفي الهجيج والزمن داك اخوك لاعب صغير وجديد في النادي عشان كده دخلت المعسكر 2.5 صباحا اما قُدام اللاعبين دخلوا المعسكر 6 صباحا ياالله يا احسان ايام جميلة والله وناس جميلين كانوا معنا وناس كوستي اكرمونا وتحياتي للعريس الفنان (عمر احساس ) وياريت تسامحنا على التطفل يوم زواجك وعزمنا نفسنا
بالجنبة كوستاوي ده حاقد على جيرانكم ناس حلفاية الملوك وشغال للاخوان بكري ومجدي الشيخ بالله احكي ليهو عن ناس الحلفاية شوية الف تحية ليك ولكوستاوي ولكل الزوار
Post: #75 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: Dania Elmaki Date: 02-03-2010, 04:27 AM Parent: #74
Quote: الاخت العزيزة دانيه المكي
كيفك ومرحب بيك في بوست حفل نيويورك وحبابك الف
متفقة مع كوستاوي في وصفه لنيويورك بنقول ليك كتر خيرك
صور الحفل كلها موجودة مع كوستاوي ( اصحي يا بريش )
لكن لتقديرنا ليك نعمل حفل ثاني وح تلاقي صورو هنا يوم السبن بمشيئة الله
رايك اية تجي تحضري حفل يوم خمسة فبراير معانا لو كنتي موجودة الي ألان بنيويورك
العنوان موجود في نفس البوست
لك الشكر
أحسان انا نيويوركيه حتى النخاع, نيويورك و مانهاتان مرتع الصبا و الطفوله و الله فرجينيا و واشنطن ديل جيتهم في الجامعه و من ديك و عيك. و كل كم شهر لازم ازور نيويورك انشاء الله يوم بس اتمشى في مانهاتن. شكرا على الدعوه و يا ريت لو الواحد قدر يحضر.
كوستاوي كده زعلت مننا ناس نيويورك؟ لكن بيني و بينكم كده حاره علينا ما في فنان قبل كده جانا من الاقاليم عشان كده اعذرونا و عمر احساس عملتها فينا. :)
Post: #77 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 02-03-2010, 05:06 AM Parent: #75
Dania Elmaki
اهلين وسهلين
منورانا - عاد يا دانية انتي نيويوركيه كيفن بتتفقي مع كوستاوي
عشان ما بتشبهيه بنقول ليك سماح لكن جيتك منتظرنها وما متنازلين عنها
والي اللقاء امسية الجمعة بمشيئة الله
Post: #76 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 02-03-2010, 05:02 AM Parent: #74
الاخ العزيز وليد عبد اللطيف
يا حليلكم وحليل ايام الجامعة ورابطة بحري وناس الشعبية ومن قبل وبعد زملائي واخواني رابطة شمبات
كيفك يا وليد بقينا كل واحد في بلد في مشارق الارض ومغاربها ربنا يرجعنا لبلدنا
مداخلتك جميلة ذكرتني اعزاء لا ينمحوا عن الذاكرة ابدا
وكمان اعدت للفنان الجميل عمر احساس ذكريات حبيبة الي نفسة زواجه والاميرة زوجته ( يقوم يدخل البوست يعملها لينا بكاء ودموع )
ناس كوستي كلهم جميلين ووجوهم منورة وابتسامتهم عذبة بالله في اروع من الاستاذين ماهر وعثمان فن وذوق وتعامل راقي
ناس كوستاوي ديل لازم يكونو موجودين عشان يكفوا العين
بالله مش كدا يا وليد
المره الجاية حاول تجي اجازة من السعودية لنيويورك
كن بعافية وسلام
Post: #78 Title: Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر Author: إحسان عبدالمتعال أحمد Date: 02-05-2010, 02:57 PM Parent: #76